Om oversættelsen: Septuaginta er den græske tradition — den som Helligånden foretrækker. Der er tusinder af afvigelser mellem Septuaginta og den jødiske teksttradition, som "vi" følger her i Vesten.
Teksten er i græske bogstaver med Unicode. Hvis man foretrækker danske bogstaver, anbefales parallelsiden: Ruths Bog.
1 και εγενετο εν τω κρινειν τους κριτας και εγενετο λιμος εν τη γη και επορευθη ανηρ απο Βαιθλεεμ της Ιουδα του παροικησαι εν αγρω Μωαβ αυτος και η γυνη αυτου και οι υιοι αυτου
2 και ονομα τω ανδρι Αβιμελεχ και ονομα τη γυναικι αυτου Νωεμιν και ονομα τοις δυσιν υιοις αυτου Μααλων και Χελαιων Εφραθαιοι εκ Βαιθλεεμ της Ιουδα και ηλθοσαν εις αγρον Μωαβ και ησαν εκει
3 και απεθανεν Αβιμελεχ ο ανηρ της Νωεμιν και κατελειφθη αυτη και οι δυο υιοι αυτης
4 και ελαβοσαν εαυτοις γυναικας Μωαβιτιδας ονομα τη μια Ορφα και ονομα τη δευτερα Ρουθ και κατωκησαν εκει ως δεκα ετη
5 και απεθανον και γε αμφοτεροι Μααλων και Χελαιων και κατελειφθη η γυνη απο του ανδρος αυτης και απο των δυο υιων αυτης
6 και ανεστη αυτη και αι δυο νυμφαι αυτης και απεστρεψαν εξ αγρου Μωαβ οτι ηκουσαν εν αγρω Μωαβ οτι επεσκεπται κυριος τον λαον αυτου δουναι αυτοις αρτους
7 και εξηλθεν εκ του τοπου ου ην εκει και αι δυο νυμφαι αυτης μετ αυτης και επορευοντο εν τη οδω του επιστρεψαι εις την γην Ιουδα
8 και ειπεν Νωεμιν ταις νυμφαις αυτης πορευεσθε δη αποστραφητε εκαστη εις οικον μητρος αυτης ποιησαι κυριος μεθ υμων ελεος καθως εποιησατε μετα των τεθνηκοτων και μετ εμου
9 δωη κυριος υμιν και ευροιτε αναπαυσιν εκαστη εν οικω ανδρος αυτης και κατεφιλησεν αυτας και επηραν την φωνην αυτων και εκλαυσαν
10 και ειπαν αυτη μετα σου επιστρεφομεν εις τον λαον σου
11 και ειπεν Νωεμιν επιστραφητε δη θυγατερες μου και ινα τι πορευεσθε μετ εμου μη ετι μοι υιοι εν τη κοιλια μου και εσονται υμιν εις ανδρας
12 επιστραφητε δη θυγατερες μου διοτι γεγηρακα του μη ειναι ανδρι οτι ειπα οτι εστιν μοι υποστασις του γενηθηναι με ανδρι και τεξομαι υιους
13 μη αυτους προσδεξεσθε εως ου αδρυνθωσιν η αυτοις κατασχεθησεσθε του μη γενεσθαι ανδρι μη δη θυγατερες μου οτι επικρανθη μοι υπερ υμας οτι εξηλθεν εν εμοι χειρ κυριου
14 και επηραν την φωνην αυτων και εκλαυσαν ετι και κατεφιλησεν Ορφα την πενθεραν αυτης και επεστρεψεν εις τον λαον αυτης Ρουθ δε ηκολουθησεν αυτη
15 και ειπεν Νωεμιν προς Ρουθ ιδου ανεστρεψεν η συννυμφος σου προς λαον αυτης και προς τους θεους αυτης επιστραφητι δη και συ οπισω της συννυμφου σου
16 ειπεν δε Ρουθ μη απαντησαι εμοι του καταλιπειν σε η αποστρεψαι οπισθεν σου οτι συ οπου εαν πορευθης πορευσομαι και ου εαν αυλισθης αυλισθησομαι ο λαος σου λαος μου και ο θεος σου θεος μου
17 και ου εαν αποθανης αποθανουμαι κακει ταφησομαι ταδε ποιησαι μοι κυριος και ταδε προσθειη οτι θανατος διαστελει ανα μεσον εμου και σου
18 ιδουσα δε Νωεμιν οτι κραταιουται αυτη του πορευεσθαι μετ αυτης εκοπασεν του λαλησαι προς αυτην ετι
19 επορευθησαν δε αμφοτεραι εως του παραγενεσθαι αυτας εις Βαιθλεεμ και ηχησεν πασα η πολις επ αυταις και ειπον αυτη εστιν Νωεμιν
20 και ειπεν προς αυτας μη δη καλειτε με Νωεμιν καλεσατε με Πικραν οτι επικρανθη εν εμοι ο ικανος σφοδρα
21 εγω πληρης επορευθην και κενην απεστρεψεν με ο κυριος και ινα τι καλειτε με Νωεμιν και κυριος εταπεινωσεν με και ο ικανος εκακωσεν με
22 και επεστρεψεν Νωεμιν και Ρουθ η Μωαβιτις η νυμφη αυτης επιστρεφουσα εξ αγρου Μωαβ αυται δε παρεγενηθησαν εις Βαιθλεεμ εν αρχη θερισμου κριθων
1 και τη Νωεμιν ανηρ γνωριμος τω ανδρι αυτης ο δε ανηρ δυνατος ισχυι εκ της συγγενειας Αβιμελεχ και ονομα αυτω Βοος
2 και ειπεν Ρουθ η Μωαβιτις προς Νωεμιν πορευθω δη εις αγρον και συναξω εν τοις σταχυσιν κατοπισθεν ου εαν ευρω χαριν εν οφθαλμοις αυτου ειπεν δε αυτη πορευου θυγατερ
3 και επορευθη και συνελεξεν εν τω αγρω κατοπισθεν των θεριζοντων και περιεπεσεν περιπτωματι τη μεριδι του αγρου Βοος του εκ συγγενειας Αβιμελεχ
4 και ιδου Βοος ηλθεν εκ Βαιθλεεμ και ειπεν τοις θεριζουσιν κυριος μεθ υμων και ειπον αυτω ευλογησαι σε κυριος
5 και ειπεν Βοος τω παιδαριω αυτου τω εφεστωτι επι τους θεριζοντας τινος η νεανις αυτη
6 και απεκριθη το παιδαριον το εφεστος επι τους θεριζοντας και ειπεν η παις η Μωαβιτις εστιν η αποστραφεισα μετα Νωεμιν εξ αγρου Μωαβ
7 και ειπεν συλλεξω δη και συναξω εν τοις δραγμασιν οπισθεν των θεριζοντων και ηλθεν και εστη απο πρωιθεν και εως εσπερας ου κατεπαυσεν εν τω αγρω μικρον
8 και ειπεν Βοος προς Ρουθ ουκ ηκουσας θυγατερ μη πορευθης εν αγρω συλλεξαι ετερω και συ ου πορευση εντευθεν ωδε κολληθητι μετα των κορασιων μου
9 οι οφθαλμοι σου εις τον αγρον ου εαν θεριζωσιν και πορευση κατοπισθεν αυτων ιδου ενετειλαμην τοις παιδαριοις του μη αψασθαι σου και ο τι διψησεις και πορευθηση εις τα σκευη και πιεσαι οθεν αν υδρευωνται τα παιδαρια
10 και επεσεν επι προσωπον αυτης και προσεκυνησεν επι την γην και ειπεν προς αυτον τι οτι ευρον χαριν εν οφθαλμοις σου του επιγνωναι με και εγω ειμι ξενη
11 και απεκριθη Βοος και ειπεν αυτη απαγγελια απηγγελη μοι οσα πεποιηκας μετα της πενθερας σου μετα το αποθανειν τον ανδρα σου και πως κατελιπες τον πατερα σου και την μητερα σου και την γην γενεσεως σου και επορευθης προς λαον ον ουκ ηδεις εχθες και τριτης
12 αποτεισαι κυριος την εργασιαν σου και γενοιτο ο μισθος σου πληρης παρα κυριου θεου Ισραηλ προς ον ηλθες πεποιθεναι υπο τας πτερυγας αυτου
13 η δε ειπεν ευροιμι χαριν εν οφθαλμοις σου κυριε οτι παρεκαλεσας με και οτι ελαλησας επι καρδιαν της δουλης σου και ιδου εγω εσομαι ως μια των παιδισκων σου
14 και ειπεν αυτη Βοος ηδη ωρα του φαγειν προσελθε ωδε και φαγεσαι των αρτων και βαψεις τον ψωμον σου εν τω οξει και εκαθισεν Ρουθ εκ πλαγιων των θεριζοντων και εβουνισεν αυτη Βοος αλφιτον και εφαγεν και ενεπλησθη και κατελιπεν
15 και ανεστη του συλλεγειν και ενετειλατο Βοος τοις παιδαριοις αυτου λεγων και γε ανα μεσον των δραγματων συλλεγετω και μη καταισχυνητε αυτην
16 και βασταζοντες βασταξατε αυτη και γε παραβαλλοντες παραβαλειτε αυτη εκ των βεβουνισμενων και αφετε και συλλεξει και ουκ επιτιμησετε αυτη
17 και συνελεξεν εν τω αγρω εως εσπερας και ερραβδισεν α συνελεξεν και εγενηθη ως οιφι κριθων
18 και ηρεν και εισηλθεν εις την πολιν και ειδεν η πενθερα αυτης α συνελεξεν και εξενεγκασα Ρουθ εδωκεν αυτη α κατελιπεν εξ ων ενεπλησθη
19 και ειπεν αυτη η πενθερα αυτης που συνελεξας σημερον και που εποιησας ειη ο επιγνους σε ευλογημενος και απηγγειλεν Ρουθ τη πενθερα αυτης που εποιησεν και ειπεν το ονομα του ανδρος μεθ ου εποιησα σημερον Βοος
20 και ειπεν Νωεμιν τη νυμφη αυτης ευλογητος εστιν τω κυριω οτι ουκ εγκατελιπεν το ελεος αυτου μετα των ζωντων και μετα των τεθνηκοτων και ειπεν αυτη Νωεμιν εγγιζει ημιν ο ανηρ εκ των αγχιστευοντων ημας εστιν
21 και ειπεν Ρουθ προς την πενθεραν αυτης και γε οτι ειπεν προς με μετα των παιδαριων μου προσκολληθητι εως αν τελεσωσιν ολον τον αμητον ος υπαρχει μοι
22 και ειπεν Νωεμιν προς Ρουθ την νυμφην αυτης αγαθον θυγατερ οτι επορευθης μετα των κορασιων αυτου και ουκ απαντησονται σοι εν αγρω ετερω
23 και προσεκολληθη Ρουθ τοις κορασιοις Βοος συλλεγειν εως ου συνετελεσεν τον θερισμον των κριθων και των πυρων και εκαθισεν μετα της πενθερας αυτης
1 ειπεν δε αυτη Νωεμιν η πενθερα αυτης θυγατερ ου μη ζητησω σοι αναπαυσιν ινα ευ γενηται σοι
2 και νυν ουχι Βοος γνωριμος ημων ου ης μετα των κορασιων αυτου ιδου αυτος λικμα τον αλωνα των κριθων ταυτη τη νυκτι
3 συ δε λουση και αλειψη και περιθησεις τον ιματισμον σου επι σεαυτη και αναβηση επι τον αλω μη γνωρισθης τω ανδρι εως ου συντελεσαι αυτον πιειν και φαγειν
4 και εσται εν τω κοιμηθηναι αυτον και γνωση τον τοπον οπου κοιμαται εκει και ελευση και αποκαλυψεις τα προς ποδων αυτου και κοιμηθηση και αυτος απαγγελει σοι α ποιησεις
5 ειπεν δε Ρουθ προς αυτην παντα οσα εαν ειπης ποιησω
6 και κατεβη εις τον αλω και εποιησεν κατα παντα οσα ενετειλατο αυτη η πενθερα αυτης
7 και εφαγεν Βοος και ηγαθυνθη η καρδια αυτου και ηλθεν κοιμηθηναι εν μεριδι της στοιβης η δε ηλθεν κρυφη και απεκαλυψεν τα προς ποδων αυτου
8 εγενετο δε εν τω μεσονυκτιω και εξεστη ο ανηρ και εταραχθη και ιδου γυνη κοιμαται προς ποδων αυτου
9 ειπεν δε τις ει συ η δε ειπεν εγω ειμι Ρουθ η δουλη σου και περιβαλεις το πτερυγιον σου επι την δουλην σου οτι αγχιστευς ει συ
10 και ειπεν Βοος ευλογημενη συ τω κυριω θεω θυγατερ οτι ηγαθυνας το ελεος σου το εσχατον υπερ το πρωτον το μη πορευθηναι σε οπισω νεανιων ειτοι πτωχος ειτοι πλουσιος
11 και νυν θυγατερ μη φοβου παντα οσα εαν ειπης ποιησω σοι οιδεν γαρ πασα φυλη λαου μου οτι γυνη δυναμεως ει συ
12 και οτι αληθως αγχιστευς εγω ειμι και γε εστιν αγχιστευς εγγιων υπερ εμε
13 αυλισθητι την νυκτα και εσται το πρωι εαν αγχιστευση σε αγαθον αγχιστευετω εαν δε μη βουληται αγχιστευσαι σε αγχιστευσω σε εγω ζη κυριος κοιμηθητι εως πρωι
14 και εκοιμηθη προς ποδων αυτου εως πρωι η δε ανεστη προ του επιγνωναι ανδρα τον πλησιον αυτου και ειπεν Βοος μη γνωσθητω οτι ηλθεν γυνη εις τον αλωνα
15 και ειπεν αυτη φερε το περιζωμα το επανω σου και εκρατησεν αυτο και εμετρησεν εξ κριθων και επεθηκεν επ αυτην και εισηλθεν εις την πολιν
16 και Ρουθ εισηλθεν προς την πενθεραν αυτης η δε ειπεν τις ει θυγατερ και ειπεν αυτη παντα οσα εποιησεν αυτη ο ανηρ
17 και ειπεν αυτη τα εξ των κριθων ταυτα εδωκεν μοι οτι ειπεν προς με μη εισελθης κενη προς την πενθεραν σου
18 η δε ειπεν καθου θυγατερ εως του επιγνωναι σε πως ου πεσειται ρημα ου γαρ μη ησυχαση ο ανηρ εως αν τελεση το ρημα σημερον
1 και Βοος ανεβη επι την πυλην και εκαθισεν εκει και ιδου ο αγχιστευτης παρεπορευετο ον ειπεν Βοος και ειπεν προς αυτον Βοος εκκλινας καθισον ωδε κρυφιε και εξεκλινεν και εκαθισεν
2 και ελαβεν Βοος δεκα ανδρας απο των πρεσβυτερων της πολεως και ειπεν καθισατε ωδε και εκαθισαν
3 και ειπεν Βοος τω αγχιστει την μεριδα του αγρου η εστιν του αδελφου ημων του Αβιμελεχ η δεδοται Νωεμιν τη επιστρεφουση εξ αγρου Μωαβ
4 καγω ειπα αποκαλυψω το ους σου λεγων κτησαι εναντιον των καθημενων και εναντιον των πρεσβυτερων του λαου μου ει αγχιστευεις αγχιστευε ει δε μη αγχιστευεις αναγγειλον μοι και γνωσομαι οτι ουκ εστιν παρεξ σου του αγχιστευσαι καγω ειμι μετα σε ο δε ειπεν εγω ειμι αγχιστευσω
5 και ειπεν Βοος εν ημερα του κτησασθαι σε τον αγρον εκ χειρος Νωεμιν και παρα Ρουθ της Μωαβιτιδος γυναικος του τεθνηκοτος και αυτην κτησασθαι σε δει ωστε αναστησαι το ονομα του τεθνηκοτος επι της κληρονομιας αυτου
6 και ειπεν ο αγχιστευς ου δυνησομαι αγχιστευσαι εμαυτω μηποτε διαφθειρω την κληρονομιαν μου αγχιστευσον σεαυτω την αγχιστειαν μου οτι ου δυνησομαι αγχιστευσαι
7 και τουτο το δικαιωμα εμπροσθεν εν τω Ισραηλ επι την αγχιστειαν και επι το ανταλλαγμα του στησαι παν λογον και υπελυετο ο ανηρ το υποδημα αυτου και εδιδου τω πλησιον αυτου τω αγχιστευοντι την αγχιστειαν αυτου και τουτο ην μαρτυριον εν Ισραηλ
8 και ειπεν ο αγχιστευς τω Βοος κτησαι σεαυτω την αγχιστειαν μου και υπελυσατο το υποδημα αυτου και εδωκεν αυτω
9 και ειπεν Βοος τοις πρεσβυτεροις και παντι τω λαω μαρτυρες υμεις σημερον οτι κεκτημαι παντα τα του Αβιμελεχ και παντα οσα υπαρχει τω Χελαιων και τω Μααλων εκ χειρος Νωεμιν
10 και γε Ρουθ την Μωαβιτιν την γυναικα Μααλων κεκτημαι εμαυτω εις γυναικα του αναστησαι το ονομα του τεθνηκοτος επι της κληρονομιας αυτου και ουκ εξολεθρευθησεται το ονομα του τεθνηκοτος εκ των αδελφων αυτου και εκ της φυλης λαου αυτου μαρτυρες υμεις σημερον
11 και ειποσαν πας ο λαος οι εν τη πυλη μαρτυρες και οι πρεσβυτεροι ειποσαν δωη κυριος την γυναικα σου την εισπορευομενην εις τον οικον σου ως Ραχηλ και ως Λειαν αι ωκοδομησαν αμφοτεραι τον οικον Ισραηλ και εποιησαν δυναμιν εν Εφραθα και εσται ονομα εν Βαιθλεεμ
12 και γενοιτο ο οικος σου ως ο οικος Φαρες ον ετεκεν Θαμαρ τω Ιουδα εκ του σπερματος ου δωσει κυριος σοι εκ της παιδισκης ταυτης
13 και ελαβεν Βοος την Ρουθ και εγενηθη αυτω εις γυναικα και εισηλθεν προς αυτην και εδωκεν αυτη κυριος κυησιν και ετεκεν υιον
14 και ειπαν αι γυναικες προς Νωεμιν ευλογητος κυριος ος ου κατελυσε σοι σημερον τον αγχιστεα και καλεσαι το ονομα σου εν Ισραηλ
15 και εσται σοι εις επιστρεφοντα ψυχην και του διαθρεψαι την πολιαν σου οτι η νυμφη σου η αγαπησασα σε ετεκεν αυτον η εστιν αγαθη σοι υπερ επτα υιους
16 και ελαβεν Νωεμιν το παιδιον και εθηκεν εις τον κολπον αυτης και εγενηθη αυτω εις τιθηνον
17 και εκαλεσαν αυτου αι γειτονες ονομα λεγουσαι ετεχθη υιος τη Νωεμιν και εκαλεσαν το ονομα αυτου Ωβηδ ουτος πατηρ Ιεσσαι πατρος Δαυιδ
18 και αυται αι γενεσεις Φαρες Φαρες εγεννησεν τον Εσρων
19 Εσρων δε εγεννησεν τον Αρραν και Αρραν εγεννησεν τον Αμιναδαβ
20 και Αμιναδαβ εγεννησεν τον Ναασσων και Ναασσων εγεννησεν τον Σαλμαν
21 και Σαλμαν εγεννησεν τον Βοος και Βοος εγεννησεν τον Ωβηδ
22 και Ωβηδ εγεννησεν τον Ιεσσαι και Ιεσσαι εγεννησεν τον Δαυιδ