Septuaginta

Josva / Iêsous Nauê / Ιησους Ναυη

Om oversættelsen: Septuaginta er den græske tradition — den som Helligånden foretrækker. Der er tusinder af afvigelser mellem Septuaginta og den jødiske teksttradition, som "vi" følger her i Vesten.

Teksten er i græske bogstaver med Unicode. Hvis man foretrækker danske bogstaver, anbefales parallelsiden: Josva.

Kapitler: 1 2 3 4 5 6 7 8 9 10 11 12 13 14 15 16 17 18 19 20 21 22 23 24

Kapitel 1

1 και εγενετο μετα την τελευτην Μωυση ειπεν κυριος τω Ιησοι υιω Ναυη τω υπουργω Μωυση λεγων
2 Μωυσης ο θεραπων μου τετελευτηκεν νυν ουν αναστας διαβηθι τον Ιορδανην συ και πας ο λαος ουτος εις την γην ην εγω διδωμι αυτοις
3 πας ο τοπος εφ ον αν επιβητε τω ιχνει των ποδων υμων υμιν δωσω αυτον ον τροπον ειρηκα τω Μωυση
4 την ερημον και τον Αντιλιβανον εως του ποταμου του μεγαλου ποταμου Ευφρατου και εως της θαλασσης της εσχατης αφ ηλιου δυσμων εσται τα ορια υμων
5 ουκ αντιστησεται ανθρωπος κατενωπιον υμων πασας τας ημερας της ζωης σου και ωσπερ ημην μετα Μωυση ουτως εσομαι και μετα σου και ουκ εγκαταλειψω σε ουδε υπεροψομαι σε
6 ισχυε και ανδριζου συ γαρ αποδιαστελεις τω λαω τουτω την γην ην ωμοσα τοις πατρασιν υμων δουναι αυτοις
7 ισχυε ουν και ανδριζου φυλασσεσθαι και ποιειν καθοτι ενετειλατο σοι Μωυσης ο παις μου και ουκ εκκλινεις απ αυτων εις δεξια ουδε εις αριστερα ινα συνης εν πασιν οις εαν πρασσης
8 και ουκ αποστησεται η βιβλος του νομου τουτου εκ του στοματος σου και μελετησεις εν αυτω ημερας και νυκτος ινα συνης ποιειν παντα τα γεγραμμενα τοτε ευοδωθηση και ευοδωσεις τας οδους σου και τοτε συνησεις
9 ιδου εντεταλμαι σοι ισχυε και ανδριζου μη δειλιασης μηδε φοβηθης οτι μετα σου κυριος ο θεος σου εις παντα ου εαν πορευη
10 και ενετειλατο Ιησους τοις γραμματευσιν του λαου λεγων
11 εισελθατε κατα μεσον της παρεμβολης του λαου και εντειλασθε τω λαω λεγοντες ετοιμαζεσθε επισιτισμον οτι ετι τρεις ημεραι και υμεις διαβαινετε τον Ιορδανην τουτον εισελθοντες κατασχειν την γην ην κυριος ο θεος των πατερων υμων διδωσιν υμιν
12 και τω Ρουβην και τω Γαδ και τω ημισει φυλης Μανασση ειπεν Ιησους
13 μνησθητε το ρημα κυριου ο ενετειλατο υμιν Μωυσης ο παις κυριου λεγων κυριος ο θεος υμων κατεπαυσεν υμας και εδωκεν υμιν την γην ταυτην
14 αι γυναικες υμων και τα παιδια υμων και τα κτηνη υμων κατοικειτωσαν εν τη γη η εδωκεν υμιν υμεις δε διαβησεσθε ευζωνοι προτεροι των αδελφων υμων πας ο ισχυων και συμμαχησετε αυτοις
15 εως αν καταπαυση κυριος ο θεος υμων τους αδελφους υμων ωσπερ και υμας και κληρονομησωσιν και ουτοι την γην ην κυριος ο θεος ημων διδωσιν αυτοις και απελευσεσθε εκαστος εις την κληρονομιαν αυτου ην δεδωκεν υμιν Μωυσης εις το περαν του Ιορδανου απ ανατολων ηλιου
16 και αποκριθεντες τω Ιησοι ειπαν παντα οσα αν εντειλη ημιν ποιησομεν και εις παντα τοπον ου εαν αποστειλης ημας πορευσομεθα
17 κατα παντα οσα ηκουσαμεν Μωυση ακουσομεθα σου πλην εστω κυριος ο θεος ημων μετα σου ον τροπον ην μετα Μωυση
18 ο δε ανθρωπος ος εαν απειθηση σοι και οστις μη ακουση των ρηματων σου καθοτι αν αυτω εντειλη αποθανετω αλλα ισχυε και ανδριζου

Kapitel 2

1 και απεστειλεν Ιησους υιος Ναυη εκ Σαττιν δυο νεανισκους κατασκοπευσαι λεγων αναβητε και ιδετε την γην και την Ιεριχω και πορευθεντες εισηλθοσαν οι δυο νεανισκοι εις Ιεριχω και εισηλθοσαν εις οικιαν γυναικος πορνης η ονομα Ρααβ και κατελυσαν εκει
2 και απηγγελη τω βασιλει Ιεριχω λεγοντες εισπεπορευνται ωδε ανδρες των υιων Ισραηλ κατασκοπευσαι την γην
3 και απεστειλεν ο βασιλευς Ιεριχω και ειπεν προς Ρααβ λεγων εξαγαγε τους ανδρας τους εισπεπορευμενους εις την οικιαν σου την νυκτα κατασκοπευσαι γαρ την γην ηκασιν
4 και λαβουσα η γυνη τους ανδρας εκρυψεν αυτους και ειπεν αυτοις λεγουσα εισεληλυθασιν προς με οι ανδρες
5 ως δε η πυλη εκλειετο εν τω σκοτει και οι ανδρες εξηλθον ουκ επισταμαι που πεπορευνται καταδιωξατε οπισω αυτων ει καταλημψεσθε αυτους
6 αυτη δε ανεβιβασεν αυτους επι το δωμα και εκρυψεν αυτους εν τη λινοκαλαμη τη εστοιβασμενη αυτη επι του δωματος
7 και οι ανδρες κατεδιωξαν οπισω αυτων οδον την επι του Ιορδανου επι τας διαβασεις και η πυλη εκλεισθη και εγενετο ως εξηλθοσαν οι διωκοντες οπισω αυτων
8 και αυτοι δε πριν η κοιμηθηναι αυτους και αυτη ανεβη επι το δωμα προς αυτους
9 και ειπεν προς αυτους επισταμαι οτι δεδωκεν υμιν κυριος την γην επιπεπτωκεν γαρ ο φοβος υμων εφ ημας
10 ακηκοαμεν γαρ οτι κατεξηρανεν κυριος ο θεος την ερυθραν θαλασσαν απο προσωπου υμων οτε εξεπορευεσθε εκ γης Αιγυπτου και οσα εποιησεν τοις δυσι βασιλευσιν των Αμορραιων οι ησαν περαν του Ιορδανου τω Σηων και Ωγ ους εξωλεθρευσατε αυτους
11 και ακουσαντες ημεις εξεστημεν τη καρδια ημων και ουκ εστη ετι πνευμα εν ουδενι ημων απο προσωπου υμων οτι κυριος ο θεος υμων θεος εν ουρανω ανω και επι της γης κατω
12 και νυν ομοσατε μοι κυριον τον θεον οτι ποιω υμιν ελεος και ποιησετε και υμεις ελεος εν τω οικω του πατρος μου
13 και ζωγρησετε τον οικον του πατρος μου και την μητερα μου και τους αδελφους μου και παντα τον οικον μου και παντα οσα εστιν αυτοις και εξελεισθε την ψυχην μου εκ θανατου
14 και ειπαν αυτη οι ανδρες η ψυχη ημων ανθ υμων εις θανατον και αυτη ειπεν ως αν παραδω κυριος υμιν την πολιν ποιησετε εις εμε ελεος και αληθειαν
15 και κατεχαλασεν αυτους δια της θυριδος
16 και ειπεν αυτοις εις την ορεινην απελθετε μη συναντησωσιν υμιν οι καταδιωκοντες και κρυβησεσθε εκει τρεις ημερας εως αν αποστρεψωσιν οι καταδιωκοντες οπισω υμων και μετα ταυτα απελευσεσθε εις την οδον υμων
17 και ειπαν οι ανδρες προς αυτην αθωοι εσμεν τω ορκω σου τουτω
18 ιδου ημεις εισπορευομεθα εις μερος της πολεως και θησεις το σημειον το σπαρτιον το κοκκινον τουτο εκδησεις εις την θυριδα δι ης κατεβιβασας ημας δι αυτης τον δε πατερα σου και την μητερα σου και τους αδελφους σου και παντα τον οικον του πατρος σου συναξεις προς σεαυτην εις την οικιαν σου
19 και εσται πας ος αν εξελθη την θυραν της οικιας σου εξω ενοχος εαυτω εσται ημεις δε αθωοι τω ορκω σου τουτω και οσοι εαν γενωνται μετα σου εν τη οικια σου ημεις ενοχοι εσομεθα
20 εαν δε τις ημας αδικηση η και αποκαλυψη τους λογους ημων τουτους εσομεθα αθωοι τω ορκω σου τουτω
21 και ειπεν αυτοις κατα το ρημα υμων ουτως εστω και εξαπεστειλεν αυτους
22 και επορευθησαν και ηλθοσαν εις την ορεινην και κατεμειναν εκει τρεις ημερας και εξεζητησαν οι καταδιωκοντες πασας τας οδους και ουχ ευροσαν
23 και υπεστρεψαν οι δυο νεανισκοι και κατεβησαν εκ του ορους και διεβησαν προς Ιησουν υιον Ναυη και διηγησαντο αυτω παντα τα συμβεβηκοτα αυτοις
24 και ειπαν προς Ιησουν οτι παρεδωκεν κυριος πασαν την γην εν χειρι ημων και κατεπτηκεν πας ο κατοικων την γην εκεινην αφ ημων

Kapitel 3

1 και ωρθρισεν Ιησους το πρωι και απηραν εκ Σαττιν και ηλθοσαν εως του Ιορδανου και κατελυσαν εκει προ του διαβηναι
2 και εγενετο μετα τρεις ημερας διηλθον οι γραμματεις δια της παρεμβολης
3 και ενετειλαντο τω λαω λεγοντες οταν ιδητε την κιβωτον της διαθηκης κυριου του θεου ημων και τους ιερεις ημων και τους Λευιτας αιροντας αυτην απαρειτε απο των τοπων υμων και πορευεσθε οπισω αυτης
4 αλλα μακραν εστω ανα μεσον υμων και εκεινης οσον δισχιλιους πηχεις στησεσθε μη προσεγγισητε αυτη ιν επιστησθε την οδον ην πορευεσθε αυτην ου γαρ πεπορευσθε την οδον απ εχθες και τριτης ημερας
5 και ειπεν Ιησους τω λαω αγνισασθε εις αυριον οτι αυριον ποιησει εν υμιν κυριος θαυμαστα
6 και ειπεν Ιησους τοις ιερευσιν αρατε την κιβωτον της διαθηκης κυριου και προπορευεσθε του λαου και ηραν οι ιερεις την κιβωτον της διαθηκης κυριου και επορευοντο εμπροσθεν του λαου
7 και ειπεν κυριος προς Ιησουν εν τη ημερα ταυτη αρχομαι υψωσαι σε κατενωπιον παντων υιων Ισραηλ ινα γνωσιν καθοτι ημην μετα Μωυση ουτως εσομαι και μετα σου
8 και νυν εντειλαι τοις ιερευσιν τοις αιρουσιν την κιβωτον της διαθηκης λεγων ως αν εισελθητε επι μερους του υδατος του Ιορδανου και εν τω Ιορδανη στησεσθε
9 και ειπεν Ιησους τοις υιοις Ισραηλ προσαγαγετε ωδε και ακουσατε το ρημα κυριου του θεου ημων
10 εν τουτω γνωσεσθε οτι θεος ζων εν υμιν και ολεθρευων ολεθρευσει απο προσωπου ημων τον Χαναναιον και τον Χετταιον και τον Φερεζαιον και τον Ευαιον και τον Αμορραιον και τον Γεργεσαιον και τον Ιεβουσαιον
11 ιδου η κιβωτος διαθηκης κυριου πασης της γης διαβαινει τον Ιορδανην
12 προχειρισασθε υμιν δωδεκα ανδρας απο των υιων Ισραηλ ενα αφ εκαστης φυλης
13 και εσται ως αν καταπαυσωσιν οι ποδες των ιερεων των αιροντων την κιβωτον της διαθηκης κυριου πασης της γης εν τω υδατι του Ιορδανου το υδωρ του Ιορδανου εκλειψει το δε υδωρ το καταβαινον στησεται
14 και απηρεν ο λαος εκ των σκηνωματων αυτων διαβηναι τον Ιορδανην οι δε ιερεις ηροσαν την κιβωτον της διαθηκης κυριου προτεροι του λαου
15 ως δε εισεπορευοντο οι ιερεις οι αιροντες την κιβωτον της διαθηκης επι τον Ιορδανην και οι ποδες των ιερεων των αιροντων την κιβωτον της διαθηκης κυριου εβαφησαν εις μερος του υδατος του Ιορδανου ο δε Ιορδανης επληρου καθ ολην την κρηπιδα αυτου ωσει ημεραι θερισμου πυρων
16 και εστη τα υδατα τα καταβαινοντα ανωθεν εστη πηγμα εν αφεστηκος μακραν σφοδρα σφοδρως εως μερους Καριαθιαριμ το δε καταβαινον κατεβη εις την θαλασσαν Αραβα θαλασσαν αλος εως εις το τελος εξελιπεν και ο λαος ειστηκει απεναντι Ιεριχω
17 και εστησαν οι ιερεις οι αιροντες την κιβωτον της διαθηκης κυριου επι ξηρας εν μεσω του Ιορδανου και παντες οι υιοι Ισραηλ διεβαινον δια ξηρας εως συνετελεσεν πας ο λαος διαβαινων τον Ιορδανην

Kapitel 4

1 και επει συνετελεσεν πας ο λαος διαβαινων τον Ιορδανην και ειπεν κυριος τω Ιησοι λεγων
2 παραλαβων ανδρας απο του λαου ενα αφ εκαστης φυλης
3 συνταξον αυτοις λεγων ανελεσθε εκ μεσου του Ιορδανου ετοιμους δωδεκα λιθους και τουτους διακομισαντες αμα υμιν αυτοις θετε αυτους εν τη στρατοπεδεια υμων ου εαν παρεμβαλητε εκει την νυκτα
4 και ανακαλεσαμενος Ιησους δωδεκα ανδρας των ενδοξων απο των υιων Ισραηλ ενα αφ εκαστης φυλης
5 ειπεν αυτοις προσαγαγετε εμπροσθεν μου προ προσωπου κυριου εις μεσον του Ιορδανου και ανελομενος εκειθεν εκαστος λιθον αρατω επι των ωμων αυτου κατα τον αριθμον των δωδεκα φυλων του Ισραηλ
6 ινα υπαρχωσιν υμιν ουτοι εις σημειον κειμενον δια παντος ινα οταν ερωτα σε ο υιος σου αυριον λεγων τι εισιν οι λιθοι ουτοι υμιν
7 και συ δηλωσεις τω υιω σου λεγων οτι εξελιπεν ο Ιορδανης ποταμος απο προσωπου κιβωτου διαθηκης κυριου πασης της γης ως διεβαινεν αυτον και εσονται οι λιθοι ουτοι υμιν μνημοσυνον τοις υιοις Ισραηλ εως του αιωνος
8 και εποιησαν ουτως οι υιοι Ισραηλ καθοτι ενετειλατο κυριος τω Ιησοι και λαβοντες δωδεκα λιθους εκ μεσου του Ιορδανου καθαπερ συνεταξεν κυριος τω Ιησοι εν τη συντελεια της διαβασεως των υιων Ισραηλ και διεκομισαν αμα εαυτοις εις την παρεμβολην και απεθηκαν εκει
9 εστησεν δε Ιησους και αλλους δωδεκα λιθους εν αυτω τω Ιορδανη εν τω γενομενω τοπω υπο τους ποδας των ιερεων των αιροντων την κιβωτον της διαθηκης κυριου και εισιν εκει εως της σημερον ημερας
10 ειστηκεισαν δε οι ιερεις οι αιροντες την κιβωτον της διαθηκης εν τω Ιορδανη εως ου συνετελεσεν Ιησους παντα α ενετειλατο κυριος αναγγειλαι τω λαω και εσπευσεν ο λαος και διεβησαν
11 και εγενετο ως συνετελεσεν πας ο λαος διαβηναι και διεβη η κιβωτος της διαθηκης κυριου και οι λιθοι εμπροσθεν αυτων
12 και διεβησαν οι υιοι Ρουβην και οι υιοι Γαδ και οι ημισεις φυλης Μανασση διεσκευασμενοι εμπροσθεν των υιων Ισραηλ καθαπερ ενετειλατο αυτοις Μωυσης
13 τετρακισμυριοι ευζωνοι εις μαχην διεβησαν εναντιον κυριου εις πολεμον προς την Ιεριχω πολιν
14 εν εκεινη τη ημερα ηυξησεν κυριος τον Ιησουν εναντιον παντος του γενους Ισραηλ και εφοβουντο αυτον ωσπερ Μωυσην οσον χρονον εζη
15 και ειπεν κυριος τω Ιησοι λεγων
16 εντειλαι τοις ιερευσιν τοις αιρουσιν την κιβωτον της διαθηκης του μαρτυριου κυριου εκβηναι εκ του Ιορδανου
17 και ενετειλατο Ιησους τοις ιερευσιν λεγων εκβητε εκ του Ιορδανου
18 και εγενετο ως εξεβησαν οι ιερεις οι αιροντες την κιβωτον της διαθηκης κυριου εκ του Ιορδανου και εθηκαν τους ποδας επι της γης ωρμησεν το υδωρ του Ιορδανου κατα χωραν και επορευετο καθα εχθες και τριτην ημεραν δι ολης της κρηπιδος
19 και ο λαος ανεβη εκ του Ιορδανου δεκατη του μηνος του πρωτου και κατεστρατοπεδευσαν οι υιοι Ισραηλ εν Γαλγαλοις κατα μερος το προς ηλιου ανατολας απο της Ιεριχω
20 και τους δωδεκα λιθους τουτους ους ελαβεν εκ του Ιορδανου εστησεν Ιησους εν Γαλγαλοις
21 λεγων οταν ερωτωσιν υμας οι υιοι υμων λεγοντες τι εισιν οι λιθοι ουτοι
22 αναγγειλατε τοις υιοις υμων οτι επι ξηρας διεβη Ισραηλ τον Ιορδανην
23 αποξηραναντος κυριου του θεου ημων το υδωρ του Ιορδανου εκ του εμπροσθεν αυτων μεχρι ου διεβησαν καθαπερ εποιησεν κυριος ο θεος ημων την ερυθραν θαλασσαν ην απεξηρανεν κυριος ο θεος ημων εμπροσθεν ημων εως παρηλθομεν
24 οπως γνωσιν παντα τα εθνη της γης οτι η δυναμις του κυριου ισχυρα εστιν και ινα υμεις σεβησθε κυριον τον θεον υμων εν παντι χρονω

Kapitel 5

1 και εγενετο ως ηκουσαν οι βασιλεις των Αμορραιων οι ησαν περαν του Ιορδανου και οι βασιλεις της Φοινικης οι παρα την θαλασσαν οτι απεξηρανεν κυριος ο θεος τον Ιορδανην ποταμον εκ των εμπροσθεν των υιων Ισραηλ εν τω διαβαινειν αυτους και ετακησαν αυτων αι διανοιαι και κατεπλαγησαν και ουκ ην εν αυτοις φρονησις ουδεμια απο προσωπου των υιων Ισραηλ
2 υπο δε τουτον τον καιρον ειπεν κυριος τω Ιησοι ποιησον σεαυτω μαχαιρας πετρινας εκ πετρας ακροτομου και καθισας περιτεμε τους υιους Ισραηλ
3 και εποιησεν Ιησους μαχαιρας πετρινας ακροτομους και περιετεμεν τους υιους Ισραηλ επι του καλουμενου τοπου Βουνος των ακροβυστιων
4 ον δε τροπον περιεκαθαρεν Ιησους τους υιους Ισραηλ οσοι ποτε εγενοντο εν τη οδω και οσοι ποτε απεριτμητοι ησαν των εξεληλυθοτων εξ Αιγυπτου
5 παντας τουτους περιετεμεν Ιησους
6 τεσσαρακοντα γαρ και δυο ετη ανεστραπται Ισραηλ εν τη ερημω τη Μαδβαριτιδι διο απεριτμητοι ησαν οι πλειστοι αυτων των μαχιμων των εξεληλυθοτων εκ γης Αιγυπτου οι απειθησαντες των εντολων του θεου οις και διωρισεν μη ιδειν αυτους την γην ην ωμοσεν κυριος τοις πατρασιν αυτων δουναι ημιν γην ρεουσαν γαλα και μελι
7 αντι δε τουτων αντικατεστησεν τους υιους αυτων ους Ιησους περιετεμεν δια το αυτους γεγενησθαι κατα την οδον απεριτμητους
8 περιτμηθεντες δε ησυχιαν ειχον αυτοθι καθημενοι εν τη παρεμβολη εως υγιασθησαν
9 και ειπεν κυριος τω Ιησοι υιω Ναυη εν τη σημερον ημερα αφειλον τον ονειδισμον Αιγυπτου αφ υμων και εκαλεσεν το ονομα του τοπου εκεινου Γαλγαλα
10 και εποιησαν οι υιοι Ισραηλ το πασχα τη τεσσαρεσκαιδεκατη ημερα του μηνος απο εσπερας επι δυσμων Ιεριχω εν τω περαν του Ιορδανου εν τω πεδιω
11 και εφαγοσαν απο του σιτου της γης αζυμα και νεα εν ταυτη τη ημερα
12 εξελιπεν το μαννα μετα το βεβρωκεναι αυτους εκ του σιτου της γης και ουκετι υπηρχεν τοις υιοις Ισραηλ μαννα εκαρπισαντο δε την χωραν των Φοινικων εν τω ενιαυτω εκεινω
13 και εγενετο ως ην Ιησους εν Ιεριχω και αναβλεψας τοις οφθαλμοις ειδεν ανθρωπον εστηκοτα εναντιον αυτου και η ρομφαια εσπασμενη εν τη χειρι αυτου και προσελθων Ιησους ειπεν αυτω ημετερος ει η των υπεναντιων
14 ο δε ειπεν αυτω εγω αρχιστρατηγος δυναμεως κυριου νυνι παραγεγονα και Ιησους επεσεν επι προσωπον επι την γην και ειπεν αυτω δεσποτα τι προστασσεις τω σω οικετη
15 και λεγει ο αρχιστρατηγος κυριου προς Ιησουν λυσαι το υποδημα εκ των ποδων σου ο γαρ τοπος εφ ω συ εστηκας αγιος εστιν

Kapitel 6

1 και Ιεριχω συγκεκλεισμενη και ωχυρωμενη και ουθεις εξεπορευετο εξ αυτης ουδε εισεπορευετο
2 και ειπεν κυριος προς Ιησουν ιδου εγω παραδιδωμι υποχειριον σου την Ιεριχω και τον βασιλεα αυτης τον εν αυτη δυνατους οντας εν ισχυι
3 συ δε περιστησον αυτη τους μαχιμους κυκλω
4 και εσται ως αν σαλπισητε τη σαλπιγγι ανακραγετω πας ο λαος αμα
5 και ανακραγοντων αυτων πεσειται αυτοματα τα τειχη της πολεως και εισελευσεται πας ο λαος ορμησας εκαστος κατα προσωπον εις την πολιν
6 και εισηλθεν Ιησους ο του Ναυη προς τους ιερεις
7 και ειπεν αυτοις λεγων παραγγειλατε τω λαω περιελθειν και κυκλωσαι την πολιν και οι μαχιμοι παραπορευεσθωσαν ενωπλισμενοι εναντιον κυριου
8 και επτα ιερεις εχοντες επτα σαλπιγγας ιερας παρελθετωσαν ωσαυτως εναντιον του κυριου και σημαινετωσαν ευτονως και η κιβωτος της διαθηκης κυριου επακολουθειτω
9 οι δε μαχιμοι εμπροσθεν παραπορευεσθωσαν και οι ιερεις οι ουραγουντες οπισω της κιβωτου της διαθηκης κυριου πορευομενοι και σαλπιζοντες
10 τω δε λαω ενετειλατο Ιησους λεγων μη βοατε μηδε ακουσατω μηθεις υμων την φωνην εως αν ημεραν αυτος διαγγειλη αναβοησαι και τοτε αναβοησετε
11 και περιελθουσα η κιβωτος της διαθηκης του θεου την πολιν ευθεως απηλθεν εις την παρεμβολην και εκοιμηθη εκει
12 και τη ημερα τη δευτερα ανεστη Ιησους το πρωι και ηραν οι ιερεις την κιβωτον της διαθηκης κυριου
13 και οι επτα ιερεις οι φεροντες τας σαλπιγγας τας επτα προεπορευοντο εναντιον κυριου και μετα ταυτα εισεπορευοντο οι μαχιμοι και ο λοιπος οχλος οπισθε της κιβωτου της διαθηκης κυριου και οι ιερεις εσαλπισαν ταις σαλπιγξι και ο λοιπος οχλος απας περιεκυκλωσε την πολιν εγγυθεν
14 και απηλθεν παλιν εις την παρεμβολην ουτως εποιει επι εξ ημερας
15 και τη ημερα τη εβδομη ανεστησαν ορθρου και περιηλθοσαν την πολιν εξακις
16 και τη περιοδω τη εβδομη εσαλπισαν οι ιερεις και ειπεν Ιησους τοις υιοις Ισραηλ κεκραξατε παρεδωκεν γαρ κυριος υμιν την πολιν
17 και εσται η πολις αναθεμα αυτη και παντα οσα εστιν εν αυτη κυριω σαβαωθ πλην Ρααβ την πορνην περιποιησασθε αυτην και οσα εστιν εν τω οικω αυτης
18 αλλα υμεις φυλαξασθε σφοδρα απο του αναθεματος μηποτε ενθυμηθεντες υμεις αυτοι λαβητε απο του αναθεματος και ποιησητε την παρεμβολην των υιων Ισραηλ αναθεμα και εκτριψητε ημας
19 και παν αργυριον η χρυσιον η χαλκος η σιδηρος αγιον εσται τω κυριω εις θησαυρον κυριου εισενεχθησεται
20 και εσαλπισαν ταις σαλπιγξιν οι ιερεις ως δε ηκουσεν ο λαος την φωνην των σαλπιγγων ηλαλαξεν πας ο λαος αμα αλαλαγμω μεγαλω και ισχυρω και επεσεν απαν το τειχος κυκλω και ανεβη πας ο λαος εις την πολιν
21 και ανεθεματισεν αυτην Ιησους και οσα ην εν τη πολει απο ανδρος και εως γυναικος απο νεανισκου και εως πρεσβυτου και εως μοσχου και υποζυγιου εν στοματι ρομφαιας
22 και τοις δυσιν νεανισκοις τοις κατασκοπευσασιν ειπεν Ιησους εισελθατε εις την οικιαν της γυναικος και εξαγαγετε αυτην εκειθεν και οσα εστιν αυτη
23 και εισηλθον οι δυο νεανισκοι οι κατασκοπευσαντες την πολιν εις την οικιαν της γυναικος και εξηγαγοσαν Ρααβ την πορνην και τον πατερα αυτης και την μητερα αυτης και τους αδελφους αυτης και παντα οσα ην αυτη και πασαν την συγγενειαν αυτης και κατεστησαν αυτην εξω της παρεμβολης Ισραηλ
24 και η πολις ενεπρησθη εμπυρισμω συν πασιν τοις εν αυτη πλην αργυριου και χρυσιου και χαλκου και σιδηρου εδωκαν εις θησαυρον κυριου εισενεχθηναι
25 και Ρααβ την πορνην και παντα τον οικον τον πατρικον αυτης εζωγρησεν Ιησους και κατωκησεν εν τω Ισραηλ εως της σημερον ημερας διοτι εκρυψεν τους κατασκοπευσαντας ους απεστειλεν Ιησους κατασκοπευσαι την Ιεριχω
26 και ωρκισεν Ιησους εν τη ημερα εκεινη εναντιον κυριου λεγων επικαταρατος ο ανθρωπος ος οικοδομησει την πολιν εκεινην εν τω πρωτοτοκω αυτου θεμελιωσει αυτην και εν τω ελαχιστω αυτου επιστησει τας πυλας αυτης και ουτως εποιησεν Οζαν ο εκ Βαιθηλ εν τω Αβιρων τω πρωτοτοκω εθεμελιωσεν αυτην και εν τω ελαχιστω διασωθεντι επεστησεν τας πυλας αυτης
27 και ην κυριος μετα Ιησου και ην το ονομα αυτου κατα πασαν την γην

Kapitel 7

1 και επλημμελησαν οι υιοι Ισραηλ πλημμελειαν μεγαλην και ενοσφισαντο απο του αναθεματος και ελαβεν Αχαρ υιος Χαρμι υιου Ζαμβρι υιου Ζαρα εκ της φυλης Ιουδα απο του αναθεματος και εθυμωθη οργη κυριος τοις υιοις Ισραηλ
2 και απεστειλεν Ιησους ανδρας εις Γαι η εστιν κατα Βαιθηλ λεγων κατασκεψασθε την Γαι και ανεβησαν οι ανδρες και κατεσκεψαντο την Γαι
3 και ανεστρεψαν προς Ιησουν και ειπαν προς αυτον μη αναβητω πας ο λαος αλλ ως δισχιλιοι η τρισχιλιοι ανδρες αναβητωσαν και εκπολιορκησατωσαν την πολιν μη αναγαγης εκει τον λαον παντα ολιγοι γαρ εισιν
4 και ανεβησαν ωσει τρισχιλιοι ανδρες και εφυγον απο προσωπου των ανδρων Γαι
5 και απεκτειναν απ αυτων ανδρες Γαι εις τριακοντα και εξ ανδρας και κατεδιωξαν αυτους απο της πυλης και συνετριψαν αυτους επι του καταφερους και επτοηθη η καρδια του λαου και εγενετο ωσπερ υδωρ
6 και διερρηξεν Ιησους τα ιματια αυτου και επεσεν Ιησους επι την γην επι προσωπον εναντιον κυριου εως εσπερας αυτος και οι πρεσβυτεροι Ισραηλ και επεβαλοντο χουν επι τας κεφαλας αυτων
7 και ειπεν Ιησους δεομαι κυριε ινα τι διεβιβασεν ο παις σου τον λαον τουτον τον Ιορδανην παραδουναι αυτον τω Αμορραιω απολεσαι ημας και ει κατεμειναμεν και κατωκισθημεν παρα τον Ιορδανην
8 και τι ερω επει μετεβαλεν Ισραηλ αυχενα απεναντι του εχθρου αυτου
9 και ακουσας ο Χαναναιος και παντες οι κατοικουντες την γην περικυκλωσουσιν ημας και εκτριψουσιν ημας απο της γης και τι ποιησεις το ονομα σου το μεγα
10 και ειπεν κυριος προς Ιησουν αναστηθι ινα τι τουτο συ πεπτωκας επι προσωπον σου
11 ημαρτηκεν ο λαος και παρεβη την διαθηκην ην διεθεμην προς αυτους και κλεψαντες απο του αναθεματος ενεβαλον εις τα σκευη αυτων
12 ου μη δυνωνται οι υιοι Ισραηλ υποστηναι κατα προσωπον των εχθρων αυτων αυχενα επιστρεψουσιν εναντι των εχθρων αυτων οτι εγενηθησαν αναθεμα ου προσθησω ετι ειναι μεθ υμων εαν μη εξαρητε το αναθεμα εξ υμων αυτων
13 αναστας αγιασον τον λαον και ειπον αγιασθηναι εις αυριον ταδε λεγει κυριος ο θεος Ισραηλ το αναθεμα εν υμιν εστιν ου δυνησεσθε αντιστηναι απεναντι των εχθρων υμων εως αν εξαρητε το αναθεμα εξ υμων
14 και συναχθησεσθε παντες το πρωι κατα φυλας και εσται η φυλη ην αν δειξη κυριος προσαξετε κατα δημους και τον δημον ον εαν δειξη κυριος προσαξετε κατ οικον και τον οικον ον εαν δειξη κυριος προσαξετε κατ ανδρα
15 και ος αν ενδειχθη κατακαυθησεται εν πυρι και παντα οσα εστιν αυτω οτι παρεβη την διαθηκην κυριου και εποιησεν ανομημα εν Ισραηλ
16 και ωρθρισεν Ιησους και προσηγαγεν τον λαον κατα φυλας και ενεδειχθη η φυλη Ιουδα
17 και προσηχθη κατα δημους και ενεδειχθη δημος ο Ζαραι και προσηχθη κατα ανδρα
18 και ενεδειχθη Αχαρ υιος Ζαμβρι υιου Ζαρα
19 και ειπεν Ιησους τω Αχαρ δος δοξαν σημερον τω κυριω θεω Ισραηλ και δος την εξομολογησιν και αναγγειλον μοι τι εποιησας και μη κρυψης απ εμου
20 και απεκριθη Αχαρ τω Ιησοι και ειπεν αληθως ημαρτον εναντιον κυριου θεου Ισραηλ ουτως και ουτως εποιησα
21 ειδον εν τη προνομη ψιλην ποικιλην καλην και διακοσια διδραχμα αργυριου και γλωσσαν μιαν χρυσην πεντηκοντα διδραχμων και ενθυμηθεις αυτων ελαβον και ιδου αυτα εγκεκρυπται εν τη γη εν τη σκηνη μου και το αργυριον κεκρυπται υποκατω αυτων
22 και απεστειλεν Ιησους αγγελους και εδραμον εις την σκηνην εις την παρεμβολην και ταυτα ην εγκεκρυμμενα εις την σκηνην και το αργυριον υποκατω αυτων
23 και εξηνεγκαν αυτα εκ της σκηνης και ηνεγκαν προς Ιησουν και τους πρεσβυτερους Ισραηλ και εθηκαν αυτα εναντι κυριου
24 και ελαβεν Ιησους τον Αχαρ υιον Ζαρα και ανηγαγεν αυτον εις φαραγγα Αχωρ και τους υιους αυτου και τας θυγατερας αυτου και τους μοσχους αυτου και τα υποζυγια αυτου και παντα τα προβατα αυτου και την σκηνην αυτου και παντα τα υπαρχοντα αυτου και πας ο λαος μετ αυτου και ανηγαγεν αυτους εις Εμεκαχωρ
25 και ειπεν Ιησους τω Αχαρ τι ωλεθρευσας ημας εξολεθρευσαι σε κυριος καθα και σημερον και ελιθοβολησαν αυτον λιθοις πας Ισραηλ
26 και επεστησαν αυτω σωρον λιθων μεγαν και επαυσατο κυριος του θυμου της οργης δια τουτο επωνομασεν αυτο Εμεκαχωρ εως της ημερας ταυτης

Kapitel 8

1 και ειπεν κυριος προς Ιησουν μη φοβηθης μηδε δειλιασης λαβε μετα σου τους ανδρας παντας τους πολεμιστας και αναστας αναβηθι εις Γαι ιδου δεδωκα εις τας χειρας σου τον βασιλεα Γαι και την γην αυτου
2 και ποιησεις την Γαι ον τροπον εποιησας την Ιεριχω και τον βασιλεα αυτης και την προνομην των κτηνων προνομευσεις σεαυτω καταστησον δε σεαυτω ενεδρα τη πολει εις τα οπισω
3 και ανεστη Ιησους και πας ο λαος ο πολεμιστης ωστε αναβηναι εις Γαι επελεξεν δε Ιησους τριακοντα χιλιαδας ανδρων δυνατους εν ισχυι και απεστειλεν αυτους νυκτος
4 και ενετειλατο αυτοις λεγων υμεις ενεδρευσατε οπισω της πολεως μη μακραν γινεσθε απο της πολεως και εσεσθε παντες ετοιμοι
5 και εγω και παντες οι μετ εμου προσαξομεν προς την πολιν και εσται ως αν εξελθωσιν οι κατοικουντες Γαι εις συναντησιν ημιν καθαπερ και πρωην και φευξομεθα απο προσωπου αυτων
6 και ως αν εξελθωσιν οπισω ημων αποσπασομεν αυτους απο της πολεως και ερουσιν φευγουσιν ουτοι απο προσωπου ημων ον τροπον και εμπροσθεν
7 υμεις δε εξαναστησεσθε εκ της ενεδρας και πορευσεσθε εις την πολιν
8 κατα το ρημα τουτο ποιησετε ιδου εντεταλμαι υμιν
9 και απεστειλεν αυτους Ιησους και επορευθησαν εις την ενεδραν και ενεκαθισαν ανα μεσον Βαιθηλ και ανα μεσον Γαι απο θαλασσης της Γαι
10 και ορθρισας Ιησους το πρωι επεσκεψατο τον λαον και ανεβησαν αυτος και οι πρεσβυτεροι κατα προσωπον του λαου επι Γαι
11 και πας ο λαος ο πολεμιστης μετ αυτου ανεβησαν και πορευομενοι ηλθον εξ εναντιας της πολεως απ ανατολων
12 και τα ενεδρα της πολεως απο θαλασσης
13
14 και εγενετο ως ειδεν βασιλευς Γαι εσπευσεν και εξηλθεν εις συναντησιν αυτοις επ ευθειας εις τον πολεμον αυτος και πας ο λαος ο μετ αυτου και αυτος ουκ ηδει οτι ενεδρα αυτω εστιν οπισω της πολεως
15 και ειδεν και ανεχωρησεν Ιησους και Ισραηλ απο προσωπου αυτων
16 και κατεδιωξαν οπισω των υιων Ισραηλ και αυτοι απεστησαν απο της πολεως
17 ου κατελειφθη ουθεις εν τη Γαι ος ου κατεδιωξεν οπισω Ισραηλ και κατελιπον την πολιν ανεωγμενην και κατεδιωξαν οπισω Ισραηλ
18 και ειπεν κυριος προς Ιησουν εκτεινον την χειρα σου εν τω γαισω τω εν τη χειρι σου επι την πολιν εις γαρ τας χειρας σου παραδεδωκα αυτην και τα ενεδρα εξαναστησονται εν ταχει εκ του τοπου αυτων και εξετεινεν Ιησους την χειρα αυτου τον γαισον επι την πολιν
19 και τα ενεδρα εξανεστησαν εν ταχει εκ του τοπου αυτων και εξηλθοσαν οτε εξετεινεν την χειρα και ηλθοσαν επι την πολιν και κατελαβοντο αυτην και σπευσαντες ενεπρησαν την πολιν εν πυρι
20 και περιβλεψαντες οι κατοικοι Γαι εις τα οπισω αυτων και εθεωρουν καπνον αναβαινοντα εκ της πολεως εις τον ουρανον και ουκετι ειχον που φυγωσιν ωδε η ωδε
21 και Ιησους και πας Ισραηλ ειδον οτι ελαβον τα ενεδρα την πολιν και οτι ανεβη ο καπνος της πολεως εις τον ουρανον και μεταβαλομενοι επαταξαν τους ανδρας της Γαι
22 και ουτοι εξηλθοσαν εκ της πολεως εις συναντησιν και εγενηθησαν ανα μεσον της παρεμβολης ουτοι εντευθεν και ουτοι εντευθεν και επαταξαν εως του μη καταλειφθηναι αυτων σεσωσμενον και διαπεφευγοτα
23 και τον βασιλεα της Γαι συνελαβον ζωντα και προσηγαγον αυτον προς Ιησουν
24 και ως επαυσαντο οι υιοι Ισραηλ αποκτεννοντες παντας τους εν τη Γαι τους εν τοις πεδιοις και εν τω ορει επι της καταβασεως ου κατεδιωξαν αυτους απ αυτης εις τελος και απεστρεψεν Ιησους εις Γαι και επαταξεν αυτην εν στοματι ρομφαιας
25 και εγενηθησαν οι πεσοντες εν τη ημερα εκεινη απο ανδρος και εως γυναικος δωδεκα χιλιαδες παντας τους κατοικουντας Γαι
26
27 πλην των κτηνων και των σκυλων των εν τη πολει παντα α επρονομευσαν οι υιοι Ισραηλ κατα προσταγμα κυριου ον τροπον συνεταξεν κυριος τω Ιησοι
28 και ενεπυρισεν Ιησους την πολιν εν πυρι χωμα αοικητον εις τον αιωνα εθηκεν αυτην εως της ημερας ταυτης
29 και τον βασιλεα της Γαι εκρεμασεν επι ξυλου διδυμου και ην επι του ξυλου εως εσπερας και επιδυνοντος του ηλιου συνεταξεν Ιησους και καθειλοσαν αυτου το σωμα απο του ξυλου και ερριψαν αυτον εις τον βοθρον και επεστησαν αυτω σωρον λιθων εως της ημερας ταυτης

Kapitel 9

1 ως δ ηκουσαν οι βασιλεις των Αμορραιων οι εν τω περαν του Ιορδανου οι εν τη ορεινη και οι εν τη πεδινη και οι εν παση τη παραλια της θαλασσης της μεγαλης και οι προς τω Αντιλιβανω και οι Χετταιοι και οι Χαναναιοι και οι Φερεζαιοι και οι Ευαιοι και οι Αμορραιοι και οι Γεργεσαιοι και οι Ιεβουσαιοι
2 συνηλθοσαν επι το αυτο εκπολεμησαι Ιησουν και Ισραηλ αμα παντες
3 και οι κατοικουντες Γαβαων ηκουσαν παντα οσα εποιησεν κυριος τη Ιεριχω και τη Γαι
4 και εποιησαν και γε αυτοι μετα πανουργιας και ελθοντες επεσιτισαντο και ητοιμασαντο και λαβοντες σακκους παλαιους επι των ονων αυτων και ασκους οινου παλαιους και κατερρωγοτας αποδεδεμενους
5 και τα κοιλα των υποδηματων αυτων και τα σανδαλια αυτων παλαια και καταπεπελματωμενα εν τοις ποσιν αυτων και τα ιματια αυτων πεπαλαιωμενα επανω αυτων και ο αρτος αυτων του επισιτισμου ξηρος και ευρωτιων και βεβρωμενος
6 και ηλθοσαν προς Ιησουν εις την παρεμβολην Ισραηλ εις Γαλγαλα και ειπαν προς Ιησουν και Ισραηλ εκ γης μακροθεν ηκαμεν και νυν διαθεσθε ημιν διαθηκην
7 και ειπαν οι υιοι Ισραηλ προς τον Χορραιον ορα μη εν εμοι κατοικεις και πως σοι διαθωμαι διαθηκην
8 και ειπαν προς Ιησουν οικεται σου εσμεν και ειπεν προς αυτους Ιησους ποθεν εστε και ποθεν παραγεγονατε
9 και ειπαν εκ γης μακροθεν σφοδρα ηκασιν οι παιδες σου εν ονοματι κυριου του θεου σου ακηκοαμεν γαρ το ονομα αυτου και οσα εποιησεν εν Αιγυπτω
10 και οσα εποιησεν τοις βασιλευσιν των Αμορραιων οι ησαν περαν του Ιορδανου τω Σηων βασιλει Εσεβων και τω Ωγ βασιλει της Βασαν ος κατωκει εν Ασταρωθ και εν Εδραιν
11 και ακουσαντες ειπαν προς ημας οι πρεσβυτεροι ημων και παντες οι κατοικουντες την γην ημων λεγοντες λαβετε εαυτοις επισιτισμον εις την οδον και πορευθητε εις συναντησιν αυτων και ερειτε προς αυτους οικεται σου εσμεν και νυν διαθεσθε ημιν διαθηκην
12 ουτοι οι αρτοι θερμους εφωδιασθημεν αυτους εν τη ημερα η εξηλθομεν παραγενεσθαι προς υμας νυν δε εξηρανθησαν και γεγονασιν βεβρωμενοι
13 και ουτοι οι ασκοι του οινου ους επλησαμεν καινους και ουτοι ερρωγασιν και τα ιματια ημων και τα υποδηματα ημων πεπαλαιωται απο της πολλης οδου σφοδρα
14 και ελαβον οι αρχοντες του επισιτισμου αυτων και κυριον ουκ επηρωτησαν
15 και εποιησεν Ιησους προς αυτους ειρηνην και διεθετο προς αυτους διαθηκην του διασωσαι αυτους και ωμοσαν αυτοις οι αρχοντες της συναγωγης
16 και εγενετο μετα τρεις ημερας μετα το διαθεσθαι προς αυτους διαθηκην ηκουσαν οτι εγγυθεν αυτων εισιν και οτι εν αυτοις κατοικουσιν
17 και απηραν οι υιοι Ισραηλ και ηλθον εις τας πολεις αυτων αι δε πολεις αυτων Γαβαων και Κεφιρα και Βηρωθ και πολις Ιαριν
18 και ουκ εμαχεσαντο αυτοις οι υιοι Ισραηλ οτι ωμοσαν αυτοις παντες οι αρχοντες κυριον τον θεον Ισραηλ και διεγογγυσαν πασα η συναγωγη επι τοις αρχουσιν
19 και ειπαν οι αρχοντες παση τη συναγωγη ημεις ωμοσαμεν αυτοις κυριον τον θεον Ισραηλ και νυν ου δυνησομεθα αψασθαι αυτων
20 τουτο ποιησομεν ζωγρησαι αυτους και περιποιησομεθα αυτους και ουκ εσται καθ ημων οργη δια τον ορκον ον ωμοσαμεν αυτοις
21 ζησονται και εσονται ξυλοκοποι και υδροφοροι παση τη συναγωγη καθαπερ ειπαν αυτοις οι αρχοντες
22 και συνεκαλεσεν αυτους Ιησους και ειπεν αυτοις δια τι παρελογισασθε με λεγοντες μακραν απο σου εσμεν σφοδρα υμεις δε εγχωριοι εστε των κατοικουντων εν ημιν
23 και νυν επικαταρατοι εστε ου μη εκλιπη εξ υμων δουλος ουδε ξυλοκοπος εμοι και τω θεω μου
24 και απεκριθησαν τω Ιησοι λεγοντες ανηγγελη ημιν οσα συνεταξεν κυριος ο θεος σου Μωυση τω παιδι αυτου δουναι υμιν την γην ταυτην και εξολεθρευσαι ημας και παντας τους κατοικουντας επ αυτης απο προσωπου υμων και εφοβηθημεν σφοδρα περι των ψυχων ημων απο προσωπου υμων και εποιησαμεν το πραγμα τουτο
25 και νυν ιδου ημεις υποχειριοι υμιν ως αρεσκει υμιν και ως δοκει υμιν ποιησατε ημιν
26 και εποιησαν αυτοις ουτως και εξειλατο αυτους Ιησους εν τη ημερα εκεινη εκ χειρων υιων Ισραηλ και ουκ ανειλον αυτους
27 και κατεστησεν αυτους Ιησους εν τη ημερα εκεινη ξυλοκοπους και υδροφορους παση τη συναγωγη και τω θυσιαστηριω του θεου δια τουτο εγενοντο οι κατοικουντες Γαβαων ξυλοκοποι και υδροφοροι του θυσιαστηριου του θεου εως της σημερον ημερας και εις τον τοπον ον εαν εκλεξηται κυριος

Kapitel 10

1 ως δε ηκουσεν Αδωνιβεζεκ βασιλευς Ιερουσαλημ οτι ελαβεν Ιησους την Γαι και εξωλεθρευσεν αυτην ον τροπον εποιησαν την Ιεριχω και τον βασιλεα αυτης ουτως εποιησαν την Γαι και τον βασιλεα αυτης και οτι αυτομολησαν οι κατοικουντες Γαβαων προς Ιησουν και προς Ισραηλ
2 και εφοβηθησαν εν αυτοις σφοδρα ηδει γαρ οτι μεγαλη πολις Γαβαων ωσει μια των μητροπολεων και παντες οι ανδρες αυτης ισχυροι
3 και απεστειλεν Αδωνιβεζεκ βασιλευς Ιερουσαλημ προς Αιλαμ βασιλεα Χεβρων και προς Φιδων βασιλεα Ιεριμουθ και προς Ιεφθα βασιλεα Λαχις και προς Δαβιρ βασιλεα Οδολλαμ λεγων
4 δευτε αναβητε προς με και βοηθησατε μοι και εκπολεμησωμεν Γαβαων αυτομολησαν γαρ προς Ιησουν και προς τους υιους Ισραηλ
5 και ανεβησαν οι πεντε βασιλεις των Ιεβουσαιων βασιλευς Ιερουσαλημ και βασιλευς Χεβρων και βασιλευς Ιεριμουθ και βασιλευς Λαχις και βασιλευς Οδολλαμ αυτοι και πας ο λαος αυτων και περιεκαθισαν την Γαβαων και εξεπολιορκουν αυτην
6 και απεστειλαν οι κατοικουντες Γαβαων προς Ιησουν εις την παρεμβολην Ισραηλ εις Γαλγαλα λεγοντες μη εκλυσης τας χειρας σου απο των παιδων σου αναβηθι προς ημας το ταχος και εξελου ημας και βοηθησον ημιν οτι συνηγμενοι εισιν εφ ημας παντες οι βασιλεις των Αμορραιων οι κατοικουντες την ορεινην
7 και ανεβη Ιησους εκ Γαλγαλων αυτος και πας ο λαος ο πολεμιστης μετ αυτου πας δυνατος εν ισχυι
8 και ειπεν κυριος προς Ιησουν μη φοβηθης αυτους εις γαρ τας χειρας σου παραδεδωκα αυτους ουχ υπολειφθησεται εξ αυτων ουθεις ενωπιον υμων
9 και επιπαρεγενετο επ αυτους Ιησους αφνω ολην την νυκτα εισεπορευθη εκ Γαλγαλων
10 και εξεστησεν αυτους κυριος απο προσωπου των υιων Ισραηλ και συνετριψεν αυτους κυριος συντριψιν μεγαλην εν Γαβαων και κατεδιωξαν αυτους οδον αναβασεως Ωρωνιν και κατεκοπτον αυτους εως Αζηκα και εως Μακηδα
11 εν τω δε φευγειν αυτους απο προσωπου των υιων Ισραηλ επι της καταβασεως Ωρωνιν και κυριος επερριψεν αυτοις λιθους χαλαζης εκ του ουρανου εως Αζηκα και εγενοντο πλειους οι αποθανοντες δια τους λιθους της χαλαζης η ους απεκτειναν οι υιοι Ισραηλ μαχαιρα εν τω πολεμω
12 τοτε ελαλησεν Ιησους προς κυριον η ημερα παρεδωκεν ο θεος τον Αμορραιον υποχειριον Ισραηλ ηνικα συνετριψεν αυτους εν Γαβαων και συνετριβησαν απο προσωπου υιων Ισραηλ και ειπεν Ιησους στητω ο ηλιος κατα Γαβαων και η σεληνη κατα φαραγγα Αιλων
13 και εστη ο ηλιος και η σεληνη εν στασει εως ημυνατο ο θεος τους εχθρους αυτων και εστη ο ηλιος κατα μεσον του ουρανου ου προεπορευετο εις δυσμας εις τελος ημερας μιας
14 και ουκ εγενετο ημερα τοιαυτη ουδε το προτερον ουδε το εσχατον ωστε επακουσαι θεον ανθρωπου οτι κυριος συνεπολεμησεν τω Ισραηλ
15
16 και εφυγον οι πεντε βασιλεις ουτοι και κατεκρυβησαν εις το σπηλαιον το εν Μακηδα
17 και απηγγελη τω Ιησου λεγοντες ευρηνται οι πεντε βασιλεις κεκρυμμενοι εν τω σπηλαιω τω εν Μακηδα
18 και ειπεν Ιησους κυλισατε λιθους επι το στομα του σπηλαιου και καταστησατε ανδρας φυλασσειν επ αυτους
19 υμεις δε μη εστηκατε καταδιωκοντες οπισω των εχθρων υμων και καταλαβετε την ουραγιαν αυτων και μη αφητε εισελθειν εις τας πολεις αυτων παρεδωκεν γαρ αυτους κυριος ο θεος ημων εις τας χειρας ημων
20 και εγενετο ως κατεπαυσεν Ιησους και πας υιος Ισραηλ κοπτοντες αυτους κοπην μεγαλην σφοδρα εως εις τελος και οι διασωζομενοι διεσωθησαν εις τας πολεις τας οχυρας
21 και απεστραφη πας ο λαος προς Ιησουν εις Μακηδα υγιεις και ουκ εγρυξεν ουθεις των υιων Ισραηλ τη γλωσση αυτου
22 και ειπεν Ιησους ανοιξατε το σπηλαιον και εξαγαγετε τους πεντε βασιλεις τουτους εκ του σπηλαιου
23 και εξηγαγοσαν τους πεντε βασιλεις εκ του σπηλαιου τον βασιλεα Ιερουσαλημ και τον βασιλεα Χεβρων και τον βασιλεα Ιεριμουθ και τον βασιλεα Λαχις και τον βασιλεα Οδολλαμ
24 και επει εξηγαγον αυτους προς Ιησουν και συνεκαλεσεν Ιησους παντα Ισραηλ και τους εναρχομενους του πολεμου τους συμπορευομενους αυτω λεγων αυτοις προπορευεσθε και επιθετε τους ποδας υμων επι τους τραχηλους αυτων και προσελθοντες επεθηκαν τους ποδας αυτων επι τους τραχηλους αυτων
25 και ειπεν προς αυτους Ιησους μη φοβηθητε αυτους μηδε δειλιασητε ανδριζεσθε και ισχυετε οτι ουτως ποιησει κυριος πασι τοις εχθροις υμων ους υμεις καταπολεμειτε αυτους
26 και απεκτεινεν αυτους Ιησους και εκρεμασεν αυτους επι πεντε ξυλων και ησαν κρεμαμενοι επι των ξυλων εως εσπερας
27 και εγενηθη προς ηλιου δυσμας ενετειλατο Ιησους και καθειλον αυτους απο των ξυλων και ερριψαν αυτους εις το σπηλαιον εις ο κατεφυγοσαν εκει και επεκυλισαν λιθους επι το σπηλαιον εως της σημερον ημερας
28 και την Μακηδα ελαβοσαν εν τη ημερα εκεινη και εφονευσαν αυτην εν στοματι ξιφους και εξωλεθρευσαν παν εμπνεον εν αυτη και ου κατελειφθη εν αυτη ουδεις διασεσωσμενος και διαπεφευγως και εποιησαν τω βασιλει Μακηδα ον τροπον εποιησαν τω βασιλει Ιεριχω
29 και απηλθεν Ιησους και πας Ισραηλ μετ αυτου εκ Μακηδα εις Λεβνα και επολιορκει Λεβνα
30 και παρεδωκεν αυτην κυριος εις χειρας Ισραηλ και ελαβον αυτην και τον βασιλεα αυτης και εφονευσαν αυτην εν στοματι ξιφους και παν εμπνεον εν αυτη και ου κατελειφθη εν αυτη ουδε εις διασεσωσμενος και διαπεφευγως και εποιησαν τω βασιλει αυτης ον τροπον εποιησαν τω βασιλει Ιεριχω
31 και απηλθεν Ιησους και πας Ισραηλ μετ αυτου εκ Λεβνα εις Λαχις και περιεκαθισεν αυτην και επολιορκει αυτην
32 και παρεδωκεν κυριος την Λαχις εις τας χειρας Ισραηλ και ελαβεν αυτην εν τη ημερα τη δευτερα και εφονευσαν αυτην εν στοματι ξιφους και εξωλεθρευσαν αυτην ον τροπον εποιησαν την Λεβνα
33 τοτε ανεβη Αιλαμ βασιλευς Γαζερ βοηθησων τη Λαχις και επαταξεν αυτον Ιησους εν στοματι ξιφους και τον λαον αυτου εως του μη καταλειφθηναι αυτων σεσωσμενον και διαπεφευγοτα
34 και απηλθεν Ιησους και πας Ισραηλ μετ αυτου εκ Λαχις εις Οδολλαμ και περιεκαθισεν αυτην και επολιορκησεν αυτην
35 και παρεδωκεν αυτην κυριος εν χειρι Ισραηλ και ελαβεν αυτην εν τη ημερα εκεινη και εφονευσεν αυτην εν στοματι ξιφους και παν εμπνεον εν αυτη εφονευσαν ον τροπον εποιησαν τη Λαχις
36 και απηλθεν Ιησους και πας Ισραηλ μετ αυτου εις Χεβρων και περιεκαθισεν αυτην
37 και επαταξεν αυτην εν στοματι ξιφους και παν εμπνεον οσα ην εν αυτη ουκ ην διασεσωσμενος ον τροπον εποιησαν την Οδολλαμ εξωλεθρευσαν αυτην και οσα ην εν αυτη
38 και απεστρεψεν Ιησους και πας Ισραηλ εις Δαβιρ και περικαθισαντες αυτην
39 ελαβον αυτην και τον βασιλεα αυτης και τας κωμας αυτης και επαταξαν αυτην εν στοματι ξιφους και εξωλεθρευσαν αυτην και παν εμπνεον εν αυτη και ου κατελιπον αυτη ουδενα διασεσωσμενον ον τροπον εποιησαν την Χεβρων και τω βασιλει αυτης ουτως εποιησαν τη Δαβιρ και τω βασιλει αυτης
40 και επαταξεν Ιησους πασαν την γην της ορεινης και την Ναγεβ και την πεδινην και την Ασηδωθ και τους βασιλεις αυτης ου κατελιπον αυτων σεσωσμενον και παν εμπνεον ζωης εξωλεθρευσεν ον τροπον ενετειλατο κυριος ο θεος Ισραηλ
41 απο Καδης Βαρνη εως Γαζης πασαν την Γοσομ εως της Γαβαων
42 και παντας τους βασιλεις αυτων και την γην αυτων επαταξεν Ιησους εις απαξ οτι κυριος ο θεος Ισραηλ συνεπολεμει τω Ισραηλ

Kapitel 11

1 ως δε ηκουσεν Ιαβιν βασιλευς Ασωρ απεστειλεν προς Ιωβαβ βασιλεα Μαρρων και προς βασιλεα Συμοων και προς βασιλεα Αζιφ
2 και προς τους βασιλεις τους κατα Σιδωνα την μεγαλην εις την ορεινην και εις την Ραβα απεναντι Κενερωθ και εις το πεδιον και εις Ναφεδδωρ
3 και εις τους παραλιους Χαναναιους απο ανατολων και εις τους παραλιους Αμορραιους και Ευαιους και Ιεβουσαιους και Φερεζαιους τους εν τω ορει και τους Χετταιους τους υπο την Αερμων εις γην Μασσηφα
4 και εξηλθον αυτοι και οι βασιλεις αυτων μετ αυτων ωσπερ η αμμος της θαλασσης τω πληθει και ιπποι και αρματα πολλα σφοδρα
5 και συνηλθον παντες οι βασιλεις ουτοι και παρεγενοντο επι το αυτο και παρενεβαλον επι του υδατος Μαρρων πολεμησαι τον Ισραηλ
6 και ειπεν κυριος προς Ιησουν μη φοβηθης απο προσωπου αυτων οτι αυριον ταυτην την ωραν εγω παραδιδωμι τετροπωμενους αυτους εναντιον του Ισραηλ τους ιππους αυτων νευροκοπησεις και τα αρματα αυτων κατακαυσεις εν πυρι
7 και ηλθεν Ιησους και πας ο λαος ο πολεμιστης επ αυτους επι το υδωρ Μαρρων εξαπινα και επεπεσαν επ αυτους εν τη ορεινη
8 και παρεδωκεν αυτους κυριος υποχειριους Ισραηλ και κοπτοντες αυτους κατεδιωκον εως Σιδωνος της μεγαλης και εως Μασερων και εως των πεδιων Μασσωχ κατ ανατολας και κατεκοψαν αυτους εως του μη καταλειφθηναι αυτων διασεσωσμενον
9 και εποιησεν αυτοις Ιησους ον τροπον ενετειλατο αυτω κυριος τους ιππους αυτων ενευροκοπησεν και τα αρματα αυτων ενεπρησεν εν πυρι
10 και απεστραφη Ιησους εν τω καιρω εκεινω και κατελαβετο Ασωρ και τον βασιλεα αυτης ην δε Ασωρ το προτερον αρχουσα πασων των βασιλειων τουτων
11 και απεκτειναν παν εμπνεον εν αυτη εν ξιφει και εξωλεθρευσαν παντας και ου κατελειφθη εν αυτη εμπνεον και την Ασωρ ενεπρησαν εν πυρι
12 και πασας τας πολεις των βασιλεων και τους βασιλεις αυτων ελαβεν Ιησους και ανειλεν αυτους εν στοματι ξιφους και εξωλεθρευσαν αυτους ον τροπον συνεταξεν Μωυσης ο παις κυριου
13 αλλα πασας τας πολεις τας κεχωματισμενας ουκ ενεπρησεν Ισραηλ πλην Ασωρ μονην ενεπρησεν Ιησους
14 και παντα τα σκυλα αυτης επρονομευσαν εαυτοις οι υιοι Ισραηλ αυτους δε παντας εξωλεθρευσαν εν στοματι ξιφους εως απωλεσεν αυτους ου κατελιπον εξ αυτων ουδε εν εμπνεον
15 ον τροπον συνεταξεν κυριος τω Μωυση τω παιδι αυτου και Μωυσης ωσαυτως ενετειλατο τω Ιησοι και ουτως εποιησεν Ιησους ου παρεβη ουδεν απο παντων ων συνεταξεν αυτω Μωυσης
16 και ελαβεν Ιησους πασαν την γην την ορεινην και πασαν την Ναγεβ και πασαν την γην Γοσομ και την πεδινην και την προς δυσμαις και το ορος Ισραηλ και τα ταπεινα
17 τα προς τω ορει απο ορους Αχελ και ο προσαναβαινει εις Σηιρ και εως Βααλγαδ και τα πεδια του Λιβανου υπο το ορος το Αερμων και παντας τους βασιλεις αυτων ελαβεν και ανειλεν αυτους και απεκτεινεν
18 και πλειους ημερας εποιησεν Ιησους προς τους βασιλεις τουτους τον πολεμον
19 και ουκ ην πολις ην ουκ ελαβεν Ισραηλ παντα ελαβοσαν εν πολεμω
20 οτι δια κυριου εγενετο κατισχυσαι αυτων την καρδιαν συνανταν εις πολεμον προς Ισραηλ ινα εξολεθρευθωσιν οπως μη δοθη αυτοις ελεος αλλ ινα εξολεθρευθωσιν ον τροπον ειπεν κυριος προς Μωυσην
21 και ηλθεν Ιησους εν τω καιρω εκεινω και εξωλεθρευσεν τους Ενακιμ εκ της ορεινης εκ Χεβρων και εκ Δαβιρ και εξ Αναβωθ και εκ παντος γενους Ισραηλ και εκ παντος ορους Ιουδα συν ταις πολεσιν αυτων και εξωλεθρευσεν αυτους Ιησους
22 ου κατελειφθη των Ενακιμ απο των υιων Ισραηλ αλλα πλην εν Γαζη και εν Γεθ και εν Ασεδωθ κατελειφθη
23 και ελαβεν Ιησους πασαν την γην καθοτι ενετειλατο κυριος τω Μωυση και εδωκεν αυτους Ιησους εν κληρονομια Ισραηλ εν μερισμω κατα φυλας αυτων και η γη κατεπαυσεν πολεμουμενη

Kapitel 12

1 και ουτοι οι βασιλεις της γης ους ανειλον οι υιοι Ισραηλ και κατεκληρονομησαν την γην αυτων περαν του Ιορδανου αφ ηλιου ανατολων απο φαραγγος Αρνων εως του ορους Αερμων και πασαν την γην Αραβα απ ανατολων
2 Σηων τον βασιλεα των Αμορραιων ος κατωκει εν Εσεβων κυριευων απο Αροηρ η εστιν εν τη φαραγγι κατα μερος της φαραγγος και το ημισυ της Γαλααδ εως Ιαβοκ ορια υιων Αμμων
3 και Αραβα εως της θαλασσης Χενερεθ κατ ανατολας και εως της θαλασσης Αραβα θαλασσαν των αλων απο ανατολων οδον την κατα Ασιμωθ απο Θαιμαν την υπο Ασηδωθ Φασγα
4 και Ωγ βασιλευς Βασαν υπελειφθη εκ των γιγαντων ο κατοικων εν Ασταρωθ και εν Εδραιν
5 αρχων απο ορους Αερμων και απο Σελχα και πασαν την Βασαν εως οριων Γεσουρι και την Μαχατι και το ημισυ Γαλααδ οριων Σηων βασιλεως Εσεβων
6 Μωυσης ο παις κυριου και οι υιοι Ισραηλ επαταξαν αυτους και εδωκεν αυτην Μωυσης εν κληρονομια Ρουβην και Γαδ και τω ημισει φυλης Μανασση
7 και ουτοι οι βασιλεις των Αμορραιων ους ανειλεν Ιησους και οι υιοι Ισραηλ εν τω περαν του Ιορδανου παρα θαλασσαν Βααλγαδ εν τω πεδιω του Λιβανου και εως του ορους Χελχα αναβαινοντων εις Σηιρ και εδωκεν αυτην Ιησους ταις φυλαις Ισραηλ κληρονομειν κατα κληρον αυτων
8 εν τω ορει και εν τω πεδιω και εν Αραβα και εν Ασηδωθ και εν τη ερημω και εν Ναγεβ τον Χετταιον και τον Αμορραιον και τον Χαναναιον και τον Φερεζαιον και τον Ευαιον και τον Ιεβουσαιον
9 τον βασιλεα Ιεριχω και τον βασιλεα της Γαι η εστιν πλησιον Βαιθηλ
10 βασιλεα Ιερουσαλημ βασιλεα Χεβρων
11 βασιλεα Ιεριμουθ βασιλεα Λαχις
12 βασιλεα Αιλαμ βασιλεα Γαζερ
13 βασιλεα Δαβιρ βασιλεα Γαδερ
14 βασιλεα Ερμαθ βασιλεα Αραθ
15 βασιλεα Λεβνα βασιλεα Οδολλαμ
16 βασιλεα Μακηδα
17 βασιλεα Ταφουγ βασιλεα Οφερ
18 βασιλεα Αφεκ της Σαρων
19 βασιλεα Ασωρ
20 βασιλεα Συμοων βασιλεα Μαρρων βασιλεα Αζιφ
21 βασιλεα Καδης βασιλεα Ταναχ
22 βασιλεα Μαγεδων βασιλεα Ιεκοναμ του Χερμελ
23 βασιλεα Δωρ του Ναφεδδωρ βασιλεα Γωιμ της Γαλιλαιας
24 βασιλεα Θαρσα παντες ουτοι βασιλεις εικοσι εννεα

Kapitel 13

1 και Ιησους πρεσβυτερος προβεβηκως των ημερων και ειπεν κυριος προς Ιησουν συ προβεβηκας των ημερων και η γη υπολελειπται πολλη εις κληρονομιαν
2 και αυτη η γη η καταλελειμμενη ορια Φυλιστιιμ ο Γεσιρι και ο Χαναναιος
3 απο της αοικητου της κατα προσωπον Αιγυπτου εως των οριων Ακκαρων εξ ευωνυμων των Χαναναιων προσλογιζεται ταις πεντε σατραπειαις των Φυλιστιιμ τω Γαζαιω και τω Αζωτιω και τω Ασκαλωνιτη και τω Γεθθαιω και τω Ακκαρωνιτη και τω Ευαιω
4 εκ Θαιμαν και παση γη Χανααν εναντιον Γαζης και οι Σιδωνιοι εως Αφεκ εως των οριων των Αμορραιων
5 και πασαν την γην Γαβλι Φυλιστιιμ και παντα τον Λιβανον απο ανατολων ηλιου απο Γαλγαλ υπο το ορος το Αερμων εως της εισοδου Εμαθ
6 πας ο κατοικων την ορεινην απο του Λιβανου εως της Μασερεφωθμαιμ παντας τους Σιδωνιους εγω αυτους εξολεθρευσω απο προσωπου Ισραηλ αλλα διαδος αυτην εν κληρω τω Ισραηλ ον τροπον σοι ενετειλαμην
7 και νυν μερισον την γην ταυτην εν κληρονομια ταις εννεα φυλαις και τω ημισει φυλης Μανασση απο του Ιορδανου εως της θαλασσης της μεγαλης κατα δυσμας ηλιου δωσεις αυτην η θαλασσα η μεγαλη οριει
8 ταις δε δυο φυλαις και τω ημισει φυλης Μανασση τω Ρουβην και τω Γαδ εδωκεν Μωυσης εν τω περαν του Ιορδανου κατ ανατολας ηλιου δεδωκεν αυτην Μωυσης ο παις κυριου
9 απο Αροηρ η εστιν επι του χειλους χειμαρρου Αρνων και την πολιν την εν μεσω της φαραγγος και πασαν την Μισωρ απο Μαιδαβα εως Δαιβαν
10 πασας τας πολεις Σηων βασιλεως Αμορραιων ος εβασιλευσεν εν Εσεβων εως των οριων υιων Αμμων
11 και την Γαλααδιτιδα και τα ορια Γεσιρι και του Μαχατι παν ορος Αερμων και πασαν την Βασανιτιν εως Σελχα
12 πασαν την βασιλειαν Ωγ εν τη Βασανιτιδι ος εβασιλευσεν εν Ασταρωθ και εν Εδραιν ουτος κατελειφθη απο των γιγαντων και επαταξεν αυτον Μωυσης και εξωλεθρευσεν
13 και ουκ εξωλεθρευσαν οι υιοι Ισραηλ τον Γεσιρι και τον Μαχατι και τον Χαναναιον και κατωκει βασιλευς Γεσιρι και ο Μαχατι εν τοις υιοις Ισραηλ εως της σημερον ημερας
14 πλην της φυλης Λευι ουκ εδοθη κληρονομια κυριος ο θεος Ισραηλ ουτος αυτων κληρονομια καθα ειπεν αυτοις κυριος και ουτος ο καταμερισμος ον κατεμερισεν Μωυσης τοις υιοις Ισραηλ εν Αραβωθ Μωαβ εν τω περαν του Ιορδανου κατα Ιεριχω
15 και εδωκεν Μωυσης τη φυλη Ρουβην κατα δημους αυτων
16 και εγενηθη αυτων τα ορια απο Αροηρ η εστιν κατα προσωπον φαραγγος Αρνων και η πολις η εν τη φαραγγι Αρνων και πασαν την Μισωρ
17 εως Εσεβων και πασας τας πολεις τας ουσας εν τη Μισωρ και Δαιβων και Βαμωθβααλ και οικου Βεελμων
18 και Ιασσα και Κεδημωθ και Μεφααθ
19 και Καριαθαιμ και Σεβαμα και Σεραδα και Σιωρ εν τω ορει Εμακ
20 και Βαιθφογωρ και Ασηδωθ Φασγα και Βαιθασιμωθ
21 και πασας τας πολεις του Μισωρ και πασαν την βασιλειαν του Σηων βασιλεως των Αμορραιων ον επαταξεν Μωυσης αυτον και τους ηγουμενους Μαδιαμ και τον Ευι και τον Ροκομ και τον Σουρ και τον Ουρ και τον Ροβε αρχοντας παρα Σηων και τους κατοικουντας την γην22 και τον Βαλααμ τον του Βεωρ τον μαντιν απεκτειναν εν τη ροπη
23 εγενετο δε τα ορια Ρουβην Ιορδανης οριον αυτη η κληρονομια υιων Ρουβην κατα δημους αυτων αι πολεις αυτων και αι επαυλεις αυτων
24 εδωκεν δε Μωυσης τοις υιοις Γαδ κατα δημους αυτων
25 και εγενετο τα ορια αυτων Ιαζηρ πασαι αι πολεις Γαλααδ και το ημισυ γης υιων Αμμων εως Αροηρ η εστιν κατα προσωπον Ραββα
26 και απο Εσεβων εως Ραμωθ κατα την Μασσηφα και Βοτανιν και Μααναιν εως των οριων Δαβιρ
27 και εν Εμεκ Βαιθαραμ και Βαιθαναβρα και Σοκχωθα και Σαφαν και την λοιπην βασιλειαν Σηων βασιλεως Εσεβων και ο Ιορδανης οριει εως μερους της θαλασσης Χενερεθ περαν του Ιορδανου απ ανατολων
28 αυτη η κληρονομια υιων Γαδ κατα δημους αυτων αι πολεις αυτων και αι επαυλεις αυτων
29 και εδωκεν Μωυσης τω ημισει φυλης Μανασση κατα δημους αυτων
30 και εγενετο τα ορια αυτων απο Μααναιμ και πασα βασιλεια Βασανι και πασα βασιλεια Ωγ βασιλεως Βασαν και πασας τας κωμας Ιαιρ αι εισιν εν τη Βασανιτιδι εξηκοντα πολεις
31 και το ημισυ της Γαλααδ και εν Ασταρωθ και εν Εδραιν πολεις βασιλειας Ωγ εν Βασανιτιδι και εδοθησαν τοις υιοις Μαχιρ υιου Μανασση και τοις ημισεσιν υιοις Μαχιρ υιου Μανασση κατα δημους αυτων
32 ουτοι ους κατεκληρονομησεν Μωυσης περαν του Ιορδανου εν Αραβωθ Μωαβ εν τω περαν του Ιορδανου κατα Ιεριχω απο ανατολων

Kapitel 14

1 και ουτοι οι κατακληρονομησαντες υιων Ισραηλ εν τη γη Χανααν οις κατεκληρονομησεν αυτοις Ελεαζαρ ο ιερευς και Ιησους ο του Ναυη και οι αρχοντες πατριων φυλων των υιων Ισραηλ
2 κατα κληρους εκληρονομησαν ον τροπον ενετειλατο κυριος εν χειρι Ιησου ταις εννεα φυλαις και τω ημισει φυλης
3 απο του περαν του Ιορδανου και τοις Λευιταις ουκ εδωκεν κληρον εν αυτοις
4 οτι ησαν οι υιοι Ιωσηφ δυο φυλαι Μανασση και Εφραιμ και ουκ εδοθη μερις εν τη γη τοις Λευιταις αλλ η πολεις κατοικειν και τα αφωρισμενα αυτων τοις κτηνεσιν και τα κτηνη αυτων
5 ον τροπον ενετειλατο κυριος τω Μωυση ουτως εποιησαν οι υιοι Ισραηλ και εμερισαν την γην
6 και προσηλθοσαν οι υιοι Ιουδα προς Ιησουν εν Γαλγαλ και ειπεν προς αυτον Χαλεβ ο του Ιεφοννη ο Κενεζαιος συ επιστη το ρημα ο ελαλησεν κυριος προς Μωυσην ανθρωπον του θεου περι εμου και σου εν Καδης Βαρνη
7 τεσσαρακοντα γαρ ετων ημην οτε απεστειλεν με Μωυσης ο παις του θεου εκ Καδης Βαρνη κατασκοπευσαι την γην και απεκριθην αυτω λογον κατα τον νουν αυτου
8 οι δε αδελφοι μου οι αναβαντες μετ εμου μετεστησαν την καρδιαν του λαου εγω δε προσετεθην επακολουθησαι κυριω τω θεω μου
9 και ωμοσεν Μωυσης εν εκεινη τη ημερα λεγων η γη εφ ην επεβης σοι εσται εν κληρω και τοις τεκνοις σου εις τον αιωνα οτι προσετεθης επακολουθησαι οπισω κυριου του θεου ημων
10 και νυν διεθρεψεν με κυριος ον τροπον ειπεν τουτο τεσσαρακοστον και πεμπτον ετος αφ ου ελαλησεν κυριος το ρημα τουτο προς Μωυσην και επορευθη Ισραηλ εν τη ερημω και νυν ιδου εγω σημερον ογδοηκοντα και πεντε ετων
11 ετι ειμι σημερον ισχυων ωσει οτε απεστειλεν με Μωυσης ωσαυτως ισχυω νυν εξελθειν και εισελθειν εις τον πολεμον
12 και νυν αιτουμαι σε το ορος τουτο καθα ειπεν κυριος τη ημερα εκεινη οτι συ ακηκοας το ρημα τουτο τη ημερα εκεινη νυνι δε οι Ενακιμ εκει εισιν πολεις οχυραι και μεγαλαι εαν ουν κυριος μετ εμου η εξολεθρευσω αυτους ον τροπον ειπεν μοι κυριος
13 και ευλογησεν αυτον Ιησους και εδωκεν την Χεβρων τω Χαλεβ υιω Ιεφοννη υιου Κενεζ εν κληρω
14 δια τουτο εγενηθη η Χεβρων τω Χαλεβ τω του Ιεφοννη του Κενεζαιου εν κληρω εως της ημερας ταυτης δια το αυτον επακολουθησαι τω προσταγματι κυριου θεου Ισραηλ
15 το δε ονομα της Χεβρων ην το προτερον πολις Αρβοκ μητροπολις των Ενακιμ αυτη και η γη εκοπασεν του πολεμου

Kapitel 15

1 και εγενετο τα ορια φυλης Ιουδα κατα δημους αυτων απο των οριων της Ιδουμαιας απο της ερημου Σιν εως Καδης προς λιβα
2 και εγενηθη αυτων τα ορια απο λιβος εως μερους της θαλασσης της αλυκης απο της λοφιας της φερουσης επι λιβα
3 και διαπορευεται απεναντι της προσαναβασεως Ακραβιν και εκπεριπορευεται Σεννα και αναβαινει απο λιβος επι Καδης Βαρνη και εκπορευεται Ασωρων και προσαναβαινει εις Αδδαρα και περιπορευεται την κατα δυσμας Καδης
4 και πορευεται επι Ασεμωνα και διεκβαλει εως φαραγγος Αιγυπτου και εσται αυτου η διεξοδος των οριων επι την θαλασσαν τουτο εστιν αυτων ορια απο λιβος
5 και τα ορια απο ανατολων πασα η θαλασσα η αλυκη εως του Ιορδανου και τα ορια αυτων απο βορρα και απο της λοφιας της θαλασσης και απο του μερους του Ιορδανου
6 επιβαινει τα ορια επι Βαιθαγλα και παραπορευεται απο βορρα επι Βαιθαραβα και προσαναβαινει τα ορια επι λιθον Βαιων υιου Ρουβην
7 και προσαναβαινει τα ορια επι το τεταρτον της φαραγγος Αχωρ και καταβαινει επι Γαλγαλ η εστιν απεναντι της προσβασεως Αδδαμιν η εστιν κατα λιβα τη φαραγγι και διεκβαλει επι το υδωρ πηγης ηλιου και εσται αυτου η διεξοδος πηγη Ρωγηλ
8 και αναβαινει τα ορια εις φαραγγα Ονομ επι νωτου Ιεβους απο λιβος αυτη εστιν Ιερουσαλημ και διεκβαλλει τα ορια επι κορυφην ορους η εστιν κατα προσωπον φαραγγος Ονομ προς θαλασσης η εστιν εκ μερους γης Ραφαιν επι βορρα
9 και διεκβαλλει το οριον απο κορυφης του ορους επι πηγην υδατος Ναφθω και διεκβαλλει εις το ορος Εφρων και εξαξει το οριον εις Βααλ αυτη εστιν πολις Ιαριμ
10 και περιελευσεται οριον απο Βααλ επι θαλασσαν και παρελευσεται εις ορος Ασσαρες επι νωτου πολιν Ιαριμ απο βορρα αυτη εστιν Χασλων και καταβησεται επι Πολιν ηλιου και παρελευσεται επι λιβα
11 και διεκβαλει το οριον κατα νωτου Ακκαρων επι βορραν και διεκβαλει τα ορια εις Σακχαρωνα και παρελευσεται ορος της Βαλα και διεκβαλει επι Ιαβνηλ και εσται η διεξοδος των οριων επι θαλασσαν
12 και τα ορια αυτων απο θαλασσης η θαλασσα η μεγαλη οριει ταυτα τα ορια υιων Ιουδα κυκλω κατα δημους αυτων
13 και τω Χαλεβ υιω Ιεφοννη εδωκεν μεριδα εν μεσω υιων Ιουδα δια προσταγματος του θεου και εδωκεν αυτω Ιησους την πολιν Αρβοκ μητροπολιν Ενακ αυτη εστιν Χεβρων
14 και εξωλεθρευσεν εκειθεν Χαλεβ υιος Ιεφοννη τους τρεις υιους Ενακ τον Σουσι και τον Θολμι και τον Αχιμα
15 και ανεβη εκειθεν Χαλεβ επι τους κατοικουντας Δαβιρ το δε ονομα Δαβιρ ην το προτερον Πολις γραμματων
16 και ειπεν Χαλεβ ος εαν λαβη και εκκοψη την Πολιν των γραμματων και κυριευση αυτης δωσω αυτω την Αχσαν θυγατερα μου εις γυναικα
17 και ελαβεν αυτην Γοθονιηλ υιος Κενεζ αδελφος Χαλεβ ο νεωτερος και εδωκεν αυτω την Αχσαν θυγατερα αυτου αυτω γυναικα
18 και εγενετο εν τω εισπορευεσθαι αυτην και συνεβουλευσατο αυτω λεγουσα αιτησομαι τον πατερα μου αγρον και εβοησεν εκ του ονου και ειπεν αυτη Χαλεβ τι εστιν σοι
19 και ειπεν αυτω δος μοι ευλογιαν οτι εις γην Ναγεβ δεδωκας με δος μοι την Γολαθμαιν και εδωκεν αυτη Χαλεβ την Γολαθμαιν την ανω και την Γολαθμαιν την κατω
20 αυτη η κληρονομια φυλης υιων Ιουδα
21 εγενηθησαν δε αι πολεις αυτων πολις πρωτη φυλης υιων Ιουδα εφ οριων Εδωμ επι της ερημου Καιβαισελεηλ και Αρα και Ασωρ
22 και Ικαμ και Ρεγμα και Αρουηλ
23 και Καδης και Ασοριωναιν
24 και Μαιναμ και Βαλμαιναν και αι κωμαι αυτων
25 και αι πολεις Ασερων αυτη Ασωρ
26 και Σην και Σαλμαα και Μωλαδα
27 και Σερι και Βαιφαλαδ
28 και Χολασεωλα και Βηρσαβεε και αι κωμαι αυτων και αι επαυλεις αυτων
29 Βαλα και Βακωκ και Ασομ
30 και Ελβωυδαδ και Βαιθηλ και Ερμα
31 και Σεκελακ και Μαχαριμ και Σεθεννακ
32 και Λαβως και Σαλη και Ερωμωθ πολεις κθ και αι κωμαι αυτων
33 εν τη πεδινη Ασταωλ και Ραα και Ασσα
34 και Ραμεν και Τανω και Ιλουθωθ και Μαιανι
35 και Ιερμουθ και Οδολλαμ και Μεμβρα και Σαωχω και Αζηκα
36 και Σακαριμ και Γαδηρα και αι επαυλεις αυτης πολεις δεκα τεσσαρες και αι κωμαι αυτων
37 Σεννα και Αδασαν και Μαγαδαγαδ
38 και Δαλαλ και Μασφα και Ιακαρεηλ
39 και Λαχης και Βασηδωθ και Ιδεαδαλεα
40 και Χαβρα και Μαχες και Μααχως
41 και Γεδδωρ και Βαγαδιηλ και Νωμαν και Μακηδαν πολεις δεκαεξ και αι κωμαι αυτων
42 Λεμνα και Ιθακ
43 και Ανωχ και Ιανα και Νασιβ
44 και Κειλαμ και Ακιεζι και Κεζιβ και Βαθησαρ και Αιλων πολεις δεκα και αι κωμαι αυτων
45 Ακκαρων και αι κωμαι αυτης και αι επαυλεις αυτων
46 απο Ακκαρων Γεμνα και πασαι οσαι εισιν πλησιον Ασηδωθ και αι κωμαι αυτων
47 Ασιεδωθ και αι κωμαι αυτης και αι επαυλεις αυτης Γαζα και αι κωμαι αυτης και αι επαυλεις αυτης εως του χειμαρρου Αιγυπτου και η θαλασσα η μεγαλη διοριζει
48 και εν τη ορεινη Σαμιρ και Ιεθερ και Σωχα
49 και Ρεννα και Πολις γραμματων αυτη Δαβιρ
50 και Ανων και Εσκαιμαν και Αισαμ
51 και Γοσομ και Χαλου και Χαννα πολεις ενδεκα και αι κωμαι αυτων
52 Αιρεμ και Ρεμνα και Σομα
53 και Ιεμαιν και Βαιθαχου και Φακουα
54 και Ευμα και πολις Αρβοκ αυτη εστιν Χεβρων και Σωρθ πολεις εννεα και αι επαυλεις αυτων
55 Μαωρ και Χερμελ και Οζιβ και Ιταν
56 και Ιαριηλ και Ιαρικαμ και Ζακαναιμ
57 και Γαβαα και Θαμναθα πολεις εννεα και αι κωμαι αυτων
58 Αλουα και Βαιθσουρ και Γεδδων
59 και Μαγαρωθ και Βαιθαναμ και Θεκουμ πολεις εξ και αι κωμαι αυτων
60 Καριαθβααλ αυτη η πολις Ιαριμ και Σωθηβα πολεις δυο και αι επαυλεις αυτων
61 και Βαδδαργις και Θαραβααμ και Αινων και Αιχιοζα
62 και Ναφλαζων και αι πολεις Σαδωμ και Ανκαδης πολεις επτα και αι κωμαι αυτων
63 και ο Ιεβουσαιος κατωκει εν Ιερουσαλημ και ουκ ηδυνασθησαν οι υιοι Ιουδα απολεσαι αυτους και κατωκησαν οι Ιεβουσαιοι εν Ιερουσαλημ εως της ημερας εκεινης

Kapitel 16

1 και εγενετο τα ορια υιων Ιωσηφ απο του Ιορδανου του κατα Ιεριχω απ ανατολων και αναβησεται απο Ιεριχω εις την ορεινην την ερημον εις Βαιθηλ Λουζα
2 και εξελευσεται εις Βαιθηλ και παρελευσεται επι τα ορια του Χαταρωθι
3 και διελευσεται επι την θαλασσαν επι τα ορια Απταλιμ εως των οριων Βαιθωρων την κατω και εσται η διεξοδος αυτων επι την θαλασσαν
4 και εκληρονομησαν οι υιοι Ιωσηφ Εφραιμ και Μανασση
5 και εγενηθη ορια υιων Εφραιμ κατα δημους αυτων και εγενηθη τα ορια της κληρονομιας αυτων απο ανατολων Αταρωθ και Εροκ εως Βαιθωρων την ανω και Γαζαρα
6 και διελευσεται τα ορια επι την θαλασσαν εις Ικασμων απο βορρα Θερμα περιελευσεται επι ανατολας εις Θηνασα και Σελλησα και παρελευσεται απ ανατολων εις Ιανωκα
7 και εις Μαχω και Αταρωθ και αι κωμαι αυτων και ελευσεται επι Ιεριχω και διεκβαλει επι τον Ιορδανην
8 και απο Ταφου πορευσεται τα ορια επι θαλασσαν επι Χελκανα και εσται η διεξοδος αυτων επι θαλασσαν αυτη η κληρονομια φυλης Εφραιμ κατα δημους αυτων
9 και αι πολεις αι αφορισθεισαι τοις υιοις Εφραιμ ανα μεσον της κληρονομιας υιων Μανασση πασαι αι πολεις και αι κωμαι αυτων
10 και ουκ απωλεσεν Εφραιμ τον Χαναναιον τον κατοικουντα εν Γαζερ και κατωκει ο Χαναναιος εν τω Εφραιμ εως της ημερας ταυτης εως ανεβη Φαραω βασιλευς Αιγυπτου και ελαβεν αυτην και ενεπρησεν αυτην εν πυρι και τους Χαναναιους και τους Φερεζαιους και τους κατοικουντας εν Γαζερ εξεκεντησαν και εδωκεν αυτην Φαραω εν φερνη τη θυγατρι αυτου

Kapitel 17

1 και εγενετο τα ορια φυλης υιων Μανασση οτι ουτος πρωτοτοκος τω Ιωσηφ τω Μαχιρ πρωτοτοκω Μανασση πατρι Γαλααδ ανηρ γαρ πολεμιστης ην εν τη Γαλααδιτιδι και εν τη Βασανιτιδι
2 και εγενηθη τοις υιοις Μανασση τοις λοιποις κατα δημους αυτων τοις υιοις Ιεζερ και τοις υιοις Κελεζ και τοις υιοις Ιεζιηλ και τοις υιοις Συχεμ και τοις υιοις Συμαριμ και τοις υιοις Οφερ ουτοι οι αρσενες κατα δημους αυτων
3 και τω Σαλπααδ υιω Οφερ ουκ ησαν αυτω υιοι αλλ η θυγατερες και ταυτα τα ονοματα των θυγατερων Σαλπααδ Μααλα και Νουα και Εγλα και Μελχα και Θερσα
4 και εστησαν εναντιον Ελεαζαρ του ιερεως και εναντιον Ιησου και εναντιον των αρχοντων λεγουσαι ο θεος ενετειλατο δια χειρος Μωυση δουναι ημιν κληρονομιαν εν μεσω των αδελφων ημων και εδοθη αυταις δια προσταγματος κυριου κληρος εν τοις αδελφοις του πατρος αυτων
5 και επεσεν ο σχοινισμος αυτων απο Ανασσα και πεδιον Λαβεκ εκ της Γαλααδ η εστιν περαν του Ιορδανου
6 οτι θυγατερες υιων Μανασση εκληρονομησαν κληρον εν μεσω των αδελφων αυτων η δε γη Γαλααδ εγενηθη τοις υιοις Μανασση τοις καταλελειμμενοις
7 και εγενηθη ορια υιων Μανασση Δηλαναθ η εστιν κατα προσωπον υιων Αναθ και πορευεται επι τα ορια επι Ιαμιν και Ιασσιβ επι πηγην Θαφθωθ
8 τω Μανασση εσται και Θαφεθ επι των οριων Μανασση τοις υιοις Εφραιμ
9 και καταβησεται τα ορια επι φαραγγα Καρανα επι λιβα κατα φαραγγα Ιαριηλ τερεμινθος τω Εφραιμ ανα μεσον πολεως Μανασση και ορια Μανασση επι τον βορραν εις τον χειμαρρουν και εσται αυτου η διεξοδος θαλασσα
10 απο λιβος τω Εφραιμ και επι βορραν Μανασση και εσται η θαλασσα ορια αυτοις και επι Ασηρ συναψουσιν επι βορραν και τω Ισσαχαρ απ ανατολων
11 και εσται Μανασση εν Ισσαχαρ και εν Ασηρ Βαιθσαν και αι κωμαι αυτων και τους κατοικουντας Δωρ και τας κωμας αυτης και τους κατοικουντας Μαγεδδω και τας κωμας αυτης και το τριτον της Ναφετα και τας κωμας αυτης
12 και ουκ ηδυνασθησαν οι υιοι Μανασση εξολεθρευσαι τας πολεις ταυτας και ηρχετο ο Χαναναιος κατοικειν εν τη γη ταυτη
13 και εγενηθη και επει κατισχυσαν οι υιοι Ισραηλ και εποιησαν τους Χαναναιους υπηκοους εξολεθρευσαι δε αυτους ουκ εξωλεθρευσαν
14 αντειπαν δε οι υιοι Ιωσηφ τω Ιησου λεγοντες δια τι εκληρονομησας ημας κληρον ενα και σχοινισμα εν εγω δε λαος πολυς ειμι και ο θεος ευλογησεν με
15 και ειπεν αυτοις Ιησους ει λαος πολυς ει αναβηθι εις τον δρυμον και εκκαθαρον σεαυτω ει στενοχωρει σε το ορος το Εφραιμ
16 και ειπαν ουκ αρκεσει ημιν το ορος το Εφραιμ και ιππος επιλεκτος και σιδηρος τω Χαναναιω τω κατοικουντι εν αυτω εν Βαιθσαν και εν ταις κωμαις αυτης εν τη κοιλαδι Ιεζραελ
17 και ειπεν Ιησους τοις υιοις Ιωσηφ ει λαος πολυς ει και ισχυν μεγαλην εχεις ουκ εσται σοι κληρος εις
18 ο γαρ δρυμος εσται σοι οτι δρυμος εστιν και εκκαθαριεις αυτον και εσται σοι και οταν εξολεθρευσης τον Χαναναιον οτι ιππος επιλεκτος εστιν αυτω συ γαρ υπερισχυεις αυτου

Kapitel 18

1 και εξεκκλησιασθη πασα συναγωγη υιων Ισραηλ εις Σηλω και επηξαν εκει την σκηνην του μαρτυριου και η γη εκρατηθη υπ αυτων
2 και κατελειφθησαν οι υιοι Ισραηλ οι ουκ εκληρονομησαν επτα φυλαι
3 και ειπεν Ιησους τοις υιοις Ισραηλ εως τινος εκλυθησεσθε κληρονομησαι την γην ην εδωκεν κυριος ο θεος ημων
4 δοτε εξ υμων τρεις ανδρας εκ φυλης και ανασταντες διελθετωσαν την γην και διαγραψατωσαν αυτην εναντιον μου καθα δεησει διελειν αυτην και ηλθοσαν προς αυτον
5 και διειλεν αυτοις επτα μεριδας Ιουδας στησεται αυτοις οριον απο λιβος και οι υιοι Ιωσηφ στησονται αυτοις απο βορρα
6 υμεις δε μερισατε την γην επτα μεριδας και ενεγκατε προς με ωδε και εξοισω υμιν κληρον εναντι κυριου του θεου ημων
7 ου γαρ εστιν μερις τοις υιοις Λευι εν υμιν ιερατεια γαρ κυριου μερις αυτου και Γαδ και Ρουβην και το ημισυ φυλης Μανασση ελαβοσαν την κληρονομιαν αυτων περαν του Ιορδανου επ ανατολας ην εδωκεν αυτοις Μωυσης ο παις κυριου
8 και ανασταντες οι ανδρες επορευθησαν και ενετειλατο Ιησους τοις ανδρασιν τοις πορευομενοις χωροβατησαι την γην λεγων πορευεσθε και χωροβατησατε την γην και παραγενηθητε προς με και ωδε εξοισω υμιν κληρον εναντι κυριου εν Σηλω
9 και επορευθησαν και εχωροβατησαν την γην και ειδοσαν αυτην και εγραψαν αυτην κατα πολεις αυτης επτα μεριδας εις βιβλιον και ηνεγκαν προς Ιησουν
10 και ενεβαλεν αυτοις Ιησους κληρον εν Σηλω εναντι κυριου
11 και εξηλθεν ο κληρος φυλης Βενιαμιν πρωτος κατα δημους αυτων και εξηλθεν ορια του κληρου αυτων ανα μεσον Ιουδα και ανα μεσον των υιων Ιωσηφ
12 και εγενηθη αυτων τα ορια απο βορρα απο του Ιορδανου προσαναβησεται τα ορια κατα νωτου Ιεριχω απο βορρα και αναβησεται επι το ορος επι την θαλασσαν και εσται αυτου η διεξοδος η Μαδβαριτις Βαιθων
13 και διελευσεται εκειθεν τα ορια Λουζα επι νωτου Λουζα απο λιβος αυτη εστιν Βαιθηλ και καταβησεται τα ορια Μααταρωθορεχ επι την ορεινην η εστιν προς λιβα Βαιθωρων η κατω
14 και διελευσεται τα ορια και περιελευσεται επι το μερος το βλεπον παρα θαλασσαν απο λιβος απο του ορους επι προσωπον Βαιθωρων λιβα και εσται αυτου η διεξοδος εις Καριαθβααλ αυτη εστιν Καριαθιαριν πολις υιων Ιουδα τουτο εστιν το μερος το προς θαλασσαν
15 και μερος το προς λιβα απο μερους Καριαθβααλ και διελευσεται ορια εις Γασιν επι πηγην υδατος Ναφθω
16 και καταβησεται τα ορια επι μερους του ορους ο εστιν κατα προσωπον ναπης Ονναμ ο εστιν εκ μερους Εμεκραφαιν απο βορρα και καταβησεται Γαιεννα επι νωτου Ιεβουσαι απο λιβος και καταβησεται επι πηγην Ρωγηλ
17 και διελευσεται επι πηγην Βαιθσαμυς και παρελευσεται επι Γαλιλωθ η εστιν απεναντι προς αναβασιν Αιθαμιν και καταβησεται επι λιθον Βαιων υιων Ρουβην
18 και διελευσεται κατα νωτου Βαιθαραβα απο βορρα και καταβησεται
19 επι τα ορια επι νωτου Βαιθαγλα απο βορρα και εσται η διεξοδος των οριων επι λοφιαν της θαλασσης των αλων επι βορραν εις μερος του Ιορδανου απο λιβος ταυτα τα ορια εστιν απο λιβος
20 και ο Ιορδανης οριει απο μερους ανατολων αυτη η κληρονομια υιων Βενιαμιν τα ορια αυτης κυκλω κατα δημους
21 και εγενηθησαν αι πολεις των υιων Βενιαμιν κατα δημους αυτων Ιεριχω και Βαιθεγλιω και Αμεκασις
22 και Βαιθαβαρα και Σαρα και Βησανα
23 και Αιιν και Φαρα και Εφραθα
24 και Καραφα και Κεφιρα και Μονι και Γαβαα πολεις δεκα δυο και αι κωμαι αυτων
25 Γαβαων και Ραμα και Βεηρωθα
26 και Μασσημα και Μιρων και Αμωκη
27 και Φιρα και Καφαν και Νακαν και Σεληκαν και Θαρεηλα
28 και Ιεβους αυτη εστιν Ιερουσαλημ και πολεις και Γαβαωθιαριμ πολεις τρεις και δεκα και αι κωμαι αυτων αυτη η κληρονομια υιων Βενιαμιν κατα δημους αυτων

Kapitel 19

1 και εξηλθεν ο δευτερος κληρος των υιων Συμεων και εγενηθη η κληρονομια αυτων ανα μεσον κληρων υιων Ιουδα
2 και εγενηθη ο κληρος αυτων Βηρσαβεε και Σαμαα και Κωλαδαμ
3 και Αρσωλα και Βωλα και Ασομ
4 και Ελθουλα και Βουλα και Ερμα
5 και Σικελακ και Βαιθμαχερεβ και Σαρσουσιν
6 και Βαθαρωθ και οι αγροι αυτων πολεις δεκα τρεις και αι κωμαι αυτων
7 Ερεμμων και Θαλχα και Εθερ και Ασαν πολεις τεσσαρες και αι κωμαι αυτων
8 κυκλω των πολεων αυτων εως Βαρεκ πορευομενων Βαμεθ κατα λιβα αυτη η κληρονομια φυλης υιων Συμεων κατα δημους αυτων
9 απο του κληρου Ιουδα η κληρονομια φυλης υιων Συμεων οτι εγενηθη η μερις υιων Ιουδα μειζων της αυτων και εκληρονομησαν οι υιοι Συμεων εν μεσω του κληρου αυτων
10 και εξηλθεν ο κληρος ο τριτος τω Ζαβουλων κατα δημους αυτων εσται τα ορια της κληρονομιας αυτων Εσεδεκ
11 Γωλα ορια αυτων η θαλασσα και Μαραγελλα και συναψει επι Βαιθαραβα εις την φαραγγα η εστιν κατα προσωπον Ιεκμαν
12 και ανεστρεψεν απο Σεδδουκ εξ εναντιας απ ανατολων Βαιθσαμυς επι τα ορια Χασελωθαιθ και διελευσεται επι Δαβιρωθ και προσαναβησεται επι Φαγγαι
13 και εκειθεν περιελευσεται εξ εναντιας επ ανατολας επι Γεβερε επι πολιν Κατασεμ και διελευσεται επι Ρεμμωνα Αμαθαρ Αοζα
14 και περιελευσεται ορια επι βορραν επι Αμωθ και εσται η διεξοδος αυτων επι Γαιφαηλ
15 και Καταναθ και Ναβααλ και Συμοων και Ιεριχω και Βαιθμαν
16 αυτη η κληρονομια φυλης υιων Ζαβουλων κατα δημους αυτων πολεις και αι κωμαι αυτων
17 και τω Ισσαχαρ εξηλθεν ο κληρος ο τεταρτος
18 και εγενηθη τα ορια αυτων Ιαζηλ και Χασαλωθ και Σουναν
19 και Αγιν και Σιωνα και Ρεηρωθ και Αναχερεθ
20 και Δαβιρων και Κισων και Ρεβες
21 και Ρεμμας και Ιεων και Τομμαν και Αιμαρεκ και Βηρσαφης
22 και συναψει τα ορια επι Γαιθβωρ και επι Σαλιμ κατα θαλασσαν και Βαιθσαμυς και εσται αυτου η διεξοδος των οριων ο Ιορδανης
23 αυτη η κληρονομια φυλης υιων Ισσαχαρ κατα δημους αυτων αι πολεις και αι κωμαι αυτων
24 και εξηλθεν ο κληρος ο πεμπτος Ασηρ
25 και εγενηθη τα ορια αυτων εξ Ελεκεθ και Αλεφ και Βαιθοκ και Κεαφ
26 και Ελιμελεκ και Αμιηλ και Μαασα και συναψει τω Καρμηλω κατα θαλασσαν και τω Σιων και Λαβαναθ
27 και επιστρεψει απ ανατολων ηλιου και Βαιθεγενεθ και συναψει τω Ζαβουλων και εκ Γαι και Φθαιηλ κατα βορραν και εισελευσεται ορια Σαφθαιβαιθμε και Ιναηλ και διελευσεται εις Χωβα μασομελ
28 και Ελβων και Ρααβ και Εμεμαων και Κανθαν εως Σιδωνος της μεγαλης
29 και αναστρεψει τα ορια εις Ραμα και εως πηγης Μασφασσατ και των Τυριων και αναστρεψει τα ορια επι Ιασιφ και εσται η διεξοδος αυτου η θαλασσα και απο Λεβ και Εχοζοβ
30 και Αρχωβ και Αφεκ και Ρααυ
31 αυτη η κληρονομια φυλης υιων Ασηρ κατα δημους αυτων πολεις και αι κωμαι αυτων
32 και τω Νεφθαλι εξηλθεν ο κληρος ο εκτος
33 και εγενηθη τα ορια αυτων Μοολαμ και Μωλα και Βεσεμιιν και Αρμε και Ναβωκ και Ιεφθαμαι εως Δωδαμ και εγενηθησαν αι διεξοδοι αυτου ο Ιορδανης
34 και επιστρεψει τα ορια επι θαλασσαν Εναθ Θαβωρ και διελευσεται εκειθεν ιακανα και συναψει τω Ζαβουλων απο νοτου και Ασηρ συναψει κατα θαλασσαν και ο Ιορδανης απ ανατολων ηλιου
35 και αι πολεις τειχηρεις των Τυριων Τυρος και Ωμαθα Δακεθ και Κενερεθ
36 και Αρμαιθ και Αραηλ και Ασωρ
37 και Καδες και Ασσαρι και πηγη Ασορ
38 και Κερωε και Μεγαλα Αριμ και Βαιθθαμε και Θεσσαμυς
39 αυτη η κληρονομια φυλης υιων Νεφθαλι
40 και τω Δαν εξηλθεν ο κληρος ο εβδομος
41 και εγενηθη τα ορια αυτων Σαραθ και Ασα πολεις Σαμμαυς
42 και Σαλαβιν και Αμμων και Σιλαθα
43 και Αιλων και Θαμναθα και Ακκαρων
44 και Αλκαθα και Βεγεθων και Γεβεελαν
45 και Αζωρ και Βαναιβακατ και Γεθρεμμων
46 και απο θαλασσης Ιερακων οριον πλησιον Ιοππης
47 αυτη η κληρονομια φυλης υιων Δαν κατα δημους αυτων αι πολεις αυτων και αι κωμαι αυτων
48 και επορευθησαν οι υιοι Ιουδα και επολεμησαν την Λαχις και κατελαβοντο αυτην και επαταξαν αυτην εν στοματι μαχαιρας και κατωκησαν αυτην και εκαλεσαν το ονομα αυτης Λασενδακ
49 και επορευθησαν εμβατευσαι την γην κατα το οριον αυτων και εδωκαν οι υιοι Ισραηλ κληρον Ιησοι τω υιω Ναυη εν αυτοις
50 δια προσταγματος του θεου και εδωκαν αυτω την πολιν ην ητησατο Θαμνασαραχ η εστιν εν τω ορει Εφραιμ και ωκοδομησεν την πολιν και κατωκει εν αυτη
51 αυται αι διαιρεσεις ας κατεκληρονομησεν Ελεαζαρ ο ιερευς και Ιησους ο του Ναυη και οι αρχοντες των πατριων εν ταις φυλαις Ισραηλ κατα κληρους εν Σηλω εναντιον κυριου παρα τας θυρας της σκηνης του μαρτυριου και επορευθησαν εμβατευσαι την γην

Kapitel 20

1 και ελαλησεν κυριος τω Ιησοι λεγων
2 λαλησον τοις υιοις Ισραηλ λεγων δοτε τας πολεις των φυγαδευτηριων ας ειπα προς υμας δια Μωυση
3 φυγαδευτηριον τω φονευτη τω παταξαντι ψυχην ακουσιως και εσονται υμιν αι πολεις φυγαδευτηριον και ουκ αποθανειται ο φονευτης υπο του αγχιστευοντος το αιμα εως αν καταστη εναντιον της συναγωγης εις κρισιν
4 και διεστειλεν την Καδης εν τη Γαλιλαια εν τω ορει τω Νεφθαλι και Συχεμ εν τω ορει τω Εφραιμ και την πολιν Αρβοκ αυτη εστιν Χεβρων εν τω ορει τω Ιουδα
5 και εν τω περαν του Ιορδανου εδωκεν Βοσορ εν τη ερημω εν τω πεδιω απο της φυλης Ρουβην και Αρημωθ εν τη Γαλααδ εκ της φυλης Γαδ και την Γαυλων εν τη Βασανιτιδι εκ της φυλης Μανασση
6 αυται αι πολεις αι επικλητοι τοις υιοις Ισραηλ και τω προσηλυτω τω προσκειμενω εν αυτοις καταφυγειν εκει παντι παιοντι ψυχην ακουσιως ινα μη αποθανη εν χειρι του αγχιστευοντος το αιμα εως αν καταστη εναντι της συναγωγης εις κρισιν

Kapitel 21

1 και προσηλθοσαν οι αρχιπατριωται των υιων Λευι προς Ελεαζαρ τον ιερεα και προς Ιησουν τον του Ναυη και προς τους αρχιφυλους πατριων εκ των φυλων Ισραηλ
2 και ειπον προς αυτους εν Σηλω εν γη Χανααν λεγοντες ενετειλατο κυριος εν χειρι Μωυση δουναι ημιν πολεις κατοικειν και τα περισπορια τοις κτηνεσιν ημων
3 και εδωκαν οι υιοι Ισραηλ τοις Λευιταις εν τω κατακληρονομειν δια προσταγματος κυριου τας πολεις και τα περισπορια αυτων
4 και εξηλθεν ο κληρος τω δημω Κααθ και εγενετο τοις υιοις Ααρων τοις ιερευσιν τοις Λευιταις απο φυλης Ιουδα και απο φυλης Συμεων και απο φυλης Βενιαμιν κληρωτι πολεις δεκα τρεις
5 και τοις υιοις Κααθ τοις καταλελειμμενοις εκ της φυλης Εφραιμ και εκ της φυλης Δαν και απο του ημισους φυλης Μανασση κληρωτι πολεις δεκα
6 και τοις υιοις Γεδσων απο της φυλης Ισσαχαρ και απο της φυλης Ασηρ και απο της φυλης Νεφθαλι και απο του ημισους φυλης Μανασση εν τω Βασαν πολεις δεκα τρεις
7 και τοις υιοις Μεραρι κατα δημους αυτων απο φυλης Ρουβην και απο φυλης Γαδ και απο φυλης Ζαβουλων κληρωτι πολεις δωδεκα
8 και εδωκαν οι υιοι Ισραηλ τοις Λευιταις τας πολεις και τα περισπορια αυτων ον τροπον ενετειλατο κυριος τω Μωυση κληρωτι
9 και εδωκεν η φυλη υιων Ιουδα και η φυλη υιων Συμεων και απο της φυλης υιων Βενιαμιν τας πολεις και επεκληθησαν
10 τοις υιοις Ααρων απο του δημου του Κααθ των υιων Λευι οτι τουτοις εγενηθη ο κληρος
11 και εδωκεν αυτοις την Καριαθαρβοκ μητροπολιν των Ενακ αυτη εστιν Χεβρων εν τω ορει Ιουδα τα δε περισπορια κυκλω αυτης
12 και τους αγρους της πολεως και τας κωμας αυτης εδωκεν Ιησους τοις υιοις Χαλεβ υιου Ιεφοννη εν κατασχεσει
13 και τοις υιοις Ααρων την πολιν φυγαδευτηριον τω φονευσαντι την Χεβρων και τα αφωρισμενα τα συν αυτη και την Λεμνα και τα αφωρισμενα τα προς αυτη
14 και την Αιλωμ και τα αφωρισμενα αυτη και την Τεμα και τα αφωρισμενα αυτη
15 και την Γελλα και τα αφωρισμενα αυτη και την Δαβιρ και τα αφωρισμενα αυτη
16 και Ασα και τα αφωρισμενα αυτη και Τανυ και τα αφωρισμενα αυτη και Βαιθσαμυς και τα αφωρισμενα αυτη πολεις εννεα παρα των δυο φυλων τουτων
17 και παρα της φυλης Βενιαμιν την Γαβαων και τα αφωρισμενα αυτη και Γαθεθ και τα αφωρισμενα αυτη
18 και Αναθωθ και τα αφωρισμενα αυτη και Γαμαλα και τα αφωρισμενα αυτη πολεις τεσσαρες
19 πασαι αι πολεις υιων Ααρων των ιερεων δεκα τρεις
20 και τοις δημοις υιοις Κααθ τοις Λευιταις τοις καταλελειμμενοις απο των υιων Κααθ και εγενηθη πολις των οριων αυτων απο φυλης Εφραιμ
21 και εδωκαν αυτοις την πολιν του φυγαδευτηριου την του φονευσαντος την Συχεμ και τα αφωρισμενα αυτη και Γαζαρα και τα προς αυτην και τα αφωρισμενα αυτη
22 και την Καβσαιμ και τα αφωρισμενα τα προς αυτη και την ανω Βαιθωρων και τα αφωρισμενα αυτη πολεις τεσσαρες
23 και εκ της φυλης Δαν την Ελκωθαιμ και τα αφωρισμενα αυτη και την Γεθεδαν και τα αφωρισμενα αυτη
24 και Αιλων και τα αφωρισμενα αυτη και Γεθερεμμων και τα αφωρισμενα αυτη πολεις τεσσαρες
25 και απο του ημισους φυλης Μανασση την Ταναχ και τα αφωρισμενα αυτη και την Ιεβαθα και τα αφωρισμενα αυτη πολεις δυο
26 πασαι πολεις δεκα και τα αφωρισμενα τα προς αυταις τοις δημοις υιων Κααθ τοις υπολελειμμενοις
27 και τοις υιοις Γεδσων τοις Λευιταις εκ του ημισους φυλης Μανασση τας πολεις τας αφωρισμενας τοις φονευσασι την Γαυλων εν τη Βασανιτιδι και τα αφωρισμενα αυτη και την Βοσοραν και τα αφωρισμενα αυτη πολεις δυο
28 και εκ της φυλης Ισσαχαρ την Κισων και τα αφωρισμενα αυτη και Δεββα και τα αφωρισμενα αυτη
29 και την Ρεμμαθ και τα αφωρισμενα αυτη και Πηγην γραμματων και τα αφωρισμενα αυτη πολεις τεσσαρες
30 και εκ της φυλης Ασηρ την Βασελλαν και τα αφωρισμενα αυτη και Δαββων και τα αφωρισμενα αυτη
31 και Χελκατ και τα αφωρισμενα αυτη και Ρααβ και τα αφωρισμενα αυτη πολεις τεσσαρες
32 και εκ της φυλης Νεφθαλι την πολιν την αφωρισμενην τω φονευσαντι την Καδες εν τη Γαλιλαια και τα αφωρισμενα αυτη και την Εμμαθ και τα αφωρισμενα αυτη και Θεμμων και τα αφωρισμενα αυτη πολεις τρεις
33 πασαι αι πολεις του Γεδσων κατα δημους αυτων πολεις δεκα τρεις
34 και τω δημω υιων Μεραρι τοις Λευιταις τοις λοιποις εκ της φυλης υιων Ζαβουλων την Μααν και τα περισπορια αυτης και την Καδης και τα περισπορια αυτης
35 και Δεμνα και τα περισπορια αυτης και Σελλα και τα περισπορια αυτης πολεις τεσσαρες
36 και περαν του Ιορδανου του κατα Ιεριχω εκ της φυλης Ρουβην την πολιν το φυγαδευτηριον του φονευσαντος την Βοσορ εν τη ερημω τη Μισωρ και τα περισπορια αυτης και την Ιαζηρ και τα περισπορια αυτης
37 και την Δεκμων και τα περισπορια αυτης και την Μαφα και τα περισπορια αυτης πολεις τεσσαρες
38 και απο της φυλης Γαδ την πολιν το φυγαδευτηριον του φονευσαντος την Ραμωθ εν τη Γαλααδ και τα περισπορια αυτης και την Καμιν και τα περισπορια αυτης
39 και την Εσεβων και τα περισπορια αυτης και την Ιαζηρ και τα περισπορια αυτης αι πασαι πολεις τεσσαρες
40 πασαι πολεις τοις υιοις Μεραρι κατα δημους αυτων των καταλελειμμενων απο της φυλης Λευι και εγενηθη τα ορια πολεις δεκα δυο
41 πασαι αι πολεις των Λευιτων εν μεσω κατασχεσεως υιων Ισραηλ τεσσαρακοντα οκτω πολεις και τα περισπορια αυτων
42 κυκλω των πολεων τουτων πολις και τα περισπορια κυκλω της πολεως πασαις ταις πολεσιν ταυταις
43 και εδωκεν κυριος τω Ισραηλ πασαν την γην ην ωμοσεν δουναι τοις πατρασιν αυτων και κατεκληρονομησαν αυτην και κατωκησαν εν αυτη
44 και κατεπαυσεν αυτους κυριος κυκλοθεν καθοτι ωμοσεν τοις πατρασιν αυτων ουκ ανεστη ουθεις κατενωπιον αυτων απο παντων των εχθρων αυτων παντας τους εχθρους αυτων παρεδωκεν κυριος εις τας χειρας αυτων
45 ου διεπεσεν απο παντων των ρηματων των καλων ων ελαλησεν κυριος τοις υιοις Ισραηλ παντα παρεγενετο

Kapitel 22

1 τοτε συνεκαλεσεν Ιησους τους υιους Ρουβην και τους υιους Γαδ και το ημισυ φυλης Μανασση
2 και ειπεν αυτοις υμεις ακηκοατε παντα οσα ενετειλατο υμιν Μωυσης ο παις κυριου και επηκουσατε της φωνης μου κατα παντα οσα ενετειλαμην υμιν
3 ουκ εγκαταλελοιπατε τους αδελφους υμων ταυτας τας ημερας και πλειους εως της σημερον ημερας εφυλαξασθε την εντολην κυριου του θεου υμων
4 νυν δε κατεπαυσεν κυριος ο θεος ημων τους αδελφους ημων ον τροπον ειπεν αυτοις νυν ουν αποστραφεντες απελθατε εις τους οικους υμων και εις την γην της κατασχεσεως υμων ην εδωκεν υμιν Μωυσης εν τω περαν του Ιορδανου
5 αλλα φυλαξασθε ποιειν σφοδρα τας εντολας και τον νομον ον ενετειλατο ημιν ποιειν Μωυσης ο παις κυριου αγαπαν κυριον τον θεον υμων πορευεσθαι πασαις ταις οδοις αυτου φυλαξασθαι τας εντολας αυτου και προσκεισθαι αυτω και λατρευειν αυτω εξ ολης της διανοιας υμων και εξ ολης της ψυχης υμων
6 και ηυλογησεν αυτους Ιησους και εξαπεστειλεν αυτους και επορευθησαν εις τους οικους αυτων
7 και τω ημισει φυλης Μανασση εδωκεν Μωυσης εν τη Βασανιτιδι και τω ημισει εδωκεν Ιησους μετα των αδελφων αυτου εν τω περαν του Ιορδανου παρα θαλασσαν και ηνικα εξαπεστειλεν αυτους Ιησους εις τους οικους αυτων και ευλογησεν αυτους
8 και εν χρημασιν πολλοις απηλθοσαν εις τους οικους αυτων και κτηνη πολλα σφοδρα και αργυριον και χρυσιον και σιδηρον και ιματισμον πολυν και διειλαντο την προνομην των εχθρων μετα των αδελφων αυτων
9 και επορευθησαν οι υιοι Ρουβην και οι υιοι Γαδ και το ημισυ φυλης υιων Μανασση απο των υιων Ισραηλ εκ Σηλω εν γη Χανααν απελθειν εις γην Γαλααδ εις γην κατασχεσεως αυτων ην εκληρονομησαν αυτην δια προσταγματος κυριου εν χειρι Μωυση
10 και ηλθον εις Γαλγαλα του Ιορδανου η εστιν εν γη Χανααν και ωκοδομησαν οι υιοι Γαδ και οι υιοι Ρουβην και το ημισυ φυλης Μανασση εκει βωμον επι του Ιορδανου βωμον μεγαν του ιδειν
11 και ηκουσαν οι υιοι Ισραηλ λεγοντων ιδου ωκοδομησαν οι υιοι Γαδ και οι υιοι Ρουβην και το ημισυ φυλης Μανασση βωμον εφ οριων γης Χανααν επι του Γαλααδ του Ιορδανου εν τω περαν υιων Ισραηλ
12 και συνηθροισθησαν παντες οι υιοι Ισραηλ εις Σηλω ωστε αναβαντες εκπολεμησαι αυτους
13 και απεστειλαν οι υιοι Ισραηλ προς τους υιους Ρουβην και προς τους υιους Γαδ και προς το ημισυ φυλης Μανασση εις γην Γαλααδ τον τε Φινεες υιον Ελεαζαρ υιου Ααρων του αρχιερεως
14 και δεκα των αρχοντων μετ αυτου αρχων εις απο οικου πατριας απο πασων φυλων Ισραηλ αρχοντες οικων πατριων εισιν χιλιαρχοι Ισραηλ
15 και παρεγενοντο προς τους υιους Γαδ και προς τους υιους Ρουβην και προς τους ημισεις φυλης Μανασση εις γην Γαλααδ και ελαλησαν προς αυτους λεγοντες
16 ταδε λεγει πασα η συναγωγη κυριου τις η πλημμελεια αυτη ην επλημμελησατε εναντιον του θεου Ισραηλ αποστραφηναι σημερον απο κυριου οικοδομησαντες υμιν εαυτοις βωμον αποστατας υμας γενεσθαι απο κυριου
17 μη μικρον ημιν το αμαρτημα Φογωρ οτι ουκ εκαθαρισθημεν απ αυτου εως της ημερας ταυτης και εγενηθη πληγη εν τη συναγωγη κυριου
18 και υμεις αποστραφησεσθε σημερον απο κυριου και εσται εαν αποστητε σημερον απο κυριου και αυριον επι παντα Ισραηλ εσται η οργη
19 και νυν ει μικρα υμιν η γη της κατασχεσεως υμων διαβητε εις την γην της κατασχεσεως κυριου ου κατασκηνοι εκει η σκηνη κυριου και κατακληρονομησατε εν ημιν και μη αποσταται απο θεου γενηθητε και μη αποστητε απο κυριου δια το οικοδομησαι υμας βωμον εξω του θυσιαστηριου κυριου του θεου ημων
20 ουκ ιδου Αχαρ ο του Ζαρα πλημμελεια επλημμελησεν απο του αναθεματος και επι πασαν συναγωγην Ισραηλ εγενηθη οργη και ουτος εις μονος ην μη μονος ουτος απεθανεν τη εαυτου αμαρτια
21 και απεκριθησαν οι υιοι Ρουβην και οι υιοι Γαδ και το ημισυ φυλης Μανασση και ελαλησαν τοις χιλιαρχοις Ισραηλ λεγοντες
22 ο θεος θεος εστιν κυριος και ο θεος θεος κυριος αυτος οιδεν και Ισραηλ αυτος γνωσεται ει εν αποστασια επλημμελησαμεν εναντι του κυριου μη ρυσαιτο ημας εν ταυτη
23 και ει ωκοδομησαμεν αυτοις βωμον ωστε αποστηναι απο κυριου του θεου ημων ωστε αναβιβασαι επ αυτον θυσιαν ολοκαυτωματων η ωστε ποιησαι επ αυτου θυσιαν σωτηριου κυριος εκζητησει
24 αλλ ενεκεν ευλαβειας ρηματος εποιησαμεν τουτο λεγοντες ινα μη ειπωσιν αυριον τα τεκνα υμων τοις τεκνοις ημων τι υμιν κυριω τω θεω Ισραηλ
25 και ορια εθηκεν κυριος ανα μεσον ημων και υμων τον Ιορδανην και ουκ εστιν υμιν μερις κυριου και απαλλοτριωσουσιν οι υιοι υμων τους υιους ημων ινα μη σεβωνται κυριον
26 και ειπαμεν ποιησαι ουτως του οικοδομησαι τον βωμον τουτον ουχ ενεκεν καρπωματων ουδε ενεκεν θυσιων
27 αλλ ινα η τουτο μαρτυριον ανα μεσον ημων και υμων και ανα μεσον των γενεων ημων μεθ ημας του λατρευειν λατρειαν κυριω εναντιον αυτου εν τοις καρπωμασιν ημων και εν ταις θυσιαις ημων και εν ταις θυσιαις των σωτηριων ημων και ουκ ερουσιν τα τεκνα υμων τοις τεκνοις ημων αυριον ουκ εστιν υμιν μερις κυριου
28 και ειπαμεν εαν γενηται ποτε και λαλησωσιν προς ημας και ταις γενεαις ημων αυριον και ερουσιν ιδετε ομοιωμα του θυσιαστηριου κυριου ο εποιησαν οι πατερες ημων ουχ ενεκεν καρπωματων ουδε ενεκεν θυσιων αλλα μαρτυριον εστιν ανα μεσον υμων και ανα μεσον ημων και ανα μεσον των υιων ημων
29 μη γενοιτο ουν ημας αποστραφηναι απο κυριου εν ταις σημερον ημεραις αποστηναι απο κυριου ωστε οικοδομησαι ημας θυσιαστηριον τοις καρπωμασιν και ταις θυσιαις σαλαμιν και τη θυσια του σωτηριου πλην του θυσιαστηριου κυριου ο εστιν εναντιον της σκηνης αυτου
30 και ακουσας Φινεες ο ιερευς και παντες οι αρχοντες της συναγωγης Ισραηλ οι ησαν μετ αυτου τους λογους ους ελαλησαν οι υιοι Ρουβην και οι υιοι Γαδ και το ημισυ φυλης Μανασση και ηρεσεν αυτοις
31 και ειπεν Φινεες ο ιερευς τοις υιοις Ρουβην και τοις υιοις Γαδ και τω ημισει φυλης Μανασση σημερον εγνωκαμεν οτι μεθ ημων κυριος διοτι ουκ επλημμελησατε εναντιον κυριου πλημμελειαν και οτι ερρυσασθε τους υιους Ισραηλ εκ χειρος κυριου
32 και απεστρεψεν Φινεες ο ιερευς και οι αρχοντες απο των υιων Ρουβην και απο των υιων Γαδ και απο του ημισους φυλης Μανασση εκ γης Γαλααδ εις γην Χανααν προς τους υιους Ισραηλ και απεκριθησαν αυτοις τους λογους
33 και ηρεσεν τοις υιοις Ισραηλ και ελαλησαν προς τους υιους Ισραηλ και ευλογησαν τον θεον υιων Ισραηλ και ειπαν μηκετι αναβηναι προς αυτους εις πολεμον εξολεθρευσαι την γην των υιων Ρουβην και των υιων Γαδ και του ημισους φυλης Μανασση και κατωκησαν επ αυτης
34 και επωνομασεν Ιησους τον βωμον των Ρουβην και των Γαδ και του ημισους φυλης Μανασση και ειπεν οτι μαρτυριον εστιν ανα μεσον αυτων οτι κυριος ο θεος αυτων εστιν

Kapitel 23

1 και εγενετο μεθ ημερας πλειους μετα το καταπαυσαι κυριον τον Ισραηλ απο παντων των εχθρων αυτων κυκλοθεν και Ιησους πρεσβυτερος προβεβηκως ταις ημεραις
2 και συνεκαλεσεν Ιησους παντας τους υιους Ισραηλ και την γερουσιαν αυτων και τους αρχοντας αυτων και τους γραμματεις αυτων και τους δικαστας αυτων και ειπεν προς αυτους εγω γεγηρακα και προβεβηκα ταις ημεραις
3 υμεις δε εωρακατε οσα εποιησεν κυριος ο θεος υμων πασιν τοις εθνεσιν τουτοις απο προσωπου υμων οτι κυριος ο θεος υμων ο εκπολεμησας υμιν
4 ιδετε οτι επερριφα υμιν τα εθνη τα καταλελειμμενα υμιν ταυτα εν τοις κληροις εις τας φυλας υμων απο του Ιορδανου παντα τα εθνη α εξωλεθρευσα και απο της θαλασσης της μεγαλης οριει επι δυσμας ηλιου
5 κυριος δε ο θεος υμων ουτος εξολεθρευσει αυτους απο προσωπου υμων εως αν απολωνται και αποστελει αυτοις τα θηρια τα αγρια εως αν εξολεθρευση αυτους και τους βασιλεις αυτων απο προσωπου υμων και κατακληρονομησατε την γην αυτων καθα ελαλησεν κυριος ο θεος υμων υμιν
6 κατισχυσατε ουν σφοδρα φυλασσειν και ποιειν παντα τα γεγραμμενα εν τω βιβλιω του νομου Μωυση ινα μη εκκλινητε εις δεξιαν η ευωνυμα
7 οπως μη εισελθητε εις τα εθνη τα καταλελειμμενα ταυτα και τα ονοματα των θεων αυτων ουκ ονομασθησεται εν υμιν ουδε μη προσκυνησητε αυτοις ουδε μη λατρευσητε αυτοις
8 αλλα κυριω τω θεω υμων προσκολληθησεσθε καθαπερ εποιησατε εως της ημερας ταυτης
9 και εξωλεθρευσεν αυτους κυριος απο προσωπου υμων εθνη μεγαλα και ισχυρα και υμιν ουθεις αντεστη κατενωπιον υμων εως της ημερας ταυτης
10 εις υμων εδιωξεν χιλιους οτι κυριος ο θεος υμων εξεπολεμει υμιν καθαπερ ειπεν υμιν
11 και φυλαξασθε σφοδρα του αγαπαν κυριον τον θεον υμων
12 εαν γαρ αποστραφητε και προσθησθε τοις υπολειφθεισιν εθνεσιν τουτοις τοις μεθ υμων και επιγαμιας ποιησητε προς αυτους και συγκαταμιγητε αυτοις και αυτοι υμιν
13 γινωσκετε οτι ου μη προσθη κυριος του εξολεθρευσαι τα εθνη ταυτα απο προσωπου υμων και εσονται υμιν εις παγιδας και εις σκανδαλα και εις ηλους εν ταις πτερναις υμων και εις βολιδας εν τοις οφθαλμοις υμων εως αν απολησθε απο της γης της αγαθης ταυτης ην εδωκεν υμιν κυριος ο θεος υμων
14 εγω δε αποτρεχω την οδον καθα και παντες οι επι της γης και γνωσεσθε τη καρδια υμων και τη ψυχη υμων διοτι ου διεπεσεν εις λογος απο παντων των λογων ων ειπεν κυριος ο θεος υμων προς παντα τα ανηκοντα υμιν ου διεφωνησεν εξ αυτων
15 και εσται ον τροπον ηκει εφ υμας παντα τα ρηματα τα καλα α ελαλησεν κυριος προς υμας ουτως επαξει κυριος ο θεος εφ υμας παντα τα ρηματα τα πονηρα εως αν εξολεθρευση υμας απο της γης της αγαθης ταυτης ης εδωκεν κυριος υμιν
16 εν τω παραβηναι υμας την διαθηκην κυριου του θεου υμων ην ενετειλατο υμιν και πορευθεντες λατρευσητε θεοις ετεροις και προσκυνησητε αυτοις

Kapitel 24

1 και συνηγαγεν Ιησους πασας φυλας Ισραηλ εις Σηλω και συνεκαλεσεν τους πρεσβυτερους αυτων και τους γραμματεις αυτων και τους δικαστας αυτων και εστησεν αυτους απεναντι του θεου
2 και ειπεν Ιησους προς παντα τον λαον ταδε λεγει κυριος ο θεος Ισραηλ περαν του ποταμου κατωκησαν οι πατερες υμων το απ αρχης Θαρα ο πατηρ Αβρααμ και ο πατηρ Ναχωρ και ελατρευσαν θεοις ετεροις
3 και ελαβον τον πατερα υμων τον Αβρααμ εκ του περαν του ποταμου και ωδηγησα αυτον εν παση τη γη και επληθυνα αυτου σπερμα και εδωκα αυτω τον Ισαακ
4 και τω Ισαακ τον Ιακωβ και τον Ησαυ και εδωκα τω Ησαυ το ορος το Σηιρ κληρονομησαι αυτω και Ιακωβ και οι υιοι αυτου κατεβησαν εις Αιγυπτον και εγενοντο εκει εις εθνος μεγα και πολυ και κραταιον
5 και εκακωσαν αυτους οι Αιγυπτιοι και επαταξεν κυριος την Αιγυπτον εν οις εποιησεν αυτοις και μετα ταυτα εξηγαγεν υμας
6 εξ Αιγυπτου και εισηλθατε εις την θαλασσαν την ερυθραν και κατεδιωξαν οι Αιγυπτιοι οπισω των πατερων υμων εν αρμασιν και εν ιπποις εις την θαλασσαν την ερυθραν
7 και ανεβοησαμεν προς κυριον και εδωκεν νεφελην και γνοφον ανα μεσον ημων και ανα μεσον των Αιγυπτιων και επηγαγεν επ αυτους την θαλασσαν και εκαλυψεν αυτους και ειδοσαν οι οφθαλμοι υμων οσα εποιησεν κυριος εν γη Αιγυπτω και ητε εν τη ερημω ημερας πλειους
8 και ηγαγεν υμας εις γην Αμορραιων των κατοικουντων περαν του Ιορδανου και παρεταξαντο υμιν και παρεδωκεν αυτους κυριος εις τας χειρας υμων και κατεκληρονομησατε την γην αυτων και εξωλεθρευσατε αυτους απο προσωπου υμων
9 και ανεστη Βαλακ ο του Σεπφωρ βασιλευς Μωαβ και παρεταξατο τω Ισραηλ και αποστειλας εκαλεσεν τον Βαλααμ αρασασθαι υμιν
10 και ουκ ηθελησεν κυριος ο θεος σου απολεσαι σε και ευλογιαν ευλογησεν υμας και εξειλατο υμας εκ χειρων αυτων και παρεδωκεν αυτους
11 και διεβητε τον Ιορδανην και παρεγενηθητε εις Ιεριχω και επολεμησαν προς υμας οι κατοικουντες Ιεριχω ο Αμορραιος και ο Χαναναιος και ο Φερεζαιος και ο Ευαιος και ο Ιεβουσαιος και ο Χετταιος και ο Γεργεσαιος και παρεδωκεν αυτους κυριος εις τας χειρας υμων
12 και εξαπεστειλεν προτεραν υμων την σφηκιαν και εξεβαλεν αυτους απο προσωπου υμων δωδεκα βασιλεις των Αμορραιων ουκ εν τη ρομφαια σου ουδε εν τω τοξω σου
13 και εδωκεν υμιν γην εφ ην ουκ εκοπιασατε επ αυτης και πολεις ας ουκ ωκοδομησατε και κατωκισθητε εν αυταις και αμπελωνας και ελαιωνας ους ουκ εφυτευσατε υμεις εδεσθε
14 και νυν φοβηθητε κυριον και λατρευσατε αυτω εν ευθυτητι και εν δικαιοσυνη και περιελεσθε τους θεους τους αλλοτριους οις ελατρευσαν οι πατερες υμων εν τω περαν του ποταμου και εν Αιγυπτω και λατρευετε κυριω
15 ει δε μη αρεσκει υμιν λατρευειν κυριω ελεσθε υμιν εαυτοις σημερον τινι λατρευσητε ειτε τοις θεοις των πατερων υμων τοις εν τω περαν του ποταμου ειτε τοις θεοις των Αμορραιων εν οις υμεις κατοικειτε επι της γης αυτων εγω δε και η οικια μου λατρευσομεν κυριω οτι αγιος εστιν
16 και αποκριθεις ο λαος ειπεν μη γενοιτο ημιν καταλιπειν κυριον ωστε λατρευειν θεοις ετεροις
17 κυριος ο θεος ημων αυτος θεος εστιν αυτος ανηγαγεν ημας και τους πατερας ημων εξ Αιγυπτου και διεφυλαξεν ημας εν παση τη οδω η επορευθημεν εν αυτη και εν πασιν τοις εθνεσιν ους παρηλθομεν δι αυτων
18 και εξεβαλεν κυριος τον Αμορραιον και παντα τα εθνη τα κατοικουντα την γην απο προσωπου ημων αλλα και ημεις λατρευσομεν κυριω ουτος γαρ θεος ημων εστιν
19 και ειπεν Ιησους προς τον λαον ου μη δυνησθε λατρευειν κυριω οτι θεος αγιος εστιν και ζηλωσας ουτος ουκ ανησει υμων τα αμαρτηματα και τα ανομηματα υμων
20 ηνικα εαν εγκαταλιπητε κυριον και λατρευσητε θεοις ετεροις και επελθων κακωσει υμας και εξαναλωσει υμας ανθ ων ευ εποιησεν υμας
21 και ειπεν ο λαος προς Ιησουν ουχι αλλα κυριω λατρευσομεν
22 και ειπεν Ιησους προς τον λαον μαρτυρες υμεις καθ υμων οτι υμεις εξελεξασθε κυριον λατρευειν αυτω
23 και νυν περιελεσθε τους θεους τους αλλοτριους τους εν υμιν και ευθυνατε την καρδιαν υμων προς κυριον θεον Ισραηλ
24 και ειπεν ο λαος προς Ιησουν κυριω λατρευσομεν και της φωνης αυτου ακουσομεθα
25 και διεθετο Ιησους διαθηκην προς τον λαον εν τη ημερα εκεινη και εδωκεν αυτω νομον και κρισιν εν Σηλω ενωπιον της σκηνης του θεου Ισραηλ
26 και εγραψεν τα ρηματα ταυτα εις βιβλιον νομον του θεου και ελαβεν λιθον μεγαν και εστησεν αυτον Ιησους υπο την τερεμινθον απεναντι κυριου
27 και ειπεν Ιησους προς τον λαον ιδου ο λιθος ουτος εσται εν υμιν εις μαρτυριον οτι αυτος ακηκοεν παντα τα λεχθεντα αυτω υπο κυριου ο τι ελαλησεν προς ημας σημερον και εσται ουτος εν υμιν εις μαρτυριον επ εσχατων των ημερων ηνικα εαν ψευσησθε κυριω τω θεω μου
28 και απεστειλεν Ιησους τον λαον και επορευθησαν εκαστος εις τον τοπον αυτου
29 και ελατρευσεν Ισραηλ τω κυριω πασας τας ημερας Ιησου και πασας τας ημερας των πρεσβυτερων οσοι εφειλκυσαν τον χρονον μετα Ιησου και οσοι ειδοσαν παντα τα εργα κυριου οσα εποιησεν τω Ισραηλ
30 και εγενετο μετ εκεινα και απεθανεν Ιησους υιος Ναυη δουλος κυριου εκατον δεκα ετων
31 και εθαψαν αυτον προς τοις οριοις του κληρου αυτου εν Θαμναθασαχαρα εν τω ορει τω Εφραιμ απο βορρα του ορους Γαας
32 και τα οστα Ιωσηφ ανηγαγον οι υιοι Ισραηλ εξ Αιγυπτου και κατωρυξαν εν Σικιμοις εν τη μεριδι του αγρου ου εκτησατο Ιακωβ παρα των Αμορραιων των κατοικουντων εν Σικιμοις αμναδων εκατον και εδωκεν αυτην Ιωσηφ εν μεριδι
33 και εγενετο μετα ταυτα και Ελεαζαρ υιος Ααρων ο αρχιερευς ετελευτησεν και εταφη εν Γαβααθ Φινεες του υιου αυτου ην εδωκεν αυτω εν τω ορει τω Εφραιμ

Andre bøger

• ←5 Mosebog ← Forrige bog i samme Bibel
• →Dommerne → Næste bog i samme Bibel
•    Josva - Septuaginta, på græsk
•    Josva - Septuaginta, oversat til engelsk
•    Josva - Dansk bibeloversættelse fra 1931
•    Josva - King James Authorized Version (1611)

Bibelen → Ressourcer → Septuaginta → Josva (Unicode)