Om oversættelsen: Septuaginta er den græske tradition — den som Helligånden foretrækker. Der er tusinder af afvigelser mellem Septuaginta og den jødiske teksttradition, som "vi" følger her i Vesten.
Teksten er i græske bogstaver med Unicode. Hvis man foretrækker danske bogstaver, anbefales parallelsiden: Første Samuelsbog.
Om bogen: Første Samuelsbog hedder Første Kongebog i Septuaginta. De bøger, som "vi" i Vesten kalder 1. og 2. Kongebog, hedder 3. og 4. Kongebog.
Kapitler: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31
1 ανθρωπος ην εξ Αρμαθαιμ Σιφα εξ ορους Εφραιμ και ονομα αυτω Ελκανα υιος Ιερεμεηλ υιου Ηλιου υιου Θοκε εν Νασιβ Εφραιμ
2 και τουτω δυο γυναικες ονομα τη μια Αννα και ονομα τη δευτερα Φεννανα και ην τη Φεννανα παιδια και τη Αννα ουκ ην παιδιον
3 και ανεβαινεν ο ανθρωπος εξ ημερων εις ημερας εκ πολεως αυτου εξ Αρμαθαιμ προσκυνειν και θυειν τω κυριω θεω σαβαωθ εις Σηλω και εκει Ηλι και οι δυο υιοι αυτου Οφνι και Φινεες ιερεις του κυριου
4 και εγενηθη ημερα και εθυσεν Ελκανα και εδωκεν τη Φεννανα γυναικι αυτου και τοις υιοις αυτης και ταις θυγατρασιν αυτης μεριδας
5 και τη Αννα εδωκεν μεριδα μιαν οτι ουκ ην αυτη παιδιον πλην οτι την Ανναν ηγαπα Ελκανα υπερ ταυτην και κυριος απεκλεισεν τα περι την μητραν αυτης
6 οτι ουκ εδωκεν αυτη κυριος παιδιον κατα την θλιψιν αυτης και κατα την αθυμιαν της θλιψεως αυτης και ηθυμει δια τουτο οτι συνεκλεισεν κυριος τα περι την μητραν αυτης του μη δουναι αυτη παιδιον
7 ουτως εποιει ενιαυτον κατ ενιαυτον εν τω αναβαινειν αυτην εις οικον κυριου και ηθυμει και εκλαιεν και ουκ ησθιεν
8 και ειπεν αυτη Ελκανα ο ανηρ αυτης Αννα και ειπεν αυτω ιδου εγω κυριε και ειπεν αυτη τι εστιν σοι οτι κλαιεις και ινα τι ουκ εσθιεις και ινα τι τυπτει σε η καρδια σου ουκ αγαθος εγω σοι υπερ δεκα τεκνα
9 και ανεστη Αννα μετα το φαγειν αυτους εν Σηλω και κατεστη ενωπιον κυριου και Ηλι ο ιερευς εκαθητο επι του διφρου επι των φλιων ναου κυριου
10 και αυτη κατωδυνος ψυχη και προσηυξατο προς κυριον και κλαιουσα εκλαυσεν
11 και ηυξατο ευχην κυριω λεγουσα Αδωναι κυριε ελωαι σαβαωθ εαν επιβλεπων επιβλεψης επι την ταπεινωσιν της δουλης σου και μνησθης μου και δως τη δουλη σου σπερμα ανδρων και δωσω αυτον ενωπιον σου δοτον εως ημερας θανατου αυτου και οινον και μεθυσμα ου πιεται και σιδηρος ουκ αναβησεται επι την κεφαλην αυτου
12 και εγενηθη οτε επληθυνεν προσευχομενη ενωπιον κυριου και Ηλι ο ιερευς εφυλαξεν το στομα αυτης
13 και αυτη ελαλει εν τη καρδια αυτης και τα χειλη αυτης εκινειτο και φωνη αυτης ουκ ηκουετο και ελογισατο αυτην Ηλι εις μεθυουσαν
14 και ειπεν αυτη το παιδαριον Ηλι εως ποτε μεθυσθηση περιελου τον οινον σου και πορευου εκ προσωπου κυριου
15 και απεκριθη Αννα και ειπεν ουχι κυριε γυνη η σκληρα ημερα εγω ειμι και οινον και μεθυσμα ου πεπωκα και εκχεω την ψυχην μου ενωπιον κυριου
16 μη δως την δουλην σου εις θυγατερα λοιμην οτι εκ πληθους αδολεσχιας μου εκτετακα εως νυν
17 και απεκριθη Ηλι και ειπεν αυτη πορευου εις ειρηνην ο θεος Ισραηλ δωη σοι παν αιτημα σου ο ητησω παρ αυτου
18 και ειπεν ευρεν η δουλη σου χαριν εν οφθαλμοις σου και επορευθη η γυνη εις την οδον αυτης και εισηλθεν εις το καταλυμα αυτης και εφαγεν μετα του ανδρος αυτης και επιεν και το προσωπον αυτης ου συνεπεσεν ετι
19 και ορθριζουσιν το πρωι και προσκυνουσιν τω κυριω και πορευονται την οδον αυτων και εισηλθεν Ελκανα εις τον οικον αυτου Αρμαθαιμ και εγνω την Ανναν γυναικα αυτου και εμνησθη αυτης κυριος
20 και συνελαβεν και εγενηθη τω καιρω των ημερων και ετεκεν υιον και εκαλεσεν το ονομα αυτου Σαμουηλ και ειπεν οτι παρα κυριου θεου σαβαωθ ητησαμην αυτον
21 και ανεβη ο ανθρωπος Ελκανα και πας ο οικος αυτου θυσαι εν Σηλωμ την θυσιαν των ημερων και τας ευχας αυτου και πασας τας δεκατας της γης αυτου
22 και Αννα ουκ ανεβη μετ αυτου οτι ειπεν τω ανδρι αυτης εως του αναβηναι το παιδαριον εαν απογαλακτισω αυτο και οφθησεται τω προσωπω κυριου και καθησεται εκει εως αιωνος
23 και ειπεν αυτη Ελκανα ο ανηρ αυτης ποιει το αγαθον εν οφθαλμοις σου καθου εως αν απογαλακτισης αυτο αλλα στησαι κυριος το εξελθον εκ του στοματος σου και εκαθισεν η γυνη και εθηλασεν τον υιον αυτης εως αν απογαλακτιση αυτον
24 και ανεβη μετ αυτου εις Σηλωμ εν μοσχω τριετιζοντι και αρτοις και οιφι σεμιδαλεως και νεβελ οινου και εισηλθεν εις οικον κυριου εν Σηλωμ και το παιδαριον μετ αυτων
25 και προσηγαγον ενωπιον κυριου και εσφαξεν ο πατηρ αυτου την θυσιαν ην εποιει εξ ημερων εις ημερας τω κυριω και προσηγαγεν το παιδαριον και εσφαξεν τον μοσχον και προσηγαγεν Αννα η μητηρ του παιδαριου προς Ηλι
26 και ειπεν εν εμοι κυριε ζη η ψυχη σου εγω η γυνη η καταστασα ενωπιον σου εν τω προσευξασθαι προς κυριον
27 υπερ του παιδαριου τουτου προσηυξαμην και εδωκεν μοι κυριος το αιτημα μου ο ητησαμην παρ αυτου
28 καγω κιχρω αυτον τω κυριω πασας τας ημερας ας ζη αυτος χρησιν τω κυριω
1 και ειπεν εστερεωθη η καρδια μου εν κυριω υψωθη κερας μου εν θεω μου επλατυνθη επι εχθρους το στομα μου ευφρανθην εν σωτηρια σου
2 οτι ουκ εστιν αγιος ως κυριος και ουκ εστιν δικαιος ως ο θεος ημων ουκ εστιν αγιος πλην σου
3 μη καυχασθε και μη λαλειτε υψηλα μη εξελθατω μεγαλορρημοσυνη εκ του στοματος υμων οτι θεος γνωσεων κυριος και θεος ετοιμαζων επιτηδευματα αυτου
4 τοξον δυνατων ησθενησεν και ασθενουντες περιεζωσαντο δυναμιν
5 πληρεις αρτων ηλαττωθησαν και οι πεινωντες παρηκαν γην οτι στειρα ετεκεν επτα και η πολλη εν τεκνοις ησθενησεν
6 κυριος θανατοι και ζωογονει καταγει εις αδου και αναγει
7 κυριος πτωχιζει και πλουτιζει ταπεινοι και ανυψοι
8 ανιστα απο γης πενητα και απο κοπριας εγειρει πτωχον καθισαι μετα δυναστων λαων και θρονον δοξης κατακληρονομων αυτοις
9 διδους ευχην τω ευχομενω και ευλογησεν ετη δικαιου οτι ουκ εν ισχυι δυνατος ανηρ
10 κυριος ασθενη ποιησει αντιδικον αυτου κυριος αγιος μη καυχασθω ο φρονιμος εν τη φρονησει αυτου και μη καυχασθω ο δυνατος εν τη δυναμει αυτου και μη καυχασθω ο πλουσιος εν τω πλουτω αυτου αλλ η εν τουτω καυχασθω ο καυχωμενος συνιειν και γινωσκειν τον κυριον και ποιειν κριμα και δικαιοσυνην εν μεσω της γης κυριος ανεβη εις ουρανους και εβροντησεν αυτος κρινει ακρα γης και διδωσιν ισχυν τοις βασιλευσιν ημων και υψωσει κερας χριστου αυτου
11 και κατελιπον αυτον εκει ενωπιον κυριου και απηλθον εις Αρμαθαιμ και το παιδαριον ην λειτουργων τω προσωπω κυριου ενωπιον Ηλι του ιερεως
12 και οι υιοι Ηλι του ιερεως υιοι λοιμοι ουκ ειδοτες τον κυριον
13 και το δικαιωμα του ιερεως παρα του λαου παντος του θυοντος και ηρχετο το παιδαριον του ιερεως ως αν ηψηθη το κρεας και κρεαγρα τριοδους εν τη χειρι αυτου
14 και επαταξεν αυτην εις τον λεβητα τον μεγαν η εις το χαλκιον η εις την κυθραν παν ο εαν ανεβη εν τη κρεαγρα ελαμβανεν εαυτω ο ιερευς κατα ταδε εποιουν παντι Ισραηλ τοις ερχομενοις θυσαι κυριω εν Σηλωμ
15 και πριν θυμιαθηναι το στεαρ ηρχετο το παιδαριον του ιερεως και ελεγεν τω ανδρι τω θυοντι δος κρεας οπτησαι τω ιερει και ου μη λαβω παρα σου εφθον εκ του λεβητος
16 και ελεγεν ο ανηρ ο θυων θυμιαθητω πρωτον ως καθηκει το στεαρ και λαβε σεαυτω εκ παντων ων επιθυμει η ψυχη σου και ειπεν ουχι οτι νυν δωσεις και εαν μη λημψομαι κραταιως
17 και ην η αμαρτια των παιδαριων ενωπιον κυριου μεγαλη σφοδρα οτι ηθετουν την θυσιαν κυριου
18 και Σαμουηλ ην λειτουργων ενωπιον κυριου παιδαριον περιεζωσμενον εφουδ βαρ
19 και διπλοιδα μικραν εποιησεν αυτω η μητηρ αυτου και ανεφερεν αυτω εξ ημερων εις ημερας εν τω αναβαινειν αυτην μετα του ανδρος αυτης θυσαι την θυσιαν των ημερων
20 και ευλογησεν Ηλι τον Ελκανα και την γυναικα αυτου λεγων αποτεισαι σοι κυριος σπερμα εκ της γυναικος ταυτης αντι του χρεους ου εχρησας τω κυριω και απηλθεν ο ανθρωπος εις τον τοπον αυτου
21 και επεσκεψατο κυριος την Ανναν και ετεκεν ετι τρεις υιους και δυο θυγατερας και εμεγαλυνθη το παιδαριον Σαμουηλ ενωπιον κυριου
22 και Ηλι πρεσβυτης σφοδρα και ηκουσεν α εποιουν οι υιοι αυτου τοις υιοις Ισραηλ
23 και ειπεν αυτοις ινα τι ποιειτε κατα το ρημα τουτο ο εγω ακουω εκ στοματος παντος του λαου κυριου
24 μη τεκνα οτι ουκ αγαθη η ακοη ην εγω ακουω μη ποιειτε ουτως οτι ουκ αγαθαι αι ακοαι ας εγω ακουω του μη δουλευειν λαον θεω
25 εαν αμαρτανων αμαρτη ανηρ εις ανδρα και προσευξονται υπερ αυτου προς κυριον και εαν τω κυριω αμαρτη τις προσευξεται υπερ αυτου και ουκ ηκουον της φωνης του πατρος αυτων οτι βουλομενος εβουλετο κυριος διαφθειραι αυτους
26 και το παιδαριον Σαμουηλ επορευετο και εμεγαλυνετο και αγαθον και μετα κυριου και μετα ανθρωπων
27 και ηλθεν ανθρωπος θεου προς Ηλι και ειπεν ταδε λεγει κυριος αποκαλυφθεις απεκαλυφθην προς οικον πατρος σου οντων αυτων εν γη Αιγυπτω δουλων τω οικω Φαραω
28 και εξελεξαμην τον οικον του πατρος σου εκ παντων των σκηπτρων Ισραηλ εμοι ιερατευειν και αναβαινειν επι θυσιαστηριον μου και θυμιαν θυμιαμα και αιρειν εφουδ και εδωκα τω οικω του πατρος σου τα παντα του πυρος υιων Ισραηλ εις βρωσιν
29 και ινα τι επεβλεψας επι το θυμιαμα μου και εις την θυσιαν μου αναιδει οφθαλμω και εδοξασας τους υιους σου υπερ εμε ενευλογεισθαι απαρχης πασης θυσιας Ισραηλ εμπροσθεν μου
30 δια τουτο ταδε ειπεν κυριος ο θεος Ισραηλ ειπα ο οικος σου και ο οικος του πατρος σου διελευσεται ενωπιον μου εως αιωνος και νυν φησιν κυριος μηδαμως εμοι οτι αλλ η τους δοξαζοντας με δοξασω και ο εξουθενων με ατιμωθησεται
31 ιδου ημεραι ερχονται και εξολεθρευσω το σπερμα σου και το σπερμα οικου πατρος σου
32 και ουκ εσται σου πρεσβυτης εν οικω μου πασας τας ημερας
33 και ανδρα ουκ εξολεθρευσω σοι απο του θυσιαστηριου μου εκλιπειν τους οφθαλμους αυτου και καταρρειν την ψυχην αυτου και πας περισσευων οικου σου πεσουνται εν ρομφαια ανδρων
34 και τουτο σοι το σημειον ο ηξει επι τους δυο υιους σου τουτους Οφνι και Φινεες εν ημερα μια αποθανουνται αμφοτεροι
35 και αναστησω εμαυτω ιερεα πιστον ος παντα τα εν τη καρδια μου και τα εν τη ψυχη μου ποιησει και οικοδομησω αυτω οικον πιστον και διελευσεται ενωπιον χριστου μου πασας τας ημερας
36 και εσται ο περισσευων εν οικω σου ηξει προσκυνειν αυτω οβολου αργυριου λεγων παραρριψον με επι μιαν των ιερατειων σου φαγειν αρτον
1 και το παιδαριον Σαμουηλ ην λειτουργων τω κυριω ενωπιον Ηλι του ιερεως και ρημα κυριου ην τιμιον εν ταις ημεραις εκειναις ουκ ην ορασις διαστελλουσα
2 και εγενετο εν τη ημερα εκεινη και Ηλι εκαθευδεν εν τω τοπω αυτου και οι οφθαλμοι αυτου ηρξαντο βαρυνεσθαι και ουκ ηδυνατο βλεπειν
3 και ο λυχνος του θεου πριν επισκευασθηναι και Σαμουηλ εκαθευδεν εν τω ναω ου η κιβωτος του θεου
4 και εκαλεσεν κυριος Σαμουηλ Σαμουηλ και ειπεν ιδου εγω
5 και εδραμεν προς Ηλι και ειπεν ιδου εγω οτι κεκληκας με και ειπεν ου κεκληκα σε αναστρεφε καθευδε και ανεστρεψεν και εκαθευδεν
6 και προσεθετο κυριος και εκαλεσεν Σαμουηλ Σαμουηλ και επορευθη προς Ηλι το δευτερον και ειπεν ιδου εγω οτι κεκληκας με και ειπεν ου κεκληκα σε αναστρεφε καθευδε
7 και Σαμουηλ πριν η γνωναι θεον και αποκαλυφθηναι αυτω ρημα κυριου
8 και προσεθετο κυριος καλεσαι Σαμουηλ εν τριτω και ανεστη και επορευθη προς Ηλι και ειπεν ιδου εγω οτι κεκληκας με και εσοφισατο Ηλι οτι κυριος κεκληκεν το παιδαριον
9 και ειπεν αναστρεφε καθευδε τεκνον και εσται εαν καλεση σε και ερεις λαλει κυριε οτι ακουει ο δουλος σου και επορευθη Σαμουηλ και εκοιμηθη εν τω τοπω αυτου
10 και ηλθεν κυριος και κατεστη και εκαλεσεν αυτον ως απαξ και απαξ και ειπεν Σαμουηλ λαλει οτι ακουει ο δουλος σου
11 και ειπεν κυριος προς Σαμουηλ ιδου εγω ποιω τα ρηματα μου εν Ισραηλ ωστε παντος ακουοντος αυτα ηχησει αμφοτερα τα ωτα αυτου
12 εν τη ημερα εκεινη επεγερω επι Ηλι παντα οσα ελαλησα εις τον οικον αυτου αρξομαι και επιτελεσω
13 και ανηγγελκα αυτω οτι εκδικω εγω τον οικον αυτου εως αιωνος εν αδικιαις υιων αυτου οτι κακολογουντες θεον υιοι αυτου και ουκ ενουθετει αυτους και ουδ ουτως
14 ωμοσα τω οικω Ηλι ει εξιλασθησεται αδικια οικου Ηλι εν θυμιαματι και εν θυσιαις εως αιωνος
15 και κοιμαται Σαμουηλ εως πρωι και ωρθρισεν το πρωι και ηνοιξεν τας θυρας οικου κυριου και Σαμουηλ εφοβηθη απαγγειλαι την ορασιν τω Ηλι
16 και ειπεν Ηλι προς Σαμουηλ Σαμουηλ τεκνον και ειπεν ιδου εγω
17 και ειπεν τι το ρημα το λαληθεν προς σε μη δη κρυψης απ εμου ταδε ποιησαι σοι ο θεος και ταδε προσθειη εαν κρυψης απ εμου ρημα εκ παντων των λογων των λαληθεντων σοι εν τοις ωσιν σου
18 και απηγγειλεν Σαμουηλ παντας τους λογους και ουκ εκρυψεν απ αυτου και ειπεν Ηλι κυριος αυτος το αγαθον ενωπιον αυτου ποιησει
19 και εμεγαλυνθη Σαμουηλ και ην κυριος μετ αυτου και ουκ επεσεν απο παντων των λογων αυτου επι την γην
20 και εγνωσαν πας Ισραηλ απο Δαν και εως Βηρσαβεε οτι πιστος Σαμουηλ εις προφητην τω κυριω
21 και προσεθετο κυριος δηλωθηναι εν Σηλωμ οτι απεκαλυφθη κυριος προς Σαμουηλ και επιστευθη Σαμουηλ προφητης γενεσθαι τω κυριω εις παντα Ισραηλ απ ακρων της γης και εως ακρων και Ηλι πρεσβυτης σφοδρα και οι υιοι αυτου πορευομενοι επορευοντο και πονηρα η οδος αυτων ενωπιον κυριου
1 και εγενηθη εν ταις ημεραις εκειναις και συναθροιζονται αλλοφυλοι εις πολεμον επι Ισραηλ και εξηλθεν Ισραηλ εις απαντησιν αυτοις εις πολεμον και παρεμβαλλουσιν επι Αβενεζερ και οι αλλοφυλοι παρεμβαλλουσιν εν Αφεκ
2 και παρατασσονται οι αλλοφυλοι εις πολεμον επι Ισραηλ και εκλινεν ο πολεμος και επταισεν ανηρ Ισραηλ ενωπιον αλλοφυλων και επληγησαν εν τη παραταξει εν αγρω τεσσαρες χιλιαδες ανδρων
3 και ηλθεν ο λαος εις την παρεμβολην και ειπαν οι πρεσβυτεροι Ισραηλ κατα τι επταισεν ημας κυριος σημερον ενωπιον αλλοφυλων λαβωμεν την κιβωτον του θεου ημων εκ Σηλωμ και εξελθετω εν μεσω ημων και σωσει ημας εκ χειρος εχθρων ημων
4 και απεστειλεν ο λαος εις Σηλωμ και αιρουσιν εκειθεν την κιβωτον κυριου καθημενου χερουβιμ και αμφοτεροι οι υιοι Ηλι μετα της κιβωτου Οφνι και Φινεες
5 και εγενηθη ως ηλθεν κιβωτος κυριου εις την παρεμβολην και ανεκραξεν πας Ισραηλ φωνη μεγαλη και ηχησεν η γη
6 και ηκουσαν οι αλλοφυλοι της κραυγης και ειπον οι αλλοφυλοι τις η κραυγη η μεγαλη αυτη εν παρεμβολη των Εβραιων και εγνωσαν οτι κιβωτος κυριου ηκει εις την παρεμβολην
7 και εφοβηθησαν οι αλλοφυλοι και ειπον ουτοι οι θεοι ηκασιν προς αυτους εις την παρεμβολην ουαι ημιν εξελου ημας κυριε σημερον οτι ου γεγονεν τοιαυτη εχθες και τριτην
8 ουαι ημιν τις εξελειται ημας εκ χειρος των θεων των στερεων τουτων ουτοι οι θεοι οι παταξαντες την Αιγυπτον εν παση πληγη και εν τη ερημω
9 κραταιουσθε και γινεσθε εις ανδρας αλλοφυλοι μηποτε δουλευσητε τοις Εβραιοις καθως εδουλευσαν ημιν και εσεσθε εις ανδρας και πολεμησατε αυτους
10 και επολεμησαν αυτους και πταιει ανηρ Ισραηλ και εφυγεν εκαστος εις σκηνωμα αυτου και εγενετο πληγη μεγαλη σφοδρα και επεσαν εξ Ισραηλ τριακοντα χιλιαδες ταγματων
11 και κιβωτος θεου ελημφθη και αμφοτεροι υιοι Ηλι απεθανον Οφνι και Φινεες
12 και εδραμεν ανηρ Ιεμιναιος εκ της παραταξεως και ηλθεν εις Σηλωμ εν τη ημερα εκεινη και τα ιματια αυτου διερρηγοτα και γη επι της κεφαλης αυτου
13 και ηλθεν και ιδου Ηλι εκαθητο επι του διφρου παρα την πυλην σκοπευων την οδον οτι ην η καρδια αυτου εξεστηκυια περι της κιβωτου του θεου και ο ανθρωπος εισηλθεν εις την πολιν απαγγειλαι και ανεβοησεν η πολις
14 και ηκουσεν Ηλι την φωνην της βοης και ειπεν τις η βοη της φωνης ταυτης και ο ανθρωπος σπευσας εισηλθεν και απηγγειλεν τω Ηλι
15 και Ηλι υιος ενενηκοντα ετων και οι οφθαλμοι αυτου επανεστησαν και ουκ εβλεπεν και ειπεν Ηλι τοις ανδρασιν τοις περιεστηκοσιν αυτω τις η φωνη του ηχους τουτου
16 και ο ανηρ σπευσας προσηλθεν προς Ηλι και ειπεν αυτω εγω ειμι ο ηκων εκ της παρεμβολης καγω πεφευγα εκ της παραταξεως σημερον και ειπεν τι το γεγονος ρημα τεκνον
17 και απεκριθη το παιδαριον και ειπεν πεφευγεν ανηρ Ισραηλ εκ προσωπου αλλοφυλων και εγενετο πληγη μεγαλη εν τω λαω και αμφοτεροι οι υιοι σου τεθνηκασιν και η κιβωτος του θεου ελημφθη
18 και εγενετο ως εμνησθη της κιβωτου του θεου και επεσεν απο του διφρου οπισθιως εχομενος της πυλης και συνετριβη ο νωτος αυτου και απεθανεν οτι πρεσβυτης ο ανθρωπος και βαρυς και αυτος εκρινεν τον Ισραηλ εικοσι ετη
19 και νυμφη αυτου γυνη Φινεες συνειληφυια του τεκειν και ηκουσεν την αγγελιαν οτι ελημφθη η κιβωτος του θεου και οτι τεθνηκεν ο πενθερος αυτης και ο ανηρ αυτης και ωκλασεν και ετεκεν οτι επεστραφησαν επ αυτην ωδινες αυτης
20 και εν τω καιρω αυτης αποθνησκει και ειπον αυτη αι γυναικες αι παρεστηκυιαι αυτη μη φοβου οτι υιον τετοκας και ουκ απεκριθη και ουκ ενοησεν η καρδια αυτης
21 και εκαλεσεν το παιδαριον Ουαι βαρχαβωθ υπερ της κιβωτου του θεου και υπερ του πενθερου αυτης και υπερ του ανδρος αυτης
22 και ειπαν απωκισται δοξα Ισραηλ εν τω λημφθηναι την κιβωτον κυριου
1 και αλλοφυλοι ελαβον την κιβωτον του θεου και εισηνεγκαν αυτην εξ Αβεννεζερ εις Αζωτον
2 και ελαβον αλλοφυλοι την κιβωτον κυριου και εισηνεγκαν αυτην εις οικον Δαγων και παρεστησαν αυτην παρα Δαγων
3 και ωρθρισαν οι Αζωτιοι και εισηλθον εις οικον Δαγων και ειδον και ιδου Δαγων πεπτωκως επι προσωπον αυτου ενωπιον κιβωτου του θεου και ηγειραν τον Δαγων και κατεστησαν εις τον τοπον αυτου και εβαρυνθη χειρ κυριου επι τους Αζωτιους και εβασανισεν αυτους και επαταξεν αυτους εις τας εδρας αυτων την Αζωτον και τα ορια αυτης
4 και εγενετο οτε ωρθρισαν το πρωι και ιδου Δαγων πεπτωκως επι προσωπον αυτου ενωπιον κιβωτου διαθηκης κυριου και η κεφαλη Δαγων και αμφοτερα τα ιχνη χειρων αυτου αφηρημενα επι τα εμπροσθια αμαφεθ εκαστον και αμφοτεροι οι καρποι των χειρων αυτου πεπτωκοτες επι το προθυρον πλην η ραχις Δαγων υπελειφθη
5 δια τουτο ουκ επιβαινουσιν οι ιερεις Δαγων και πας ο εισπορευομενος εις οικον Δαγων επι βαθμον οικου Δαγων εν Αζωτω εως της ημερας ταυτης οτι υπερβαινοντες υπερβαινουσιν
6 και εβαρυνθη χειρ κυριου επι Αζωτον και επηγαγεν αυτοις και εξεζεσεν αυτοις εις τας ναυς και μεσον της χωρας αυτης ανεφυησαν μυες και εγενετο συγχυσις θανατου μεγαλη εν τη πολει
7 και ειδον οι ανδρες Αζωτου οτι ουτως και λεγουσιν οτι ου καθησεται κιβωτος του θεου Ισραηλ μεθ ημων οτι σκληρα χειρ αυτου εφ ημας και επι Δαγων θεον ημων
8 και αποστελλουσιν και συναγουσιν τους σατραπας των αλλοφυλων προς αυτους και λεγουσιν τι ποιησωμεν κιβωτω θεου Ισραηλ και λεγουσιν οι Γεθθαιοι μετελθετω κιβωτος του θεου προς ημας και μετηλθεν κιβωτος του θεου εις Γεθθα
9 και εγενηθη μετα το μετελθειν αυτην και γινεται χειρ κυριου εν τη πολει ταραχος μεγας σφοδρα και επαταξεν τους ανδρας της πολεως απο μικρου εως μεγαλου και επαταξεν αυτους εις τας εδρας αυτων και εποιησαν εαυτοις οι Γεθθαιοι εδρας
10 και εξαποστελλουσιν την κιβωτον του θεου εις Ασκαλωνα και εγενηθη ως εισηλθεν κιβωτος θεου εις Ασκαλωνα και εβοησαν οι Ασκαλωνιται λεγοντες τι απεστρεψατε προς ημας την κιβωτον του θεου Ισραηλ θανατωσαι ημας και τον λαον ημων
11 και εξαποστελλουσιν και συναγουσιν τους σατραπας των αλλοφυλων και ειπον εξαποστειλατε την κιβωτον του θεου Ισραηλ και καθισατω εις τον τοπον αυτης και ου μη θανατωση ημας και τον λαον ημων οτι εγενηθη συγχυσις θανατου εν ολη τη πολει βαρεια σφοδρα ως εισηλθεν κιβωτος θεου Ισραηλ εκει
12 και οι ζωντες και ουκ αποθανοντες επληγησαν εις τας εδρας και ανεβη η κραυγη της πολεως εις τον ουρανον
1 και ην η κιβωτος εν αγρω των αλλοφυλων επτα μηνας και εξεζεσεν η γη αυτων μυας
2 και καλουσιν αλλοφυλοι τους ιερεις και τους μαντεις και τους επαοιδους αυτων λεγοντες τι ποιησωμεν τη κιβωτω κυριου γνωρισατε ημιν εν τινι αποστελουμεν αυτην εις τον τοπον αυτης
3 και ειπαν ει εξαπεστελλετε υμεις την κιβωτον διαθηκης κυριου θεου Ισραηλ μη δη εξαποστειλητε αυτην κενην αλλα αποδιδοντες αποδοτε αυτη της βασανου και τοτε ιαθησεσθε και εξιλασθησεται υμιν μη ουκ αποστη η χειρ αυτου αφ υμων
4 και λεγουσιν τι το της βασανου αποδωσομεν αυτη και ειπαν κατ αριθμον των σατραπων των αλλοφυλων πεντε εδρας χρυσας οτι πταισμα εν υμιν και τοις αρχουσιν υμων και τω λαω
5 και μυς χρυσους ομοιωμα των μυων υμων των διαφθειροντων την γην και δωσετε τω κυριω δοξαν οπως κουφιση την χειρα αυτου αφ υμων και απο των θεων υμων και απο της γης υμων
6 και ινα τι βαρυνετε τας καρδιας υμων ως εβαρυνεν Αιγυπτος και Φαραω την καρδιαν αυτων ουχι οτε ενεπαιξεν αυτοις εξαπεστειλαν αυτους και απηλθον
7 και νυν λαβετε και ποιησατε αμαξαν καινην και δυο βοας πρωτοτοκουσας ανευ των τεκνων και ζευξατε τας βοας εν τη αμαξη και απαγαγετε τα τεκνα απο οπισθεν αυτων εις οικον
8 και λημψεσθε την κιβωτον και θησετε αυτην επι την αμαξαν και τα σκευη τα χρυσα αποδωσετε αυτη της βασανου και θησετε εν θεματι βερσεχθαν εκ μερους αυτης και εξαποστελειτε αυτην και απελασατε αυτην και απελευσεται
9 και οψεσθε ει εις οδον οριων αυτης πορευσεται κατα Βαιθσαμυς αυτος πεποιηκεν ημιν την κακιαν ταυτην την μεγαλην και εαν μη και γνωσομεθα οτι ου χειρ αυτου ηπται ημων αλλα συμπτωμα τουτο γεγονεν ημιν
10 και εποιησαν οι αλλοφυλοι ουτως και ελαβον δυο βοας πρωτοτοκουσας και εζευξαν αυτας εν τη αμαξη και τα τεκνα αυτων απεκωλυσαν εις οικον
11 και εθεντο την κιβωτον επι την αμαξαν και το θεμα εργαβ και τους μυς τους χρυσους
12 και κατευθυναν αι βοες εν τη οδω εις οδον Βαιθσαμυς εν τριβω ενι επορευοντο και εκοπιων και ου μεθισταντο δεξια ουδε αριστερα και οι σατραπαι των αλλοφυλων επορευοντο οπισω αυτης εως οριων Βαιθσαμυς
13 και οι εν Βαιθσαμυς εθεριζον θερισμον πυρων εν κοιλαδι και ηραν οφθαλμους αυτων και ειδον κιβωτον κυριου και ηυφρανθησαν εις απαντησιν αυτης
14 και η αμαξα εισηλθεν εις αγρον Ωσηε τον εν Βαιθσαμυς και εστησαν εκει παρ αυτη λιθον μεγαν και σχιζουσιν τα ξυλα της αμαξης και τας βοας ανηνεγκαν εις ολοκαυτωσιν τω κυριω
15 και οι Λευιται ανηνεγκαν την κιβωτον του κυριου και το θεμα εργαβ μετ αυτης και τα επ αυτης σκευη τα χρυσα και εθεντο επι του λιθου του μεγαλου και οι ανδρες Βαιθσαμυς ανηνεγκαν ολοκαυτωσεις και θυσιας εν τη ημερα εκεινη τω κυριω
16 και οι πεντε σατραπαι των αλλοφυλων εωρων και ανεστρεψαν εις Ασκαλωνα τη ημερα εκεινη
17 και αυται αι εδραι αι χρυσαι ας απεδωκαν οι αλλοφυλοι της βασανου τω κυριω της Αζωτου μιαν της Γαζης μιαν της Ασκαλωνος μιαν της Γεθ μιαν της Ακκαρων μιαν
18 και μυς οι χρυσοι κατ αριθμον πασων πολεων των αλλοφυλων των πεντε σατραπων εκ πολεως εστερεωμενης και εως κωμης του Φερεζαιου και εως λιθου του μεγαλου ου επεθηκαν επ αυτου την κιβωτον διαθηκης κυριου του εν αγρω Ωσηε του Βαιθσαμυσιτου
19 και ουκ ησμενισαν οι υιοι Ιεχονιου εν τοις ανδρασιν Βαιθσαμυς οτι ειδαν κιβωτον κυριου και επαταξεν εν αυτοις εβδομηκοντα ανδρας και πεντηκοντα χιλιαδας ανδρων και επενθησεν ο λαος οτι επαταξεν κυριος εν τω λαω πληγην μεγαλην σφοδρα
20 και ειπαν οι ανδρες οι εκ Βαιθσαμυς τις δυνησεται διελθειν ενωπιον κυριου του αγιου τουτου και προς τινα αναβησεται κιβωτος κυριου αφ ημων
21 και αποστελλουσιν αγγελους προς τους κατοικουντας Καριαθιαριμ λεγοντες απεστροφασιν αλλοφυλοι την κιβωτον κυριου καταβητε και αναγαγετε αυτην προς εαυτους
1 και ερχονται οι ανδρες Καριαθιαριμ και αναγουσιν την κιβωτον διαθηκης κυριου και εισαγουσιν αυτην εις οικον Αμιναδαβ τον εν τω βουνω και τον Ελεαζαρ υιον αυτου ηγιασαν φυλασσειν την κιβωτον διαθηκης κυριου
2 και εγενηθη αφ ης ημερας ην η κιβωτος εν Καριαθιαριμ επληθυναν αι ημεραι και εγενοντο εικοσι ετη και επεβλεψεν πας οικος Ισραηλ οπισω κυριου
3 και ειπεν Σαμουηλ προς παντα οικον Ισραηλ λεγων ει εν ολη καρδια υμων υμεις επιστρεφετε προς κυριον περιελετε τους θεους τους αλλοτριους εκ μεσου υμων και τα αλση και ετοιμασατε τας καρδιας υμων προς κυριον και δουλευσατε αυτω μονω και εξελειται υμας εκ χειρος αλλοφυλων
4 και περιειλον οι υιοι Ισραηλ τας Βααλιμ και τα αλση Ασταρωθ και εδουλευσαν κυριω μονω
5 και ειπεν Σαμουηλ αθροισατε παντα Ισραηλ εις Μασσηφαθ και προσευξομαι περι υμων προς κυριον
6 και συνηχθησαν εις Μασσηφαθ και υδρευονται υδωρ και εξεχεαν ενωπιον κυριου επι την γην και ενηστευσαν εν τη ημερα εκεινη και ειπαν ημαρτηκαμεν ενωπιον κυριου και εδικαζεν Σαμουηλ τους υιους Ισραηλ εις Μασσηφαθ
7 και ηκουσαν οι αλλοφυλοι οτι συνηθροισθησαν παντες οι υιοι Ισραηλ εις Μασσηφαθ και ανεβησαν σατραπαι αλλοφυλων επι Ισραηλ και ακουουσιν οι υιοι Ισραηλ και εφοβηθησαν απο προσωπου αλλοφυλων
8 και ειπαν οι υιοι Ισραηλ προς Σαμουηλ μη παρασιωπησης αφ ημων του μη βοαν προς κυριον θεον σου και σωσει ημας εκ χειρος αλλοφυλων
9 και ελαβεν Σαμουηλ αρνα γαλαθηνον ενα και ανηνεγκεν αυτον ολοκαυτωσιν συν παντι τω λαω τω κυριω και εβοησεν Σαμουηλ προς κυριον περι Ισραηλ και επηκουσεν αυτου κυριος
10 και ην Σαμουηλ αναφερων την ολοκαυτωσιν και αλλοφυλοι προσηγον εις πολεμον επι Ισραηλ και εβροντησεν κυριος εν φωνη μεγαλη εν τη ημερα εκεινη επι τους αλλοφυλους και συνεχυθησαν και επταισαν ενωπιον Ισραηλ
11 και εξηλθαν ανδρες Ισραηλ εκ Μασσηφαθ και κατεδιωξαν τους αλλοφυλους και επαταξαν αυτους εως υποκατω του Βαιθχορ
12 και ελαβεν Σαμουηλ λιθον ενα και εστησεν αυτον ανα μεσον Μασσηφαθ και ανα μεσον της παλαιας και εκαλεσεν το ονομα αυτου Αβενεζερ λιθος του βοηθου και ειπεν εως ενταυθα εβοηθησεν ημιν κυριος
13 και εταπεινωσεν κυριος τους αλλοφυλους και ου προσεθεντο ετι προσελθειν εις οριον Ισραηλ και εγενηθη χειρ κυριου επι τους αλλοφυλους πασας τας ημερας του Σαμουηλ
14 και απεδοθησαν αι πολεις ας ελαβον οι αλλοφυλοι παρα των υιων Ισραηλ και απεδωκαν αυτας τω Ισραηλ απο Ασκαλωνος εως Αζοβ και το οριον Ισραηλ αφειλαντο εκ χειρος αλλοφυλων και ην ειρηνη ανα μεσον Ισραηλ και ανα μεσον του Αμορραιου
15 και εδικαζεν Σαμουηλ τον Ισραηλ πασας τας ημερας της ζωης αυτου
16 και επορευετο κατ ενιαυτον ενιαυτον και εκυκλου Βαιθηλ και την Γαλγαλα και την Μασσηφαθ και εδικαζεν τον Ισραηλ εν πασι τοις ηγιασμενοις τουτοις
17 η δε αποστροφη αυτου εις Αρμαθαιμ οτι εκει ην ο οικος αυτου και εδικαζεν εκει τον Ισραηλ και ωκοδομησεν εκει θυσιαστηριον τω κυριω
1 και εγενετο ως εγηρασεν Σαμουηλ και κατεστησεν τους υιους αυτου δικαστας τω Ισραηλ
2 και ταυτα τα ονοματα των υιων αυτου πρωτοτοκος Ιωηλ και ονομα του δευτερου Αβια δικασται εν Βηρσαβεε
3 και ουκ επορευθησαν οι υιοι αυτου εν οδω αυτου και εξεκλιναν οπισω της συντελειας και ελαμβανον δωρα και εξεκλινον δικαιωματα
4 και συναθροιζονται ανδρες Ισραηλ και παραγινονται εις Αρμαθαιμ προς Σαμουηλ
5 και ειπαν αυτω ιδου συ γεγηρακας και οι υιοι σου ου πορευονται &#