Om oversættelsen: Septuaginta er den græske tradition — den som Helligånden foretrækker.
Teksten er i græske bogstaver med Unicode. Hvis man foretrækker danske bogstaver, anbefales parallelsiden: Første Esdras.
Om bogen: Septuaginta indholder en række bøger og tekster, som ikke er med i den jødiske masoretiske teksttradition. Disse bøger accepteres af katolikker, mens protestanter regner dem for apokryfe.
Esdras er det græske navn for profeten Ezra. Nummereringen af Esdras-bøgerne er forvirrende, og afhænger af, hvilken bibeltradition man følger: Katolske bibler regner Ezra og Nehemias som hhv. 1. og 2. Esdras, hvilket gør, at den bog, vi kigger på her, bliver til 3. Esdras. I Septuaginta hedder den Esdras A, i modsætning til Ezra og Nehemias, der tilsammen hedder Esdras B.
1 και ηγαγεν Ιωσιας το πασχα εν Ιερουσαλημ τω κυριω αυτου και εθυσεν το πασχα τη τεσσαρεσκαιδεκατη ημερα του μηνος του πρωτου
2 στησας τους ιερεις κατ εφημεριας εστολισμενους εν τω ιερω του κυριου
3 και ειπεν τοις Λευιταις ιεροδουλοις του Ισραηλ αγιασαι εαυτους τω κυριω εν τη θεσει της αγιας κιβωτου του κυριου εν τω οικω ω ωκοδομησεν Σαλωμων ο του Δαυιδ ο βασιλευς ουκ εσται υμιν αραι επ ωμων αυτην
4 και νυν λατρευετε τω κυριω θεω υμων και θεραπευετε το εθνος αυτου Ισραηλ και ετοιμασατε κατα τας πατριας και τας φυλας υμων κατα την γραφην Δαυιδ βασιλεως Ισραηλ και κατα την μεγαλειοτητα Σαλωμων του υιου αυτου
5 και σταντες εν τω ιερω κατα την μεριδαρχιαν την πατρικην υμων των Λευιτων των εμπροσθεν των αδελφων υμων υιων Ισραηλ εν ταξει
6 θυσατε το πασχα και τας θυσιας ετοιμασατε τοις αδελφοις υμων και ποιησατε το πασχα κατα το προσταγμα του κυριου το δοθεν τω Μωυση
7 και εδωρησατο Ιωσιας τω λαω τω ευρεθεντι αρνων και εριφων τριακοντα χιλιαδας μοσχους τρισχιλιους ταυτα εκ των βασιλικων εδοθη κατ επαγγελιαν τω λαω και τοις ιερευσιν και Λευιταις
8 και εδωκεν Χελκιας και Ζαχαριας και Ησυηλος οι επισταται του ιερου τοις ιερευσιν εις πασχα προβατα δισχιλια εξακοσια μοσχους τριακοσιους
9 και Ιεχονιας και Σαμαιας και Ναθαναηλ ο αδελφος και Ασαβιας και Οχιηλος και Ιωραμ χιλιαρχοι εδωκαν τοις Λευιταις εις πασχα προβατα πεντακισχιλια μοσχους επτακοσιους
10 και ταυτα τα γενομενα ευπρεπως εστησαν οι ιερεις και οι Λευιται
11 εχοντες τα αζυμα κατα τας φυλας
12 και κατα τας μεριδαρχιας των πατερων εμπροσθεν του λαου προσενεγκειν τω κυριω κατα τα γεγραμμενα εν βιβλιω Μωυση και ουτω το πρωινον
13 και ωπτησαν το πασχα πυρι ως καθηκει και τας θυσιας ηψησαν εν τοις χαλκειοις και λεβησιν μετ ευωδιας και απηνεγκαν πασι τοις εκ του λαου
14 μετα δε ταυτα ητοιμασαν εαυτοις τε και τοις ιερευσιν αδελφοις αυτων υιοις Ααρων οι γαρ ιερεις ανεφερον τα στεατα εως αωριας και οι Λευιται ητοιμασαν εαυτοις και τοις ιερευσιν αδελφοις αυτων υιοις Ααρων
15 και οι ιεροψαλται υιοι Ασαφ ησαν επι της ταξεως αυτων κατα τα υπο Δαυιδ τεταγμενα και Ασαφ και Ζαχαριας και Εδδινους οι παρα του βασιλεως και οι θυρωροι εφ εκαστου πυλωνος ουκ εστιν παραβηναι εκαστον την εαυτου εφημεριαν οι γαρ αδελφοι αυτων οι Λευιται ητοιμασαν αυτοις
16 και συνετελεσθη τα της θυσιας του κυριου εν εκεινη τη ημερα αχθηναι το πασχα και προσενεχθηναι τας θυσιας επι το του κυριου θυσιαστηριον κατα την επιταγην του βασιλεως Ιωσιου
17 και ηγαγοσαν οι υιοι Ισραηλ οι ευρεθεντες εν τω καιρω τουτω το πασχα και την εορτην των αζυμων ημερας επτα
18 και ουκ ηχθη το πασχα τοιουτο εν τω Ισραηλ απο των χρονων Σαμουηλ του προφητου
19 και παντες οι βασιλεις του Ισραηλ ουκ ηγαγοσαν πασχα τοιουτον οιον ηγαγεν Ιωσιας και οι ιερεις και οι Λευιται και οι Ιουδαιοι και πας Ισραηλ οι ευρεθεντες εν τη κατοικησει αυτων εν Ιερουσαλημ
20 οκτωκαιδεκατω ετει βασιλευοντος Ιωσιου ηχθη το πασχα τουτο
21 και ωρθωθη τα εργα Ιωσιου ενωπιον του κυριου αυτου εν καρδια πληρει ευσεβειας
22 και τα κατ αυτον δε αναγεγραπται εν τοις εμπροσθεν χρονοις περι των ημαρτηκοτων και ησεβηκοτων εις τον κυριον παρα παν εθνος και βασιλειαν και α ελυπησαν αυτον εν αισθησει και οι λογοι του κυριου ανεστησαν επι Ισραηλ
23 και μετα πασαν την πραξιν ταυτην Ιωσιου συνεβη Φαραω βασιλεα Αιγυπτου ελθοντα πολεμον εγειραι εν Χαρκαμυς επι του Ευφρατου και εξηλθεν εις απαντησιν αυτω Ιωσιας
24 και διεπεμψατο βασιλευς Αιγυπτου προς αυτον λεγων τι εμοι και σοι εστιν βασιλευ της Ιουδαιας
25 ουχι προς σε εξαπεσταλμαι υπο κυριου του θεου επι γαρ του Ευφρατου ο πολεμος μου εστιν και νυν κυριος μετ εμου εστιν και κυριος μετ εμου επισπευδων εστιν αποστηθι και μη εναντιου τω κυριω
26 και ουκ απεστρεψεν εαυτον Ιωσιας επι το αρμα αυτου αλλα πολεμειν αυτον επιχειρει ου προσεχων ρημασιν Ιερεμιου προφητου εκ στοματος κυριου
27 αλλα συνεστησατο προς αυτον πολεμον εν τω πεδιω Μαγεδδαους και κατεβησαν οι αρχοντες προς τον βασιλεα Ιωσιαν
28 και ειπεν ο βασιλευς τοις παισιν αυτου αποστησατε με απο της μαχης ησθενησα γαρ λιαν και ευθεως απεστησαν αυτον οι παιδες αυτου απο της παραταξεως
29 και ανεβη επι το αρμα το δευτεριον αυτου και αποκατασταθεις εις Ιερουσαλημ μετηλλαξεν τον βιον αυτου και εταφη εν τω πατρικω ταφω
30 και εν ολη τη Ιουδαια επενθησαν τον Ιωσιαν και εθρηνησεν Ιερεμιας ο προφητης υπερ Ιωσιου και οι προκαθημενοι συν γυναιξιν εθρηνουσαν αυτον εως της ημερας ταυτης και εξεδοθη τουτο γινεσθαι αιει εις απαν το γενος Ισραηλ
31 ταυτα δε αναγεγραπται εν τη βυβλω των ιστορουμενων περι των βασιλεων της Ιουδαιας και το καθ εν πραχθεν της πραξεως Ιωσιου και της δοξης αυτου και της συνεσεως αυτου εν τω νομω κυριου τα τε προπραχθεντα υπ αυτου και τα νυν ιστορηται εν τω βυβλιω των βασιλεων Ισραηλ και Ιουδα
32 και αναλαβοντες οι εκ του εθνους τον Ιεχονιαν υιον Ιωσιου ανεδειξαν βασιλεα αντι Ιωσιου του πατρος αυτου οντα ετων εικοσι τριων
33 και εβασιλευσεν εν Ιουδα και Ιερουσαλημ μηνας τρεις και απεκατεστησεν αυτον βασιλευς Αιγυπτου βασιλευειν εν Ιερουσαλημ
34 και εζημιωσεν το εθνος αργυριου ταλαντοις εκατον και χρυσιου ταλαντω ενι
35 και ανεδειξεν ο βασιλευς Αιγυπτου βασιλεα Ιωακιμ τον αδελφον αυτου βασιλεα της Ιουδαιας και Ιερουσαλημ
36 και εδησεν Ιωακιμ τους μεγιστανας Ζαριον δε τον αδελφον αυτου συλλαβων ανηγαγεν εξ Αιγυπτου
37 ετων δε ην εικοσι πεντε Ιωακιμ οτε εβασιλευσεν της Ιουδαιας και Ιερουσαλημ και εποιησεν το πονηρον ενωπιον κυριου
38 επ αυτον δε ανεβη Ναβουχοδονοσορ βασιλευς Βαβυλωνος και δησας αυτον εν χαλκειω δεσμω απηγαγεν εις Βαβυλωνα
39 και απο των ιερων σκευων του κυριου λαβων Ναβουχοδονοσορ και απενεγκας απηρεισατο εν τω ναω αυτου εν Βαβυλωνι
40 τα δε ιστορηθεντα περι αυτου και της αυτου ακαθαρσιας και δυσσεβειας αναγεγραπται εν τη βιβλω των χρονων των βασιλεων
41 και εβασιλευσεν αντ αυτου Ιωακιμ ο υιος αυτου οτε γαρ ανεδειχθη ην ετων δεκα οκτω
42 βασιλευει δε μηνας τρεις και ημερας δεκα εν Ιερουσαλημ και εποιησεν το πονηρον εναντι κυριου
43 και μετ ενιαυτον αποστειλας Ναβουχοδονοσορ μετηγαγεν αυτον εις Βαβυλωνα αμα τοις ιεροις σκευεσιν του κυριου
44 και ανεδειξε Σεδεκιαν βασιλεα της Ιουδαιας και Ιερουσαλημ Σεδεκιαν οντα ετων εικοσι ενος βασιλευει δε ετη ενδεκα
45 και εποιησεν το πονηρον ενωπιον κυριου και ουκ ενετραπη απο των ρηθεντων λογων υπο Ιερεμιου του προφητου εκ στοματος του κυριου
46 και ορκισθεις απο του βασιλεως Ναβουχοδονοσορ τω ονοματι του κυριου επιορκησας απεστη και σκληρυνας αυτου τον τραχηλον και την καρδιαν αυτου παρεβη τα νομιμα κυριου θεου Ισραηλ
47 και οι ηγουμενοι δε του λαου και των ιερεων πολλα ησεβησαν και ηνομησαν υπερ πασας τας ακαθαρσιας παντων των εθνων και εμιαναν το ιερον του κυριου το αγιαζομενον εν Ιεροσολυμοις
48 και απεστειλεν ο θεος των πατερων αυτων δια του αγγελου αυτου μετακαλεσαι αυτους καθο εφειδετο αυτων και του σκηνωματος αυτου
49 αυτοι δε εξεμυκτηρισαν εν τοις αγγελοις αυτου και η ημερα ελαλησεν κυριος ησαν εκπαιζοντες τους προφητας αυτου εως του θυμωθεντα αυτον επι τω εθνει αυτου δια τα δυσσεβηματα προσταξαι αναβιβασαι επ αυτους τους βασιλεις των Χαλδαιων
50 ουτοι απεκτειναν τους νεανισκους αυτων εν ρομφαια περικυκλω του αγιου αυτων ιερου και ουκ εφεισαντο νεανισκου και παρθενου και πρεσβυτου και νεωτερου αλλα παντας παρεδωκεν εις τας χειρας αυτων
51 και παντα τα ιερα σκευη του κυριου τα μεγαλα και τα μικρα και τας κιβωτους του κυριου και τας βασιλικας αποθηκας αναλαβοντες απηνεγκαν εις Βαβυλωνα
52 και ενεπυρισαν τον οικον του κυριου και ελυσαν τα τειχα Ιεροσολυμων και τους πυργους αυτων ενεπυρισαν εν πυρι
53 και συνετελεσαν παντα τα ενδοξα αυτης αχρεωσαι και τους επιλοιπους απηγαγεν μετα ρομφαιας εις Βαβυλωνα
54 και ησαν παιδες αυτω και τοις υιοις αυτου μεχρι του βασιλευσαι Περσας εις αναπληρωσιν του ρηματος του κυριου εν στοματι Ιερεμιου
55 εως του ευδοκησαι την γην τα σαββατα αυτης παντα τον χρονον της ερημωσεως αυτης σαββατιει εις συμπληρωσιν ετων εβδομηκοντα
1 βασιλευοντος Κυρου Περσων ετους πρωτου εις συντελειαν ρηματος κυριου εν στοματι Ιερεμιου ηγειρεν κυριος το πνευμα Κυρου βασιλεως Περσων και εκηρυξεν εν ολη τη βασιλεια αυτου και αμα δια γραπτων λεγων
2 ταδε λεγει ο βασιλευς Περσων Κυρος εμε ανεδειξεν βασιλεα της οικουμενης ο κυριος του Ισραηλ κυριος ο υψιστος και εσημηνεν μοι οικοδομησαι αυτω οικον εν Ιερουσαλημ τη εν τη Ιουδαια
3 ει τις εστιν ουν υμων εκ του εθνους αυτου εστω ο κυριος αυτου μετ αυτου και αναβας εις την Ιερουσαλημ την εν τη Ιουδαια οικοδομειτω τον οικον του κυριου του Ισραηλ ουτος ο κυριος ο κατασκηνωσας εν Ιερουσαλημ
4 οσοι ουν κατα τοπους οικουσιν βοηθειτωσαν αυτω οι εν τω τοπω αυτου εν χρυσιω και εν αργυριω εν δοσεσιν μεθ ιππων και κτηνων συν τοις αλλοις τοις κατ ευχας προστεθειμενοις εις το ιερον του κυριου το εν Ιερουσαλημ
5 και κατασταντες οι αρχιφυλοι των πατριων της Ιουδα και Βενιαμιν φυλης και οι ιερεις και οι Λευιται και παντων ων ηγειρεν κυριος το πνευμα αναβηναι οικοδομησαι οικον τω κυριω τον εν Ιερουσαλημ
6 και οι περικυκλω αυτων εβοηθησαν εν πασιν αργυριω και χρυσιω ιπποις και κτηνεσιν και ευχαις ως πλεισταις πολλων ων ο νους ηγερθη
7 και ο βασιλευς Κυρος εξηνεγκεν τα ιερα σκευη του κυριου α μετηγαγεν Ναβουχοδονοσορ εξ Ιερουσαλημ και απηρεισατο αυτα εν τω εαυτου ειδωλιω
8 εξενεγκας δε αυτα Κυρος ο βασιλευς Περσων παρεδωκεν αυτα Μιθριδατη τω εαυτου γαζοφυλακι δια δε τουτου παρεδοθησαν Σαναβασσαρω προστατη της Ιουδαιας
9 ο δε τουτων αριθμος ην σπονδεια χρυσα χιλια σπονδεια αργυρα χιλια θυισκαι αργυραι εικοσι εννεα
10 φιαλαι χρυσαι τριακοντα αργυραι δισχιλιαι τετρακοσιαι δεκα και αλλα σκευη χιλια
11 τα δε παντα σκευη διεκομισθη χρυσα και αργυρα πεντακισχιλια τετρακοσια εξηκοντα εννεα ανηνεχθη δε υπο Σαναβασσαρου αμα τοις εκ της αιχμαλωσιας εκ Βαβυλωνος εις Ιεροσολυμα
12 εν δε τοις επι Αρταξερξου του Περσων βασιλεως χρονοις κατεγραψεν αυτω κατα των κατοικουντων εν τη Ιουδαια και Ιερουσαλημ Βεσλεμος και Μιθραδατης και Ταβελλιος και Ραουμος και Βεελτεεμος και Σαμσαιος ο γραμματευς και οι λοιποι οι τουτοις συντασσομενοι οικουντες δε εν Σαμαρεια και τοις αλλοις τοποις την υπογεγραμμενην επιστολην
13 βασιλει Αρταξερξη κυριω οι παιδες σου Ραουμος ο τα προσπιπτοντα και Σαμσαιος ο γραμματευς και οι επιλοιποι της βουλης αυτων κριται οι εν Κοιλη Συρια και Φοινικη
14 και νυν γνωστον εστω τω κυριω βασιλει διοτι οι Ιουδαιοι αναβαντες παρ υμων προς ημας ελθοντες εις Ιερουσαλημ την πολιν την αποστατιν και πονηραν οικοδομουσιν τας τε αγορας αυτης και τα τειχη θεραπευουσιν και ναον υποβαλλονται
15 εαν ουν η πολις αυτη οικοδομηθη και τα τειχη συντελεσθη φορολογιαν ου μη υπομεινωσιν δουναι αλλα και βασιλευσιν αντιστησονται
16 και επει ενεργειται τα κατα τον ναον καλως εχειν υπολαμβανομεν μη υπεριδειν το τοιουτο αλλα προσφωνησαι τω κυριω βασιλει οπως αν φαινηται σοι επισκεφθη εν τοις απο των πατερων σου βιβλιοις
17 και ευρησεις εν τοις υπομνηματισμοις τα γεγραμμενα περι τουτων και γνωση οτι η πολις ην εκεινη αποστατις και βασιλεις και πολεις ενοχλουσα και οι Ιουδαιοι αποσταται και πολιορκιας συνισταμενοι εν αυτη ετι εξ αιωνος δι ην αιτιαν και η πολις αυτη ηρημωθη
18 νυν ουν υποδεικνυμεν σοι κυριε βασιλευ διοτι εαν η πολις αυτη οικοδομηθη και τα ταυτης τειχη ανασταθη καθοδος σοι ουκετι εσται εις Κοιλην Συριαν και Φοινικην
19 τοτε αντεγραψεν ο βασιλευς Ραουμω τω γραφοντι τα προσπιπτοντα και Βεελτεεμω και Σαμσαιω γραμματει και τοις λοιποις τοις συντασσομενοις και οκουσιν εν τη Σαμαρεια και Συρια και Φοινικη τα υπογεγραμμενα
20 ανεγνων την επιστολην ην πεπομφατε προς με
21 επεταξα ουν επισκεψασθαι και ευρεθη οτι εστιν η πολις εκεινη εξ αιωνος βασιλευσιν αντιπαρατασσουσα και οι ανθρωποι αποστασεις και πολεμους εν αυτη συντελουντες
22 και βασιλεις ισχυροι και σκληροι ησαν εν Ιερουσαλημ κυριευοντες και φορολογουντες Κοιλην Συριαν και Φοινικην
23 νυν ουν επεταξα αποκωλυσαι τους ανθρωπους εκεινους του οικοδομησαι την πολιν
24 και προνοηθηναι οπως μηθεν παρα ταυτα γενηται και μη προβη επι πλειον τα της κακιας εις το βασιλεις ενοχλησαι
25 τοτε αναγνωσθεντων των παρα του βασιλεως Αρταξερξου γραφεντων ο Ραουμος και Σαμσαιος ο γραμματευς και οι τουτοις συντασσομενοι αναζευξαντες κατα σπουδην εις Ιερουσαλημ μεθ ιππου και οχλου παραταξεως ηρξαντο κωλυειν τους οικοδομουντας
26 και ηργει η οικοδομη του ιερου του εν Ιερουσαλημ μεχρι του δευτερου ετους της βασιλειας Δαρειου του Περσων βασιλεως
1 και βασιλευς Δαρειος εποιησεν δοχην μεγαλην πασιν τοις υπ αυτον και πασιν τοις οικογενεσιν αυτου και πασιν τοις μεγιστασιν της Μηδιας και της Περσιδος
2 και πασιν τοις σατραπαις και στρατηγοις και τοπαρχαις τοις υπ αυτον απο της Ινδικης μεχρι της Αιθιοπιας εν ταις εκατον εικοσι επτα σατραπειαις
3 και εφαγοσαν και επιοσαν και εμπλησθεντες ανελυσαν ο δε Δαρειος ο βασιλευς ανελυσεν εις τον κοιτωνα και εκοιμηθη και εξυπνος εγενετο
4 τοτε οι τρεις νεανισκοι οι σωματοφυλακες οι φυλασσοντες το σωμα του βασιλεως ειπαν ετερος προς τον ετερον
5 ειπωμεν εκαστος ημων ενα λογον ος υπερισχυσει και ου αν φανη το ρημα αυτου σοφωτερον του ετερου δωσει αυτω Δαρειος ο βασιλευς δωρεας μεγαλας και επινικια μεγαλα
6 και πορφυραν περιβαλεσθαι και εν χρυσωμασιν πινειν και επι χρυσω καθευδειν και αρμα χρυσοχαλινον και κιδαριν βυσσινην και μανιακην περι τον τραχηλον
7 και δευτερος καθιειται Δαρειου δια την σοφιαν αυτου και συγγενης Δαρειου κληθησεται
8 και τοτε γραψαντες εκαστος τον εαυτου λογον εσφραγισαντο και εθηκαν υπο το προσκεφαλαιον Δαρειου του βασιλεως και ειπαν
9 οταν εγερθη ο βασιλευς δωσουσιν αυτω το γραμμα και ον αν κρινη ο βασιλευς και οι τρεις μεγιστανες της Περσιδος οτι ο λογος αυτου σοφωτερος αυτω δοθησεται το νικος καθως γεγραπται
10 ο εις εγραψεν υπερισχυει ο οινος
11 ο ετερος εγραψεν υπερισχυει ο βασιλευς
12 ο τριτος εγραψεν υπερισχυουσιν αι γυναικες υπερ δε παντα νικα η αληθεια
13 και οτε εξηγερθη ο βασιλευς λαβοντες το γραμμα εδωκαν αυτω και ανεγνω
14 και εξαποστειλας εκαλεσεν παντας τους μεγιστανας της Περσιδος και της Μηδιας και σατραπας και στρατηγους και τοπαρχας και υπατους και εκαθισεν εν τω χρηματιστηριω και ανεγνωσθη το γραμμα ενωπιον αυτων
15 και ειπεν καλεσατε τους νεανισκους και αυτοι δηλωσουσιν τους λογους αυτων και εκληθησαν και εισηλθοσαν
16 και ειπαν αυτοις απαγγειλατε ημιν περι των γεγραμμενων
17 και ηρξατο ο πρωτος ο ειπας περι της ισχυος του οινου και εφη ουτως
18 ανδρες πως υπερισχυει ο οινος παντας τους ανθρωπους τους πινοντας αυτον πλανα την διανοιαν
19 του τε βασιλεως και του ορφανου ποιει την διανοιαν μιαν την τε του οικετου και την του ελευθερου την τε του πενητος και την του πλουσιου
20 και πασαν διανοιαν μεταστρεφει εις ευωχιαν και ευφροσυνην και ου μεμνηται πασαν λυπην και παν οφειλημα
21 και πασας καρδιας ποιει πλουσιας και ου μεμνηται βασιλεα ουδε σατραπην και παντα δια ταλαντων ποιει λαλειν
22 και ου μεμνηται οταν πινωσιν φιλιαζειν φιλοις και αδελφοις και μετ ου πολυ σπωνται μαχαιρας
23 και οταν απο του οινου γενηθωσιν ου μεμνηται α επραξαν
24 ω ανδρες ουχ υπερισχυει ο οινος οτι ουτως αναγκαζει ποιειν και εσιγησεν ουτως ειπας
1 και ηρξατο ο δευτερος λαλειν ο ειπας περι της ισχυος του βασιλεως
2 ω ανδρες ουχ υπερισχυουσιν οι ανθρωποι την γην και την θαλασσαν κατακρατουντες και παντα τα εν αυτοις
3 ο δε βασιλευς υπερισχυει και κυριευει αυτων και δεσποζει αυτων και παν ο εαν ειπη αυτοις ενακουουσιν
4 εαν ειπη αυτοις ποιησαι πολεμον ετερος προς τον ετερον ποιουσιν εαν δε εξαποστειλη αυτους προς τους πολεμιους βαδιζουσιν και κατεργαζονται τα ορη και τα τειχη και τους πυργους
5 φονευουσιν και φονευονται και τον λογον του βασιλεως ου παραβαινουσιν εαν δε νικησωσιν τω βασιλει κομιζουσιν παντα και οσα εαν προνομευσωσιν και τα αλλα παντα
6 και οσοι ου στρατευονται ουδε πολεμουσιν αλλα γεωργουσιν την γην παλιν οταν σπειρωσι θερισαντες αναφερουσιν τω βασιλει και ετερος τον ετερον αναγκαζοντες αναφερουσι τους φορους τω βασιλει
7 και αυτος εις μονος εστιν εαν ειπη αποκτειναι αποκτεννουσιν ειπεν αφειναι αφιουσιν
8 ειπε παταξαι τυπτουσιν ειπεν ερημωσαι ερημουσιν ειπεν οικοδομησαι οικοδομουσιν
9 ειπεν εκκοψαι εκκοπτουσιν ειπεν φυτευσαι φυτευουσιν
10 και πας ο λαος αυτου και αι δυναμεις αυτου ενακουουσιν
11 προς δε τουτοις αυτος ανακειται εσθιει και πινει και καθευδει αυτοι δε τηρουσιν κυκλω περι αυτον και ου δυνανται εκαστος απελθειν και ποιειν τα εργα αυτου ουδε παρακουουσιν αυτου
12 ω ανδρες πως ουχ υπερισχυει ο βασιλευς οτι ουτως επακουστος εστιν και εσιγησεν
13 ο δε τριτος ο ειπας περι των γυναικων και της αληθειας ουτος εστιν Ζοροβαβελ ηρξατο λαλειν
14 ανδρες ου μεγας ο βασιλευς και πολλοι οι ανθρωποι και ο οινος ισχυει τις ουν ο δεσποζων αυτων η τις ο κυριευων αυτων ουχ αι γυναικες
15 αι γυναικες εγεννησαν τον βασιλεα και παντα τον λαον ος κυριευει της θαλασσης και της γης
16 και εξ αυτων εγενοντο και αυται εξεθρεψαν αυτους τους φυτευοντας τους αμπελωνας εξ ων ο οινος γινεται
17 και αυται ποιουσιν τας στολας των ανθρωπων και αυται ποιουσιν δοξαν τοις ανθρωποις και ου δυνανται οι ανθρωποι ειναι χωρις των γυναικων
18 εαν δε συναγαγωσιν χρυσιον και αργυριον και παν πραγμα ωραιον και ιδωσιν γυναικα μιαν καλην τω ειδει και τω καλλει
19 και ταυτα παντα αφεντες εις αυτην εγκεχηναν και χασκοντες το στομα θεωρουσιν αυτην και παντες αυτην αιρετιζουσιν μαλλον η το χρυσιον και το αργυριον και παν πραγμα ωραιον
20 ανθρωπος τον εαυτου πατερα εγκαταλειπει ος εξεθρεψεν αυτον και την ιδιαν χωραν και προς την ιδιαν γυναικα κολλαται
21 και μετα της γυναικος αφιησι την ψυχην και ουτε τον πατερα μεμνηται ουτε την μητερα ουτε την χωραν
22 και εντευθεν δει υμας γνωναι οτι αι γυναικες κυριευουσιν υμων ουχι πονειτε και μοχθειτε και παντα ταις γυναιξιν διδοτε και φερετε
23 και λαμβανει ανθρωπος την ρομφαιαν αυτου και εκπορευεται εξοδευειν και ληστευειν και κλεπτειν και εις την θαλασσαν πλειν και ποταμους
24 και τον λεοντα θεωρει και εν σκοτει βαδιζει και οταν κλεψη και αρπαση και λωποδυτηση τη ερωμενη αποφερει
25 και πλειον αγαπα ανθρωπος την ιδιαν γυναικα μαλλον η τον πατερα και την μητερα
26 και πολλοι απενοηθησαν ταις ιδιαις διανοιαις δια τας γυναικας και δουλοι εγενοντο δι αυτας
27 και πολλοι απωλοντο και εσφαλησαν και ημαρτοσαν δια τας γυναικας
28 και νυν ου πιστευετε μοι ουχι μεγας ο βασιλευς τη εξουσια αυτου ουχι πασαι αι χωραι ευλαβουνται αψασθαι αυτου
29 εθεωρουν αυτον και Απαμην την θυγατερα Βαρτακου του θαυμαστου την παλλακην του βασιλεως καθημενην εν δεξια του βασιλεως
30 και αφαιρουσαν το διαδημα απο της κεφαλης του βασιλεως και επιτιθουσαν εαυτη και ερραπιζεν τον βασιλεα τη αριστερα
31 και προς τουτοις ο βασιλευς χασκων το στομα εθεωρει αυτην και εαν προσγελαση αυτω γελα εαν δε πικρανθη επ αυτον κολακευει αυτην οπως διαλλαγη αυτω
32 ω ανδρες πως ουχι ισχυραι αι γυναικες οτι ουτως πρασσουσιν
33 και τοτε ο βασιλευς και οι μεγιστανες ενεβλεπον ετερος προς τον ετερον
34 και ηρξατο λαλειν περι της αληθειας ανδρες ουχι ισχυραι αι γυναικες μεγαλη η γη και υψηλος ο ουρανος και ταχυς τω δρομω ο ηλιος οτι στρεφεται εν τω κυκλω του ουρανου και παλιν αποτρεχει εις τον εαυτου τοπον εν μια ημερα
35 ουχι μεγας ος ταυτα ποιει και η αληθεια μεγαλη και ισχυροτερα παρα παντα
36 πασα η γη την αληθειαν καλει και ο ουρανος αυτην ευλογει και παντα τα εργα σειεται και τρεμει και ουκ εστιν μετ αυτου αδικον ουθεν
37 αδικος ο οινος αδικος ο βασιλευς αδικοι αι γυναικες αδικοι παντες οι υιοι των ανθρωπων και αδικα παντα τα εργα αυτων παντα τα τοιαυτα και ουκ εστιν εν αυτοις αληθεια και εν τη αδικια αυτων απολουνται
38 η δε αληθεια μενει και ισχυει εις τον αιωνα και ζη και κρατει εις τον αιωνα του αιωνος
39 και ουκ εστιν παρ αυτη λαμβανειν προσωπα ουδε διαφορα αλλα τα δικαια ποιει απο παντων των αδικων και πονηρων και παντες ευδοκουσι τοις εργοις αυτης και ουκ εστιν εν τη κρισει αυτης ουθεν αδικον
40 και αυτη η ισχυς και το βασιλειον και η εξουσια και η μεγαλειοτης των παντων αιωνων ευλογητος ο θεος της αληθειας
41 και εσιωπησεν του λαλειν και πας ο λαος τοτε εφωνησεν και τοτε ειπον μεγαλη η αληθεια και υπερισχυει
42 τοτε ο βασιλευς ειπεν αυτω αιτησαι ο θελεις πλειω των γεγραμμενων και δωσομεν σοι ον τροπον ευρεθης σοφωτερος και εχομενος μου καθηση και συγγενης μου κληθηση
43 τοτε ειπεν τω βασιλει μνησθητι την ευχην ην ηυξω οικοδομησαι την Ιερουσαλημ εν τη ημερα η το βασιλειον σου παρελαβες
44 και παντα τα σκευη τα λημφθεντα εξ Ιερουσαλημ εκπεμψαι α εξεχωρισεν Κυρος οτε ηυξατο εκκοψαι Βαβυλωνα και ηυξατο εξαποστειλαι εκει
45 και συ ευξω οικοδομησαι τον ναον ον ενεπυρισαν οι Ιδουμαιοι οτε ηρημωθη η Ιουδαια υπο των Χαλδαιων
46 και νυν τουτο εστιν ο σε αξιω κυριε βασιλευ και ο αιτουμαι σε και αυτη εστιν η μεγαλωσυνη η παρα σου δεομαι ουν ινα ποιησης την ευχην ην ηυξω τω βασιλει του ουρανου ποιησαι εκ στοματος σου
47 τοτε αναστας Δαρειος ο βασιλευς κατεφιλησεν αυτον και εγραψεν αυτω τας επιστολας προς παντας τους οικονομους και τοπαρχας και στρατηγους και σατραπας ινα προπεμψωσιν αυτον και τους μετ αυτου παντας αναβαινοντας οικοδομησαι την Ιερουσαλημ
48 και πασι τοις τοπαρχαις εν Κοιλη Συρια και Φοινικη και τοις εν τω Λιβανω εγραψεν επιστολας μεταφερειν ξυλα κεδρινα απο του Λιβανου εις Ιερουσαλημ και οπως οικοδομησωσιν μετ αυτου την πολιν
49 και εγραψεν πασι τοις Ιουδαιοις τοις αναβαινουσιν απο της βασιλειας εις την Ιουδαιαν υπερ της ελευθεριας παντα δυνατον και σατραπην και τοπαρχην και οικονομον μη επελευσεσθαι επι τας θυρας αυτων
50 και πασαν την χωραν ην κρατησουσιν αφορολογητον αυτοις υπαρχειν και ινα οι Ιδουμαιοι αφιωσι τας κωμας ας διακρατουσιν των Ιουδαιων
51 και εις την οικοδομην του ιερου δοθηναι κατ ενιαυτον ταλαντα εικοσι μεχρι του οικοδομηθηναι
52 και επι το θυσιαστηριον ολοκαυτωματα καρπουσθαι καθ ημεραν καθα εχουσιν εντολην επτακαιδεκα προσφερειν αλλα ταλαντα δεκα κατ ενιαυτον
53 και πασιν τοις προσβαινουσιν απο της Βαβυλωνιας κτισαι την πολιν υπαρχειν την ελευθεριαν αυτοις τε και τοις τεκνοις αυτων και πασι τοις ιερευσι τοις προσβαινουσιν
54 εγραψεν δε και την χορηγιαν και την ιερατικην στολην εν τινι λατρευουσιν εν αυτη
55 και τοις Λευιταις εγραψεν δουναι την χορηγιαν εως ης ημερας επιτελεσθη ο οικος και Ιερουσαλημ οικοδομηθηναι
56 και πασι τοις φρουρουσι την πολιν εγραψε δουναι αυτοις κληρους και οψωνια
57 και εξαπεστειλεν παντα τα σκευη α εξεχωρισεν Κυρος απο Βαβυλωνος και παντα οσα ειπεν Κυρος ποιησαι και αυτος επεταξεν ποιησαι και εξαποστειλαι εις Ιερουσαλημ
58 και οτε εξηλθεν ο νεανισκος αρας το προσωπον εις τον ουρανον εναντιον Ιερουσαλημ ευλογησεν τω βασιλει του ουρανου λεγων
59 παρα σου η νικη και παρα σου η σοφια και ση η δοξα και εγω σος οικετης
60 ευλογητος ει ος εδωκας μοι σοφιαν και σοι ομολογω δεσποτα των πατερων
61 και ελαβεν τας επιστολας και εξηλθεν εις Βαβυλωνα και απηγγειλεν τοις αδελφοις αυτου πασιν
62 και ευλογησαν τον θεον των πατερων αυτων οτι εδωκεν αυτοις ανεσιν και αφεσιν
63 αναβηναι και οικοδομησαι Ιερουσαλημ και το ιερον ου ωνομασθη το ονομα αυτου επ αυτω και εκωθωνιζοντο μετα μουσικων και χαρας ημερας επτα
1 μετα δε ταυτα εξελεγησαν αναβηναι αρχηγοι οικου πατριων κατα φυλας αυτων και αι γυναικες αυτων και οι υιοι και αι θυγατερες και οι παιδες αυτων και αι παιδισκαι και τα κτηνη αυτων
2 και Δαρειος συναπεστειλεν μετ αυτων ιππεις χιλιους εως του αποκαταστησαι αυτους εις Ιερουσαλημ μετ ειρηνης και μετα μουσικων τυμπανων και αυλων
3 και παντες οι αδελφοι αυτων παιζοντες και εποιησεν αυτους συναναβηναι μετ εκεινων
4 και ταυτα τα ονοματα των ανδρων των αναβαινοντων κατα πατριας αυτων εις τας φυλας επι την μεριδαρχιαν αυτων
5 οι ιερεις υιοι Φινεες υιου Ααρων Ιησους ο του Ιωσεδεκ του Σαραιου και Ιωακιμ ο του Ζοροβαβελ του Σαλαθιηλ εκ του οικου του Δαυιδ εκ της γενεας Φαρες φυλης δε Ιουδα
6 ος ελαλησεν επι Δαρειου του βασιλεως Περσων λογους σοφους εν τω δευτερω ετει της βασιλειας αυτου μηνι Νισαν του πρωτου μηνος
7 εισιν δε ουτοι εκ της Ιουδαιας οι αναβαντες εκ της αιχμαλωσιας της παροικιας ους μετωκισεν Ναβουχοδονοσορ βασιλευς Βαβυλωνος εις Βαβυλωνα
8 και επεστρεψαν εις Ιερουσαλημ και την λοιπην Ιουδαιαν εκαστος εις την ιδιαν πολιν οι ελθοντες μετα Ζοροβαβελ και Ιησου Νεεμιου Ζαραιου Ρησαιου Ενηνιος Μαρδοχαιου Βεελσαρου Ασφαρασου Βορολιου Ροιμου Βαανα των προηγουμενων αυτων
9 αριθμος των απο του εθνους και οι προηγουμενοι αυτων υιοι Φορος δυο χιλιαδες και εκατον εβδομηκοντα δυο
10 υιοι Σαφατ τετρακοσιοι εβδομηκοντα δυο υιοι Αρεε επτακοσιοι πεντηκοντα εξ
11 υιοι Φααθμωαβ εις τους υιους Ιησου και Ιωαβ δισχιλιοι οκτακοσιοι δεκα δυο
12 υιοι Ωλαμου χιλιοι διακοσιοι πεντηκοντα τεσσαρες υιοι Ζατου εννακοσιοι τεσσαρακοντα πεντε υιοι Χορβε επτακοσιοι πεντε υιοι Βανι εξακοσιοι τεσσαρακοντα οκτω
13 υιοι Βηβαι εξακοσιοι εικοσι τρεις υιοι Ασγαδ χιλιοι τριακοσιοι εικοσι δυο
14 υιοι Αδωνικαμ εξακοσιοι εξηκοντα επτα υιοι Βαγοι δισχιλιοι εξηκοντα εξ υιοι Αδινου τετρακοσιοι πεντηκοντα τεσσαρες
15 υιοι Ατηρ Εζεκιου ενενηκοντα δυο υιοι Κιλαν και Αζητας εξηκοντα επτα υιοι Αζουρου τετρακοσιοι τριακοντα δυο
16 υιοι Αννιας εκατον εις υιοι Αρομ υιοι Βασσαι τριακοσιοι εικοσι τρεις υιοι Αριφου εκατον δεκα δυο
17 υιοι Βαιτηρους τρισχιλιοι πεντε υιοι εκ Βαιθλωμων εκατον εικοσι τρεις
18 οι εκ Νετεβας πεντηκοντα πεντε οι εξ Ενατου εκατον πεντηκοντα οκτω οι εκ Βαιτασμων τεσσαρακοντα δυο
19 οι εκ Καριαθιαριος εικοσι πεντε οι εκ Καπιρας και Βηροτ επτακοσιοι τεσσαρακοντα τρεις
20 οι Χαδιασαι και Αμμιδιοι τετρακοσιοι εικοσι δυο οι εκ Κιραμας και Γαββης εξακοσιοι εικοσι εις
21 οι εκ Μακαλων εκατον εικοσι δυο οι εκ Βαιτολιω πεντηκοντα δυο υιοι Νιφις εκατον πεντηκοντα εξ
22 υιοι Καλαμω αλλου και Ωνους επτακοσιοι εικοσι πεντε υιοι Ιερεχου τριακοσιοι τεσσαρακοντα πεντε
23 υιοι Σαναας τρισχιλιοι τριακοσιοι τριακοντα
24 οι ιερεις υιοι Ιεδδου του υιου Ιησου εις τους υιους Ανασιβ εννακοσιοι εβδομηκοντα δυο υιοι Εμμηρου χιλιοι πεντηκοντα δυο
25 υιοι Φασσουρου χιλιοι διακοσιοι τεσσαρακοντα επτα υιοι Χαρμη χιλιοι δεκα επτα
26 οι δε Λευιται υιοι Ιησου και Καδμιηλου και Βαννου και Σουδιου εβδομηκοντα τεσσαρες
27 οι ιεροψαλται υιοι Ασαφ εκατον εικοσι οκτω
28 οι θυρωροι υιοι Σαλουμ υιοι Αταρ υιοι Τολμαν υιοι Ακουβ υιοι Ατητα υιοι Σωβαι οι παντες εκατον τριακοντα εννεα
29 οι ιεροδουλοι υιοι Ησαυ υιοι Ασιφα υιοι Ταβαωθ υιοι Κηρας υιοι Σουα υιοι Φαδαιου υιοι Λαβανα υιοι Αγγαβα
30 υιοι Ακουδ υιοι Ουτα υιοι Κηταβ υιοι Αγαβα υιοι Συβαι υιοι Αναν υιοι Καθουα υιοι Γεδδουρ
31 υιοι Ιαιρου υιοι Δαισαν υιοι Νοεβα υιοι Χασεβα υιοι Γαζηρα υιοι Οζιου υιοι Φινοε υιοι Ασαρα υιοι Βασθαι υιοι Ασανα υιοι Μαανι υιοι Ναφισι υιοι Ακουφ υιοι Αχιβα υιοι Ασουρ υιοι Φαρακιμ υιοι Βασαλωθ
32 υιοι Μεεδδα υιοι Κουθα υιοι Χαρεα υιοι Βαρχους υιοι Σεραρ υιοι Θομοι υιοι Νασι υιοι Ατιφα
33 υιοι παιδων Σαλωμων υιοι Ασσαφιωθ υιοι Φαριδα υιοι Ιεηλι υιοι Λοζων υιοι Ισδαηλ υιοι Σαφυθι
34 υιοι Αγια υιοι Φακαρεθσαβιη υιοι Σαρωθιε υιοι Μασιας υιοι Γας υιοι Αδδους υιοι Σουβας υιοι Αφερρα υιοι Βαρωδις υιοι Σαφατ υιοι Αμων
35 παντες οι ιεροδουλοι και οι υιοι των παιδων Σαλωμων τριακοσιοι εβδομηκοντα δυο
36 ουτοι αναβαντες απο Θερμελεθ και Θελερσας ηγουμενος αυτων Χαρααθ Αδαν και Αμαρ
37 και ουκ ηδυναντο απαγγειλαι τας πατριας αυτων και γενεας ως εκ του Ισραηλ εισιν υιοι Δαλαν του υιου Τουβαν υιοι Νεκωδαν εξακοσιοι πεντηκοντα δυο
38 και εκ των ιερεων οι εμποιουμενοι ιερωσυνης και ουχ ευρεθησαν υιοι Οββια υιοι Ακκως υιοι Ιοδδους του λαβοντος Αυγιαν γυναικα των θυγατερων Φαρζελλαιου και εκληθη επι τω ονοματι αυτου
39 και τουτων ζητηθεισης της γενικης γραφης εν τω καταλοχισμω και μη ευρεθεισης εχωρισθησαν του ιερατευειν
40 και ειπεν αυτοις Νεεμιας και Ατθαριας μη μετεχειν των αγιων αυτους εως αναστη αρχιερευς ενδεδυμενος την δηλωσιν και την αληθειαν
41 οι δε παντες ησαν Ισραηλ απο δωδεκαετους χωρις παιδων και παιδισκων μυριαδες τεσσαρες δισχιλιοι τριακοσιοι εξηκοντα παιδες τουτων και παιδισκαι επτακισχιλιοι τριακοσιοι τριακοντα επτα ψαλται και ψαλτωδοι διακοσιοι τεσσαρακοντα πεντε
42 καμηλοι τετρακοσιοι τριακοντα πεντε και ιπποι επτακισχιλιοι τριακοντα εξ ημιονοι διακοσιοι τεσσαρακοντα πεντε υποζυγια πεντακισχιλια πεντακοσια εικοσι πεντε
43 και εκ των ηγουμενων κατα τας πατριας εν τω παραγινεσθαι αυτους εις το ιερον του θεου το εν Ιερουσαλημ ευξαντο εγειραι τον οικον επι του τοπου αυτου κατα την αυτων δυναμιν
44 και δουναι εις το ιερον γαζοφυλακιον των εργων χρυσιου μνας χιλιας και αργυριου μνας πεντακισχιλιας και στολας ιερατικας εκατον
45 και κατωκισθησαν οι ιερεις και οι Λευιται και οι εκ του λαου εν Ιερουσαλημ και τη χωρα οι τε ιεροψαλται και οι θυρωροι και πας Ισραηλ εν ταις κωμαις αυτων
46 ενσταντος δε του εβδομου μηνος και οντων των υιων Ισραηλ εκαστου εν τοις ιδιοις συνηχθησαν ομοθυμαδον εις το ευρυχωρον του πρωτου πυλωνος του προς τη ανατολη
47 και καταστας Ιησους ο του Ιωσεδεκ και οι αδελφοι αυτου οι ιερεις και Ζοροβαβελ ο του Σαλαθιηλ και οι τουτου αδελφοι ητοιμασαν το θυσιαστηριον του θεου του Ισραηλ
48 προσενεγκαι επ αυτου ολοκαυτωσεις ακολουθως τοις εν τη Μωυσεως βιβλω του ανθρωπου του θεου διηγορευμενοις
49 και επισυνηχθησαν αυτοις εκ των αλλων εθνων της γης και κατωρθωσαν το θυσιαστηριον επι του τοπου αυτου οτι εν εχθρα ησαν αυτοις και κατισχυσαν αυτους παντα τα εθνη τα επι της γης και ανεφερον θυσιας κατα τον καιρον και ολοκαυτωματα τω κυριω το πρωινον και το δειλινον
50 και ηγαγοσαν την της σκηνοπηγιας εορτην ως επιτετακται εν τω νομω και θυσιας καθ ημεραν ως προσηκον ην
51 και μετα ταυτα προσφορας ενδελεχισμου και θυσιας σαββατων και νουμηνιων και εορτων πασων ηγιασμενων
52 και οσοι ευξαντο ευχην τω θεω απο της νουμηνιας του εβδομου μηνος ηρξαντο προσφερειν θυσιας τω θεω και ο ναος του θεου ουπω ωκοδομητο
53 και εδωκαν αργυριον τοις λατομοις και τεκτοσι και βρωτα και ποτα και χαρα τοις Σιδωνιοις και Τυριοις εις το παραγειν αυτους εκ του Λιβανου ξυλα κεδρινα διαφερειν σχεδιας εις τον Ιοππης λιμενα κατα το προσταγμα το γραφεν αυτοις παρα Κυρου του Περσων βασιλεως
54 και τω δευτερω ετει παραγενομενος εις το ιερον του θεου εις Ιερουσαλημ μηνος δευτερου ηρξατο Ζοροβαβελ ο του Σαλαθιηλ και Ιησους ο του Ιωσεδεκ και οι αδελφοι αυτων και οι ιερεις οι Λευιται και παντες οι παραγενομενοι εκ της αιχμαλωσιας εις Ιερουσαλημ
55 και εθεμελιωσαν τον ναον του θεου τη νουμηνια του δευτερου μηνος του δευτερου ετους εν τω ελθειν εις την Ιουδαιαν και Ιερουσαλημ
56 και εστησαν τους Λευιτας απο εικοσαετους επι των εργων του κυριου και εστη Ιησους και οι υιοι και οι αδελφοι και Καδμιηλ ο αδελφος και οι υιοι Ιησου Ημαδαβουν και οι υιοι Ιωδα του Ιλιαδουν συν τοις υιοις και αδελφοις παντες οι Λευιται ομοθυμαδον εργοδιωκται ποιουντες εις τα εργα εν τω οικω του θεου
57 και ωκοδομησαν οι οικοδομοι τον ναον του κυριου και εστησαν οι ιερεις εστολισμενοι μετα μουσικων και σαλπιγγων και οι Λευιται υιοι Ασαφ εχοντες τα κυμβαλα υμνουντες τω κυριω και ευλογουντες κατα Δαυιδ βασιλεα του Ισραηλ
58 και εφωνησαν δι υμνων ομολογουντες τω κυριω οτι η χρηστοτης αυτου και η δοξα εις τους αιωνας παντι Ισραηλ
59 και πας ο λαος εσαλπισαν και εβοησαν φωνη μεγαλη υμνουντες τω κυριω επι τη εγερσει του οικου του κυριου
60 και ηλθοσαν εκ των ιερεων των Λευιτων και των προκαθημενων κατα τας πατριας αυτων οι πρεσβυτεροι οι εωρακοτες τον προ τουτου οικον προς την τουτου οικοδομην μετα κραυγης και κλαυθμου μεγαλου
61 και πολλοι δια σαλπιγγων και χαρας μεγαλη τη φωνη
62 ωστε τον λαον μη ακουειν των σαλπιγγων δια τον κλαυθμον του λαου ο γαρ οχλος ην ο σαλπιζων μεγαλωστι ωστε μακροθεν ακουεσθαι
63 και ακουσαντες οι εχθροι της φυλης Ιουδα και Βενιαμιν ηλθοσαν επιγνωναι τις η φωνη των σαλπιγγων
64 και επεγνωσαν οτι οι εκ της αιχμαλωσιας οικοδομουσιν τον ναον τω κυριω θεω Ισραηλ
65 και προσελθοντες τω Ζοροβαβελ και Ιησου και τοις ηγουμενοις των πατριων λεγουσιν αυτοις συνοικοδομησομεν υμιν
66 ομοιως γαρ υμιν ακουομεν του κυριου υμων και αυτω επιθυομεν απο ημερων Ασβασαρεθ βασιλεως Ασσυριων ος μετηγαγεν ημας ενταυθα
67 και ειπεν αυτοις Ζοροβαβελ και Ιησους και οι ηγουμενοι των πατριων του Ισραηλ ουχ υμιν και ημιν του οικοδομησαι τον οικον κυριω τω θεω ημων
68 ημεις γαρ μονοι οικοδομησομεν τω κυριω του Ισραηλ ακολουθως οις προσεταξεν ημιν Κυρος ο βασιλευς Περσων
69 τα δε εθνη της γης επικειμενα τοις εν τη Ιουδαια και πολιορκουντες ειργον του οικοδομειν
70 και επιβουλας και δημαγωγιας και επισυστασεις ποιουμενοι απεκωλυσαν του επιτελεσθηναι την οικοδομην παντα τον χρονον της ζωης του βασιλεως Κυρου
71 και ειρχθησαν της οικοδομης ετη δυο εως της Δαρειου βασιλειας
1 εν δε τω δευτερω ετει της του Δαρειου βασιλειας επροφητευσεν Αγγαιος και Ζαχαριας ο του Εδδι οι προφηται επι τους Ιουδαιους τους εν τη Ιουδαια και Ιερουσαλημ επι τω ονοματι κυριου θεου Ισραηλ επ αυτους
2 τοτε στας Ζοροβαβελ ο του Σαλαθιηλ και Ιησους ο του Ιωσεδεκ ηρξαντο οικοδομειν τον οικον του κυριου τον εν Ιερουσαλημ συνοντων των προφητων του κυριου βοηθουντων αυτοις
3 εν αυτω τω χρονω παρην προς αυτους Σισιννης ο επαρχος Συριας και Φοινικης και Σαθραβουζανης και οι συνεταιροι και ειπαν αυτοις
4 τινος υμιν συνταξαντος τον οικον τουτον οικοδομειτε και την στεγην ταυτην και ταλλα παντα επιτελειτε και τινες εισιν οι οικοδομοι οι ταυτα επιτελουντες
5 και εσχοσαν χαριν επισκοπης γενομενης επι την αιχμαλωσιαν παρα του κυριου οι πρεσβυτεροι των Ιουδαιων
6 και ουκ εκωλυθησαν της οικοδομης μεχρι του υποσημανθηναι Δαρειω περι αυτων και προσφωνηθηναι
7 αντιγραφον επιστολης ης εγραψεν Δαρειω και απεστειλεν Σισιννης ο επαρχος Συριας και Φοινικης και Σαθραβουζανης και οι συνεταιροι οι εν Συρια και Φοινικη ηγεμονες
8 βασιλει Δαρειω χαιρειν παντα γνωστα εστω τω κυριω ημων τω βασιλει οτι παραγενομενοι εις την χωραν της Ιουδαιας και ελθοντες εις Ιερουσαλημ την πολιν κατελαβομεν της αιχμαλωσιας τους πρεσβυτερους των Ιουδαιων εν Ιερουσαλημ τη πολει οικοδομουντας οικον τω κυριω μεγαν καινον δια λιθων ξυστων πολυτελων ξυλων τιθεμενων εν τοις τοιχοις
9 και τα εργα εκεινα επι σπουδης γιγνομενα και ευοδουμενον το εργον εν ταις χερσιν αυτων και εν παση δοξη και επιμελεια συντελουμενα
10 τοτε επυνθανομεθα των πρεσβυτερων τουτων λεγοντες τινος υμιν προσταξαντος οικοδομειτε τον οικον τουτον και τα εργα ταυτα θεμελιουτε
11 επηρωτησαμεν ουν αυτους εινεκεν του γνωρισαι σοι και γραψαι σοι τους ανθρωπους τους αφηγουμενους και την ονοματογραφιαν ητουμεν αυτους των προκαθηγουμενων
12 οι δε απεκριθησαν ημιν λεγοντες ημεις εσμεν παιδες του κυριου του κτισαντος τον ουρανον και την γην
13 και ωκοδομητο ο οικος εμπροσθεν ετων πλειονων δια βασιλεως του Ισραηλ μεγαλου και ισχυρου και επετελεσθη
14 και επει οι πατερες ημων παραπικραναντες ημαρτον εις τον κυριον του Ισραηλ τον ουρανιον παρεδωκεν αυτους εις χειρας Ναβουχοδονοσορ βασιλεως Βαβυλωνος βασιλεως των Χαλδαιων
15 τον τε οικον καθελοντες ενεπυρισαν και τον λαον ηχμαλωτευσαν εις Βαβυλωνα
16 εν δε τω πρωτω ετει βασιλευοντος Κυρου χωρας Βαβυλωνιας εγραψεν ο βασιλευς Κυρος οικοδομησαι τον οικον τουτον
17 και τα ιερα σκευη τα χρυσα και τα αργυρα α εξηνεγκεν Ναβουχοδονοσορ εκ του οικου του εν Ιερουσαλημ και απηρεισατο αυτα εν τω εαυτου ναω παλιν εξηνεγκεν αυτα Κυρος ο βασιλευς εκ του ναου του εν Βαβυλωνι και παρεδοθη Ζοροβαβελ και Σαναβασσαρω τω επαρχω
18 και επεταγη αυτω απενεγκαντι παντα τα σκευη ταυτα αποθειναι εν τω ναω τω εν Ιερουσαλημ και τον ναον του κυριου τουτον οικοδομηθηναι επι του τοπου
19 τοτε ο Σαναβασσαρος εκεινος παραγενομενος ενεβαλετο τους θεμελιους του οικου κυριου του εν Ιερουσαλημ και απ εκεινου μεχρι του νυν οικοδομουμενος ουκ ελαβεν συντελειαν
20 νυν ουν ει κρινεται βασιλευ επισκεπητω εν τοις βασιλικοις βιβλιοφυλακιοις του κυριου βασιλεως τοις εν Βαβυλωνι
21 και εαν ευρισκηται μετα της γνωμης Κυρου του βασιλεως γενομενην την οικοδομην του οικου κυριου του εν Ιερουσαλημ και κρινηται τω κυριω βασιλει ημων προσφωνησατω ημιν περι τουτων
22 τοτε ο βασιλευς Δαρειος προσεταξεν επισκεψασθαι εν τοις βασιλικοις βιβλιοφυλακιοις τοις κειμενοις εν Βαβυλωνι και ευρεθη εν Εκβατανοις τη βαρει τη εν Μηδια χωρα τομος εις εν ω υπεμνηματιστο ταδε
23 ετους πρωτου βασιλευοντος Κυρου βασιλευς Κυρος προσεταξεν τον οικον του κυριου τον εν Ιερουσαλημ οικοδομησαι οπου επιθυουσιν δια πυρος ενδελεχους
24 ου το υψος πηχεων εξηκοντα πλατος πηχεων εξηκοντα δια δομων λιθινων ξυστων τριων και δομου ξυλινου εγχωριου καινου ενος και το δαπανημα δοθηναι εκ του οικου Κυρου του βασιλεως
25 και τα ιερα σκευη του οικου κυριου τα τε χρυσα και τα αργυρα α εξηνεγκεν Ναβουχοδονοσορ εκ του οικου του εν Ιερουσαλημ και απηνεγκεν εις Βαβυλωνα αποκατασταθηναι εις τον οικον τον εν Ιερουσαλημ ου ην κειμενα οπως τεθη εκει
26 προσεταξεν δε επιμεληθηναι Σισιννη επαρχω Συριας και Φοινικης και Σαθραβουζανη και τοις συνεταιροις και τοις αποτεταγμενοις εν Συρια και Φοινικη ηγεμοσιν απεχεσθαι του τοπου εασαι δε τον παιδα του κυριου Ζοροβαβελ επαρχον δε της Ιουδαιας και τους πρεσβυτερους των Ιουδαιων τον οικον του κυριου εκεινον οικοδομειν επι του τοπου
27 καγω δε επεταξα ολοσχερως οικοδομησαι και ατενισαι ινα συμποιωσιν τοις εκ της αιχμαλωσιας της Ιουδαιας μεχρι του επιτελεσθηναι τον οικον του κυριου
28 και απο της φορολογιας Κοιλης Συριας και Φοινικης επιμελως συνταξιν διδοσθαι τουτοις τοις ανθρωποις εις θυσιας τω κυριω Ζοροβαβελ επαρχω εις ταυρους και κριους και αρνας
29 ομοιως δε και πυρον και αλα και οινον και ελαιον ενδελεχως κατ ενιαυτον καθως αν οι ιερεις οι εν Ιερουσαλημ υπαγορευσωσιν αναλισκεσθαι καθ ημεραν αναμφισβητητως
30 οπως προσφερωνται σπονδαι τω θεω τω υψιστω υπερ του βασιλεως και των παιδων και προσευχωνται περι της αυτων ζωης
31 και προσεταξεν ινα οσοι εαν παραβωσιν τι των προειρημενων και των προσγεγραμμενων η και ακυρωσωσιν λημφθηναι ξυλον εκ των ιδιων αυτου και επι τουτου κρεμασθηναι και τα υπαρχοντα αυτου ειναι βασιλικα
32 δια ταυτα και ο κυριος ου το ονομα αυτου επικεκληται εκει αφανισαι παντα βασιλεα και εθνος ος εκτενει την χειρα αυτου κωλυσαι η κακοποιησαι τον οικον του κυριου εκεινον τον εν Ιερουσαλημ
33 εγω βασιλευς Δαρειος δεδογματικα επιμελως κατα ταυτα γιγνεσθαι
1 τοτε Σισιννης ο επαρχος Κοιλης Συριας και Φοινικης και Σαθραβουζανης και οι συνεταιροι κατακολουθησαντες τοις υπο του βασιλεως Δαρειου προσταγεισιν
2 επεστατουν των ιερων εργων επιμελεστερον συνεργουντες τοις πρεσβυτεροις των Ιουδαιων και ιεροσταταις
3 και ευοδα εγινετο τα ιερα εργα προφητευοντων Αγγαιου και Ζαχαριου των προφητων
4 και συνετελεσαν ταυτα δια προσταγματος του κυριου θεου Ισραηλ
5 και μετα της γνωμης Κυρου και Δαρειου και Αρταξερξου βασιλεως Περσων συνετελεσθη ο οικος ο αγιος εως τριτης και εικαδος μηνος Αδαρ του εκτου ετους βασιλεως Δαρειου
6 και εποιησαν οι υιοι Ισραηλ και οι ιερεις και οι Λευιται και οι λοιποι οι εκ της αιχμαλωσιας οι προστεθεντες ακολουθως τοις εν τη Μωυσεως βιβλω
7 και προσηνεγκαν εις τον εγκαινισμον του ιερου του κυριου ταυρους εκατον κριους διακοσιους αρνας τετρακοσιους
8 χιμαρους υπερ αμαρτιας παντος του Ισραηλ δωδεκα προς αριθμον εκ των φυλαρχων του Ισραηλ δωδεκα
9 και εστησαν οι ιερεις και οι Λευιται εστολισμενοι κατα φυλας επι των εργων του κυριου θεου Ισραηλ ακολουθως τη Μωυσεως βιβλω και οι θυρωροι εφ εκαστου πυλωνος
10 και ηγαγοσαν οι υιοι Ισραηλ των εκ της αιχμαλωσιας το πασχα εν τη τεσσαρεσκαιδεκατη του πρωτου μηνος οτι ηγνισθησαν οι ιερεις και οι Λευιται αμα
11 και παντες οι υιοι της αιχμαλωσιας ουχ ηγνισθησαν οτι οι Λευιται αμα παντες ηγνισθησαν
12 και εθυσαν το πασχα πασιν τοις υιοις της αιχμαλωσιας και τοις αδελφοις αυτων τοις ιερευσιν και εαυτοις
13 και εφαγοσαν οι υιοι Ισραηλ οι εκ της αιχμαλωσιας παντες οι χωρισθεντες απο των βδελυγματων των εθνων της γης ζητουντες τον κυριον
14 και ηγαγοσαν την εορτην των αζυμων επτα ημερας ευφραινομενοι εναντι του κυριου
15 οτι μετεστρεψεν την βουλην του βασιλεως Ασσυριων επ αυτους κατισχυσαι τας χειρας αυτων επι τα εργα κυριου θεου Ισραηλ
1 και μεταγενεστερος τουτων βασιλευοντος Αρταξερξου του Περσων βασιλεως προσεβη Εσδρας Σαραιου του Εζεριου του Χελκιου του Σαλημου
2 του Σαδδουκου του Αχιτωβ του Αμαριου του Οζιου του Βοκκα του Αβισουε του Φινεες του Ελεαζαρ του Ααρων του πρωτου ιερεως
3 ουτος Εσδρας ανεβη εκ Βαβυλωνος ως γραμματευς ευφυης ων εν τω Μωυσεως νομω τω εκδεδομενω υπο του θεου του Ισραηλ
4 και εδωκεν αυτω ο βασιλευς δοξαν ευροντος χαριν εναντιον αυτου επι παντα τα αξιωματα αυτου
5 και συνανεβησαν εκ των υιων Ισραηλ και των ιερεων και Λευιτων και ιεροψαλτων και θυρωρων και ιεροδουλων εις Ιεροσολυμα ετους εβδομου βασιλευοντος Αρταξερξου εν τω πεμπτω μηνι ουτος ενιαυτος εβδομος τω βασιλει
6 εξελθοντες γαρ εκ Βαβυλωνος τη νουμηνια του πρωτου μηνος εν τη νουμηνια του πεμπτου μηνος παρεγενοντο εις Ιεροσολυμα κατα την δοθεισαν αυτοις ευοδιαν παρα του κυριου επ αυτω
7 ο γαρ Εσδρας πολλην επιστημην περιειχεν εις το μηδεν παραλιπειν των εκ του νομου κυριου και εκ των εντολων διδαξαι τον παντα Ισραηλ παντα τα δικαιωματα και τα κριματα
8 προσπεσοντος δε του γραφεντος προσταγματος παρα Αρταξερξου του βασιλεως προς Εσδραν τον ιερεα και αναγνωστην του νομου κυριου ου εστιν αντιγραφον το υποκειμενον
9 βασιλευς Αρταξερξης Εσδρα τω ιερει και αναγνωστη του νομου κυριου χαιρειν
10 και τα φιλανθρωπα εγω κρινας προσεταξα τους βουλομενους εκ του εθνους των Ιουδαιων αιρετιζοντας και των ιερεων και των Λευιτων και των δε εν τη ημετερα βασιλεια συμπορευεσθαι σοι εις Ιερουσαλημ
11 οσοι ουν ενθυμουνται συνεξορματωσαν καθαπερ δεδοκται εμοι τε και τοις επτα φιλοις συμβουλευταις
12 οπως επισκεψωνται τα κατα την Ιουδαιαν και Ιερουσαλημ ακολουθως ω εχει εν τω νομω του κυριου
13 και απενεγκειν δωρα τω κυριω του Ισραηλ α ηυξαμην εγω τε και οι φιλοι εις Ιερουσαλημ και παν χρυσιον και αργυριον ο εαν ευρεθη εν τη χωρα της Βαβυλωνιας τω κυριω εις Ιερουσαλημ συν τω δεδωρημενω υπο του εθνους εις το ιερον του κυριου αυτων το εν Ιερουσαλημ
14 συναχθηναι το τε χρυσιον και αργυριον εις ταυρους και κριους και αρνας και τα τουτοις ακολουθα
15 ωστε προσενεγκειν θυσιας επι το θυσιαστηριον του κυριου αυτων το εν Ιερουσαλημ
16 και παντα οσα αν βουλη μετα των αδελφων σου ποιησαι χρυσιω και αργυριω επιτελει κατα το θελημα του θεου σου
17 και τα ιερα σκευη του κυριου τα διδομενα σοι εις την χρειαν του ιερου του θεου σου του εν Ιερουσαλημ
18 και τα λοιπα οσα αν υποπιπτη σοι εις την χρειαν του ιερου του θεου σου δωσεις εκ του βασιλικου γαζοφυλακιου
19 καγω δε Αρταξερξης ο βασιλευς προσεταξα τοις γαζοφυλαξι Συριας και Φοινικης ινα οσα αν αποστειλη Εσδρας ο ιερευς και αναγνωστης του νομου του θεου του υψιστου επιμελως διδωσιν αυτω εως αργυριου ταλαντων εκατον
20 ομοιως δε και εως πυρου κορων εκατον και οινου μετρητων εκατον και αλα εκ πληθους
21 παντα τα κατα τον του θεου νομον επιτελεσθητω επιμελως τω θεω τω υψιστω ενεκα του μη γενεσθαι οργην εις την βασιλειαν του βασιλεως και των υιων
22 και υμιν δε λεγεται οπως πασι τοις ιερευσιν και τοις Λευιταις και ιεροψαλταις και θυρωροις και ιεροδουλοις και πραγματικοις του ιερου τουτου μηδεμια φορολογια μηδε αλλη επιβολη γιγνηται και εξουσιαν μηδενα εχειν επιβαλειν τι τουτοις
23 και συ Εσδρα κατα την σοφιαν του θεου αναδειξον κριτας και δικαστας οπως δικαζωσιν εν ολη Συρια και Φοινικη παντας τους επισταμενους τον νομον του θεου σου και τους μη επισταμενους δε διδαξεις
24 και παντες οσοι εαν παραβαινωσι τον νομον του θεου σου και τον βασιλικον επιμελως κολασθησονται εαν τε και θανατω εαν τε και τιμωρια η αργυρικη ζημια η απαγωγη
25 ευλογητος μονος ο κυριος ο δους ταυτα εις την καρδιαν του βασιλεως δοξασαι τον οικον αυτου τον εν Ιερουσαλημ
26 και εμε ετιμησεν εναντι του βασιλεως και των συμβουλευοντων και παντων των φιλων και μεγιστανων αυτου
27 και εγω ευθαρσης εγενομην κατα την αντιλημψιν κυριου του θεου μου και συνηγαγον εκ του Ισραηλ ανδρας ωστε συναναβηναι μοι
28 και ουτοι οι προηγουμενοι κατα τας πατριας αυτων και τας μεριδαρχιας οι αναβαντες μετ εμου εκ Βαβυλωνος εν τη βασιλεια Αρταξερξου του βασιλεως
29 εκ των υιων Φινεες Γαρσομος εκ των υιων Ιεταμαρου Γαμηλος εκ των υιων Δαυιδ Αττους ο Σεχενιου
30 εκ των υιων Φορος Ζαχαριας και μετ αυτου απο γραφης ανδρες εκατον πεντηκοντα
31 εκ των υιων Φααθμωαβ Ελιαωνιας Ζαραιου και μετ αυτου ανδρες διακοσιοι
32 εκ των υιων Ζαθοης Σεχενιας Ιεζηλου και μετ αυτου ανδρες τριακοσιοι εκ των υιων Αδινου ΒηνΙωναθου και μετ αυτου ανδρες διακοσιοι πεντηκοντα
33 εκ των υιων Ηλαμ Ιεσιας Γοθολιου και μετ αυτου ανδρες εβδομηκοντα
34 εκ των υιων Σαφατιου Ζαραιας Μιχαηλου και μετ αυτου ανδρες εβδομηκοντα
35 εκ των υιων Ιωαβ Αβαδιας Ιεζηλου και μετ αυτου ανδρες διακοσιοι δεκα δυο
36 εκ των υιων Βανι Ασσαλιμωθ Ιωσαφιου και μετ αυτου ανδρες εκατον εξηκοντα
37 εκ των υιων Βαβι Ζαχαριας Βηβαι και μετ αυτου ανδρες εικοσι οκτω
38 εκ των υιων Ασγαθ Ιωανης Ακαταν και μετ αυτου ανδρες εκατον δεκα
39 εκ των υιων Αδωνικαμ οι εσχατοι και ταυτα τα ονοματα αυτων Ελιφαλατος Ιεουηλ και Σαμαιας και μετ αυτων ανδρες εβδομηκοντα
40 εκ των υιων Βαγο Ουθι ο του Ισταλκουρου και μετ αυτου ανδρες εβδομηκοντα
41 και συνηγαγον αυτους επι τον λεγομενον Θεραν ποταμον και παρενεβαλομεν αυτοθι ημερας τρεις και κατεμαθον αυτους
42 και εκ των υιων των ιερεων και εκ των Λευιτων ουχ ευρων εκει
43 απεστειλα προς Ελεαζαρον και Ιδουηλον και Μαασμαν και Ελναταν και Σαμαιαν και Ιωριβον Ναθαν Ενναταν Ζαχαριαν και Μεσολαμον τους ηγουμενους και επιστημονας
44 και ειπα αυτοις ελθειν προς Αδδαιον τον ηγουμενον τον εν τω τοπω του γαζοφυλακιου
45 εντειλαμενος αυτοις διαλεγηναι Αδδαιω και τοις αδελφοις αυτου και τοις εν τω τοπω γαζοφυλαξιν αποστειλαι ημιν τους ιερατευσοντας εν τω οικω του κυριου ημων
46 και ηγαγον ημιν κατα την κραταιαν χειρα του κυριου ημων ανδρας επιστημονας των υιων Μοολι του Λευι του Ισραηλ Ασεβηβιαν και τους υιους και τους αδελφους δεκα οκτω
47 και Ασεβιαν και Αννουνον και Ωσαιαν αδελφον εκ των υιων Χανουναιου και οι υιοι αυτων ανδρες εικοσι
48 και εκ των ιεροδουλων ων εδωκεν Δαυιδ και οι ηγουμενοι εις την εργασιαν των Λευιτων ιεροδουλοι διακοσιοι εικοσι παντων εσημανθη η ονοματογραφια
49 και ευξαμην εκει νηστειαν τοις νεανισκοις εναντι του κυριου ημων
50 ζητησαι παρ αυτου ευοδιαν ημιν τε και τοις συνουσιν ημιν τεκνοις ημων και κτηνεσιν
51 ενετραπην γαρ αιτησαι τον βασιλεα πεζους τε και ιππεις και προπομπην ενεκεν ασφαλειας της προς τους εναντιουμενους ημιν
52 ειπαμεν γαρ τω βασιλει οτι ισχυς του κυριου ημων εσται μετα των επιζητουντων αυτον εις πασαν επανορθωσιν
53 και παλιν εδεηθημεν του κυριου ημων κατα ταυτα και ευιλατου ετυχομεν
54 και εχωρισα των φυλαρχων των ιερεων ανδρας δεκα δυο και Σερεβιαν και Ασαβιαν και μετ αυτων εκ των αδελφων αυτων ανδρας δεκα
55 και εστησα αυτοις το αργυριον και το χρυσιον και τα ιερα σκευη του οικου του κυριου ημων α αυτος εδωρησατο ο βασιλευς και οι συμβουλοι αυτου και οι μεγιστανες και πας Ισραηλ
56 και στησας παρεδωκα αυτοις αργυριου ταλαντα εξακοσια πεντηκοντα και σκευη αργυρα ταλαντων εκατον και χρυσιου ταλαντα εκατον και χρυσωματα εικοσι και σκευη χαλκα απο χρηστου χαλκου στιλβοντα χρυσοειδη σκευη δωδεκα
57 και ειπα αυτοις και υμεις αγιοι εστε τω κυριω και τα σκευη αγια και το αργυριον και το χρυσιον ευχη τω κυριω κυριω των πατερων ημων
58 αγρυπνειτε και φυλασσετε εως του παραδουναι αυτα υμας τοις φυλαρχοις των ιερεων και των Λευιτων και τοις ηγουμενοις των πατριων του Ισραηλ εν Ιερουσαλημ εν τοις παστοφοριοις του οικου του κυριου ημων
59 και οι παραλαβοντες οι ιερεις και οι Λευιται το αργυριον και το χρυσιον και τα σκευη τα εν Ιερουσαλημ εισηνεγκαν εις το ιερον του κυριου
60 και αναζευξαντες απο του ποταμου Θερα τη δωδεκατη του πρωτου μηνος εισηλθομεν εις Ιερουσαλημ κατα την κραταιαν χειρα του κυριου ημων την εφ ημιν και ερρυσατο ημας επι της εισοδου απο παντος εχθρου και ηλθομεν εις Ιερουσαλημ
61 και γενομενης αυτοθι ημερας τριτης σταθεν το αργυριον και το χρυσιον παρεδοθη εν τω οικω του κυριου ημων Μαρμωθι Ουρια ιερει
62 και μετ αυτου Ελεαζαρ ο του Φινεες και ησαν μετ αυτων Ιωσαβδος Ιησου και Μωεθ Σαβαννου οι Λευιται προς αριθμον και ολκην απαντα και εγραφη πασα η ολκη αυτων αυτη τη ωρα
63 οι δε παραγενομενοι εκ της αιχμαλωσιας προσηνεγκαν θυσιας τω θεω του Ισραηλ κυριω ταυρους δωδεκα υπερ παντος Ισραηλ κριους ενενηκοντα εξ αρνας εβδομηκοντα δυο τραγους υπερ σωτηριου δεκα δυο απαντα θυσιαν τω κυριω
64 και απεδωκαν τα προσταγματα του βασιλεως τοις βασιλικοις οικονομοις και τοις επαρχοις Κοιλης Συριας και Φοινικης και εδοξασαν το εθνος και το ιερον του κυριου
65 και τουτων τελεσθεντων προσηλθοσαν μοι οι ηγουμενοι λεγοντες
66 ουκ εχωρισαν το εθνος του Ισραηλ και οι αρχοντες και οι ιερεις και οι Λευιται τα αλλογενη εθνη της γης και τας ακαθαρσιας αυτων Χαναναιων και Χετταιων και Φερεζαιων και Ιεβουσαιων και Μωαβιτων και Αιγυπτιων και Ιδουμαιων
67 συνωκησαν γαρ μετα των θυγατερων αυτων και αυτοι και οι υιοι αυτων και επεμιγη το σπερμα το αγιον εις τα αλλογενη εθνη της γης και μετειχον οι προηγουμενοι και οι μεγιστανες της ανομιας ταυτης απο της αρχης του πραγματος
68 και αμα τω ακουσαι με ταυτα διερρηξα τα ιματια και την ιεραν εσθητα και κατετιλα του τριχωματος της κεφαλης και του πωγωνος και εκαθισα συννους και περιλυπος
69 και επισυνηχθησαν προς με οσοι ποτε επεκινουντο τω ρηματι κυριου του Ισραηλ εμου πενθουντος επι τη ανομια και εκαθημην περιλυπος εως της δειλινης θυσιας
70 και εξεγερθεις εκ της νηστειας διερρηγμενα εχων τα ιματια και την ιεραν εσθητα καμψας τα γονατα και εκτεινας τας χειρας προς τον κυριον ελεγον
71 κυριε ησχυμμαι εντετραμμαι κατα προσωπον σου
72 αι γαρ αμαρτιαι ημων επλεονασαν υπερ τας κεφαλας ημων αι δε αγνοιαι ημων υπερηνεγκαν εως του ουρανου
73 απο των χρονων των πατερων ημων και εσμεν εν μεγαλη αμαρτια εως της ημερας ταυτης
74 και δια τας αμαρτιας ημων και των πατερων ημων παρεδοθημεν συν τοις αδελφοις ημων και συν τοις βασιλευσιν ημων και συν τοις ιερευσιν ημων τοις βασιλευσιν της γης εις ρομφαιαν και αιχμαλωσιαν και προνομην μετα αισχυνης μεχρι της σημερον ημερας
75 και νυν κατα ποσον τι εγενηθη ημιν ελεος παρα σου κυριε καταλειφθηναι ημιν ριζαν και ονομα εν τω τοπω του αγιασματος σου
76 και του ανακαλυψαι φωστηρα ημων εν τω οικω του κυριου ημων δουναι ημιν τροφην εν τω καιρω της δουλειας ημων
77 και εν τω δουλευειν ημας ουκ εγκατελειφθημεν υπο του κυριου ημων αλλα εποιησεν ημας εν χαριτι ενωπιον των βασιλεων Περσων
78 δουναι ημιν τροφην και δοξασαι το ιερον του κυριου ημων και εγειραι την ερημον Σιων δουναι ημιν στερεωμα εν τη Ιουδαια και Ιερουσαλημ
79 και νυν τι ερουμεν κυριε εχοντες ταυτα παρεβημεν γαρ τα προσταγματα σου α εδωκας εν χειρι των παιδων σου των προφητων λεγων οτι
80 η γη εις ην εισερχεσθε κληρονομησαι εστιν γη μεμολυσμενη μολυσμω των αλλογενων της γης και της ακαθαρσιας αυτων ενεπλησαν αυτην
81 και νυν τας θυγατερας υμων μη συνοικισητε τοις υιοις αυτων και τας θυγατερας αυτων μη λαβητε τοις υιοις υμων
82 και ου ζητησετε ειρηνευσαι τα προς αυτους τον απαντα χρονον ινα ισχυσαντες φαγητε τα αγαθα της γης και κατακληρονομησητε τοις υιοις υμων εως αιωνος
83 και τα συμβαινοντα παντα ημιν γιγνεται δια τα εργα ημων τα πονηρα και τας μεγαλας αμαρτιας ημων
84 συ γαρ κυριε εκουφισας τας αμαρτιας ημων και εδωκας ημιν τοιαυτην ριζαν παλιν ανεκαμψαμεν παραβηναι τον νομον σου εις το επιμιγηναι τη ακαθαρσια των εθνων της γης
85 ουχι ωργισθης ημιν απολεσαι ημας εως του μη καταλιπειν ριζαν και σπερμα και ονομα ημων
86 κυριε του Ισραηλ αληθινος ει κατελειφθημεν γαρ ριζα εν τη σημερον
87 ιδου νυν εσμεν ενωπιον σου εν ταις ανομιαις ημων ου γαρ εστιν στηναι ετι εμπροσθεν σου επι τουτοις
88 και οτε προσευχομενος Εσδρας ανθωμολογειτο κλαιων χαμαιπετης εμπροσθεν του ιερου επισυνηχθησαν προς αυτον απο Ιερουσαλημ οχλος πολυς σφοδρα ανδρες και γυναικες και νεανιαι κλαυθμος γαρ ην μεγας εν τω πληθει
89 και φωνησας Ιεχονιας Ιεηλου των υιων Ισραηλ ειπεν Εσδρα ημεις ημαρτομεν εις τον κυριον και συνωκισαμεν γυναικας αλλογενεις εκ των εθνων της γης και νυν εστιν ελπις τω Ισραηλ
90 εν τουτω γενεσθω ημιν ορκωμοσια προς τον κυριον εκβαλειν πασας τας γυναικας ημων τας εκ των αλλογενων συν τοις τεκνοις αυτων ως εκριθη σοι και οσοι πειθαρχουσιν τω νομω του κυριου
91 αναστας επιτελει προς σε γαρ το πραγμα και ημεις μετα σου ισχυν ποιειν
92 και αναστας Εσδρας ωρκισεν τους φυλαρχους των ιερεων και Λευιτων παντος του Ισραηλ ποιησαι κατα ταυτα και ωμοσαν
1 και αναστας Εσδρας απο της αυλης του ιερου επορευθη εις το παστοφοριον Ιωαναν του Ελιασιβου
2 και αυλισθεις εκει αρτου ουκ εγευσατο ουδε υδωρ επιεν πενθων υπερ των ανομιων των μεγαλων του πληθους
3 και εγενετο κηρυγμα εν ολη τη Ιουδαια και Ιερουσαλημ πασι τοις εκ της αιχμαλωσιας συναχθηναι εις Ιερουσαλημ
4 και οσοι αν μη απαντησωσιν εν δυσιν η τρισιν ημεραις κατα το κριμα των προκαθημενων πρεσβυτερων ανιερωθησονται τα κτηνη αυτων και αυτος αλλοτριωθησεται απο του πληθους της αιχμαλωσιας
5 και επισυνηχθησαν οι εκ της φυλης Ιουδα και Βενιαμιν εν τρισιν ημεραις εις Ιερουσαλημ ουτος ο μην ενατος τη εικαδι του μηνος
6 και συνεκαθισαν παν το πληθος εν τη ευρυχωρω του ιερου τρεμοντες δια τον ενεστωτα χειμωνα
7 και αναστας Εσδρας ειπεν αυτοις υμεις ηνομησατε και συνωκισατε γυναικας αλλογενεις του προσθειναι αμαρτιαν τω Ισραηλ
8 και νυν δοτε ομολογιαν δοξαν τω κυριω θεω των πατερων ημων
9 και ποιησατε το θελημα αυτου και χωρισθητε απο των εθνων της γης και απο των γυναικων των αλλογενων
10 και εφωνησαν απαν το πληθος και ειπον μεγαλη τη φωνη ουτως ως ειρηκας ποιησομεν
11 αλλα το πληθος πολυ και η ωρα χειμερινη και ουκ ισχυομεν στηναι αιθριοι και ουχ ευρομεν και το εργον ημιν ουκ εστιν ημερας μιας ουδε δυο επι πλειον γαρ ημαρτομεν εν τουτοις
12 στητωσαν δε οι προηγουμενοι του πληθους και παντες οι εκ των κατοικιων ημων οσοι εχουσιν γυναικας αλλογενεις παραγενηθητωσαν λαβοντες χρονον
13 και εκαστου δε τοπου τους πρεσβυτερους και τους κριτας εως του λυσαι την οργην του κυριου αφ ημων του πραγματος τουτου
14 Ιωναθας Αζαηλου και Ιεζιας Θοκανου επεδεξαντο κατα ταυτα και Μοσολλαμος και Λευις και Σαββαταιος συνεβραβευσαν αυτοις
15 και εποιησαν κατα παντα ταυτα οι εκ της αιχμαλωσιας
16 και επελεξατο εαυτω Εσδρας ο ιερευς ανδρας ηγουμενους των πατριων αυτων κατ ονομα παντας και συνεκαθισαν τη νουμηνια του μηνος του δεκατου ετασαι το πραγμα
17 και ηχθη επι περας τα κατα τους ανδρας τους επισυνεχοντας γυναικας αλλογενεις εως της νουμηνιας του πρωτου μηνος
18 και ευρεθησαν των ιερεων οι επισυναχθεντες αλλογενεις γυναικας εχοντες
19 εκ των υιων Ιησου του Ιωσεδεκ και των αδελφων Μασηας και Ελεαζαρος και Ιωριβος και Ιωδανος
20 και επεβαλον τας χειρας εκβαλειν τας γυναικας αυτων και εις εξιλασμον κριους υπερ της αγνοιας αυτων
21 και εκ των υιων Εμμηρ Ανανιας και Ζαβδαιος και Μανης και Σαμαιος και Ιιηλ και Αζαριας
22 και εκ των υιων Φαισουρ Ελιωναις Μασσιας Ισμαηλος και Ναθαναηλος και Ωκιδηλος και Σαλθας
23 και εκ των Λευιτων Ιωζαβδος και Σεμεις και Κωλιος ουτος Καλιτας και Παθαιος και Ωουδας και Ιωανας
24 εκ των ιεροψαλτων Ελιασιβος Βακχουρος
25 εκ των θυρωρων Σαλλουμος και Τολβανης
26 εκ του Ισραηλ εκ των υιων Φορος Ιερμας και Ιεζιας και Μελχιας και Μιαμινος και Ελεαζαρος και Ασιβιας και Βανναιας
27 εκ των υιων Ηλαμ Ματανιας και Ζαχαριας Ιεζριηλος και Ωβαδιος και Ιερεμωθ και Ηλιας
28 και εκ των υιων Ζαμοθ Ελιαδας Ελιασιμος Οθονιας Ιαριμωθ και Σαβαθος και Ζερδαιας
29 και εκ των υιων Βηβαι Ιωαννης και Ανανιας και Ζαβδος και Εμαθις
30 και εκ των υιων Μανι Ωλαμος Μαμουχος Ιεδαιος Ιασουβος και Ασαηλος και Ιερεμωθ
31 και εκ των υιων Αδδι Νααθος και Μοοσσιας Λακκουνος και Ναιδος και Βεσκασπασμυς και Σεσθηλ και Βαλνουος και Μανασσηας
32 και εκ των υιων Ανναν Ελιωνας και Ασαιας και Μελχιας και Σαββαιας και Σιμων Χοσαμαιος
33 και εκ των υιων Ασομ Μαλτανναιος και Ματταθιας και Σαβανναιους και Ελιφαλατ και Μανασσης και Σεμει
34 και εκ των υιων Βαανι Ιερεμιας Μομδιος Μαηρος Ιουηλ Μαμδαι και Πεδιας και Ανως Καραβασιων και Ελιασιβος και Μαμνιταναιμος Ελιασις Βαννους Ελιαλις Σομεις Σελεμιας Ναθανιας και εκ των υιων Εζωρα Σεσσις Εζριλ Αζαηλος Σαματος Ζαμβρις Ιωσηπος
35 και εκ των υιων Νοομα Μαζιτιας Ζαβαδαιας Ηδαις Ιουηλ Βαναιας
36 παντες ουτοι συνωκισαν γυναικας αλλογενεις και απελυσαν αυτας συν τεκνοις
37 και κατωκησαν οι ιερεις και οι Λευιται και οι εκ του Ισραηλ εν Ιερουσαλημ και εν τη χωρα τη νουμηνια του εβδομου μηνος και οι υιοι Ισραηλ εν ταις κατοικιαις αυτων
38 και συνηχθη παν το πληθος ομοθυμαδον επι το ευρυχωρον του προς ανατολας του ιερου πυλωνος
39 και ειπον Εσδρα τω αρχιερει και αναγνωστη κομισαι τον νομον Μωυσεως τον παραδοθεντα υπο του κυριου θεου Ισραηλ
40 και εκομισεν Εσδρας ο αρχιερευς τον νομον παντι τω πληθει απο ανθρωπου εως γυναικος και πασιν τοις ιερευσιν ακουσαι του νομου νουμηνια του εβδομου μηνος
41 και ανεγιγνωσκεν εν τω προ του ιερου πυλωνος ευρυχωρω απο ορθρου εως μεσημβρινου ενωπιον ανδρων τε και γυναικων και επεδωκαν παν το πληθος τον νουν εις τον νομον
42 και εστη Εσδρας ο ιερευς και αναγνωστης του νομου επι του ξυλινου βηματος του κατασκευασθεντος
43 και εστησαν παρ αυτω Ματταθιας Σαμμους Ανανιας Αζαριας Ουριας Εζεκιας Βααλσαμος εκ δεξιων
44 και εξ ευωνυμων Φαδαιος Μισαηλ Μελχιας Λωθασουβος Ναβαριας Ζαχαριας
45 και αναλαβων Εσδρας το βιβλιον του νομου ενωπιον του πληθους προεκαθητο γαρ επιδοξως ενωπιον παντων
46 και εν τω λυσαι τον νομον παντες ορθοι εστησαν και ευλογησεν Εσδρας τω κυριω θεω υψιστω θεω σαβαωθ παντοκρατορι
47 και επεφωνησεν παν το πληθος αμην και αραντες ανω τας χειρας προσπεσοντες επι την γην προσεκυνησαν τω κυριω
48 Ιησους και Αννιουθ και Σαραβιας Ιαδινος Ιακουβος Σαββαταιος Αυταιας Μαιαννας και Καλιτας Αζαριας και Ιωζαβδος Ανανιας Φαλιας οι Λευιται εδιδασκον τον νομον κυριου και προς το πληθος ανεγινωσκον τον νομον του κυριου εμφυσιουντες αμα την αναγνωσιν
49 και ειπεν Ατταρατης Εσδρα τω αρχιερει και αναγνωστη και τοις Λευιταις τοις διδασκουσι το πληθος επι παντας
50 η ημερα αυτη εστιν αγια τω κυριω και παντες εκλαιον εν τω ακουσαι του νομου
51 βαδισαντες ουν φαγετε λιπασματα και πιετε γλυκασματα και αποστειλατε αποστολας τοις μη εχουσιν
52 αγια γαρ η ημερα τω κυριω και μη λυπεισθε ο γαρ κυριος δοξασει υμας
53 και οι Λευιται εκελευον τω δημω παντι λεγοντες η ημερα αυτη αγια μη λυπεισθε
54 και ωχοντο παντες φαγειν και πιειν και ευφραινεσθαι και δουναι αποστολας τοις μη εχουσιν και ευφρανθηναι μεγαλως
55 οτι και ενεφυσιωθησαν εν τοις ρημασιν οις εδιδαχθησαν και επισυνηχθησαν