Septuaginta

1 Makkabæerbog / Makkabaiôn A / Μακκαβαιων Α

Om oversættelsen: Septuaginta er den græske tradition — den som Helligånden foretrækker.

Teksten er i græske bogstaver med Unicode. Hvis man foretrækker danske bogstaver, anbefales parallelsiden: Første Makkabæerbog.

Om bogen: Septuaginta indholder en række bøger og tekster, som ikke er med i den jødiske masoretiske teksttradition. Disse bøger accepteres af katolikker, mens protestanter regner dem for apokryfe.

Kapitler: 1 2 3 4 5 6 7 8 9 10 11 12 13 14 15 16

Kapitel 1

1 και εγενετο μετα το παταξαι Αλεξανδρον τον Φιλιππου Μακεδονα ος εξηλθεν εκ γης Χεττιιμ και επαταξεν τον Δαρειον βασιλεα Περσων και Μηδων και εβασιλευσεν αντ αυτου προτερον επι την Ελλαδα
2 και συνεστησατο πολεμους πολλους και εκρατησεν οχυρωματων και εσφαξεν βασιλεις της γης
3 και διηλθεν εως ακρων της γης και ελαβεν σκυλα πληθους εθνων και ησυχασεν η γη ενωπιον αυτου και υψωθη και επηρθη η καρδια αυτου
4 και συνηξεν δυναμιν ισχυραν σφοδρα και ηρξεν χωρων εθνων και τυραννων και εγενοντο αυτω εις φορον
5 και μετα ταυτα επεσεν επι την κοιτην και εγνω οτι αποθνησκει
6 και εκαλεσεν τους παιδας αυτου τους ενδοξους τους συνεκτροφους αυτου εκ νεοτητος και διειλεν αυτοις την βασιλειαν αυτου ετι αυτου ζωντος
7 και εβασιλευσεν Αλεξανδρος ετη δωδεκα και απεθανεν
8 και επεκρατησαν οι παιδες αυτου εκαστος εν τω τοπω αυτου
9 και επεθεντο παντες διαδηματα μετα το αποθανειν αυτον και οι υιοι αυτων οπισω αυτων ετη πολλα και επληθυναν κακα εν τη γη
10 και εξηλθεν εξ αυτων ριζα αμαρτωλος Αντιοχος Επιφανης υιος Αντιοχου του βασιλεως ος ην ομηρα εν Ρωμη και εβασιλευσεν εν ετει εκατοστω και τριακοστω και εβδομω βασιλειας Ελληνων
11 εν ταις ημεραις εκειναις εξηλθον εξ Ισραηλ υιοι παρανομοι και ανεπεισαν πολλους λεγοντες πορευθωμεν και διαθωμεθα διαθηκην μετα των εθνων των κυκλω ημων οτι αφ ης εχωρισθημεν απ αυτων ευρεν ημας κακα πολλα
12 και ηγαθυνθη ο λογος εν οφθαλμοις αυτων
13 και προεθυμηθησαν τινες απο του λαου και επορευθησαν προς τον βασιλεα και εδωκεν αυτοις εξουσιαν ποιησαι τα δικαιωματα των εθνων
14 και ωκοδομησαν γυμνασιον εν Ιεροσολυμοις κατα τα νομιμα των εθνων
15 και εποιησαν εαυτοις ακροβυστιας και απεστησαν απο διαθηκης αγιας και εζευγισθησαν τοις εθνεσιν και επραθησαν του ποιησαι το πονηρον
16 και ητοιμασθη η βασιλεια ενωπιον Αντιοχου και υπελαβεν βασιλευσαι γης Αιγυπτου οπως βασιλευση επι τας δυο βασιλειας
17 και εισηλθεν εις Αιγυπτον εν οχλω βαρει εν αρμασιν και ελεφασιν και εν ιππευσιν και εν στολω μεγαλω
18 και συνεστησατο πολεμον προς Πτολεμαιον βασιλεα Αιγυπτου και ενετραπη Πτολεμαιος απο προσωπου αυτου και εφυγεν και επεσον τραυματιαι πολλοι
19 και κατελαβοντο τας πολεις τας οχυρας εν γη Αιγυπτω και ελαβεν τα σκυλα γης Αιγυπτου
20 και επεστρεψεν Αντιοχος μετα το παταξαι Αιγυπτον εν τω εκατοστω και τεσσαρακοστω και τριτω ετει και ανεβη επι Ισραηλ και ανεβη εις Ιεροσολυμα εν οχλω βαρει
21 και εισηλθεν εις το αγιασμα εν υπερηφανια και ελαβεν το θυσιαστηριον το χρυσουν και την λυχνιαν του φωτος και παντα τα σκευη αυτης
22 και την τραπεζαν της προθεσεως και τα σπονδεια και τας φιαλας και τας θυισκας τας χρυσας και το καταπετασμα και τους στεφανους και τον κοσμον τον χρυσουν τον κατα προσωπον του ναου και ελεπισεν παντα
23 και ελαβεν το αργυριον και το χρυσιον και τα σκευη τα επιθυμητα και ελαβεν τους θησαυρους τους αποκρυφους ους ευρεν
24 και λαβων παντα απηλθεν εις την γην αυτου και εποιησεν φονοκτονιαν και ελαλησεν υπερηφανιαν μεγαλην
25 και εγενετο πενθος μεγα επι Ισραηλ εν παντι τοπω αυτων
26 και εστεναξαν αρχοντες και πρεσβυτεροι παρθενοι και νεανισκοι ησθενησαν και το καλλος των γυναικων ηλλοιωθη
27 πας νυμφιος ανελαβεν θρηνον και καθημενη εν παστω επενθει
28 και εσεισθη η γη επι τους κατοικουντας αυτην και πας ο οικος Ιακωβ ενεδυσατο αισχυνην
29 μετα δυο ετη ημερων απεστειλεν ο βασιλευς αρχοντα φορολογιας εις τας πολεις Ιουδα και ηλθεν εις Ιερουσαλημ εν οχλω βαρει
30 και ελαλησεν αυτοις λογους ειρηνικους εν δολω και ενεπιστευσαν αυτω και επεπεσεν επι την πολιν εξαπινα και επαταξεν αυτην πληγην μεγαλην και απωλεσεν λαον πολυν εξ Ισραηλ
31 και ελαβεν τα σκυλα της πολεως και ενεπρησεν αυτην πυρι και καθειλεν τους οικους αυτης και τα τειχη κυκλω
32 και ηχμαλωτισαν τας γυναικας και τα τεκνα και τα κτηνη εκληρονομησαν
33 και ωκοδομησαν την πολιν Δαυιδ τειχει μεγαλω και οχυρω πυργοις οχυροις και εγενετο αυτοις εις ακραν
34 και εθηκαν εκει εθνος αμαρτωλον ανδρας παρανομους και ενισχυσαν εν αυτη
35 και παρεθεντο οπλα και τροφην και συναγαγοντες τα σκυλα Ιερουσαλημ απεθεντο εκει και εγενοντο εις μεγαλην παγιδα
36 και εγενετο εις ενεδρον τω αγιασματι και εις διαβολον πονηρον τω Ισραηλ δια παντος
37 και εξεχεαν αιμα αθωον κυκλω του αγιασματος και εμολυναν το αγιασμα
38 και εφυγον οι κατοικοι Ιερουσαλημ δι αυτους και εγενετο κατοικια αλλοτριων και εγενετο αλλοτρια τοις γενημασιν αυτης και τα τεκνα αυτης εγκατελιπον αυτην
39 το αγιασμα αυτης ηρημωθη ως ερημος αι εορται αυτης εστραφησαν εις πενθος τα σαββατα αυτης εις ονειδισμον η τιμη αυτης εις εξουδενωσιν
40 κατα την δοξαν αυτης επληθυνθη η ατιμια αυτης και το υψος αυτης εστραφη εις πενθος
41 και εγραψεν ο βασιλευς παση τη βασιλεια αυτου ειναι παντας εις λαον ενα
42 και εγκαταλιπειν εκαστον τα νομιμα αυτου και επεδεξαντο παντα τα εθνη κατα τον λογον του βασιλεως
43 και πολλοι απο Ισραηλ ευδοκησαν τη λατρεια αυτου και εθυσαν τοις ειδωλοις και εβεβηλωσαν το σαββατον
44 και απεστειλεν ο βασιλευς βιβλια εν χειρι αγγελων εις Ιερουσαλημ και τας πολεις Ιουδα πορευθηναι οπισω νομιμων αλλοτριων της γης
45 και κωλυσαι ολοκαυτωματα και θυσιαν και σπονδην εκ του αγιασματος και βεβηλωσαι σαββατα και εορτας
46 και μιαναι αγιασμα και αγιους
47 οικοδομησαι βωμους και τεμενη και ειδωλια και θυειν υεια και κτηνη κοινα
48 και αφιεναι τους υιους αυτων απεριτμητους βδελυξαι τας ψυχας αυτων εν παντι ακαθαρτω και βεβηλωσει
49 ωστε επιλαθεσθαι του νομου και αλλαξαι παντα τα δικαιωματα
50 και ος αν μη ποιηση κατα τον λογον του βασιλεως αποθανειται
51 κατα παντας τους λογους τουτους εγραψεν παση τη βασιλεια αυτου και εποιησεν επισκοπους επι παντα τον λαον και ενετειλατο ταις πολεσιν Ιουδα θυσιαζειν κατα πολιν και πολιν
52 και συνηθροισθησαν απο του λαου πολλοι προς αυτους πας ο εγκαταλειπων τον νομον και εποιησαν κακα εν τη γη
53 και εθεντο τον Ισραηλ εν κρυφοις εν παντι φυγαδευτηριω αυτων
54 και τη πεντεκαιδεκατη ημερα Χασελευ τω πεμπτω και τεσσαρακοστω και εκατοστω ετει ωκοδομησεν βδελυγμα ερημωσεως επι το θυσιαστηριον και εν πολεσιν Ιουδα κυκλω ωκοδομησαν βωμους
55 και επι των θυρων των οικιων και εν ταις πλατειαις εθυμιων
56 και τα βιβλια του νομου α ευρον ενεπυρισαν εν πυρι κατασχισαντες
57 και οπου ευρισκετο παρα τινι βιβλιον διαθηκης και ει τις συνευδοκει τω νομω το συγκριμα του βασιλεως εθανατου αυτον
58 εν ισχυι αυτων εποιουν τω Ισραηλ τοις ευρισκομενοις εν παντι μηνι και μηνι εν ταις πολεσιν
59 και τη πεμπτη και εικαδι του μηνος θυσιαζοντες επι τον βωμον ος ην επι του θυσιαστηριου
60 και τας γυναικας τας περιτετμηκυιας τα τεκνα αυτων εθανατωσαν κατα το προσταγμα
61 και εκρεμασαν τα βρεφη εκ των τραχηλων αυτων και τους οικους αυτων και τους περιτετμηκοτας αυτους
62 και πολλοι εν Ισραηλ εκραταιωθησαν και ωχυρωθησαν εν αυτοις του μη φαγειν κοινα
63 και επεδεξαντο αποθανειν ινα μη μιανθωσιν τοις βρωμασιν και μη βεβηλωσωσιν διαθηκην αγιαν και απεθανον
64 και εγενετο οργη μεγαλη επι Ισραηλ σφοδρα

Kapitel 2

1 εν ταις ημεραις εκειναις ανεστη Ματταθιας υιος Ιωαννου του Συμεων ιερευς των υιων Ιωαριβ απο Ιερουσαλημ και εκαθισεν εν Μωδειν
2 και αυτω υιοι πεντε Ιωαννης ο επικαλουμενος Γαδδι
3 Σιμων ο καλουμενος Θασσι
4 Ιουδας ο καλουμενος Μακκαβαιος
5 Ελεαζαρ ο καλουμενος Αυαραν Ιωναθης ο καλουμενος Απφους
6 και ειδεν τας βλασφημιας τας γινομενας εν Ιουδα και εν Ιερουσαλημ
7 και ειπεν οιμμοι ινα τι τουτο εγεννηθην ιδειν το συντριμμα του λαου μου και το συντριμμα της αγιας πολεως και καθισαι εκει εν τω δοθηναι αυτην εν χειρι εχθρων το αγιασμα εν χειρι αλλοτριων
8 εγενετο ο ναος αυτης ως ανηρ αδοξος
9 τα σκευη της δοξης αυτης αιχμαλωτα απηχθη απεκτανθη τα νηπια αυτης εν ταις πλατειαις αυτης οι νεανισκοι αυτης εν ρομφαια εχθρου
10 ποιον εθνος ουκ εκληρονομησεν βασιλεια και ουκ εκρατησεν των σκυλων αυτης
11 πας ο κοσμος αυτης αφηρεθη αντι ελευθερας εγενετο εις δουλην
12 και ιδου τα αγια ημων και η καλλονη ημων και η δοξα ημων ηρημωθη και εβεβηλωσαν αυτα τα εθνη
13 ινα τι ημιν ετι ζωη
14 και διερρηξεν Ματταθιας και οι υιοι αυτου τα ιματια αυτων και περιεβαλοντο σακκους και επενθησαν σφοδρα
15 και ηλθον οι παρα του βασιλεως οι καταναγκαζοντες την αποστασιαν εις Μωδειν την πολιν ινα θυσιασωσιν
16 και πολλοι απο Ισραηλ προς αυτους προσηλθον και Ματταθιας και οι υιοι αυτου συνηχθησαν
17 και απεκριθησαν οι παρα του βασιλεως και ειπον τω Ματταθια λεγοντες αρχων και ενδοξος και μεγας ει εν τη πολει ταυτη και εστηρισμενος υιοις και αδελφοις
18 νυν προσελθε πρωτος και ποιησον το προσταγμα του βασιλεως ως εποιησαν παντα τα εθνη και οι ανδρες Ιουδα και οι καταλειφθεντες εν Ιερουσαλημ και εση συ και οι υιοι σου των φιλων του βασιλεως και συ και οι υιοι σου δοξασθησεσθε αργυριω και χρυσιω και αποστολαις πολλαις
19 και απεκριθη Ματταθιας και ειπεν φωνη μεγαλη ει παντα τα εθνη τα εν οικω της βασιλειας του βασιλεως ακουουσιν αυτου αποστηναι εκαστος απο λατρειας πατερων αυτου και ηρετισαντο εν ταις εντολαις αυτου
20 καγω και οι υιοι μου και οι αδελφοι μου πορευσομεθα εν διαθηκη πατερων ημων
21 ιλεως ημιν καταλιπειν νομον και δικαιωματα
22 των λογων του βασιλεως ουκ ακουσομεθα παρελθειν την λατρειαν ημων δεξιαν η αριστεραν
23 και ως επαυσατο λαλων τους λογους τουτους προσηλθεν ανηρ Ιουδαιος εν οφθαλμοις παντων θυσιασαι επι του βωμου εν Μωδειν κατα το προσταγμα του βασιλεως
24 και ειδεν Ματταθιας και εζηλωσεν και ετρομησαν οι νεφροι αυτου και ανηνεγκεν θυμον κατα το κριμα και δραμων εσφαξεν αυτον επι τον βωμον
25 και τον ανδρα του βασιλεως τον αναγκαζοντα θυειν απεκτεινεν εν τω καιρω εκεινω και τον βωμον καθειλεν
26 και εζηλωσεν τω νομω καθως εποιησεν Φινεες τω Ζαμβρι υιω Σαλωμ
27 και ανεκραξεν Ματταθιας εν τη πολει φωνη μεγαλη λεγων πας ο ζηλων τω νομω και ιστων διαθηκην εξελθετω οπισω μου
28 και εφυγεν αυτος και οι υιοι αυτου εις τα ορη και εγκατελιπον οσα ειχον εν τη πολει
29 τοτε κατεβησαν πολλοι ζητουντες δικαιοσυνην και κριμα εις την ερημον καθισαι εκει
30 αυτοι και οι υιοι αυτων και αι γυναικες αυτων και τα κτηνη αυτων οτι εσκληρυνθη επ αυτους τα κακα
31 και ανηγγελη τοις ανδρασιν του βασιλεως και ταις δυναμεσιν αι ησαν εν Ιερουσαλημ πολει Δαυιδ οτι κατεβησαν ανδρες οιτινες διεσκεδασαν την εντολην του βασιλεως εις τους κρυφους εν τη ερημω
32 και εδραμον οπισω αυτων πολλοι και κατελαβοντο αυτους και παρενεβαλον επ αυτους και συνεστησαντο προς αυτους πολεμον εν τη ημερα των σαββατων
33 και ειπον προς αυτους εως του νυν εξελθοντες ποιησατε κατα τον λογον του βασιλεως και ζησεσθε
34 και ειπον ουκ εξελευσομεθα ουδε ποιησομεν τον λογον του βασιλεως βεβηλωσαι την ημεραν των σαββατων
35 και εταχυναν επ αυτους πολεμον
36 και ουκ απεκριθησαν αυτοις ουδε λιθον ενετιναξαν αυτοις ουδε ενεφραξαν τους κρυφους
37 λεγοντες αποθανωμεν παντες εν τη απλοτητι ημων μαρτυρει εφ ημας ο ουρανος και η γη οτι ακριτως απολλυτε ημας
38 και ανεστησαν επ αυτους εν πολεμω τοις σαββασιν και απεθανον αυτοι και αι γυναικες αυτων και τα τεκνα αυτων και τα κτηνη αυτων εως χιλιων ψυχων ανθρωπων
39 και εγνω Ματταθιας και οι φιλοι αυτου και επενθησαν επ αυτους σφοδρα
40 και ειπεν ανηρ τω πλησιον αυτου εαν παντες ποιησωμεν ως οι αδελφοι ημων εποιησαν και μη πολεμησωμεν προς τα εθνη υπερ της ψυχης ημων και των δικαιωματων ημων νυν ταχιον ολεθρευσουσιν ημας απο της γης
41 και εβουλευσαντο τη ημερα εκεινη λεγοντες πας ανθρωπος ος εαν ελθη εφ ημας εις πολεμον τη ημερα των σαββατων πολεμησωμεν κατεναντι αυτου και ου μη αποθανωμεν παντες καθως απεθανον οι αδελφοι ημων εν τοις κρυφοις
42 τοτε συνηχθησαν προς αυτους συναγωγη Ασιδαιων ισχυροι δυναμει απο Ισραηλ πας ο εκουσιαζομενος τω νομω
43 και παντες οι φυγαδευοντες απο των κακων προσετεθησαν αυτοις και εγενοντο αυτοις εις στηριγμα
44 και συνεστησαντο δυναμιν και επαταξαν αμαρτωλους εν οργη αυτων και ανδρας ανομους εν θυμω αυτων και οι λοιποι εφυγον εις τα εθνη σωθηναι
45 και εκυκλωσεν Ματταθιας και οι φιλοι αυτου και καθειλον τους βωμους
46 και περιετεμον τα παιδαρια τα απεριτμητα οσα ευρον εν οριοις Ισραηλ εν ισχυι
47 και εδιωξαν τους υιους της υπερηφανιας και κατευοδωθη το εργον εν χειρι αυτων
48 και αντελαβοντο του νομου εκ χειρος των εθνων και των βασιλεων και ουκ εδωκαν κερας τω αμαρτωλω
49 και ηγγισαν αι ημεραι Ματταθιου αποθανειν και ειπεν τοις υιοις αυτου νυν εστηρισθη υπερηφανια και ελεγμος και καιρος καταστροφης και οργη θυμου
50 νυν τεκνα ζηλωσατε τω νομω και δοτε τας ψυχας υμων υπερ διαθηκης πατερων ημων
51 και μνησθητε τα εργα των πατερων α εποιησαν εν ταις γενεαις αυτων και δεξασθε δοξαν μεγαλην και ονομα αιωνιον
52 Αβρααμ ουχι εν πειρασμω ευρεθη πιστος και ελογισθη αυτω εις δικαιοσυνην
53 Ιωσηφ εν καιρω στενοχωριας αυτου εφυλαξεν εντολην και εγενετο κυριος Αιγυπτου
54 Φινεες ο πατηρ ημων εν τω ζηλωσαι ζηλον ελαβεν διαθηκην ιερωσυνης αιωνιας
55 Ιησους εν τω πληρωσαι λογον εγενετο κριτης εν Ισραηλ
56 Χαλεβ εν τω μαρτυρασθαι εν τη εκκλησια ελαβεν γης κληρονομιαν
57 Δαυιδ εν τω ελεει αυτου εκληρονομησεν θρονον βασιλειας εις αιωνας
58 Ηλιας εν τω ζηλωσαι ζηλον νομου ανελημφθη εις τον ουρανον
59 Ανανιας Αζαριας Μισαηλ πιστευσαντες εσωθησαν εκ φλογος
60 Δανιηλ εν τη απλοτητι αυτου ερρυσθη εκ στοματος λεοντων
61 και ουτως εννοηθητε κατα γενεαν και γενεαν οτι παντες οι ελπιζοντες επ αυτον ουκ ασθενησουσιν
62 και απο λογων ανδρος αμαρτωλου μη φοβηθητε οτι η δοξα αυτου εις κοπρια και εις σκωληκας
63 σημερον επαρθησεται και αυριον ου μη ευρεθη οτι επεστρεψεν εις τον χουν αυτου και ο διαλογισμος αυτου απολειται
64 τεκνα ανδριζεσθε και ισχυσατε εν τω νομω οτι εν αυτω δοξασθησεσθε
65 και ιδου Συμεων ο αδελφος υμων οιδα οτι ανηρ βουλης εστιν αυτου ακουετε πασας τας ημερας αυτος εσται υμων πατηρ
66 και Ιουδας Μακκαβαιος ισχυρος δυναμει εκ νεοτητος αυτου αυτος εσται υμιν αρχων στρατιας και πολεμησει πολεμον λαων
67 και υμεις προσαξετε προς υμας παντας τους ποιητας του νομου και εκδικησατε εκδικησιν του λαου υμων
68 ανταποδοτε ανταποδομα τοις εθνεσιν και προσεχετε εις προσταγμα του νομου
69 και ευλογησεν αυτους και προσετεθη προς τους πατερας αυτου
70 και απεθανεν εν τω εκτω και τεσσαρακοστω και εκατοστω ετει και εταφη εν ταφοις πατερων αυτου εν Μωδειν και εκοψαντο αυτον πας Ισραηλ κοπετον μεγαν

Kapitel 3

1 και ανεστη Ιουδας ο καλουμενος Μακκαβαιος υιος αυτου αντ αυτου
2 και εβοηθουν αυτω παντες οι αδελφοι αυτου και παντες οσοι εκολληθησαν τω πατρι αυτου και επολεμουν τον πολεμον Ισραηλ μετ ευφροσυνης
3 και επλατυνεν δοξαν τω λαω αυτου και ενεδυσατο θωρακα ως γιγας και συνεζωσατο τα σκευη τα πολεμικα αυτου και πολεμους συνεστησατο σκεπαζων παρεμβολην εν ρομφαια
4 και ωμοιωθη λεοντι εν τοις εργοις αυτου και ως σκυμνος ερευγομενος εις θηραν
5 και εδιωξεν ανομους εξερευνων και τους ταρασσοντας τον λαον αυτου εφλογισεν
6 και συνεσταλησαν ανομοι απο του φοβου αυτου και παντες οι εργαται της ανομιας συνεταραχθησαν και ευοδωθη σωτηρια εν χειρι αυτου
7 και επικρανεν βασιλεις πολλους και ευφρανεν τον Ιακωβ εν τοις εργοις αυτου και εως του αιωνος το μνημοσυνον αυτου εις ευλογιαν
8 και διηλθεν εν πολεσιν Ιουδα και εξωλεθρευσεν ασεβεις εξ αυτης και απεστρεψεν οργην απο Ισραηλ
9 και ωνομασθη εως εσχατου γης και συνηγαγεν απολλυμενους
10 και συνηγαγεν Απολλωνιος εθνη και απο Σαμαρειας δυναμιν μεγαλην του πολεμησαι προς τον Ισραηλ
11 και εγνω Ιουδας και εξηλθεν εις συναντησιν αυτω και επαταξεν αυτον και απεκτεινεν και επεσον τραυματιαι πολλοι και οι επιλοιποι εφυγον
12 και ελαβον τα σκυλα αυτων και την μαχαιραν Απολλωνιου ελαβεν Ιουδας και ην πολεμων εν αυτη πασας τας ημερας
13 και ηκουσεν Σηρων ο αρχων της δυναμεως Συριας οτι ηθροισεν Ιουδας αθροισμα και εκκλησιαν πιστων μετ αυτου και εκπορευομενων εις πολεμον
14 και ειπεν ποιησω εμαυτω ονομα και δοξασθησομαι εν τη βασιλεια και πολεμησω τον Ιουδαν και τους συν αυτω τους εξουδενουντας τον λογον του βασιλεως
15 και προσεθετο και ανεβη μετ αυτου παρεμβολη ασεβων ισχυρα βοηθησαι αυτω ποιησαι την εκδικησιν εν υιοις Ισραηλ
16 και ηγγισεν εως αναβασεως Βαιθωρων και εξηλθεν Ιουδας εις συναντησιν αυτω ολιγοστος
17 ως δε ειδον την παρεμβολην ερχομενην εις συναντησιν αυτων ειπον τω Ιουδα τι δυνησομεθα ολιγοστοι οντες πολεμησαι προς πληθος τοσουτο ισχυρον και ημεις εκλελυμεθα ασιτουντες σημερον
18 και ειπεν Ιουδας ευκοπον εστιν συγκλεισθηναι πολλους εν χερσιν ολιγων και ουκ εστιν διαφορα εναντιον του ουρανου σωζειν εν πολλοις η εν ολιγοις
19 οτι ουκ εν πληθει δυναμεως νικη πολεμου εστιν αλλ εκ του ουρανου η ισχυς
20 αυτοι ερχονται εφ ημας εν πληθει υβρεως και ανομιας του εξαραι ημας και τας γυναικας ημων και τα τεκνα ημων του σκυλευσαι ημας
21 ημεις δε πολεμουμεν περι των ψυχων ημων και των νομιμων ημων
22 και αυτος συντριψει αυτους προ προσωπου ημων υμεις δε μη φοβεισθε απ αυτων
23 ως δε επαυσατο λαλων ενηλατο εις αυτους αφνω και συνετριβη Σηρων και η παρεμβολη αυτου ενωπιον αυτου
24 και εδιωκον αυτον εν τη καταβασει Βαιθωρων εως του πεδιου και επεσον απ αυτων εις ανδρας οκτακοσιους οι δε λοιποι εφυγον εις γην Φυλιστιιμ
25 και ηρξατο ο φοβος Ιουδου και των αδελφων αυτου και η πτοη επεπιπτεν επι τα εθνη τα κυκλω αυτων
26 και ηγγισεν εως του βασιλεως το ονομα αυτου και υπερ των παραταξεων Ιουδου εξηγειτο τα εθνη
27 ως δε ηκουσεν ο βασιλευς Αντιοχος τους λογους τουτους ωργισθη θυμω και απεστειλεν και συνηγαγεν τας δυναμεις πασας της βασιλειας αυτου παρεμβολην ισχυραν σφοδρα
28 και ηνοιξεν το γαζοφυλακιον αυτου και εδωκεν οψωνια ταις δυναμεσιν εις ενιαυτον και ενετειλατο αυτοις ειναι ετοιμους εις πασαν χρειαν
29 και ειδεν οτι εξελιπεν το αργυριον εκ των θησαυρων και οι φοροι της χωρας ολιγοι χαριν της διχοστασιας και πληγης ης κατεσκευασεν εν τη γη του αραι τα νομιμα α ησαν αφ ημερων των πρωτων
30 και ευλαβηθη μη ουκ εχη ως απαξ και δις εις τας δαπανας και τα δοματα α εδιδου εμπροσθεν δαψιλη χειρι και επερισσευσεν υπερ τους βασιλεις τους εμπροσθεν
31 και ηπορειτο τη ψυχη αυτου σφοδρα και εβουλευσατο του πορευθηναι εις την Περσιδα και λαβειν τους φορους των χωρων και συναγαγειν αργυριον πολυ
32 και κατελιπεν Λυσιαν ανθρωπον ενδοξον και απο γενους της βασιλειας επι των πραγματων του βασιλεως απο του ποταμου Ευφρατου και εως οριων Αιγυπτου
33 και τρεφειν Αντιοχον τον υιον αυτου εως του επιστρεψαι αυτον
34 και παρεδωκεν αυτω τας ημισεις των δυναμεων και τους ελεφαντας και ενετειλατο αυτω περι παντων ων ηβουλετο και περι των κατοικουντων την Ιουδαιαν και Ιερουσαλημ
35 αποστειλαι επ αυτους δυναμιν του εκτριψαι και εξαραι την ισχυν Ισραηλ και το καταλειμμα Ιερουσαλημ και αραι το μνημοσυνον αυτων απο του τοπου
36 και κατοικισαι υιους αλλογενεις εν πασιν τοις οριοις αυτων και κατακληροδοτησαι την γην αυτων
37 και ο βασιλευς παρελαβεν τας ημισεις των δυναμεων τας καταλειφθεισας και απηρεν απο Αντιοχειας απο πολεως βασιλειας αυτου ετους εβδομου και τεσσαρακοστου και εκατοστου και διεπερασεν τον Ευφρατην ποταμον και διεπορευετο τας επανω χωρας
38 και επελεξεν Λυσιας Πτολεμαιον τον Δορυμενους και Νικανορα και Γοργιαν ανδρας δυνατους των φιλων του βασιλεως
39 και απεστειλεν μετ αυτων τεσσαρακοντα χιλιαδας ανδρων και επτακισχιλιαν ιππον του ελθειν εις γην Ιουδα και καταφθειραι αυτην κατα τον λογον του βασιλεως
40 και απηρεν συν παση τη δυναμει αυτων και ηλθον και παρενεβαλον πλησιον Αμμαους εν τη γη τη πεδινη
41 και ηκουσαν οι εμποροι της χωρας το ονομα αυτων και ελαβον αργυριον και χρυσιον πολυ σφοδρα και πεδας και ηλθον εις την παρεμβολην του λαβειν τους υιους Ισραηλ εις παιδας και προσετεθησαν προς αυτους δυναμις Συριας και γης αλλοφυλων
42 και ειδεν Ιουδας και οι αδελφοι αυτου οτι επληθυνθη τα κακα και αι δυναμεις παρεμβαλλουσιν εν τοις οριοις αυτων και επεγνωσαν τους λογους του βασιλεως ους ενετειλατο ποιησαι τω λαω εις απωλειαν και συντελειαν
43 και ειπαν εκαστος προς τον πλησιον αυτου αναστησωμεν την καθαιρεσιν του λαου ημων και πολεμησωμεν περι του λαου ημων και των αγιων
44 και ηθροισθη η συναγωγη του ειναι ετοιμους εις πολεμον και του προσευξασθαι και αιτησαι ελεος και οικτιρμους
45 και Ιερουσαλημ ην αοικητος ως ερημος ουκ ην ο εισπορευομενος και εκπορευομενος εκ των γενηματων αυτης και το αγιασμα καταπατουμενον και υιοι αλλογενων εν τη ακρα καταλυμα τοις εθνεσιν και εξηρθη τερψις εξ Ιακωβ και εξελιπεν αυλος και κινυρα
46 και συνηχθησαν και ηλθοσαν εις Μασσηφα κατεναντι Ιερουσαλημ οτι τοπος προσευχης ην εν Μασσηφα το προτερον τω Ισραηλ
47 και ενηστευσαν τη ημερα εκεινη και περιεβαλοντο σακκους και σποδον επι την κεφαλην αυτων και διερρηξαν τα ιματια αυτων
48 και εξεπετασαν το βιβλιον του νομου περι ων εξηρευνων τα εθνη τα ομοιωματα των ειδωλων αυτων
49 και ηνεγκαν τα ιματια της ιερωσυνης και τα πρωτογενηματα και τας δεκατας και ηγειραν τους ναζιραιους οι επληρωσαν τας ημερας
50 και εβοησαν φωνη εις τον ουρανον λεγοντες τι ποιησωμεν τουτοις και που αυτους απαγαγωμεν
51 και τα αγια σου καταπεπατηνται και βεβηλωνται και οι ιερεις σου εν πενθει και ταπεινωσει
52 και ιδου τα εθνη συνηκται εφ ημας του εξαραι ημας συ οιδας α λογιζονται εφ ημας
53 πως δυνησομεθα υποστηναι κατα προσωπον αυτων εαν μη συ βοηθησης ημιν
54 και εσαλπισαν ταις σαλπιγξιν και εβοησαν φωνη μεγαλη
55 και μετα τουτο κατεστησεν Ιουδας ηγουμενους του λαου χιλιαρχους και εκατονταρχους και πεντηκονταρχους και δεκαδαρχους
56 και ειπεν τοις οικοδομουσιν οικιας και μνηστευομενοις γυναικας και φυτευουσιν αμπελωνας και δειλοις αποστρεφειν εκαστον εις τον οικον αυτου κατα τον νομον
57 και απηρεν η παρεμβολη και παρενεβαλον κατα νοτον Αμμαους
58 και ειπεν Ιουδας περιζωσασθε και γινεσθε εις υιους δυνατους και γινεσθε ετοιμοι εις πρωι του πολεμησαι εν τοις εθνεσιν τουτοις τοις επισυνηγμενοις εφ ημας εξαραι ημας και τα αγια ημων
59 οτι κρεισσον ημας αποθανειν εν τω πολεμω η επιδειν επι τα κακα του εθνους ημων και των αγιων
60 ως δ αν η θελημα εν ουρανω ουτως ποιησει

Kapitel 4

1 και παρελαβεν Γοργιας πεντακισχιλιους ανδρας και χιλιαν ιππον εκλεκτην και απηρεν η παρεμβολη νυκτος
2 ωστε επιβαλειν επι την παρεμβολην των Ιουδαιων και παταξαι αυτους αφνω και υιοι της ακρας ησαν αυτω οδηγοι
3 και ηκουσεν Ιουδας και απηρεν αυτος και οι δυνατοι παταξαι την δυναμιν του βασιλεως την εν Αμμαους
4 εως ετι εσκορπισμεναι ησαν αι δυναμεις απο της παρεμβολης
5 και ηλθεν Γοργιας εις την παρεμβολην Ιουδου νυκτος και ουδενα ευρεν και εζητει αυτους εν τοις ορεσιν οτι ειπεν φευγουσιν ουτοι αφ ημων
6 και αμα ημερα ωφθη Ιουδας εν τω πεδιω εν τρισχιλιοις ανδρασιν πλην καλυμματα και μαχαιρας ουκ ειχον ως ηβουλοντο
7 και ειδον παρεμβολην εθνων ισχυραν και τεθωρακισμενην και ιππον κυκλουσαν αυτην και ουτοι διδακτοι πολεμου
8 και ειπεν Ιουδας τοις ανδρασιν τοις μετ αυτου μη φοβεισθε το πληθος αυτων και το ορμημα αυτων μη δειλωθητε
9 μνησθητε ως εσωθησαν οι πατερες ημων εν θαλασση ερυθρα οτε εδιωκεν αυτους Φαραω εν δυναμει
10 και νυν βοησωμεν εις ουρανον ει θελησει ημας και μνησθησεται διαθηκης πατερων και συντριψει την παρεμβολην ταυτην κατα προσωπον ημων σημερον
11 και γνωσονται παντα τα εθνη οτι εστιν ο λυτρουμενος και σωζων τον Ισραηλ
12 και ηραν οι αλλοφυλοι τους οφθαλμους αυτων και ειδον αυτους ερχομενους εξ εναντιας
13 και εξηλθον εκ της παρεμβολης εις πολεμον και εσαλπισαν οι παρα Ιουδου
14 και συνηψαν και συνετριβησαν τα εθνη και εφυγον εις το πεδιον
15 οι δε εσχατοι παντες επεσον εν ρομφαια και εδιωξαν αυτους εως Γαζηρων και εως των πεδιων της Ιδουμαιας και Αζωτου και Ιαμνειας και επεσαν εξ αυτων εις ανδρας τρισχιλιους
16 και απεστρεψεν Ιουδας και η δυναμις απο του διωκειν οπισθεν αυτων
17 και ειπεν προς τον λαον μη επιθυμησητε των σκυλων οτι πολεμος εξ εναντιας ημων
18 και Γοργιας και η δυναμις εν τω ορει εγγυς ημων αλλα στητε νυν εναντιον των εχθρων ημων και πολεμησατε αυτους και μετα ταυτα λαβετε τα σκυλα μετα παρρησιας
19 ετι πληρουντος Ιουδου ταυτα μερος τι ωφθη εκκυπτον εκ του ορους
20 και ειδεν οτι τετροπωνται και εμπυριζουσιν την παρεμβολην ο γαρ καπνος ο θεωρουμενος ενεφανιζεν το γεγονος
21 οι δε ταυτα συνιδοντες εδειλωθησαν σφοδρα συνιδοντες δε και την Ιουδου παρεμβολην εν τω πεδιω ετοιμην εις παραταξιν
22 εφυγον παντες εις γην αλλοφυλων
23 και Ιουδας ανεστρεψεν επι την σκυλειαν της παρεμβολης και ελαβον χρυσιον πολυ και αργυριον και υακινθον και πορφυραν θαλασσιαν και πλουτον μεγαν
24 και επιστραφεντες υμνουν και ευλογουν εις ουρανον οτι καλον οτι εις τον αιωνα το ελεος αυτου
25 και εγενηθη σωτηρια μεγαλη τω Ισραηλ εν τη ημερα εκεινη
26 οσοι δε των αλλοφυλων διεσωθησαν παραγενηθεντες απηγγειλαν τω Λυσια παντα τα συμβεβηκοτα
27 ο δε ακουσας συνεχυθη και ηθυμει οτι ουχ οια ηθελεν τοιαυτα εγεγονει τω Ισραηλ και ουχ οια αυτω ενετειλατο ο βασιλευς εξεβη
28 και εν τω ερχομενω ενιαυτω συνελοχησεν ανδρων επιλεκτων εξηκοντα χιλιαδας και πεντακισχιλιαν ιππον ωστε εκπολεμησαι αυτους
29 και ηλθον εις την Ιδουμαιαν και παρενεβαλον εν Βαιθσουροις και συνηντησεν αυτοις Ιουδας εν δεκα χιλιασιν ανδρων
30 και ειδεν την παρεμβολην ισχυραν και προσηυξατο και ειπεν ευλογητος ει ο σωτηρ Ισραηλ ο συντριψας το ορμημα του δυνατου εν χειρι του δουλου σου Δαυιδ και παρεδωκας την παρεμβολην των αλλοφυλων εις χειρας Ιωναθου υιου Σαουλ και του αιροντος τα σκευη αυτου
31 ουτως συγκλεισον την παρεμβολην ταυτην εν χειρι λαου σου Ισραηλ και αισχυνθητωσαν επι τη δυναμει και τη ιππω αυτων
32 δος αυτοις δειλιαν και τηξον θρασος ισχυος αυτων και σαλευθητωσαν τη συντριβη αυτων
33 καταβαλε αυτους ρομφαια αγαπωντων σε και αινεσατωσαν σε παντες οι ειδοτες το ονομα σου εν υμνοις
34 και συνεβαλλον αλληλοις και επεσον εκ της παρεμβολης Λυσιου εις πεντακισχιλιους ανδρας και επεσον εξ εναντιας αυτων
35 ιδων δε Λυσιας την γενομενην τροπην της αυτου συνταξεως της δε Ιουδου το γεγενημενον θαρσος και ως ετοιμοι εισιν η ζην η τεθνηκεναι γενναιως απηρεν εις Αντιοχειαν και εξενολογει πλεοναστον παλιν παραγινεσθαι εις την Ιουδαιαν
36 ειπεν δε Ιουδας και οι αδελφοι αυτου ιδου συνετριβησαν οι εχθροι ημων αναβωμεν καθαρισαι τα αγια και εγκαινισαι
37 και συνηχθη η παρεμβολη πασα και ανεβησαν εις ορος Σιων
38 και ειδον το αγιασμα ηρημωμενον και το θυσιαστηριον βεβηλωμενον και τας θυρας κατακεκαυμενας και εν ταις αυλαις φυτα πεφυκοτα ως εν δρυμω η ως εν ενι των ορεων και τα παστοφορια καθηρημενα
39 και διερρηξαν τα ιματια αυτων και εκοψαντο κοπετον μεγαν και επεθεντο σποδον
40 και επεσαν επι προσωπον επι την γην και εσαλπισαν ταις σαλπιγξιν των σημασιων και εβοησαν εις ουρανον
41 τοτε επεταξεν Ιουδας ανδρασιν πολεμειν τους εν τη ακρα εως καθαριση τα αγια
42 και επελεξατο ιερεις αμωμους θελητας νομου
43 και εκαθαρισαν τα αγια και ηραν τους λιθους του μιασμου εις τοπον ακαθαρτον
44 και εβουλευσαντο περι του θυσιαστηριου της ολοκαυτωσεως του βεβηλωμενου τι αυτω ποιησωσιν
45 και επεσεν αυτοις βουλη αγαθη καθελειν αυτο μηποτε γενηται αυτοις εις ονειδος οτι εμιαναν τα εθνη αυτο και καθειλον το θυσιαστηριον
46 και απεθεντο τους λιθους εν τω ορει του οικου εν τοπω επιτηδειω μεχρι του παραγενηθηναι προφητην του αποκριθηναι περι αυτων
47 και ελαβον λιθους ολοκληρους κατα τον νομον και ωκοδομησαν θυσιαστηριον καινον κατα το προτερον
48 και ωκοδομησαν τα αγια και τα εντος του οικου και τας αυλας ηγιασαν
49 και εποιησαν σκευη αγια καινα και εισηνεγκαν την λυχνιαν και το θυσιαστηριον των θυμιαματων και την τραπεζαν εις τον ναον
50 και εθυμιασαν επι το θυσιαστηριον και εξηψαν τους λυχνους τους επι της λυχνιας και εφαινον εν τω ναω
51 και επεθηκαν επι την τραπεζαν αρτους και εξεπετασαν τα καταπετασματα και ετελεσαν παντα τα εργα α εποιησαν
52 και ωρθρισαν το πρωι τη πεμπτη και εικαδι του μηνος του ενατου ουτος ο μην Χασελευ του ογδοου και τεσσαρακοστου και εκατοστου ετους
53 και ανηνεγκαν θυσιαν κατα τον νομον επι το θυσιαστηριον των ολοκαυτωματων το καινον ο εποιησαν
54 κατα τον καιρον και κατα την ημεραν εν η εβεβηλωσαν αυτο τα εθνη εν εκεινη ενεκαινισθη εν ωδαις και κιθαραις και κινυραις και κυμβαλοις
55 και επεσεν πας ο λαος επι προσωπον και προσεκυνησαν και ευλογησαν εις ουρανον τον ευοδωσαντα αυτοις
56 και εποιησαν τον εγκαινισμον του θυσιαστηριου ημερας οκτω και προσηνεγκαν ολοκαυτωματα μετ ευφροσυνης και εθυσαν θυσιαν σωτηριου και αινεσεως
57 και κατεκοσμησαν το κατα προσωπον του ναου στεφανοις χρυσοις και ασπιδισκαις και ενεκαινισαν τας πυλας και τα παστοφορια και εθυρωσαν αυτα
58 και εγενηθη ευφροσυνη μεγαλη εν τω λαω σφοδρα και απεστραφη ονειδισμος εθνων
59 και εστησεν Ιουδας και οι αδελφοι αυτου και πασα η εκκλησια Ισραηλ ινα αγωνται αι ημεραι του εγκαινισμου του θυσιαστηριου εν τοις καιροις αυτων ενιαυτον κατ ενιαυτον ημερας οκτω απο της πεμπτης και εικαδος του μηνος Χασελευ μετ ευφροσυνης και χαρας
60 και ωκοδομησαν εν τω καιρω εκεινω το ορος Σιων κυκλοθεν τειχη υψηλα και πυργους οχυρους μηποτε παραγενηθεντα τα εθνη καταπατησωσιν αυτα ως εποιησαν το προτερον
61 και απεταξεν εκει δυναμιν τηρειν αυτο και ωχυρωσεν αυτο τηρειν την Βαιθσουραν του εχειν τον λαον οχυρωμα κατα προσωπον της Ιδουμαιας

Kapitel 5

1 και εγενετο οτε ηκουσαν τα εθνη κυκλοθεν οτι ωκοδομηθη το θυσιαστηριον και ενεκαινισθη το αγιασμα ως το προτερον και ωργισθησαν σφοδρα
2 και εβουλευσαντο του αραι το γενος Ιακωβ τους οντας εν μεσω αυτων και ηρξαντο του θανατουν εν τω λαω και εξαιρειν
3 και επολεμει Ιουδας προς τους υιους Ησαυ εν τη Ιδουμαια την Ακραβαττηνην οτι περιεκαθηντο τον Ισραηλ και επαταξεν αυτους πληγην μεγαλην και συνεστειλεν αυτους και ελαβεν τα σκυλα αυτων
4 και εμνησθη της κακιας υιων Βαιαν οι ησαν τω λαω εις παγιδα και σκανδαλον εν τω ενεδρευειν αυτους εν ταις οδοις
5 και συνεκλεισθησαν υπ αυτου εις τους πυργους και παρενεβαλεν επ αυτους και ανεθεματισεν αυτους και ενεπυρισε τους πυργους αυτης εν πυρι συν πασιν τοις ενουσιν
6 και διεπερασεν επι τους υιους Αμμων και ευρεν χειρα κραταιαν και λαον πολυν και Τιμοθεον ηγουμενον αυτων
7 και συνηψεν προς αυτους πολεμους πολλους και συνετριβησαν προ προσωπου αυτου και επαταξεν αυτους
8 και προκατελαβετο την Ιαζηρ και τας θυγατερας αυτης και ανεστρεψεν εις την Ιουδαιαν
9 και επισυνηχθησαν τα εθνη τα εν τη Γαλααδ επι τον Ισραηλ τους οντας επι τοις οριοις αυτων του εξαραι αυτους και εφυγον εις Δαθεμα το οχυρωμα
10 και απεστειλαν γραμματα προς Ιουδαν και τους αδελφους αυτου λεγοντες επισυνηγμενα εστιν εφ ημας τα εθνη κυκλω ημων του εξαραι ημας
11 και ετοιμαζονται ελθειν και προκαταλαβεσθαι το οχυρωμα εις ο κατεφυγομεν και Τιμοθεος ηγειται της δυναμεως αυτων
12 νυν ουν ελθων εξελου ημας εκ χειρος αυτων οτι πεπτωκεν εξ ημων πληθος
13 και παντες οι αδελφοι ημων οι οντες εν τοις Τουβιου τεθανατωνται και ηχμαλωτικασιν τας γυναικας αυτων και τα τεκνα και την αποσκευην και απωλεσαν εκει ωσει μιαν χιλιαρχιαν ανδρων
14 ετι αι επιστολαι ανεγιγνωσκοντο και ιδου αγγελοι ετεροι παρεγενοντο εκ της Γαλιλαιας διερρηχοτες τα ιματια απαγγελλοντες κατα τα ρηματα ταυτα
15 λεγοντες επισυνηχθαι επ αυτους εκ Πτολεμαιδος και Τυρου και Σιδωνος και πασαν Γαλιλαιαν αλλοφυλων του εξαναλωσαι ημας
16 ως δε ηκουσεν Ιουδας και ο λαος τους λογους τουτους επισυνηχθη εκκλησια μεγαλη βουλευσασθαι τι ποιησωσιν τοις αδελφοις αυτων τοις ουσιν εν θλιψει και πολεμουμενοις υπ αυτων
17 και ειπεν Ιουδας Σιμωνι τω αδελφω αυτου επιλεξον σεαυτω ανδρας και πορευου και ρυσαι τους αδελφους σου τους εν τη Γαλιλαια εγω δε και Ιωναθαν ο αδελφος μου πορευσομεθα εις την Γαλααδιτιν
18 και κατελιπεν Ιωσηπον τον του Ζαχαριου και Αζαριαν ηγουμενον του λαου μετα των επιλοιπων της δυναμεως εν τη Ιουδαια εις τηρησιν
19 και ενετειλατο αυτοις λεγων προστητε του λαου τουτου και μη συναψητε πολεμον προς τα εθνη εως του επιστρεψαι ημας
20 και εμερισθησαν Σιμωνι ανδρες τρισχιλιοι του πορευθηναι εις την Γαλιλαιαν Ιουδα δε ανδρες οκτακισχιλιοι εις την Γαλααδιτιν
21 και επορευθη Σιμων εις την Γαλιλαιαν και συνηψεν πολεμους πολλους προς τα εθνη και συνετριβη τα εθνη απο προσωπου αυτου
22 και εδιωξεν αυτους εως της πυλης Πτολεμαιδος και επεσον εκ των εθνων εις τρισχιλιους ανδρας και ελαβεν τα σκυλα αυτων
23 και παρελαβεν τους εκ της Γαλιλαιας και εν Αρβαττοις συν ταις γυναιξιν και τοις τεκνοις και παντα οσα ην αυτοις και ηγαγεν εις την Ιουδαιαν μετ ευφροσυνης μεγαλης
24 και Ιουδας ο Μακκαβαιος και Ιωναθαν ο αδελφος αυτου διεβησαν τον Ιορδανην και επορευθησαν οδον τριων ημερων εν τη ερημω
25 και συνηντησαν τοις Ναβαταιοις και απηντησαν αυτοις ειρηνικως και διηγησαντο αυτοις παντα τα συμβαντα τοις αδελφοις αυτων εν τη Γαλααδιτιδι
26 και οτι πολλοι εξ αυτων συνειλημμενοι εισιν εις Βοσορρα και Βοσορ εν Αλεμοις Χασφω Μακεδ και Καρναιν πασαι αι πολεις αυται οχυραι και μεγαλαι
27 και εν ταις λοιπαις πολεσιν της Γαλααδιτιδος εισιν συνειλημμενοι εις αυριον τασσονται παρεμβαλειν επι τα οχυρωματα και καταλαβεσθαι και εξαραι παντας τουτους εν ημερα μια
28 και απεστρεψεν Ιουδας και η παρεμβολη αυτου οδον εις την ερημον Βοσορρα αφνω και κατελαβετο την πολιν και απεκτεινε παν αρσενικον εν στοματι ρομφαιας και ελαβεν παντα τα σκυλα αυτων και ενεπρησεν αυτην πυρι
29 και απηρεν εκειθεν νυκτος και επορευοντο εως επι το οχυρωμα
30 και εγενετο εωθινη ηραν τους οφθαλμους αυτων και ιδου λαος πολυς ου ουκ ην αριθμος αιροντες κλιμακας και μηχανας καταλαβεσθαι το οχυρωμα και επολεμουν αυτους
31 και ειδεν Ιουδας οτι ηρκται ο πολεμος και η κραυγη της πολεως ανεβη εως ουρανου σαλπιγξιν και κραυγη μεγαλη
32 και ειπεν τοις ανδρασιν της δυναμεως πολεμησατε σημερον υπερ των αδελφων ημων
33 και εξηλθεν εν τρισιν αρχαις εξοπισθεν αυτων και εσαλπισαν ταις σαλπιγξιν και εβοησαν εν προσευχη
34 και επεγνω η παρεμβολη Τιμοθεου οτι Μακκαβαιος εστιν και εφυγον απο προσωπου αυτου και επαταξεν αυτους πληγην μεγαλην και επεσον εξ αυτων εν εκεινη τη ημερα εις οκτακισχιλιους ανδρας
35 και απεκλινεν εις Αλεμα και επολεμησεν αυτην και κατελαβετο αυτην και απεκτεινεν παν αρσενικον αυτης και ελαβεν τα σκυλα αυτης και ενεπρησεν αυτην εν πυρι
36 εκειθεν απηρεν και προκατελαβετο την Χασφω Μακεδ και Βοσορ και τας λοιπας πολεις της Γαλααδιτιδος
37 μετα δε τα ρηματα ταυτα συνηγαγεν Τιμοθεος παρεμβολην αλλην και παρενεβαλεν κατα προσωπον Ραφων εκ περαν του χειμαρρου
38 και απεστειλεν Ιουδας κατασκοπευσαι την παρεμβολην και απηγγειλαν αυτω λεγοντες επισυνηγμενα εισιν προς αυτον παντα τα εθνη τα κυκλω ημων δυναμις πολλη σφοδρα
39 και Αραβας μεμισθωνται εις βοηθειαν αυτοις και παρεμβαλλουσιν περαν του χειμαρρου ετοιμοι του ελθειν επι σε εις πολεμον και επορευθη Ιουδας εις συναντησιν αυτων
40 και ειπεν Τιμοθεος τοις αρχουσιν της δυναμεως αυτου εν τω εγγιζειν Ιουδαν και την παρεμβολην αυτου επι τον χειμαρρουν του υδατος εαν διαβη προς ημας προτερος ου δυνησομεθα υποστηναι αυτον οτι δυναμενος δυνησεται προς ημας
41 εαν δε δειλανθη και παρεμβαλη περαν του ποταμου διαπερασομεν προς αυτον και δυνησομεθα προς αυτον
42 ως δε ηγγισεν Ιουδας επι τον χειμαρρουν του υδατος εστησεν τους γραμματεις του λαου επι του χειμαρρου και ενετειλατο αυτοις λεγων μη αφητε παντα ανθρωπον παρεμβαλειν αλλα ερχεσθωσαν παντες εις τον πολεμον
43 και διεπερασεν επ αυτους προτερος και πας ο λαος οπισθεν αυτου και συνετριβησαν προ προσωπου αυτων παντα τα εθνη και ερριψαν τα οπλα αυτων και εφυγον εις το τεμενος Καρναιν
44 και προκατελαβοντο την πολιν και το τεμενος ενεπυρισαν εν πυρι συν πασιν τοις εν αυτω και ετροπωθη Καρναιν και ουκ ηδυναντο ετι υποστηναι κατα προσωπον Ιουδου
45 και συνηγαγεν Ιουδας παντα Ισραηλ τους εν τη Γαλααδιτιδι απο μικρου εως μεγαλου και τας γυναικας αυτων και τα τεκνα αυτων και την αποσκευην παρεμβολην μεγαλην σφοδρα ελθειν εις γην Ιουδα
46 και ηλθον εως Εφρων και αυτη πολις μεγαλη επι της οδου οχυρα σφοδρα ουκ ην εκκλιναι απ αυτης δεξιαν η αριστεραν αλλ η δια μεσου αυτης πορευεσθαι
47 και απεκλεισαν αυτους οι εκ της πολεως και ενεφραξαν τας πυλας λιθοις
48 και απεστειλεν προς αυτους Ιουδας λογοις ειρηνικοις λεγων διελευσομεθα δια της γης σου του απελθειν εις την γην ημων και ουδεις κακοποιησει υμας πλην τοις ποσιν παρελευσομεθα και ουκ ηβουλοντο ανοιξαι αυτω
49 και επεταξεν Ιουδας κηρυξαι εν τη παρεμβολη του παρεμβαλειν εκαστον εν ω εστιν τοπω
50 και παρενεβαλον οι ανδρες της δυναμεως και επολεμησεν την πολιν ολην την ημεραν εκεινην και ολην την νυκτα και παρεδοθη η πολις εν χειρι αυτου
51 και απωλεσεν παν αρσενικον εν στοματι ρομφαιας και εξερριζωσεν αυτην και ελαβεν τα σκυλα αυτης και διηλθεν δια της πολεως επανω των απεκταμμενων
52 και διεβησαν τον Ιορδανην εις το πεδιον το μεγα κατα προσωπον Βαιθσαν
53 και ην Ιουδας επισυναγων τους εσχατιζοντας και παρακαλων τον λαον κατα πασαν την οδον εως ηλθεν εις γην Ιουδα
54 και ανεβησαν εις ορος Σιων εν ευφροσυνη και χαρα και προσηγαγον ολοκαυτωματα οτι ουκ επεσεν εξ αυτων ουθεις εως του επιστρεψαι εν ειρηνη
55 και εν ταις ημεραις εν αις ην Ιουδας και Ιωναθαν εν γη Γαλααδ και Σιμων ο αδελφος αυτου εν τη Γαλιλαια κατα προσωπον Πτολεμαιδος
56 ηκουσεν Ιωσηφ ο του Ζαχαριου και Αζαριας αρχοντες της δυναμεως των ανδραγαθιων και του πολεμου οια εποιησαν
57 και ειπον ποιησωμεν και αυτοι εαυτοις ονομα και πορευθωμεν πολεμησαι προς τα εθνη τα κυκλω ημων
58 και παρηγγειλεν τοις απο της δυναμεως της μετ αυτων και επορευθησαν επι Ιαμνειαν
59 και εξηλθεν Γοργιας εκ της πολεως και οι ανδρες αυτου εις συναντησιν αυτοις εις πολεμον
60 και ετροπωθη Ιωσηπος και Αζαριας και εδιωχθησαν εως των οριων της Ιουδαιας και επεσον εν τη ημερα εκεινη εκ του λαου Ισραηλ εις δισχιλιους ανδρας
61 και εγενηθη τροπη μεγαλη εν τω λαω οτι ουκ ηκουσαν Ιουδου και των αδελφων αυτου οιομενοι ανδραγαθησαι
62 αυτοι δε ουκ ησαν εκ του σπερματος των ανδρων εκεινων οις εδοθη σωτηρια Ισραηλ δια χειρος αυτων
63 και ο ανηρ Ιουδας και οι αδελφοι αυτου εδοξασθησαν σφοδρα εναντι παντος Ισραηλ και των εθνων παντων ου ηκουετο το ονομα αυτων
64 και επισυνηγοντο προς αυτους ευφημουντες
65 και εξηλθεν Ιουδας και οι αδελφοι αυτου και επολεμουν τους υιους Ησαυ εν τη γη τη προς νοτον και επαταξεν την Χεβρων και τας θυγατερας αυτης και καθειλεν τα οχυρωματα αυτης και τους πυργους αυτης ενεπυρισεν κυκλοθεν
66 και απηρεν του πορευθηναι εις γην αλλοφυλων και διεπορευετο την Μαρισαν
67 εν τη ημερα εκεινη επεσον ιερεις εν πολεμω βουλομενοι ανδραγαθησαι εν τω αυτους εξελθειν εις πολεμον αβουλευτως
68 και εξεκλινεν Ιουδας εις Αζωτον γην αλλοφυλων και καθειλεν τους βωμους αυτων και τα γλυπτα των θεων αυτων κατεκαυσεν πυρι και εσκυλευσεν τα σκυλα των πολεων και επεστρεψεν εις γην Ιουδα

Kapitel 6

1 και ο βασιλευς Αντιοχος διεπορευετο τας επανω χωρας και ηκουσεν οτι εστιν Ελυμαις εν τη Περσιδι πολις ενδοξος πλουτω αργυριω και χρυσιω
2 και το ιερον το εν αυτη πλουσιον σφοδρα και εκει καλυμματα χρυσα και θωρακες και οπλα α κατελιπεν εκει Αλεξανδρος ο του Φιλιππου ο βασιλευς ο Μακεδων ος εβασιλευσεν πρωτος εν τοις {Ελλησι
3 και ηλθεν και εζητει καταλαβεσθαι την πολιν και προνομευσαι αυτην και ουκ ηδυνασθη οτι εγνωσθη ο λογος τοις εκ της πολεως
4 και αντεστησαν αυτω εις πολεμον και εφυγεν και απηρεν εκειθεν μετα λυπης μεγαλης αποστρεψαι εις Βαβυλωνα
5 και ηλθεν τις απαγγελλων αυτω εις την Περσιδα οτι τετροπωνται αι παρεμβολαι αι πορευθεισαι εις γην Ιουδα
6 και επορευθη Λυσιας δυναμει ισχυρα εν πρωτοις και ενετραπη απο προσωπου αυτων και επισχυσαν οπλοις και δυναμει και σκυλοις πολλοις οις ελαβον απο των παρεμβολων ων εξεκοψαν
7 και καθειλον το βδελυγμα ο ωκοδομησεν επι το θυσιαστηριον το εν Ιερουσαλημ και το αγιασμα καθως το προτερον εκυκλωσαν τειχεσιν υψηλοις και την Βαιθσουραν πολιν αυτου
8 και εγενετο ως ηκουσεν ο βασιλευς τους λογους τουτους εθαμβηθη και εσαλευθη σφοδρα και επεσεν επι την κοιτην και ενεπεσεν εις αρρωστιαν απο της λυπης οτι ουκ εγενετο αυτω καθως ενεθυμειτο
9 και ην εκει ημερας πλειους οτι ανεκαινισθη επ αυτον λυπη μεγαλη και ελογισατο οτι αποθνησκει
10 και εκαλεσεν παντας τους φιλους αυτου και ειπεν προς αυτους αφισταται ο υπνος απο των οφθαλμων μου και συμπεπτωκα τη καρδια απο της μεριμνης
11 και ειπα τη καρδια εως τινος θλιψεως ηλθα και κλυδωνος μεγαλου εν ω νυν ειμι οτι χρηστος και αγαπωμενος ημην εν τη εξουσια μου
12 νυν δε μιμνησκομαι των κακων ων εποιησα εν Ιερουσαλημ και ελαβον παντα τα σκευη τα αργυρα και τα χρυσα τα εν αυτη και εξαπεστειλα εξαραι τους κατοικουντας Ιουδα δια κενης
13 εγνων οτι χαριν τουτων ευρεν με τα κακα ταυτα και ιδου απολλυμαι λυπη μεγαλη εν γη αλλοτρια
14 και εκαλεσεν Φιλιππον ενα των φιλων αυτου και κατεστησεν αυτον επι πασης της βασιλειας αυτου
15 και εδωκεν αυτω το διαδημα και την στολην αυτου και τον δακτυλιον του αγαγειν Αντιοχον τον υιον αυτου και εκθρεψαι αυτον του βασιλευειν
16 και απεθανεν εκει Αντιοχος ο βασιλευς ετους ενατου και τεσσαρακοστου και εκατοστου
17 και επεγνω Λυσιας οτι τεθνηκεν ο βασιλευς και κατεστησεν βασιλευειν Αντιοχον τον υιον αυτου ον εξεθρεψεν νεωτερον και εκαλεσεν το ονομα αυτου Ευπατωρ
18 και οι εκ της ακρας ησαν συγκλειοντες τον Ισραηλ κυκλω των αγιων και ζητουντες κακα δι ολου και στηριγμα τοις εθνεσιν
19 και ελογισατο Ιουδας εξαραι αυτους και εξεκκλησιασε παντα τον λαον του περικαθισαι επ αυτους
20 και συνηχθησαν αμα και περιεκαθισαν επ αυτην ετους πεντηκοστου και εκατοστου και εποιησεν βελοστασεις και μηχανας
21 και εξηλθον εξ αυτων εκ του συγκλεισμου και εκολληθησαν αυτοις τινες των ασεβων εξ Ισραηλ
22 και επορευθησαν προς τον βασιλεα και ειπον εως ποτε ου ποιηση κρισιν και εκδικησεις τους αδελφους ημων
23 ημεις ευδοκουμεν δουλευειν τω πατρι σου και πορευεσθαι τοις υπ αυτου λεγομενοις και κατακολουθειν τοις προσταγμασιν αυτου
24 και περιεκαθηντο επ αυτην οι υιοι του λαου ημων χαριν τουτου και ηλλοτριουντο αφ ημων πλην οσοι ευρισκοντο εξ ημων εθανατουντο και αι κληρονομιαι ημων διηρπαζοντο
25 και ουκ εφ ημας μονον εξετειναν χειρα αλλα και επι παντα τα ορια αυτων
26 και ιδου παρεμβεβληκασι σημερον επι την ακραν εν Ιερουσαλημ του καταλαβεσθαι αυτην και το αγιασμα και την Βαιθσουραν ωχυρωσαν
27 και εαν μη προκαταλαβη αυτους δια ταχους μειζονα τουτων ποιησουσιν και ου δυνηση του κατασχειν αυτων
28 και ωργισθη ο βασιλευς οτε ηκουσεν και συνηγαγεν παντας τους φιλους αυτου αρχοντας δυναμεως αυτου και τους επι των ηνιων
29 και απο βασιλειων ετερων και απο νησων θαλασσων ηλθον προς αυτον δυναμεις μισθωται
30 και ην ο αριθμος των δυναμεων αυτου εκατον χιλιαδες πεζων και εικοσι χιλιαδες ιππεων και ελεφαντες δυο και τριακοντα ειδοτες πολεμον
31 και ηλθον δια της Ιδουμαιας και παρενεβαλον επι Βαιθσουραν και επολεμησαν ημερας πολλας και εποιησαν μηχανας και εξηλθον και ενεπυρισαν αυτας πυρι και επολεμησαν ανδρωδως
32 και απηρεν Ιουδας απο της ακρας και παρενεβαλεν εις Βαιθζαχαρια απεναντι της παρεμβολης του βασιλεως
33 και ωρθρισεν ο βασιλευς το πρωι και απηρεν την παρεμβολην εν ορμηματι αυτης κατα την οδον Βαιθζαχαρια και διεσκευασθησαν αι δυναμεις εις τον πολεμον και εσαλπισαν ταις σαλπιγξιν
34 και τοις ελεφασιν εδειξαν αιμα σταφυλης και μορων του παραστησαι αυτους εις τον πολεμον
35 και διειλον τα θηρια εις τας φαλαγγας και παρεστησαν εκαστω ελεφαντι χιλιους ανδρας τεθωρακισμενους εν αλυσιδωτοις και περικεφαλαιαι χαλκαι επι των κεφαλων αυτων και πεντακοσια ιππος διατεταγμενη εκαστω θηριω εκλελεγμενη
36 ουτοι προ καιρου ου αν η το θηριον ησαν και ου εαν επορευετο επορευοντο αμα ουκ αφισταντο απ αυτου
37 και πυργοι ξυλινοι επ αυτους οχυροι σκεπαζομενοι εφ εκαστου θηριου εζωσμενοι επ αυτου μηχαναις και εφ εκαστου ανδρες δυναμεως τεσσαρες οι πολεμουντες επ αυτοις και ο Ινδος αυτου
38 και την επιλοιπον ιππον ενθεν και ενθεν εστησεν επι τα δυο μερη της παρεμβολης κατασειοντες και καταφρασσομενοι εν ταις φαλαγξιν
39 ως δε εστιλβεν ο ηλιος επι τας χρυσας και χαλκας ασπιδας εστιλβεν τα ορη απ αυτων και κατηυγαζεν ως λαμπαδες πυρος
40 και εξεταθη μερος τι της παρεμβολης του βασιλεως επι τα υψηλα ορη και τινες επι τα ταπεινα και ηρχοντο ασφαλως και τεταγμενως
41 και εσαλευοντο παντες οι ακουοντες φωνης πληθους αυτων και οδοιποριας του πληθους και συγκρουσμου των οπλων ην γαρ η παρεμβολη μεγαλη σφοδρα και ισχυρα
42 και ηγγισεν Ιουδας και η παρεμβολη αυτου εις παραταξιν και επεσον απο της παρεμβολης του βασιλεως εξακοσιοι ανδρες
43 και ειδεν Ελεαζαρος ο Αυαραν εν των θηριων τεθωρακισμενον θωραξιν βασιλικοις και ην υπεραγον παντα τα θηρια και ωηθη οτι εν αυτω εστιν ο βασιλευς
44 και εδωκεν εαυτον του σωσαι τον λαον αυτου και περιποιησαι εαυτω ονομα αιωνιον
45 και επεδραμεν αυτω θρασει εις μεσον της φαλαγγος και εθανατου δεξια και ευωνυμα και εσχιζοντο απ αυτου ενθα και ενθα
46 και εισεδυ υπο τον ελεφαντα και υπεθηκεν αυτω και ανειλεν αυτον και επεσεν επι την γην επανω αυτου και απεθανεν εκει
47 και ειδον την ισχυν της βασιλειας και το ορμημα των δυναμεων και εξεκλιναν απ αυτων
48 οι δε εκ της παρεμβολης του βασιλεως ανεβαινον εις συναντησιν αυτων εις Ιερουσαλημ και παρενεβαλεν ο βασιλευς εις την Ιουδαιαν και εις το ορος Σιων
49 και εποιησεν ειρηνην μετα των εκ Βαιθσουρων και εξηλθον εκ της πολεως οτι ουκ ην αυτοις εκει διατροφη του συγκεκλεισθαι εν αυτη οτι σαββατον ην τη γη
50 και κατελαβετο ο βασιλευς την Βαιθσουραν και απεταξεν εκει φρουραν τηρειν αυτην
51 και παρενεβαλεν επι το αγιασμα ημερας πολλας και εστησεν εκει βελοστασεις και μηχανας και πυροβολα και λιθοβολα και σκορπιδια εις το βαλλεσθαι βελη και σφενδονας
52 και εποιησαν και αυτοι μηχανας προς τας μηχανας αυτων και επολεμησαν ημερας πολλας
53 βρωματα δε ουκ ην εν τοις αγγειοις δια το εβδομον ετος ειναι και οι ανασωζομενοι εις την Ιουδαιαν απο των εθνων κατεφαγον το υπολειμμα της παραθεσεως
54 και υπελειφθησαν εν τοις αγιοις ανδρες ολιγοι οτι κατεκρατησεν αυτων ο λιμος και εσκορπισθησαν εκαστος εις τον τοπον αυτου
55 και ηκουσεν Λυσιας οτι Φιλιππος ον κατεστησεν ο βασιλευς Αντιοχος ετι ζωντος αυτου εκθρεψαι Αντιοχον τον υιον αυτου εις το βασιλευσαι αυτον
56 απεστρεψεν απο της Περσιδος και Μηδιας και αι δυναμεις αι πορευθεισαι μετα του βασιλεως μετ αυτου και οτι ζητει παραλαβειν τα των πραγματων
57 και κατεσπευδεν και επενευσεν του απελθειν και ειπεν προς τον βασιλεα και τους ηγεμονας της δυναμεως και τους ανδρας εκλειπομεν καθ ημεραν και η τροφη ημιν ολιγη και ο τοπος ου παρεμβαλλομεν εστιν οχυρος και επικειται ημιν τα της βασιλειας
58 νυν ουν δωμεν δεξιας τοις ανθρωποις τουτοις και ποιησωμεν μετ αυτων ειρηνην και μετα παντος εθνους αυτων
59 και στησωμεν αυτοις του πορευεσθαι τοις νομιμοις αυτων ως το προτερον χαριν γαρ των νομιμων αυτων ων διεσκεδασαμεν ωργισθησαν και εποιησαν ταυτα παντα
60 και ηρεσεν ο λογος εναντιον του βασιλεως και των αρχοντων και απεστειλεν προς αυτους ειρηνευσαι και επεδεξαντο
61 και ωμοσεν αυτοις ο βασιλευς και οι αρχοντες επι τουτοις εξηλθον εκ του οχυρωματος
62 και εισηλθεν ο βασιλευς εις ορος Σιων και ειδεν το οχυρωμα του τοπου και ηθετησεν τον ορκισμον ον ωμοσεν και ενετειλατο καθελειν το τειχος κυκλοθεν
63 και απηρεν κατα σπουδην και απεστρεψεν εις Αντιοχειαν και ευρεν Φιλιππον κυριευοντα της πολεως και επολεμησεν προς αυτον και κατελαβετο την πολιν βια

Kapitel 7

1 ετους ενος και πεντηκοστου και εκατοστου εξηλθεν Δημητριος ο του Σελευκου εκ Ρωμης και ανεβη συν ανδρασιν ολιγοις εις πολιν παραθαλασσιαν και εβασιλευσεν εκει
2 και εγενετο ως εισεπορευετο εις οικον βασιλειας πατερων αυτου και συνελαβον αι δυναμεις τον Αντιοχον και τον Λυσιαν αγαγειν αυτους αυτω
3 και εγνωσθη αυτω το πραγμα και ειπεν μη μοι δειξητε τα προσωπα αυτων
4 και απεκτειναν αυτους αι δυναμεις και εκαθισεν Δημητριος επι θρονου βασιλειας αυτου
5 και ηλθον προς αυτον παντες ανδρες ανομοι και ασεβεις εξ Ισραηλ και Αλκιμος ηγειτο αυτων βουλομενος ιερατευειν
6 και κατηγορησαν του λαου προς τον βασιλεα λεγοντες απωλεσεν Ιουδας και οι αδελφοι αυτου παντας τους φιλους σου και ημας εσκορπισεν απο της γης ημων
7 νυν ουν αποστειλον ανδρα ω πιστευεις και πορευθεις ιδετω την εξολεθρευσιν πασαν ην εποιησεν ημιν και τη χωρα του βασιλεως και κολασατω αυτους και παντας τους επιβοηθουντας αυτοις
8 και επελεξεν ο βασιλευς τον Βακχιδην των φιλων του βασιλεως κυριευοντα εν τω περαν του ποταμου και μεγαν εν τη βασιλεια και πιστον τω βασιλει
9 και απεστειλεν αυτον και Αλκιμον τον ασεβη και εστησεν αυτω την ιερωσυνην και ενετειλατο αυτω ποιησαι την εκδικησιν εν τοις υιοις Ισραηλ
10 και απηρον και ηλθον μετα δυναμεως πολλης εις γην Ιουδα και απεστειλεν αγγελους προς Ιουδαν και τους αδελφους αυτου λογοις ειρηνικοις μετα δολου
11 και ου προσεσχον τοις λογοις αυτων ειδον γαρ οτι ηλθαν μετα δυναμεως πολλης
12 και επισυνηχθησαν προς Αλκιμον και Βακχιδην συναγωγη γραμματεων εκζητησαι δικαια
13 και πρωτοι οι Ασιδαιοι ησαν εν υιοις Ισραηλ και επεζητουν παρ αυτων ειρηνην
14 ειπον γαρ ανθρωπος ιερευς εκ σπερματος Ααρων ηλθεν εν ταις δυναμεσιν και ουκ αδικησει ημας
15 και ελαλησεν μετ αυτων λογους ειρηνικους και ωμοσεν αυτοις λεγων ουκ εκζητησομεν υμιν κακον και τοις φιλοις υμων
16 και ενεπιστευσαν αυτω και συνελαβεν εξ αυτων εξηκοντα ανδρας και απεκτεινεν αυτους εν ημερα μια κατα τον λογον ον εγραψεν αυτον
17 σαρκας οσιων σου και αιμα αυτων εξεχεαν κυκλω Ιερουσαλημ και ουκ ην αυτοις ο θαπτων
18 και επεπεσεν αυτων ο φοβος και ο τρομος εις παντα τον λαον οτι ειπον ουκ εστιν εν αυτοις αληθεια και κρισις παρεβησαν γαρ την στασιν και τον ορκον ον ωμοσαν
19 και απηρεν Βακχιδης απο Ιερουσαλημ και παρενεβαλεν εν Βηθζαιθ και απεστειλεν και συνελαβεν πολλους απο των μετ αυτου αυτομολησαντων ανδρων και τινας του λαου και εθυσεν αυτους εις το φρεαρ το μεγα
20 και κατεστησεν την χωραν τω Αλκιμω και αφηκεν μετ αυτου δυναμιν του βοηθειν αυτω και απηλθεν Βακχιδης προς τον βασιλεα
21 και ηγωνισατο Αλκιμος περι της αρχιερωσυνης
22 και συνηχθησαν προς αυτον παντες οι ταρασσοντες τον λαον αυτων και κατεκρατησαν γην Ιουδα και εποιησαν πληγην μεγαλην εν Ισραηλ
23 και ειδεν Ιουδας πασαν την κακιαν ην εποιησεν Αλκιμος και οι μετ αυτου εν υιοις Ισραηλ υπερ τα εθνη
24 και εξηλθεν εις παντα τα ορια της Ιουδαιας κυκλοθεν και εποιησεν εκδικησιν εν τοις ανδρασιν τοις αυτομολησασιν και ανεσταλησαν του εκπορευεσθαι εις την χωραν
25 ως δε ειδεν Αλκιμος οτι ενισχυσεν Ιουδας και οι μετ αυτου και εγνω οτι ου δυναται υποστηναι αυτους και επεστρεψεν προς τον βασιλεα και κατηγορησεν αυτων πονηρα
26 και απεστειλεν ο βασιλευς Νικανορα ενα των αρχοντων αυτου των ενδοξων και μισουντα και εχθραινοντα τω Ισραηλ και ενετειλατο αυτω εξαραι τον λαον
27 και ηλθεν Νικανωρ εις Ιερουσαλημ δυναμει πολλη και απεστειλεν προς Ιουδαν και τους αδελφους αυτου μετα δολου λογοις ειρηνικοις λεγων
28 μη εστω μαχη ανα μεσον εμου και υμων ηξω εν ανδρασιν ολιγοις ινα ιδω υμων τα προσωπα μετ ειρηνης
29 και ηλθεν προς Ιουδαν και ησπασαντο αλληλους ειρηνικως και οι πολεμιοι ετοιμοι ησαν εξαρπασαι τον Ιουδαν
30 και εγνωσθη ο λογος τω Ιουδα οτι μετα δολου ηλθεν επ αυτον και επτοηθη απ αυτου και ουκ εβουληθη ετι ιδειν το προσωπον αυτου
31 και εγνω Νικανωρ οτι απεκαλυφθη η βουλη αυτου και εξηλθεν εις συναντησιν τω Ιουδα εν πολεμω κατα Χαφαρσαλαμα
32 και επεσον των παρα Νικανορος ωσει πεντακοσιοι ανδρες και εφυγον εις την πολιν Δαυιδ
33 και μετα τους λογους τουτους ανεβη Νικανωρ εις ορος Σιων και εξηλθον απο των ιερεων εκ των αγιων και απο των πρεσβυτερων του λαου ασπασασθαι αυτον ειρηνικως και δειξαι αυτω την ολοκαυτωσιν την προσφερομενην υπερ του βασιλεως
34 και εμυκτηρισεν αυτους και κατεγελασεν αυτων και εμιανεν αυτους και ελαλησεν υπερηφανως
35 και ωμοσεν μετα θυμου λεγων εαν μη παραδοθη Ιουδας και η παρεμβολη αυτου εις χειρας μου το νυν και εσται εαν επιστρεψω εν ειρηνη εμπυριω τον οικον τουτον και εξηλθεν μετα θυμου μεγαλου
36 και εισηλθον οι ιερεις και εστησαν κατα προσωπον του θυσιαστηριου και του ναου και εκλαυσαν και ειπον
37 συ εξελεξω τον οικον τουτον επικληθηναι το ονομα σου επ αυτου ειναι οικον προσευχης και δεησεως τω λαω σου
38 ποιησον εκδικησιν εν τω ανθρωπω τουτω και εν τη παρεμβολη αυτου και πεσετωσαν εν ρομφαια μνησθητι των δυσφημιων αυτων και μη δως αυτοις μονην
39 και εξηλθεν Νικανωρ εξ Ιερουσαλημ και παρενεβαλεν εν Βαιθωρων και συνηντησεν αυτω δυναμις Συριας
40 και Ιουδας παρενεβαλεν εν Αδασα εν τρισχιλιοις ανδρασιν και προσηυξατο Ιουδας και ειπεν
41 οι παρα του βασιλεως οτε εδυσφημησαν εξηλθεν ο αγγελος σου και επαταξεν εν αυτοις εκατον ογδοηκοντα πεντε χιλιαδας
42 ουτως συντριψον την παρεμβολην ταυτην ενωπιον ημων σημερον και γνωτωσαν οι επιλοιποι οτι κακως ελαλησεν επι τα αγια σου και κρινον αυτον κατα την κακιαν αυτου
43 και συνηψαν αι παρεμβολαι εις πολεμον τη τρισκαιδεκατη του μηνος Αδαρ και συνετριβη η παρεμβολη Νικανορος και επεσεν αυτος πρωτος εν τω πολεμω
44 ως δε ειδεν η παρεμβολη αυτου οτι επεσεν Νικανωρ ριψαντες τα οπλα εφυγον
45 και κατεδιωκον αυτους οδον ημερας μιας απο Αδασα εως του ελθειν εις Γαζηρα και εσαλπιζον οπισω αυτων ταις σαλπιγξιν των σημασιων
46 και εξηλθον εκ πασων των κωμων της Ιουδαιας κυκλοθεν και υπερεκερων αυτους και απεστρεφον ουτοι προς τουτους και επεσον παντες ρομφαια και ου κατελειφθη εξ αυτων ουδε εις
47 και ελαβον τα σκυλα και την προνομην και την κεφαλην Νικανορος αφειλον και την δεξιαν αυτου ην εξετεινεν υπερηφανως και ηνεγκαν και εξετειναν παρα τη Ιερουσαλημ
48 και ηυφρανθη ο λαος σφοδρα και ηγαγον την ημεραν εκεινην ημεραν ευφροσυνης μεγαλην
49 και εστησαν του αγειν κατ ενιαυτον την ημεραν ταυτην τη τρισκαιδεκατη του Αδαρ
50 και ησυχασεν η γη Ιουδα ημερας ολιγας

Kapitel 8

1 και ηκουσεν Ιουδας το ονομα των Ρωμαιων οτι εισιν δυνατοι ισχυι και αυτοι ευδοκουσιν εν πασιν τοις προστιθεμενοις αυτοις και οσοι αν προσελθωσιν αυτοις ιστωσιν αυτοις φιλιαν και οτι εισι δυνατοι ισχυι
2 και διηγησαντο αυτω τους πολεμους αυτων και τας ανδραγαθιας ας ποιουσιν εν τοις Γαλαταις και οτι κατεκρατησαν αυτων και ηγαγον αυτους υπο φορον
3 και οσα εποιησαν εν χωρα Σπανιας του κατακρατησαι των μεταλλων του αργυριου και του χρυσιου του εκει
4 και κατεκρατησαν του τοπου παντος τη βουλη αυτων και τη μακροθυμια και ο τοπος ην απεχων μακραν απ αυτων σφοδρα και των βασιλεων των επελθοντων επ αυτους απ ακρου της γης εως συνετριψαν αυτους και επαταξαν εν αυτοις πληγην μεγαλην και οι επιλοιποι διδοασιν αυτοις φορον κατ ενιαυτον
5 και τον Φιλιππον και τον Περσεα Κιτιεων βασιλεα και τους επηρμενους επ αυτους συνετριψαν αυτους εν πολεμω και κατεκρατησαν αυτων
6 και Αντιοχον τον μεγαν βασιλεα της Ασιας τον πορευθεντα επ αυτους εις πολεμον εχοντα εκατον εικοσι ελεφαντας και ιππον και αρματα και δυναμιν πολλην σφοδρα και συνετριβη υπ αυτων
7 και ελαβον αυτον ζωντα και εστησαν αυτοις διδοναι αυτον τε και τους βασιλευοντας μετ αυτον φορον μεγαν και διδοναι ομηρα και διαστολην
8 και χωραν την Ινδικην και Μηδιαν και Λυδιαν απο των καλλιστων χωρων αυτων και λαβοντες αυτας παρ αυτου εδωκαν αυτας Ευμενει τω βασιλει
9 και οτι οι εκ της Ελλαδος εβουλευσαντο ελθειν και εξαραι αυτους
10 και εγνωσθη ο λογος αυτοις και απεστειλαν επ αυτους στρατηγον ενα και επολεμησαν προς αυτους και επεσον εξ αυτων τραυματιαι πολλοι και ηχμαλωτισαν τας γυναικας αυτων και τα τεκνα αυτων και επρονομευσαν αυτους και κατεκρατησαν της γης και καθειλον τα οχυρωματα αυτων και κατεδουλωσαντο αυτους εως της ημερας ταυτης
11 και τας επιλοιπους βασιλειας και τας νησους οσοι ποτε αντεστησαν αυτοις κατεφθειραν και εδουλωσαν αυτους μετα δε των φιλων αυτων και των επαναπαυομενων αυτοις συνετηρησαν φιλιαν
12 και κατεκρατησαν των βασιλεων των εγγυς και των μακραν και οσοι ηκουον το ονομα αυτων εφοβουντο απ αυτων
13 οις δ αν βουλωνται βοηθειν και βασιλευειν βασιλευουσιν ους δ αν βουλωνται μεθιστωσιν και υψωθησαν σφοδρα
14 και εν πασιν τουτοις ουκ επεθεντο αυτων ουδε εις διαδημα ουδε περιεβαλοντο πορφυραν ωστε αδρυνθηναι εν αυτη
15 και βουλευτηριον εποιησαν εαυτοις και καθ ημεραν εβουλευοντο τριακοσιοι και εικοσι βουλευομενοι δια παντος περι του πληθους του ευκοσμειν αυτους
16 και πιστευουσιν ενι ανθρωπω αρχειν αυτων κατ ενιαυτον και κυριευειν πασης της γης αυτων και παντες ακουουσιν του ενος και ουκ εστιν φθονος ουδε ζηλος εν αυτοις
17 και επελεξατο Ιουδας τον Ευπολεμον υιον Ιωαννου του Ακκως και Ιασονα υιον Ελεαζαρου και απεστειλεν αυτους εις Ρωμην στησαι φιλιαν και συμμαχιαν
18 και του αραι τον ζυγον απ αυτων οτι ειδον την βασιλειαν των Ελληνων καταδουλουμενους τον Ισραηλ δουλεια
19 και επορευθησαν εις Ρωμην και η οδος πολλη σφοδρα και εισηλθοσαν εις το βουλευτηριον και απεκριθησαν και ειπον
20 Ιουδας ο και Μακκαβαιος και οι αδελφοι αυτου και το πληθος των Ιουδαιων απεστειλαν ημας προς υμας στησαι μεθ υμων συμμαχιαν και ειρηνην και γραφηναι ημας συμμαχους και φιλους υμων
21 και ηρεσεν ο λογος ενωπιον αυτων
22 και τουτο το αντιγραφον της επιστολης ης αντεγραψαν επι δελτοις χαλκαις και απεστειλαν εις Ιερουσαλημ ειναι παρ αυτοις εκει μνημοσυνον ειρηνης και συμμαχιας
23 καλως γενοιτο Ρωμαιοις και τω εθνει Ιουδαιων εν τη θαλασση και επι της ξηρας εις τον αιωνα και ρομφαια και εχθρος μακρυνθειη απ αυτων
24 εαν δε ενστη πολεμος Ρωμη προτερα η πασιν τοις συμμαχοις αυτων εν παση τη κυριεια αυτων
25 συμμαχησει το εθνος των Ιουδαιων ως αν ο καιρος υπογραφη αυτοις καρδια πληρει
26 και τοις πολεμουσιν ου δωσουσιν ουδε επαρκεσουσιν σιτον οπλα αργυριον πλοια ως εδοξεν Ρωμη και φυλαξονται τα φυλαγματα αυτων ουθεν λαβοντες
27 κατα τα αυτα δε εαν εθνει Ιουδαιων συμβη προτεροις πολεμος συμμαχησουσιν οι Ρωμαιοι εκ ψυχης ως αν αυτοις ο καιρος υπογραφη
28 και τοις συμμαχουσιν ου δοθησεται σιτος οπλα αργυριον πλοια ως εδοξεν Ρωμη και φυλαξονται τα φυλαγματα ταυτα και ου μετα δολου
29 κατα τους λογους τουτους ουτως εστησαν Ρωμαιοι τω δημω των Ιουδαιων
30 εαν δε μετα τους λογους τουτους βουλευσωνται ουτοι και ουτοι προσθειναι η αφελειν ποιησονται εξ αιρεσεως αυτων και ο αν προσθωσιν η αφελωσιν εσται κυρια
31 και περι των κακων ων ο βασιλευς Δημητριος συντελειται εις αυτους εγραψαμεν αυτω λεγοντες δια τι εβαρυνας τον ζυγον σου επι τους φιλους ημων τους συμμαχους Ιουδαιους
32 εαν ουν ετι εντυχωσιν κατα σου ποιησομεν αυτοις την κρισιν και πολεμησομεν σε δια της θαλασσης και δια της ξηρας

Kapitel 9

1 και ηκουσεν Δημητριος οτι επεσεν Νικανωρ και η δυναμις αυτου εν πολεμω και προσεθετο τον Βακχιδην και τον Αλκιμον εκ δευτερου αποστειλαι εις γην Ιουδα και το δεξιον κερας μετ αυτων
2 και επορευθησαν οδον την εις Γαλγαλα και παρενεβαλον επι Μαισαλωθ την εν Αρβηλοις και προκατελαβοντο αυτην και απωλεσαν ψυχας ανθρωπων πολλας
3 και του μηνος του πρωτου ετους του δευτερου και πεντηκοστου και εκατοστου παρενεβαλον επι Ιερουσαλημ
4 και απηραν και επορευθησαν εις Βερεαν εν εικοσι χιλιασιν ανδρων και δισχιλια ιππω
5 και Ιουδας ην παρεμβεβληκως εν Ελασα και τρισχιλιοι ανδρες μετ αυτου εκλεκτοι
6 και ειδον το πληθος των δυναμεων οτι πολλοι εισιν και εφοβηθησαν σφοδρα και εξερρυησαν πολλοι απο της παρεμβολης ου κατελειφθησαν εξ αυτων αλλ η οκτακοσιοι ανδρες
7 και ειδεν Ιουδας οτι απερρυη η παρεμβολη αυτου και ο πολεμος εθλιβεν αυτον και συνετριβη τη καρδια οτι ουκ ειχεν καιρον συναγαγειν αυτους
8 και εξελυθη και ειπεν τοις καταλειφθεισιν αναστωμεν και αναβωμεν επι τους υπεναντιους ημων εαν αρα δυνωμεθα πολεμησαι προς αυτους
9 και απεστρεφον αυτον λεγοντες ου μη δυνωμεθα αλλ η σωζωμεν τας εαυτων ψυχας το νυν επιστρεψωμεν και οι αδελφοι ημων και πολεμησωμεν προς αυτους ημεις δε ολιγοι
10 και ειπεν Ιουδας μη γενοιτο ποιησαι το πραγμα τουτο φυγειν απ αυτων και ει ηγγικεν ο καιρος ημων και αποθανωμεν εν ανδρεια χαριν των αδελφων ημων και μη καταλιπωμεν αιτιαν τη δοξη ημων
11 και απηρεν η δυναμις απο της παρεμβολης και εστησαν εις συναντησιν αυτοις και εμερισθη η ιππος εις δυο μερη και οι σφενδονηται και οι τοξοται προεπορευοντο της δυναμεως και οι πρωταγωνισται παντες οι δυνατοι Βακχιδης δε ην εν τω δεξιω κερατι
12 και ηγγισεν η φαλαγξ εκ των δυο μερων και εφωνουν ταις σαλπιγξιν και εσαλπισαν οι παρα Ιουδου και αυτοι ταις σαλπιγξιν
13 και εσαλευθη η γη απο της φωνης των παρεμβολων και εγενετο ο πολεμος συνημμενος απο πρωιθεν εως εσπερας
14 και ειδεν Ιουδας οτι Βακχιδης και το στερεωμα της παρεμβολης εν τοις δεξιοις και συνηλθον αυτω παντες οι ευψυχοι τη καρδια
15 και συνετριβη το δεξιον μερος απ αυτων και εδιωκεν οπισω αυτων εως Αζωτου ορους
16 και οι εις το αριστερον κερας ειδον οτι συνετριβη το δεξιον κερας και επεστρεψαν κατα ποδας Ιουδου και των μετ αυτου εκ των οπισθεν
17 και εβαρυνθη ο πολεμος και επεσον τραυματιαι πολλοι εκ τουτων και εκ τουτων
18 και Ιουδας επεσεν και οι λοιποι εφυγον
19 και ηρεν Ιωναθαν και Σιμων Ιουδαν τον αδελφον αυτων και εθαψαν αυτον εν τω ταφω των πατερων αυτου εν Μωδειν
20 και εκλαυσαν αυτον και εκοψαντο αυτον πας Ισραηλ κοπετον μεγαν και επενθουν ημερας πολλας και ειπον
21 πως επεσεν δυνατος σωζων τον Ισραηλ
22 και τα περισσα των λογων Ιουδου και των πολεμων και των ανδραγαθιων ων εποιησεν και της μεγαλωσυνης αυτου ου κατεγραφη πολλα γαρ ην σφοδρα
23 και εγενετο μετα την τελευτην Ιουδου εξεκυψαν οι ανομοι εν πασιν τοις οριοις Ισραηλ και ανετειλαν παντες οι εργαζομενοι την αδικιαν
24 εν ταις ημεραις εκειναις εγενηθη λιμος μεγας σφοδρα και αυτομολησεν η χωρα μετ αυτων
25 και εξελεξεν Βακχιδης τους ασεβεις ανδρας και κατεστησεν αυτους κυριους της χωρας
26 και εξεζητουν και ηρευνων τους φιλους Ιουδου και ηγον αυτους προς Βακχιδην και εξεδικα αυτους και ενεπαιζεν αυτοις
27 και εγενετο θλιψις μεγαλη εν τω Ισραηλ ητις ουκ εγενετο αφ ης ημερας ουκ ωφθη προφητης αυτοις
28 και ηθροισθησαν παντες οι φιλοι Ιουδου και ειπον τω Ιωναθαν
29 αφ ου ο αδελφος σου Ιουδας τετελευτηκεν και ανηρ ομοιος αυτω ουκ εστιν εξελθειν και εισελθειν προς τους εχθρους και Βακχιδην και εν τοις εχθραινουσιν του εθνους ημων
30 νυν ουν σε ηρετισαμεθα σημερον του ειναι αντ αυτου ημιν εις αρχοντα και ηγουμενον του πολεμησαι τον πολεμον ημων
31 και επεδεξατο Ιωναθαν εν τω καιρω εκεινω την ηγησιν και ανεστη αντι Ιουδου του αδελφου αυτου
32 και εγνω Βακχιδης και εζητει αυτον αποκτειναι
33 και εγνω Ιωναθαν και Σιμων ο αδελφος αυτου και παντες οι μετ αυτου και εφυγον εις την ερημον Θεκωε και παρενεβαλον επι το υδωρ λακκου Ασφαρ
34 και εγνω Βακχιδης τη ημερα των σαββατων και ηλθεν αυτος και παν το στρατευμα αυτου περαν του Ιορδανου
35 και απεστειλεν τον αδελφον αυτου ηγουμενον του οχλου και παρεκαλεσεν τους Ναβαταιους φιλους αυτου του παραθεσθαι αυτοις την αποσκευην αυτων την πολλην
36 και εξηλθον οι υιοι Ιαμβρι οι εκ Μηδαβα και συνελαβον Ιωαννην και παντα οσα ειχεν και απηλθον εχοντες
37 μετα τους λογους τουτους απηγγειλαν Ιωναθαν και Σιμωνι τω αδελφω αυτου οτι υιοι Ιαμβρι ποιουσιν γαμον μεγαν και αγουσιν την νυμφην απο Ναδαβαθ θυγατερα ενος των μεγαλων μεγιστανων Χανααν μετα παραπομπης μεγαλης
38 και εμνησθησαν του αιματος Ιωαννου του αδελφου αυτων και ανεβησαν και εκρυβησαν υπο την σκεπην του ορους
39 και ηραν τους οφθαλμους αυτων και ειδον και ιδου θρους και αποσκευη πολλη και ο νυμφιος εξηλθεν και οι φιλοι αυτου και οι αδελφοι αυτου εις συναντησιν αυτων μετα τυμπανων και μουσικων και οπλων πολλων
40 και εξανεστησαν επ αυτους απο του ενεδρου και απεκτειναν αυτους και επεσον τραυματιαι πολλοι και οι επιλοιποι εφυγον εις το ορος και ελαβον παντα τα σκυλα αυτων
41 και μετεστραφη ο γαμος εις πενθος και φωνη μουσικων αυτων εις θρηνον
42 και εξεδικησαν την εκδικησιν αιματος αδελφου αυτων και απεστρεψαν εις το ελος του Ιορδανου
43 και ηκουσεν Βακχιδης και ηλθεν τη ημερα των σαββατων εως των κρηπιδων του Ιορδανου εν δυναμει πολλη
44 και ειπεν Ιωναθαν τοις παρ αυτου αναστωμεν δη και πολεμησωμεν περι των ψυχων ημων ου γαρ εστιν σημερον ως εχθες και τριτην ημεραν
45 ιδου γαρ ο πολεμος εξ εναντιας και εξοπισθεν ημων το δε υδωρ του Ιορδανου ενθεν και ενθεν και ελος και δρυμος ουκ εστιν τοπος του εκκλιναι
46 νυν ουν κεκραξατε εις τον ουρανον οπως διασωθητε εκ χειρος των εχθρων ημων
47 και συνηψεν ο πολεμος και εξετεινεν Ιωναθαν την χειρα αυτου παταξαι τον Βακχιδην και εξεκλινεν απ αυτου εις τα οπισω
48 και ενεπηδησεν Ιωναθαν και οι μετ αυτου εις τον Ιορδανην και διεκολυμβησαν εις το περαν και ου διεβησαν επ αυτους τον Ιορδανην
49 επεσον δε παρα Βακχιδου τη ημερα εκεινη εις χιλιους ανδρας
50 και επεστρεψεν εις Ιερουσαλημ και ωκοδομησαν πολεις οχυρας εν τη Ιουδαια το οχυρωμα το εν Ιεριχω και την Αμμαους και την Βαιθωρων και την Βαιθηλ και την Θαμναθα Φαραθων και την Τεφων εν τειχεσιν υψηλοις και πυλαις και μοχλοις
51 και εθετο φρουραν εν αυτοις του εχθραινειν τω Ισραηλ
52 και ωχυρωσεν την πολιν την Βαιθσουραν και Γαζαρα και την ακραν και εθετο εν αυταις δυναμεις και παραθεσεις βρωματων
53 και ελαβεν τους υιους των ηγουμενων της χωρας ομηρα και εθετο αυτους εν τη ακρα εν Ιερουσαλημ εν φυλακη
54 και εν ετει τριτω και πεντηκοστω και εκατοστω τω μηνι τω δευτερω επεταξεν Αλκιμος καθαιρειν το τειχος της αυλης των αγιων της εσωτερας και καθειλεν τα εργα των προφητων και ενηρξατο του καθαιρειν
55 εν τω καιρω εκεινω επληγη Αλκιμος και ενεποδισθη τα εργα αυτου και απεφραγη το στομα αυτου και παρελυθη και ουκ ηδυνατο ετι λαλησαι λογον και εντειλασθαι περι του οικου αυτου
56 και απεθανεν Αλκιμος εν τω καιρω εκεινω μετα βασανου μεγαλης
57 και ειδεν Βακχιδης οτι απεθανεν Αλκιμος και επεστρεψεν προς τον βασιλεα και ησυχασεν η γη Ιουδα ετη δυο
58 και εβουλευσαντο παντες οι ανομοι λεγοντες ιδου Ιωναθαν και οι παρ αυτου εν ησυχια κατοικουσιν πεποιθοτες νυν ουν αναξομεν τον Βακχιδην και συλλημψεται αυτους παντας εν νυκτι μια
59 και πορευθεντες συνεβουλευσαντο αυτω
60 και απηρεν του ελθειν μετα δυναμεως πολλης και απεστειλεν λαθρα επιστολας πασιν τοις συμμαχοις αυτου τοις εν τη Ιουδαια οπως συλλαβωσιν τον Ιωναθαν και τους μετ αυτου και ουκ ηδυναντο οτι εγνωσθη η βουλη αυτων
61 και συνελαβον απο των ανδρων της χωρας των αρχηγων της κακιας εις πεντηκοντα ανδρας και απεκτειναν αυτους
62 και εξεχωρησεν Ιωναθαν και Σιμων και οι μετ αυτου εις Βαιθβασι την εν τη ερημω και ωκοδομησεν τα καθηρημενα αυτης και εστερεωσαν αυτην
63 και εγνω Βακχιδης και συνηγαγεν παν το πληθος αυτου και τοις εκ της Ιουδαιας παρηγγειλεν
64 και ελθων παρενεβαλεν επι Βαιθβασι και επολεμησεν αυτην ημερας πολλας και εποιησεν μηχανας
65 και απελιπεν Ιωναθαν Σιμωνα τον αδελφον αυτου εν τη πολει και εξηλθεν εις την χωραν και ηλθεν εν αριθμω
66 και επαταξεν Οδομηρα και τους αδελφους αυτου και τους υιους Φασιρων εν τω σκηνωματι αυτων και ηρξαντο τυπτειν και ανεβαινον εν ταις δυναμεσιν
67 και Σιμων και οι μετ αυτου εξηλθον εκ της πολεως και ενεπυρισαν τας μηχανας
68 και επολεμησαν προς τον Βακχιδην και συνετριβη υπ αυτων και εθλιβον αυτον σφοδρα οτι ην η βουλη αυτου και η εφοδος αυτου κενη
69 και ωργισθη εν θυμω τοις ανδρασιν τοις ανομοις τοις συμβουλευσασιν αυτω ελθειν εις την χωραν και απεκτεινεν εξ αυτων πολλους και εβουλευσατο του απελθειν εις την γην αυτου
70 και επεγνω Ιωναθαν και απεστειλεν προς αυτον πρεσβεις του συνθεσθαι προς αυτον ειρηνην και αποδουναι αυτοις την αιχμαλωσιαν
71 και επεδεξατο και εποιησεν κατα τους λογους αυτου και ωμοσεν αυτω μη εκζητησαι αυτω κακον πασας τας ημερας της ζωης αυτου
72 και απεδωκεν αυτω την αιχμαλωσιαν ην ηχμαλωτευσεν το προτερον εκ γης Ιουδα και αποστρεψας απηλθεν εις την γην αυτου και ου προσεθετο ετι ελθειν εις τα ορια αυτων
73 και κατεπαυσεν ρομφαια εξ Ισραηλ και ωκησεν Ιωναθαν εν Μαχμας και ηρξατο Ιωναθαν κρινειν τον λαον και ηφανισεν τους ασεβεις εξ Ισραηλ

Kapitel 10

1 και εν ετει εξηκοστω και εκατοστω ανεβη Αλεξανδρος ο του Αντιοχου ο Επιφανης και κατελαβετο Πτολεμαιδα και επεδεξαντο αυτον και εβασιλευσεν εκει
2 και ηκουσεν Δημητριος ο βασιλευς και συνηγαγεν δυναμεις πολλας σφοδρα και εξηλθεν εις συναντησιν αυτω εις πολεμον
3 και απεστειλεν Δημητριος προς Ιωναθαν επιστολας λογοις ειρηνικοις ωστε μεγαλυναι αυτον
4 ειπεν γαρ προφθασωμεν του ειρηνην θειναι μετ αυτων πριν η θειναι αυτον μετα Αλεξανδρου καθ ημων
5 μνησθησεται γαρ παντων των κακων ων συνετελεσαμεν προς αυτον και εις τους αδελφους αυτου και εις το εθνος
6 και εδωκεν αυτω εξουσιαν συναγαγειν δυναμεις και κατασκευαζειν οπλα και ειναι αυτον συμμαχον αυτου και τα ομηρα τα εν τη ακρα ειπεν παραδουναι αυτω
7 και ηλθεν Ιωναθαν εις Ιερουσαλημ και ανεγνω τας επιστολας εις τα ωτα παντος του λαου και των εκ της ακρας
8 και εφοβηθησαν φοβον μεγαν οτε ηκουσαν οτι εδωκεν αυτω ο βασιλευς εξουσιαν συναγαγειν δυναμιν
9 και παρεδωκαν οι εκ της ακρας Ιωναθαν τα ομηρα και απεδωκεν αυτους τοις γονευσιν αυτων
10 και ωκησεν Ιωναθαν εν Ιερουσαλημ και ηρξατο οικοδομειν και καινιζειν την πολιν
11 και ειπεν προς τους ποιουντας τα εργα οικοδομειν τα τειχη και το ορος Σιων κυκλοθεν εκ λιθων τετραποδων εις οχυρωσιν και εποιησαν ουτως
12 και εφυγον οι αλλογενεις οι οντες εν τοις οχυρωμασιν οις ωκοδομησεν Βακχιδης
13 και κατελιπεν εκαστος τον τοπον αυτου και απηλθεν εις την γην αυτου
14 πλην εν Βαιθσουροις υπελειφθησαν τινες των καταλιποντων τον νομον και τα προσταγματα ην γαρ εις φυγαδευτηριον
15 και ηκουσεν Αλεξανδρος ο βασιλευς τας επαγγελιας οσας απεστειλεν Δημητριος τω Ιωναθαν και διηγησαντο αυτω τους πολεμους και τας ανδραγαθιας ας εποιησεν αυτος και οι αδελφοι αυτου και τους κοπους ους εσχον
16 και ειπεν μη ευρησομεν ανδρα τοιουτον ενα και νυν ποιησομεν αυτον φιλον και συμμαχον ημων
17 και εγραψεν επιστολας και απεστειλεν αυτω κατα τους λογους τουτους λεγων
18 βασιλευς Αλεξανδρος τω αδελφω Ιωναθαν χαιρειν
19 ακηκοαμεν περι σου οτι ανηρ δυνατος ισχυι και επιτηδειος ει του ειναι ημων φιλος
20 και νυν καθεστακαμεν σε σημερον αρχιερεα του εθνους σου και φιλον βασιλεως καλεισθαι σε και απεστειλεν αυτω πορφυραν και στεφανον χρυσουν και φρονειν τα ημων και συντηρειν φιλιας προς ημας
21 και ενεδυσατο Ιωναθαν την αγιαν στολην τω εβδομω μηνι ετους εξηκοστου και εκατοστου εν εορτη σκηνοπηγιας και συνηγαγεν δυναμεις και κατεσκευασεν οπλα πολλα
22 και ηκουσεν Δημητριος τους λογους τουτους και ελυπηθη και ειπεν
23 τι τουτο εποιησαμεν οτι προεφθακεν ημας Αλεξανδρος του φιλιαν καταλαβεσθαι τοις Ιουδαιοις εις στηριγμα
24 γραψω αυτοις καγω λογους παρακλησεως και υψους και δοματων οπως ωσιν συν εμοι εις βοηθειαν
25 και απεστειλεν αυτοις κατα τους λογους τουτους βασιλευς Δημητριος τω εθνει των Ιουδαιων χαιρειν
26 επει συνετηρησατε τας προς ημας συνθηκας και ενεμεινατε τη φιλια ημων και ου προσεχωρησατε τοις εχθροις ημων ηκουσαμεν και εχαρημεν
27 και νυν εμμεινατε ετι του συντηρησαι προς ημας πιστιν και ανταποδωσομεν υμιν αγαθα ανθ ων ποιειτε μεθ ημων
28 και αφησομεν υμιν αφεματα πολλα και δωσομεν υμιν δοματα
29 και νυν απολυω υμας και αφιημι παντας τους Ιουδαιους απο των φορων και της τιμης του αλος και απο των στεφανων
30 και αντι του τριτου της σπορας και αντι του ημισους του καρπου του ξυλινου του επιβαλλοντος μοι λαβειν αφιημι απο της σημερον και επεκεινα του λαβειν απο γης Ιουδα και απο των τριων νομων των προστιθεμενων αυτη απο της Σαμαριτιδος και Γαλιλαιας απο της σημερον ημερας και εις τον απαντα χρονον
31 και Ιερουσαλημ εστω αγια και αφειμενη και τα ορια αυτης αι δεκαται και τα τελη
32 αφιημι και την εξουσιαν της ακρας της εν Ιερουσαλημ και διδωμι τω αρχιερει οπως αν καταστηση εν αυτη ανδρας ους αν αυτος εκλεξηται του φυλασσειν αυτην
33 και πασαν ψυχην Ιουδαιων την αιχμαλωτισθεισαν απο γης Ιουδα εις πασαν βασιλειαν μου αφιημι ελευθεραν δωρεαν και παντες αφιετωσαν τους φορους και των κτηνων αυτων
34 και πασαι αι εορται και τα σαββατα και νουμηνιαι και ημεραι αποδεδειγμεναι και τρεις ημεραι προ εορτης και τρεις μετα εορτην εστωσαν πασαι ημεραι ατελειας και αφεσεως πασιν τοις Ιουδαιοις τοις ουσιν εν τη βασιλεια μου
35 και ουχ εξει εξουσιαν ουδεις πρασσειν και παρενοχλειν τινα αυτων περι παντος πραγματος
36 και προγραφητωσαν των Ιουδαιων εις τας δυναμεις του βασιλεως εις τριακοντα χιλιαδας ανδρων και δοθησεται αυτοις ξενια ως καθηκει πασαις ταις δυναμεσιν του βασιλεως
37 και κατασταθησεται εξ αυτων εν τοις οχυρωμασιν του βασιλεως τοις μεγαλοις και εκ τουτων κατασταθησονται επι χρειων της βασιλειας των ουσων εις πιστιν και οι επ αυτων και οι αρχοντες εστωσαν εξ αυτων και πορευεσθωσαν τοις νομοις αυτων καθα και προσεταξεν ο βασιλευς εν γη Ιουδα
38 και τους τρεις νομους τους προστεθεντας τη Ιουδαια απο της χωρας Σαμαρειας προστεθητω τη Ιουδαια προς το λογισθηναι του γενεσθαι υφ ενα του μη υπακουσαι αλλης εξουσιας αλλ η του αρχιερεως
39 Πτολεμαιδα και την προσκυρουσαν αυτη δεδωκα δομα τοις αγιοις τοις εν Ιερουσαλημ εις την καθηκουσαν δαπανην τοις αγιοις
40 καγω διδωμι κατ ενιαυτον δεκα πεντε χιλιαδας σικλων αργυριου απο των λογων του βασιλεως απο των τοπων των ανηκοντων
41 και παν το πλεοναζον ο ουκ απεδιδοσαν απο των χρειων ως εν τοις πρωτοις ετεσιν απο του νυν δωσουσιν εις τα εργα του οικου
42 και επι τουτοις πεντακισχιλιους σικλους αργυριου ους ελαμβανον απο των χρειων του αγιου απο του λογου κατ ενιαυτον και ταυτα αφιεται δια το ανηκειν αυτα τοις ιερευσιν τοις λειτουργουσιν
43 και οσοι εαν φυγωσιν εις το ιερον το εν Ιεροσολυμοις και εν πασιν τοις οριοις αυτου οφειλων βασιλικα και παν πραγμα απολελυσθωσαν και παντα οσα εστιν αυτοις εν τη βασιλεια μου
44 και του οικοδομηθηναι και επικαινισθηναι τα εργα των αγιων και η δαπανη δοθησεται εκ του λογου του βασιλεως
45 και του οικοδομηθηναι τα τειχη Ιερουσαλημ και οχυρωσαι κυκλοθεν και η δαπανη δοθησεται εκ του λογου του βασιλεως και του οικοδομηθηναι τα τειχη εν τη Ιουδαια
46 ως δε ηκουσεν Ιωναθαν και ο λαος τους λογους τουτους ουκ επιστευσαν αυτοις ουδε επεδεξαντο οτι επεμνησθησαν της κακιας της μεγαλης ης εποιησεν εν Ισραηλ και εθλιψεν αυτους σφοδρα
47 και ευδοκησαν εν Αλεξανδρω οτι αυτος εγενετο αυτοις αρχηγος λογων ειρηνικων και συνεμαχουν αυτω πασας τας ημερας
48 και συνηγαγεν Αλεξανδρος ο βασιλευς δυναμεις μεγαλας και παρενεβαλεν εξ εναντιας Δημητριου
49 και συνηψαν πολεμον οι δυο βασιλεις και εφυγεν η παρεμβολη Δημητριου και εδιωξεν αυτον ο Αλεξανδρος και ισχυσεν επ αυτους
50 και εστερεωσεν τον πολεμον σφοδρα εως εδυ ο ηλιος και επεσεν ο Δημητριος εν τη ημερα εκεινη
51 και απεστειλεν Αλεξανδρος προς Πτολεμαιον βασιλεα Αιγυπτου πρεσβεις κατα τους λογους τουτους λεγων
52 επει ανεστρεψα εις την βασιλειαν μου και ενεκαθισα επι θρονου πατερων μου και εκρατησα της αρχης και συνετριψα τον Δημητριον και επεκρατησα της χωρας ημων
53 και συνηψα προς αυτον μαχην και συνετριβη αυτος και η παρεμβολη αυτου υφ ημων και εκαθισαμεν επι θρονου βασιλειας αυτου
54 και νυν στησωμεν προς αυτους φιλιαν και νυν δος μοι την θυγατερα σου εις γυναικα και επιγαμβρευσω σοι και δωσω σοι δοματα και αυτη αξια σου
55 και απεκριθη Πτολεμαιος ο βασιλευς λεγων αγαθη ημερα εν η επεστρεψας εις γην πατερων σου και εκαθισας επι θρονου βασιλειας αυτων
56 και νυν ποιησω σοι α εγραψας αλλα απαντησον εις Πτολεμαιδα οπως ιδωμεν αλληλους και επιγαμβρευσω σοι καθως ειρηκας
57 και εξηλθεν Πτολεμαιος εξ Αιγυπτου αυτος και Κλεοπατρα η θυγατηρ αυτου και ηλθεν εις Πτολεμαιδα ετους δευτερου και εξηκοστου και εκατοστου
58 και απηντησεν αυτω Αλεξανδρος ο βασιλευς και εξεδετο αυτω Κλεοπατραν την θυγατερα αυτου και εποιησεν τον γαμον αυτης εν Πτολεμαιδι καθως οι βασιλεις εν δοξη μεγαλη
59 και εγραψεν Αλεξανδρος ο βασιλευς Ιωναθη ελθειν εις συναντησιν αυτω
60 και επορευθη μετα δοξης εις Πτολεμαιδα και απηντησεν τοις δυσιν βασιλευσι και εδωκεν αυτοις αργυριον και χρυσιον και τοις φιλοις αυτων και δοματα πολλα και ευρεν χαριν ενωπιον αυτων
61 και επισυνηχθησαν επ αυτον ανδρες λοιμοι εξ Ισραηλ ανδρες παρανομοι εντυχειν κατ αυτου και ου προσεσχεν αυτοις ο βασιλευς
62 και προσεταξεν ο βασιλευς και εξεδυσαν Ιωναθαν τα ιματια αυτου και ενεδυσαν αυτον πορφυραν και εποιησαν ουτως
63 και εκαθισεν αυτον ο βασιλευς μετ αυτου και ειπεν τοις αρχουσιν αυτου εξελθατε μετ αυτου εις μεσον της πολεως και κηρυξατε του μηδενα εντυγχανειν κατ αυτου περι μηδενος πραγματος και μηδεις αυτω παρενοχλειτω περι παντος λογου
64 και εγενετο ως ειδον οι εντυγχανοντες την δοξαν αυτου καθως εκηρυξεν και περιβεβλημενον αυτον πορφυραν και εφυγον παντες
65 και εδοξασεν αυτον ο βασιλευς και εγραψεν αυτον των πρωτων φιλων και εθετο αυτον στρατηγον και μεριδαρχην
66 και επεστρεψεν Ιωναθαν εις Ιερουσαλημ μετ ειρηνης και ευφροσυνης
67 και εν ετει πεμπτω και εξηκοστω και εκατοστω ηλθεν Δημητριος υιος Δημητριου εκ Κρητης εις την γην των πατερων αυτου
68 και ηκουσεν Αλεξανδρος ο βασιλευς και ελυπηθη σφοδρα και υπεστρεψεν εις Αντιοχειαν
69 και κατεστησεν Δημητριος Απολλωνιον τον οντα επι Κοιλης Συριας και συνηγαγεν δυναμιν μεγαλην και παρενεβαλεν επι Ιαμνειαν και απεστειλεν προς Ιωναθαν τον αρχιερεα λεγων
70 συ μονωτατος επαιρη εφ ημας εγω δε εγενηθην εις καταγελωτα και εις ονειδισμον δια σε και δια τι συ εξουσιαζη εφ ημας εν τοις ορεσι
71 νυν ουν ει πεποιθας επι ταις δυναμεσιν σου καταβηθι προς ημας εις το πεδιον και συγκριθωμεν εαυτοις εκει οτι μετ εμου εστιν δυναμις των πολεων
72 ερωτησον και μαθε τις ειμι και οι λοιποι οι βοηθουντες ημιν και λεγουσιν ουκ εστιν υμιν στασις ποδος κατα προσωπον ημων οτι δις ετροπωθησαν οι πατερες σου εν τη γη αυτων
73 και νυν ου δυνηση υποστηναι την ιππον και δυναμιν τοιαυτην εν τω πεδιω οπου ουκ εστιν λιθος ουδε κοχλαξ ουδε τοπος του φυγειν
74 ως δε ηκουσεν Ιωναθαν των λογων Απολλωνιου εκινηθη τη διανοια και επελεξεν δεκα χιλιαδας ανδρων και εξηλθεν εξ Ιερουσαλημ και συνηντησεν αυτω Σιμων ο αδελφος αυτου επι βοηθειαν αυτω
75 και παρενεβαλεν επι Ιοππην και απεκλεισαν αυτην οι εκ της πολεως οτι φρουρα Απολλωνιου εν Ιοππη και επολεμησαν αυτην
76 και φοβηθεντες ηνοιξαν οι εκ της πολεως και εκυριευσεν Ιωναθαν Ιοππης
77 και ηκουσεν Απολλωνιος και παρενεβαλεν τρισχιλιαν ιππον και δυναμιν πολλην και επορευθη εις Αζωτον ως διοδευων και αμα προηγεν εις το πεδιον δια το εχειν αυτον πληθος ιππου και πεποιθεναι επ αυτη
78 και κατεδιωξεν οπισω αυτου εις Αζωτον και συνηψαν αι παρεμβολαι εις πολεμον
79 και απελιπεν Απολλωνιος χιλιαν ιππον κρυπτως κατοπισθεν αυτων
80 και εγνω Ιωναθαν οτι εστιν ενεδρον κατοπισθεν αυτου και εκυκλωσαν αυτου την παρεμβολην και εξετιναξαν τας σχιζας εις τον λαον εκ πρωιθεν εως δειλης
81 ο δε λαος ειστηκει καθως επεταξεν Ιωναθαν και εκοπιασαν οι ιπποι αυτων
82 και ειλκυσεν Σιμων την δυναμιν αυτου και συνηψεν προς την φαλαγγα η γαρ ιππος εξελυθη και συνετριβησαν υπ αυτου και εφυγον
83 και η ιππος εσκορπισθη εν τω πεδιω και εφυγον εις Αζωτον και εισηλθον εις Βηθδαγων το ειδωλιον αυτων του σωθηναι
84 και ενεπυρισεν Ιωναθαν την Αζωτον και τας πολεις τας κυκλω αυτης και ελαβεν τα σκυλα αυτων και το ιερον Δαγων και τους συμφυγοντας εις αυτο ενεπυρισεν πυρι
85 και εγενοντο οι πεπτωκοτες μαχαιρα συν τοις εμπυρισθεισιν εις ανδρας οκτακισχιλιους
86 και απηρεν εκειθεν Ιωναθαν και παρενεβαλεν επι Ασκαλωνα και εξηλθον οι εκ της πολεως εις συναντησιν αυτω εν δοξη μεγαλη
87 και επεστρεψεν Ιωναθαν εις Ιερουσαλημ συν τοις παρ αυτου εχοντες σκυλα πολλα
88 και εγενετο ως ηκουσεν Αλεξανδρος ο βασιλευς τους λογους τουτους και προσεθετο ετι δοξασαι τον Ιωναθαν
89 και απεστειλεν αυτω πορπην χρυσην ως εθος εστιν διδοσθαι τοις συγγενεσιν των βασιλεων και εδωκεν αυτω την Ακκαρων και παντα τα ορια αυτης εις κληροδοσιαν

Kapitel 11

1 και βασιλευς Αιγυπτου ηθροισεν δυναμεις πολλας ως η αμμος η παρα το χειλος της θαλασσης και πλοια πολλα και εζητησε κατακρατησαι της βασιλειας Αλεξανδρου δολω και προσθειναι αυτην τη βασιλεια αυτου
2 και εξηλθεν εις Συριαν λογοις ειρηνικοις και ηνοιγον αυτω οι απο των πολεων και συνηντων αυτω οτι εντολη ην Αλεξανδρου του βασιλεως συνανταν αυτω δια το πενθερον αυτου ειναι
3 ως δε εισεπορευετο εις τας πολεις Πτολεμαιος απετασσε τας δυναμεις φρουραν εν εκαστη πολει
4 ως δε ηγγισαν Αζωτου εδειξαν αυτω το ιερον Δαγων εμπεπυρισμενον και Αζωτον και τα περιπολια αυτης καθηρημενα και τα σωματα ερριμμενα και τους εμπεπυρισμενους ους ενεπυρισεν εν τω πολεμω εποιησαν γαρ θιμωνιας αυτων εν τη οδω αυτου
5 και διηγησαντο τω βασιλει α εποιησεν Ιωναθαν εις το ψογισαι αυτον και εσιγησεν ο βασιλευς
6 και συνηντησεν Ιωναθαν τω βασιλει εις Ιοππην μετα δοξης και ησπασαντο αλληλους και εκοιμηθησαν εκει
7 και επορευθη Ιωναθαν μετα του βασιλεως εως του ποταμου του καλουμενου Ελευθερου και επεστρεψεν εις Ιερουσαλημ
8 ο δε βασιλευς Πτολεμαιος εκυριευσεν των πολεων της παραλιας εως Σελευκειας της παραθαλασσιας και διελογιζετο περι Αλεξανδρου λογισμους πονηρους
9 και απεστειλεν πρεσβεις προς Δημητριον τον βασιλεα λεγων δευρο συνθωμεθα προς εαυτους διαθηκην και δωσω σοι την θυγατερα μου ην ειχεν Αλεξανδρος και βασιλευσεις της βασιλειας του πατρος σου
10 μεταμεμελημαι γαρ δους αυτω την θυγατερα μου εζητησεν γαρ αποκτειναι με
11 και εψογισεν αυτον χαριν του επιθυμησαι αυτον της βασιλειας αυτου
12 και αφελομενος αυτου την θυγατερα εδωκεν αυτην τω Δημητριω και ηλλοιωθη τω Αλεξανδρω και εφανη η εχθρα αυτων
13 και εισηλθεν Πτολεμαιος εις Αντιοχειαν και περιεθετο το διαδημα της Ασιας και περιεθετο δυο διαδηματα περι την κεφαλην αυτου το της Αιγυπτου και Ασιας
14 Αλεξανδρος δε ο βασιλευς ην εν Κιλικια κατα τους καιρους εκεινους οτι απεστατουν οι απο των τοπων εκεινων
15 και ηκουσεν Αλεξανδρος και ηλθεν επ αυτον εν πολεμω και εξηγαγεν Πτολεμαιος και απηντησεν αυτω εν χειρι ισχυρα και ετροπωσατο αυτον
16 και εφυγεν Αλεξανδρος εις την Αραβιαν του σκεπασθηναι αυτον εκει ο δε βασιλευς Πτολεμαιος υψωθη
17 και αφειλεν Ζαβδιηλ ο Αραψ την κεφαλην Αλεξανδρου και απεστειλεν τω Πτολεμαιω
18 και ο βασιλευς Πτολεμαιος απεθανεν εν τη ημερα τη τριτη και οι οντες εν τοις οχυρωμασιν αυτου απωλοντο υπο των εν τοις οχυρωμασιν
19 και εβασιλευσεν Δημητριος ετους εβδομου και εξηκοστου και εκατοστου
20 εν ταις ημεραις εκειναις συνηγαγεν Ιωναθαν τους εκ της Ιουδαιας του εκπολεμησαι την ακραν την εν Ιερουσαλημ και εποιησεν επ αυτην μηχανας πολλας
21 και επορευθησαν τινες μισουντες το εθνος αυτων ανδρες παρανομοι προς τον βασιλεα και απηγγειλαν αυτω οτι Ιωναθαν περικαθηται την ακραν
22 και ακουσας ωργισθη ως δε ηκουσεν ευθεως αναζευξας ηλθεν εις Πτολεμαιδα και εγραψεν Ιωναθαν του μη περικαθησθαι και του απαντησαι αυτον αυτω συμμισγειν εις Πτολεμαιδα την ταχιστην
23 ως δε ηκουσεν Ιωναθαν εκελευσεν περικαθησθαι και επελεξεν των πρεσβυτερων Ισραηλ και των ιερεων και εδωκεν εαυτον τω κινδυνω
24 και λαβων αργυριον και χρυσιον και ιματισμον και ετερα ξενια πλειονα και επορευθη προς τον βασιλεα εις Πτολεμαιδα και ευρεν χαριν εναντιον αυτου
25 και ενετυγχανον κατ αυτου τινες ανομοι των εκ του εθνους
26 και εποιησεν αυτω ο βασιλευς καθως εποιησαν αυτω οι προ αυτου και υψωσεν αυτον εναντιον των φιλων αυτου παντων
27 και εστησεν αυτω την αρχιερωσυνην και οσα αλλα ειχεν τιμια το προτερον και εποιησεν αυτον των πρωτων φιλων ηγεισθαι
28 και ηξιωσεν Ιωναθαν τον βασιλεα ποιησαι την Ιουδαιαν αφορολογητον και τας τρεις τοπαρχιας και την Σαμαριτιν και επηγγειλατο αυτω ταλαντα τριακοσια
29 και ευδοκησεν ο βασιλευς και εγραψεν τω Ιωναθαν επιστολας περι παντων τουτων εχουσας τον τροπον τουτον
30 βασιλευς Δημητριος Ιωναθαν τω αδελφω χαιρειν και εθνει Ιουδαιων
31 το αντιγραφον της επιστολης ης εγραψαμεν Λασθενει τω συγγενει ημων περι υμων γεγραφαμεν και προς υμας οπως ειδητε
32 βασιλευς Δημητριος Λασθενει τω πατρι χαιρειν
33 τω εθνει των Ιουδαιων φιλοις ημων και συντηρουσιν τα προς ημας δικαια εκριναμεν αγαθον ποιησαι χαριν της εξ αυτων ευνοιας προς ημας
34 εστακαμεν αυτοις τα τε ορια της Ιουδαιας και τους τρεις νομους Αφαιρεμα και Λυδδα και Ραθαμιν προσετεθησαν τη Ιουδαια απο της Σαμαριτιδος και παντα τα συγκυρουντα αυτοις πασιν τοις θυσιαζουσιν εις Ιεροσολυμα αντι των βασιλικων ων ελαμβανεν ο βασιλευς παρ αυτων το προτερον κατ ενιαυτον απο των γενηματων της γης και των ακροδρυων
35 και τα αλλα τα ανηκοντα ημιν απο του νυν των δεκατων και των τελων των ανηκοντων ημιν και τας του αλος λιμνας και τους ανηκοντας ημιν στεφανους παντα επαρκεσομεν αυτοις
36 και ουκ αθετηθησεται ουδε εν τουτων απο του νυν εις τον απαντα χρονον
37 νυν ουν επιμελεσθε του ποιησαι τουτων αντιγραφον και δοθητω Ιωναθαν και τεθητω εν τω ορει τω αγιω εν τοπω επισημω
38 και ειδεν Δημητριος ο βασιλευς οτι ησυχασεν η γη ενωπιον αυτου και ουδεν αυτω ανθειστηκει και απελυσεν πασας τας δυναμεις αυτου εκαστον εις τον ιδιον τοπον πλην των ξενων δυναμεων ων εξενολογησεν απο των νησων των εθνων και ηχθραναν αυτω πασαι αι δυναμεις αι απο των πατερων
39 Τρυφων δε ην των παρα Αλεξανδρου το προτερον και ειδεν οτι πασαι αι δυναμεις καταγογγυζουσιν κατα του Δημητριου και επορευθη προς Ιμαλκουε τον Αραβα ος ετρεφεν Αντιοχον το παιδαριον τον του Αλεξανδρου
40 και προσηδρευεν αυτω οπως παραδοι αυτον αυτω οπως βασιλευση αντι του πατρος αυτου και απηγγειλεν αυτω οσα συνετελεσεν ο Δημητριος και την εχθραν ην εχθραινουσιν αυτω αι δυναμεις αυτου και εμεινεν εκει ημερας πολλας
41 και απεστειλεν Ιωναθαν προς Δημητριον τον βασιλεα ινα εκβαλη τους εκ της ακρας εξ Ιερουσαλημ και τους εν τοις οχυρωμασιν ησαν γαρ πολεμουντες τον Ισραηλ
42 και απεστειλεν Δημητριος προς Ιωναθαν λεγων ου ταυτα μονον ποιησω σοι και τω εθνει σου αλλα δοξη δοξασω σε και το εθνος σου εαν ευκαιριας τυχω
43 νυν ουν ορθως ποιησεις αποστειλας μοι ανδρας οι συμμαχησουσιν μοι οτι απεστησαν πασαι αι δυναμεις μου
44 και απεστειλεν Ιωναθαν ανδρας τρισχιλιους δυνατους ισχυι αυτω εις Αντιοχειαν και ηλθον προς τον βασιλεα και ηυφρανθη ο βασιλευς επι τη εφοδω αυτων
45 και επισυνηχθησαν οι απο της πολεως εις μεσον της πολεως εις ανδρων δωδεκα μυριαδας και ηβουλοντο ανελειν τον βασιλεα
46 και εφυγεν ο βασιλευς εις την αυλην και κατελαβοντο οι εκ της πολεως τας διοδους της πολεως και ηρξαντο πολεμειν
47 και εκαλεσεν ο βασιλευς τους Ιουδαιους επι βοηθειαν και επισυνηχθησαν προς αυτον παντες αμα και διεσπαρησαν εν τη πολει και απεκτειναν εν τη ημερα εκεινη εις μυριαδας δεκα
48 και ενεπυρισαν την πολιν και ελαβον σκυλα πολλα εν εκεινη τη ημερα και εσωσαν τον βασιλεα
49 και ειδον οι απο της πολεως οτι κατεκρατησαν οι Ιουδαιοι της πολεως ως ηβουλοντο και ησθενησαν ταις διανοιαις αυτων και εκεκραξαν προς τον βασιλεα μετα δεησεως λεγοντες
50 δος ημιν δεξιας και παυσασθωσαν οι Ιουδαιοι πολεμουντες ημας και την πολιν
51 και ερριψαν τα οπλα και εποιησαν ειρηνην και εδοξασθησαν οι Ιουδαιοι εναντιον του βασιλεως και ενωπιον παντων των εν τη βασιλεια αυτου και επεστρεψαν εις Ιερουσαλημ εχοντες σκυλα πολλα
52 και εκαθισεν Δημητριος ο βασιλευς επι θρονου της βασιλειας αυτου και ησυχασεν η γη ενωπιον αυτου
53 και εψευσατο παντα οσα ειπεν και ηλλοτριωθη τω Ιωναθαν και ουκ ανταπεδωκεν τας ευνοιας ας ανταπεδωκεν αυτω και εθλιβεν αυτον σφοδρα
54 μετα δε ταυτα απεστρεψεν Τρυφων και Αντιοχος μετ αυτου παιδαριον νεωτερον και εβασιλευσεν και επεθετο διαδημα
55 και επισυνηχθησαν προς αυτον πασαι αι δυναμεις ας απεσκορακισεν Δημητριος και επολεμησαν προς αυτον και εφυγεν και ετροπωθη
56 και ελαβεν Τρυφων τα θηρια και κατεκρατησεν της Αντιοχειας
57 και εγραψεν Αντιοχος ο νεωτερος Ιωναθη λεγων ιστημι σοι την αρχιερωσυνην και καθιστημι σε επι των τεσσαρων νομων και ειναι σε των φιλων του βασιλεως
58 και απεστειλεν αυτω χρυσωματα και διακονιαν και εδωκεν αυτω εξουσιαν πινειν εν χρυσωμασιν και ειναι εν πορφυρα και εχειν πορπην χρυσην
59 και Σιμωνα τον αδελφον αυτου κατεστησεν στρατηγον απο της κλιμακος Τυρου εως των οριων Αιγυπτου
60 και εξηλθεν Ιωναθαν και διεπορευετο περαν του ποταμου και εν ταις πολεσιν και ηθροισθησαν προς αυτον πασα δυναμις Συριας εις συμμαχιαν και ηλθεν εις Ασκαλωνα και απηντησαν αυτω οι εκ της πολεως ενδοξως
61 και απηλθεν εκειθεν εις Γαζαν και απεκλεισαν οι απο Γαζης και περιεκαθισεν περι αυτην και ενεπυρισεν τα περιπολια αυτης εν πυρι και εσκυλευσεν αυτα
62 και ηξιωσαν οι απο Γαζης Ιωναθαν και εδωκεν αυτοις δεξιας και ελαβεν τους υιους των αρχοντων αυτων εις ομηρα και εξαπεστειλεν αυτους εις Ιερουσαλημ και διηλθεν την χωραν εως Δαμασκου
63 και ηκουσεν Ιωναθαν οτι παρησαν οι αρχοντες Δημητριου εις Κηδες την εν τη Γαλιλαια μετα δυναμεως πολλης βουλομενοι μεταστησαι αυτον της χρειας
64 και συνηντησεν αυτοις τον δε αδελφον αυτου Σιμωνα κατελιπεν εν τη χωρα
65 και παρενεβαλεν Σιμων επι Βαιθσουρα και επολεμει αυτην ημερας πολλας και συνεκλεισεν αυτην
66 και ηξιωσαν αυτον του δεξιας λαβειν και εδωκεν αυτοις και εξεβαλεν αυτους εκειθεν και κατελαβετο την πολιν και εθετο επ αυτην φρουραν
67 και Ιωναθαν και η παρεμβολη αυτου παρενεβαλον επι το υδωρ του Γεννησαρ και ωρθρισαν το πρωι εις το πεδιον Ασωρ
68 και ιδου η παρεμβολη αλλοφυλων απηντα αυτω εν τω πεδιω και εξεβαλον ενεδρον επ αυτον εν τοις ορεσιν αυτοι δε απηντησαν εξ εναντιας
69 τα δε ενεδρα εξανεστησαν εκ των τοπων αυτων και συνηψαν πολεμον
70 και εφυγον οι παρα Ιωναθου παντες ουδε εις κατελειφθη απ αυτων πλην Ματταθιας ο του Αψαλωμου και Ιουδας ο του Χαλφι αρχοντες της στρατιας των δυναμεων
71 και διερρηξεν Ιωναθαν τα ιματια αυτου και επεθετο γην επι την κεφαλην αυτου και προσηυξατο
72 και υπεστρεψεν προς αυτους πολεμω και ετροπωσατο αυτους και εφυγον
73 και ειδον οι φευγοντες παρ αυτου και επεστρεψαν επ αυτον και εδιωκον μετ αυτου εως Κεδες εως της παρεμβολης αυτων και παρενεβαλον εκει
74 και επεσον εκ των αλλοφυλων εν τη ημερα εκεινη εις ανδρας τρισχιλιους και επεστρεψεν Ιωναθαν εις Ιερουσαλημ

Kapitel 12

1 και ειδεν Ιωναθαν οτι ο καιρος αυτω συνεργει και επελεξατο ανδρας και απεστειλεν εις Ρωμην στησαι και ανανεωσασθαι την προς αυτους φιλιαν
2 και προς Σπαρτιατας και τοπους ετερους απεστειλεν επιστολας κατα τα αυτα
3 και επορευθησαν εις Ρωμην και εισηλθον εις το βουλευτηριον και ειπον Ιωναθαν ο αρχιερευς και το εθνος των Ιουδαιων απεστειλεν ημας ανανεωσασθαι την φιλιαν εαυτοις και την συμμαχιαν κατα το προτερον
4 και εδωκαν επιστολας αυτοις προς αυτους κατα τοπον οπως προπεμπωσιν αυτους εις γην Ιουδα μετ ειρηνης
5 και τουτο το αντιγραφον των επιστολων ων εγραψεν Ιωναθαν τοις Σπαρτιαταις
6 Ιωναθαν αρχιερευς και η γερουσια του εθνους και οι ιερεις και ο λοιπος δημος των Ιουδαιων Σπαρτιαταις τοις αδελφοις χαιρειν
7 ετι προτερον απεσταλησαν επιστολαι προς Ονιαν τον αρχιερεα παρα Αρειου του βασιλευοντος εν υμιν οτι εστε αδελφοι ημων ως το αντιγραφον υποκειται
8 και επεδεξατο ο Ονιας τον ανδρα τον απεσταλμενον ενδοξως και ελαβεν τας επιστολας εν αις διεσαφειτο περι συμμαχιας και φιλιας
9 ημεις ουν απροσδεεις τουτων οντες παρακλησιν εχοντες τα βιβλια τα αγια τα εν ταις χερσιν ημων
10 επειραθημεν αποστειλαι την προς υμας αδελφοτητα και φιλιαν ανανεωσασθαι προς το μη εξαλλοτριωθηναι υμων πολλοι γαρ καιροι διηλθον αφ ου απεστειλατε προς ημας
11 ημεις ουν εν παντι καιρω αδιαλειπτως εν τε ταις εορταις και ταις λοιπαις καθηκουσαις ημεραις μιμνησκομεθα υμων εφ ων προσφερομεν θυσιων και εν ταις προσευχαις ως δεον εστιν και πρεπον μνημονευειν αδελφων
12 ευφραινομεθα δε επι τη δοξη υμων
13 ημας δε εκυκλωσαν πολλαι θλιψεις και πολεμοι πολλοι και επολεμησαν ημας οι βασιλεις οι κυκλω ημων
14 ουκ ηβουλομεθα ουν παρενοχλησαι υμιν και τοις λοιποις συμμαχοις και φιλοις ημων εν τοις πολεμοις τουτοις
15 εχομεν γαρ την εξ ουρανου βοηθειαν βοηθουσαν ημιν και ερρυσθημεν απο των εχθρων και εταπεινωθησαν οι εχθροι ημων
16 επελεξαμεν ουν Νουμηνιον Αντιοχου και Αντιπατρον Ιασονος και απεσταλκαμεν προς Ρωμαιους ανανεωσασθαι την προς αυτους φιλιαν και συμμαχιαν την προτερον
17 ενετειλαμεθα ουν αυτοις και προς υμας πορευθηναι και ασπασασθαι υμας και αποδουναι υμιν τας παρ ημων επιστολας περι της ανανεωσεως και της αδελφοτητος ημων
18 και νυν καλως ποιησετε αντιφωνησαντες ημιν προς ταυτα
19 και τουτο το αντιγραφον των επιστολων ων απεστειλαν Ονια
20 Αρειος βασιλευς Σπαρτιατων Ονια ιερει μεγαλω χαιρειν
21 ευρεθη εν γραφη περι τε των Σπαρτιατων και Ιουδαιων οτι εισιν αδελφοι και οτι εισιν εκ γενους Αβρααμ
22 και νυν αφ ου εγνωμεν ταυτα καλως ποιησετε γραφοντες ημιν περι της ειρηνης υμων
23 και ημεις δε αντιγραφομεν υμιν τα κτηνη υμων και η υπαρξις υμων ημιν εστιν και τα ημων υμιν εστιν εντελλομεθα ουν οπως απαγγειλωσιν υμιν κατα ταυτα
24 και ηκουσεν Ιωναθαν οτι επεστρεψαν οι αρχοντες Δημητριου μετα δυναμεως πολλης υπερ το προτερον του πολεμησαι προς αυτον
25 και απηρεν εξ Ιερουσαλημ και απηντησεν αυτοις εις την Αμαθιτιν χωραν ου γαρ εδωκεν αυτοις ανοχην του εμβατευσαι εις την χωραν αυτου
26 και απεστειλεν κατασκοπους εις την παρεμβολην αυτων και επεστρεψαν και απηγγειλαν αυτω οτι ουτως τασσονται επιπεσειν επ αυτους την νυκτα
27 ως δε εδυ ο ηλιος επεταξεν Ιωναθαν τοις παρ αυτου γρηγορειν και ειναι επι τοις οπλοις ετοιμαζεσθαι εις πολεμον δι ολης της νυκτος και εξεβαλεν προφυλακας κυκλω της παρεμβολης
28 και ηκουσαν οι υπεναντιοι οτι ητοιμασται Ιωναθαν και οι παρ αυτου εις πολεμον και εφοβηθησαν και επτηξαν τη καρδια αυτων και ανεκαυσαν πυρας εν τη παρεμβολη αυτων
29 Ιωναθαν δε και οι παρ αυτου ουκ εγνωσαν εως πρωι εβλεπον γαρ τα φωτα καιομενα
30 και κατεδιωξεν Ιωναθαν οπισω αυτων και ου κατελαβεν αυτους διεβησαν γαρ τον Ελευθερον ποταμον
31 και εξεκλινεν Ιωναθαν επι τους Αραβας τους καλουμενους Ζαβαδαιους και επαταξεν αυτους και ελαβεν τα σκυλα αυτων
32 και αναζευξας ηλθεν εις Δαμασκον και διωδευσεν εν παση τη χωρα
33 και Σιμων εξηλθεν και διωδευσεν εως Ασκαλωνος και τα πλησιον οχυρωματα και εξεκλινεν εις Ιοππην και προκατελαβετο αυτην
34 ηκουσεν γαρ οτι βουλονται το οχυρωμα παραδουναι τοις παρα Δημητριου και εθετο εκει φρουραν οπως φυλασσωσιν αυτην
35 και επεστρεψεν Ιωναθαν και εξεκκλησιασεν τους πρεσβυτερους του λαου και εβουλευετο μετ αυτων του οικοδομησαι οχυρωματα εν τη Ιουδαια
36 και προσυψωσαι τα τειχη Ιερουσαλημ και υψωσαι υψος μεγα ανα μεσον της ακρας και της πολεως εις το διαχωριζειν αυτην της πολεως ινα η αυτη κατα μονας οπως μητε αγοραζωσιν μητε πωλωσιν
37 και συνηχθησαν του οικοδομειν την πολιν και επεσεν του τειχους του χειμαρρου του εξ απηλιωτου και επεσκευασεν το καλουμενον Χαφεναθα
38 και Σιμων ωκοδομησεν την Αδιδα εν τη Σεφηλα και ωχυρωσεν αυτην και επεστησεν θυρας και μοχλους
39 και εζητησεν Τρυφων βασιλευσαι της Ασιας και περιθεσθαι το διαδημα και εκτειναι χειρα επ Αντιοχον τον βασιλεα
40 και ευλαβηθη μηποτε ουκ εαση αυτον Ιωναθαν και μηποτε πολεμηση προς αυτον και εζητει συλλαβειν αυτον του απολεσαι και απαρας ηλθεν εις Βαιθσαν
41 και εξηλθεν Ιωναθαν εις απαντησιν αυτω εν τεσσαρακοντα χιλιασιν ανδρων επιλελεγμεναις εις παραταξιν και ηλθεν εις Βαιθσαν
42 και ειδεν Τρυφων οτι ηλθεν μετα δυναμεως πολλης και εκτειναι χειρας επ αυτον ευλαβηθη
43 και επεδεξατο αυτον ενδοξως και συνεστησεν αυτον πασιν τοις φιλοις αυτου και εδωκεν αυτω δοματα και επεταξεν τοις φιλοις αυτου και ταις δυναμεσιν αυτου υπακουειν αυτου ως αυτου
44 και ειπεν τω Ιωναθαν ινα τι εκοπωσας παντα τον λαον τουτον πολεμου μη ενεστηκοτος ημιν
45 και νυν αποστειλον αυτους εις τους οικους αυτων επιλεξαι δε σεαυτω ανδρας ολιγους οιτινες εσονται μετα σου και δευρο μετ εμου εις Πτολεμαιδα και παραδωσω σοι αυτην και τα λοιπα οχυρωματα και τας δυναμεις τας λοιπας και παντας τους επι των χρειων και επιστρεψας απελευσομαι τουτου γαρ χαριν παρειμι
46 και εμπιστευσας αυτω εποιησεν καθως ειπεν και εξαπεστειλεν τας δυναμεις και απηλθον εις γην Ιουδα
47 κατελιπεν δε μεθ εαυτου ανδρας τρισχιλιους ων δισχιλιους αφηκεν εν τη Γαλιλαια χιλιοι δε συνηλθον αυτω
48 ως δε εισηλθεν Ιωναθαν εις Πτολεμαιδα απεκλεισαν οι Πτολεμαεις τας πυλας και συνελαβον αυτον και παντας τους συνεισελθοντας μετ αυτου απεκτειναν εν ρομφαια
49 και απεστειλεν Τρυφων δυναμεις και ιππον εις την Γαλιλαιαν και το πεδιον το μεγα του απολεσαι παντας τους παρα Ιωναθου
50 και επεγνωσαν οτι συνελημφθη και απολωλεν και οι μετ αυτου και παρεκαλεσαν εαυτους και επορευοντο συνεστραμμενοι ετοιμοι εις πολεμον
51 και ειδον οι διωκοντες οτι περι ψυχης αυτοις εστιν και επεστρεψαν
52 και ηλθον παντες μετ ειρηνης εις γην Ιουδα και επενθησαν τον Ιωναθαν και τους μετ αυτου και εφοβηθησαν σφοδρα και επενθησεν πας Ισραηλ πενθος μεγα
53 και εζητησαν παντα τα εθνη τα κυκλω αυτων εκτριψαι αυτους ειπον γαρ ουκ εχουσιν αρχοντα και βοηθουντα νυν ουν πολεμησωμεν αυτους και εξαρωμεν εξ ανθρωπων το μνημοσυνον αυτων

Kapitel 13

1 και ηκουσεν Σιμων οτι συνηγαγεν Τρυφων δυναμιν πολλην του ελθειν εις γην Ιουδα και εκτριψαι αυτην
2 και ειδεν τον λαον οτι εντρομος εστιν και εκφοβος και ανεβη εις Ιερουσαλημ και ηθροισεν τον λαον
3 και παρεκαλεσεν αυτους και ειπεν αυτοις αυτοι οιδατε οσα εγω και οι αδελφοι μου και ο οικος του πατρος μου εποιησαμεν περι των νομων και των αγιων και τους πολεμους και τας στενοχωριας ας ειδομεν
4 τουτου χαριν απωλοντο οι αδελφοι μου παντες χαριν του Ισραηλ και κατελειφθην εγω μονος
5 και νυν μη μοι γενοιτο φεισασθαι μου της ψυχης εν παντι καιρω θλιψεως ου γαρ ειμι κρεισσων των αδελφων μου
6 πλην εκδικησω περι του εθνους μου και περι των αγιων και περι των γυναικων και τεκνων υμων οτι συνηχθησαν παντα τα εθνη εκτριψαι ημας εχθρας χαριν
7 και ανεζωπυρησεν το πνευμα του λαου αμα του ακουσαι των λογων τουτων
8 και απεκριθησαν φωνη μεγαλη λεγοντες συ ει ημων ηγουμενος αντι Ιουδου και Ιωναθου του αδελφου σου
9 πολεμησον τον πολεμον ημων και παντα οσα αν ειπης ημιν ποιησομεν
10 και συνηγαγεν παντας τους ανδρας τους πολεμιστας και εταχυνεν του τελεσαι τα τειχη Ιερουσαλημ και ωχυρωσεν αυτην κυκλοθεν
11 και απεστειλεν Ιωναθαν τον του Αψαλωμου και μετ αυτου δυναμιν ικανην εις Ιοππην και εξεβαλεν τους οντας εν αυτη και εμεινεν εκει εν αυτη
12 και απηρεν Τρυφων απο Πτολεμαιδος μετα δυναμεως πολλης ελθειν εις γην Ιουδα και Ιωναθαν μετ αυτου εν φυλακη
13 Σιμων δε παρενεβαλεν εν Αδιδοις κατα προσωπον του πεδιου
14 και επεγνω Τρυφων οτι ανεστη Σιμων αντι Ιωναθου του αδελφου αυτου και οτι συναπτειν αυτω μελλει πολεμον και απεστειλεν προς αυτον πρεσβεις λεγων
15 περι αργυριου ου ωφειλεν Ιωναθαν ο αδελφος σου εις το βασιλικον δι ας ειχεν χρειας συνεχομεν αυτον
16 και νυν αποστειλον αργυριου ταλαντα εκατον και δυο των υιων αυτου ομηρα οπως μη αφεθεις αποστατηση αφ ημων και αφησομεν αυτον
17 και εγνω Σιμων οτι δολω λαλουσιν προς αυτον και πεμπει του λαβειν το αργυριον και τα παιδαρια μηποτε εχθραν αρη μεγαλην προς τον λαον
18 λεγοντες οτι ουκ απεστειλα αυτω το αργυριον και τα παιδαρια απωλετο
19 και απεστειλεν τα παιδαρια και τα εκατον ταλαντα και διεψευσατο και ουκ αφηκεν τον Ιωναθαν
20 και μετα ταυτα ηλθεν Τρυφων του εμβατευσαι εις την χωραν και εκτριψαι αυτην και εκυκλωσαν οδον την εις Αδωρα και Σιμων και η παρεμβολη αυτου αντιπαρηγεν αυτω εις παντα τοπον ου αν επορευετο
21 οι δε εκ της ακρας απεστελλον προς Τρυφωνα πρεσβευτας κατασπευδοντας αυτον του ελθειν προς αυτους δια της ερημου και αποστειλαι αυτοις τροφας
22 και ητοιμασεν Τρυφων πασαν την ιππον αυτου ελθειν και εν τη νυκτι εκεινη ην χιων πολλη σφοδρα και ουκ ηλθεν δια την χιονα και απηρεν και ηλθεν εις την Γαλααδιτιν
23 ως δε ηγγισεν της Βασκαμα απεκτεινεν τον Ιωναθαν και εταφη εκει
24 και επεστρεψεν Τρυφων και απηλθεν εις την γην αυτου
25 και απεστειλεν Σιμων και ελαβεν τα οστα Ιωναθου του αδελφου αυτου και εθαψεν αυτον εν Μωδειν πολει των πατερων αυτου
26 και εκοψαντο αυτον πας Ισραηλ κοπετον μεγαν και επενθησαν αυτον ημερας πολλας
27 και ωκοδομησεν Σιμων επι τον ταφον του πατρος αυτου και των αδελφων αυτου και υψωσεν αυτον τη ορασει λιθω ξεστω εκ των οπισθεν και εμπροσθεν
28 και εστησεν επτα πυραμιδας μιαν κατεναντι της μιας τω πατρι και τη μητρι και τοις τεσσαρσιν αδελφοις
29 και ταυταις εποιησεν μηχανηματα περιθεις στυλους μεγαλους και εποιησεν επι τοις στυλοις πανοπλιας εις ονομα αιωνιον και παρα ταις πανοπλιαις πλοια εγγεγλυμμενα εις το θεωρεισθαι υπο παντων των πλεοντων την θαλασσαν
30 ουτος ο ταφος ον εποιησεν εν Μωδειν εως της ημερας ταυτης
31 ο δε Τρυφων επορευετο δολω μετα Αντιοχου του βασιλεως του νεωτερου και απεκτεινεν αυτον
32 και εβασιλευσεν αντ αυτου και περιεθετο το διαδημα της Ασιας και εποιησεν πληγην μεγαλην επι της γης
33 και ωκοδομησεν Σιμων τα οχυρωματα της Ιουδαιας και περιετειχισεν πυργοις υψηλοις και τειχεσιν μεγαλοις και πυλαις και μοχλοις και εθετο βρωματα εν τοις οχυρωμασιν
34 και επελεξεν Σιμων ανδρας και απεστειλεν προς Δημητριον τον βασιλεα του ποιησαι αφεσιν τη χωρα οτι πασαι αι πραξεις Τρυφωνος ησαν αρπαγαι
35 και απεστειλεν αυτω Δημητριος ο βασιλευς κατα τους λογους τουτους και απεκριθη αυτω και εγραψεν αυτω επιστολην τοιαυτην
36 βασιλευς Δημητριος Σιμωνι αρχιερει και φιλω βασιλεων και πρεσβυτεροις και εθνει Ιουδαιων χαιρειν
37 τον στεφανον τον χρυσουν και την βαινην ην απεστειλατε κεκομισμεθα και ετοιμοι εσμεν του ποιειν υμιν ειρηνην μεγαλην και γραφειν τοις επι των χρειων του αφιεναι υμιν τα αφεματα
38 και οσα εστησαμεν προς υμας εστηκεν και τα οχυρωματα α ωκοδομησατε υπαρχετω υμιν
39 αφιεμεν δε αγνοηματα και τα αμαρτηματα εως της σημερον ημερας και τον στεφανον ον ωφειλετε και ει τι αλλο ετελωνειτο εν Ιερουσαλημ μηκετι τελωνεισθω
40 και ει τινες επιτηδειοι υμων γραφηναι εις τους περι ημας εγγραφεσθωσαν και γινεσθω ανα μεσον ημων ειρηνη
41 ετους εβδομηκοστου και εκατοστου ηρθη ο ζυγος των εθνων απο του Ισραηλ
42 και ηρξατο ο λαος γραφειν εν ταις συγγραφαις και συναλλαγμασιν ετους πρωτου επι Σιμωνος αρχιερεως μεγαλου και στρατηγου και ηγουμενου Ιουδαιων
43 εν ταις ημεραις εκειναις παρενεβαλεν επι Γαζαρα και εκυκλωσεν αυτην παρεμβολαις και εποιησεν ελεοπολιν και προσηγαγεν τη πολει και επαταξεν πυργον ενα και κατελαβετο
44 και εξηλλοντο οι εν τη ελεοπολει εις την πολιν και εγενετο κινημα μεγα εν τη πολει
45 και ανεβησαν οι εν τη πολει συν γυναιξιν και τοις τεκνοις επι το τειχος διερρηχοτες τα ιματια αυτων και εβοησαν φωνη μεγαλη αξιουντες Σιμωνα δεξιας αυτοις δουναι
46 και ειπαν μη ημιν χρηση κατα τας πονηριας ημων αλλα κατα το ελεος σου
47 και συνελυθη αυτοις Σιμων και ουκ επολεμησεν αυτους και εξεβαλεν αυτους εκ της πολεως και εκαθαρισεν τας οικιας εν αις ην τα ειδωλα και ουτως εισηλθεν εις αυτην υμνων και ευλογων
48 και εξεβαλεν εξ αυτης πασαν ακαθαρσιαν και κατωκισεν εν αυτη ανδρας οιτινες τον νομον ποιησωσιν και προσωχυρωσεν αυτην και ωκοδομησεν εαυτω εν αυτη οικησιν
49 οι δε εκ της ακρας εν Ιερουσαλημ εκωλυοντο εκπορευεσθαι και εισπορευεσθαι εις την χωραν αγοραζειν και πωλειν και επεινασαν σφοδρα και απωλοντο εξ αυτων ικανοι τω λιμω
50 και εβοησαν προς Σιμωνα δεξιας λαβειν και εδωκεν αυτοις και εξεβαλεν αυτους εκειθεν και εκαθαρισεν την ακραν απο των μιασματων
51 και εισηλθον εις αυτην τη τριτη και εικαδι του δευτερου μηνος ετους πρωτου και εβδομηκοστου και εκατοστου μετα αινεσεως και βαιων και εν κινυραις και εν κυμβαλοις και εν ναβλαις και εν υμνοις και εν ωδαις οτι συνετριβη εχθρος μεγας εξ Ισραηλ
52 και εστησεν κατ ενιαυτον του αγειν την ημεραν ταυτην μετα ευφροσυνης και προσωχυρωσεν το ορος του ιερου το παρα την ακραν και ωκει εκει αυτος και οι παρ αυτου
53 και ειδεν Σιμων τον Ιωαννην υιον αυτου οτι ανηρ εστιν και εθετο αυτον ηγουμενον των δυναμεων πασων και ωκει εν Γαζαροις

Kapitel 14

1 και εν ετει δευτερω και εβδομηκοστω και εκατοστω συνηγαγεν Δημητριος ο βασιλευς τας δυναμεις αυτου και επορευθη εις Μηδιαν του επισπασασθαι βοηθειαν εαυτω οπως πολεμηση τον Τρυφωνα
2 και ηκουσεν Αρσακης ο βασιλευς της Περσιδος και Μηδιας οτι εισηλθεν Δημητριος εις τα ορια αυτου και απεστειλεν ενα των αρχοντων αυτου συλλαβειν αυτον ζωντα
3 και επορευθη και επαταξεν την παρεμβολην Δημητριου και συνελαβεν αυτον και ηγαγεν αυτον προς Αρσακην και εθετο αυτον εν φυλακη
4 και ησυχασεν η γη Ιουδα πασας τας ημερας Σιμωνος και εζητησεν αγαθα τω εθνει αυτου και ηρεσεν αυτοις η εξουσια αυτου και η δοξα αυτου πασας τας ημερας
5 και μετα πασης της δοξης αυτου ελαβεν την Ιοππην εις λιμενα και εποιησεν εισοδον ταις νησοις της θαλασσης
6 και επλατυνεν τα ορια τω εθνει αυτου και εκρατησεν της χωρας
7 και συνηγαγεν αιχμαλωσιαν πολλην και εκυριευσεν Γαζαρων και Βαιθσουρων και της ακρας και εξηρεν τας ακαθαρσιας εξ αυτης και ουκ ην ο αντικειμενος αυτω
8 και ησαν γεωργουντες την γην αυτων μετ ειρηνης και η γη εδιδου τα γενηματα αυτης και τα ξυλα των πεδιων τον καρπον αυτων
9 πρεσβυτεροι εν ταις πλατειαις εκαθηντο παντες περι αγαθων εκοινολογουντο και οι νεανισκοι ενεδυσαντο δοξας και στολας πολεμου
10 ταις πολεσιν εχορηγησεν βρωματα και εταξεν αυτας εν σκευεσιν οχυρωσεως εως οτου ωνομασθη το ονομα της δοξης αυτου εως ακρου γης
11 εποιησεν ειρηνην επι της γης και ευφρανθη Ισραηλ ευφροσυνην μεγαλην
12 και εκαθισεν εκαστος υπο την αμπελον αυτου και την συκην αυτου και ουκ ην ο εκφοβων αυτους
13 και εξελιπεν πολεμων αυτους επι της γης και οι βασιλεις συνετριβησαν εν ταις ημεραις εκειναις
14 και εστηρισεν παντας τους ταπεινους του λαου αυτου τον νομον εξεζητησεν και εξηρεν παντα ανομον και πονηρον
15 τα αγια εδοξασεν και επληθυνεν τα σκευη των αγιων
16 και ηκουσθη εν Ρωμη οτι απεθανεν Ιωναθαν και εως Σπαρτης και ελυπηθησαν σφοδρα
17 ως δε ηκουσαν οτι Σιμων ο αδελφος αυτου γεγονεν αρχιερευς αντ αυτου και αυτος επικρατει της χωρας και των πολεων των εν αυτη
18 εγραψαν προς αυτον δελτοις χαλκαις του ανανεωσασθαι προς αυτον φιλιαν και συμμαχιαν ην εστησαν προς Ιουδαν και Ιωναθαν τους αδελφους αυτου
19 και ανεγνωσθησαν ενωπιον της εκκλησιας εν Ιερουσαλημ
20 και τουτο το αντιγραφον των επιστολων ων απεστειλαν οι Σπαρτιαται Σπαρτιατων αρχοντες και η πολις Σιμωνι ιερει μεγαλω και τοις πρεσβυτεροις και τοις ιερευσιν και τω λοιπω δημω των Ιουδαιων αδελφοις χαιρειν
21 οι πρεσβευται οι αποσταλεντες προς τον δημον ημων απηγγειλαν ημιν περι της δοξης υμων και τιμης και ηυφρανθημεν επι τη εφοδω αυτων
22 και ανεγραψαμεν τα υπ αυτων ειρημενα εν ταις βουλαις του δημου ουτως Νουμηνιος Αντιοχου και Αντιπατρος Ιασονος πρεσβευται Ιουδαιων ηλθον προς ημας ανανεουμενοι την προς ημας φιλιαν
23 και ηρεσεν τω δημω επιδεξασθαι τους ανδρας ενδοξως και του θεσθαι το αντιγραφον των λογων αυτων εν τοις αποδεδειγμενοις τω δημω βιβλιοις του μνημοσυνον εχειν τον δημον των Σπαρτιατων το δε αντιγραφον τουτων εγραψαν Σιμωνι τω αρχιερει
24 μετα ταυτα απεστειλεν Σιμων τον Νουμηνιον εις Ρωμην εχοντα ασπιδα χρυσην μεγαλην ολκην μνων χιλιων εις το στησαι προς αυτους την συμμαχιαν
25 ως δε ηκουσεν ο δημος των λογων τουτων ειπαν τινα χαριν αποδωσομεν Σιμωνι και τοις υιοις αυτου
26 εστηρισεν γαρ αυτος και οι αδελφοι αυτου και ο οικος του πατρος αυτου και επολεμησεν τους εχθρους Ισραηλ απ αυτων και εστησαν αυτω ελευθεριαν και κατεγραψαν εν δελτοις χαλκαις και εθεντο εν στηλαις εν ορει Σιων
27 και τουτο το αντιγραφον της γραφης οκτωκαιδεκατη Ελουλ ετους δευτερου και εβδομηκοστου και εκατοστου και τουτο τριτον ετος επι Σιμωνος αρχιερεως μεγαλου εν ασαραμελ
28 επι συναγωγης μεγαλης ιερεων και λαου και αρχοντων εθνους και των πρεσβυτερων της χωρας εγνωρισεν ημιν
29 επει πολλακις εγενηθησαν πολεμοι εν τη χωρα Σιμων δε υιος Ματταθιου ιερευς των υιων Ιωαριβ και οι αδελφοι αυτου εδωκαν αυτους τω κινδυνω και αντεστησαν τοις υπεναντιοις του εθνους αυτων οπως σταθη τα αγια αυτων και ο νομος και δοξη μεγαλη εδοξασαν το εθνος αυτων
30 και ηθροισεν Ιωναθαν το εθνος αυτων και εγενηθη αυτοις αρχιερευς και προσετεθη προς τον λαον αυτου
31 και εβουληθησαν οι εχθροι αυτων εμβατευσαι εις την χωραν αυτων και εκτειναι χειρας επι τα αγια αυτων
32 τοτε αντεστη Σιμων και επολεμησε περι του εθνους αυτου και εδαπανησεν χρηματα πολλα των εαυτου και οπλοδοτησεν τους ανδρας της δυναμεως του εθνους αυτου και εδωκεν αυτοις οψωνια
33 και ωχυρωσεν τας πολεις της Ιουδαιας και την Βαιθσουραν την επι των οριων της Ιουδαιας ου ην τα οπλα των πολεμιων το προτερον και εθετο εκει φρουραν ανδρας Ιουδαιους
34 και Ιοππην ωχυρωσεν την επι της θαλασσης και την Γαζαραν την επι των οριων Αζωτου εν η ωκουν οι πολεμιοι το προτερον και κατωκισεν εκει Ιουδαιους και οσα επιτηδεια ην προς τη τουτων επανορθωσει εθετο εν αυτοις
35 και ειδεν ο λαος την πιστιν του Σιμωνος και την δοξαν ην εβουλευσατο ποιησαι τω εθνει αυτου και εθεντο αυτον ηγουμενον αυτων και αρχιερεα δια το αυτον πεποιηκεναι παντα ταυτα και την δικαιοσυνην και την πιστιν ην συνετηρησεν τω εθνει αυτου και εξεζητησεν παντι τροπω υψωσαι τον λαον αυτου
36 και εν ταις ημεραις αυτου ευοδωθη εν ταις χερσιν αυτου του εξαρθηναι τα εθνη εκ της χωρας αυτων και τους εν τη πολει Δαυιδ τους εν Ιερουσαλημ οι εποιησαν αυτοις ακραν εξ ης εξεπορευοντο και εμιαινον κυκλω των αγιων και εποιουν πληγην μεγαλην εν τη αγνεια
37 και κατωκισεν εν αυτη ανδρας Ιουδαιους και ωχυρωσεν αυτην προς ασφαλειαν της χωρας και της πολεως και υψωσεν τα τειχη της Ιερουσαλημ
38 και ο βασιλευς Δημητριος εστησεν αυτω την αρχιερωσυνην κατα ταυτα
39 και εποιησεν αυτον των φιλων αυτου και εδοξασεν αυτον δοξη μεγαλη
40 ηκουσεν γαρ οτι προσηγορευνται οι Ιουδαιοι υπο Ρωμαιων φιλοι και συμμαχοι και αδελφοι και οτι απηντησαν τοις πρεσβευταις Σιμωνος ενδοξως
41 και οτι οι Ιουδαιοι και οι ιερεις ευδοκησαν του ειναι αυτων Σιμωνα ηγουμενον και αρχιερεα εις τον αιωνα εως του αναστηναι προφητην πιστον
42 και του ειναι επ αυτων στρατηγον και οπως μελη αυτω περι των αγιων καθισταναι δι αυτου επι των εργων αυτων και επι της χωρας και επι των οπλων και επι των οχυρωματων
43 και οπως μελη αυτω περι των αγιων και οπως ακουηται υπο παντων και οπως γραφωνται επι τω ονοματι αυτου πασαι συγγραφαι εν τη χωρα και οπως περιβαλληται πορφυραν και χρυσοφορη
44 και ουκ εξεσται ουθενι του λαου και των ιερεων αθετησαι τι τουτων και αντειπειν τοις υπ αυτου ρηθησομενοις και επισυστρεψαι συστροφην εν τη χωρα ανευ αυτου και περιβαλλεσθαι πορφυραν και εμπορπουσθαι πορπην χρυσην
45 ος δ αν παρα ταυτα ποιηση η αθετηση τι τουτων ενοχος εσται
46 και ευδοκησεν πας ο λαος θεσθαι Σιμωνι ποιησαι κατα τους λογους τουτους
47 και επεδεξατο Σιμων και ευδοκησεν αρχιερατευειν και ειναι στρατηγος και εθναρχης των Ιουδαιων και ιερεων και του προστατησαι παντων
48 και την γραφην ταυτην ειπον θεσθαι εν δελτοις χαλκαις και στησαι αυτας εν περιβολω των αγιων εν τοπω επισημω
49 τα δε αντιγραφα αυτων θεσθαι εν τω γαζοφυλακιω οπως εχη Σιμων και οι υιοι αυτου

Kapitel 15

1 και απεστειλεν Αντιοχος υιος Δημητριου του βασιλεως επιστολας απο των νησων της θαλασσης Σιμωνι ιερει και εθναρχη των Ιουδαιων και παντι τω εθνει
2 και ησαν περιεχουσαι τον τροπον τουτον βασιλευς Αντιοχος Σιμωνι ιερει μεγαλω και εθναρχη και εθνει Ιουδαιων χαιρειν
3 επει τινες λοιμοι κατεκρατησαν της βασιλειας των πατερων ημων βουλομαι δε αντιποιησασθαι της βασιλειας οπως αποκαταστησω αυτην ως ην το προτερον εξενολογησα δε πληθος δυναμεων και κατεσκευασα πλοια πολεμικα
4 βουλομαι δε εκβηναι κατα την χωραν οπως μετελθω τους κατεφθαρκοτας την χωραν ημων και τους ηρημωκοτας πολεις πολλας εν τη βασιλεια μου
5 νυν ουν ιστημι σοι παντα τα αφεματα α αφηκαν σοι οι προ εμου βασιλεις και οσα αλλα δοματα αφηκαν σοι
6 και επετρεψα σοι ποιησαι κομμα ιδιον νομισμα τη χωρα σου
7 Ιερουσαλημ δε και τα αγια ειναι ελευθερα και παντα τα οπλα οσα κατεσκευασας και τα οχυρωματα α ωκοδομησας ων κρατεις μενετω σοι
8 και παν οφειλημα βασιλικον και τα εσομενα βασιλικα απο του νυν και εις τον απαντα χρονον αφιεσθω σοι
9 ως δ αν κρατησωμεν της βασιλειας ημων δοξασομεν σε και το εθνος σου και το ιερον δοξη μεγαλη ωστε φανεραν γενεσθαι την δοξαν υμων εν παση τη γη
10 ετους τεταρτου και εβδομηκοστου και εκατοστου εξηλθεν Αντιοχος εις την γην των πατερων αυτου και συνηλθον προς αυτον πασαι αι δυναμεις ωστε ολιγους ειναι συν Τρυφωνι
11 και εδιωξεν αυτον Αντιοχος και ηλθεν εις Δωρα φευγων την επι θαλασσης
12 ηδει γαρ οτι επισυνηκται επ αυτον τα κακα και αφηκαν αυτον αι δυναμεις
13 και παρενεβαλεν Αντιοχος επι Δωρα και συν αυτω δωδεκα μυριαδες ανδρων πολεμιστων και οκτακισχιλια ιππος
14 και εκυκλωσεν την πολιν και τα πλοια απο θαλασσης συνηψαν και εθλιβε την πολιν απο της γης και της θαλασσης και ουκ ειασεν ουδενα εκπορευεσθαι ουδε εισπορευεσθαι
15 και ηλθεν Νουμηνιος και οι παρ αυτου εκ Ρωμης εχοντες επιστολας τοις βασιλευσιν και ταις χωραις εν αις εγεγραπτο ταδε
16 Λευκιος υπατος Ρωμαιων Πτολεμαιω βασιλει χαιρειν
17 οι πρεσβευται των Ιουδαιων ηλθον προς ημας φιλοι ημων και συμμαχοι ανανεουμενοι την εξ αρχης φιλιαν και συμμαχιαν απεσταλμενοι απο Σιμωνος του αρχιερεως και του δημου των Ιουδαιων
18 ηνεγκαν δε ασπιδα χρυσην απο μνων χιλιων
19 ηρεσεν ουν ημιν γραψαι τοις βασιλευσιν και ταις χωραις οπως μη εκζητησωσιν αυτοις κακα και μη πολεμησωσιν αυτους και τας πολεις αυτων και την χωραν αυτων και ινα μη συμμαχωσιν τοις πολεμουσιν προς αυτους
20 εδοξεν δε ημιν δεξασθαι την ασπιδα παρ αυτων
21 ει τινες ουν λοιμοι διαπεφευγασιν εκ της χωρας αυτων προς υμας παραδοτε αυτους Σιμωνι τω αρχιερει οπως εκδικηση αυτους κατα τον νομον αυτων
22 και ταυτα εγραψεν Δημητριω τω βασιλει και Ατταλω και Αριαραθη και Αρσακη
23 και εις πασας τας χωρας και Σαμψαμη και Σπαρτιαταις και εις Δηλον και εις Μυνδον και εις Σικυωνα και εις την Καριαν και εις Σαμον και εις την Παμφυλιαν και εις Λυκιαν και εις Αλικαρνασσον και εις Ροδον και εις Φασηλιδα και εις Κω και εις Σιδην και εις Αραδον και Γορτυναν και Κνιδον και Κυπρον και Κυρηνην
24 το δε αντιγραφον τουτων εγραψαν Σιμωνι τω αρχιερει
25 αντιοχος δε ο βασιλευς παρενεβαλεν επι Δωρα εν τη δευτερα προσαγων δια παντος αυτη τας χειρας και μηχανας ποιουμενος και συνεκλεισεν τον Τρυφωνα του εκπορευεσθαι και εισπορευεσθαι
26 και απεστειλεν αυτω Σιμων δισχιλιους ανδρας εκλεκτους συμμαχησαι αυτω και αργυριον και χρυσιον και σκευη ικανα
27 και ουκ ηβουλετο αυτα δεξασθαι αλλα ηθετησεν παντα οσα συνεθετο αυτω το προτερον και ηλλοτριουτο αυτω
28 και απεστειλεν προς αυτον Αθηνοβιον ενα των φιλων αυτου κοινολογησομενον αυτω λεγων υμεις κατακρατειτε της Ιοππης και Γαζαρων και της ακρας της εν Ιερουσαλημ πολεις της βασιλειας μου
29 τα ορια αυτων ηρημωσατε και εποιησατε πληγην μεγαλην επι της γης και εκυριευσατε τοπων πολλων εν τη βασιλεια μου
30 νυν ουν παραδοτε τας πολεις ας κατελαβεσθε και τους φορους των τοπων ων κατεκυριευσατε εκτος των οριων της Ιουδαιας
31 ει δε μη δοτε αντ αυτων πεντακοσια ταλαντα αργυριου και της καταφθορας ης κατεφθαρκατε και των φορων των πολεων αλλα ταλαντα πεντακοσια ει δε μη παραγενομενοι εκπολεμησομεν υμας
32 και ηλθεν Αθηνοβιος ο φιλος του βασιλεως εις Ιερουσαλημ και ειδεν την δοξαν Σιμωνος και κυλικειον μετα χρυσωματων και αργυρωματων και παραστασιν ικανην και εξιστατο και απηγγειλεν αυτω τους λογους του βασιλεως
33 και αποκριθεις Σιμων ειπεν αυτω ουτε γην αλλοτριαν ειληφαμεν ουτε αλλοτριων κεκρατηκαμεν αλλα της κληρονομιας των πατερων ημων υπο δε εχθρων ημων ακριτως εν τινι καιρω κατεκρατηθη
34 ημεις δε καιρον εχοντες αντεχομεθα της κληρονομιας των πατερων ημων
35 περι δε Ιοππης και Γαζαρων ων αιτεις αυται εποιουν εν τω λαω πληγην μεγαλην και την χωραν ημων τουτων δωσομεν ταλαντα εκατον
36 και ουκ απεκριθη αυτω λογον απεστρεψεν δε μετα θυμου προς τον βασιλεα και απηγγειλεν αυτω τους λογους τουτους και την δοξαν Σιμωνος και παντα οσα ειδεν και ωργισθη ο βασιλευς οργην μεγαλην
37 τρυφων δε εμβας εις πλοιον εφυγεν εις Ορθωσιαν
38 και κατεστησεν ο βασιλευς τον Κενδεβαιον επιστρατηγον της παραλιας και δυναμεις πεζικας και ιππικας εδωκεν αυτω
39 και ενετειλατο αυτω παρεμβαλλειν κατα προσωπον της Ιουδαιας και ενετειλατο αυτω οικοδομησαι την Κεδρων και οχυρωσαι τας πυλας και οπως πολεμη τον λαον ο δε βασιλευς εδιωκε τον Τρυφωνα
40 και παρεγενηθη Κενδεβαιος εις Ιαμνειαν και ηρξατο του ερεθιζειν τον λαον και εμβατευειν εις την Ιουδαιαν και αιχμαλωτιζειν τον λαον και φονευειν
41 και ωκοδομησεν την Κεδρων και απεταξεν εκει ιππεις και δυναμεις οπως εκπορευομενοι εξοδευωσιν τας οδους της Ιουδαιας καθα συνεταξεν αυτω ο βασιλευς

Kapitel 16

1 και ανεβη Ιωαννης εκ Γαζαρων και απηγγειλεν Σιμωνι τω πατρι αυτου α συνετελεσεν Κενδεβαιος
2 και εκαλεσεν Σιμων τους δυο υιους αυτου τους πρεσβυτερους Ιουδαν και Ιωαννην και ειπεν αυτοις εγω και οι αδελφοι μου και ο οικος του πατρος μου επολεμησαμεν τους πολεμους Ισραηλ απο νεοτητος εως της σημερον ημερας και ευοδωθη εν ταις χερσιν ημων ρυσασθαι τον Ισραηλ πλεονακις
3 νυνι δε γεγηρακα και υμεις δε εν τω ελεει ικανοι εστε εν τοις ετεσιν γινεσθε αντ εμου και του αδελφου μου και εξελθοντες υπερμαχειτε υπερ του εθνους ημων η δε εκ του ουρανου βοηθεια εστω μεθ υμων
4 και επελεξεν εκ της χωρας εικοσι χιλιαδας ανδρων πολεμιστων και ιππεις και επορευθησαν επι τον Κενδεβαιον και εκοιμηθησαν εν Μωδειν
5 και ανασταντες το πρωι επορευθησαν εις το πεδιον και ιδου δυναμις πολλη εις συναντησιν αυτοις πεζικη και ιππεις και χειμαρρους ην ανα μεσον αυτων
6 και παρενεβαλε κατα προσωπον αυτων αυτος και ο λαος αυτου και ειδεν τον λαον δειλουμενον διαπερασαι τον χειμαρρουν και διεπερασεν πρωτος και ειδον αυτον οι ανδρες και διεπερασαν κατοπισθεν αυτου
7 και διειλεν τον λαον και τους ιππεις εν μεσω των πεζων ην δε ιππος των υπεναντιων πολλη σφοδρα
8 και εσαλπισαν ταις σαλπιγξιν και ετροπωθη Κενδεβαιος και η παρεμβολη αυτου και επεσον εξ αυτων τραυματιαι πολλοι οι δε καταλειφθεντες εφυγον εις το οχυρωμα
9 τοτε ετραυματισθη Ιουδας ο αδελφος Ιωαννου Ιωαννης δε κατεδιωξεν αυτους εως ηλθεν εις Κεδρων ην ωκοδομησεν
10 και εφυγον εις τους πυργους τους εν τοις αγροις Αζωτου και ενεπυρισεν αυτην εν πυρι και επεσον εξ αυτων εις ανδρας δισχιλιους και απεστρεψεν εις την Ιουδαιαν μετα ειρηνης
11 και Πτολεμαιος ο του Αβουβου ην καθεσταμενος στρατηγος εις το πεδιον Ιεριχω και εσχεν αργυριον και χρυσιον πολυ
12 ην γαρ γαμβρος του αρχιερεως
13 και υψωθη η καρδια αυτου και εβουληθη κατακρατησαι της χωρας και εβουλευετο δολω κατα Σιμωνος και των υιων αυτου αραι αυτους
14 Σιμων δε ην εφοδευων τας πολεις τας εν τη χωρα και φροντιζων της επιμελειας αυτων και κατεβη εις Ιεριχω αυτος και Ματταθιας και Ιουδας οι υιοι αυτου ετους εβδομου και εβδομηκοστου και εκατοστου εν μηνι ενδεκατω ουτος ο μην Σαβατ
15 και υπεδεξατο αυτους ο του Αβουβου εις το οχυρωματιον το καλουμενον Δωκ μετα δολου ο ωκοδομησεν και εποιησεν αυτοις ποτον μεγαν και ενεκρυψεν εκει ανδρας
16 και οτε εμεθυσθη Σιμων και οι υιοι αυτου εξανεστη Πτολεμαιος και οι παρ αυτου και ελαβον τα οπλα αυτων και επεισηλθον τω Σιμωνι εις το συμποσιον και απεκτειναν αυτον και τους δυο υιους αυτου και τινας των παιδαριων αυτου
17 και εποιησεν αθεσιαν μεγαλην και απεδωκεν κακα αντι αγαθων
18 και εγραψεν ταυτα Πτολεμαιος και απεστειλεν τω βασιλει οπως αποστειλη αυτω δυναμεις εις βοηθειαν και παραδω την χωραν αυτων και τας πολεις
19 και απεστειλεν ετερους εις Γαζαρα αραι τον Ιωαννην και τοις χιλιαρχοις απεστειλεν επιστολας παραγενεσθαι προς αυτον οπως δω αυτοις αργυριον και χρυσιον και δοματα
20 και ετερους απεστειλεν καταλαβεσθαι την Ιερουσαλημ και το ορος του ιερου
21 και προδραμων τις απηγγειλεν Ιωαννη εις Γαζαρα οτι απωλετο ο πατηρ αυτου και οι αδελφοι αυτου και οτι απεσταλκεν και σε αποκτειναι
22 και ακουσας εξεστη σφοδρα και συνελαβεν τους ανδρας τους ελθοντας απολεσαι αυτον και απεκτεινεν αυτους επεγνω γαρ οτι εζητουν αυτον απολεσαι
23 και τα λοιπα των λογων Ιωαννου και των πολεμων αυτου και των ανδραγαθιων αυτου ων ηνδραγαθησεν και της οικοδομης των τειχων ων ωκοδομησεν και των πραξεων αυτου
24 ιδου ταυτα γεγραπται επι βιβλιω ημερων αρχιερωσυνης αυτου αφ ου εγενηθη αρχιερευς μετα τον πατερα αυτου

Andre bøger

• ←Tilføjelser til Ester ← Forrige bog i samme Bibel
• →2 Makkabæerbog → Næste bog i samme Bibel
•    1 Makkabæerbog - Septuaginta, på græsk
•    1 Makkabæerbog - King James Authorized Version (1611)

Bibelen → Ressourcer → Septuaginta → 1 Makkabæerbog (Unicode)