Om oversættelsen: Septuaginta er den græske tradition — den som Helligånden foretrækker. Der er tusinder af afvigelser mellem Septuaginta og den jødiske teksttradition, som "vi" følger her i Vesten.
Teksten er i græske bogstaver med Unicode. Hvis man foretrækker danske bogstaver, anbefales parallelsiden: Dommerbogen.
Kapitler: 1 2 3 4 5 6 7 8 9 10 11 12 13 14 15 16 17 18 19 20 21
1 και εγενετο μετα την τελευτην Ιησου και επηρωτων οι υιοι Ισραηλ δια του κυριου λεγοντες τις αναβησεται ημιν προς τους Χαναναιους αφηγουμενος του πολεμησαι προς αυτους
2 και ειπεν κυριος Ιουδας αναβησεται ιδου δεδωκα την γην εν τη χειρι αυτου
3 και ειπεν Ιουδας τω Συμεων αδελφω αυτου αναβηθι μετ εμου εν τω κληρω μου και παραταξωμεθα προς τους Χαναναιους και πορευσομαι καγω μετα σου εν τω κληρω σου και επορευθη μετ αυτου Συμεων
4 και ανεβη Ιουδας και παρεδωκεν κυριος τον Χαναναιον και τον Φερεζαιον εις τας χειρας αυτων και εκοψαν αυτους εν Βεζεκ εις δεκα χιλιαδας ανδρων
5 και κατελαβον τον Αδωνιβεζεκ εν τη Βεζεκ και παρεταξαντο προς αυτον και εκοψαν τον Χαναναιον και τον Φερεζαιον
6 και εφυγεν Αδωνιβεζεκ και κατεδραμον οπισω αυτου και κατελαβοσαν αυτον και απεκοψαν τα ακρα των χειρων αυτου και τα ακρα των ποδων αυτου
7 και ειπεν Αδωνιβεζεκ εβδομηκοντα βασιλεις τα ακρα των χειρων αυτων και τα ακρα των ποδων αυτων αποκεκομμενοι ησαν συλλεγοντες τα υποκατω της τραπεζης μου καθως ουν εποιησα ουτως ανταπεδωκεν μοι ο θεος και αγουσιν αυτον εις Ιερουσαλημ και απεθανεν εκει
8 και επολεμουν οι υιοι Ιουδα την Ιερουσαλημ και κατελαβοντο αυτην και επαταξαν αυτην εν στοματι ρομφαιας και την πολιν ενεπρησαν εν πυρι
9 και μετα ταυτα κατεβησαν οι υιοι Ιουδα του πολεμησαι προς τον Χαναναιον τον κατοικουντα την ορεινην και τον νοτον και την πεδινην
10 και επορευθη Ιουδας προς τον Χαναναιον τον κατοικουντα εν Χεβρων και εξηλθεν Χεβρων εξ εναντιας και το ονομα ην Χεβρων το προτερον Καριαθαρβοξεφερ και επαταξαν τον Σεσσι και Αχινααν και Θολμιν γεννηματα του Ενακ
11 και ανεβησαν εκειθεν προς τους κατοικουντας Δαβιρ το δε ονομα της Δαβιρ ην εμπροσθεν Καριαθσωφαρ πολις γραμματων
12 και ειπεν Χαλεβ ος εαν παταξη την πολιν των γραμματων και προκαταλαβηται αυτην δωσω αυτω την Ασχα θυγατερα μου εις γυναικα
13 και προκατελαβετο αυτην Γοθονιηλ υιος Κενεζ αδελφου Χαλεβ ο νεωτερος και εδωκεν αυτω Χαλεβ την Ασχα θυγατερα αυτου εις γυναικα
14 και εγενετο εν τη εισοδω αυτης και επεσεισεν αυτην Γοθονιηλ του αιτησαι παρα του πατρος αυτης αγρον και εγογγυζεν και εκραξεν απο του υποζυγιου εις γην νοτου εκδεδοσαι με και ειπεν αυτη Χαλεβ τι εστιν σοι
15 και ειπεν αυτω Ασχα δος δη μοι ευλογιαν οτι εις γην νοτου εκδεδοσαι με και δωσεις μοι λυτρωσιν υδατος και εδωκεν αυτη Χαλεβ κατα την καρδιαν αυτης λυτρωσιν μετεωρων και λυτρωσιν ταπεινων
16 και οι υιοι Ιοθορ του Κιναιου του γαμβρου Μωυσεως ανεβησαν εκ πολεως των φοινικων μετα των υιων Ιουδα εις την ερημον την ουσαν εν τω νοτω Ιουδα η εστιν επι καταβασεως Αραδ και κατωκησαν μετα του λαου
17 και επορευθη Ιουδας μετα Συμεων του αδελφου αυτου και εκοψεν τον Χαναναιον τον κατοικουντα Σεφεκ και εξωλεθρευσαν αυτους και εκαλεσεν το ονομα της πολεως Αναθεμα
18 και ουκ εκληρονομησεν Ιουδας την Γαζαν ουδε τα ορια αυτης ουδε την Ασκαλωνα ουδε τα ορια αυτης ουδε την Ακκαρων ουδε τα ορια αυτης ουδε την Αζωτον ουδε τα περισπορια αυτης
19 και ην κυριος μετα Ιουδα και εκληρονομησεν το ορος οτι ουκ ηδυνασθησαν εξολεθρευσαι τους κατοικουντας την κοιλαδα οτι Ρηχαβ διεστειλατο αυτοις
20 και εδωκαν τω Χαλεβ την Χεβρων καθως ελαλησεν Μωυσης και εκληρονομησεν εκειθεν τας τρεις πολεις των υιων Ενακ
21 και τον Ιεβουσαιον τον κατοικουντα εν Ιερουσαλημ ουκ εκληρονομησαν οι υιοι Βενιαμιν και κατωκησεν ο Ιεβουσαιος μετα των υιων Βενιαμιν εν Ιερουσαλημ εως της ημερας ταυτης
22 και ανεβησαν οι υιοι Ιωσηφ και γε αυτοι εις Βαιθηλ και κυριος ην μετ αυτων
23 και παρενεβαλον και κατεσκεψαντο Βαιθηλ το δε ονομα της πολεως αυτων ην εμπροσθεν Λουζα
24 και ειδον οι φυλασσοντες και ιδου ανηρ εξεπορευετο εκ της πολεως και ελαβον αυτον και ειπον αυτω δειξον ημιν της πολεως την εισοδον και ποιησομεν μετα σου ελεος
25 και εδειξεν αυτοις την εισοδον της πολεως και επαταξαν την πολιν εν στοματι ρομφαιας τον δε ανδρα και την συγγενειαν αυτου εξαπεστειλαν
26 και επορευθη ο ανηρ εις γην Χεττιιν και ωκοδομησεν εκει πολιν και εκαλεσεν το ονομα αυτης Λουζα τουτο το ονομα αυτης εως της ημερας ταυτης
27 και ουκ εξηρεν Μανασση την Βαιθσαν η εστιν Σκυθων πολις ουδε τας θυγατερας αυτης ουδε τα περιοικα αυτης ουδε την Θανακ ουδε τας θυγατερας αυτης ουδε τους κατοικουντας Δωρ ουδε τας θυγατερας αυτης ουδε τον κατοικουντα Βαλακ ουδε τα περιοικα αυτης ουδε τας θυγατερας αυτης ουδε τους κατοικουντας Μαγεδω ουδε τα περιοικα αυτης ουδε τας θυγατερας αυτης ουδε τους κατοικουντας Ιεβλααμ ουδε τα περιοικα αυτης ουδε τας θυγατερας αυτης και ηρξατο ο Χαναναιος κατοικειν εν τη γη ταυτη
28 και εγενετο οτε ενισχυσεν Ισραηλ και εποιησεν τον Χαναναιον εις φορον και εξαιρων ουκ εξηρεν αυτον
29 και Εφραιμ ουκ εξηρεν τον Χαναναιον τον κατοικουντα εν Γαζερ και κατωκησεν ο Χαναναιος εν μεσω αυτου εν Γαζερ και εγενετο εις φορον
30 και Ζαβουλων ουκ εξηρεν τους κατοικουντας Κεδρων ουδε τους κατοικουντας Δωμανα και κατωκησεν ο Χαναναιος εν μεσω αυτων και εγενετο αυτω εις φορον
31 και Ασηρ ουκ εξηρεν τους κατοικουντας Ακχω και εγενετο αυτω εις φορον και τους κατοικουντας Δωρ και τους κατοικουντας Σιδωνα και τους κατοικουντας Ααλαφ και τον Ασχαζι και τον Χελβα και τον Ναι και τον Ερεω
32 και κατωκησεν ο Ασηρ εν μεσω του Χαναναιου του κατοικουντος την γην οτι ουκ ηδυνηθη εξαραι αυτον
33 και Νεφθαλι ουκ εξηρεν τους κατοικουντας Βαιθσαμυς και τους κατοικουντας Βαιθαναθ και κατωκησεν Νεφθαλι εν μεσω του Χαναναιου του κατοικουντος την γην οι δε κατοικουντες Βαιθσαμυς και την Βαιθενεθ εγενοντο αυτοις εις φορον
34 και εξεθλιψεν ο Αμορραιος τους υιους Δαν εις το ορος οτι ουκ αφηκαν αυτον καταβηναι εις την κοιλαδα
35 και ηρξατο ο Αμορραιος κατοικειν εν τω ορει τω οστρακωδει εν ω αι αρκοι και εν ω αι αλωπεκες εν τω Μυρσινωνι και εν Θαλαβιν και εβαρυνθη χειρ οικου Ιωσηφ επι τον Αμορραιον και εγενηθη αυτοις εις φορον
36 και το οριον του Αμορραιου απο της αναβασεως Ακραβιν απο της Πετρας και επανω
1 και ανεβη αγγελος κυριου απο Γαλγαλ επι τον Κλαυθμωνα και επι Βαιθηλ και επι τον οικον Ισραηλ και ειπεν προς αυτους ταδε λεγει κυριος ανεβιβασα υμας εξ Αιγυπτου και εισηγαγον υμας εις την γην ην ωμοσα τοις πατρασιν υμων και ειπα ου διασκεδασω την διαθηκην μου την μεθ υμων εις τον αιωνα
2 και υμεις ου διαθησεσθε διαθηκην τοις εγκαθημενοις εις την γην ταυτην ουδε τοις θεοις αυτων προσκυνησετε αλλα τα γλυπτα αυτων συντριψετε και τα θυσιαστηρια αυτων καθελειτε και ουκ εισηκουσατε της φωνης μου οτι ταυτα εποιησατε
3 καγω ειπον ου μη εξαρω αυτους εκ προσωπου υμων και εσονται υμιν εις συνοχας και οι θεοι αυτων εσονται υμιν εις σκανδαλον
4 και εγενετο ως ελαλησεν ο αγγελος κυριου τους λογους τουτους προς παντας υιους Ισραηλ και επηραν ο λαος την φωνην αυτων και εκλαυσαν
5 και επωνομασαν το ονομα του τοπου εκεινου Κλαυθμωνες και εθυσιασαν εκει τω κυριω
6 και εξαπεστειλεν Ιησους τον λαον και ηλθεν ανηρ εις την κληρονομιαν αυτου κατακληρονομησαι την γην
7 και εδουλευσεν ο λαος τω κυριω πασας τας ημερας Ιησου και πασας τας ημερας των πρεσβυτερων οσοι εμακροημερευσαν μετα Ιησου οσοι εγνωσαν παν το εργον κυριου το μεγα ο εποιησεν εν τω Ισραηλ
8 και ετελευτησεν Ιησους υιος Ναυη δουλος κυριου υιος εκατον δεκα ετων
9 και εθαψαν αυτον εν οριω της κληρονομιας αυτου εν Θαμναθαρες εν ορει Εφραιμ απο βορρα του ορους Γαας
10 και γε πασα η γενεα εκεινη προσετεθησαν προς τους πατερας αυτων και ανεστη γενεα ετερα μετ αυτους οι ουκ εγνωσαν τον κυριον και γε το εργον ο εποιησεν εν τω Ισραηλ
11 και εποιησαν οι υιοι Ισραηλ το πονηρον ενωπιον κυριου και ελατρευσαν τοις Βααλιμ
12 και εγκατελιπον τον κυριον τον θεον των πατερων αυτων τον εξαγαγοντα αυτους εκ γης Αιγυπτου και επορευθησαν οπισω θεων ετερων απο των θεων των εθνων των περικυκλω αυτων και προσεκυνησαν αυτοις και παρωργισαν τον κυριον
13 και εγκατελιπον αυτον και ελατρευσαν τω Βααλ και ταις Ασταρταις
14 και ωργισθη θυμω κυριος εν τω Ισραηλ και παρεδωκεν αυτους εις χειρας προνομευοντων και κατεπρονομευσαν αυτους και απεδοτο αυτους εν χερσι των εχθρων αυτων κυκλοθεν και ουκ ηδυνηθησαν ετι αντιστηναι κατα προσωπον των εχθρων αυτων
15 εν πασιν οις εξεπορευοντο και χειρ κυριου ην επ αυτους εις κακα καθως ελαλησεν κυριος και καθως ωμοσεν κυριος αυτοις και εξεθλιψεν αυτους σφοδρα
16 και ηγειρεν κυριος κριτας και εσωσεν αυτους κυριος εκ χειρος των προνομευοντων αυτους
17 και γε των κριτων ουχ υπηκουσαν οτι εξεπορνευσαν οπισω θεων ετερων και προσεκυνησαν αυτοις και εξεκλιναν ταχυ εκ της οδου ης επορευθησαν οι πατερες αυτων του εισακουειν των λογων κυριου ουκ εποιησαν ουτως
18 και οτι ηγειρεν κυριος κριτας αυτοις και ην κυριος μετα του κριτου και εσωσεν αυτους εκ χειρος εχθρων αυτων πασας τας ημερας του κριτου οτι παρεκληθη κυριος απο του στεναγμου αυτων απο προσωπου των πολιορκουντων αυτους και εκθλιβοντων αυτους
19 και εγενετο ως απεθνησκεν ο κριτης και απεστρεψαν και παλιν διεφθειραν υπερ τους πατερας αυτων πορευεσθαι οπισω θεων ετερων λατρευειν αυτοις και προσκυνειν αυτοις ουκ απερριψαν τα επιτηδευματα αυτων και τας οδους αυτων τας σκληρας
20 και ωργισθη θυμω κυριος εν τω Ισραηλ και ειπεν ανθ ων οσα εγκατελιπον το εθνος τουτο την διαθηκην μου ην ενετειλαμην τοις πατρασιν αυτων και ουκ εισηκουσαν της φωνης μου
21 και γε εγω ου προσθησω του εξαραι ανδρα εκ προσωπου αυτων απο των εθνων ων κατελιπεν Ιησους υιος Ναυη εν τη γη και αφηκεν
22 του πειρασαι εν αυτοις τον Ισραηλ ει φυλασσονται την οδον κυριου πορευεσθαι εν αυτη ον τροπον εφυλαξαν οι πατερες αυτων η ου
23 και αφηκεν κυριος τα εθνη ταυτα του μη εξαραι αυτα το ταχος και ου παρεδωκεν αυτα εν χειρι Ιησου
1 και ταυτα τα εθνη α αφηκεν κυριος αυτα ωστε πειρασαι εν αυτοις τον Ισραηλ παντας τους μη εγνωκοτας τους πολεμους Χανααν
2 πλην δια τας γενεας υιων Ισραηλ του διδαξαι αυτους πολεμον πλην οι εμπροσθεν αυτων ουκ εγνωσαν αυτα
3 τας πεντε σατραπειας των αλλοφυλων και παντα τον Χαναναιον και τον Σιδωνιον και τον Ευαιον τον κατοικουντα τον Λιβανον απο του ορους του Αερμων εως Λαβωεμαθ
4 και εγενετο ωστε πειρασαι εν αυτοις τον Ισραηλ γνωναι ει ακουσονται τας εντολας κυριου ας ενετειλατο τοις πατρασιν αυτων εν χειρι Μωυση
5 και οι υιοι Ισραηλ κατωκησαν εν μεσω του Χαναναιου και του Χετταιου και του Αμορραιου και του Φερεζαιου και του Ευαιου και του Ιεβουσαιου
6 και ελαβον τας θυγατερας αυτων εαυτοις εις γυναικας και τας θυγατερας αυτων εδωκαν τοις υιοις αυτων και ελατρευσαν τοις θεοις αυτων
7 και εποιησαν οι υιοι Ισραηλ το πονηρον εναντιον κυριου και επελαθοντο κυριου του θεου αυτων και ελατρευσαν τοις Βααλιμ και τοις αλσεσιν
8 και ωργισθη θυμω κυριος εν τω Ισραηλ και απεδοτο αυτους εν χειρι Χουσαρσαθαιμ βασιλεως Συριας ποταμων και εδουλευσαν οι υιοι Ισραηλ τω Χουσαρσαθαιμ ετη οκτω
9 και εκεκραξαν οι υιοι Ισραηλ προς κυριον και ηγειρεν κυριος σωτηρα τω Ισραηλ και εσωσεν αυτους τον Γοθονιηλ υιον Κενεζ αδελφου Χαλεβ τον νεωτερον υπερ αυτον
10 και εγενετο επ αυτον πνευμα κυριου και εκρινεν τον Ισραηλ και εξηλθεν εις πολεμον προς Χουσαρσαθαιμ και παρεδωκεν κυριος εν χειρι αυτου τον Χουσαρσαθαιμ βασιλεα Συριας ποταμων και εκραταιωθη η χειρ αυτου επι τον Χουσαρσαθαιμ
11 και ησυχασεν η γη τεσσαρακοντα ετη και απεθανεν Γοθονιηλ υιος Κενεζ
12 και προσεθεντο οι υιοι Ισραηλ ποιησαι το πονηρον ενωπιον κυριου και ενισχυσεν κυριος τον Εγλωμ βασιλεα Μωαβ επι τον Ισραηλ δια το πεποιηκεναι αυτους το πονηρον εναντι κυριου
13 και συνηγαγεν προς εαυτον παντας τους υιους Αμμων και Αμαληκ και επορευθη και επαταξεν τον Ισραηλ και εκληρονομησεν την πολιν των φοινικων
14 και εδουλευσαν οι υιοι Ισραηλ τω Εγλωμ βασιλει Μωαβ ετη δεκα οκτω
15 και εκεκραξαν οι υιοι Ισραηλ προς κυριον και ηγειρεν αυτοις σωτηρα τον Αωδ υιον Γηρα υιον του Ιεμενι ανδρα αμφοτεροδεξιον και εξαπεστειλαν οι υιοι Ισραηλ δωρα εν χειρι αυτου τω Εγλωμ βασιλει Μωαβ
16 και εποιησεν εαυτω Αωδ μαχαιραν διστομον σπιθαμης το μηκος αυτης και περιεζωσατο αυτην υπο τον μανδυαν επι τον μηρον τον δεξιον αυτου
17 και επορευθη και προσηνεγκεν τα δωρα τω Εγλωμ βασιλει Μωαβ και Εγλωμ ανηρ αστειος σφοδρα
18 και εγενετο ηνικα συνετελεσεν Αωδ προσφερων τα δωρα και εξαπεστειλεν τους φεροντας τα δωρα
19 και αυτος υπεστρεψεν απο των γλυπτων των μετα της Γαλγαλ και ειπεν Αωδ λογος μοι κρυφιος προς σε βασιλευ και ειπεν Εγλωμ προς αυτον σιωπα και εξαπεστειλεν αφ εαυτου παντας τους εφεστωτας επ αυτον
20 και Αωδ εισηλθεν προς αυτον και αυτος εκαθητο εν τω υπερωω τω θερινω τω εαυτου μονωτατος και ειπεν Αωδ λογος θεου μοι προς σε βασιλευ και εξανεστη απο του θρονου Εγλωμ εγγυς αυτου
21 και εγενετο αμα τω αναστηναι αυτον και εξετεινεν Αωδ την χειρα την αριστεραν αυτου και ελαβεν την μαχαιραν επανωθεν του μηρου αυτου του δεξιου και ενεπηξεν αυτην εν τη κοιλια αυτου
22 και επεισηνεγκεν και γε την λαβην οπισω της φλογος και απεκλεισεν το στεαρ κατα της φλογος οτι ουκ εξεσπασεν την μαχαιραν εκ της κοιλιας αυτου και εξηλθεν Αωδ την προσταδα
23 και εξηλθεν τους διατεταγμενους και απεκλεισεν τας θυρας του υπερωου κατ αυτου και εσφηνωσεν
24 και αυτος εξηλθεν και οι παιδες αυτου εισηλθον και ειδον και ιδου αι θυραι του υπερωου εσφηνωμεναι και ειπαν μηποτε αποκενοι τους ποδας αυτου εν τω ταμιειω τω θερινω
25 και υπεμειναν εως ησχυνοντο και ιδου ουκ εστιν ο ανοιγων τας θυρας του υπερωου και ελαβον την κλειδα και ηνοιξαν και ιδου ο κυριος αυτων πεπτωκως επι την γην τεθνηκως
26 και Αωδ διεσωθη εως εθορυβουντο και ουκ ην ο προσνοων αυτω και αυτος παρηλθεν τα γλυπτα και διεσωθη εις Σετιρωθα
27 και εγενετο ηνικα ηλθεν Αωδ εις γην Ισραηλ και εσαλπισεν εν κερατινη εν τω ορει Εφραιμ και κατεβησαν συν αυτω οι υιοι Ισραηλ απο του ορους και αυτος εμπροσθεν αυτων
28 και ειπεν προς αυτους καταβητε οπισω μου οτι παρεδωκεν κυριος ο θεος τους εχθρους ημων την Μωαβ εν χειρι ημων και κατεβησαν οπισω αυτου και προκατελαβοντο τας διαβασεις του Ιορδανου της Μωαβ και ουκ αφηκεν ανδρα διαβηναι
29 και επαταξαν την Μωαβ εν τη ημερα εκεινη ωσει δεκα χιλιαδας ανδρων παν λιπαρον και παντα ανδρα δυναμεως και ου διεσωθη ανηρ
30 και ενετραπη Μωαβ εν τη ημερα εκεινη υπο χειρα Ισραηλ και ησυχασεν η γη ογδοηκοντα ετη και εκρινεν αυτους Αωδ εως ου απεθανεν
31 και μετ αυτον ανεστη Σαμεγαρ υιος Διναχ και επαταξεν τους αλλοφυλους εις εξακοσιους ανδρας εν τω αροτροποδι των βοων και εσωσεν και γε αυτος τον Ισραηλ
1 και προσεθεντο οι υιοι Ισραηλ ποιησαι το πονηρον ενωπιον κυριου και Αωδ απεθανεν
2 και απεδοτο αυτους κυριος εν χειρι Ιαβιν βασιλεως Χανααν ος εβασιλευσεν εν Ασωρ και ο αρχων της δυναμεως αυτου Σισαρα και αυτος κατωκει εν Αρισωθ των εθνων
3 και εκεκραξαν οι υιοι Ισραηλ προς κυριον οτι εννακοσια αρματα σιδηρα ην αυτω και αυτος εθλιψεν τον Ισραηλ κατα κρατος εικοσι ετη
4 και Δεββωρα γυνη προφητις γυνη Λαφιδωθ αυτη εκρινεν τον Ισραηλ εν τω καιρω εκεινω
5 και αυτη εκαθητο υπο φοινικα Δεββωρα ανα μεσον της Ραμα και ανα μεσον της Βαιθηλ εν τω ορει Εφραιμ και ανεβαινον προς αυτην οι υιοι Ισραηλ εις κρισιν
6 και απεστειλεν Δεββωρα και εκαλεσεν τον Βαρακ υιον Αβινεεμ εκ Καδης Νεφθαλι και ειπεν προς αυτον ουχι ενετειλατο κυριος ο θεος Ισραηλ σοι και απελευση εις ορος Θαβωρ και λημψη μετα σεαυτου δεκα χιλιαδας ανδρων εκ των υιων Νεφθαλι και εκ των υιων Ζαβουλων
7 και επαξω προς σε εις τον χειμαρρουν Κισων τον Σισαρα αρχοντα της δυναμεως Ιαβιν και τα αρματα αυτου και το πληθος αυτου και παραδωσω αυτον εις τας χειρας σου
8 και ειπεν προς αυτην Βαρακ εαν πορευθης μετ εμου πορευσομαι και εαν μη πορευθης ου πορευσομαι οτι ουκ οιδα την ημεραν εν η ευοδοι τον αγγελον κυριος μετ εμου
9 και ειπεν πορευομενη πορευσομαι μετα σου πλην γινωσκε οτι ουκ εσται το προτερημα σου επι την οδον ην συ πορευη οτι εν χειρι γυναικος αποδωσεται κυριος τον Σισαρα και ανεστη Δεββωρα και επορευθη μετα Βαρακ εκ Καδης
10 και εβοησεν Βαρακ τον Ζαβουλων και τον Νεφθαλι εκ Καδης και ανεβησαν κατα ποδας αυτου δεκα χιλιαδες ανδρων και ανεβη μετ αυτου Δεββωρα
11 και Χαβερ ο Κιναιος εχωρισθη απο Καινα απο των υιων Ιωβαβ γαμβρου Μωυση και επηξεν την σκηνην αυτου εως δρυος πλεονεκτουντων η εστιν εχομενα Κεδες
12 και ανηγγελη Σισαρα οτι ανεβη Βαρακ υιος Αβινεεμ εις ορος Θαβωρ
13 και εκαλεσεν Σισαρα παντα τα αρματα αυτου εννακοσια αρματα σιδηρα και παντα τον λαον τον μετ αυτου απο Αρισωθ των εθνων εις τον χειμαρρουν Κισων
14 και ειπεν Δεββωρα προς Βαρακ αναστηθι οτι αυτη η ημερα εν η παρεδωκεν κυριος τον Σισαρα εν τη χειρι σου οτι κυριος εξελευσεται εμπροσθεν σου και κατεβη Βαρακ απο του ορους Θαβωρ και δεκα χιλιαδες ανδρων οπισω αυτου
15 και εξεστησεν κυριος τον Σισαρα και παντα τα αρματα αυτου και πασαν την παρεμβολην αυτου εν στοματι ρομφαιας ενωπιον Βαρακ και κατεβη Σισαρα επανωθεν του αρματος αυτου και εφυγεν τοις ποσιν αυτου
16 και Βαρακ διωκων οπισω των αρματων και οπισω της παρεμβολης εως Αρισωθ των εθνων και επεσεν πασα παρεμβολη Σισαρα εν στοματι ρομφαιας ου κατελειφθη εως ενος
17 και Σισαρα εφυγεν τοις ποσιν αυτου εις σκηνην Ιαηλ γυναικος Χαβερ εταιρου του Κιναιου οτι ειρηνη ην ανα μεσον Ιαβιν βασιλεως Ασωρ και ανα μεσον οικου Χαβερ του Κιναιου
18 και εξηλθεν Ιαηλ εις συναντησιν Σισαρα και ειπεν αυτω εκκλινον κυριε μου εκκλινον προς με μη φοβου και εξεκλινεν προς αυτην εις την σκηνην και περιεβαλεν αυτον επιβολαιω
19 και ειπεν Σισαρα προς αυτην ποτισον με δη μικρον υδωρ οτι εδιψησα και ηνοιξεν τον ασκον του γαλακτος και εποτισεν αυτον και περιεβαλεν αυτον
20 και ειπεν προς αυτην Σισαρα στηθι δη επι την θυραν της σκηνης και εσται εαν ανηρ ελθη προς σε και ερωτηση σε και ειπη ει εστιν ωδε ανηρ και ερεις ουκ εστιν
21 και ελαβεν Ιαηλ γυνη Χαβερ τον πασσαλον της σκηνης και εθηκεν την σφυραν εν τη χειρι αυτης και εισηλθεν προς αυτον εν κρυφη και επηξεν τον πασσαλον εν τω κροταφω αυτου και διεξηλθεν εν τη γη και αυτος εξεστως εσκοτωθη και απεθανεν
22 και ιδου Βαρακ διωκων τον Σισαρα και εξηλθεν Ιαηλ εις συναντησιν αυτω και ειπεν αυτω δευρο και δειξω σοι τον ανδρα ον συ ζητεις και εισηλθεν προς αυτην και ιδου Σισαρα ρεριμμενος νεκρος και ο πασσαλος εν τω κροταφω αυτου
23 και ετροπωσεν ο θεος εν τη ημερα εκεινη τον Ιαβιν βασιλεα Χανααν εμπροσθεν των υιων Ισραηλ
24 και επορευετο χειρ των υιων Ισραηλ πορευομενη και σκληρυνομενη επι Ιαβιν βασιλεα Χανααν εως ου εξωλεθρευσαν τον Ιαβιν βασιλεα Χανααν
1 και ησαν Δεββωρα και Βαρακ υιος Αβινεεμ εν τη ημερα εκεινη λεγοντες
2 απεκαλυφθη αποκαλυμμα εν Ισραηλ εν τω εκουσιασθηναι λαον ευλογειτε κυριον
3 ακουσατε βασιλεις και ενωτισασθε σατραπαι εγω ειμι τω κυριω εγω ειμι ασομαι ψαλω τω κυριω τω θεω Ισραηλ
4 κυριε εν τη εξοδω σου εν Σηιρ εν τω απαιρειν σε εξ αγρου Εδωμ γη εσεισθη και ο ουρανος εσταξεν δροσους και αι νεφελαι εσταξαν υδωρ
5 ορη εσαλευθησαν απο προσωπου κυριου Ελωι τουτο Σινα απο προσωπου κυριου θεου Ισραηλ
6 εν ημεραις Σαμεγαρ υιου Αναθ εν ημεραις Ιαηλ εξελιπον οδους και επορευθησαν ατραπους επορευθησαν οδους διεστραμμενας
7 εξελιπον δυνατοι εν Ισραηλ εξελιπον εως ου αναστη Δεββωρα εως ου αναστη μητηρ εν Ισραηλ
8 εξελεξαντο θεους καινους τοτε επολεμησαν πολεις αρχοντων θυρεος εαν οφθη και λογχη εν τεσσαρακοντα χιλιασιν εν Ισραηλ
9 η καρδια μου εις τα διατεταγμενα τω Ισραηλ οι εκουσιαζομενοι εν λαω ευλογειτε κυριον
10 επιβεβηκοτες επι ονου θηλειας μεσημβριας καθημενοι επι κριτηριου και πορευομενοι επι οδους συνεδρων εφ οδω
11 διηγεισθε απο φωνης ανακρουομενων ανα μεσον υδρευομενων εκει δωσουσιν δικαιοσυνας κυριω δικαιοσυνας αυξησον εν Ισραηλ τοτε κατεβη εις τας πολεις λαος κυριου
12 εξεγειρου εξεγειρου Δεββωρα εξεγειρου εξεγειρου λαλησον ωδην αναστα Βαρακ και αιχμαλωτισον αιχμαλωσιαν σου υιος Αβινεεμ
13 τοτε κατεβη καταλειμμα τοις ισχυροις λαος κυριου κατεβη αυτω εν τοις κραταιοις
14 εξ εμου Εφραιμ εξερριζωσεν αυτους εν τω Αμαληκ οπισω σου Βενιαμιν εν τοις λαοις σου εν εμοι Μαχιρ κατεβησαν εξερευνωντες και απο Ζαβουλων ελκοντες εν ραβδω διηγησεως γραμματεως
15 και αρχηγοι εν Ισσαχαρ μετα Δεββωρας και Βαρακ ουτως Βαρακ εν κοιλασιν απεστειλεν εν ποσιν αυτου εις τας μεριδας Ρουβην μεγαλοι εξικνουμενοι καρδιαν
16 εις τι εκαθισαν ανα μεσον της διγομιας του ακουσαι συρισμου αγγελων εις διαιρεσεις Ρουβην μεγαλοι εξετασμοι καρδιας
17 Γαλααδ εν τω περαν του Ιορδανου εσκηνωσεν και Δαν εις τι παροικει πλοιοις Ασηρ εκαθισεν παραλιαν θαλασσων και επι διεξοδοις αυτου σκηνωσει
18 Ζαβουλων λαος ωνειδισεν ψυχην αυτου εις θανατον και Νεφθαλι επι υψη αγρου
19 ηλθον αυτων βασιλεις παρεταξαντο τοτε επολεμησαν βασιλεις Χανααν εν Θανααχ επι υδατι Μεγεδδω δωρον αργυριου ουκ ελαβον
20 εξ ουρανου παρεταξαντο οι αστερες εκ τριβων αυτων παρεταξαντο μετα Σισαρα
21 χειμαρρους Κισων εξεσυρεν αυτους χειμαρρους αρχαιων χειμαρρους Κισων καταπατησει αυτον ψυχη μου δυνατη
22 τοτε ενεποδισθησαν πτερναι ιππου σπουδη εσπευσαν ισχυροι αυτου
23 καταρασθε Μηρωζ ειπεν αγγελος κυριου καταρασθε επικαταρατος πας ο κατοικων αυτην οτι ουκ ηλθοσαν εις βοηθειαν κυριου εις βοηθειαν εν δυνατοις
24 ευλογηθειη εν γυναιξιν Ιαηλ γυνη Χαβερ του Κιναιου απο γυναικων εν σκηναις ευλογηθειη
25 υδωρ ητησεν γαλα εδωκεν εν λεκανη υπερεχοντων προσηνεγκεν βουτυρον
26 χειρα αυτης αριστεραν εις πασσαλον εξετεινεν και δεξιαν αυτης εις σφυραν κοπιωντων και εσφυροκοπησεν Σισαρα διηλωσεν κεφαλην αυτου και επαταξεν διηλωσεν κροταφον αυτου
27 ανα μεσον των ποδων αυτης κατεκυλισθη επεσεν και εκοιμηθη ανα μεσον των ποδων αυτης κατακλιθεις επεσεν καθως κατεκλιθη εκει επεσεν εξοδευθεις
28 δια της θυριδος παρεκυψεν μητηρ Σισαρα εκτος του τοξικου διοτι ησχυνθη αρμα αυτου διοτι εχρονισαν ποδες αρματων αυτου
29 αι σοφαι αρχουσαι αυτης απεκριθησαν προς αυτην και αυτη απεστρεψεν λογους αυτης εαυτη
30 ουχ ευρησουσιν αυτον διαμεριζοντα σκυλα οικτιρμων οικτιρησει εις κεφαλην ανδρος σκυλα βαμματων τω Σισαρα σκυλα βαμματων ποικιλιας βαμματα ποικιλτων αυτα τω τραχηλω αυτου σκυλα
31 ουτως απολοιντο παντες οι εχθροι σου κυριε και οι αγαπωντες αυτον ως εξοδος ηλιου εν δυναμει αυτου και ησυχασεν η γη τεσσαρακοντα ετη
1 και εποιησαν οι υιοι Ισραηλ το πονηρον ενωπιον κυριου και εδωκεν αυτους κυριος εν χειρι Μαδιαμ επτα ετη
2 και ισχυσεν χειρ Μαδιαμ επι Ισραηλ και εποιησαν εαυτοις οι υιοι Ισραηλ απο προσωπου Μαδιαμ τας τρυμαλιας τας εν τοις ορεσιν και τα σπηλαια και τα κρεμαστα
3 και εγενετο εαν εσπειραν οι υιοι Ισραηλ και ανεβαιναν Μαδιαμ και Αμαληκ και οι υιοι ανατολων συνανεβαινον αυτοις
4 και παρενεβαλον εις αυτους και κατεφθειραν τους καρπους αυτων εως ελθειν εις Γαζαν και ου κατελιπον υποστασιν ζωης εν τη γη Ισραηλ ουδε εν τοις ποιμνιοις ταυρον και ονον
5 οτι αυτοι και αι κτησεις αυτων ανεβαινον και αι σκηναι αυτων παρεγινοντο καθως ακρις εις πληθος και αυτοις και τοις καμηλοις αυτων ουκ ην αριθμος και ηρχοντο εις την γην Ισραηλ και διεφθειρον αυτην
6 και επτωχευσεν Ισραηλ σφοδρα απο προσωπου Μαδιαμ και εβοησαν οι υιοι Ισραηλ προς κυριον
7 απο προσωπου Μαδιαμ
8 και εξαπεστειλεν κυριος ανδρα προφητην προς τους υιους Ισραηλ και ειπεν αυτοις ταδε λεγει κυριος ο θεος Ισραηλ εγω ειμι ος ανηγαγον υμας εκ γης Αιγυπτου και εξηγαγον υμας εξ οικου δουλειας υμων
9 και ερρυσαμην υμας εκ χειρος Αιγυπτου και εκ χειρος παντων των θλιβοντων υμας και εξεβαλον αυτους εκ προσωπου υμων και εδωκα υμιν την γην αυτων
10 και ειπα υμιν εγω κυριος ο θεος υμων ου φοβηθησεσθε τους θεους του Αμορραιου εν οις υμεις καθησεσθε εν τη γη αυτων και ουκ εισηκουσατε της φωνης μου
11 και ηλθεν αγγελος κυριου και εκαθισεν υπο την τερεμινθον την εν Εφραθα την Ιωας πατρος του Εσδρι και Γεδεων υιος αυτου ραβδιζων σιτον εν ληνω εις εκφυγειν απο προσωπου του Μαδιαμ
12 και ωφθη αυτω ο αγγελος κυριου και ειπεν προς αυτον κυριος μετα σου ισχυρος των δυναμεων
13 και ειπεν προς αυτον Γεδεων εν εμοι κυριε μου και ει εστιν κυριος μεθ ημων εις τι ευρεν ημας τα κακα ταυτα και που εστιν παντα τα θαυμασια αυτου α διηγησαντο ημιν οι πατερες ημων λεγοντες μη ουχι εξ Αιγυπτου ανηγαγεν ημας κυριος και νυν εξερριψεν ημας και εδωκεν ημας εν χειρι Μαδιαμ
14 και επεστρεψεν προς αυτον ο αγγελος κυριου και ειπεν πορευου εν ισχυι σου ταυτη και σωσεις τον Ισραηλ εκ χειρος Μαδιαμ ιδου εξαπεστειλα σε
15 και ειπεν προς αυτον Γεδεων εν εμοι κυριε μου εν τινι σωσω τον Ισραηλ ιδου η χιλιας μου ησθενησεν εν Μανασση και εγω ειμι ο μικροτερος εν οικω πατρος μου
16 και ειπεν προς αυτον ο αγγελος κυριου κυριος εσται μετα σου και παταξεις την Μαδιαμ ωσει ανδρα ενα
17 και ειπεν προς αυτον Γεδεων ει δε ευρον ελεος εν οφθαλμοις σου και ποιησεις μοι σημερον παν ο τι ελαλησας μετ εμου
18 μη χωρισθης εντευθεν εως του ελθειν με προς σε και εξοισω την θυσιαν και θησω ενωπιον σου και ειπεν εγω ειμι καθιομαι εως του επιστρεψαι σε
19 και Γεδεων εισηλθεν και εποιησεν εριφον αιγων και οιφι αλευρου αζυμα και τα κρεα εθηκεν εν τω κοφινω και τον ζωμον εβαλεν εν τη χυτρα και εξηνεγκεν αυτα προς αυτον υπο την τερεμινθον και προσηγγισεν
20 και ειπεν προς αυτον ο αγγελος του θεου λαβε τα κρεα και τα αζυμα και θες προς την πετραν εκεινην και τον ζωμον εχομενα εκχεε και εποιησεν ουτως
21 και εξετεινεν ο αγγελος κυριου το ακρον της ραβδου της εν χειρι αυτου και ηψατο των κρεων και των αζυμων και ανεβη πυρ εκ της πετρας και κατεφαγεν τα κρεα και τους αζυμους και ο αγγελος κυριου επορευθη απο οφθαλμων αυτου
22 και ειδεν Γεδεων οτι αγγελος κυριου ουτος εστιν και ειπεν Γεδεων α α κυριε μου κυριε οτι ειδον αγγελον κυριου προσωπον προς προσωπον
23 και ειπεν αυτω κυριος ειρηνη σοι μη φοβου ου μη αποθανης
24 και ωκοδομησεν εκει Γεδεων θυσιαστηριον τω κυριω και επεκαλεσεν αυτω ειρηνη κυριου εως της ημερας ταυτης ετι αυτου οντος εν Εφραθα πατρος του Εσδρι
25 και εγενετο εν τη νυκτι εκεινη και ειπεν αυτω κυριος λαβε τον μοσχον τον ταυρον ος εστιν τω πατρι σου και μοσχον δευτερον επταετη και καθελεις το θυσιαστηριον του Βααλ ο εστιν τω πατρι σου και το αλσος το επ αυτο ολεθρευσεις
26 και οικοδομησεις θυσιαστηριον κυριω τω θεω σου επι κορυφην του Μαουεκ τουτου εν τη παραταξει και λημψη τον μοσχον τον δευτερον και ανοισεις ολοκαυτωμα εν τοις ξυλοις του αλσους ου εξολεθρευσεις
27 και ελαβεν Γεδεων δεκα ανδρας απο των δουλων εαυτου και εποιησεν ον τροπον ελαλησεν προς αυτον κυριος και εγενηθη ως εφοβηθη τον οικον του πατρος αυτου και τους ανδρας της πολεως του ποιησαι ημερας και εποιησεν νυκτος
28 και ωρθρισαν οι ανδρες της πολεως το πρωι και ιδου καθηρητο το θυσιαστηριον του Βααλ και το αλσος το επ αυτω ωλεθρευτο και ειδαν τον μοσχον τον δευτερον ον ανηνεγκεν επι το θυσιαστηριον το ωκοδομημενον
29 και ειπεν ανηρ προς τον πλησιον αυτου τις εποιησεν το ρημα τουτο και επεζητησαν και ηρευνησαν και εγνωσαν οτι Γεδεων υιος Ιωας εποιησεν το ρημα τουτο
30 και ειπον οι ανδρες της πολεως προς Ιωας εξενεγκε τον υιον σου και αποθανετω οτι καθειλεν το θυσιαστηριον του Βααλ και οτι ωλεθρευσεν το αλσος το επ αυτω
31 και ειπεν Ιωας τοις ανδρασιν πασιν οι επανεστησαν αυτω μη υμεις νυν δικαζεσθε υπερ του Βααλ η υμεις σωσετε αυτον ος εαν δικασηται αυτω θανατωθητω εως πρωι ει θεος εστιν δικαζεσθω αυτω οτι καθειλεν το θυσιαστηριον αυτου
32 και εκαλεσεν αυτο εν τη ημερα εκεινη Ιαρβααλ λεγων δικασασθω εν αυτω ο Βααλ οτι καθηρεθη το θυσιαστηριον αυτου
33 και πασα Μαδιαμ και Αμαληκ και υιοι ανατολων συνηχθησαν επι το αυτο και παρενεβαλον εν κοιλαδι Εζερεελ
34 και πνευμα κυριου ενεδυναμωσεν τον Γεδεων και εσαλπισεν εν κερατινη και εφοβηθη Αβιεζερ οπισω αυτου
35 και αγγελους απεστειλεν εις παντα Μανασση και εν Ασηρ και εν Ζαβουλων και Νεφθαλι και ανεβη εις συναντησιν αυτων
36 και ειπεν Γεδεων προς τον θεον ει συ σωζεις εν χειρι μου τον Ισραηλ καθως ελαλησας
37 ιδου εγω τιθημι τον ποκον του εριου εν τη αλωνι εαν δροσος γενηται επι τον ποκον μονον και επι πασαν την γην ξηρασια γνωσομαι οτι σωσεις εν χειρι μου τον Ισραηλ καθως ελαλησας
38 και εγενετο ουτως και ωρθρισεν τη επαυριον και εξεπιασεν τον ποκον και εσταξεν δροσος απο του ποκου πληρης λεκανη υδατος
39 και ειπεν Γεδεων προς τον θεον μη δη οργισθητω ο θυμος σου εν εμοι και λαλησω ετι απαξ πειρασω δε και γε ετι απαξ εν τω ποκω και γενεσθω η ξηρασια επι τον ποκον μονον και επι πασαν την γην γενηθητω δροσος
40 και εποιησεν ουτως ο θεος εν τη νυκτι εκεινη και εγενετο ξηρασια επι τον ποκον μονον και επι πασαν την γην εγενηθη δροσος
1 και ωρθρισεν Ιαρβαλ αυτος εστιν Γεδεων και πας ο λαος μετ αυτου και παρενεβαλον επι πηγην Αραδ και παρεμβολη Μαδιαμ ην αυτω απο βορρα απο Γαβααθ Αμωρα εν κοιλαδι
2 και ειπεν κυριος προς Γεδεων πολυς ο λαος ο μετα σου ωστε μη παραδουναι με την Μαδιαμ εν χειρι αυτων μηποτε καυχησηται Ισραηλ επ εμε λεγων η χειρ μου εσωσεν με
3 και νυν λαλησον δη εν ωσιν του λαου λεγων τις ο φοβουμενος και δειλος επιστρεφετω και εκχωρειτω απο ορους Γαλααδ και επεστρεψεν απο του λαου εικοσι και δυο χιλιαδες και δεκα χιλιαδες υπελειφθησαν
4 και ειπεν κυριος προς Γεδεων ετι ο λαος πολυς κατενεγκον αυτους προς το υδωρ και εκκαθαρω σοι αυτον εκει και εσται ον εαν ειπω προς σε ουτος πορευσεται συν σοι αυτος πορευσεται συν σοι και παν ον εαν ειπω προς σε ουτος ου πορευσεται μετα σου αυτος ου πορευσεται μετα σου
5 και κατηνεγκεν τον λαον προς το υδωρ και ειπεν κυριος προς Γεδεων πας ος αν λαψη τη γλωσση αυτου απο του υδατος ως εαν λαψη ο κυων στησεις αυτον κατα μονας και πας ος εαν κλινη επι τα γονατα αυτου πιειν
6 και εγενετο ο αριθμος των λαψαντων εν χειρι αυτων προς το στομα αυτων τριακοσιοι ανδρες και παν το καταλοιπον του λαου εκλιναν επι τα γονατα αυτων πιειν υδωρ
7 και ειπεν κυριος προς Γεδεων εν τοις τριακοσιοις ανδρασιν τοις λαψασιν σωσω υμας και δωσω την Μαδιαμ εν χειρι σου και πας ο λαος πορευσονται ανηρ εις τον τοπον αυτου
8 και ελαβον τον επισιτισμον του λαου εν χειρι αυτων και τας κερατινας αυτων και τον παντα ανδρα Ισραηλ εξαπεστειλεν ανδρα εις σκηνην αυτου και τους τριακοσιους ανδρας κατισχυσεν και η παρεμβολη Μαδιαμ ησαν αυτου υποκατω εν τη κοιλαδι
9 και εγενηθη εν τη νυκτι εκεινη και ειπεν προς αυτον κυριος αναστας καταβηθι εν τη παρεμβολη οτι παρεδωκα αυτην εν τη χειρι σου
10 και ει φοβη συ καταβηναι καταβηθι συ και Φαρα το παιδαριον σου εις την παρεμβολην
11 και ακουση τι λαλησουσιν και μετα τουτο ισχυσουσιν αι χειρες σου και καταβηση εν τη παρεμβολη και κατεβη αυτος και Φαρα το παιδαριον αυτου προς αρχην των πεντηκοντα οι ησαν εν τη παρεμβολη
12 και Μαδιαμ και Αμαληκ και παντες υιοι ανατολων βεβλημενοι εν τη κοιλαδι ωσει ακρις εις πληθος και ταις καμηλοις αυτων ουκ ην αριθμος αλλα ησαν ως η αμμος η επι χειλους της θαλασσης εις πληθος
13 και ηλθεν Γεδεων και ιδου ανηρ εξηγουμενος τω πλησιον αυτου ενυπνιον και ειπεν ενυπνιον ιδου ενυπνιασαμην και ιδου μαγις αρτου κριθινου στρεφομενη εν τη παρεμβολη Μαδιαμ και ηλθεν εως της σκηνης και επαταξεν αυτην και επεσεν και ανεστρεψεν αυτην ανω και επεσεν η σκηνη
14 και απεκριθη ο πλησιον αυτου και ειπεν ουκ εστιν αυτη ει μη ρομφαια Γεδεων υιου Ιωας ανδρος Ισραηλ παρεδωκεν ο θεος εν χειρι αυτου την Μαδιαμ και πασαν την παρεμβολην
15 και εγενετο ως ηκουσεν Γεδεων την εξηγησιν του ενυπνιου και την συγκρισιν αυτου και προσεκυνησεν κυριω και υπεστρεψεν εις την παρεμβολην Ισραηλ και ειπεν αναστητε οτι παρεδωκεν κυριος εν χειρι ημων την παρεμβολην Μαδιαμ
16 και διειλεν τους τριακοσιους ανδρας εις τρεις αρχας και εδωκεν κερατινας εν χειρι παντων και υδριας κενας και λαμπαδας εν ταις υδριαις
17 και ειπεν προς αυτους απ εμου οψεσθε και ουτως ποιησετε και ιδου εγω εισπορευομαι εν αρχη της παρεμβολης και εσται καθως αν ποιησω ουτως ποιησετε
18 και σαλπιω εν τη κερατινη εγω και παντες μετ εμου σαλπιειτε εν ταις κερατιναις κυκλω ολης της παρεμβολης και ερειτε τω κυριω και τω Γεδεων
19 και εισηλθεν Γεδεων και οι εκατον ανδρες οι μετ αυτου εν αρχη της παρεμβολης εν αρχη της φυλακης μεσης και εγειροντες ηγειραν τους φυλασσοντας και εσαλπισαν εν ταις κερατιναις και εξετιναξαν τας υδριας τας εν ταις χερσιν αυτων
20 και εσαλπισαν αι τρεις αρχαι εν ταις κερατιναις και συνετριψαν τας υδριας και εκρατησαν εν χερσιν αριστεραις αυτων τας λαμπαδας και εν χερσιν δεξιαις αυτων τας κερατινας του σαλπιζειν και ανεκραξαν ρομφαια τω κυριω και τω Γεδεων
21 και εστησαν ανηρ εφ εαυτω κυκλω της παρεμβολης και εδραμεν πασα η παρεμβολη και εσημαναν και εφυγαν
22 και εσαλπισαν εν ταις τριακοσιαις κερατιναις και εθηκεν κυριος την ρομφαιαν ανδρος εν τω πλησιον αυτου εν παση τη παρεμβολη και εφυγεν η παρεμβολη εως Βηθσεεδτα Γαραγαθα εως χειλους Αβωμεουλα επι Ταβαθ
23 και εβοησαν ανηρ Ισραηλ απο Νεφθαλι και απο Ασηρ και απο παντος Μανασση και εδιωξαν οπισω Μαδιαμ
24 και αγγελους απεστειλεν Γεδεων εν παντι ορει Εφραιμ λεγων καταβητε εις συναντησιν Μαδιαμ και καταλαβετε εαυτοις το υδωρ εως Βαιθηρα και τον Ιορδανην και εβοησεν πας ανηρ Εφραιμ και προκατελαβοντο το υδωρ εως Βαιθηρα και τον Ιορδανην
25 και συνελαβον τους αρχοντας Μαδιαμ και τον Ωρηβ και τον Ζηβ και απεκτειναν τον Ωρηβ εν Σουρ και τον Ζηβ απεκτειναν εν Ιακεφζηφ και κατεδιωξαν Μαδιαμ και την κεφαλην Ωρηβ και Ζηβ ηνεγκαν προς Γεδεων απο περαν του Ιορδανου
1 και ειπαν προς Γεδεων ανηρ Εφραιμ τι το ρημα τουτο εποιησας ημιν του μη καλεσαι ημας οτε επορευθης παραταξασθαι εν Μαδιαμ και διελεξαντο προς αυτον ισχυρως
2 και ειπεν προς αυτους τι εποιησα νυν καθως υμεις η ουχι κρεισσον επιφυλλις Εφραιμ η τρυγητος Αβιεζερ
3 εν χειρι υμων παρεδωκεν κυριος τους αρχοντας Μαδιαμ τον Ωρηβ και τον Ζηβ και τι ηδυνηθην ποιησαι ως υμεις τοτε ανεθη το πνευμα αυτων απ αυτου εν τω λαλησαι αυτον τον λογον τουτον
4 και ηλθεν Γεδεων επι τον Ιορδανην και διεβη αυτος και οι τριακοσιοι ανδρες οι μετ αυτου πεινωντες και διωκοντες
5 και ειπεν τοις ανδρασιν Σοκχωθ δοτε δη αρτους εις τροφην τω λαω τουτω τω εν ποσιν μου οτι εκλειπουσιν και ιδου εγω ειμι διωκων οπισω του Ζεβεε και Σελμανα βασιλεων Μαδιαμ
6 και ειπον οι αρχοντες Σοκχωθ μη χειρ Ζεβεε και Σελμανα νυν εν χειρι σου ου δωσομεν τη δυναμει σου αρτους
7 και ειπεν Γεδεων δια τουτο εν τω δουναι κυριον τον Ζεβεε και Σελμανα εν χειρι μου και εγω αλοησω τας σαρκας υμων εν ταις ακανθαις της ερημου και εν ταις αβαρκηνιν
8 και ανεβη εκειθεν εις Φανουηλ και ελαλησεν προς αυτους ωσαυτως και απεκριθησαν αυτω οι ανδρες Φανουηλ ον τροπον απεκριθησαν ανδρες Σοκχωθ
9 και ειπεν Γεδεων προς ανδρας Φανουηλ εν επιστροφη μου μετ ειρηνης τον πυργον τουτον κατασκαψω
10 και Ζεβεε και Σελμανα εν Καρκαρ και η παρεμβολη αυτων μετ αυτων ωσει δεκα πεντε χιλιαδες παντες οι καταλελειμμενοι απο πασης παρεμβολης αλλοφυλων και οι πεπτωκοτες εκατον εικοσι χιλιαδες ανδρων σπωμενων ρομφαιαν
11 και ανεβη Γεδεων οδον των σκηνουντων εν σκηναις απο ανατολων της Ναβαι και Ιεγεβαλ και επαταξεν την παρεμβολην και η παρεμβολη ην πεποιθυια
12 και εφυγον Ζεβεε και Σελμανα και εδιωξεν οπισω αυτων και εκρατησεν τους δυο βασιλεις Μαδιαμ τον Ζεβεε και τον Σελμανα και πασαν την παρεμβολην εξεστησεν
13 και επεστρεψεν Γεδεων υιος Ιωας απο της παραταξεως απο επανωθεν της παραταξεως Αρες
14 και συνελαβεν παιδαριον απο των ανδρων Σοκχωθ και επηρωτησεν αυτον και εγραψεν προς αυτον τα ονοματα των αρχοντων Σοκχωθ και των πρεσβυτερων αυτων εβδομηκοντα και επτα ανδρας
15 και παρεγενετο Γεδεων προς τους αρχοντας Σοκχωθ και ειπεν ιδου Ζεβεε και Σελμανα εν οις ωνειδισατε με λεγοντες μη χειρ Ζεβεε και Σελμανα νυν εν χειρι σου οτι δωσομεν τοις ανδρασιν τοις εκλειπουσιν αρτους
16 και ελαβεν τους πρεσβυτερους της πολεως εν ταις ακανθαις της ερημου και ταις βαρακηνιμ και ηλοησεν εν αυτοις τους ανδρας της πολεως
17 και τον πυργον Φανουηλ κατεστρεψεν και απεκτεινεν τους ανδρας της πολεως
18 και ειπεν προς Ζεβεε και Σελμανα που οι ανδρες ους απεκτεινατε εν Θαβωρ και ειπαν ως συ ως αυτοι εις ομοιωμα υιου βασιλεως
19 και ειπεν Γεδεων αδελφοι μου και υιοι της μητρος μου ησαν ζη κυριος ει εζωογονηκειτε αυτους ουκ αν απεκτεινα υμας
20 και ειπεν Ιεθερ τω πρωτοτοκω αυτου αναστας αποκτεινον αυτους και ουκ εσπασεν το παιδαριον την ρομφαιαν αυτου οτι εφοβηθη οτι ετι νεωτερος ην
21 και ειπεν Ζεβεε και Σελμανα αναστα συ και συναντησον ημιν οτι ως ανδρος η δυναμις σου και ανεστη Γεδεων και απεκτεινεν τον Ζεβεε και τον Σελμανα και ελαβεν τους μηνισκους τους εν τοις τραχηλοις των καμηλων αυτων
22 και ειπον ανηρ Ισραηλ προς Γεδεων κυριε αρξον ημων και συ και ο υιος σου οτι συ εσωσας ημας εκ χειρος Μαδιαμ
23 και ειπεν προς αυτους Γεδεων ουκ αρξω εγω και ουκ αρξει ο υιος μου εν υμιν κυριος αρξει υμων
24 και ειπεν Γεδεων προς αυτους αιτησομαι παρ υμων αιτημα και δοτε μοι ανηρ ενωτιον εκ σκυλων αυτου οτι ενωτια χρυσα αυτοις οτι Ισμαηλιται ησαν
25 και ειπαν διδοντες δωσομεν και ανεπτυξεν το ιματιον αυτου και εβαλεν εκει ανηρ ενωτιον σκυλων αυτου
26 και εγενετο ο σταθμος των ενωτιων των χρυσων ων ητησεν χιλιοι και πεντακοσιοι χρυσοι παρεξ των μηνισκων και των στραγγαλιδων και των ιματιων και πορφυριδων των επι βασιλευσι Μαδιαμ και εκτος των περιθεματων α ην εν τοις τραχηλοις των καμηλων αυτων
27 και εποιησεν αυτο Γεδεων εις εφωθ και εστησεν αυτο εν πολει αυτου Εφραθα και εξεπορνευσεν πας Ισραηλ οπισω αυτου εκει και εγενετο τω Γεδεων και τω οικω αυτου εις σκωλον
28 και συνεσταλη Μαδιαμ ενωπιον υιων Ισραηλ και ου προσεθηκαν αραι κεφαλην αυτων και ησυχασεν η γη τεσσαρακοντα ετη εν ημεραις Γεδεων
29 και επορευθη Ιεροβααλ υιος Ιωας και εκαθισεν εν οικω αυτου
30 και τω Γεδεων ησαν εβδομηκοντα υιοι εκπεπορευμενοι εκ μηρων αυτου οτι γυναικες πολλαι ησαν αυτω
31 και παλλακη αυτου ην εν Συχεμ και ετεκεν αυτω και γε αυτη υιον και εθηκεν το ονομα αυτου Αβιμελεχ
32 και απεθανεν Γεδεων υιος Ιωας εν πολει αυτου και εταφη εν τω ταφω Ιωας του πατρος αυτου εν Εφραθα Αβιεσδρι
33 και εγενετο καθως απεθανεν Γεδεων και επεστρεψαν οι υιοι Ισραηλ και εξεπορνευσαν οπισω των Βααλιμ και εθηκαν εαυτοις τω Βααλ διαθηκην του ειναι αυτοις αυτον εις θεον
34 και ουκ εμνησθησαν οι υιοι Ισραηλ κυριου του θεου του ρυσαμενου αυτους εκ χειρος παντων των θλιβοντων αυτους κυκλοθεν
35 και ουκ εποιησαν ελεος μετα του οικου Ιεροβααλ αυτος εστιν Γεδεων κατα παντα τα αγαθα α εποιησεν μετα Ισραηλ
1 και επορευθη Αβιμελεχ υιος Ιεροβααλ εις Συχεμ προς αδελφους μητρος αυτου και ελαλησεν προς αυτους και προς πασαν συγγενειαν οικου πατρος μητρος αυτου λεγων
2 λαλησατε δη εν τοις ωσιν παντων των ανδρων Συχεμ τι το αγαθον υμιν κυριευσαι υμων εβδομηκοντα ανδρας παντας υιους Ιεροβααλ η κυριευειν υμων ανδρα ενα και μνησθητε οτι οστουν υμων και σαρξ υμων ειμι
3 και ελαλησαν περι αυτου οι αδελφοι της μητρος αυτου εν τοις ωσιν παντων των ανδρων Συχεμ παντας τους λογους τουτους και εκλινεν η καρδια αυτων οπισω Αβιμελεχ οτι ειπαν αδελφος ημων εστιν
4 και εδωκαν αυτω εβδομηκοντα αργυριου εξ οικου Βααλβεριθ και εμισθωσατο εαυτω Αβιμελεχ ανδρας κενους και δειλους και επορευθησαν οπισω αυτου
5 και εισηλθεν εις τον οικον του πατρος αυτου εις Εφραθα και απεκτεινεν τους αδελφους αυτου υιους Ιεροβααλ εβδομηκοντα ανδρας επι λιθον ενα και κατελειφθη Ιωαθαν υιος Ιεροβααλ ο νεωτερος οτι εκρυβη
6 και συνηχθησαν παντες ανδρες Σικιμων και πας οικος Βηθμααλων και επορευθησαν και εβασιλευσαν τον Αβιμελεχ προς τη βαλανω τη ευρετη της στασεως της εν Σικιμοις
7 και ανηγγελη τω Ιωαθαν και επορευθη και εστη επι κορυφην ορους Γαριζιν και επηρεν την φωνην αυτου και εκλαυσεν και ειπεν αυτοις ακουσατε μου ανδρες Σικιμων και ακουσεται υμων ο θεος
8 πορευομενα επορευθη τα ξυλα του χρισαι εφ εαυτα βασιλεα και ειπον τη ελαια βασιλευσον εφ ημων
9 και ειπεν αυτοις η ελαια μη απολειψασα την πιοτητα μου εν η δοξασουσι τον θεον ανδρες πορευσομαι κινεισθαι επι των ξυλων
10 και ειπον τα ξυλα τη συκη δευρο βασιλευσον εφ ημων
11 και ειπεν αυτοις η συκη μη απολειψασα εγω την γλυκυτητα μου και τα γενηματα μου τα αγαθα πορευσομαι κινεισθαι επι των ξυλων
12 και ειπαν τα ξυλα προς την αμπελον δευρο συ βασιλευσον εφ ημων
13 και ειπεν αυτοις η αμπελος μη απολειψασα τον οινον μου τον ευφραινοντα θεον και ανθρωπους πορευσομαι κινεισθαι επι των ξυλων
14 και ειπαν παντα τα ξυλα τη ραμνω δευρο συ βασιλευσον εφ ημων
15 και ειπεν η ραμνος προς τα ξυλα ει εν αληθεια χριετε με υμεις του βασιλευειν εφ υμας δευτε υποστητε εν τη σκια μου και ει μη εξελθη πυρ απ εμου και καταφαγη τας κεδρους του Λιβανου
16 και νυν ει εν αληθεια και τελειοτητι εποιησατε και εβασιλευσατε τον Αβιμελεχ και ει αγαθωσυνην εποιησατε μετα Ιεροβααλ και μετα του οικου αυτου και ει ως ανταποδοσις χειρος αυτου εποιησατε αυτω
17 ως παρεταξατο ο πατηρ μου υπερ υμων και εξερριψεν την ψυχην αυτου εξ εναντιας και ερρυσατο υμας εκ χειρος Μαδιαμ
18 και υμεις επανεστητε επι τον οικον του πατρος μου σημερον και απεκτεινατε τους υιους αυτου εβδομηκοντα ανδρας επι λιθον ενα και εβασιλευσατε τον Αβιμελεχ υιον παιδισκης αυτου επι τους ανδρας Σικιμων οτι αδελφος υμων εστιν
19 και ει εν αληθεια και τελειοτητι εποιησατε μετα Ιεροβααλ και μετα του οικου αυτου εν τη ημερα ταυτη ευφρανθειητε εν Αβιμελεχ και ευφρανθειη και γε αυτος εφ υμιν
20 ει δε ου εξελθοι πυρ απο Αβιμελεχ και φαγοι τους ανδρας Σικιμων και τον οικον Βηθμααλλων και εξελθοι πυρ απο ανδρων Σικιμων και εκ του οικου Βηθμααλλων και καταφαγοι τον Αβιμελεχ
21 και εφυγεν Ιωαθαν και απεδρα και επορευθη εως Βαιηρ και ωκησεν εκει απο προσωπου Αβιμελεχ αδελφου αυτου
22 και ηρξεν Αβιμελεχ επι Ισραηλ τρια ετη
23 και εξαπεστειλεν ο θεος πνευμα πονηρον ανα μεσον Αβιμελεχ και ανα μεσον των ανδρων Σικιμων και ηθετησαν ανδρες Σικιμων εν τω οικω Αβιμελεχ
24 του επαγαγειν την αδικιαν των εβδομηκοντα υιων Ιεροβααλ και τα αιματα αυτων του θειναι επι Αβιμελεχ τον αδελφον αυτων ος απεκτεινεν αυτους και επι ανδρας Σικιμων οτι ενισχυσαν τας χειρας αυτου αποκτειναι τους αδελφους αυτου
25 και εθηκαν αυτω οι ανδρες Σικιμων ενεδρευοντας επι τας κεφαλας των ορεων και διηρπαζον παντα ος παρεπορευετο επ αυτους εν τη οδω και απηγγελη τω βασιλει Αβιμελεχ
26 και ηλθεν Γααλ υιος Ιωβηλ και οι αδελφοι αυτου και παρηλθον εν Σικιμοις και ηλπισαν εν αυτω οι ανδρες Σικιμων
27 και εξηλθον εις αγρον και ετρυγησαν τους αμπελωνας αυτων και επατησαν και εποιησαν ελλουλιμ και εισηνεγκαν εις οικον θεου αυτων και εφαγον και επιον και κατηρασαντο τον Αβιμελεχ
28 και ειπεν Γααλ υιος Ιωβηλ τις εστιν Αβιμελεχ και τις εστιν υιος Συχεμ οτι δουλευσομεν αυτω ουχ υιος Ιεροβααλ και Ζεβουλ επισκοπος αυτου δουλος αυτου συν τοις ανδρασιν Εμμωρ πατρος Συχεμ και τι οτι δουλευσομεν αυτω ημεις
29 και τις δωη τον λαον τουτον εν χειρι μου και μεταστησω τον Αβιμελεχ και ερω προς αυτον πληθυνον την δυναμιν σου και εξελθε
30 και ηκουσεν Ζεβουλ αρχων της πολεως τους λογους Γααλ υιου Ιωβηλ και ωργισθη θυμω αυτος
31 και απεστειλεν αγγελους προς Αβιμελεχ εν κρυφη λεγων ιδου Γααλ υιος Ιωβηλ και οι αδελφοι αυτου ερχονται εις Συχεμ και ιδου αυτοι περικαθηνται την πολιν επι σε
32 και νυν αναστας νυκτος συ και ο λαος ο μετα σου και ενεδρευσον εν τω αγρω
33 και εσται το πρωι αμα τω ανατειλαι τον ηλιον ορθριεις και εκτενεις επι την πολιν και ιδου αυτος και ο λαος ο μετ αυτου εκπορευονται προς σε και ποιησεις αυτω οσα αν ευρη η χειρ σου
34 και ανεστη Αβιμελεχ και πας ο λαος μετ αυτου νυκτος και ενηδρευσαν επι Συχεμ τετρασιν αρχαις
35 και εξηλθεν Γααλ υιος Ιωβηλ και εστη προς τη θυρα της πυλης της πολεως και ανεστη Αβιμελεχ και ο λαος ο μετ αυτου απο του ενεδρου
36 και ειδεν Γααλ υιος Ιωβηλ τον λαον και ειπεν προς Ζεβουλ ιδου λαος καταβαινει απο κεφαλων των ορεων και ειπεν προς αυτον Ζεβουλ την σκιαν των ορεων συ βλεπεις ως ανδρας
37 και προσεθετο ετι Γααλ του λαλησαι και ειπεν ιδου λαος καταβαινων κατα θαλασσαν απο του εχομενα ομφαλου της γης και αρχη ετερα ερχεται δια οδου Ηλωνμαωνενιμ
38 και ειπεν προς αυτον Ζεβουλ και που εστιν το στομα σου ως ελαλησας τις εστιν Αβιμελεχ οτι δουλευσομεν αυτω μη ουχι ουτος ο λαος ον εξουδενωσας εξελθε δη νυν και παραταξαι αυτω
39 και εξηλθεν Γααλ ενωπιον ανδρων Συχεμ και παρεταξατο προς Αβιμελεχ
40 και εδιωξεν αυτον Αβιμελεχ και εφυγεν απο προσωπου αυτου και επεσαν τραυματιαι πολλοι εως της θυρας της πυλης
41 και εισηλθεν Αβιμελεχ εν Αρημα και εξεβαλεν Ζεβουλ τον Γααλ και τους αδελφους αυτου μη οικειν εν Συχεμ
42 και εγενετο τη επαυριον και εξηλθεν ο λαος εις τον αγρον και ανηγγειλεν τω Αβιμελεχ
43 και ελαβεν τον λαον και διειλεν αυτους εις τρεις αρχας και ενηδρευσεν εν αγρω και ειδεν και ιδου ο λαος εξηλθεν εκ της πολεως και ανεστη επ αυτους και επαταξεν αυτους
44 και Αβιμελεχ και οι αρχηγοι οι μετ αυτου εξετειναν και εστησαν παρα την θυραν της πυλης της πολεως και αι δυο αρχαι εξετειναν επι παντας τους εν τω αγρω και επαταξαν αυτους
45 και Αβιμελεχ παρετασσετο εν τη πολει ολην την ημεραν εκεινην και κατελαβετο την πολιν και τον λαον τον εν αυτη απεκτεινεν και καθειλεν την πολιν και εσπειρεν εις αλας
46 και ηκουσαν παντες οι ανδρες πυργων Συχεμ και ηλθον εις συνελευσιν Βαιθηλβεριθ
47 και ανηγγελη τω Αβιμελεχ οτι συνηχθησαν παντες οι ανδρες πυργων Συχεμ
48 και ανεβη Αβιμελεχ εις ορος Ερμων και πας ο λαος ο μετ αυτου και ελαβεν Αβιμελεχ τας αξινας εν τη χειρι αυτου και εκοψεν κλαδον ξυλου και ηρεν και εθηκεν επ ωμων αυτου και ειπεν τω λαω τω μετ αυτου ο ειδετε με ποιουντα ταχεως ποιησατε ως εγω
49 και εκοψαν και γε ανηρ κλαδον πας ανηρ και επορευθησαν οπισω Αβιμελεχ και επεθηκαν επι την συνελευσιν και ενεπυρισαν επ αυτους την συνελευσιν εν πυρι και απεθανον και γε παντες οι ανδρες πυργου Σικιμων ως χιλιοι ανδρες και γυναικες
50 και επορευθη Αβιμελεχ εκ Βαιθηλβεριθ και παρενεβαλεν εν Θηβης και κατελαβεν αυτην
51 και πυργος ισχυρος ην εν μεσω της πολεως και εφυγον εκει παντες οι ανδρες και αι γυναικες της πολεως και εκλεισαν εξωθεν αυτων και ανεβησαν επι το δωμα του πυργου
52 και ηλθεν Αβιμελεχ εως του πυργου και παρεταξαντο αυτω και ηγγισεν Αβιμελεχ εως της θυρας του πυργου του εμπρησαι αυτον εν πυρι
53 και ερριψεν γυνη μια κλασμα επιμυλιου επι κεφαλην Αβιμελεχ και εκλασεν το κρανιον αυτου
54 και εβοησεν ταχυ προς το παιδαριον το αιρον τα σκευη αυτου και ειπεν αυτω σπασον την ρομφαιαν μου και θανατωσον με μηποτε ειπωσιν γυνη απεκτεινεν αυτον και εξεκεντησεν αυτον το παιδαριον αυτου και απεθανεν
55 και ειδεν ανηρ Ισραηλ οτι απεθανεν Αβιμελεχ και επορευθησαν ανηρ εις τον τοπον αυτου
56 και επεστρεψεν ο θεος την πονηριαν Αβιμελεχ ην εποιησεν τω πατρι αυτου αποκτειναι τους εβδομηκοντα αδελφους αυτου
57 και την πασαν πονηριαν ανδρων Συχεμ επεστρεψεν ο θεος εις κεφαλην αυτων και επηλθεν επ αυτους η καταρα Ιωαθαν υιου Ιεροβααλ
1 και ανεστη μετα Αβιμελεχ του σωσαι τον Ισραηλ Θωλα υιος Φουα υιος πατραδελφου αυτου ανηρ Ισσαχαρ και αυτος ωκει εν Σαμιρ εν ορει Εφραιμ
2 και εκρινεν τον Ισραηλ εικοσι τρια ετη και απεθανεν και εταφη εν Σαμιρ
3 και ανεστη μετ αυτον Ιαιρ ο Γαλααδ και εκρινεν τον Ισραηλ εικοσι δυο ετη
4 και ησαν αυτω τριακοντα και δυο υιοι επιβαινοντες επι τριακοντα δυο πωλους και τριακοντα δυο πολεις αυτοις και εκαλουν αυτας επαυλεις Ιαιρ εως της ημερας ταυτης εν γη Γαλααδ
5 και απεθανεν Ιαιρ και εταφη εν Ραμνων
6 και προσεθεντο οι υιοι Ισραηλ ποιησαι το πονηρον ενωπιον κυριου και εδουλευσαν τοις Βααλιμ και ταις Ασταρωθ και τοις θεοις Αραδ και τοις θεοις Σιδωνος και τοις θεοις Μωαβ και τοις θεοις υιων Αμμων και τοις θεοις Φυλιστιιμ και εγκατελιπον τον κυριον και ουκ εδουλευσαν αυτω
7 και ωργισθη θυμω κυριος εν Ισραηλ και απεδοτο αυτους εν χειρι Φυλιστιιμ και εν χειρι υιων Αμμων
8 και εθλιψαν και εθλασαν τους υιους Ισραηλ εν τω καιρω εκεινω δεκα οκτω ετη τους παντας υιους Ισραηλ τους εν τω περαν του Ιορδανου εν γη του Αμορρι του εν Γαλααδ
9 και διεβησαν οι υιοι Αμμων τον Ιορδανην παραταξασθαι προς Ιουδαν και Βενιαμιν και προς Εφραιμ και εθλιβη Ισραηλ σφοδρα
10 και εβοησαν οι υιοι Ισραηλ προς κυριον λεγοντες ημαρτομεν σοι οτι εγκατελιπομεν τον θεον και εδουλευσαμεν τω Βααλιμ
11 και ειπεν κυριος προς τους υιους Ισραηλ μη ουχι εξ Αιγυπτου και απο του Αμορραιου και απο υιων Αμμων και απο Φυλιστιιμ
12 και Σιδωνιων και Αμαληκ και Μαδιαμ οι εθλιψαν υμας και εβοησατε προς με και εσωσα υμας εκ χειρος αυτων
13 και υμεις εγκατελιπετε με και εδουλευσατε θεοις ετεροις δια τουτο ου προσθησω του σωσαι υμας
14 πορευεσθε και βοησατε προς τους θεους ους εξελεξασθε εαυτοις και αυτοι σωσατωσαν υμας εν καιρω θλιψεως υμων
15 και ειπαν οι υιοι Ισραηλ προς κυριον ημαρτομεν ποιησον συ ημιν κατα παν το αγαθον εν οφθαλμοις σου πλην εξελου ημας εν τη ημερα ταυτη
16 και εξεκλιναν τους θεους τους αλλοτριους εκ μεσου αυτων και εδουλευσαν τω κυριω μονω και ωλιγωθη η ψυχη αυτου εν κοπω Ισραηλ
17 και ανεβησαν οι υιοι Αμμων και παρενεβαλον εν Γαλααδ και συνηχθησαν οι υιοι Ισραηλ και παρενεβαλον εν τη σκοπια
18 και ειπον ο λαος οι αρχοντες Γαλααδ ανηρ προς τον πλησιον αυτου τις ο ανηρ οστις αν αρξηται παραταξασθαι προς υιους Αμμων και εσται εις αρχοντα πασιν τοις κατοικουσιν Γαλααδ
1 και Ιεφθαε ο Γαλααδιτης επηρμενος δυναμει και αυτος υιος γυναικος πορνης η εγεννησεν τω Γαλααδ τον Ιεφθαε
2 και ετεκεν η γυνη Γαλααδ αυτω υιους και ηδρυνθησαν οι υιοι της γυναικος και εξεβαλον τον Ιεφθαε και ειπαν αυτω ου κληρονομησεις εν τω οικω του πατρος ημων οτι υιος γυναικος εταιρας συ
3 και εφυγεν Ιεφθαε απο προσωπου αδελφων αυτου και ωκησεν εν γη Τωβ και συνεστραφησαν προς Ιεφθαε ανδρες κενοι και εξηλθον μετ αυτου
4 και εγενετο ηνικα παρεταξαντο οι υιοι Αμμων μετα Ισραηλ
5 και επορευθησαν οι πρεσβυτεροι Γαλααδ λαβειν τον Ιεφθαε απο της γης Τωβ
6 και ειπαν τω Ιεφθαε δευρο και εση ημιν εις αρχηγον και παραταξωμεθα προς υιους Αμμων
7 και ειπεν Ιεφθαε τοις πρεσβυτεροις Γαλααδ ουχι υμεις εμισησατε με και εξεβαλετε με εκ του οικου του πατρος μου και εξαπεστειλατε με αφ υμων και δια τι ηλθατε προς με νυν ηνικα χρηζετε
8 και ειπαν οι πρεσβυτεροι Γαλααδ προς Ιεφθαε δια τουτο νυν επεστρεψαμεν προς σε και πορευση μεθ ημων και παραταξη προς υιους Αμμων και εση ημιν εις αρχοντα πασιν τοις οικουσιν Γαλααδ
9 και ειπεν Ιεφθαε προς τους πρεσβυτερους Γαλααδ ει επιστρεφετε με υμεις παραταξασθαι εν υιοις Αμμων και παραδω κυριος αυτους ενωπιον εμου και εγω εσομαι υμιν εις αρχοντα
10 και ειπαν οι πρεσβυτεροι Γαλααδ προς Ιεφθαε κυριος εστω ακουων ανα μεσον ημων ει μη κατα το ρημα σου ουτως ποιησομεν
11 και επορευθη Ιεφθαε μετα των πρεσβυτερων Γαλααδ και εθηκαν αυτον ο λαος επ αυτους εις κεφαλην και εις αρχηγον και ελαλησεν Ιεφθαε τους λογους αυτου παντας ενωπιον κυριου εν Μασσηφα
12 και απεστειλεν Ιεφθαε αγγελους προς βασιλεα υιων Αμμων λεγων τι εμοι και σοι οτι ηλθες προς με του παραταξασθαι εν τη γη μου
13 και ειπεν βασιλευς υιων Αμμων προς τους αγγελους Ιεφθαε οτι ελαβεν Ισραηλ την γην μου εν τω αναβαινειν αυτον εξ Αιγυπτου απο Αρνων και εως Ιαβοκ και εως του Ιορδανου και νυν επιστρεψον αυτας εν ειρηνη και πορευσομαι
14 και προσεθηκεν ετι Ιεφθαε και απεστειλεν αγγελους προς βασιλεα υιων Αμμων
15 και ειπεν αυτω ουτω λεγει Ιεφθαε ουκ ελαβεν Ισραηλ την γην Μωαβ και την γην υιων Αμμων
16 οτι εν τω αναβαινειν αυτους εξ Αιγυπτου επορευθη Ισραηλ εν τη ερημω εως θαλασσης Σιφ και ηλθεν εις Καδης
17 και απεστειλεν Ισραηλ αγγελους προς βασιλεα Εδωμ λεγων παρελευσομαι δη εν τη γη σου και ουκ ηκουσεν βασιλευς Εδωμ και προς βασιλεα Μωαβ απεστειλεν και ουκ ευδοκησεν και εκαθισεν Ισραηλ εν Καδης
18 και επορευθη εν τη ερημω και εκυκλωσεν την γην Εδωμ και την γην Μωαβ και ηλθεν απο ανατολων ηλιου τη γη Μωαβ και παρενεβαλον εν περαν Αρνων και ουκ εισηλθεν εν οριοις Μωαβ οτι Αρνων οριον Μωαβ
19 και απεστειλεν Ισραηλ αγγελους προς Σηων βασιλεα του Αμορραιου βασιλεα Εσεβων και ειπεν αυτω Ισραηλ παρελθωμεν δη εν τη γη σου εως του τοπου ημων
20 και ουκ ενεπιστευσεν Σηων τω Ισραηλ παρελθειν εν οριω αυτου και συνηξεν Σηων τον παντα λαον αυτου και παρενεβαλον εις Ιασα και παρεταξατο προς Ισραηλ
21 και παρεδωκεν κυριος ο θεος Ισραηλ τον Σηων και παντα τον λαον αυτου εν χειρι Ισραηλ και επαταξεν αυτον και εκληρονομησεν Ισραηλ την πασαν γην του Αμορραιου του κατοικουντος την γην εκεινην
22 απο Αρνων και εως του Ιαβοκ και απο της ερημου εως του Ιορδανου
23 και νυν κυριος ο θεος Ισραηλ εξηρεν τον Αμορραιον απο προσωπου λαου αυτου Ισραηλ και συ κληρονομησεις αυτον
24 ουχι α εαν κληρονομησει σε Χαμως ο θεος σου αυτα κληρονομησεις και τους παντας ους εξηρεν κυριος ο θεος ημων απο προσωπου ημων αυτους κληρονομησομεν
25 και νυν μη εν αγαθω αγαθωτερος συ υπερ Βαλακ υιον Σεπφωρ βασιλεα Μωαβ μη μαχομενος εμαχεσατο μετα Ισραηλ η πολεμων επολεμησεν αυτον
26 εν τω οικησαι εν Εσεβων και εν τοις οριοις αυτης και εν γη Αροηρ και εν τοις οριοις αυτης και εν πασαις ταις πολεσιν ταις παρα τον Ιορδανην τριακοσια ετη και δια τι ουκ ερρυσω αυτους εν τω καιρω εκεινω
27 και νυν εγω ειμι ουχ ημαρτον σοι και συ ποιεις μετ εμου πονηριαν του παραταξασθαι εν εμοι κριναι κυριος κρινων σημερον ανα μεσον υιων Ισραηλ και ανα μεσον υιων Αμμων
28 και ουκ ηκουσεν βασιλευς υιων Αμμων των λογων Ιεφθαε ων απεστειλεν προς αυτον
29 και εγενετο επι Ιεφθαε πνευμα κυριου και παρηλθεν τον Γαλααδ και τον Μανασση και παρηλθεν την σκοπιαν Γαλααδ εις το περαν υιων Αμμων
30 και ηυξατο Ιεφθαε ευχην τω κυριω και ειπεν εαν διδους δως τους υιους Αμμων εν τη χειρι μου
31 και εσται ο εκπορευομενος ος εαν εξελθη απο της θυρας του οικου μου εις συναντησιν μου εν τω επιστρεφειν με εν ειρηνη απο υιων Αμμων και εσται τω κυριω ανοισω αυτον ολοκαυτωμα
32 και παρηλθεν Ιεφθαε προς υιους Αμμων παραταξασθαι προς αυτους και παρεδωκεν αυτους κυριος εν χειρι αυτου
33 και επαταξεν αυτους απο Αροηρ εως ελθειν αχρις Αρνων εν αριθμω εικοσι πολεις και εως Εβελχαρμιν πληγην μεγαλην σφοδρα και συνεσταλησαν οι υιοι Αμμων απο προσωπου υιων Ισραηλ
34 και ηλθεν Ιεφθαε εις Μασσηφα εις τον οικον αυτου και ιδου η θυγατηρ αυτου εξεπορευετο εις υπαντησιν εν τυμπανοις και χοροις και ην αυτη μονογενης ουκ ην αυτω ετερος υιος η θυγατηρ
35 και εγενετο ως ειδεν αυτην αυτος διερρηξεν τα ιματια αυτου και ειπεν α α θυγατηρ μου ταραχη εταραξας με και συ ης εν τω ταραχω μου και εγω ειμι ηνοιξα κατα σου το στομα μου προς κυριον και ου δυνησομαι επιστρεψαι
36 η δε ειπεν προς αυτον πατερ ηνοιξας το στομα σου προς κυριον ποιησον μοι ον τροπον εξηλθεν εκ στοματος σου εν τω ποιησαι σοι κυριον εκδικησιν απο των εχθρων σου απο υιων Αμμων
37 και ηδε ειπεν προς τον πατερα αυτης ποιησατω δη ο πατηρ μου τον λογον τουτον εασον με δυο μηνας και πορευσομαι και καταβησομαι επι τα ορη και κλαυσομαι επι τα παρθενια μου εγω ειμι και αι συνεταιριδες μου
38 και ειπεν πορευου και απεστειλεν αυτην δυο μηνας και επορευθη αυτη και αι συνεταιριδες αυτης και εκλαυσεν επι τα παρθενια αυτης επι τα ορη
39 και εγενετο εν τελει των δυο μηνων και επεστρεψεν προς τον πατερα αυτης και εποιησεν εν αυτη την ευχην αυτου ην ηυξατο και αυτη ουκ εγνω ανδρα και εγενετο εις προσταγμα εν Ισραηλ
40 απο ημερων εις ημερας επορευοντο θυγατερες Ισραηλ θρηνειν την θυγατερα Ιεφθαε Γαλααδ επι τεσσαρας ημερας εν τω ενιαυτω
1 και εβοησεν ανηρ Εφραιμ και παρηλθαν εις βορραν και ειπαν προς Ιεφθαε δια τι παρηλθες παραταξασθαι εν υιοις Αμμων και ημας ου κεκληκας πορευθηναι μετα σου τον οικον σου εμπρησομεν επι σε εν πυρι
2 και ειπεν Ιεφθαε προς αυτους ανηρ μαχητης ημην εγω και ο λαος μου και οι υιοι Αμμων σφοδρα και εβοησα υμας και ουκ εσωσατε με εκ χειρος αυτων
3 και ειδον οτι ουκ ει σωτηρ και εθηκα την ψυχην μου εν χειρι μου και παρηλθον προς υιους Αμμων και εδωκεν αυτους κυριος εν χειρι μου και εις τι ανεβητε επ εμε εν τη ημερα ταυτη παραταξασθαι εν εμοι
4 και συνεστρεψεν Ιεφθαε τους παντας ανδρας Γαλααδ και παρεταξατο τω Εφραιμ και επαταξαν ανδρες Γαλααδ τον Εφραιμ οτι ειπαν οι διασωζομενοι του Εφραιμ υμεις Γαλααδ εν μεσω του Εφραιμ και εν μεσω του Μανασση
5 και προκατελαβετο Γαλααδ τας διαβασεις του Ιορδανου του Εφραιμ και ειπαν αυτοις οι διασωζομενοι Εφραιμ διαβωμεν και ειπαν αυτοις οι ανδρες Γαλααδ μη Εφραθιτης ει και ειπεν ου
6 και ειπαν αυτω ειπον δη σταχυς και ου κατευθυνεν του λαλησαι ουτως και επελαβοντο αυτου και εθυσαν αυτον προς τας διαβασεις του Ιορδανου και επεσαν εν τω καιρω εκεινω απο Εφραιμ τεσσαρακοντα δυο χιλιαδες
7 και εκρινεν Ιεφθαε τον Ισραηλ εξηκοντα ετη και απεθανεν Ιεφθαε ο Γαλααδιτης και εταφη εν πολει αυτου εν Γαλααδ
8 και εκρινεν μετ αυτον τον Ισραηλ Αβαισαν απο Βαιθλεεμ
9 και ησαν αυτω τριακοντα υιοι και τριακοντα θυγατερες ας εξαπεστειλεν εξω και τριακοντα θυγατερας εισηνεγκεν τοις υιοις αυτου εξωθεν και εκρινεν τον Ισραηλ επτα ετη
10 και απεθανεν Αβαισαν και εταφη εν Βαιθλεεμ
11 και εκρινεν μετ αυτον τον Ισραηλ Αιλωμ ο Ζαβουλωνιτης δεκα ετη
12 και απεθανεν Αιλωμ ο Ζαβουλωνιτης και εταφη εν Αιλωμ εν γη Ζαβουλων
13 και εκρινεν μετ αυτον τον Ισραηλ Αβδων υιος Ελληλ ο Φαραθωνιτης
14 και ησαν αυτω τεσσαρακοντα υιοι και τριακοντα υιων υιοι επιβαινοντες επι εβδομηκοντα πωλους και εκρινεν τον Ισραηλ οκτω ετη
15 και απεθανεν Αβδων υιος Ελληλ ο Φαραθωνιτης και εταφη εν Φαραθωμ εν γη Εφραιμ εν ορει του Αμαληκ
1 και προσεθηκαν οι υιοι Ισραηλ ποιησαι το πονηρον ενωπιον κυριου και παρεδωκεν αυτους κυριος εν χειρι Φυλιστιιμ τεσσαρακοντα ετη
2 και ην ανηρ εις απο Σαραα απο δημου συγγενειας του Δανι και ονομα αυτω Μανωε και γυνη αυτω στειρα και ουκ ετεκεν
3 και ωφθη αγγελος κυριου προς την γυναικα και ειπεν προς αυτην ιδου συ στειρα και ου τετοκας και συλλημψη υιον
4 και νυν φυλαξαι δη και μη πιης οινον και μεθυσμα και μη φαγης παν ακαθαρτον
5 οτι ιδου συ εν γαστρι εχεις και τεξη υιον και σιδηρος ουκ αναβησεται επι την κεφαλην αυτου οτι ναζιρ θεου εσται το παιδαριον απο της κοιλιας και αυτος αρξεται του σωσαι τον Ισραηλ εκ χειρος Φυλιστιιμ
6 και εισηλθεν η γυνη και ειπεν τω ανδρι αυτης λεγουσα ανθρωπος θεου ηλθεν προς με και ειδος αυτου ως ειδος αγγελου θεου φοβερον σφοδρα και ουκ ηρωτησα αυτον ποθεν εστιν και το ονομα αυτου ουκ απηγγειλεν μοι
7 και ειπεν μοι ιδου συ εν γαστρι εχεις και τεξη υιον και νυν μη πιης οινον και μεθυσμα και μη φαγης παν ακαθαρτον οτι αγιον θεου εσται το παιδαριον απο γαστρος εως ημερας θανατου αυτου
8 και προσηυξατο Μανωε προς κυριον και ειπεν εν εμοι κυριε Αδωναιε τον ανθρωπον του θεου ον απεστειλας ελθετω δη ετι προς ημας και συμβιβασατω ημας τι ποιησωμεν τω παιδιω τω τικτομενω
9 και εισηκουσεν ο θεος της φωνης Μανωε και ηλθεν ο αγγελος του θεου ετι προς την γυναικα και αυτη εκαθητο εν αγρω και Μανωε ο ανηρ αυτης ουκ ην μετ αυτης
10 και εταχυνεν η γυνη και εδραμεν και ανηγγειλεν τω ανδρι αυτης και ειπεν προς αυτον ιδου ωπται προς με ο ανηρ ος ηλθεν εν ημερα προς με
11 και ανεστη και επορευθη Μανωε οπισω της γυναικος αυτου και ηλθεν προς τον ανδρα και ειπεν αυτω ει συ ει ο ανηρ ο λαλησας προς την γυναικα και ειπεν ο αγγελος εγω
12 και ειπεν Μανωε νυν ελευσεται ο λογος σου τις εσται κρισις του παιδιου και τα ποιηματα αυτου
13 και ειπεν ο αγγελος κυριου προς Μανωε απο παντων ων ειρηκα προς την γυναικα φυλαξεται
14 απο παντος ο εκπορευεται εξ αμπελου του οινου ου φαγεται και οινον και σικερα μεθυσμα μη πιετω και παν ακαθαρτον μη φαγετω παντα οσα ενετειλαμην αυτη φυλαξεται
15 και ειπεν Μανωε προς τον αγγελον κυριου κατασχωμεν ωδε σε και ποιησωμεν ενωπιον σου εριφον αιγων
16 και ειπεν ο αγγελος κυριου προς Μανωε εαν κατασχης με ου φαγομαι απο των αρτων σου και εαν ποιησης ολοκαυτωμα τω κυριω ανοισεις αυτο οτι ουκ εγνω Μανωε οτι αγγελος κυριου αυτος
17 και ειπεν Μανωε προς τον αγγελον κυριου τι το ονομα σοι οτι ελθοι το ρημα σου και δοξασομεν σε
18 και ειπεν αυτω ο αγγελος κυριου εις τι τουτο ερωτας το ονομα μου και αυτο εστιν θαυμαστον
19 και ελαβεν Μανωε τον εριφον των αιγων και την θυσιαν και ανηνεγκεν επι την πετραν τω κυριω και διεχωρισεν ποιησαι και Μανωε και η γυνη αυτου βλεποντες
20 και εγενετο εν τω αναβηναι την φλογα επανω του θυσιαστηριου εως του ουρανου και ανεβη ο αγγελος κυριου εν τη φλογι του θυσιαστηριου και Μανωε και η γυνη αυτου βλεποντες και επεσαν επι προσωπον αυτων επι την γην
21 και ου προσεθηκεν ετι ο αγγελος κυριου οφθηναι προς Μανωε και προς την γυναικα αυτου τοτε εγνω Μανωε οτι αγγελος κυριου ουτος
22 και ειπεν Μανωε προς την γυναικα αυτου θανατω αποθανουμεθα οτι θεον ειδομεν
23 και ειπεν αυτω η γυνη αυτου ει ηθελεν ο κυριος θανατωσαι ημας ουκ αν ελαβεν εκ χειρος ημων ολοκαυτωμα και θυσιαν και ουκ αν εδειξεν ημιν ταυτα παντα και καθως καιρος ουκ αν ηκουτισεν ημας ταυτα
24 και ετεκεν η γυνη υιον και εκαλεσεν το ονομα αυτου Σαμψων και ηδρυνθη το παιδαριον και ευλογησεν αυτο κυριος
25 και ηρξατο πνευμα κυριου συνεκπορευεσθαι αυτω εν παρεμβολη Δαν και ανα μεσον Σαραα και ανα μεσον Εσθαολ
1 και κατεβη Σαμψων εις Θαμναθα και ειδεν γυναικα εις Θαμναθα απο των θυγατερων των αλλοφυλων
2 και ανεβη και απηγγειλεν τω πατρι αυτου και τη μητρι αυτου και ειπεν γυναικα εορακα εν Θαμναθα απο των θυγατερων Φυλιστιιμ και νυν λαβετε αυτην εμοι εις γυναικα
3 και ειπεν αυτω ο πατηρ αυτου και η μητηρ αυτου μη ουκ εισιν θυγατερες των αδελφων σου και εκ παντος του λαου μου γυνη οτι συ πορευη λαβειν γυναικα απο των αλλοφυλων των απεριτμητων και ειπεν Σαμψων προς τον πατερα αυτου ταυτην λαβε μοι οτι αυτη ευθεια εν οφθαλμοις μου
4 και ο πατηρ αυτου και η μητηρ αυτου ουκ εγνωσαν οτι παρα κυριου εστιν οτι εκδικησιν αυτος ζητει εκ των αλλοφυλων και εν τω καιρω εκεινω οι αλλοφυλοι κυριευοντες εν Ισραηλ
5 και κατεβη Σαμψων και ο πατηρ αυτου και η μητηρ αυτου εις Θαμναθα και ηλθεν εως του αμπελωνος Θαμναθα και ιδου σκυμνος λεοντος ωρυομενος εις συναντησιν αυτου
6 και ηλατο επ αυτον πνευμα κυριου και συνετριψεν αυτον ωσει συντριψει εριφον και ουδεν ην εν ταις χερσιν αυτου και ουκ απηγγειλεν τω πατρι αυτου και τη μητρι αυτου ο εποιησεν
7 και κατεβησαν και ελαλησαν τη γυναικι και ηυθυνθη εν οφθαλμοις Σαμψων
8 και υπεστρεψεν μεθ ημερας λαβειν αυτην και εξεκλινεν ιδειν το πτωμα του λεοντος και ιδου συναγωγη μελισσων εν τω στοματι του λεοντος και μελι
9 και εξειλεν αυτο εις χειρας αυτου και επορευετο πορευομενος και εσθιων και επορευθη προς τον πατερα αυτου και την μητερα αυτου και εδωκεν αυτοις και εφαγον και ουκ απηγγειλεν αυτοις οτι απο του στοματος του λεοντος εξειλεν το μελι
10 και κατεβη ο πατηρ αυτου προς την γυναικα και εποιησεν εκει Σαμψων ποτον επτα ημερας οτι ουτως ποιουσιν οι νεανισκοι
11 και εγενετο οτε ειδον αυτον και ελαβον τριακοντα κλητους και ησαν μετ αυτου
12 και ειπεν αυτοις Σαμψων προβλημα υμιν προβαλλομαι εαν απαγγελλοντες απαγγειλητε αυτο εν ταις επτα ημεραις του ποτου και ευρητε δωσω υμιν τριακοντα σινδονας και τριακοντα στολας ιματιων
13 και εαν μη δυνησθε απαγγειλαι μοι δωσετε υμεις εμοι τριακοντα οθονια και τριακοντα αλλασσομενας στολας ιματιων και ειπαν αυτω προβαλου το προβλημα και ακουσομεθα αυτο
14 και ειπεν αυτοις τι βρωτον εξηλθεν εκ βιβρωσκοντος και απο ισχυρου γλυκυ και ουκ ηδυναντο απαγγειλαι το προβλημα επι τρεις ημερας
15 και εγενετο εν τη ημερα τη τεταρτη και ειπαν τη γυναικι Σαμψων απατησον δη τον ανδρα σου και απαγγειλατω σοι το προβλημα μηποτε κατακαυσωμεν σε και τον οικον του πατρος σου εν πυρι η εκβιασαι ημας κεκληκατε
16 και εκλαυσεν η γυνη Σαμψων προς αυτον και ειπεν πλην μεμισηκας με και ουκ ηγαπησας με οτι το προβλημα ο προεβαλου τοις υιοις του λαου μου ουκ απηγγειλας μοι και ειπεν αυτη Σαμψων ει τω πατρι μου και τη μητρι μου ουκ απηγγελκα σοι απαγγειλω
17 και εκλαυσεν προς αυτον επι τας επτα ημερας ας ην αυτοις ο ποτος και εγενετο εν τη ημερα τη εβδομη και απηγγειλεν αυτη οτι παρενωχλησεν αυτω και αυτη απηγγειλεν τοις υιοις του λαου αυτης
18 και ειπαν αυτω οι ανδρες της πολεως εν τη ημερα τη εβδομη προ του ανατειλαι τον ηλιον τι γλυκυτερον μελιτος και τι ισχυροτερον λεοντος και ειπεν αυτοις Σαμψων ει μη ηροτριασατε εν τη δαμαλει μου ουκ αν εγνωτε το προβλημα μου
19 και ηλατο επ αυτον πνευμα κυριου και κατεβη εις Ασκαλωνα και επαταξεν εξ αυτων τριακοντα ανδρας και ελαβεν τα ιματια αυτων και εδωκεν τας στολας τοις απαγγειλασιν το προβλημα και ωργισθη θυμω Σαμψων και ανεβη εις τον οικον του πατρος αυτου
20 και εγενετο η γυνη Σαμψων ενι των φιλων αυτου ων εφιλιασεν
1 και εγενετο μεθ ημερας εν ημεραις θερισμου πυρων και επεσκεψατο Σαμψων την γυναικα αυτου εν εριφω αιγων και ειπεν εισελευσομαι προς την γυναικα μου εις το ταμιειον και ουκ εδωκεν αυτον ο πατηρ αυτης εισελθειν
2 και ειπεν ο πατηρ αυτης λεγων ειπα οτι μισων εμισησας αυτην και εδωκα αυτην ενι των εκ των φιλων σου μη ουχι η αδελφη αυτης η νεωτερα αυτης αγαθωτερα υπερ αυτην εστω δη σοι αντι αυτης
3 και ειπεν αυτοις Σαμψων ηθωωμαι και το απαξ απο αλλοφυλων οτι ποιω εγω μετ αυτων πονηριαν
4 και επορευθη Σαμψων και συνελαβεν τριακοσιας αλωπεκας και ελαβεν λαμπαδας και επεστρεψεν κερκον προς κερκον και εθηκεν λαμπαδα μιαν ανα μεσον των δυο κερκων και εδησεν
5 και εξεκαυσεν πυρ εν ταις λαμπασιν και εξαπεστειλεν εν τοις σταχυσιν των αλλοφυλων και εκαησαν απο αλωνος και εως σταχυων ορθων και εως αμπελωνος και ελαιας
6 και ειπαν οι αλλοφυλοι τις εποιησεν ταυτα και ειπαν Σαμψων ο νυμφιος του Θαμνι οτι ελαβεν την γυναικα αυτου και εδωκεν αυτην τω εκ των φιλων αυτου και ανεβησαν οι αλλοφυλοι και ενεπρησαν αυτην και τον πατερα αυτης εν πυρι
7 και ειπεν αυτοις Σαμψων εαν ποιησητε ουτως ταυτην οτι ει μην εκδικησω εν υμιν και εσχατον κοπασω
8 και επαταξεν αυτους κνημην επι μηρον πληγην μεγαλην και κατεβη και εκαθισεν εν τρυμαλια της πετρας Ηταμ
9 και ανεβησαν οι αλλοφυλοι και παρενεβαλον εν Ιουδα και εξερριφησαν εν Λευι
10 και ειπαν ανηρ Ιουδα εις τι ανεβητε εφ ημας και ειπον οι αλλοφυλοι δησαι τον Σαμψων ανεβημεν και ποιησαι αυτω ον τροπον εποιησεν ημιν
11 και κατεβησαν τρισχιλιοι ανδρες απο Ιουδα εις τρυμαλιαν πετρας Ηταμ και ειπαν τω Σαμψων ουκ οιδας οτι κυριευουσιν οι αλλοφυλοι ημων και τι τουτο εποιησας ημιν και ειπεν αυτοις Σαμψων ον τροπον εποιησαν μοι ουτως εποιησα αυτοις
12 και ειπαν αυτω δησαι σε κατεβημεν του δουναι σε εν χειρι αλλοφυλων και ειπεν αυτοις Σαμψων ομοσατε μοι μηποτε συναντησητε εν εμοι υμεις
13 και ειπον αυτω λεγοντες ουχι οτι αλλ η δεσμω δησομεν σε και παραδωσομεν σε εν χειρι αυτων και θανατω ου θανατωσομεν σε και εδησαν αυτον εν δυσι καλωδιοις καινοις και ανηνεγκαν αυτον απο της πετρας εκεινης
14 και ηλθον εως σιαγονος και οι αλλοφυλοι ηλαλαξαν και εδραμον εις συναντησιν αυτου και ηλατο επ αυτον πνευμα κυριου και εγενηθη τα καλωδια τα επι βραχιοσιν αυτου ωσει στιππυον ο εξεκαυθη εν πυρι και ετακησαν δεσμοι αυτου απο χειρων αυτου
15 και ευρεν σιαγονα ονου εκρεριμμενην και εξετεινεν την χειρα αυτου και ελαβεν αυτην και επαταξεν εν αυτη χιλιους ανδρας
16 και ειπεν Σαμψων εν σιαγονι ονου εξαλειφων εξηλειψα αυτους οτι εν τη σιαγονι του ονου επαταξα χιλιους ανδρας
17 και εγενετο ως επαυσατο λαλων και ερριψεν την σιαγονα εκ της χειρος αυτου και εκαλεσεν τον τοπον εκεινον αναιρεσις σιαγονος
18 και εδιψησεν σφοδρα και εκλαυσεν προς κυριον και ειπεν συ ευδοκησας εν χειρι δουλου σου την σωτηριαν την μεγαλην ταυτην και νυν αποθανουμαι τω διψει και εμπεσουμαι εν χειρι των απεριτμητων
19 και ερρηξεν ο θεος τον λακκον τον εν τη σιαγονι και εξηλθεν εξ αυτου υδωρ και επιεν και επεστρεψεν το πνευμα αυτου και εζησεν δια τουτο εκληθη το ονομα αυτης πηγη του επικαλουμενου η εστιν εν σιαγονι εως της ημερας ταυτης
20 και εκρινεν τον Ισραηλ εν ημεραις αλλοφυλων εικοσι ετη
1 και επορευθη Σαμψων εις Γαζαν και ειδεν εκει γυναικα πορνην και εισηλθεν προς αυτην
2 και ανηγγελη τοις Γαζαιοις λεγοντες ηκει Σαμψων ωδε και εκυκλωσαν και ενηδρευσαν επ αυτον ολην την νυκτα εν τη πυλη της πολεως και εκωφευσαν ολην την νυκτα λεγοντες εως διαφαυση ο ορθρος και φονευσωμεν αυτον
3 και εκοιμηθη Σαμψων εως μεσονυκτιου και ανεστη εν ημισει της νυκτος και επελαβετο των θυρων της πυλης της πολεως συν τοις δυσι σταθμοις και ανεβαστασεν αυτας συν τω μοχλω και εθηκεν επ ωμων αυτου και ανεβη επι την κορυφην του ορους του επι προσωπου Χεβρων και εθηκεν αυτα εκει
4 και εγενετο μετα τουτο και ηγαπησεν γυναικα εν Αλσωρηχ και ονομα αυτη Δαλιδα
5 και ανεβησαν προς αυτην οι αρχοντες των αλλοφυλων και ειπαν αυτη απατησον αυτον και ιδε εν τινι η ισχυς αυτου η μεγαλη και εν τινι δυνησομεθα αυτω και δησομεν αυτον του ταπεινωσαι αυτον και ημεις δωσομεν σοι ανηρ χιλιους και εκατον αργυριου
6 και ειπεν Δαλιδα προς Σαμψων απαγγειλον δη μοι εν τινι η ισχυς σου η μεγαλη και εν τινι δεθηση του ταπεινωθηναι σε
7 και ειπεν προς αυτην Σαμψων εαν δησωσιν με εν επτα νευρεαις υγραις μη διεφθαρμεναις και ασθενησω και εσομαι ως εις των ανθρωπων
8 και ανηνεγκαν αυτη οι αρχοντες των αλλοφυλων επτα νευρας υγρας μη διεφθαρμενας και εδησεν αυτον εν αυταις
9 και το ενεδρον αυτη εκαθητο εν τω ταμιειω και ειπεν αυτω αλλοφυλοι επι σε Σαμψων και διεσπασεν τας νευρεας ως ει τις αποσπασοι στρεμμα στιππυου εν τω οσφρανθηναι αυτο πυρος και ουκ εγνωσθη η ισχυς αυτου
10 και ειπεν Δαλιδα προς Σαμψων ιδου επλανησας με και ελαλησας προς με ψευδη νυν ουν αναγγειλον μοι εν τινι δεθηση
11 και ειπεν προς αυτην εαν δεσμευοντες δησωσιν με εν καλωδιοις καινοις οις ουκ εγενετο εν αυτοις εργον και ασθενησω και εσομαι ως εις των ανθρωπων
12 και ελαβεν Δαλιδα καλωδια καινα και εδησεν αυτον εν αυτοις και τα ενεδρα εξηλθεν εκ του ταμιειου και ειπεν αλλοφυλοι επι σε Σαμψων και διεσπασεν αυτα απο βραχιονων αυτου ως σπαρτιον
13 και ειπεν Δαλιδα προς Σαμψων ιδου επλανησας με και ελαλησας προς εμε ψευδη απαγγειλον δη μοι εν τινι δεθηση και ειπεν προς αυτην εαν υφανης τας επτα σειρας της κεφαλης μου συν τω διασματι και εγκρουσης τω πασσαλω εις τον τοιχον και εσομαι ως εις των ανθρωπων ασθενης
14 και εγενετο εν τω κοιμασθαι αυτον και ελαβεν Δαλιδα τας επτα σειρας της κεφαλης αυτου και υφανεν εν τω διασματι και επηξεν τω πασσαλω εις τον τοιχον και ειπεν αλλοφυλοι επι σε Σαμψων και εξυπνισθη εκ του υπνου αυτου και εξηρεν τον πασσαλον του υφασματος εκ του τοιχου
15 και ειπεν Δαλιδα προς Σαμψων πως λεγεις ηγαπηκα σε και ουκ εστιν η καρδια σου μετ εμου τουτο τριτον επλανησας με και ουκ απηγγειλας μοι εν τινι η ισχυς σου η μεγαλη
16 και εγενετο οτε εξεθλιψεν αυτον εν λογοις αυτης πασας τας ημερας και εστενοχωρησεν αυτον και ωλιγοψυχησεν εως του αποθανειν
17 και ανηγγειλεν αυτη την πασαν καρδιαν αυτου και ειπεν αυτη σιδηρος ουκ ανεβη επι την κεφαλην μου οτι αγιος θεου εγω ειμι απο κοιλιας μητρος μου εαν ουν ξυρησωμαι αποστησεται απ εμου η ισχυς μου και ασθενησω και εσομαι ως παντες οι ανθρωποι
18 και ειδεν Δαλιδα οτι απηγγειλεν αυτη πασαν την καρδιαν αυτου και απεστειλεν και εκαλεσεν τους αρχοντας των αλλοφυλων λεγουσα αναβητε ετι το απαξ τουτο οτι απηγγειλεν μοι την πασαν καρδιαν αυτου και ανεβησαν προς αυτην οι αρχοντες των αλλοφυλων και ανηνεγκαν το αργυριον εν χερσιν αυτων
19 και εκοιμισεν Δαλιδα τον Σαμψων επι τα γονατα αυτης και εκαλεσεν ανδρα και εξυρησεν τας επτα σειρας της κεφαλης αυτου και ηρξατο ταπεινωσαι αυτον και απεστη η ισχυς αυτου απ αυτου
20 και ειπεν Δαλιδα αλλοφυλοι επι σε Σαμψων και εξυπνισθη εκ του υπνου αυτου και ειπεν εξελευσομαι ως απαξ και απαξ και εκτιναχθησομαι και αυτος ουκ εγνω οτι απεστη ο κυριος απανωθεν αυτου
21 και εκρατησαν αυτον οι αλλοφυλοι και εξεκοψαν τους οφθαλμους αυτου και κατηνεγκαν αυτον εις Γαζαν και επεδησαν αυτον εν πεδαις χαλκειαις και ην αληθων εν οικω του δεσμωτηριου
22 και ηρξατο θριξ της κεφαλης αυτου βλαστανειν καθως εξυρησατο
23 και οι αρχοντες των αλλοφυλων συνηχθησαν θυσαι θυσιασμα μεγα τω Δαγων θεω αυτων και ευφρανθηναι και ειπαν εδωκεν ο θεος εν χειρι ημων τον Σαμψων τον εχθρον ημων
24 και ειδαν αυτον ο λαος και υμνησαν τον θεον αυτων οτι παρεδωκεν ο θεος ημων τον εχθρον ημων εν χειρι ημων τον ερημουντα την γην ημων και ος επληθυνεν τους τραυματιας ημων
25 και οτε ηγαθυνθη η καρδια αυτων και ειπαν καλεσατε τον Σαμψων εξ οικου φυλακης και παιξατω ενωπιον ημων και εκαλεσαν τον Σαμψων απο οικου δεσμωτηριου και επαιζεν ενωπιον αυτων και ερραπιζον αυτον και εστησαν αυτον ανα μεσον των κιονων
26 και ειπεν Σαμψων προς τον νεανιαν τον κρατουντα την χειρα αυτου αφες με και ψηλαφησω τους κιονας εφ οις ο οικος στηκει επ αυτους και επιστηριχθησομαι επ αυτους
27 και ο οικος πληρης των ανδρων και των γυναικων και εκει παντες οι αρχοντες των αλλοφυλων και επι το δωμα ως επτακοσιοι ανδρες και γυναικες οι θεωρουντες εν παιγνιαις Σαμψων
28 και εκλαυσεν Σαμψων προς κυριον και ειπεν Αδωναιε κυριε μνησθητι δη μου νυν και ενισχυσον με ετι το απαξ τουτο θεε και ανταποδωσω ανταποδοσιν μιαν περι των δυο οφθαλμων μου τοις αλλοφυλοις
29 και περιελαβεν Σαμψων τους δυο κιονας του οικου εφ ους ο οικος ειστηκει και επεστηριχθη επ αυτους και εκρατησεν ενα τη δεξια αυτου και ενα τη αριστερα αυτου
30 και ειπεν Σαμψων αποθανετω ψυχη μου μετα αλλοφυλων και εβασταξεν εν ισχυι και επεσεν ο οικος επι τους αρχοντας και επι παντα τον λαον τον εν αυτω και ησαν οι τεθνηκοτες ους εθανατωσεν Σαμψων εν τω θανατω αυτου πλειους η ους εθανατωσεν εν τη ζωη αυτου
31 και κατεβησαν οι αδελφοι αυτου και ο οικος του πατρος αυτου και ελαβον αυτον και ανεβησαν και εθαψαν αυτον ανα μεσον Σαραα και ανα μεσον Εσθαολ εν τω ταφω Μανωε του πατρος αυτου και αυτος εκρινεν τον Ισραηλ εικοσι ετη
1 και εγενετο ανηρ απο ορους Εφραιμ και ονομα αυτω Μιχαιας
2 και ειπεν τη μητρι αυτου οι χιλιοι και εκατον ους ελαβες αργυριου σεαυτη και με ηρασω και προσειπας εν ωσι μου ιδου το αργυριον παρ εμοι εγω ελαβον αυτο και ειπεν η μητηρ αυτου ευλογητος ο υιος μου τω κυριω
3 και απεδωκεν τους χιλιους και εκατον του αργυριου τη μητρι αυτου και ειπεν η μητηρ αυτου αγιαζουσα ηγιακα το αργυριον τω κυριω εκ χειρος μου τω υιω μου του ποιησαι γλυπτον και χωνευτον και νυν αποδωσω σοι αυτο
4 και απεδωκεν το αργυριον τη μητρι αυτου και ελαβεν η μητηρ αυτου διακοσιους αργυριου και εδωκεν αυτο αργυροκοπω και εποιησεν αυτο γλυπτον και χωνευτον και εγενηθη εν οικω Μιχαια
5 και ο οικος Μιχαια αυτω οικος θεου και εποιησεν εφωδ και θαραφιν και επληρωσεν την χειρα απο ενος υιων αυτου και εγενετο αυτω εις ιερεα
6 εν δε ταις ημεραις εκειναις ουκ ην βασιλευς εν Ισραηλ ανηρ το ευθες εν οφθαλμοις αυτου εποιει
7 και εγενηθη νεανιας εκ Βηθλεεμ δημου Ιουδα και αυτος Λευιτης και ουτος παρωκει εκει
8 και επορευθη ο ανηρ απο Βηθλεεμ της πολεως Ιουδα παροικησαι εν ω εαν ευρη τοπω και ηλθεν εως ορους Εφραιμ και εως οικου Μιχαια του ποιησαι οδον αυτου
9 και ειπεν αυτω Μιχαιας ποθεν ερχη και ειπεν προς αυτον Λευιτης ειμι απο Βαιθλεεμ Ιουδα και εγω πορευομαι παροικησαι εν ω εαν ευρω τοπω
10 και ειπεν αυτω Μιχαιας καθου μετ εμου και γινου μοι εις πατερα και εις ιερεα και εγω δωσω σοι δεκα αργυριου εις ημεραν και στολην ιματιων και τα προς ζωην σου και επορευθη ο Λευιτης
11 και ηρξατο παροικειν παρα τω ανδρι και εγενηθη ο νεανιας παρ αυτω ως εις απο υιων αυτου
12 και επληρωσεν Μιχαιας την χειρα του Λευιτου και εγενετο αυτω εις ιερεα και εγενετο εν οικω Μιχαια
13 και ειπεν Μιχαιας νυν εγνων οτι αγαθυνει κυριος εμοι οτι εγενετο μοι ο Λευιτης εις ιερεα
1 εν ταις ημεραις εκειναις ουκ ην βασιλευς εν Ισραηλ και εν ταις ημεραις εκειναις η φυλη Δαν εζητει αυτη κληρονομιαν κατοικησαι οτι ουκ ενεπεσεν αυτη εως της ημερας εκεινης εν μεσω φυλων Ισραηλ κληρονομια
2 και απεστειλαν οι υιοι Δαν απο δημων αυτων πεντε ανδρας υιους δυναμεως απο Σαραα και απο Εσθαολ του κατασκεψασθαι την γην και εξιχνιασαι αυτην και ειπαν προς αυτους πορευεσθε και εξιχνιασατε την γην και ηλθον εως ορους Εφραιμ εως οικου Μιχαια και ηυλισθησαν εκει
3 αυτοι εν οικω Μιχαια και αυτοι επεγνωσαν την φωνην του νεανισκου του Λευιτου και εξεκλιναν εκει και ειπαν αυτω τις ηνεγκεν σε ωδε και τι συ ποιεις εν τω τοπω τουτω και τι σοι ωδε
4 και ειπεν προς αυτους ουτως και ουτως εποιησεν μοι Μιχαιας και εμισθωσατο με και εγενομην αυτω εις ιερεα
5 και ειπαν αυτω ερωτησον δη εν τω θεω και γνωσομεθα ει ευοδωθησεται η οδος ημων εν η ημεις πορευομεθα εν αυτη
6 και ειπεν αυτοις ο ιερευς πορευεσθε εν ειρηνη ενωπιον κυριου η οδος υμων εν η πορευεσθε εν αυτη
7 και επορευθησαν οι πεντε ανδρες και ηλθον εις Λαισα και ειδαν τον λαον τον εν μεσω αυτης καθημενον επ ελπιδι ως κρισις Σιδωνιων ησυχαζουσα και ουκ εστιν διατρεπων η καταισχυνων λογον εν τη γη κληρονομος εκπιεζων θησαυρου και μακραν εισιν Σιδωνιων και λογον ουκ εχουσιν προς ανθρωπον
8 και ηλθον οι πεντε ανδρες προς τους αδελφους αυτων εις Σαραα και Εσθαολ και ειπον τοις αδελφοις αυτων τι υμεις καθησθε
9 και ειπαν αναστητε και αναβωμεν επ αυτους οτι ειδομεν την γην και ιδου αγαθη σφοδρα και υμεις ησυχαζετε μη οκνησητε του πορευθηναι και εισελθειν του κληρονομησαι την γην
10 και ηνικα αν ελθητε εισελευσεσθε προς λαον επ ελπιδι και η γη πλατεια οτι εδωκεν αυτην ο θεος εν χειρι υμων τοπος οπου ουκ εστιν εκει υστερημα παντος ρηματος των εν τη γη
11 και απηραν εκειθεν απο δημων του Δαν απο Σαραα και απο Εσθαολ εξακοσιοι ανδρες εζωσμενοι σκευη παραταξεως
12 και ανεβησαν και παρενεβαλον εν Καριαθιαριμ εν Ιουδα δια τουτο εκληθη εν εκεινω τω τοπω παρεμβολη Δαν εως της ημερας ταυτης ιδου οπισω Καριαθιαριμ
13 και παρηλθον εκειθεν ορος Εφραιμ και ηλθον εως οικου Μιχαια
14 και απεκριθησαν οι πεντε ανδρες οι πεπορευμενοι κατασκεψασθαι την γην Λαισα και ειπαν προς τους αδελφους αυτων εγνωτε οτι εστιν εν τω οικω τουτω εφωδ και θεραφιν και γλυπτον και χωνευτον και νυν γνωτε ο τι ποιησετε
15 και εξεκλιναν εκει και εισηλθον εις τον οικον του νεανισκου του Λευιτου οικον Μιχαια και ηρωτησαν αυτον εις ειρηνην
16 και οι εξακοσιοι ανδρες οι ανεζωσμενοι τα σκευη της παραταξεως αυτων εστωτες παρα θυρας της πυλης οι εκ των υιων Δαν
17 και ανεβησαν οι πεντε ανδρες οι πορευθεντες κατασκεψασθαι την γην
18 και εισηλθον εκει εις οικον Μιχαια και ο ιερευς εστως και ελαβον το γλυπτον και το εφωδ και το θεραφιν και το χωνευτον και ειπεν προς αυτους ο ιερευς τι υμεις ποιειτε
19 και ειπαν αυτω κωφευσον επιθες την χειρα σου επι το στομα σου και δευρο μεθ ημων και γενου ημιν εις πατερα και εις ιερεα μη αγαθον ειναι σε ιερεα οικου ανδρος ενος η γενεσθαι σε ιερεα φυλης και οικου εις δημον Ισραηλ
20 και ηγαθυνθη η καρδια του ιερεως και ελαβεν το εφωδ και το θεραφιν και το γλυπτον και το χωνευτον και ηλθεν εν μεσω του λαου
21 και επεστρεψαν και απηλθαν και εθηκαν τα τεκνα και την κτησιν και το βαρος εμπροσθεν αυτων
22 αυτοι εμακρυναν απο οικου Μιχαια και ιδου Μιχαιας και οι ανδρες οι εν ταις οικιαις ταις μετα οικου Μιχαια εβοησαν και κατελαβοντο τους υιους Δαν
23 και επεστρεψαν το προσωπον αυτων υιοι Δαν και ειπαν τω Μιχαια τι εστιν σοι οτι εβοησας
24 και ειπεν Μιχαιας οτι το γλυπτον μου ο εποιησα ελαβετε και τον ιερεα και επορευθητε και τι εμοι ετι και τι τουτο λεγετε προς με τι κραζεις
25 και ειπον προς αυτον οι υιοι Δαν μη ακουσθητω δη φωνη σου μεθ ημων μηποτε συναντησωσιν εν ημιν ανδρες πικροι ψυχη και προσθησουσιν ψυχην και την ψυχην του οικου σου
26 και επορευθησαν οι υιοι Δαν εις οδον αυτων και ειδεν Μιχαιας οτι δυνατωτεροι εισιν υπερ αυτον και εποστρεψεν εις τον οικον αυτου
27 και οι υιοι Δαν ελαβον ο εποιησεν Μιχαιας και τον ιερεα ος ην αυτω και ηλθον επι Λαισα επι λαον ησυχαζοντα και πεποιθοτα επ ελπιδι και επαταξαν αυτους εν στοματι ρομφαιας και την πολιν ενεπρησαν εν πυρι
28 και ουκ ην ο ρυομενος οτι μακραν εστιν απο Σιδωνιων και λογος ουκ εστιν αυτοις μετα ανθρωπου και αυτη εν τη κοιλαδι του οικου Ρααβ και ωκοδομησαν την πολιν και κατεσκηνωσαν εν αυτη
29 και εκαλεσαν το ονομα της πολεως Δαν εν ονοματι Δαν πατρος αυτων ος ετεχθη τω Ισραηλ και Ουλαμαις το ονομα της πολεως το προτερον
30 και εστησαν εαυτοις οι υιοι Δαν το γλυπτον και Ιωναθαμ υιος Γηρσομ υιος Μανασση αυτος και οι υιοι αυτου ησαν ιερεις τη φυλη Δαν εως ημερας αποικιας της γης
31 και εθηκαν αυτοις το γλυπτον ο εποιησεν Μιχαιας πασας τας ημερας ας ην ο οικος του θεου εν Σηλωμ
1 και εγενετο εν ταις ημεραις εκειναις και ουκ ην βασιλευς εν Ισραηλ και εγενετο ανηρ Λευιτης παροικων εν μηροις ορους Εφραιμ και ελαβεν αυτω γυναικα παλλακην απο Βηθλεεμ Ιουδα
2 και επορευθη απ αυτου η παλλακη αυτου και απηλθεν παρ αυτου εις οικον πατρος αυτης εις Βηθλεεμ Ιουδα και ην εκει ημερας τεσσαρων μηνων
3 και ανεστη ο ανηρ αυτης και επορευθη οπισω αυτης του λαλησαι επι καρδιαν αυτης του επιστρεψαι αυτην αυτω και νεανιας αυτου μετ αυτου και ζευγος ονων και ηδε εισηνεγκεν αυτον εις οικον πατρος αυτης και ειδεν αυτον ο πατηρ της νεανιδος και ηυφρανθη εις συναντησιν αυτου
4 και κατεσχεν αυτον ο γαμβρος αυτου ο πατηρ της νεανιδος και εκαθισεν μετ αυτου επι τρεις ημερας και εφαγον και επιον και ηυλισθησαν εκει
5 και εγενετο τη ημερα τη τεταρτη και ωρθρισαν το πρωι και ανεστη του πορευθηναι και ειπεν ο πατηρ της νεανιδος προς τον νυμφιον αυτου στηρισον σου την καρδιαν ψωμω αρτου και μετα τουτο πορευσεσθε
6 και εκαθισεν και εφαγον οι δυο επι το αυτο και επιον και ειπεν ο πατηρ της νεανιδος προς τον ανδρα αγε δη αυλισθητι και αγαθυνθησεται η καρδια σου
7 και ανεστη ο ανηρ του πορευεσθαι και εβιασατο αυτον ο γαμβρος αυτου και εκαθισεν και ηυλισθη εκει
8 και ωρθρισεν το πρωι τη ημερα τη πεμπτη του πορευθηναι και ειπεν ο πατηρ της νεανιδος στηρισον δη την καρδιαν σου και στρατευσον εως κλιναι την ημεραν και εφαγον οι δυο
9 και ανεστη ο ανηρ του πορευθηναι αυτος και η παλλακη αυτου και ο νεανιας αυτου και ειπεν αυτω ο γαμβρος αυτου ο πατηρ της νεανιδος ιδου δη ησθενησεν η ημερα εις την εσπεραν αυλισθητι ωδε και αγαθυνθησεται η καρδια σου και ορθριειτε αυριον εις οδον υμων και πορευση εις το σκηνωμα σου
10 και ουκ ευδοκησεν ο ανηρ αυλισθηναι και ανεστη και απηλθεν και ηλθεν εως απεναντι Ιεβους αυτη εστιν Ιερουσαλημ και μετ αυτου ζευγος ονων επισεσαγμενων και η παλλακη αυτου μετ αυτου
11 και ηλθοσαν εως Ιεβους και η ημερα προβεβηκει σφοδρα και ειπεν ο νεανιας προς τον κυριον αυτου δευρο δη και εκκλινωμεν εις πολιν του Ιεβουσι ταυτην και αυλισθωμεν εν αυτη
12 και ειπεν προς αυτον ο κυριος αυτου ουκ εκκλινουμεν εις πολιν αλλοτριαν εν η ουκ εστιν απο υιων Ισραηλ ωδε και παρελευσομεθα εως Γαβαα
13 και ειπεν τω νεανια αυτου δευρο και εγγισωμεν ενι των τοπων και αυλισθησομεθα εν Γαβαα η εν Ραμα
14 και παρηλθον και επορευθησαν και εδυ ο ηλιος αυτοις εχομενα της Γαβαα η εστιν τω Βενιαμιν
15 και εξεκλιναν εκει του εισελθειν αυλισθηναι εν Γαβαα και εισηλθον και εκαθισαν εν τη πλατεια της πολεως και ουκ ην ανηρ συναγων αυτους εις οικιαν αυλισθηναι
16 και ιδου ανηρ πρεσβυτης ηρχετο εξ εργων αυτου εξ αγρου εν εσπερα και ο ανηρ ην εξ ορους Εφραιμ και αυτος παρωκει εν Γαβαα και οι ανδρες του τοπου υιοι Βενιαμιν
17 και ηρεν τους οφθαλμους αυτου και ειδεν τον οδοιπορον ανδρα εν τη πλατεια της πολεως και ειπεν ο ανηρ ο πρεσβυτης που πορευη και ποθεν ερχη
18 και ειπεν προς αυτον παραπορευομεθα ημεις απο Βηθλεεμ Ιουδα εως μηρων ορους Εφραιμ εκειθεν εγω ειμι και επορευθην εως Βηθλεεμ Ιουδα και εις τον οικον μου εγω πορευομαι και ουκ εστιν ανηρ συναγων με εις την οικιαν
19 και γε αχυρα και χορτασματα εστιν τοις ονοις ημων και αρτοι και οινος εστιν εμοι και τη παιδισκη και τω νεανισκω μετα των παιδιων σου ουκ εστιν υστερημα παντος πραγματος
20 και ειπεν ο ανηρ ο πρεσβυτης ειρηνη σοι πλην παν υστερημα σου επ εμε πλην εν τη πλατεια ου μη αυλισθηση
21 και εισηνεγκεν αυτον εις τον οικον αυτου και τοπον εποιησεν τοις ονοις και αυτοι ενιψαντο τους ποδας αυτων και εφαγον και επιον
22 αυτοι δ αγαθυνοντες καρδιαν αυτων και ιδου ανδρες της πολεως υιοι παρανομων εκυκλωσαν την οικιαν κρουοντες επι την θυραν και ειπον προς τον ανδρα τον κυριον του οικου τον πρεσβυτην λεγοντες εξενεγκε τον ανδρα ος εισηλθεν εις την οικιαν σου ινα γνωμεν αυτον
23 και εξηλθεν προς αυτους ο ανηρ ο κυριος του οικου και ειπεν μη αδελφοι μη κακοποιησητε δη μετα το εισελθειν τον ανδρα τουτον εις την οικιαν μου μη ποιησητε την αφροσυνην ταυτην
24 ιδε η θυγατηρ μου η παρθενος και η παλλακη αυτου εξαξω αυτας και ταπεινωσατε αυτας και ποιησατε αυταις το αγαθον εν οφθαλμοις υμων και τω ανδρι τουτω ου ποιησετε το ρημα της αφροσυνης ταυτης
25 και ουκ ευδοκησαν οι ανδρες του εισακουσαι αυτου και επελαβετο ο ανηρ της παλλακης αυτου και εξηγαγεν αυτην προς αυτους εξω και εγνωσαν αυτην και ενεπαιζον εν αυτη ολην την νυκτα εως πρωι και εξαπεστειλαν αυτην ως ανεβη το πρωι
26 και ηλθεν η γυνη προς τον ορθρον και επεσεν παρα την θυραν του οικου ου ην αυτης εκει ο ανηρ εως του διαφωσαι
27 και ανεστη ο ανηρ αυτης το πρωι και ηνοιξεν τας θυρας του οικου και εξηλθεν του πορευθηναι την οδον αυτου και ιδου η γυνη η παλλακη αυτου πεπτωκυια παρα τας θυρας του οικου και αι χειρες αυτης επι το προθυρον
28 και ειπεν προς αυτην αναστα και απελθωμεν και ουκ απεκριθη οτι ην νεκρα και ελαβεν αυτην επι τον ονον και επορευθη εις τον τοπον αυτου
29 και ελαβεν την ρομφαιαν και εκρατησεν την παλλακην αυτου και εμελισεν αυτην εις δωδεκα μελη και απεστειλεν αυτα εν παντι οριω Ισραηλ
30 και εγενετο πας ο βλεπων ελεγεν ουκ εγενετο και ουχ εοραται ως αυτη απο ημερας αναβασεως υιων Ισραηλ εκ γης Αιγυπτου και εως της ημερας ταυτης θεσθε υμιν αυτοι επ αυτην βουλην και λαλησατε
1 και εξηλθον παντες οι υιοι Ισραηλ και εξεκκλησιασθη η συναγωγη ως ανηρ εις απο Δαν και εως Βηρσαβεε και γη του Γαλααδ προς κυριον εις Μασσηφα
2 και εσταθησαν κατα προσωπον κυριου πασαι αι φυλαι του Ισραηλ εν εκκλησια του λαου του θεου τετρακοσιαι χιλιαδες ανδρων πεζων ελκοντες ρομφαιαν
3 και ηκουσαν οι υιοι Βενιαμιν οτι ανεβησαν οι υιοι Ισραηλ εις Μασσηφα και ελθοντες ειπαν οι υιοι Ισραηλ λαλησατε που εγενετο η πονηρια αυτη
4 και απεκριθη ο ανηρ ο Λευιτης ο ανηρ της γυναικος της φονευθεισης και ειπεν εις Γαβαα της Βενιαμιν ηλθον εγω και η παλλακη μου του αυλισθηναι
5 και ανεστησαν επ εμε οι ανδρες της Γαβαα και εκυκλωσαν επ εμε επι την οικιαν νυκτος εμε ηθελησαν φονευσαι και την παλλακην μου εταπεινωσαν και απεθανεν
6 και εκρατησα την παλλακην μου και εμελισα αυτην και απεστειλα εν παντι οριω κληρονομιας υιων Ισραηλ οτι εποιησαν ζεμα και αποπτωμα εν Ισραηλ
7 ιδου παντες υμεις υιοι Ισραηλ δοτε εαυτοις λογον και βουλην εκει
8 και ανεστη πας ο λαος ως ανηρ εις λεγοντες ουκ απελευσομεθα ανηρ εις σκηνωμα αυτου και ουκ επιστρεψομεν ανηρ εις οικον αυτου
9 και νυν τουτο το ρημα ο ποιηθησεται τη Γαβαα αναβησομεθα επ αυτην εν κληρω
10 πλην λημψομεθα δεκα ανδρας τοις εκατον εις πασας φυλας Ισραηλ και εκατον τοις χιλιοις και χιλιους τοις μυριοις λαβειν επισιτισμον του ποιησαι ελθειν αυτους εις Γαβαα Βενιαμιν ποιησαι αυτη κατα παν το αποπτωμα ο εποιησεν εν Ισραηλ
11 και συνηχθη πας ανηρ Ισραηλ εις την πολιν ως ανηρ εις
12 και απεστειλαν αι φυλαι Ισραηλ ανδρας εν παση φυλη Βενιαμιν λεγοντες τις η πονηρια αυτη η γενομενη εν υμιν
13 και νυν δοτε τους ανδρας υιους παρανομων τους εν Γαβαα και θανατωσομεν αυτους και εκκαθαριουμεν πονηριαν απο Ισραηλ και ουκ ευδοκησαν οι υιοι Βενιαμιν ακουσαι της φωνης των αδελφων αυτων υιων Ισραηλ
14 και συνηχθησαν οι υιοι Βενιαμιν απο των πολεων αυτων εις Γαβαα εξελθειν εις παραταξιν προς υιους Ισραηλ
15 και επεσκεπησαν οι υιοι Βενιαμιν εν τη ημερα εκεινη απο των πολεων εικοσι τρεις χιλιαδες ανηρ ελκων ρομφαιαν εκτος των οικουντων την Γαβαα οι επεσκεπησαν επτακοσιοι ανδρες εκλεκτοι
16 εκ παντος λαου αμφοτεροδεξιοι παντες ουτοι σφενδονηται εν λιθοις προς τριχα και ουκ εξαμαρτανοντες
17 και ανηρ Ισραηλ επεσκεπησαν εκτος του Βενιαμιν τετρακοσιαι χιλιαδες ανδρων ελκοντων ρομφαιαν παντες ουτοι ανδρες παραταξεως
18 και ανεστησαν και ανεβησαν εις Βαιθηλ και ηρωτησαν εν τω θεω και ειπαν οι υιοι Ισραηλ τις αναβησεται ημιν εν αρχη εις παραταξιν προς υιους Βενιαμιν και ειπεν κυριος Ιουδας εν αρχη αναβησεται αφηγουμενος
19 και ανεστησαν οι υιοι Ισραηλ το πρωι και παρενεβαλον επι Γαβαα
20 και εξηλθον πας ανηρ Ισραηλ εις παραταξιν προς Βενιαμιν και συνηψαν αυτοις επι Γαβαα
21 και εξηλθον οι υιοι Βενιαμιν απο της Γαβαα και διεφθειραν εν Ισραηλ εν τη ημερα εκεινη δυο και εικοσι χιλιαδας ανδρων επι την γην
22 και ενισχυσαν ανηρ Ισραηλ και προσεθηκαν συναψαι παραταξιν εν τω τοπω οπου συνηψαν εν τη ημερα τη πρωτη
23 και ανεβησαν οι υιοι Ισραηλ και εκλαυσαν ενωπιον κυριου εως εσπερας και ηρωτησαν εν κυριω λεγοντες ει προσθωμεν εγγισαι εις παραταξιν προς υιους Βενιαμιν αδελφους ημων και ειπεν κυριος αναβητε προς αυτους
24 και προσηλθον οι υιοι Ισραηλ προς υιους Βενιαμιν εν τη ημερα τη δευτερα
25 και εξηλθον οι υιοι Βενιαμιν εις συναντησιν αυτοις απο της Γαβαα εν τη ημερα τη δευτερα και διεφθειραν απο υιων Ισραηλ ετι οκτωκαιδεκα χιλιαδας ανδρων επι την γην παντες ουτοι ελκοντες ρομφαιαν
26 και ανεβησαν παντες οι υιοι Ισραηλ και πας ο λαος και ηλθον εις Βαιθηλ και εκλαυσαν και εκαθισαν εκει ενωπιον κυριου και ενηστευσαν εν τη ημερα εκεινη εως εσπερας και ανηνεγκαν ολοκαυτωσεις και τελειας ενωπιον κυριου
27 οτι εκει κιβωτος διαθηκης κυριου του θεου
28 και Φινεες υιος Ελεαζαρ υιου Ααρων παρεστηκως ενωπιον αυτης εν ταις ημεραις εκειναις και επηρωτησαν οι υιοι Ισραηλ εν κυριω λεγοντες ει προσθωμεν ετι εξελθειν εις παραταξιν προς υιους Βενιαμιν αδελφους ημων η επισχωμεν και ειπεν κυριος αναβητε οτι αυριον δωσω αυτους εις τας χειρας υμων
29 και εθηκαν οι υιοι Ισραηλ ενεδρα τη Γαβαα κυκλω
30 και ανεβησαν οι υιοι Ισραηλ προς υιους Βενιαμιν εν τη ημερα τη τριτη και συνηψαν προς την Γαβαα ως απαξ και απαξ
31 και εξηλθον οι υιοι Βενιαμιν εις συναντησιν του λαου και εξεκενωθησαν της πολεως και ηρξαντο πατασσειν απο του λαου τραυματιας ως απαξ και απαξ εν ταις οδοις η εστιν μια αναβαινουσα εις Βαιθηλ και μια εις Γαβαα εν αγρω ως τριακοντα ανδρας εν Ισραηλ
32 και ειπαν οι υιοι Βενιαμιν πιπτουσιν ενωπιον ημων ως το πρωτον και οι υιοι Ισραηλ ειπον φυγωμεν και εκκενωσωμεν αυτους απο της πολεως εις τας οδους και εποιησαν ουτως
33 και πας ανηρ ανεστη εκ του τοπου αυτου και συνηψαν εν Βααλθαμαρ και το ενεδρον Ισραηλ επηρχετο εκ του τοπου αυτου απο Μααραγαβε
34 και ηλθον εξ εναντιας Γαβαα δεκα χιλιαδες ανδρων εκλεκτων εκ παντος Ισραηλ και παραταξις βαρεια και αυτοι ουκ εγνωσαν οτι φθανει επ αυτους η κακια
35 και επαταξεν κυριος τον Βενιαμιν ενωπιον υιων Ισραηλ και διεφθειραν οι υιοι Ισραηλ εκ του Βενιαμιν εν τη ημερα εκεινη εικοσι και πεντε χιλιαδας και εκατον ανδρας παντες ουτοι ειλκον ρομφαιαν
36 και ειδον οι υιοι Βενιαμιν οτι επληγησαν και εδωκεν ανηρ Ισραηλ τοπον τω Βενιαμιν οτι ηλπισαν προς το ενεδρον ο εθηκαν επι την Γαβαα
37 και εν τω αυτους υποχωρησαι και το ενεδρον εκινηθη και εξετειναν επι την Γαβαα και εξεχυθη το ενεδρον και επαταξαν την πολιν εν στοματι ρομφαιας
38 και σημειον ην τοις υιοις Ισραηλ μετα του ενεδρου της μαχης ανενεγκαι αυτους συσσημον καπνου απο της πολεως
39 και ειδον οι υιοι Ισραηλ οτι προκατελαβετο το ενεδρον την Γαβαα και εστησαν εν τη παραταξει και Βενιαμιν ηρξατο πατασσειν τραυματιας εν ανδρασιν Ισραηλ ως τριακοντα ανδρας οτι ειπαν παλιν πτωσει πιπτουσιν ενωπιον ημων ως η παραταξις η πρωτη
40 και το συσσημον ανεβη επι πλειον επι της πολεως ως στυλος καπνου και επεβλεψεν Βενιαμιν οπισω αυτου και ιδου ανεβη η συντελεια της πολεως εως ουρανου
41 και ανηρ Ισραηλ επεστρεψεν και εσπευσαν ανδρες Βενιαμιν οτι ειδον οτι συνηντησεν επ αυτους η πονηρια
42 και επεβλεψαν ενωπιον υιων Ισραηλ εις οδον της ερημου και εφυγον και η παραταξις εφθασεν επ αυτους και οι απο των πολεων διεφθειρον αυτους εν μεσω αυτων
43 και κατεκοπτον τον Βενιαμιν και εδιωξαν αυτον απο Νουα κατα ποδα αυτου εως απεναντι Γαβαα προς ανατολας ηλιου
44 και επεσαν απο Βενιαμιν δεκα οκτω χιλιαδες ανδρων οι παντες ουτοι ανδρες δυναμεως
45 και επεβλεψαν οι λοιποι και εφευγον εις την ερημον προς την πετραν του Ρεμμων και εκαλαμησαντο εξ αυτων οι υιοι Ισραηλ πεντακισχιλιους ανδρας και κατεβησαν οπισω αυτων οι υιοι Ισραηλ εως Γεδαν και επαταξαν εξ αυτων δισχιλιους ανδρας
46 και εγενοντο παντες οι πιπτοντες απο Βενιαμιν εικοσι πεντε χιλιαδες ανδρων ελκοντων ρομφαιαν εν τη ημερα εκεινη οι παντες ουτοι ανδρες δυναμεως
47 και επεβλεψαν οι λοιποι και εφυγον εις την ερημον προς την πετραν του Ρεμμων εξακοσιοι ανδρες και εκαθισαν εν πετρα Ρεμμων τεσσαρας μηνας
48 και οι υιοι Ισραηλ επεστρεψαν προς υιους Βενιαμιν και επαταξαν αυτους εν στοματι ρομφαιας απο πολεως Μεθλα και εως κτηνους και εως παντος του ευρισκομενου εις πασας τας πολεις και τας πολεις τας ευρεθεισας ενεπρησαν εν πυρι
1 και οι υιοι Ισραηλ ωμοσαν εν Μασσηφα λεγοντες ανηρ εξ ημων ου δωσει θυγατερα αυτου τω Βενιαμιν εις γυναικα
2 και ηλθεν ο λαος εις Βαιθηλ και εκαθισαν εκει εως εσπερας ενωπιον του θεου και ηραν φωνην αυτων και εκλαυσαν κλαυθμον μεγαν
3 και ειπαν εις τι κυριε θεε Ισραηλ εγενηθη αυτη του επισκεπηναι σημερον απο Ισραηλ φυλην μιαν
4 και εγενετο τη επαυριον και ωρθρισεν ο λαος και ωκοδομησαν εκει θυσιαστηριον και ανηνεγκαν ολοκαυτωσεις και τελειας
5 και ειπον οι υιοι Ισραηλ τις ουκ ανεβη εν τη εκκλησια απο πασων φυλων Ισραηλ προς κυριον οτι ο ορκος μεγας ην τοις ουκ αναβεβηκοσιν προς κυριον εις Μασσηφα λεγοντες θανατω θανατωθησεται
6 και παρεκληθησαν οι υιοι Ισραηλ προς Βενιαμιν αδελφον αυτων και ειπαν εξεκοπη σημερον φυλη μια απο Ισραηλ
7 τι ποιησωμεν αυτοις τοις περισσοις τοις υπολειφθεισιν εις γυναικας και ημεις ωμοσαμεν εν κυριω του μη δουναι αυτοις απο των θυγατερων ημων εις γυναικας
8 και ειπαν τις εις απο φυλων Ισραηλ ος ουκ ανεβη προς κυριον εις Μασσηφα και ιδου ουκ ηλθεν ανηρ εις την παρεμβολην απο Ιαβις Γαλααδ εις την εκκλησιαν
9 και επεσκεπη ο λαος και ουκ ην εκει ανηρ απο οικουντων Ιαβις Γαλααδ
10 και απεστειλεν εκει η συναγωγη δωδεκα χιλιαδας ανδρων απο υιων της δυναμεως και ενετειλαντο αυτοις λεγοντες πορευεσθε και παταξατε τους οικουντας Ιαβις Γαλααδ εν στοματι ρομφαιας
11 και τουτο ποιησετε παν αρσεν και πασαν γυναικα ειδυιαν κοιτην αρσενος αναθεματιειτε τας δε παρθενους περιποιησεσθε και εποιησαν ουτως
12 και ευρον απο οικουντων Ιαβις Γαλααδ τετρακοσιας νεανιδας παρθενους αιτινες ουκ εγνωσαν ανδρα εις κοιτην αρσενος και ηνεγκαν αυτας εις την παρεμβολην εις Σηλων την εν γη Χανααν
13 και απεστειλεν πασα η συναγωγη και ελαλησαν προς τους υιους Βενιαμιν εν τη πετρα Ρεμμων και εκαλεσαν αυτους εις ειρηνην
14 και επεστρεψεν Βενιαμιν προς τους υιους Ισραηλ εν τω καιρω εκεινω και εδωκαν αυτοις οι υιοι Ισραηλ τας γυναικας ας εζωοποιησαν απο των θυγατερων Ιαβις Γαλααδ και ηρεσεν αυτοις ουτως
15 και ο λαος παρεκληθη επι τω Βενιαμιν οτι εποιησεν κυριος διακοπην εν ταις φυλαις Ισραηλ
16 και ειπον οι πρεσβυτεροι της συναγωγης τι ποιησωμεν τοις περισσοις εις γυναικας οτι ηφανισθη απο Βενιαμιν γυνη
17 και ειπαν κληρονομια διασωζομενων τω Βενιαμιν και ουκ εξαλειφθησεται φυλη απο Ισραηλ
18 οτι ημεις ου δυνησομεθα δουναι αυτοις γυναικας απο των θυγατερων ημων οτι ωμοσαμεν εν υιοις Ισραηλ λεγοντες επικαταρατος ο διδους γυναικα τω Βενιαμιν
19 και ειπαν ιδου δη εορτη κυριου εν Σηλων αφ ημερων εις ημερας η εστιν απο βορρα της Βαιθηλ κατ ανατολας ηλιου επι της οδου της αναβαινουσης απο Βαιθηλ εις Συχεμ και απο νοτου της Λεβωνα
20 και ενετειλαντο τοις υιοις Βενιαμιν λεγοντες πορευεσθε ενεδρευσατε εν τοις αμπελωσιν
21 και οψεσθε και ιδου εαν εξελθωσιν αι θυγατερες των οικουντων Σηλων χορευειν εν τοις χοροις και εξελευσεσθε εκ των αμπελωνων και αρπασατε εαυτοις ανηρ γυναικα απο των θυγατερων Σηλων και πορευεσθε εις γην Βενιαμιν
22 και εσται οταν ελθωσιν οι πατερες αυτων η οι αδελφοι αυτων κρινεσθαι προς υμας και ερουμεν αυτοις ελεος ποιησατε ημιν αυτας οτι ουκ ελαβομεν ανηρ γυναικα αυτου εν τη παραταξει οτι ουχ υμεις εδωκατε αυτοις ως καιρος πλημμελησατε
23 και εποιησαν ουτως οι υιοι Βενιαμιν και ελαβον γυναικας εις αριθμον αυτων απο των χορευουσων ων ηρπασαν και επορευθησαν και υπεστρεψαν εις την κληρονομιαν αυτων και ωκοδομησαν τας πολεις και εκαθισαν εν αυταις
24 και περιεπατησαν εκειθεν οι υιοι Ισραηλ εν τω καιρω εκεινω ανηρ εις φυλην αυτου και εις συγγενειαν αυτου και εξηλθον εκειθεν ανηρ εις κληρονομιαν αυτου
25 εν δε ταις ημεραις εκειναις ουκ ην βασιλευς εν Ισραηλ ανηρ το ευθες ενωπιον αυτου εποιει