Om oversættelsen: Septuaginta er den græske tradition — den som Helligånden foretrækker. Der er tusinder af afvigelser mellem Septuaginta og den jødiske teksttradition, som "vi" følger her i Vesten.
Teksten er i græske bogstaver med Unicode. Hvis man foretrækker danske bogstaver, anbefales parallelsiden: Ezras Bog.
Om bogen: Ezras Bog hedder Anden Esdras i Septuaginta; 1. Esdras regnes som apokryf.
Kapitler: 1 2 3 4 5 6 7 8 9 10
1 και εν τω πρωτω ετει Κυρου του βασιλεως Περσων του τελεσθηναι λογον κυριου απο στοματος Ιερεμιου εξηγειρεν κυριος το πνευμα Κυρου βασιλεως Περσων και παρηγγειλεν φωνην εν παση βασιλεια αυτου και γε εν γραπτω λεγων
2 ουτως ειπεν Κυρος βασιλευς Περσων πασας τας βασιλειας της γης εδωκεν μοι κυριος ο θεος του ουρανου και αυτος επεσκεψατο επ εμε του οικοδομησαι αυτω οικον εν Ιερουσαλημ τη εν τη Ιουδαια
3 τις εν υμιν απο παντος του λαου αυτου και εσται ο θεος αυτου μετ αυτου και αναβησεται εις Ιερουσαλημ την εν τη Ιουδαια και οικοδομησατω τον οικον θεου Ισραηλ αυτος ο θεος ο εν Ιερουσαλημ
4 και πας ο καταλειπομενος απο παντων των τοπων ου αυτος παροικει εκει και λημψονται αυτον ανδρες του τοπου αυτου εν αργυριω και χρυσιω και αποσκευη και κτηνεσιν μετα του εκουσιου εις οικον του θεου του εν Ιερουσαλημ
5 και ανεστησαν αρχοντες των πατριων τω Ιουδα και Βενιαμιν και οι ιερεις και οι Λευιται παντων ων εξηγειρεν ο θεος το πνευμα αυτων του αναβηναι οικοδομησαι τον οικον κυριου τον εν Ιερουσαλημ
6 και παντες οι κυκλοθεν ενισχυσαν εν χερσιν αυτων εν σκευεσιν αργυριου εν χρυσω εν αποσκευη και εν κτηνεσιν και εν ξενιοις παρεξ των εν εκουσιοις
7 και ο βασιλευς Κυρος εξηνεγκεν τα σκευη οικου κυριου α ελαβεν Ναβουχοδονοσορ απο Ιερουσαλημ και εδωκεν αυτα εν οικω θεου αυτου
8 και εξηνεγκεν αυτα Κυρος βασιλευς Περσων επι χειρα Μιθραδατου γασβαρηνου και ηριθμησεν αυτα τω Σασαβασαρ αρχοντι του Ιουδα
9 και ουτος ο αριθμος αυτων ψυκτηρες χρυσοι τριακοντα και ψυκτηρες αργυροι χιλιοι παρηλλαγμενα εννεα και εικοσι
10 κεφφουρη χρυσοι τριακοντα και αργυροι διακοσιοι και σκευη ετερα χιλια
11 παντα τα σκευη τω χρυσω και τω αργυρω πεντακισχιλια και τετρακοσια τα παντα αναβαινοντα μετα Σασαβασαρ απο της αποικιας εκ Βαβυλωνος εις Ιερουσαλημ
1 και ουτοι οι υιοι της χωρας οι αναβαινοντες απο της αιχμαλωσιας της αποικιας ης απωκισεν Ναβουχοδονοσορ βασιλευς Βαβυλωνος εις Βαβυλωνα και επεστρεψαν εις Ιερουσαλημ και Ιουδα ανηρ εις πολιν αυτου
2 οι ηλθον μετα Ζοροβαβελ Ιησους Νεεμιας Σαραιας Ρεελιας Μαρδοχαιος Βαλασαν Μασφαρ Βαγουι Ρεουμ Βαανα ανδρων αριθμος λαου Ισραηλ
3 υιοι Φορος δισχιλιοι εκατον εβδομηκοντα δυο
4 υιοι Σαφατια τριακοσιοι εβδομηκοντα δυο
5 υιοι Ηρα επτακοσιοι εβδομηκοντα πεντε
6 υιοι Φααθμωαβ τοις υιοις Ιησουε Ιωαβ δισχιλιοι οκτακοσιοι δεκα δυο
7 υιοι Αιλαμ χιλιοι διακοσιοι πεντηκοντα τεσσαρες
8 υιοι Ζαθουα εννακοσιοι τεσσαρακοντα πεντε
9 υιοι Ζακχου επτακοσιοι εξηκοντα
10 υιοι Βανουι εξακοσιοι τεσσαρακοντα δυο
11 υιοι Βαβι εξακοσιοι εικοσι τρεις
12 υιοι Ασγαδ τρισχιλιοι διακοσιοι εικοσι δυο
13 υιοι Αδωνικαμ εξακοσιοι εξηκοντα εξ
14 υιοι Βαγοι δισχιλιοι πεντηκοντα εξ
15 υιοι Αδιν τετρακοσιοι πεντηκοντα τεσσαρες
16 υιοι Ατηρ τω Εζεκια ενενηκοντα οκτω
17 υιοι Βασου τριακοσιοι εικοσι τρεις
18 υιοι Ιωρα εκατον δεκα δυο
19 υιοι Ασεμ διακοσιοι εικοσι τρεις
20 υιοι Γαβερ ενενηκοντα πεντε
21 υιοι Βαιθλεεμ εκατον εικοσι τρεις
22 υιοι Νετωφα πεντηκοντα εξ
23 υιοι Αναθωθ εκατον εικοσι οκτω
24 υιοι Ασμωθ τεσσαρακοντα δυο
25 υιοι Καριαθιαριμ Καφιρα και Βηρωθ επτακοσιοι τεσσαρακοντα τρεις
26 υιοι Αραμα και Γαβαα εξακοσιοι εικοσι εις
27 ανδρες Μαχμας εκατον εικοσι δυο
28 ανδρες Βαιθηλ και Αια τετρακοσιοι εικοσι τρεις
29 υιοι Ναβου πεντηκοντα δυο
30 υιοι Μαγεβως εκατον πεντηκοντα εξ
31 υιοι Ηλαμ-αρ χιλιοι διακοσιοι πεντηκοντα τεσσαρες
32 υιοι Ηραμ τριακοσιοι εικοσι
33 υιοι Λοδ Αρωθ και Ωνω επτακοσιοι εικοσι πεντε
34 υιοι Ιεριχω τριακοσιοι τεσσαρακοντα πεντε
35 υιοι Σαναα τρισχιλιοι εξακοσιοι τριακοντα
36 και οι ιερεις υιοι Ιεδουα τω οικω Ιησου εννακοσιοι εβδομηκοντα τρεις
37 υιοι Εμμηρ χιλιοι πεντηκοντα δυο
38 υιοι Φασσουρ χιλιοι διακοσιοι τεσσαρακοντα επτα
39 υιοι Ηρεμ χιλιοι επτα
40 και οι Λευιται υιοι Ιησου και Καδμιηλ τοις υιοις Ωδουια εβδομηκοντα τεσσαρες
41 οι αδοντες υιοι Ασαφ εκατον εικοσι οκτω
42 υιοι των πυλωρων υιοι Σαλουμ υιοι Ατηρ υιοι Τελμων υιοι Ακουβ υιοι Ατιτα υιοι Σαβαου οι παντες εκατον τριακοντα εννεα
43 οι ναθιναιοι υιοι Σουια υιοι Ασουφε υιοι Ταβαωθ
44 υιοι Κηραος υιοι Σωηα υιοι Φαδων
45 υιοι Λαβανω υιοι Αγαβα υιοι Ακαβωθ
46 υιοι Αγαβ υιοι Σαμαλαι υιοι Αναν
47 υιοι Κεδελ υιοι Γαερ υιοι Ρεηα
48 υιοι Ρασων υιοι Νεκωδα υιοι Γαζεμ
49 υιοι Ουσα υιοι Φαση υιοι Βασι
50 υιοι Ασενα υιοι Μαωνιμ υιοι Ναφισων
51 υιοι Βακβουκ υιοι Ακιφα υιοι Αρουρ
52 υιοι Βασαλωθ υιοι Μαουδα υιοι Αρησα
53 υιοι Βαρκους υιοι Σισαρα υιοι Θεμα
54 υιοι Νασουε υιοι Ατουφα
55 υιοι Αβδησελμα υιοι Σατι υιοι Ασεφηραθ υιοι Φαδουρα
56 υιοι Ιεηλα υιοι Δαρκων υιοι Γεδηλ
57 υιοι Σαφατια υιοι Ατιλ υιοι Φαχεραθ-ασεβωιν υιοι Ημι
58 παντες οι ναθινιν και υιοι Αβδησελμα τριακοσιοι ενενηκοντα δυο
59 και ουτοι οι αναβαντες απο Θελμελεθ Θελαρησα Χαρουβ Ηδαν Εμμηρ και ουκ ηδυνασθησαν του αναγγειλαι οικον πατριας αυτων και σπερμα αυτων ει εξ Ισραηλ εισιν
60 υιοι Δαλαια υιοι Βουα υιοι Τωβια υιοι Νεκωδα εξακοσιοι πεντηκοντα δυο
61 και απο των υιων των ιερεων υιοι Χαβια υιοι Ακους υιοι Βερζελλαι ος ελαβεν απο θυγατερων Βερζελλαι του Γαλααδιτου γυναικα και εκληθη επι τω ονοματι αυτων
62 ουτοι εζητησαν γραφην αυτων οι μεθωεσιμ και ουχ ευρεθησαν και ηγχιστευθησαν απο της ιερατειας
63 και ειπεν Αθερσαθα αυτοις του μη φαγειν απο του αγιου των αγιων εως αναστη ιερευς τοις φωτιζουσιν και τοις τελειοις
64 πασα δε η εκκλησια ως εις τεσσαρες μυριαδες δισχιλιοι τριακοσιοι εξηκοντα
65 χωρις δουλων αυτων και παιδισκων αυτων ουτοι επτακισχιλιοι τριακοσιοι τριακοντα επτα και ουτοι αδοντες και αδουσαι διακοσιοι
66 ιπποι αυτων επτακοσιοι τριακοντα εξ ημιονοι αυτων διακοσιοι τεσσαρακοντα πεντε
67 καμηλοι αυτων τετρακοσιοι τριακοντα πεντε ονοι αυτων εξακισχιλιοι επτακοσιοι εικοσι
68 και απο αρχοντων πατριων εν τω ελθειν αυτους εις οικον κυριου τον εν Ιερουσαλημ ηκουσιασαντο εις οικον του θεου του στησαι αυτον επι την ετοιμασιαν αυτου
69 ως η δυναμις αυτων εδωκαν εις θησαυρον του εργου χρυσιον καθαρον μναι εξ μυριαδες και χιλιαι και αργυριον μναι πεντακισχιλιαι και κοθωνοι των ιερεων εκατον
70 και εκαθισαν οι ιερεις και οι Λευιται και οι απο του λαου και οι αδοντες και οι πυλωροι και οι ναθινιμ εν πολεσιν αυτων και πας Ισραηλ εν πολεσιν αυτων
1 και εφθασεν ο μην ο εβδομος και οι υιοι Ισραηλ εν πολεσιν αυτων και συνηχθη ο λαος ως ανηρ εις εις Ιερουσαλημ
2 και ανεστη Ιησους ο του Ιωσεδεκ και οι αδελφοι αυτου ιερεις και Ζοροβαβελ ο του Σαλαθιηλ και οι αδελφοι αυτου και ωκοδομησαν το θυσιαστηριον θεου Ισραηλ του ανενεγκαι επ αυτο ολοκαυτωσεις κατα τα γεγραμμενα εν νομω Μωυση ανθρωπου του θεου
3 και ητοιμασαν το θυσιαστηριον επι την ετοιμασιαν αυτου οτι εν καταπληξει επ αυτους απο των λαων των γαιων και ανεβη επ αυτο ολοκαυτωσις τω κυριω το πρωι και εις εσπεραν
4 και εποιησαν την εορτην των σκηνων κατα το γεγραμμενον και ολοκαυτωσεις ημεραν εν ημερα εν αριθμω ως η κρισις λογον ημερας εν ημερα αυτου
5 και μετα τουτο ολοκαυτωσεις ενδελεχισμου και εις τας νουμηνιας και εις πασας εορτας τας ηγιασμενας και παντι εκουσιαζομενω εκουσιον τω κυριω
6 εν ημερα μια του μηνος του εβδομου ηρξαντο αναφερειν ολοκαυτωσεις τω κυριω και ο οικος κυριου ουκ εθεμελιωθη
7 και εδωκαν αργυριον τοις λατομοις και τοις τεκτοσιν και βρωματα και ποτα και ελαιον τοις Σηδανιν και τοις Σωριν ενεγκαι ξυλα κεδρινα απο του Λιβανου προς θαλασσαν Ιοππης κατ επιχωρησιν Κυρου βασιλεως Περσων επ αυτους
8 και εν τω ετει τω δευτερω του ελθειν αυτους εις οικον του θεου εις Ιερουσαλημ εν μηνι τω δευτερω ηρξατο Ζοροβαβελ ο του Σαλαθιηλ και Ιησους ο του Ιωσεδεκ και οι καταλοιποι των αδελφων αυτων οι ιερεις και οι Λευιται και παντες οι ερχομενοι απο της αιχμαλωσιας εις Ιερουσαλημ και εστησαν τους Λευιτας απο εικοσαετους και επανω επι τους ποιουντας τα εργα εν οικω κυριου
9 και εστη Ιησους και οι υιοι αυτου και οι αδελφοι αυτου Καδμιηλ και οι υιοι αυτου υιοι Ιουδα επι τους ποιουντας τα εργα εν οικω του θεου υιοι Ηναδαδ υιοι αυτων και αδελφοι αυτων οι Λευιται
10 και εθεμελιωσαν του οικοδομησαι τον οικον κυριου και εστησαν οι ιερεις εστολισμενοι εν σαλπιγξιν και οι Λευιται υιοι Ασαφ εν κυμβαλοις του αινειν τον κυριον επι χειρας Δαυιδ βασιλεως Ισραηλ
11 και απεκριθησαν εν αινω και ανθομολογησει τω κυριω οτι αγαθον οτι εις τον αιωνα το ελεος αυτου επι Ισραηλ και πας ο λαος εσημαινον φωνην μεγαλην αινειν τω κυριω επι θεμελιωσει οικου κυριου
12 και πολλοι απο των ιερεων και των Λευιτων και αρχοντες των πατριων οι πρεσβυτεροι οι ειδοσαν τον οικον τον πρωτον εν θεμελιωσει αυτου και τουτον τον οικον εν οφθαλμοις αυτων εκλαιον φωνη μεγαλη και οχλος εν σημασια μετ ευφροσυνης του υψωσαι ωδην
13 και ουκ ην ο λαος επιγινωσκων φωνην σημασιας της ευφροσυνης απο της φωνης του κλαυθμου του λαου οτι ο λαος εκραυγασεν φωνη μεγαλη και η φωνη ηκουετο εως απο μακροθεν
1 και ηκουσαν οι θλιβοντες Ιουδα και Βενιαμιν οτι οι υιοι της αποικιας οικοδομουσιν οικον τω κυριω θεω Ισραηλ
2 και ηγγισαν προς Ζοροβαβελ και προς τους αρχοντας των πατριων και ειπαν αυτοις οικοδομησομεν μεθ υμων οτι ως υμεις εκζητουμεν τω θεω υμων και αυτω ημεις θυσιαζομεν απο ημερων Ασαραδδων βασιλεως Ασσουρ του ενεγκαντος ημας ωδε
3 και ειπεν προς αυτους Ζοροβαβελ και Ιησους και οι καταλοιποι των αρχοντων των πατριων του Ισραηλ ουχ ημιν και υμιν του οικοδομησαι οικον τω θεω ημων οτι ημεις αυτοι επι το αυτο οικοδομησομεν τω κυριω θεω ημων ως ενετειλατο ημιν Κυρος ο βασιλευς Περσων
4 και ην ο λαος της γης εκλυων τας χειρας του λαου Ιουδα και ενεποδιζον αυτους του οικοδομειν
5 και μισθουμενοι επ αυτους βουλευομενοι του διασκεδασαι βουλην αυτων πασας τας ημερας Κυρου βασιλεως Περσων και εως βασιλειας Δαρειου βασιλεως Περσων
6 και εν βασιλεια Ασουηρου εν αρχη βασιλειας αυτου εγραψαν επιστολην επι οικουντας Ιουδα και Ιερουσαλημ
7 και εν ημεραις Αρθασασθα εγραψεν εν ειρηνη Μιθραδατη Ταβεηλ συν και τοις λοιποις συνδουλοις αυτου προς Αρθασασθα βασιλεα Περσων εγραψεν ο φορολογος γραφην Συριστι και ηρμηνευμενην
8 Ραουμ βααλταμ και Σαμσαι ο γραμματευς εγραψαν επιστολην μιαν κατα Ιερουσαλημ τω Αρθασασθα βασιλει
9 ταδε εκρινεν Ραουμ βααλταμ και Σαμσαι ο γραμματευς και οι καταλοιποι συνδουλοι ημων Διναιοι Αφαρσαθαχαιοι Ταρφαλλαιοι Αφαρσαιοι Αρχυαιοι Βαβυλωνιοι Σουσαναχαιοι οι εισιν Ηλαμαιοι
10 και οι καταλοιποι εθνων ων απωκισεν Ασενναφαρ ο μεγας και ο τιμιος και κατωκισεν αυτους εν πολεσιν της Σομορων και το καταλοιπον περαν του ποταμου
11 αυτη η διαταγη της επιστολης ης απεστειλαν προς αυτον προς Αρθασασθα βασιλεα παιδες σου ανδρες περαν του ποταμου
12 γνωστον εστω τω βασιλει οτι οι Ιουδαιοι αναβαντες απο σου εφ ημας ηλθοσαν εις Ιερουσαλημ την πολιν την αποστατιν και πονηραν οικοδομουσιν και τα τειχη αυτης κατηρτισμενοι εισιν και θεμελιους αυτης ανυψωσαν
13 νυν ουν γνωστον εστω τω βασιλει οτι εαν η πολις εκεινη ανοικοδομηθη και τα τειχη αυτης καταρτισθωσιν φοροι ουκ εσονται σοι ουδε δωσουσιν και τουτο βασιλεις κακοποιει
14 και ασχημοσυνην βασιλεως ουκ εξεστιν ημιν ιδειν δια τουτο επεμψαμεν και εγνωρισαμεν τω βασιλει
15 ινα επισκεψηται εν βιβλιω υπομνηματισμου των πατερων σου και ευρησεις και γνωση οτι η πολις εκεινη πολις αποστατις και κακοποιουσα βασιλεις και χωρας και φυγαδια δουλων εν μεσω αυτης απο χρονων αιωνος δια ταυτα η πολις αυτη ηρημωθη
16 γνωριζομεν ουν ημεις τω βασιλει οτι εαν η πολις εκεινη οικοδομηθη και τα τειχη αυτης καταρτισθη ουκ εστιν σοι ειρηνη
17 και απεστειλεν ο βασιλευς προς Ραουμ βααλταμ και Σαμσαι γραμματεα και τους καταλοιπους συνδουλους αυτων τους οικουντας εν Σαμαρεια και τους καταλοιπους περαν του ποταμου ειρηνην και φησιν
18 ο φορολογος ον απεστειλατε προς ημας εκληθη εμπροσθεν εμου
19 και παρ εμου ετεθη γνωμη και επεσκεψαμεθα και ευραμεν οτι η πολις εκεινη αφ ημερων αιωνος επι βασιλεις επαιρεται και αποστασεις και φυγαδια γινονται εν αυτη
20 και βασιλεις ισχυροι γινονται επι Ιερουσαλημ και επικρατουντες ολης της εσπερας του ποταμου και φοροι πληρεις και μερος διδοται αυτοις
21 και νυν θετε γνωμην καταργησαι τους ανδρας εκεινους και η πολις εκεινη ουκ οικοδομηθησεται ετι οπως απο της γνωμης
22 πεφυλαγμενοι ητε ανεσιν ποιησαι περι τουτου μηποτε πληθυνθη αφανισμος εις κακοποιησιν βασιλευσιν
23 τοτε ο φορολογος του Αρθασασθα βασιλεως ανεγνω ενωπιον Ραουμ και Σαμσαι γραμματεως και συνδουλων αυτων και επορευθησαν σπουδη εις Ιερουσαλημ και εν Ιουδα και κατηργησαν αυτους εν ιπποις και δυναμει
24 τοτε ηργησεν το εργον οικου του θεου του εν Ιερουσαλημ και ην αργουν εως δευτερου ετους της βασιλειας Δαρειου του βασιλεως Περσων
1 και επροφητευσεν Αγγαιος ο προφητης και Ζαχαριας ο του Αδδω προφητειαν επι τους Ιουδαιους τους εν Ιουδα και Ιερουσαλημ εν ονοματι θεου Ισραηλ επ αυτους
2 τοτε ανεστησαν Ζοροβαβελ ο του Σαλαθιηλ και Ιησους ο υιος Ιωσεδεκ και ηρξαντο οικοδομησαι τον οικον του θεου τον εν Ιερουσαλημ και μετ αυτων οι προφηται του θεου βοηθουντες αυτοις
3 εν αυτω τω καιρω ηλθεν επ αυτους Θανθαναι επαρχος περαν του ποταμου και Σαθαρβουζανα και οι συνδουλοι αυτων και τοια ειπαν αυτοις τις εθηκεν υμιν γνωμην του οικοδομησαι τον οικον τουτον και την χορηγιαν ταυτην καταρτισασθαι
4 τοτε ταυτα ειποσαν αυτοις τινα εστιν τα ονοματα των ανδρων των οικοδομουντων την πολιν ταυτην
5 και οι οφθαλμοι του θεου επι την αιχμαλωσιαν Ιουδα και ου κατηργησαν αυτους εως γνωμη τω Δαρειω απηνεχθη και τοτε απεσταλη τω φορολογω υπερ τουτου
6 διασαφησις επιστολης ης απεστειλεν Θανθαναι ο επαρχος του περαν του ποταμου και Σαθαρβουζανα και οι συνδουλοι αυτων Αφαρσαχαιοι οι εν τω περαν του ποταμου Δαρειω τω βασιλει
7 ρησιν απεστειλαν προς αυτον και ταδε γεγραπται εν αυτω Δαρειω τω βασιλει ειρηνη πασα
8 γνωστον εστω τω βασιλει οτι επορευθημεν εις την Ιουδαιαν χωραν εις οικον του θεου του μεγαλου και αυτος οικοδομειται λιθοις εκλεκτοις και ξυλα εντιθεται εν τοις τοιχοις και το εργον εκεινο επιδεξιον γινεται και ευοδουται εν ταις χερσιν αυτων
9 τοτε ηρωτησαμεν τους πρεσβυτερους εκεινους και ουτως ειπαμεν αυτοις τις εθηκεν υμιν γνωμην τον οικον τουτον οικοδομησαι και την χορηγιαν ταυτην καταρτισασθαι
10 και τα ονοματα αυτων ηρωτησαμεν αυτους γνωρισαι σοι ωστε γραψαι σοι τα ονοματα των ανδρων των αρχοντων αυτων
11 και τοιουτο ρημα απεκριθησαν ημιν λεγοντες ημεις εσμεν δουλοι του θεου του ουρανου και της γης και οικοδομουμεν τον οικον ος ην ωκοδομημενος προ τουτου ετη πολλα και βασιλευς του Ισραηλ μεγας ωκοδομησεν αυτον και κατηρτισατο αυτον
12 αυτοις αφ οτε δε παρωργισαν οι πατερες ημων τον θεον του ουρανου εδωκεν αυτους εις χειρας Ναβουχοδονοσορ βασιλεως Βαβυλωνος του Χαλδαιου και τον οικον τουτον κατελυσεν και τον λαον απωκισεν εις Βαβυλωνα
13 αλλ εν ετει πρωτω Κυρου του βασιλεως Κυρος ο βασιλευς εθετο γνωμην τον οικον του θεου τουτον οικοδομηθηναι
14 και τα σκευη του οικου του θεου τα χρυσα και τα αργυρα α Ναβουχοδονοσορ εξηνεγκεν απο οικου του εν Ιερουσαλημ και απηνεγκεν αυτα εις ναον του βασιλεως εξηνεγκεν αυτα Κυρος ο βασιλευς απο ναου του βασιλεως και εδωκεν τω Σασαβασαρ τω θησαυροφυλακι τω επι του θησαυρου
15 και ειπεν αυτω παντα τα σκευη λαβε και πορευου θες αυτα εν τω οικω τω εν Ιερουσαλημ εις τον εαυτων τοπον
16 τοτε Σασαβασαρ εκεινος ηλθεν και εδωκεν θεμελιους του οικου του θεου του εν Ιερουσαλημ και απο τοτε εως του νυν ωκοδομηθη και ουκ ετελεσθη
17 και νυν ει επι τον βασιλεα αγαθον επισκεπητω εν οικω της γαζης του βασιλεως Βαβυλωνος οπως γνως οτι απο βασιλεως Κυρου ετεθη γνωμη οικοδομησαι τον οικον του θεου εκεινον τον εν Ιερουσαλημ και γνους ο βασιλευς περι τουτου πεμψατω προς ημας
1 τοτε Δαρειος ο βασιλευς εθηκεν γνωμην και επεσκεψατο εν ταις βιβλιοθηκαις οπου η γαζα κειται εν Βαβυλωνι
2 και ευρεθη εν πολει εν τη βαρει της Μηδων πολεως κεφαλις μια και τουτο ην γεγραμμενον εν αυτη υπομνημα
3 εν ετει πρωτω Κυρου βασιλεως Κυρος ο βασιλευς εθηκεν γνωμην περι οικου του θεου του εν Ιερουσαλημ οικος οικοδομηθητω και τοπος ου θυσιαζουσιν τα θυσιασματα και εθηκεν επαρμα υψος πηχεις εξηκοντα πλατος αυτου πηχεων εξηκοντα
4 και δομοι λιθινοι κραταιοι τρεις και δομος ξυλινος εις και η δαπανη εξ οικου του βασιλεως δοθησεται
5 και τα σκευη οικου του θεου τα αργυρα και τα χρυσα α Ναβουχοδονοσορ εξηνεγκεν απο οικου του εν Ιερουσαλημ και εκομισεν εις Βαβυλωνα και δοθητω και απελθατω εις τον ναον τον εν Ιερουσαλημ επι τοπου ου ετεθη εν οικω του θεου
6 νυν δωσετε επαρχοι περαν του ποταμου Σαθαρβουζανα και οι συνδουλοι αυτων Αφαρσαχαιοι οι εν περα του ποταμου μακραν οντες εκειθεν
7 αφετε το εργον οικου του θεου οι αφηγουμενοι των Ιουδαιων και οι πρεσβυτεροι των Ιουδαιων οικον του θεου εκεινον οικοδομειτωσαν επι του τοπου αυτου
8 και απ εμου ετεθη γνωμη μηποτε τι ποιησητε μετα των πρεσβυτερων των Ιουδαιων του οικοδομησαι οικον του θεου εκεινον και απο υπαρχοντων βασιλεως των φορων περαν του ποταμου επιμελως δαπανη εστω διδομενη τοις ανδρασιν εκεινοις το μη καταργηθηναι
9 και ο αν υστερημα και υιους βοων και κριων και αμνους εις ολοκαυτωσεις τω θεω του ουρανου πυρους αλας οινον ελαιον κατα το ρημα των ιερεων των εν Ιερουσαλημ εστω διδομενον αυτοις ημεραν εν ημερα ο εαν αιτησωσιν
10 ινα ωσιν προσφεροντες ευωδιας τω θεω του ουρανου και προσευχωνται εις ζωην του βασιλεως και των υιων αυτου
11 και απ εμου ετεθη γνωμη οτι πας ανθρωπος ος αλλαξει το ρημα τουτο καθαιρεθησεται ξυλον εκ της οικιας αυτου και ωρθωμενος παγησεται επ αυτου και ο οικος αυτου το κατ εμε ποιηθησεται
12 και ο θεος ου κατασκηνοι το ονομα εκει καταστρεψει παντα βασιλεα και λαον ος εκτενει την χειρα αυτου αλλαξαι η αφανισαι τον οικον του θεου εκεινον τον εν Ιερουσαλημ εγω Δαρειος εθηκα γνωμην επιμελως εσται
13 τοτε Θανθαναι επαρχος περαν του ποταμου Σαθαρβουζανα και οι συνδουλοι αυτου προς ο απεστειλεν Δαρειος ο βασιλευς ουτως εποιησαν επιμελως
14 και οι πρεσβυτεροι των Ιουδαιων ωκοδομουσαν και οι Λευιται εν προφητεια Αγγαιου του προφητου και Ζαχαριου υιου Αδδω και ανωκοδομησαν και κατηρτισαντο απο γνωμης θεου Ισραηλ και απο γνωμης Κυρου και Δαρειου και Αρθασασθα βασιλεων Περσων
15 και ετελεσαν τον οικον τουτον εως ημερας τριτης μηνος Αδαρ ο εστιν ετος εκτον τη βασιλεια Δαρειου του βασιλεως
16 και εποιησαν οι υιοι Ισραηλ οι ιερεις και οι Λευιται και οι καταλοιποι υιων αποικεσιας εγκαινια του οικου του θεου εν ευφροσυνη
17 και προσηνεγκαν εις τα εγκαινια του οικου του θεου μοσχους εκατον κριους διακοσιους αμνους τετρακοσιους χιμαρους αιγων περι αμαρτιας υπερ παντος Ισραηλ δωδεκα εις αριθμον φυλων Ισραηλ
18 και εστησαν τους ιερεις εν διαιρεσεσιν αυτων και τους Λευιτας εν μερισμοις αυτων επι δουλεια θεου του εν Ιερουσαλημ κατα την γραφην βιβλιου Μωυση
19 και εποιησαν οι υιοι της αποικεσιας το πασχα τη τεσσαρεσκαιδεκατη του μηνος του πρωτου
20 οτι εκαθαρισθησαν οι ιερεις και οι Λευιται εως εις παντες καθαροι και εσφαξαν το πασχα τοις πασιν υιοις της αποικεσιας και τοις αδελφοις αυτων τοις ιερευσιν και εαυτοις
21 και εφαγον οι υιοι Ισραηλ το πασχα οι απο της αποικεσιας και πας ο χωριζομενος της ακαθαρσιας εθνων της γης προς αυτους του εκζητησαι κυριον θεον Ισραηλ
22 και εποιησαν την εορτην των αζυμων επτα ημερας εν ευφροσυνη οτι ευφρανεν αυτους κυριος και επεστρεψεν καρδιαν βασιλεως Ασσουρ επ αυτους κραταιωσαι τας χειρας αυτων εν εργοις οικου του θεου Ισραηλ
1 και μετα τα ρηματα ταυτα εν βασιλεια Αρθασασθα βασιλεως Περσων ανεβη Εσδρας υιος Σαραιου υιου Αζαριου υιου Ελκια
2 υιου Σαλουμ υιου Σαδδουκ υιου Αχιτωβ
3 υιου Σαμαρια υιου Εσρια υιου Μαρερωθ
4 υιου Ζαραια υιου Σαουια υιου Βοκκι
5 υιου Αβισουε υιου Φινεες υιου Ελεαζαρ υιου Ααρων του ιερεως του πρωτου
6 αυτος Εσδρας ανεβη εκ Βαβυλωνος και αυτος γραμματευς ταχυς εν νομω Μωυση ον εδωκεν κυριος ο θεος Ισραηλ και εδωκεν αυτω ο βασιλευς οτι χειρ κυριου θεου αυτου επ αυτον εν πασιν οις εζητει αυτος
7 και ανεβησαν απο υιων Ισραηλ και απο των ιερεων και απο των Λευιτων και οι αδοντες και οι πυλωροι και οι ναθινιμ εις Ιερουσαλημ εν ετει εβδομω τω Αρθασασθα τω βασιλει
8 και ηλθοσαν εις Ιερουσαλημ τω μηνι τω πεμπτω τουτο ετος εβδομον τω βασιλει
9 οτι εν μια του μηνος του πρωτου αυτος εθεμελιωσεν την αναβασιν την απο Βαβυλωνος εν δε τη πρωτη του μηνος του πεμπτου ηλθοσαν εις Ιερουσαλημ οτι χειρ θεου αυτου ην αγαθη επ αυτον
10 οτι Εσδρας εδωκεν εν καρδια αυτου ζητησαι τον νομον και ποιειν και διδασκειν εν Ισραηλ προσταγματα και κριματα
11 και αυτη η διασαφησις του διαταγματος ου εδωκεν Αρθασασθα τω Εσδρα τω ιερει τω γραμματει βιβλιου λογων εντολων κυριου και προσταγματων αυτου επι τον Ισραηλ
12 Αρθασασθα βασιλευς βασιλεων Εσδρα γραμματει νομου του θεου του ουρανου τετελεσται ο λογος και η αποκρισις
13 απ εμου ετεθη γνωμη οτι πας ο εκουσιαζομενος εν βασιλεια μου απο λαου Ισραηλ και ιερεων και Λευιτων πορευθηναι εις Ιερουσαλημ μετα σου πορευθηναι
14 απο προσωπου του βασιλεως και των επτα συμβουλων απεσταλη επισκεψασθαι επι την Ιουδαιαν και εις Ιερουσαλημ νομω θεου αυτων τω εν χειρι σου
15 και εις οικον κυριου αργυριον και χρυσιον ο ο βασιλευς και οι συμβουλοι ηκουσιασθησαν τω θεω του Ισραηλ τω εν Ιερουσαλημ κατασκηνουντι
16 και παν αργυριον και χρυσιον ο τι εαν ευρης εν παση χωρα Βαβυλωνος μετα εκουσιασμου του λαου και ιερεων των εκουσιαζομενων εις οικον θεου τον εν Ιερουσαλημ
17 και παν προσπορευομενον τουτον ετοιμως ενταξον εν βιβλιω τουτω μοσχους κριους αμνους και θυσιας αυτων και σπονδας αυτων και προσοισεις αυτα επι θυσιαστηριου του οικου του θεου υμων του εν Ιερουσαλημ
18 και ει τι επι σε και τους αδελφους σου αγαθυνθη εν καταλοιπω του αργυριου και του χρυσιου ποιησαι ως αρεστον τω θεω υμων ποιησατε
19 και τα σκευη τα διδομενα σοι εις λειτουργιαν οικου θεου παραδος ενωπιον του θεου εν Ιερουσαλημ
20 και καταλοιπον χρειας οικου θεου σου ο αν φανη σοι δουναι δωσεις απο οικων γαζης βασιλεως
21 και απ εμου εγω Αρθασασθα βασιλευς εθηκα γνωμην πασαις ταις γαζαις ταις εν περα του ποταμου οτι παν ο αν αιτηση υμας Εσδρας ο ιερευς και γραμματευς του νομου του θεου του ουρανου ετοιμως γιγνεσθω
22 εως αργυριου ταλαντων εκατον και εως πυρου κορων εκατον και εως οινου βαδων εκατον και εως ελαιου βαδων εκατον και αλας ου ουκ εστιν γραφη
23 παν ο εστιν εν γνωμη θεου του ουρανου γιγνεσθω προσεχετε μη τις επιχειρηση εις οικον θεου του ουρανου μηποτε γενηται οργη επι την βασιλειαν του βασιλεως και των υιων αυτου
24 και υμιν εγνωρισται εν πασιν τοις ιερευσιν και τοις Λευιταις αδουσιν πυλωροις ναθινιμ και λειτουργοις οικου θεου τουτου φορος μη εστω σοι ουκ εξουσιασεις καταδουλουσθαι αυτους
25 και συ Εσδρα ως η σοφια του θεου εν χειρι σου καταστησον γραμματεις και κριτας ινα ωσιν κρινοντες παντι τω λαω τω εν περα του ποταμου πασιν τοις ειδοσιν νομον του θεου σου και τω μη ειδοτι γνωριειτε
26 και πας ος αν μη η ποιων νομον του θεου και νομον του βασιλεως ετοιμως το κριμα εσται γιγνομενον εξ αυτου εαν τε εις θανατον εαν τε εις παιδειαν εαν τε εις ζημιαν του βιου εαν τε εις δεσμα
27 ευλογητος κυριος ο θεος των πατερων ημων ος εδωκεν ουτως εν καρδια του βασιλεως του δοξασαι τον οικον κυριου τον εν Ιερουσαλημ
28 και επ εμε εκλινεν ελεος εν οφθαλμοις του βασιλεως και των συμβουλων αυτου και παντων των αρχοντων του βασιλεως των επηρμενων και εγω εκραταιωθην ως χειρ θεου η αγαθη επ εμε και συνηξα απο Ισραηλ αρχοντας αναβηναι μετ εμου
1 και ουτοι οι αρχοντες πατριων αυτων οι οδηγοι αναβαινοντες μετ εμου εν βασιλεια Αρθασασθα του βασιλεως Βαβυλωνος
2 απο υιων Φινεες Γηρσωμ απο υιων Ιθαμαρ Δανιηλ απο υιων Δαυιδ Ατους
3 απο υιων Σαχανια απο υιων Φορος Ζαχαριας και μετ αυτου το συστρεμμα εκατον και πεντηκοντα
4 απο υιων Φααθμωαβ Ελιανα υιος Ζαραια και μετ αυτου διακοσιοι τα αρσενικα
5 απο υιων Ζαθοης Σεχενιας υιος Αζιηλ και μετ αυτου τριακοσιοι τα αρσενικα
6 και απο υιων Αδιν Ωβηθ υιος Ιωναθαν και μετ αυτου πεντηκοντα τα αρσενικα
7 και απο υιων Ηλαμ Ιεσια υιος Αθελια και μετ αυτου εβδομηκοντα τα αρσενικα
8 και απο υιων Σαφατια Ζαβδια υιος Μιχαηλ και μετ αυτου ογδοηκοντα τα αρσενικα
9 και απο υιων Ιωαβ Αβαδια υιος Ιιηλ και μετ αυτου διακοσιοι δεκα οκτω τα αρσενικα
10 και απο υιων Βαανι Σαλιμουθ υιος Ιωσεφια και μετ αυτου εκατον εξηκοντα τα αρσενικα
11 και απο υιων Βαβι Ζαχαρια υιος Βαβι και μετ αυτου εβδομηκοντα οκτω τα αρσενικα
12 και απο υιων Ασγαδ Ιωαναν υιος Ακαταν και μετ αυτου εκατον δεκα τα αρσενικα
13 και απο υιων Αδωνικαμ εσχατοι και ταυτα τα ονοματα αυτων Αλιφαλατ Ιιηλ και Σαμαια και μετ αυτων εξηκοντα τα αρσενικα
14 και απο υιων Βαγο Ουθι και μετ αυτου εβδομηκοντα τα αρσενικα
15 και συνηξα αυτους προς τον ποταμον τον ερχομενον προς τον Ευι και παρενεβαλομεν εκει ημερας τρεις και συνηκα εν τω λαω και εν τοις ιερευσιν και απο υιων Λευι ουχ ευρον εκει
16 και απεστειλα τω Ελεαζαρ τω Αριηλ τω Σαμαια και τω Αλωναμ και τω Ιαριβ και τω Ελναθαν και τω Ναθαν και τω Ζαχαρια και τω Μεσουλαμ ανδρας και τω Ιωαριβ και τω Ελναθαν συνιοντας
17 και εξηνεγκα αυτους επι αρχοντος εν αργυριω του τοπου και εθηκα εν στοματι αυτων λογους λαλησαι προς τους αδελφους αυτων τους ναθινιμ εν αργυριω του τοπου του ενεγκαι ημιν αδοντας εις οικον θεου ημων
18 και ηλθοσαν ημιν ως χειρ θεου ημων αγαθη εφ ημας ανηρ σαχωλ απο υιων Μοολι υιου Λευι υιου Ισραηλ και αρχην ηλθοσαν υιοι αυτου και αδελφοι αυτου οκτωκαιδεκα
19 και τον Ασεβια και τον Ωσαιαν απο υιων Μεραρι αδελφοι αυτου και υιοι αυτων εικοσι
20 και απο των ναθινιμ ων εδωκεν Δαυιδ και οι αρχοντες εις δουλειαν των Λευιτων ναθινιμ διακοσιοι και εικοσι παντες συνηχθησαν εν ονομασιν
21 και εκαλεσα εκει νηστειαν επι τον ποταμον Αουε του ταπεινωθηναι ενωπιον θεου ημων ζητησαι παρ αυτου οδον ευθειαν ημιν και τοις τεκνοις ημων και παση τη κτησει ημων
22 οτι ησχυνθην αιτησασθαι παρα του βασιλεως δυναμιν και ιππεις σωσαι ημας απο εχθρου εν τη οδω οτι ειπαμεν τω βασιλει λεγοντες χειρ του θεου ημων επι παντας τους ζητουντας αυτον εις αγαθον και κρατος αυτου και θυμος αυτου επι παντας εγκαταλειποντας αυτον
23 και ενηστευσαμεν και εζητησαμεν παρα του θεου ημων περι τουτου και επηκουσεν ημιν
24 και διεστειλα απο αρχοντων των ιερεων δωδεκα τω Σαραια Ασαβια και μετ αυτων απο αδελφων αυτων δεκα
25 και εστησα αυτοις το αργυριον και το χρυσιον και τα σκευη απαρχης οικου θεου ημων α υψωσεν ο βασιλευς και οι συμβουλοι αυτου και οι αρχοντες αυτου και πας Ισραηλ οι ευρισκομενοι
26 και εστησα επι χειρας αυτων αργυριου ταλαντα εξακοσια και πεντηκοντα και σκευη αργυρα εκατον και ταλαντα χρυσιου εκατον
27 και καφουρη χρυσοι εικοσι εις την οδον χαμανιμ χιλιοι και σκευη χαλκου στιλβοντος αγαθου διαφορα επιθυμητα εν χρυσιω
28 και ειπα προς αυτους υμεις αγιοι τω κυριω και τα σκευη αγια και το αργυριον και το χρυσιον εκουσια τω κυριω θεω πατερων υμων
29 αγρυπνειτε και τηρειτε εως στητε ενωπιον αρχοντων των ιερεων και των Λευιτων και των αρχοντων των πατριων εν Ιερουσαλημ εις σκηνας οικου κυριου
30 και εδεξαντο οι ιερεις και οι Λευιται σταθμον του αργυριου και του χρυσιου και των σκευων ενεγκειν εις Ιερουσαλημ εις οικον θεου ημων
31 και εξηραμεν απο του ποταμου Αουε εν τη δωδεκατη του μηνος του πρωτου του ελθειν εις Ιερουσαλημ και χειρ θεου ημων ην εφ ημιν και ερρυσατο ημας απο χειρος εχθρου και πολεμιου εν τη οδω
32 και ηλθομεν εις Ιερουσαλημ και εκαθισαμεν εκει ημερας τρεις
33 και εγενηθη τη ημερα τη τεταρτη εστησαμεν το αργυριον και το χρυσιον και τα σκευη εν οικω θεου ημων επι χειρα Μεριμωθ υιου Ουρια του ιερεως και μετ αυτου Ελεαζαρ υιος Φινεες και μετ αυτων Ιωζαβαδ υιος Ιησου και Νωαδια υιος Βαναια οι Λευιται
34 εν αριθμω και εν σταθμω τα παντα και εγραφη πας ο σταθμος εν τω καιρω εκεινω
35 οι ελθοντες απο της αιχμαλωσιας υιοι της παροικιας προσηνεγκαν ολοκαυτωσεις τω θεω Ισραηλ μοσχους δωδεκα περι παντος Ισραηλ κριους ενενηκοντα εξ αμνους εβδομηκοντα και επτα χιμαρους περι αμαρτιας δωδεκα τα παντα ολοκαυτωματα τω κυριω
36 και εδωκαν το νομισμα του βασιλεως τοις διοικηταις του βασιλεως και επαρχοις περαν του ποταμου και εδοξασαν τον λαον και τον οικον του θεου
1 και ως ετελεσθη ταυτα ηγγισαν προς με οι αρχοντες λεγοντες ουκ εχωρισθη ο λαος Ισραηλ και οι ιερεις και οι Λευιται απο λαων των γαιων εν μακρυμμασιν αυτων τω Χανανι ο Εθι ο Φερεζι ο Ιεβουσι ο Αμμωνι ο Μωαβι ο Μοσερι και ο Αμορι
2 οτι ελαβοσαν απο θυγατερων αυτων εαυτοις και τοις υιοις αυτων και παρηχθη σπερμα το αγιον εν λαοις των γαιων και χειρ των αρχοντων εν τη ασυνθεσια ταυτη εν αρχη
3 και ως ηκουσα τον λογον τουτον διερρηξα τα ιματια μου και επαλλομην και ετιλλον απο των τριχων της κεφαλης μου και απο του πωγωνος μου και εκαθημην ηρεμαζων
4 και συνηχθησαν προς με πας ο διωκων λογον θεου Ισραηλ επι ασυνθεσια της αποικιας και εγω καθημενος ηρεμαζων εως της θυσιας της εσπερινης
5 και εν θυσια τη εσπερινη ανεστην απο ταπεινωσεως μου και εν τω διαρρηξαι με τα ιματια μου και επαλλομην και κλινω επι τα γονατα μου και εκπεταζω τας χειρας μου προς κυριον τον θεον
6 και ειπα κυριε ησχυνθην και ενετραπην του υψωσαι το προσωπον μου προς σε οτι αι ανομιαι ημων επληθυνθησαν υπερ κεφαλης ημων και αι πλημμελειαι ημων εμεγαλυνθησαν εως εις ουρανον
7 απο ημερων πατερων ημων εσμεν εν πλημμελεια μεγαλη εως της ημερας ταυτης και εν ταις ανομιαις ημων παρεδοθημεν ημεις και οι βασιλεις ημων και οι υιοι ημων εν χειρι βασιλεων των εθνων εν ρομφαια και εν αιχμαλωσια και εν διαρπαγη και εν αισχυνη προσωπου ημων ως η ημερα αυτη
8 και νυν επιεικευσατο ημιν κυριος ο θεος ημων του καταλιπειν ημιν εις σωτηριαν και δουναι ημιν στηριγμα εν τοπω αγιασματος αυτου του φωτισαι οφθαλμους ημων και δουναι ζωοποιησιν μικραν εν τη δουλεια ημων
9 οτι δουλοι εσμεν και εν τη δουλεια ημων ουκ εγκατελιπεν ημας κυριος ο θεος ημων και εκλινεν εφ ημας ελεος ενωπιον βασιλεων Περσων δουναι ημιν ζωοποιησιν του υψωσαι αυτους τον οικον του θεου ημων και αναστησαι τα ερημα αυτης και του δουναι ημιν φραγμον εν Ιουδα και εν Ιερουσαλημ
10 τι ειπωμεν ο θεος ημων μετα τουτο οτι εγκατελιπομεν εντολας σου
11 ας εδωκας ημιν εν χειρι δουλων σου των προφητων λεγων η γη εις ην εισπορευεσθε κληρονομησαι αυτην γη μετακινουμενη εστιν εν μετακινησει λαων των εθνων εν μακρυμμασιν αυτων ων επλησαν αυτην απο στοματος επι στομα εν ακαθαρσιαις αυτων
12 και νυν τας θυγατερας υμων μη δωτε τοις υιοις αυτων και απο των θυγατερων αυτων μη λαβητε τοις υιοις υμων και ουκ εκζητησετε ειρηνην αυτων και αγαθον αυτων εως αιωνος οπως ενισχυσητε και φαγητε τα αγαθα της γης και κληροδοτησητε τοις υιοις υμων εως αιωνος
13 και μετα παν το ερχομενον εφ ημας εν ποιημασιν ημων τοις πονηροις και εν πλημμελεια ημων τη μεγαλη οτι ουκ εστιν ως ο θεος ημων οτι εκουφισας ημων τας ανομιας και εδωκας ημιν σωτηριαν
14 οτι επεστρεψαμεν διασκεδασαι εντολας σου και επιγαμβρευσαι τοις λαοις των γαιων μη παροξυνθης εν ημιν εως συντελειας του μη ειναι εγκαταλειμμα και διασωζομενον
15 κυριε ο θεος Ισραηλ δικαιος συ οτι κατελειφθημεν διασωζομενοι ως η ημερα αυτη ιδου ημεις εναντιον σου εν πλημμελειαις ημων οτι ουκ εστιν στηναι ενωπιον σου επι τουτω
1 και ως προσηυξατο Εσδρας και ως εξηγορευσεν κλαιων και προσευχομενος ενωπιον οικου του θεου συνηχθησαν προς αυτον απο Ισραηλ εκκλησια πολλη σφοδρα ανδρες και γυναικες και νεανισκοι οτι εκλαυσεν ο λαος και υψωσεν κλαιων
2 και απεκριθη Σεχενιας υιος Ιιηλ απο υιων Ηλαμ και ειπεν τω Εσδρα ημεις ησυνθετησαμεν τω θεω ημων και εκαθισαμεν γυναικας αλλοτριας απο λαων της γης και νυν εστιν υπομονη τω Ισραηλ επι τουτω
3 και νυν διαθωμεθα διαθηκην τω θεω ημων εκβαλειν πασας τας γυναικας και τα γενομενα εξ αυτων ως αν βουλη αναστηθι και φοβερισον αυτους εν εντολαις θεου ημων και ως ο νομος γενηθητω
4 αναστα οτι επι σε το ρημα και ημεις μετα σου κραταιου και ποιησον
5 και ανεστη Εσδρας και ωρκισεν τους αρχοντας τους ιερεις και Λευιτας και παντα Ισραηλ του ποιησαι κατα το ρημα τουτο και ωμοσαν
6 και ανεστη Εσδρας απο προσωπου οικου του θεου και επορευθη εις γαζοφυλακιον Ιωαναν υιου Ελισουβ και επορευθη εκει αρτον ουκ εφαγεν και υδωρ ουκ επιεν οτι επενθει επι τη ασυνθεσια της αποικιας
7 και παρηνεγκαν φωνην εν Ιουδα και εν Ιερουσαλημ πασιν τοις υιοις της αποικιας του συναθροισθηναι εις Ιερουσαλημ
8 και πας ος αν μη ελθη εις τρεις ημερας ως η βουλη των αρχοντων και των πρεσβυτερων αναθεματισθησεται πασα η υπαρξις αυτου και αυτος διασταλησεται απο εκκλησιας της αποικιας
9 και συνηχθησαν παντες ανδρες Ιουδα και Βενιαμιν εις Ιερουσαλημ εις τας τρεις ημερας ουτος ο μην ο ενατος εν εικαδι του μηνος εκαθισεν πας ο λαος εν πλατεια οικου του θεου απο θορυβου αυτων περι του ρηματος και απο του χειμωνος
10 και ανεστη Εσδρας ο ιερευς και ειπεν προς αυτους υμεις ησυνθετηκατε και εκαθισατε γυναικας αλλοτριας του προσθειναι επι πλημμελειαν Ισραηλ
11 και νυν δοτε αινεσιν κυριω τω θεω των πατερων υμων και ποιησατε το αρεστον ενωπιον αυτου και διασταλητε απο λαων της γης και απο των γυναικων των αλλοτριων
12 και απεκριθησαν πασα η εκκλησια και ειπαν μεγα τουτο το ρημα σου εφ ημας ποιησαι
13 αλλα ο λαος πολυς και ο καιρος χειμερινος και ουκ εστιν δυναμις στηναι εξω και το εργον ουκ εις ημεραν μιαν και ουκ εις δυο οτι επληθυναμεν του αδικησαι εν τω ρηματι τουτω
14 στητωσαν δη οι αρχοντες ημων τη παση εκκλησια και παντες οι εν πολεσιν ημων ος εκαθισεν γυναικας αλλοτριας ελθετωσαν εις καιρους απο συνταγων και μετ αυτων πρεσβυτεροι πολεως και πολεως και κριται του αποστρεψαι οργην θυμου θεου ημων εξ ημων περι του ρηματος τουτου
15 πλην Ιωναθαν υιος Ασαηλ και Ιαζια υιος Θεκουε μετ εμου περι τουτου και Μεσουλαμ και Σαβαθαι ο Λευιτης βοηθων αυτοις
16 και εποιησαν ουτως υιοι της αποικιας και διεσταλησαν Εσδρας ο ιερευς και ανδρες αρχοντες πατριων τω οικω και παντες εν ονομασιν οτι επεστρεψαν εν ημερα μια του μηνος του δεκατου εκζητησαι το ρημα
17 και ετελεσαν εν πασιν ανδρασιν οι εκαθισαν γυναικας αλλοτριας εως ημερας μιας του μηνος του πρωτου
18 και ευρεθησαν απο υιων των ιερεων οι εκαθισαν γυναικας αλλοτριας απο υιων Ιησου υιου Ιωσεδεκ και αδελφοι αυτου Μαασηα και Ελιεζερ και Ιαριβ και Γαδαλια
19 και εδωκαν χειρα αυτων του εξενεγκαι γυναικας αυτων και πλημμελειας κριον εκ προβατων περι πλημμελησεως αυτων
20 και απο υιων Εμμηρ Ανανι και Ζαβδια
21 και απο υιων Ηραμ Μασαια και Ελια και Σαμαια και Ιιηλ και Οζια
22 και απο υιων Φασουρ Ελιωηναι Μαασαια και Ισμαηλ και Ναθαναηλ και Ιωζαβαδ και Ηλασα
23 και απο των Λευιτων Ιωζαβαδ και Σαμου και Κωλια αυτος Κωλιτας και Φαθαια και Ιοδομ και Ελιεζερ
24 και απο των αδοντων Ελισαφ και απο των πυλωρων Σελλημ και Τελημ και Ωδουε
25 και απο Ισραηλ απο υιων Φορος Ραμια και Ιαζια και Μελχια και Μεαμιν και Ελεαζαρ και Ασαβια και Βαναια
26 και απο υιων Ηλαμ Μαθανια και Ζαχαρια και Ιαιηλ και Αβδια και Ιαριμωθ και Ηλια
27 και απο υιων Ζαθουα Ελιωηναι Ελισουβ Μαθανια και Ιαρμωθ και Ζαβαδ και Οζιζα
28 και απο υιων Βαβι Ιωαναν Ανανια και Ζαβου Οθαλι
29 και απο υιων Βανουι Μεσουλαμ Μαλουχ Αδαιας Ιασουβ και Σαλουια και Ρημωθ
30 και απο υιων Φααθμωαβ Εδενε Χαληλ Βαναια Μασηα Μαθανια Βεσεληλ και Βανουι και Μανασση
31 και απο υιων Ηραμ Ελιεζερ Ιεσσια Μελχια Σαμαια Σεμεων
32 Βενιαμιν Μαλουχ Σαμαρια
33 και απο υιων Ησαμ Μαθανι Μαθαθα Ζαβεδ Ελιφαλεθ Ιεραμι Μανασση Σεμει
34 απο υιων Βανι Μοοδι Αμραμ Ουηλ
35 Βαναια Βαδαια Χελια
36 Ουιεχωα Ιεραμωθ Ελιασιβ
37 Μαθανια Μαθαναι και εποιησαν
38 οι υιοι Βανουι και οι υιοι Σεμει
39 και Σελεμια και Ναθαν και Αδαια
40 Μαχναδαβου Σεσι Σαρου
41 Εζερηλ και Σελεμια και Σαμαρια
42 και Σαλουμ Αμαρια Ιωσηφ
43 απο υιων Ναβου Ιιηλ Μαθαθια Σεδεμ Ζαμβινα Ιαδαι και Ιωηλ και Βαναια
44 παντες ουτοι ελαβοσαν γυναικας αλλοτριας και εγεννησαν εξ αυτων υιους