Septuaginta

Første Kongebog / Basileiôn G / Βασιλειων Γ

Om oversættelsen: Septuaginta er den græske tradition — den som Helligånden foretrækker. Der er tusinder af afvigelser mellem Septuaginta og den jødiske teksttradition, som "vi" følger her i Vesten.

Teksten er i græske bogstaver med Unicode. Hvis man foretrækker danske bogstaver, anbefales parallelsiden: Første Kongebog.

Om bogen: Første Kongebog hedder Tredje Kongebog i Septuaginta, fordi Samuelsbøgerne regnes som de to første.

Kapitler: 1 2 3 4 5 6 7 8 9 10 11 12 13 14 15 16 17 18 19 20 21 22

Kapitel 1

1 και ο βασιλευς Δαυιδ πρεσβυτερος προβεβηκως ημεραις και περιεβαλλον αυτον ιματιοις και ουκ εθερμαινετο
2 και ειπον οι παιδες αυτου ζητησατωσαν τω κυριω ημων τω βασιλει παρθενον νεανιδα και παραστησεται τω βασιλει και εσται αυτον θαλπουσα και κοιμηθησεται μετ αυτου και θερμανθησεται ο κυριος ημων ο βασιλευς
3 και εζητησαν νεανιδα καλην εκ παντος οριου Ισραηλ και ευρον την Αβισακ την Σωμανιτιν και ηνεγκαν αυτην προς τον βασιλεα
4 και η νεανις καλη εως σφοδρα και ην θαλπουσα τον βασιλεα και ελειτουργει αυτω και ο βασιλευς ουκ εγνω αυτην
5 και Αδωνιας υιος Αγγιθ επηρετο λεγων εγω βασιλευσω και εποιησεν εαυτω αρματα και ιππεις και πεντηκοντα ανδρας παρατρεχειν εμπροσθεν αυτου
6 και ουκ απεκωλυσεν αυτον ο πατηρ αυτου ουδεποτε λεγων δια τι συ εποιησας και γε αυτος ωραιος τη οψει σφοδρα και αυτον ετεκεν οπισω Αβεσσαλωμ
7 και εγενοντο οι λογοι αυτου μετα Ιωαβ του υιου Σαρουιας και μετα Αβιαθαρ του ιερεως και εβοηθουν οπισω Αδωνιου
8 και Σαδωκ ο ιερευς και Βαναιας υιος Ιωδαε και Ναθαν ο προφητης και Σεμει και Ρηι και οι δυνατοι του Δαυιδ ουκ ησαν οπισω Αδωνιου
9 και εθυσιασεν Αδωνιας προβατα και μοσχους και αρνας μετα λιθου του Ζωελεθ ος ην εχομενα της πηγης Ρωγηλ και εκαλεσεν παντας τους αδελφους αυτου και παντας τους αδρους Ιουδα παιδας του βασιλεως
10 και τον Ναθαν τον προφητην και Βαναιαν και τους δυνατους και τον Σαλωμων αδελφον αυτου ουκ εκαλεσεν
11 και ειπεν Ναθαν προς Βηρσαβεε μητερα Σαλωμων λεγων ουκ ηκουσας οτι εβασιλευσεν Αδωνιας υιος Αγγιθ και ο κυριος ημων Δαυιδ ουκ εγνω
12 και νυν δευρο συμβουλευσω σοι δη συμβουλιαν και εξελου την ψυχην σου και την ψυχην του υιου σου Σαλωμων
13 δευρο εισελθε προς τον βασιλεα Δαυιδ και ερεις προς αυτον λεγουσα ουχι συ κυριε μου βασιλευ ωμοσας τη δουλη σου λεγων οτι Σαλωμων ο υιος σου βασιλευσει μετ εμε και αυτος καθιειται επι του θρονου μου και τι οτι εβασιλευσεν Αδωνιας
14 και ιδου ετι λαλουσης σου εκει μετα του βασιλεως και εγω εισελευσομαι οπισω σου και πληρωσω τους λογους σου
15 και εισηλθεν Βηρσαβεε προς τον βασιλεα εις το ταμιειον και ο βασιλευς πρεσβυτης σφοδρα και Αβισακ η Σωμανιτις ην λειτουργουσα τω βασιλει
16 και εκυψεν Βηρσαβεε και προσεκυνησεν τω βασιλει και ειπεν ο βασιλευς τι εστιν σοι
17 η δε ειπεν κυριε μου βασιλευ συ ωμοσας εν κυριω τω θεω σου τη δουλη σου λεγων οτι Σαλωμων ο υιος σου βασιλευσει μετ εμε και αυτος καθησεται επι του θρονου μου
18 και νυν ιδου Αδωνιας εβασιλευσεν και συ κυριε μου βασιλευ ουκ εγνως
19 και εθυσιασεν μοσχους και αρνας και προβατα εις πληθος και εκαλεσεν παντας τους υιους του βασιλεως και Αβιαθαρ τον ιερεα και Ιωαβ τον αρχοντα της δυναμεως και τον Σαλωμων τον δουλον σου ουκ εκαλεσεν
20 και συ κυριε μου βασιλευ οι οφθαλμοι παντος Ισραηλ προς σε απαγγειλαι αυτοις τις καθησεται επι του θρονου του κυριου μου του βασιλεως μετ αυτον
21 και εσται ως αν κοιμηθη ο κυριος μου ο βασιλευς μετα των πατερων αυτου και εσομαι εγω και ο υιος μου Σαλωμων αμαρτωλοι
22 και ιδου ετι αυτης λαλουσης μετα του βασιλεως και Ναθαν ο προφητης ηλθεν
23 και ανηγγελη τω βασιλει ιδου Ναθαν ο προφητης και εισηλθεν κατα προσωπον του βασιλεως και προσεκυνησεν τω βασιλει κατα προσωπον αυτου επι την γην
24 και ειπεν Ναθαν κυριε μου βασιλευ συ ειπας Αδωνιας βασιλευσει οπισω μου και αυτος καθησεται επι του θρονου μου
25 οτι κατεβη σημερον και εθυσιασεν μοσχους και αρνας και προβατα εις πληθος και εκαλεσεν παντας τους υιους του βασιλεως και τους αρχοντας της δυναμεως και Αβιαθαρ τον ιερεα και ιδου εισιν εσθιοντες και πινοντες ενωπιον αυτου και ειπαν ζητω ο βασιλευς Αδωνιας
26 και εμε αυτον τον δουλον σου και Σαδωκ τον ιερεα και Βαναιαν υιον Ιωδαε και Σαλωμων τον δουλον σου ουκ εκαλεσεν
27 ει δια του κυριου μου του βασιλεως γεγονεν το ρημα τουτο και ουκ εγνωρισας τω δουλω σου τις καθησεται επι τον θρονον του κυριου μου του βασιλεως μετ αυτον
28 και απεκριθη Δαυιδ και ειπεν καλεσατε μοι την Βηρσαβεε και εισηλθεν ενωπιον του βασιλεως και εστη ενωπιον αυτου
29 και ωμοσεν ο βασιλευς και ειπεν ζη κυριος ος ελυτρωσατο την ψυχην μου εκ πασης θλιψεως
30 οτι καθως ωμοσα σοι εν κυριω τω θεω Ισραηλ λεγων οτι Σαλωμων ο υιος σου βασιλευσει μετ εμε και αυτος καθησεται επι του θρονου μου αντ εμου οτι ουτως ποιησω τη ημερα ταυτη
31 και εκυψεν Βηρσαβεε επι προσωπον επι την γην και προσεκυνησεν τω βασιλει και ειπεν ζητω ο κυριος μου ο βασιλευς Δαυιδ εις τον αιωνα
32 και ειπεν ο βασιλευς Δαυιδ καλεσατε μοι Σαδωκ τον ιερεα και Ναθαν τον προφητην και Βαναιαν υιον Ιωδαε και εισηλθον ενωπιον του βασιλεως
33 και ειπεν ο βασιλευς αυτοις λαβετε τους δουλους του κυριου υμων μεθ υμων και επιβιβασατε τον υιον μου Σαλωμων επι την ημιονον την εμην και καταγαγετε αυτον εις τον Γιων
34 και χρισατω αυτον εκει Σαδωκ ο ιερευς και Ναθαν ο προφητης εις βασιλεα επι Ισραηλ και σαλπισατε κερατινη και ερειτε ζητω ο βασιλευς Σαλωμων
35 και καθησεται επι του θρονου μου και αυτος βασιλευσει αντ εμου και εγω ενετειλαμην του ειναι εις ηγουμενον επι Ισραηλ και Ιουδα
36 και απεκριθη Βαναιας υιος Ιωδαε τω βασιλει και ειπεν γενοιτο ουτως πιστωσαι κυριος ο θεος του κυριου μου του βασιλεως
37 καθως ην κυριος μετα του κυριου μου του βασιλεως ουτως ειη μετα Σαλωμων και μεγαλυναι τον θρονον αυτου υπερ τον θρονον του κυριου μου του βασιλεως Δαυιδ
38 και κατεβη Σαδωκ ο ιερευς και Ναθαν ο προφητης και Βαναιας υιος Ιωδαε και ο χερεθθι και ο φελεθθι και επεκαθισαν τον Σαλωμων επι την ημιονον του βασιλεως Δαυιδ και απηγαγον αυτον εις τον Γιων
39 και ελαβεν Σαδωκ ο ιερευς το κερας του ελαιου εκ της σκηνης και εχρισεν τον Σαλωμων και εσαλπισεν τη κερατινη και ειπεν πας ο λαος ζητω ο βασιλευς Σαλωμων
40 και ανεβη πας ο λαος οπισω αυτου και εχορευον εν χοροις και ευφραινομενοι ευφροσυνην μεγαλην και ερραγη η γη εν τη φωνη αυτων
41 και ηκουσεν Αδωνιας και παντες οι κλητοι αυτου και αυτοι συνετελεσαν φαγειν και ηκουσεν Ιωαβ την φωνην της κερατινης και ειπεν τις η φωνη της πολεως ηχουσης
42 ετι αυτου λαλουντος και ιδου Ιωναθαν υιος Αβιαθαρ του ιερεως ηλθεν και ειπεν Αδωνιας εισελθε οτι ανηρ δυναμεως ει συ και αγαθα ευαγγελισαι
43 και απεκριθη Ιωναθαν και ειπεν και μαλα ο κυριος ημων ο βασιλευς Δαυιδ εβασιλευσεν τον Σαλωμων
44 και απεστειλεν ο βασιλευς μετ αυτου τον Σαδωκ τον ιερεα και Ναθαν τον προφητην και Βαναιαν υιον Ιωδαε και τον χερεθθι και τον φελεθθι και επεκαθισαν αυτον επι την ημιονον του βασιλεως
45 και εχρισαν αυτον Σαδωκ ο ιερευς και Ναθαν ο προφητης εις βασιλεα εν τω Γιων και ανεβησαν εκειθεν ευφραινομενοι και ηχησεν η πολις αυτη η φωνη ην ηκουσατε
46 και εκαθισεν Σαλωμων επι θρονον της βασιλειας
47 και εισηλθον οι δουλοι του βασιλεως ευλογησαι τον κυριον ημων τον βασιλεα Δαυιδ λεγοντες αγαθυναι ο θεος το ονομα Σαλωμων του υιου σου υπερ το ονομα σου και μεγαλυναι τον θρονον αυτου υπερ τον θρονον σου και προσεκυνησεν ο βασιλευς επι την κοιτην αυτου
48 και γε ουτως ειπεν ο βασιλευς ευλογητος κυριος ο θεος Ισραηλ ος εδωκεν σημερον εκ του σπερματος μου καθημενον επι του θρονου μου και οι οφθαλμοι μου βλεπουσιν
49 και εξεστησαν και εξανεστησαν παντες οι κλητοι του Αδωνιου και απηλθον ανηρ εις την οδον αυτου
50 και Αδωνιας εφοβηθη απο προσωπου Σαλωμων και ανεστη και απηλθεν και επελαβετο των κερατων του θυσιαστηριου
51 και ανηγγελη τω Σαλωμων λεγοντες ιδου Αδωνιας εφοβηθη τον βασιλεα Σαλωμων και κατεχει των κερατων του θυσιαστηριου λεγων ομοσατω μοι σημερον ο βασιλευς Σαλωμων ει ου θανατωσει τον δουλον αυτου εν ρομφαια
52 και ειπεν Σαλωμων εαν γενηται εις υιον δυναμεως ει πεσειται των τριχων αυτου επι την γην και εαν κακια ευρεθη εν αυτω θανατωθησεται
53 και απεστειλεν ο βασιλευς Σαλωμων και κατηνεγκεν αυτον απανωθεν του θυσιαστηριου και εισηλθεν και προσεκυνησεν τω βασιλει Σαλωμων και ειπεν αυτω Σαλωμων δευρο εις τον οικον σου

Kapitel 2

1 και ηγγισαν αι ημεραι Δαυιδ αποθανειν αυτον και ενετειλατο τω Σαλωμων υιω αυτου λεγων
2 εγω ειμι πορευομαι εν οδω πασης της γης και ισχυσεις και εση εις ανδρα
3 και φυλαξεις την φυλακην κυριου του θεου σου του πορευεσθαι εν ταις οδοις αυτου φυλασσειν τας εντολας αυτου και τα δικαιωματα και τα κριματα τα γεγραμμενα εν νομω Μωυσεως ινα συνιης α ποιησεις κατα παντα οσα αν εντειλωμαι σοι
4 ινα στηση κυριος τον λογον αυτου ον ελαλησεν λεγων εαν φυλαξωσιν οι υιοι σου την οδον αυτων πορευεσθαι ενωπιον εμου εν αληθεια εν ολη καρδια αυτων και εν ολη ψυχη αυτων λεγων ουκ εξολεθρευθησεται σοι ανηρ επανωθεν θρονου Ισραηλ
5 και γε συ εγνως οσα εποιησεν μοι Ιωαβ υιος Σαρουιας οσα εποιησεν τοις δυσιν αρχουσιν των δυναμεων Ισραηλ τω Αβεννηρ υιω Νηρ και τω Αμεσσαι υιω Ιεθερ και απεκτεινεν αυτους και εταξεν τα αιματα πολεμου εν ειρηνη και εδωκεν αιμα αθωον εν τη ζωνη αυτου τη εν τη οσφυι αυτου και εν τω υποδηματι αυτου τω εν τω ποδι αυτου
6 και ποιησεις κατα την σοφιαν σου και ου καταξεις την πολιαν αυτου εν ειρηνη εις αδου
7 και τοις υιοις Βερζελλι του Γαλααδιτου ποιησεις ελεος και εσονται εν τοις εσθιουσιν την τραπεζαν σου οτι ουτως ηγγισαν μοι εν τω με αποδιδρασκειν απο προσωπου Αβεσσαλωμ του αδελφου σου
8 και ιδου μετα σου Σεμει υιος Γηρα υιος του Ιεμενι εκ Βαουριμ και αυτος κατηρασατο με καταραν οδυνηραν τη ημερα η επορευομην εις παρεμβολας και αυτος κατεβη εις απαντην μου εις τον Ιορδανην και ωμοσα αυτω εν κυριω λεγων ει θανατωσω σε εν ρομφαια
9 και ου μη αθωωσης αυτον οτι ανηρ σοφος ει συ και γνωση α ποιησεις αυτω και καταξεις την πολιαν αυτου εν αιματι εις αδου
10 και εκοιμηθη Δαυιδ μετα των πατερων αυτου και εταφη εν πολει Δαυιδ
11 και αι ημεραι ας εβασιλευσεν Δαυιδ επι τον Ισραηλ τεσσαρακοντα ετη εν Χεβρων εβασιλευσεν ετη επτα και εν Ιερουσαλημ τριακοντα τρια ετη
12 και Σαλωμων εκαθισεν επι του θρονου Δαυιδ του πατρος αυτου υιος ετων δωδεκα και ητοιμασθη η βασιλεια αυτου σφοδρα
13 και εισηλθεν Αδωνιας υιος Αγγιθ προς Βηρσαβεε μητερα Σαλωμων και προσεκυνησεν αυτη η δε ειπεν ειρηνη η εισοδος σου και ειπεν ειρηνη
14 λογος μοι προς σε και ειπεν αυτω λαλησον
15 και ειπεν αυτη συ οιδας οτι εμοι ην η βασιλεια και επ εμε εθετο πας Ισραηλ το προσωπον αυτου εις βασιλεα και εστραφη η βασιλεια και εγενηθη τω αδελφω μου οτι παρα κυριου εγενετο αυτω
16 και νυν αιτησιν μιαν εγω αιτουμαι παρα σου μη αποστρεψης το προσωπον σου και ειπεν αυτω Βηρσαβεε λαλει
17 και ειπεν αυτη ειπον δη προς Σαλωμων τον βασιλεα οτι ουκ αποστρεψει το προσωπον αυτου απο σου και δωσει μοι την Αβισακ την Σωμανιτιν εις γυναικα
18 και ειπεν Βηρσαβεε καλως εγω λαλησω περι σου τω βασιλει
19 και εισηλθεν Βηρσαβεε προς τον βασιλεα Σαλωμων λαλησαι αυτω περι Αδωνιου και εξανεστη ο βασιλευς εις απαντην αυτη και κατεφιλησεν αυτην και εκαθισεν επι του θρονου αυτου και ετεθη θρονος τη μητρι του βασιλεως και εκαθισεν εκ δεξιων αυτου
20 και ειπεν αυτω αιτησιν μιαν μικραν εγω αιτουμαι παρα σου μη αποστρεψης το προσωπον σου και ειπεν αυτη ο βασιλευς αιτησαι μητερ εμη οτι ουκ αποστρεψω σε
21 και ειπεν δοθητω δε Αβισακ η Σωμανιτις τω Αδωνια τω αδελφω σου εις γυναικα
22 και απεκριθη Σαλωμων ο βασιλευς και ειπεν τη μητρι αυτου και ινα τι συ ητησαι την Αβισακ τω Αδωνια και αιτησαι αυτω την βασιλειαν οτι ουτος αδελφος μου ο μεγας υπερ εμε και αυτω Αβιαθαρ ο ιερευς και αυτω Ιωαβ ο υιος Σαρουιας ο αρχιστρατηγος εταιρος
23 και ωμοσεν ο βασιλευς Σαλωμων κατα του κυριου λεγων ταδε ποιησαι μοι ο θεος και ταδε προσθειη οτι κατα της ψυχης αυτου ελαλησεν Αδωνιας τον λογον τουτον
24 και νυν ζη κυριος ος ητοιμασεν με και εθετο με επι τον θρονον Δαυιδ του πατρος μου και αυτος εποιησεν μοι οικον καθως ελαλησεν κυριος οτι σημερον θανατωθησεται Αδωνιας
25 και εξαπεστειλεν Σαλωμων ο βασιλευς εν χειρι Βαναιου υιου Ιωδαε και ανειλεν αυτον και απεθανεν Αδωνιας εν τη ημερα εκεινη
26 και τω Αβιαθαρ τω ιερει ειπεν ο βασιλευς αποτρεχε συ εις Αναθωθ εις αγρον σου οτι ανηρ θανατου ει συ εν τη ημερα ταυτη και ου θανατωσω σε οτι ηρας την κιβωτον της διαθηκης κυριου ενωπιον του πατρος μου και οτι εκακουχηθης εν απασιν οις εκακουχηθη ο πατηρ μου
27 και εξεβαλεν Σαλωμων τον Αβιαθαρ του μη ειναι ιερεα του κυριου πληρωθηναι το ρημα κυριου ο ελαλησεν επι τον οικον Ηλι εν Σηλωμ
28 και η ακοη ηλθεν εως Ιωαβ του υιου Σαρουιας οτι Ιωαβ ην κεκλικως οπισω Αδωνιου και οπισω Σαλωμων ουκ εκλινεν και εφυγεν Ιωαβ εις το σκηνωμα του κυριου και κατεσχεν των κερατων του θυσιαστηριου
29 και απηγγελη τω Σαλωμων λεγοντες οτι εφυγεν Ιωαβ εις την σκηνην του κυριου και ιδου κατεχει των κερατων του θυσιαστηριου και απεστειλεν Σαλωμων προς Ιωαβ λεγων τι γεγονεν σοι οτι πεφευγας εις το θυσιαστηριον και ειπεν Ιωαβ οτι εφοβηθην απο προσωπου σου και εφυγον προς κυριον και απεστειλεν Σαλωμων ο βασιλευς τον Βαναιου υιον Ιωδαε λεγων πορευου και ανελε αυτον και θαψον αυτον
30 και ηλθεν Βαναιου υιος Ιωδαε προς Ιωαβ εις την σκηνην του κυριου και ειπεν αυτω ταδε λεγει ο βασιλευς εξελθε και ειπεν Ιωαβ ουκ εκπορευομαι οτι ωδε αποθανουμαι και απεστρεψεν Βαναιας υιος Ιωδαε και ειπεν τω βασιλει λεγων ταδε λελαληκεν Ιωαβ και ταδε αποκεκριται μοι
31 και ειπεν αυτω ο βασιλευς πορευου και ποιησον αυτω καθως ειρηκεν και ανελε αυτον και θαψεις αυτον και εξαρεις σημερον το αιμα ο δωρεαν εξεχεεν Ιωαβ απ εμου και απο του οικου του πατρος μου
32 και απεστρεψεν κυριος το αιμα της αδικιας αυτου εις κεφαλην αυτου ως απηντησεν τοις δυσιν ανθρωποις τοις δικαιοις και αγαθοις υπερ αυτον και απεκτεινεν αυτους εν ρομφαια και ο πατηρ μου Δαυιδ ουκ εγνω το αιμα αυτων τον Αβεννηρ υιον Νηρ αρχιστρατηγον Ισραηλ και τον Αμεσσα υιον Ιεθερ αρχιστρατηγον Ιουδα
33 και επεστραφη τα αιματα αυτων εις κεφαλην αυτου και εις κεφαλην του σπερματος αυτου εις τον αιωνα και τω Δαυιδ και τω σπερματι αυτου και τω οικω αυτου και τω θρονω αυτου γενοιτο ειρηνη εως αιωνος παρα κυριου
34 και απηντησεν Βαναιου υιος Ιωδαε τω Ιωαβ και εθανατωσεν αυτον και εθαψεν αυτον εν τω οικω αυτου εν τη ερημω
35 και εδωκεν ο βασιλευς τον Βαναιου υιον Ιωδαε αντ αυτου επι την στρατηγιαν και η βασιλεια κατωρθουτο εν Ιερουσαλημ και τον Σαδωκ τον ιερεα εδωκεν ο βασιλευς εις ιερεα πρωτον αντι Αβιαθαρ
36 και εκαλεσεν ο βασιλευς τον Σεμει και ειπεν αυτω οικοδομησον σεαυτω οικον εν Ιερουσαλημ και καθου εκει και ουκ εξελευση εκειθεν ουδαμου
37 και εσται εν τη ημερα της εξοδου σου και διαβηση τον χειμαρρουν Κεδρων γινωσκων γνωση οτι θανατω αποθανη το αιμα σου εσται επι την κεφαλην σου και ωρκισεν αυτον ο βασιλευς εν τη ημερα εκεινη
38 και ειπεν Σεμει προς τον βασιλεα αγαθον το ρημα ο ελαλησας κυριε μου βασιλευ ουτω ποιησει ο δουλος σου και εκαθισεν Σεμει εν Ιερουσαλημ τρια ετη
39 και εγενηθη μετα τρια ετη και απεδρασαν δυο δουλοι του Σεμει προς Αγχους υιον Μααχα βασιλεα Γεθ και απηγγελη τω Σεμει λεγοντες ιδου οι δουλοι σου εν Γεθ
40 και ανεστη Σεμει και επεσαξε την ονον αυτου και επορευθη εις Γεθ προς Αγχους του εκζητησαι τους δουλους αυτου και επορευθη Σεμει και ηγαγεν τους δουλους αυτου εκ Γεθ
41 και απηγγελη τω Σαλωμων λεγοντες οτι επορευθη Σεμει εξ Ιερουσαλημ εις Γεθ και απεστρεψεν τους δουλους αυτου
42 και απεστειλεν ο βασιλευς και εκαλεσεν τον Σεμει και ειπεν προς αυτον ουχι ωρκισα σε κατα του κυριου και επεμαρτυραμην σοι λεγων εν η αν ημερα εξελθης εξ Ιερουσαλημ και πορευθης εις δεξια η εις αριστερα γινωσκων γνωση οτι θανατω αποθανη
43 και τι οτι ουκ εφυλαξας τον ορκον κυριου και την εντολην ην ενετειλαμην κατα σου
44 και ειπεν ο βασιλευς προς Σεμει συ οιδας πασαν την κακιαν σου ην εγνω η καρδια σου α εποιησας τω Δαυιδ τω πατρι μου και ανταπεδωκεν κυριος την κακιαν σου εις κεφαλην σου
45 και ο βασιλευς Σαλωμων ηυλογημενος και ο θρονος Δαυιδ εσται ετοιμος ενωπιον κυριου εις τον αιωνα
46 και ενετειλατο ο βασιλευς Σαλωμων τω Βαναια υιω Ιωδαε και εξηλθεν και ανειλεν αυτον και απεθανεν

Kapitel 3

1 πλην ο λαος ησαν θυμιωντες επι τοις υψηλοις οτι ουκ ωκοδομηθη οικος τω ονοματι κυριου εως νυν
2 και ηγαπησεν Σαλωμων τον κυριον πορευεσθαι εν τοις προσταγμασιν Δαυιδ του πατρος αυτου πλην εν τοις υψηλοις εθυεν και εθυμια
3 και ανεστη και επορευθη εις Γαβαων θυσαι εκει οτι αυτη υψηλοτατη και μεγαλη χιλιαν ολοκαυτωσιν ανηνεγκεν Σαλωμων επι το θυσιαστηριον εν Γαβαων
4 και ωφθη κυριος τω Σαλωμων εν υπνω την νυκτα και ειπεν κυριος προς Σαλωμων αιτησαι τι αιτημα σαυτω
5 και ειπεν Σαλωμων συ εποιησας μετα του δουλου σου Δαυιδ του πατρος μου ελεος μεγα καθως διηλθεν ενωπιον σου εν αληθεια και εν δικαιοσυνη και εν ευθυτητι καρδιας μετα σου και εφυλαξας αυτω το ελεος το μεγα τουτο δουναι τον υιον αυτου επι του θρονου αυτου ως η ημερα αυτη
6 και νυν κυριε ο θεος μου συ εδωκας τον δουλον σου αντι Δαυιδ του πατρος μου και εγω ειμι παιδαριον μικρον και ουκ οιδα την εξοδον μου και την εισοδον μου
7 ο δε δουλος σου εν μεσω του λαου σου ον εξελεξω λαον πολυν ος ουκ αριθμηθησεται
8 και δωσεις τω δουλω σου καρδιαν ακουειν και διακρινειν τον λαον σου εν δικαιοσυνη του συνιειν ανα μεσον αγαθου και κακου οτι τις δυνησεται κρινειν τον λαον σου τον βαρυν τουτον
9 και ηρεσεν ενωπιον κυριου οτι ητησατο Σαλωμων το ρημα τουτο
10 και ειπεν κυριος προς αυτον ανθ ων ητησω παρ εμου το ρημα τουτο και ουκ ητησω σαυτω ημερας πολλας και ουκ ητησω πλουτον ουδε ητησω ψυχας εχθρων σου αλλ ητησω σαυτω συνεσιν του εισακουειν κριμα
11 ιδου πεποιηκα κατα το ρημα σου ιδου δεδωκα σοι καρδιαν φρονιμην και σοφην ως συ ου γεγονεν εμπροσθεν σου και μετα σε ουκ αναστησεται ομοιος σοι
12 και α ουκ ητησω δεδωκα σοι και πλουτον και δοξαν ως ου γεγονεν ανηρ ομοιος σοι εν βασιλευσιν
13 και εαν πορευθης εν τη οδω μου φυλασσειν τας εντολας μου και τα προσταγματα μου ως επορευθη Δαυιδ ο πατηρ σου και πληθυνω τας ημερας σου
14 και εξυπνισθη Σαλωμων και ιδου ενυπνιον και ανεστη και παραγινεται εις Ιερουσαλημ και εστη κατα προσωπον του θυσιαστηριου του κατα προσωπον κιβωτου διαθηκης κυριου εν Σιων και ανηγαγεν ολοκαυτωσεις και εποιησεν ειρηνικας και εποιησεν ποτον μεγαν εαυτω και πασιν τοις παισιν αυτου
15 τοτε ωφθησαν δυο γυναικες πορναι τω βασιλει και εστησαν ενωπιον αυτου
16 και ειπεν η γυνη η μια εν εμοι κυριε εγω και η γυνη αυτη οικουμεν εν οικω ενι και ετεκομεν εν τω οικω
17 και εγενηθη εν τη ημερα τη τριτη τεκουσης μου και ετεκεν και η γυνη αυτη και ημεις κατα το αυτο και ουκ εστιν ουθεις μεθ ημων παρεξ αμφοτερων ημων εν τω οικω
18 και απεθανεν ο υιος της γυναικος ταυτης την νυκτα ως επεκοιμηθη επ αυτον
19 και ανεστη μεσης της νυκτος και ελαβεν τον υιον μου εκ των αγκαλων μου και εκοιμισεν αυτον εν τω κολπω αυτης και τον υιον αυτης τον τεθνηκοτα εκοιμισεν εν τω κολπω μου
20 και ανεστην το πρωι θηλασαι τον υιον μου και εκεινος ην τεθνηκως και ιδου κατενοησα αυτον πρωι και ιδου ουκ ην ο υιος μου ον ετεκον
21 και ειπεν η γυνη η ετερα ουχι αλλα ο υιος μου ο ζων ο δε υιος σου ο τεθνηκως και ελαλησαν ενωπιον του βασιλεως
22 και ειπεν ο βασιλευς αυταις συ λεγεις ουτος ο υιος μου ο ζων και ο υιος ταυτης ο τεθνηκως και συ λεγεις ουχι αλλα ο υιος μου ο ζων και ο υιος σου ο τεθνηκως
23 και ειπεν ο βασιλευς λαβετε μοι μαχαιραν και προσηνεγκαν την μαχαιραν ενωπιον του βασιλεως
24 και ειπεν ο βασιλευς διελετε το παιδιον το θηλαζον το ζων εις δυο και δοτε το ημισυ αυτου ταυτη και το ημισυ αυτου ταυτη
25 και απεκριθη η γυνη ης ην ο υιος ο ζων και ειπεν προς τον βασιλεα οτι εταραχθη η μητρα αυτης επι τω υιω αυτης και ειπεν εν εμοι κυριε δοτε αυτη το παιδιον και θανατω μη θανατωσητε αυτον και αυτη ειπεν μητε εμοι μητε αυτη εστω διελετε
26 και απεκριθη ο βασιλευς και ειπεν δοτε το παιδιον τη ειπουση δοτε αυτη αυτο και θανατω μη θανατωσητε αυτον αυτη η μητηρ αυτου
27 και ηκουσαν πας Ισραηλ το κριμα τουτο ο εκρινεν ο βασιλευς και εφοβηθησαν απο προσωπου του βασιλεως οτι ειδον οτι φρονησις θεου εν αυτω του ποιειν δικαιωμα

Kapitel 4

1 και ην ο βασιλευς Σαλωμων βασιλευων επι Ισραηλ
2 και ουτοι οι αρχοντες οι ησαν αυτου Αζαριου υιος Σαδωκ
3 και Ελιαρεφ και Αχια υιος Σαβα γραμματεις και Ιωσαφατ υιος Αχιλιδ υπομιμνησκων
4 και Σαδουχ και Αβιαθαρ ιερεις
5 και Ορνια υιος Ναθαν επι των καθεσταμενων και Ζαβουθ υιος Ναθαν εταιρος του βασιλεως
6 και Αχιηλ οικονομος και Ελιαβ υιος Σαφ επι της πατριας και Αδωνιραμ υιος Εφρα επι των φορων
7 και τω Σαλωμων δωδεκα καθεσταμενοι επι παντα Ισραηλ χορηγειν τω βασιλει και τω οικω αυτου μηνα εν τω ενιαυτω εγινετο επι τον ενα χορηγειν
8 και ταυτα τα ονοματα αυτων Βενωρ εν ορει Εφραιμ εις
9 υιος Ρηχαβ εν Μαχεμας και Βηθαλαμιν και Βαιθσαμυς και Αιλων εως Βαιθαναν εις
10 υιος Εσωθ Βηρβηθνεμα Λουσαμηνχα και Ρησφαρα
11 Χιναναδαβ και Αναφαθι ανηρ Ταβληθ θυγατηρ Σαλωμων ην αυτω εις γυναικα εις
12 Βακχα υιος Αχιλιδ Θααναχ και Μεκεδω και πας ο οικος Σαν ο παρα Σεσαθαν υποκατω του Εσραε και εκ Βαισαφουδ Εβελμαωλα εως Μαεβερ Λουκαμ εις
13 υιος Γαβερ εν Ρεμαθ Γαλααδ τουτω σχοινισμα Ερεγαβα η εν τη Βασαν εξηκοντα πολεις μεγαλαι τειχηρεις και μοχλοι χαλκοι εις
14 Αχιναδαβ υιος Αχελ Μααναιν εις
15 Αχιμαας εν Νεφθαλι και ουτος ελαβεν την Βασεμμαθ θυγατερα Σαλωμων εις γυναικα εις
16 Βαανα υιος Χουσι εν τη Μααλαθ εις
17 Σαμαα υιος Ηλα εν τω Βενιαμιν
18 Γαβερ υιος Αδαι εν τη γη Γαδ γη Σηων βασιλεως του Εσεβων και Ωγ βασιλεως του Βασαν και νασιφ εις εν γη Ιουδα
19 Ιωσαφατ υιος Φουασουδ εν Ισσαχαρ

Kapitel 5

1 και εχορηγουν οι καθεσταμενοι ουτως τω βασιλει Σαλωμων και παντα τα διαγγελματα επι την τραπεζαν του βασιλεως εκαστος μηνα αυτου ου παραλλασσουσιν λογον και τας κριθας και το αχυρον τοις ιπποις και τοις αρμασιν ηρον εις τον τοπον ου αν η ο βασιλευς εκαστος κατα την συνταξιν αυτου
2 και ταυτα τα δεοντα τω Σαλωμων εν ημερα μια τριακοντα κοροι σεμιδαλεως και εξηκοντα κοροι αλευρου κεκοπανισμενου
3 και δεκα μοσχοι εκλεκτοι και εικοσι βοες νομαδες και εκατον προβατα εκτος ελαφων και δορκαδων και ορνιθων εκλεκτων σιτευτα
4 οτι ην αρχων περαν του ποταμου και ην αυτω ειρηνη εκ παντων των μερων κυκλοθεν
5
6
7
8
9 και εδωκεν κυριος φρονησιν τω Σαλωμων και σοφιαν πολλην σφοδρα και χυμα καρδιας ως η αμμος η παρα την θαλασσαν
10 και επληθυνθη Σαλωμων σφοδρα υπερ την φρονησιν παντων αρχαιων ανθρωπων και υπερ παντας φρονιμους Αιγυπτου
11 και εσοφισατο υπερ παντας τους ανθρωπους και εσοφισατο υπερ Γαιθαν τον Εζραιτην και τον Αιμαν και τον Χαλκαλ και Δαρδα υιους Μαλ
12 και ελαλησεν Σαλωμων τρισχιλιας παραβολας και ησαν ωδαι αυτου πεντακισχιλιαι
13 και ελαλησεν περι των ξυλων απο της κεδρου της εν τω Λιβανω και εως της υσσωπου της εκπορευομενης δια του τοιχου και ελαλησεν περι των κτηνων και περι των πετεινων και περι των ερπετων και περι των ιχθυων
14 και παρεγινοντο παντες οι λαοι ακουσαι της σοφιας Σαλωμων και ελαμβανεν δωρα παρα παντων των βασιλεων της γης οσοι ηκουον της σοφιας αυτου
15 και απεστειλεν Χιραμ βασιλευς Τυρου τους παιδας αυτου χρισαι τον Σαλωμων αντι Δαυιδ του πατρος αυτου οτι αγαπων ην Χιραμ τον Δαυιδ πασας τας ημερας
16 και απεστειλεν Σαλωμων προς Χιραμ λεγων
17 συ οιδας Δαυιδ τον πατερα μου οτι ουκ εδυνατο οικοδομησαι οικον τω ονοματι κυριου θεου μου απο προσωπου των πολεμων των κυκλωσαντων αυτον εως του δουναι κυριον αυτους υπο τα ιχνη των ποδων αυτου
18 και νυν ανεπαυσε κυριος ο θεος μου εμοι κυκλοθεν ουκ εστιν επιβουλος και ουκ εστιν απαντημα πονηρον
19 και ιδου εγω λεγω οικοδομησαι οικον τω ονοματι κυριου θεου μου καθως ελαλησεν κυριος ο θεος προς Δαυιδ τον πατερα μου λεγων ο υιος σου ον δωσω αντι σου επι τον θρονον σου ουτος οικοδομησει τον οικον τω ονοματι μου
20 και νυν εντειλαι και κοψατωσαν μοι ξυλα εκ του Λιβανου και ιδου οι δουλοι μου μετα των δουλων σου και τον μισθον δουλειας σου δωσω σοι κατα παντα οσα εαν ειπης οτι συ οιδας οτι ουκ εστιν ημιν ειδως ξυλα κοπτειν καθως οι Σιδωνιοι
21 και εγενηθη καθως ηκουσεν Χιραμ των λογων Σαλωμων εχαρη σφοδρα και ειπεν ευλογητος ο θεος σημερον ος εδωκεν τω Δαυιδ υιον φρονιμον επι τον λαον τον πολυν τουτον
22 και απεστειλεν προς Σαλωμων λεγων ακηκοα περι παντων ων απεσταλκας προς με εγω ποιησω παν θελημα σου ξυλα κεδρινα και πευκινα
23 οι δουλοι μου καταξουσιν αυτα εκ του Λιβανου εις την θαλασσαν εγω θησομαι αυτα σχεδιας εως του τοπου ου εαν αποστειλης προς με και εκτιναξω αυτα εκει και συ αρεις και ποιησεις το θελημα μου του δουναι αρτους τω οικω μου
24 και ην Χιραμ διδους τω Σαλωμων κεδρους και παν θελημα αυτου
25 και Σαλωμων εδωκεν τω Χιραμ εικοσι χιλιαδας κορους πυρου και μαχιρ τω οικω αυτου και εικοσι χιλιαδας βεθ ελαιου κεκομμενου κατα τουτο εδιδου Σαλωμων τω Χιραμ κατ ενιαυτον
26 και κυριος εδωκεν σοφιαν τω Σαλωμων καθως ελαλησεν αυτω και ην ειρηνη ανα μεσον Χιραμ και ανα μεσον Σαλωμων και διεθεντο διαθηκην ανα μεσον εαυτων
27 και ανηνεγκεν ο βασιλευς φορον εκ παντος Ισραηλ και ην ο φορος τριακοντα χιλιαδες ανδρων
28 και απεστειλεν αυτους εις τον Λιβανον δεκα χιλιαδες εν τω μηνι αλλασσομενοι μηνα ησαν εν τω Λιβανω και δυο μηνας εν οικω αυτων και Αδωνιραμ επι του φορου
29 και ην τω Σαλωμων εβδομηκοντα χιλιαδες αιροντες αρσιν και ογδοηκοντα χιλιαδες λατομων εν τω ορει
30 χωρις αρχοντων των καθεσταμενων επι των εργων των Σαλωμων τρεις χιλιαδες και εξακοσιοι επισταται οι ποιουντες τα εργα
31
32 και ητοιμασαν τους λιθους και τα ξυλα τρια ετη

Kapitel 6

1 και εγενηθη εν τω τεσσαρακοστω και τετρακοσιοστω ετει της εξοδου υιων Ισραηλ εξ Αιγυπτου τω ετει τω τεταρτω εν μηνι τω δευτερω βασιλευοντος του βασιλεως Σαλωμων επι Ισραηλ
2 και ο οικος ον ωκοδομησεν ο βασιλευς Σαλωμων τω κυριω τεσσαρακοντα πηχεων μηκος αυτου και εικοσι εν πηχει πλατος αυτου και πεντε και εικοσι εν πηχει το υψος αυτου
3 και το αιλαμ κατα προσωπον του ναου εικοσι εν πηχει μηκος αυτου εις το πλατος του οικου και δεκα εν πηχει το πλατος αυτου κατα προσωπον του οικου και ωκοδομησεν τον οικον και συνετελεσεν αυτον
4 και εποιησεν τω οικω θυριδας παρακυπτομενας κρυπτας
5 και εδωκεν επι τον τοιχον του οικου μελαθρα κυκλοθεν τω ναω και τω δαβιρ και εποιησεν πλευρας κυκλοθεν
6 η πλευρα η υποκατω πεντε πηχεων το πλατος αυτης και το μεσον εξ και η τριτη επτα εν πηχει το πλατος αυτης οτι διαστημα εδωκεν τω οικω κυκλοθεν εξωθεν του οικου οπως μη επιλαμβανωνται των τοιχων του οικου
7 και ο οικος εν τω οικοδομεισθαι αυτον λιθοις ακροτομοις αργοις ωκοδομηθη και σφυρα και πελεκυς και παν σκευος σιδηρουν ουκ ηκουσθη εν τω οικω εν τω οικοδομεισθαι αυτον
8 και ο πυλων της πλευρας της υποκατωθεν υπο την ωμιαν του οικου την δεξιαν και ελικτη αναβασις εις το μεσον και εκ της μεσης επι τα τριωροφα
9 και ωκοδομησεν τον οικον και συνετελεσεν αυτον και εκοιλοσταθμησεν τον οικον κεδροις
10 και ωκοδομησεν τους ενδεσμους δι ολου του οικου πεντε εν πηχει το υψος αυτου και συνεσχεν τον ενδεσμον εν ξυλοις κεδρινοις
11
12
13
14
15 και ωκοδομησεν τους τοιχους του οικου δια ξυλων κεδρινων απο του εδαφους του οικου και εως των δοκων και εως των τοιχων εκοιλοσταθμησεν συνεχομενα ξυλοις εσωθεν και περιεσχεν το εσω του οικου εν πλευραις πευκιναις
16 και ωκοδομησεν τους εικοσι πηχεις απ ακρου του οικου το πλευρον το εν απο του εδαφους εως των δοκων και εποιησεν εκ του δαβιρ εις το αγιον των αγιων
17 και τεσσαρακοντα πηχων ην ο ναος κατα προσωπον
18
19 του δαβιρ εν μεσω του οικου εσωθεν δουναι εκει την κιβωτον διαθηκης κυριου
20 εικοσι πηχεις μηκος και εικοσι πηχεις πλατος και εικοσι πηχεις το υψος αυτου και περιεσχεν αυτον χρυσιω συγκεκλεισμενω και εποιησεν θυσιαστηριον
21 κατα προσωπον του δαβιρ και περιεσχεν αυτο χρυσιω
22 και ολον τον οικον περιεσχεν χρυσιω εως συντελειας παντος του οικου
23 και εποιησεν εν τω δαβιρ δυο χερουβιν δεκα πηχεων μεγεθος εσταθμωμενον
24 και πεντε πηχεων πτερυγιον του χερουβ του ενος και πεντε πηχεων πτερυγιον αυτου το δευτερον εν πηχει δεκα απο μερους πτερυγιου αυτου εις μερος πτερυγιου αυτου
25 ουτως τω χερουβ τω δευτερω εν μετρω ενι συντελεια μια αμφοτεροις
26 και το υψος του χερουβ του ενος δεκα εν πηχει και ουτως το χερουβ το δευτερον
27 και αμφοτερα τα χερουβιν εν μεσω του οικου του εσωτατου και διεπετασεν τας πτερυγας αυτων και ηπτετο πτερυξ μια του τοιχου και πτερυξ ηπτετο του τοιχου του δευτερου και αι πτερυγες αυτων αι εν μεσω του οικου ηπτοντο πτερυξ πτερυγος
28 και περιεσχεν τα χερουβιν χρυσιω
29 και παντας τους τοιχους του οικου κυκλω εγκολαπτα εγραψεν γραφιδι χερουβιν και φοινικες τω εσωτερω και τω εξωτερω
30 και το εδαφος του οικου περιεσχεν χρυσιω του εσωτατου και του εξωτατου
31 και τω θυρωματι του δαβιρ εποιησεν θυρας ξυλων αρκευθινων και φλιας πενταπλας
32 και δυο θυρας ξυλων πευκινων και εγκολαπτα επ αυτων εγκεκολαμμενα χερουβιν και φοινικας και πεταλα διαπεπετασμενα και περιεσχεν χρυσιω και κατεβαινεν επι τα χερουβιν και επι τους φοινικας το χρυσιον
33 και ουτως εποιησεν τω πυλωνι του ναου φλιαι ξυλων αρκευθινων στοαι τετραπλως
34 και εν αμφοτεραις ταις θυραις ξυλα πευκινα δυο πτυχαι η θυρα η μια και στροφεις αυτων και δυο πτυχαι η θυρα η δευτερα στρεφομενα
35 εγκεκολαμμενα χερουβιν και φοινικες και διαπεπετασμενα πεταλα και περιεχομενα χρυσιω καταγομενω επι την εκτυπωσιν
36 και ωκοδομησεν την αυλην την εσωτατην τρεις στιχους απελεκητων και στιχος κατειργασμενης κεδρου κυκλοθεν

Kapitel 7

1 και απεστειλεν ο βασιλευς Σαλωμων και ελαβεν τον Χιραμ εκ Τυρου
2 υιον γυναικος χηρας και ουτος απο της φυλης Νεφθαλι και ο πατηρ αυτου ανηρ Τυριος τεκτων χαλκου και πεπληρωμενος της τεχνης και συνεσεως και επιγνωσεως του ποιειν παν εργον εν χαλκω και εισηχθη προς τον βασιλεα Σαλωμων και εποιησεν παντα τα εργα
3 και εχωνευσεν τους δυο στυλους τω αιλαμ του οικου οκτωκαιδεκα πηχεις υψος του στυλου και περιμετρον τεσσαρες και δεκα πηχεις εκυκλου αυτον και το παχος του στυλου τεσσαρων δακτυλων τα κοιλωματα και ουτως ο στυλος ο δευτερος
4 και δυο επιθεματα εποιησεν δουναι επι τας κεφαλας των στυλων χωνευτα χαλκα πεντε πηχεις το υψος του επιθεματος του ενος και πεντε πηχεις το υψος του επιθεματος του δευτερου
5 και εποιησεν δυο δικτυα περικαλυψαι το επιθεμα των στυλων και δικτυον τω επιθεματι τω ενι και δικτυον τω επιθεματι τω δευτερω
6 και εργον κρεμαστον δυο στιχοι ροων χαλκων δεδικτυωμενοι εργον κρεμαστον στιχος επι στιχον και ουτως εποιησεν τω επιθεματι τω δευτερω
7 και εστησεν τους στυλους του αιλαμ του ναου και εστησεν τον στυλον τον ενα και επεκαλεσεν το ονομα αυτου Ιαχουμ και εστησεν τον στυλον τον δευτερον και επεκαλεσεν το ονομα αυτου Βααζ
8 και επι των κεφαλων των στυλων εργον κρινου κατα το αιλαμ τεσσαρων πηχων
9 και μελαθρον επ αμφοτερων των στυλων και επανωθεν των πλευρων επιθεμα το μελαθρον τω παχει
10 και εποιησεν την θαλασσαν δεκα εν πηχει απο του χειλους αυτης εως του χειλους αυτης στρογγυλον κυκλω το αυτο πεντε εν πηχει το υψος αυτης και συνηγμενοι τρεις και τριακοντα εν πηχει εκυκλουν αυτην
11 και υποστηριγματα υποκατωθεν του χειλους αυτης κυκλοθεν εκυκλουν αυτην δεκα εν πηχει κυκλοθεν ανισταν την θαλασσαν
12 και το χειλος αυτης ως εργον χειλους ποτηριου βλαστος κρινου και το παχος αυτου παλαιστης
13 και δωδεκα βοες υποκατω της θαλασσης οι τρεις επιβλεποντες βορραν και οι τρεις επιβλεποντες θαλασσαν και οι τρεις επιβλεποντες νοτον και οι τρεις επιβλεποντες ανατολην και παντα τα οπισθια εις τον οικον και η θαλασσα επ αυτων επανωθεν
14 και εποιησεν δεκα μεχωνωθ χαλκας πεντε πηχεις μηκος της μεχωνωθ της μιας και τεσσαρες πηχεις πλατος αυτης και εξ εν πηχει υψος αυτης
15 και τουτο το εργον των μεχωνωθ συγκλειστον αυτοις και συγκλειστον ανα μεσον των εξεχομενων
16 και επι τα συγκλεισματα αυτων ανα μεσον των εξεχομενων λεοντες και βοες και χερουβιν και επι των εξεχομενων ουτως και επανωθεν και υποκατωθεν των λεοντων και των βοων χωραι εργον καταβασεως
17 και τεσσαρες τροχοι χαλκοι τη μεχωνωθ τη μια και τα προσεχοντα χαλκα και τεσσαρα μερη αυτων ωμιαι υποκατω των λουτηρων
18 και χειρες εν τοις τροχοις εν τη μεχωνωθ και το υψος του τροχου του ενος πηχεος και ημισους
19 και το εργον των τροχων εργον τροχων αρματος αι χειρες αυτων και οι νωτοι αυτων και η πραγματεια αυτων τα παντα χωνευτα
20 αι τεσσαρες ωμιαι επι των τεσσαρων γωνιων της μεχωνωθ της μιας εκ της μεχωνωθ οι ωμοι αυτης
21 και επι της κεφαλης της μεχωνωθ ημισυ του πηχεος μεγεθος στρογγυλον κυκλω επι της κεφαλης της μεχωνωθ και αρχη χειρων αυτης και τα συγκλεισματα αυτης και ηνοιγετο επι τας αρχας των χειρων αυτης
22 και τα συγκλεισματα αυτης χερουβιν και λεοντες και φοινικες εστωτα εχομενον εκαστον κατα προσωπον αυτου εσω και τα κυκλοθεν
23 κατ αυτην εποιησεν πασας τας δεκα μεχωνωθ ταξιν μιαν και μετρον εν πασαις
24 και εποιησεν δεκα χυτροκαυλους χαλκους τεσσαρακοντα χοεις χωρουντα τον χυτροκαυλον τον ενα μετρησει ο χυτροκαυλος ο εις επι της μεχωνωθ της μιας ταις δεκα μεχωνωθ
25 και εθετο τας δεκα μεχωνωθ πεντε απο της ωμιας του οικου εκ δεξιων και πεντε απο της ωμιας του οικου εξ αριστερων και η θαλασσα απο της ωμιας του οικου εκ δεξιων κατ ανατολας απο του κλιτους του νοτου
26 και εποιησεν Χιραμ τους λεβητας και τας θερμαστρεις και τας φιαλας και συνετελεσεν Χιραμ ποιων παντα τα εργα α εποιησεν τω βασιλει Σαλωμων εν οικω κυριου
27 στυλους δυο και τα στρεπτα των στυλων επι των κεφαλων των στυλων δυο και τα δικτυα δυο του καλυπτειν αμφοτερα τα στρεπτα των γλυφων τα οντα επι των στυλων
28 τας ροας τετρακοσιας αμφοτεροις τοις δικτυοις δυο στιχοι ροων τω δικτυω τω ενι περικαλυπτειν αμφοτερα τα στρεπτα επ αμφοτεροις τοις στυλοις
29 και τας μεχωνωθ δεκα και τους χυτροκαυλους δεκα επι των μεχωνωθ
30 και την θαλασσαν μιαν και τους βοας δωδεκα υποκατω της θαλασσης
31 και τους λεβητας και τας θερμαστρεις και τας φιαλας και παντα τα σκευη α εποιησεν Χιραμ τω βασιλει Σαλωμων τω οικω κυριου και οι στυλοι τεσσαρακοντα και οκτω του οικου του βασιλεως και του οικου κυριου παντα τα εργα του βασιλεως α εποιησεν Χιραμ χαλκα αρδην
32 ουκ ην σταθμος του χαλκου ου εποιησεν παντα τα εργα ταυτα εκ πληθους σφοδρα ουκ ην τερμα τω σταθμω του χαλκου
33 εν τω περιοικω του Ιορδανου εχωνευσεν αυτα ο βασιλευς εν τω παχει της γης ανα μεσον Σοκχωθ και ανα μεσον Σιρα
34 και εδωκεν ο βασιλευς Σαλωμων τα σκευη α εποιησεν εν οικω κυριου το θυσιαστηριον το χρυσουν και την τραπεζαν εφ ης οι αρτοι της προσφορας χρυσην
35 και τας λυχνιας πεντε εκ δεξιων και πεντε εξ αριστερων κατα προσωπον του δαβιρ χρυσας συγκλειομενας και τα λαμπαδια και τους λυχνους και τας επαρυστριδας χρυσας
36 και τα προθυρα και οι ηλοι και αι φιαλαι και τα τρυβλια και αι θυισκαι χρυσαι συγκλειστα και τα θυρωματα των θυρων του οικου του εσωτατου αγιου των αγιων και τας θυρας του οικου του ναου χρυσας
37 και ανεπληρωθη παν το εργον ο εποιησεν Σαλωμων οικου κυριου και εισηνεγκεν Σαλωμων τα αγια Δαυιδ του πατρος αυτου και παντα τα αγια Σαλωμων το αργυριον και το χρυσιον και τα σκευη εδωκεν εις τους θησαυρους οικου κυριου
38 και τον οικον αυτου ωκοδομησεν Σαλωμων τρισκαιδεκα ετεσιν
39 και ωκοδομησεν τον οικον δρυμω του Λιβανου εκατον πηχεις μηκος αυτου και πεντηκοντα πηχεις πλατος αυτου και τριακοντα πηχων υψος αυτου και τριων στιχων στυλων κεδρινων και ωμιαι κεδριναι τοις στυλοις
40 και εφατνωσεν τον οικον ανωθεν επι των πλευρων των στυλων και αριθμος των στυλων τεσσαρακοντα και πεντε δεκα και πεντε ο στιχος
41 και μελαθρα τρια και χωρα επι χωραν τρισσως
42 και παντα τα θυρωματα και αι χωραι τετραγωνοι μεμελαθρωμεναι και απο του θυρωματος επι θυραν τρισσως
43 και το αιλαμ των στυλων πεντηκοντα πηχων μηκος και τριακοντα εν πλατει εζυγωμενα αιλαμ επι προσωπον αυτων και στυλοι και παχος επι προσωπον αυτης τοις αιλαμμιν
44 και το αιλαμ των θρονων ου κρινει εκει αιλαμ του κριτηριου
45 και οικος αυτω εν ω καθησεται εκει αυλη μια εξελισσομενη τουτοις κατα το εργον τουτο και οικον τη θυγατρι Φαραω ην ελαβεν Σαλωμων κατα το αιλαμ τουτο
46 παντα ταυτα εκ λιθων τιμιων κεκολαμμενα εκ διαστηματος εσωθεν και εκ του θεμελιου εως των γεισων και εξωθεν εις την αυλην την μεγαλην
47 την τεθεμελιωμενην εν τιμιοις λιθοις μεγαλοις λιθοις δεκαπηχεσιν και τοις οκταπηχεσιν
48 και επανωθεν τιμιοις κατα το μετρον απελεκητων και κεδροις
49 της αυλης της μεγαλης κυκλω τρεις στιχοι απελεκητων και στιχος κεκολαμμενης κεδρου
50 και συνετελεσεν Σαλωμων ολον τον οικον αυτου

Kapitel 8

1 και εγενετο εν τω συντελεσαι Σαλωμων του οικοδομησαι τον οικον κυριου και τον οικον εαυτου μετα εικοσι ετη τοτε εξεκκλησιασεν ο βασιλευς Σαλωμων παντας τους πρεσβυτερους Ισραηλ εν Σιων του ανενεγκειν την κιβωτον διαθηκης κυριου εκ πολεως Δαυιδ αυτη εστιν Σιων
2 εν μηνι Αθανιν
3 και ηραν οι ιερεις την κιβωτον
4 και το σκηνωμα του μαρτυριου και παντα τα σκευη τα αγια τα εν τω σκηνωματι του μαρτυριου
5 και ο βασιλευς και πας Ισραηλ εμπροσθεν της κιβωτου θυοντες προβατα και βοας αναριθμητα
6 και εισφερουσιν οι ιερεις την κιβωτον εις τον τοπον αυτης εις το δαβιρ του οικου εις τα αγια των αγιων υπο τας πτερυγας των χερουβιν
7 οτι τα χερουβιν διαπεπετασμενα ταις πτερυξιν επι τον τοπον της κιβωτου και περιεκαλυπτον τα χερουβιν επι την κιβωτον και επι τα αγια αυτης επανωθεν
8 και υπερειχον τα ηγιασμενα και ενεβλεποντο αι κεφαλαι των ηγιασμενων εκ των αγιων εις προσωπον του δαβιρ και ουκ ωπτανοντο εξω
9 ουκ ην εν τη κιβωτω πλην δυο πλακες λιθιναι πλακες της διαθηκης ας εθηκεν εκει Μωυσης εν Χωρηβ α διεθετο κυριος μετα των υιων Ισραηλ εν τω εκπορευεσθαι αυτους εκ γης Αιγυπτου
10 και εγενετο ως εξηλθον οι ιερεις εκ του αγιου και η νεφελη επλησεν τον οικον
11 και ουκ ηδυναντο οι ιερεις στηναι λειτουργειν απο προσωπου της νεφελης οτι επλησεν δοξα κυριου τον οικον
12
13
14 και απεστρεψεν ο βασιλευς το προσωπον αυτου και ευλογησεν ο βασιλευς παντα Ισραηλ και πασα εκκλησια Ισραηλ ειστηκει
15 και ειπεν ευλογητος κυριος ο θεος Ισραηλ σημερον ος ελαλησεν εν τω στοματι αυτου περι Δαυιδ του πατρος μου και εν ταις χερσιν αυτου επληρωσεν λεγων
16 αφ ης ημερας εξηγαγον τον λαον μου τον Ισραηλ εξ Αιγυπτου ουκ εξελεξαμην εν πολει εν ενι σκηπτρω Ισραηλ του οικοδομησαι οικον του ειναι το ονομα μου εκει και εξελεξαμην εν Ιερουσαλημ ειναι το ονομα μου εκει και εξελεξαμην τον Δαυιδ του ειναι επι τον λαον μου τον Ισραηλ
17 και εγενετο επι της καρδιας Δαυιδ του πατρος μου οικοδομησαι οικον τω ονοματι κυριου θεου Ισραηλ
18 και ειπεν κυριος προς Δαυιδ τον πατερα μου ανθ ων ηλθεν επι την καρδιαν σου του οικοδομησαι οικον τω ονοματι μου καλως εποιησας οτι εγενηθη επι την καρδιαν σου
19 πλην συ ουκ οικοδομησεις τον οικον αλλ η ο υιος σου ο εξελθων εκ των πλευρων σου ουτος οικοδομησει τον οικον τω ονοματι μου
20 και ανεστησεν κυριος το ρημα αυτου ο ελαλησεν και ανεστην αντι Δαυιδ του πατρος μου και εκαθισα επι του θρονου Ισραηλ καθως ελαλησεν κυριος και ωκοδομησα τον οικον τω ονοματι κυριου θεου Ισραηλ
21 και εθεμην εκει τοπον τη κιβωτω εν η εστιν εκει διαθηκη κυριου ην διεθετο κυριος μετα των πατερων ημων εν τω εξαγαγειν αυτον αυτους εκ γης Αιγυπτου
22 και εστη Σαλωμων κατα προσωπον του θυσιαστηριου κυριου ενωπιον πασης εκκλησιας Ισραηλ και διεπετασεν τας χειρας αυτου εις τον ουρανον
23 και ειπεν κυριε ο θεος Ισραηλ ουκ εστιν ως συ θεος εν τω ουρανω ανω και επι της γης κατω φυλασσων διαθηκην και ελεος τω δουλω σου τω πορευομενω ενωπιον σου εν ολη τη καρδια αυτου
24 α εφυλαξας τω δουλω σου Δαυιδ τω πατρι μου και ελαλησας εν τω στοματι σου και εν χερσιν σου επληρωσας ως η ημερα αυτη
25 και νυν κυριε ο θεος Ισραηλ φυλαξον τω δουλω σου τω Δαυιδ τω πατρι μου α ελαλησας αυτω λεγων ουκ εξαρθησεται σου ανηρ εκ προσωπου μου καθημενος επι θρονου Ισραηλ πλην εαν φυλαξωνται τα τεκνα σου τας οδους αυτων του πορευεσθαι ενωπιον εμου καθως επορευθης ενωπιον εμου
26 και νυν κυριε ο θεος Ισραηλ πιστωθητω δη το ρημα σου τω Δαυιδ τω πατρι μου
27 οτι ει αληθως κατοικησει ο θεος μετα ανθρωπων επι της γης ει ο ουρανος και ο ουρανος του ουρανου ουκ αρκεσουσιν σοι πλην και ο οικος ουτος ον ωκοδομησα τω ονοματι σου
28 και επιβλεψη επι την δεησιν μου κυριε ο θεος Ισραηλ ακουειν της τερψεως ης ο δουλος σου προσευχεται ενωπιον σου προς σε σημερον
29 του ειναι οφθαλμους σου ηνεωγμενους εις τον οικον τουτον ημερας και νυκτος εις τον τοπον ον ειπας εσται το ονομα μου εκει του εισακουειν της προσευχης ης προσευχεται ο δουλος σου εις τον τοπον τουτον ημερας και νυκτος
30 και εισακουση της δεησεως του δουλου σου και του λαου σου Ισραηλ α αν προσευξωνται εις τον τοπον τουτον και συ εισακουση εν τω τοπω της κατοικησεως σου εν ουρανω και ποιησεις και ιλεως εση
31 οσα αν αμαρτη εκαστος τω πλησιον αυτου και εαν λαβη επ αυτον αραν του αρασθαι αυτον και ελθη και εξαγορευση κατα προσωπον του θυσιαστηριου σου εν τω οικω τουτω
32 και συ εισακουσει εκ του ουρανου και ποιησεις και κρινεις τον λαον σου Ισραηλ ανομηθηναι ανομον δουναι την οδον αυτου εις κεφαλην αυτου και του δικαιωσαι δικαιον δουναι αυτω κατα την δικαιοσυνην αυτου
33 εν τω πταισαι τον λαον σου Ισραηλ ενωπιον εχθρων οτι αμαρτησονται σοι και επιστρεψουσιν και εξομολογησονται τω ονοματι σου και προσευξονται και δεηθησονται εν τω οικω τουτω
34 και συ εισακουση εκ του ουρανου και ιλεως εση ταις αμαρτιαις του λαου σου Ισραηλ και αποστρεψεις αυτους εις την γην ην εδωκας τοις πατρασιν αυτων
35 εν τω συσχεθηναι τον ουρανον και μη γενεσθαι υετον οτι αμαρτησονται σοι και προσευξονται εις τον τοπον τουτον και εξομολογησονται τω ονοματι σου και απο των αμαρτιων αυτων αποστρεψουσιν οταν ταπεινωσης αυτους
36 και εισακουση εκ του ουρανου και ιλεως εση ταις αμαρτιαις του δουλου σου και του λαου σου Ισραηλ οτι δηλωσεις αυτοις την οδον την αγαθην πορευεσθαι εν αυτη και δωσεις υετον επι την γην ην εδωκας τω λαω σου εν κληρονομια
37 λιμος εαν γενηται θανατος εαν γενηται οτι εσται εμπυρισμος βρουχος ερυσιβη εαν γενηται και εαν θλιψη αυτον εχθρος αυτου εν μια των πολεων αυτου παν συναντημα παν πονον
38 πασαν προσευχην πασαν δεησιν εαν γενηται παντι ανθρωπω ως αν γνωσιν εκαστος αφην καρδιας αυτου και διαπεταση τας χειρας αυτου εις τον οικον τουτον
39 και συ εισακουση εκ του ουρανου εξ ετοιμου κατοικητηριου σου και ιλεως εση και ποιησεις και δωσεις ανδρι κατα τας οδους αυτου καθως αν γνως την καρδιαν αυτου οτι συ μονωτατος οιδας την καρδιαν παντων υιων ανθρωπων
40 οπως φοβωνται σε πασας τας ημερας ας αυτοι ζωσιν επι της γης ης εδωκας τοις πατρασιν ημων
41 και τω αλλοτριω ος ουκ εστιν απο λαου σου ουτος
42 και ηξουσιν και προσευξονται εις τον τοπον τουτον
43 και συ εισακουση εκ του ουρανου εξ ετοιμου κατοικητηριου σου και ποιησεις κατα παντα οσα αν επικαλεσηται σε ο αλλοτριος οπως γνωσιν παντες οι λαοι το ονομα σου και φοβωνται σε καθως ο λαος σου Ισραηλ και γνωσιν οτι το ονομα σου επικεκληται επι τον οικον τουτον ον ωκοδομησα
44 οτι εξελευσεται ο λαος σου εις πολεμον επι τους εχθρους αυτου εν οδω η επιστρεψεις αυτους και προσευξονται εν ονοματι κυριου οδον της πολεως ης εξελεξω εν αυτη και του οικου ου ωκοδομησα τω ονοματι σου
45 και εισακουσει εκ του ουρανου της δεησεως αυτων και της προσευχης αυτων και ποιησεις το δικαιωμα αυτοις
46 οτι αμαρτησονται σοι οτι ουκ εστιν ανθρωπος ος ουχ αμαρτησεται και επαξεις επ αυτους και παραδωσεις αυτους ενωπιον εχθρων και αιχμαλωτιουσιν αυτους οι αιχμαλωτιζοντες εις γην μακραν και εγγυς
47 και επιστρεψουσιν καρδιας αυτων εν τη γη ου μετηχθησαν εκει και επιστρεψωσιν και δεηθωσιν σου εν γη μετοικιας αυτων λεγοντες ημαρτομεν ηνομησαμεν ηδικησαμεν
48 και επιστρεψωσιν προς σε εν ολη καρδια αυτων και εν ολη ψυχη αυτων εν τη γη εχθρων αυτων ου μετηγαγες αυτους και προσευξονται προς σε οδον γης αυτων ης εδωκας τοις πατρασιν αυτων της πολεως ης εξελεξω και του οικου ου ωκοδομηκα τω ονοματι σου
49 και εισακουση εκ του ουρανου εξ ετοιμου κατοικητηριου σου
50 και ιλεως εση ταις αδικιαις αυτων αις ημαρτον σοι και κατα παντα τα αθετηματα αυτων α ηθετησαν σοι και δωσεις αυτους εις οικτιρμους ενωπιον αιχμαλωτευοντων αυτους και οικτιρησουσιν αυτους
51 οτι λαος σου και κληρονομια σου ους εξηγαγες εκ γης Αιγυπτου εκ μεσου χωνευτηριου σιδηρου
52 και εστωσαν οι οφθαλμοι σου και τα ωτα σου ηνεωγμενα εις την δεησιν του δουλου σου και εις την δεησιν του λαου σου Ισραηλ εισακουειν αυτων εν πασιν οις αν επικαλεσωνται σε
53 οτι συ διεστειλας αυτους σαυτω εις κληρονομιαν εκ παντων των λαων της γης καθως ελαλησας εν χειρι δουλου σου Μωυση εν τω εξαγαγειν σε τους πατερας ημων εκ γης Αιγυπτου κυριε κυριε
54 και εγενετο ως συνετελεσεν Σαλωμων προσευχομενος προς κυριον ολην την προσευχην και την δεησιν ταυτην και ανεστη απο προσωπου του θυσιαστηριου κυριου οκλακως επι τα γονατα αυτου και αι χειρες αυτου διαπεπετασμεναι εις τον ουρανον
55 και εστη και ευλογησεν πασαν εκκλησιαν Ισραηλ φωνη μεγαλη λεγων
56 ευλογητος κυριος σημερον ος εδωκεν καταπαυσιν τω λαω αυτου Ισραηλ κατα παντα οσα ελαλησεν ου διεφωνησεν λογος εις εν πασιν τοις λογοις αυτου τοις αγαθοις οις ελαλησεν εν χειρι Μωυση δουλου αυτου
57 γενοιτο κυριος ο θεος ημων μεθ ημων καθως ην μετα των πατερων ημων μη εγκαταλιποιτο ημας μηδε αποστρεψοιτο ημας
58 επικλιναι καρδιας ημων προς αυτον του πορευεσθαι εν πασαις οδοις αυτου και φυλασσειν πασας τας εντολας αυτου και προσταγματα αυτου α ενετειλατο τοις πατρασιν ημων
59 και εστωσαν οι λογοι ουτοι ους δεδεημαι ενωπιον κυριου θεου ημων εγγιζοντες προς κυριον θεον ημων ημερας και νυκτος του ποιειν το δικαιωμα του δουλου σου και το δικαιωμα λαου σου Ισραηλ ρημα ημερας εν ημερα αυτου
60 οπως γνωσιν παντες οι λαοι της γης οτι κυριος ο θεος αυτος θεος και ουκ εστιν ετι
61 και εστωσαν αι καρδιαι ημων τελειαι προς κυριον θεον ημων και οσιως πορευεσθαι εν τοις προσταγμασιν αυτου και φυλασσειν εντολας αυτου ως η ημερα αυτη
62 και ο βασιλευς και παντες οι υιοι Ισραηλ εθυσαν θυσιαν ενωπιον κυριου
63 και εθυσεν ο βασιλευς Σαλωμων τας θυσιας των ειρηνικων ας εθυσεν τω κυριω βοων δυο και εικοσι χιλιαδας και προβατων εκατον εικοσι χιλιαδας και ενεκαινισεν τον οικον κυριου ο βασιλευς και παντες οι υιοι Ισραηλ
64 τη ημερα εκεινη ηγιασεν ο βασιλευς το μεσον της αυλης το κατα προσωπον του οικου κυριου οτι εποιησεν εκει την ολοκαυτωσιν και τας θυσιας και τα στεατα των ειρηνικων οτι το θυσιαστηριον το χαλκουν το ενωπιον κυριου μικρον του μη δυνασθαι την ολοκαυτωσιν και τας θυσιας των ειρηνικων υπενεγκειν
65 και εποιησεν Σαλωμων την εορτην εν τη ημερα εκεινη και πας Ισραηλ μετ αυτου εκκλησια μεγαλη απο της εισοδου Ημαθ εως ποταμου Αιγυπτου ενωπιον κυριου θεου ημων εν τω οικω ω ωκοδομησεν εσθιων και πινων και ευφραινομενος ενωπιον κυριου θεου ημων επτα ημερας
66 και εν τη ημερα τη ογδοη εξαπεστειλεν τον λαον και ευλογησεν αυτον και απηλθον εκαστος εις τα σκηνωματα αυτου χαιροντες και αγαθη καρδια επι τοις αγαθοις οις εποιησεν κυριος τω Δαυιδ δουλω αυτου και τω Ισραηλ λαω αυτου

Kapitel 9

1 και εγενηθη ως συνετελεσεν Σαλωμων οικοδομειν τον οικον κυριου και τον οικον του βασιλεως και πασαν την πραγματειαν Σαλωμων οσα ηθελησεν ποιησαι
2 και ωφθη κυριος τω Σαλωμων δευτερον καθως ωφθη εν Γαβαων
3 και ειπεν προς αυτον κυριος ηκουσα της φωνης της προσευχης σου και της δεησεως σου ης εδεηθης ενωπιον εμου πεποιηκα σοι κατα πασαν την προσευχην σου ηγιακα τον οικον τουτον ον ωκοδομησας του θεσθαι το ονομα μου εκει εις τον αιωνα και εσονται οι οφθαλμοι μου εκει και η καρδια μου πασας τας ημερας
4 και συ εαν πορευθης ενωπιον εμου καθως επορευθη Δαυιδ ο πατηρ σου εν οσιοτητι καρδιας και εν ευθυτητι και του ποιειν κατα παντα α ενετειλαμην αυτω και τα προσταγματα μου και τας εντολας μου φυλαξης
5 και αναστησω τον θρονον της βασιλειας σου επι Ισραηλ εις τον αιωνα καθως ελαλησα τω Δαυιδ πατρι σου λεγων ουκ εξαρθησεται σοι ανηρ ηγουμενος εν Ισραηλ
6 εαν δε αποστραφεντες αποστραφητε υμεις και τα τεκνα υμων απ εμου και μη φυλαξητε τας εντολας μου και τα προσταγματα μου α εδωκεν Μωυσης ενωπιον υμων και πορευθητε και δουλευσητε θεοις ετεροις και προσκυνησητε αυτοις
7 και εξαρω τον Ισραηλ απο της γης ης εδωκα αυτοις και τον οικον τουτον ον ηγιασα τω ονοματι μου απορριψω εκ προσωπου μου και εσται Ισραηλ εις αφανισμον και εις λαλημα εις παντας τους λαους
8 και ο οικος ουτος ο υψηλος πας ο διαπορευομενος δι αυτου εκστησεται και συριει και ερουσιν ενεκα τινος εποιησεν κυριος ουτως τη γη ταυτη και τω οικω τουτω
9 και ερουσιν ανθ ων εγκατελιπον κυριον θεον αυτων ος εξηγαγεν τους πατερας αυτων εξ Αιγυπτου εξ οικου δουλειας και αντελαβοντο θεων αλλοτριων και προσεκυνησαν αυτοις και εδουλευσαν αυτοις δια τουτο επηγαγεν κυριος επ αυτους την κακιαν ταυτην
10 εικοσι ετη εν οις ωκοδομησεν Σαλωμων τους δυο οικους τον οικον κυριου και τον οικον του βασιλεως
11 Χιραμ βασιλευς Τυρου αντελαβετο του Σαλωμων εν ξυλοις κεδρινοις και εν ξυλοις πευκινοις και εν χρυσιω και εν παντι θεληματι αυτου τοτε εδωκεν ο βασιλευς τω Χιραμ εικοσι πολεις εν τη γη τη Γαλιλαια
12 και εξηλθεν Χιραμ εκ Τυρου και επορευθη εις την Γαλιλαιαν του ιδειν τας πολεις ας εδωκεν αυτω Σαλωμων και ουκ ηρεσαν αυτω
13 και ειπεν τι αι πολεις αυται ας εδωκας μοι αδελφε και εκαλεσεν αυτας οριον εως της ημερας ταυτης
14 και ηνεγκεν Χιραμ τω Σαλωμων εκατον και εικοσι ταλαντα χρυσιου
15
16
17
18
19
20
21
22
23
24
25
26 και ναυν υπερ ου εποιησεν ο βασιλευς Σαλωμων εν Γασιωνγαβερ την ουσαν εχομενην Αιλαθ επι του χειλους της εσχατης θαλασσης εν γη Εδωμ
27 και απεστειλεν Χιραμ εν τη νηι των παιδων αυτου ανδρας ναυτικους ελαυνειν ειδοτας θαλασσαν μετα των παιδων Σαλωμων
28 και ηλθον εις Σωφηρα και ελαβον εκειθεν χρυσιου εκατον και εικοσι ταλαντα και ηνεγκαν τω βασιλει Σαλωμων

Kapitel 10

1 και βασιλισσα Σαβα ηκουσεν το ονομα Σαλωμων και το ονομα κυριου και ηλθεν πειρασαι αυτον εν αινιγμασιν
2 και ηλθεν εις Ιερουσαλημ εν δυναμει βαρεια σφοδρα και καμηλοι αιρουσαι ηδυσματα και χρυσον πολυν σφοδρα και λιθον τιμιον και εισηλθεν προς Σαλωμων και ελαλησεν αυτω παντα οσα ην εν τη καρδια αυτης
3 και απηγγειλεν αυτη Σαλωμων παντας τους λογους αυτης ουκ ην λογος παρεωραμενος παρα του βασιλεως ον ουκ απηγγειλεν αυτη
4 και ειδεν βασιλισσα Σαβα πασαν φρονησιν Σαλωμων και τον οικον ον ωκοδομησεν
5 και τα βρωματα Σαλωμων και την καθεδραν παιδων αυτου και την στασιν λειτουργων αυτου και τον ιματισμον αυτου και τους οινοχοους αυτου και την ολοκαυτωσιν αυτου ην ανεφερεν εν οικω κυριου και εξ εαυτης εγενετο
6 και ειπεν προς τον βασιλεα Σαλωμων αληθινος ο λογος ον ηκουσα εν τη γη μου περι του λογου σου και περι της φρονησεως σου
7 και ουκ επιστευσα τοις λαλουσιν μοι εως οτου παρεγενομην και εωρακασιν οι οφθαλμοι μου και ιδου ουκ εστιν το ημισυ καθως απηγγειλαν μοι προστεθεικας αγαθα προς αυτα επι πασαν την ακοην ην ηκουσα εν τη γη μου
8 μακαριαι αι γυναικες σου μακαριοι οι παιδες σου ουτοι οι παρεστηκοτες ενωπιον σου δι ολου οι ακουοντες πασαν την φρονησιν σου
9 γενοιτο κυριος ο θεος σου ευλογημενος ος ηθελησεν εν σοι δουναι σε επι θρονου Ισραηλ δια το αγαπαν κυριον τον Ισραηλ στησαι εις τον αιωνα και εθετο σε βασιλεα επ αυτους του ποιειν κριμα εν δικαιοσυνη και εν κριμασιν αυτων
10 και εδωκεν τω Σαλωμων εκατον εικοσι ταλαντα χρυσιου και ηδυσματα πολλα σφοδρα και λιθον τιμιον ουκ εληλυθει κατα τα ηδυσματα εκεινα ετι εις πληθος α εδωκεν βασιλισσα Σαβα τω βασιλει Σαλωμων
11 και η ναυς Χιραμ η αιρουσα το χρυσιον εκ Σουφιρ ηνεγκεν ξυλα απελεκητα πολλα σφοδρα και λιθον τιμιον
12 και εποιησεν ο βασιλευς τα ξυλα τα απελεκητα υποστηριγματα του οικου κυριου και του οικου του βασιλεως και ναβλας και κινυρας τοις ωδοις ουκ εληλυθει τοιαυτα ξυλα απελεκητα επι της γης ουδε ωφθησαν που εως της ημερας ταυτης
13 και ο βασιλευς Σαλωμων εδωκεν τη βασιλισση Σαβα παντα οσα ηθελησεν οσα ητησατο εκτος παντων ων δεδωκει αυτη δια χειρος του βασιλεως Σαλωμων και απεστραφη και ηλθεν εις την γην αυτης αυτη και παντες οι παιδες αυτης
14 και ην ο σταθμος του χρυσιου του εληλυθοτος τω Σαλωμων εν ενιαυτω ενι εξακοσια και εξηκοντα εξ ταλαντα χρυσιου
15 χωρις των φορων των υποτεταγμενων και των εμπορων και παντων των βασιλεων του περαν και των σατραπων της γης
16 και εποιησεν Σαλωμων τριακοσια δορατα χρυσα ελατα τριακοσιοι χρυσοι επησαν επι το δορυ το εν
17 και τριακοσια οπλα χρυσα ελατα τρεις μναι χρυσιου ενησαν εις το οπλον το εν και εδωκεν αυτα εις οικον δρυμου του Λιβανου
18 και εποιησεν ο βασιλευς θρονον ελεφαντινον μεγαν και περιεχρυσωσεν αυτον χρυσιω δοκιμω
19 εξ αναβαθμοι τω θρονω και προτομαι μοσχων τω θρονω εκ των οπισω αυτου και χειρες ενθεν και ενθεν επι του τοπου της καθεδρας και δυο λεοντες εστηκοτες παρα τας χειρας
20 και δωδεκα λεοντες εστωτες επι των εξ αναβαθμων ενθεν και ενθεν ου γεγονεν ουτως παση βασιλεια
21 και παντα τα σκευη του ποτου Σαλωμων χρυσα και λουτηρες χρυσοι παντα τα σκευη οικου δρυμου του Λιβανου χρυσιω συγκεκλεισμενα ουκ ην αργυριον οτι ουκ ην λογιζομενον εν ταις ημεραις Σαλωμων
22 οτι ναυς Θαρσις τω βασιλει εν τη θαλασση μετα των νηων Χιραμ μια δια τριων ετων ηρχετο τω βασιλει ναυς εκ Θαρσις χρυσιου και αργυριου και λιθων τορευτων και πελεκητων
23 και εμεγαλυνθη Σαλωμων υπερ παντας τους βασιλεις της γης πλουτω και φρονησει
24 και παντες βασιλεις της γης εζητουν το προσωπον Σαλωμων του ακουσαι της φρονησεως αυτου ης εδωκεν κυριος εν τη καρδια αυτου
25 και αυτοι εφερον εκαστος τα δωρα αυτου σκευη χρυσα και ιματισμον στακτην και ηδυσματα και ιππους και ημιονους το κατ ενιαυτον ενιαυτον
26 και ησαν τω Σαλωμων τεσσαρες χιλιαδες θηλειαι ιπποι εις αρματα και δωδεκα χιλιαδες ιππεων και εθετο αυτας εν ταις πολεσι των αρματων και μετα του βασιλεως εν Ιερουσαλημ
27 και εδωκεν ο βασιλευς το χρυσιον και το αργυριον εν Ιερουσαλημ ως λιθους και τας κεδρους εδωκεν ως συκαμινους τας εν τη πεδινη εις πληθος
28 και η εξοδος των ιππων Σαλωμων εξ Αιγυπτου και εκ Θεκουε εμποροι του βασιλεως ελαμβανον εκ Θεκουε εν αλλαγματι
29 και ανεβαινεν η εξοδος εξ Αιγυπτου αρμα αντι εκατον αργυριου και ιππος αντι πεντηκοντα αργυριου και ουτω πασιν τοις βασιλευσιν Χεττιιν και βασιλευσιν Συριας κατα θαλασσαν εξεπορευοντο

Kapitel 11

1 και ο βασιλευς Σαλωμων ην φιλογυναιος και ησαν αυτω αρχουσαι επτακοσιαι και παλλακαι τριακοσιαι και ελαβεν γυναικας αλλοτριας και την θυγατερα Φαραω Μωαβιτιδας Αμμανιτιδας Συρας και Ιδουμαιας Χετταιας και Αμορραιας
2 εκ των εθνων ων απειπεν κυριος τοις υιοις Ισραηλ ουκ εισελευσεσθε εις αυτους και αυτοι ουκ εισελευσονται εις υμας μη εκκλινωσιν τας καρδιας υμων οπισω ειδωλων αυτων εις αυτους εκολληθη Σαλωμων του αγαπησαι
3
4 και εγενηθη εν καιρω γηρους Σαλωμων και ουκ ην η καρδια αυτου τελεια μετα κυριου θεου αυτου καθως η καρδια Δαυιδ του πατρος αυτου και εξεκλιναν αι γυναικες αι αλλοτριαι την καρδιαν αυτου οπισω θεων αυτων
5 τοτε ωκοδομησεν Σαλωμων υψηλον τω Χαμως ειδωλω Μωαβ και τω βασιλει αυτων ειδωλω υιων Αμμων
6 και τη Ασταρτη βδελυγματι Σιδωνιων
7 και ουτως εποιησεν πασαις ταις γυναιξιν αυτου ταις αλλοτριαις εθυμιων και εθυον τοις ειδωλοις αυτων
8 και εποιησεν Σαλωμων το πονηρον ενωπιον κυριου ουκ επορευθη οπισω κυριου ως Δαυιδ ο πατηρ αυτου
9 και ωργισθη κυριος επι Σαλωμων οτι εξεκλινεν καρδιαν αυτου απο κυριου θεου Ισραηλ του οφθεντος αυτω δις
10 και εντειλαμενου αυτω υπερ του λογου τουτου το παραπαν μη πορευθηναι οπισω θεων ετερων και φυλαξασθαι ποιησαι α ενετειλατο αυτω κυριος ο θεος
11 και ειπεν κυριος προς Σαλωμων ανθ ων εγενετο ταυτα μετα σου και ουκ εφυλαξας τας εντολας μου και τα προσταγματα μου α ενετειλαμην σοι διαρρησσων διαρρηξω την βασιλειαν σου εκ χειρος σου και δωσω αυτην τω δουλω σου
12 πλην εν ταις ημεραις σου ου ποιησω αυτα δια Δαυιδ τον πατερα σου εκ χειρος υιου σου λημψομαι αυτην
13 πλην ολην την βασιλειαν ου μη λαβω σκηπτρον εν δωσω τω υιω σου δια Δαυιδ τον δουλον μου και δια Ιερουσαλημ την πολιν ην εξελεξαμην
14 και ηγειρεν κυριος σαταν τω Σαλωμων τον Αδερ τον Ιδουμαιον και τον Εσρωμ υιον Ελιαδαε τον εν Ραεμμαθ Αδραζαρ βασιλεα Σουβα κυριον αυτου και συνηθροισθησαν επ αυτον ανδρες και ην αρχων συστρεμματος και προκατελαβετο την Δαμασεκ και ησαν σαταν τω Ισραηλ πασας τας ημερας Σαλωμων και Αδερ ο Ιδουμαιος εκ του σπερματος της βασιλειας εν Ιδουμαια
15 και εγενετο εν τω εξολεθρευσαι Δαυιδ τον Εδωμ εν τω πορευθηναι Ιωαβ αρχοντα της στρατιας θαπτειν τους τραυματιας εκοψαν παν αρσενικον εν τη Ιδουμαια
16 οτι εξ μηνας ενεκαθητο εκει Ιωαβ και πας Ισραηλ εν τη Ιδουμαια εως οτου εξωλεθρευσεν παν αρσενικον εκ της Ιδουμαιας
17 και απεδρα Αδερ αυτος και παντες ανδρες Ιδουμαιοι των παιδων του πατρος αυτου μετ αυτου και εισηλθον εις Αιγυπτον και Αδερ παιδαριον μικρον
18 και ανιστανται ανδρες εκ της πολεως Μαδιαμ και ερχονται εις Φαραν και λαμβανουσιν ανδρας μετ αυτων και ερχονται προς Φαραω βασιλεα Αιγυπτου και εισηλθεν Αδερ προς Φαραω και εδωκεν αυτω οικον και αρτους διεταξεν αυτω
19 και ευρεν Αδερ χαριν εναντιον Φαραω σφοδρα και εδωκεν αυτω γυναικα αδελφην της γυναικος αυτου αδελφην Θεκεμινας την μειζω
20 και ετεκεν αυτω η αδελφη Θεκεμινας τω Αδερ τον Γανηβαθ υιον αυτης και εξεθρεψεν αυτον Θεκεμινα εν μεσω υιων Φαραω και ην Γανηβαθ εν μεσω υιων Φαραω
21 και Αδερ ηκουσεν εν Αιγυπτω οτι κεκοιμηται Δαυιδ μετα των πατερων αυτου και οτι τεθνηκεν Ιωαβ ο αρχων της στρατιας και ειπεν Αδερ προς Φαραω εξαποστειλον με και αποστρεψω εις την γην μου
22 και ειπεν Φαραω τω Αδερ τινι συ ελαττονη μετ εμου και ιδου συ ζητεις απελθειν εις την γην σου και ειπεν αυτω Αδερ οτι εξαποστελλων εξαποστελεις με και ανεστρεψεν Αδερ εις την γην αυτου
23
24
25 αυτη η κακια ην εποιησεν Αδερ και εβαρυθυμησεν εν Ισραηλ και εβασιλευσεν εν γη Εδωμ
26 και Ιεροβοαμ υιος Ναβατ ο Εφραθι εκ της Σαριρα υιος γυναικος χηρας δουλος Σαλωμων
27 και τουτο το πραγμα ως επηρατο χειρας επι βασιλεα Σαλωμων ωκοδομησεν την ακραν συνεκλεισεν τον φραγμον της πολεως Δαυιδ του πατρος αυτου
28 και ο ανθρωπος Ιεροβοαμ ισχυρος δυναμει και ειδεν Σαλωμων το παιδαριον οτι ανηρ εργων εστιν και κατεστησεν αυτον επι τας αρσεις οικου Ιωσηφ
29 και εγενηθη εν τω καιρω εκεινω και Ιεροβοαμ εξηλθεν εξ Ιερουσαλημ και ευρεν αυτον Αχιας ο Σηλωνιτης ο προφητης εν τη οδω και απεστησεν αυτον εκ της οδου και ο Αχιας περιβεβλημενος ιματιω καινω και αμφοτεροι εν τω πεδιω
30 και επελαβετο Αχια του ιματιου αυτου του καινου του επ αυτω και διερρηξεν αυτο δωδεκα ρηγματα
31 και ειπεν τω Ιεροβοαμ λαβε σεαυτω δεκα ρηγματα οτι ταδε λεγει κυριος ο θεος Ισραηλ ιδου εγω ρησσω την βασιλειαν εκ χειρος Σαλωμων και δωσω σοι δεκα σκηπτρα
32 και δυο σκηπτρα εσονται αυτω δια τον δουλον μου Δαυιδ και δια Ιερουσαλημ την πολιν ην εξελεξαμην εν αυτη εκ πασων φυλων Ισραηλ
33 ανθ ων κατελιπεν με και εποιησεν τη Ασταρτη βδελυγματι Σιδωνιων και τω Χαμως και τοις ειδωλοις Μωαβ και τω βασιλει αυτων προσοχθισματι υιων Αμμων και ουκ επορευθη εν ταις οδοις μου του ποιησαι το ευθες ενωπιον εμου ως Δαυιδ ο πατηρ αυτου
34 και ου μη λαβω ολην την βασιλειαν εκ χειρος αυτου διοτι αντιτασσομενος αντιταξομαι αυτω πασας τας ημερας της ζωης αυτου δια Δαυιδ τον δουλον μου ον εξελεξαμην αυτον
35 και λημψομαι την βασιλειαν εκ χειρος του υιου αυτου και δωσω σοι τα δεκα σκηπτρα
36 τω δε υιω αυτου δωσω τα δυο σκηπτρα οπως η θεσις τω δουλω μου Δαυιδ πασας τας ημερας ενωπιον εμου εν Ιερουσαλημ τη πολει ην εξελεξαμην εμαυτω του θεσθαι ονομα μου εκει
37 και σε λημψομαι και βασιλευσεις εν οις επιθυμει η ψυχη σου και συ εση βασιλευς επι τον Ισραηλ
38 και εσται εαν φυλαξης παντα οσα αν εντειλωμαι σοι και πορευθης εν ταις οδοις μου και ποιησης το ευθες ενωπιον εμου του φυλαξασθαι τας εντολας μου και τα προσταγματα μου καθως εποιησεν Δαυιδ ο δουλος μου και εσομαι μετα σου και οικοδομησω σοι οικον πιστον καθως ωκοδομησα τω Δαυιδ
39
40 και εζητησεν Σαλωμων θανατωσαι τον Ιεροβοαμ και ανεστη και απεδρα εις Αιγυπτον προς Σουσακιμ βασιλεα Αιγυπτου και ην εν Αιγυπτω εως ου απεθανεν Σαλωμων
41 και τα λοιπα των ρηματων Σαλωμων και παντα οσα εποιησεν και πασαν την φρονησιν αυτου ουκ ιδου ταυτα γεγραπται εν βιβλιω ρηματων Σαλωμων
42 και αι ημεραι ας εβασιλευσεν Σαλωμων εν Ιερουσαλημ τεσσαρακοντα ετη
43 και εκοιμηθη Σαλωμων μετα των πατερων αυτου και εθαψαν αυτον εν πολει Δαυιδ του πατρος αυτου και εγενηθη ως ηκουσεν Ιεροβοαμ υιος Ναβατ και αυτου ετι οντος εν Αιγυπτω ως εφυγεν εκ προσωπου Σαλωμων και εκαθητο εν Αιγυπτω κατευθυνει και ερχεται εις την πολιν αυτου εις την γην Σαριρα την εν ορει Εφραιμ και ο βασιλευς Σαλωμων εκοιμηθη μετα των πατερων αυτου και εβασιλευσεν Ροβοαμ υιος αυτου αντ αυτου

Kapitel 12

1 και πορευεται βασιλευς Ροβοαμ εις Σικιμα οτι εις Σικιμα ηρχοντο πας Ισραηλ βασιλευσαι αυτον
2
3 και ελαλησεν ο λαος προς τον βασιλεα Ροβοαμ λεγοντες
4 ο πατηρ σου εβαρυνεν τον κλοιον ημων και συ νυν κουφισον απο της δουλειας του πατρος σου της σκληρας και απο του κλοιου αυτου του βαρεος ου εδωκεν εφ ημας και δουλευσομεν σοι
5 και ειπεν προς αυτους απελθετε εως ημερων τριων και αναστρεψατε προς με και απηλθον
6 και παρηγγειλεν ο βασιλευς τοις πρεσβυτεροις οι ησαν παρεστωτες ενωπιον Σαλωμων του πατρος αυτου ετι ζωντος αυτου λεγων πως υμεις βουλευεσθε και αποκριθω τω λαω τουτω λογον
7 και ελαλησαν προς αυτον λεγοντες ει εν τη ημερα ταυτη εση δουλος τω λαω τουτω και δουλευσης αυτοις και λαλησης αυτοις λογους αγαθους και εσονται σοι δουλοι πασας τας ημερας
8 και εγκατελιπεν την βουλην των πρεσβυτερων α συνεβουλευσαντο αυτω και συνεβουλευσατο μετα των παιδαριων των εκτραφεντων μετ αυτου των παρεστηκοτων προ προσωπου αυτου
9 και ειπεν αυτοις τι υμεις συμβουλευετε και τι αποκριθω τω λαω τουτω τοις λαλησασιν προς με λεγοντων κουφισον απο του κλοιου ου εδωκεν ο πατηρ σου εφ ημας
10 και ελαλησαν προς αυτον τα παιδαρια τα εκτραφεντα μετ αυτου οι παρεστηκοτες προ προσωπου αυτου λεγοντες ταδε λαλησεις τω λαω τουτω τοις λαλησασι προς σε λεγοντες ο πατηρ σου εβαρυνεν τον κλοιον ημων και συ νυν κουφισον αφ ημων ταδε λαλησεις προς αυτους η μικροτης μου παχυτερα της οσφυος του πατρος μου
11 και νυν ο πατηρ μου επεσασσετο υμας κλοιω βαρει καγω προσθησω επι τον κλοιον υμων ο πατηρ μου επαιδευσεν υμας εν μαστιγξιν εγω δε παιδευσω υμας εν σκορπιοις
12 και παρεγενοντο πας Ισραηλ προς τον βασιλεα Ροβοαμ εν τη ημερα τη τριτη καθοτι ελαλησεν αυτοις ο βασιλευς λεγων αναστραφητε προς με τη ημερα τη τριτη
13 και απεκριθη ο βασιλευς προς τον λαον σκληρα και εγκατελιπεν Ροβοαμ την βουλην των πρεσβυτερων α συνεβουλευσαντο αυτω
14 και ελαλησεν προς αυτους κατα την βουλην των παιδαριων λεγων ο πατηρ μου εβαρυνεν τον κλοιον υμων καγω προσθησω επι τον κλοιον υμων ο πατηρ μου επαιδευσεν υμας εν μαστιγξιν καγω παιδευσω υμας εν σκορπιοις
15 και ουκ ηκουσεν ο βασιλευς του λαου οτι ην μεταστροφη παρα κυριου οπως στηση το ρημα αυτου ο ελαλησεν εν χειρι Αχια του Σηλωνιτου περι Ιεροβοαμ υιου Ναβατ
16 και ειδον πας Ισραηλ οτι ουκ ηκουσεν ο βασιλευς αυτων και απεκριθη ο λαος τω βασιλει λεγων τις ημιν μερις εν Δαυιδ και ουκ εστιν ημιν κληρονομια εν υιω Ιεσσαι αποτρεχε Ισραηλ εις τα σκηνωματα σου νυν βοσκε τον οικον σου Δαυιδ και απηλθεν Ισραηλ εις τα σκηνωματα αυτου
17
18 και απεστειλεν ο βασιλευς τον Αδωνιραμ τον επι του φορου και ελιθοβολησαν αυτον πας Ισραηλ εν λιθοις και απεθανεν και ο βασιλευς Ροβοαμ εφθασεν αναβηναι του φυγειν εις Ιερουσαλημ
19 και ηθετησεν Ισραηλ εις τον οικον Δαυιδ εως της ημερας ταυτης
20 και εγενετο ως ηκουσεν πας Ισραηλ οτι ανεκαμψεν Ιεροβοαμ εξ Αιγυπτου και απεστειλαν και εκαλεσαν αυτον εις την συναγωγην και εβασιλευσαν αυτον επι Ισραηλ και ουκ ην οπισω οικου Δαυιδ παρεξ σκηπτρου Ιουδα και Βενιαμιν μονοι
21 και Ροβοαμ εισηλθεν εις Ιερουσαλημ και εξεκκλησιασεν την συναγωγην Ιουδα και σκηπτρον Βενιαμιν εκατον και εικοσι χιλιαδες νεανιων ποιουντων πολεμον του πολεμειν προς οικον Ισραηλ επιστρεψαι την βασιλειαν Ροβοαμ υιω Σαλωμων
22 και εγενετο λογος κυριου προς Σαμαιαν ανθρωπον του θεου λεγων
23 ειπον τω Ροβοαμ υιω Σαλωμων βασιλει Ιουδα και προς παντα οικον Ιουδα και Βενιαμιν και τω καταλοιπω του λαου λεγων
24 ταδε λεγει κυριος ουκ αναβησεσθε ουδε πολεμησετε μετα των αδελφων υμων υιων Ισραηλ αναστρεφετω εκαστος εις τον οικον εαυτου οτι παρ εμου γεγονεν το ρημα τουτο και ηκουσαν του λογου κυριου και κατεπαυσαν του πορευθηναι κατα το ρημα κυριου
25 και ωκοδομησεν Ιεροβοαμ την Σικιμα την εν ορει Εφραιμ και κατωκει εν αυτη και εξηλθεν εκειθεν και ωκοδομησεν την Φανουηλ
26 και ειπεν Ιεροβοαμ εν τη καρδια αυτου ιδου νυν επιστρεψει η βασιλεια εις οικον Δαυιδ
27 εαν αναβη ο λαος ουτος αναφερειν θυσιας εν οικω κυριου εις Ιερουσαλημ και επιστραφησεται καρδια του λαου προς κυριον και κυριον αυτων προς Ροβοαμ βασιλεα Ιουδα και αποκτενουσιν με
28 και εβουλευσατο ο βασιλευς και επορευθη και εποιησεν δυο δαμαλεις χρυσας και ειπεν προς τον λαον ικανουσθω υμιν αναβαινειν εις Ιερουσαλημ ιδου θεοι σου Ισραηλ οι αναγαγοντες σε εκ γης Αιγυπτου
29 και εθετο την μιαν εν Βαιθηλ και την μιαν εδωκεν εν Δαν
30 και εγενετο ο λογος ουτος εις αμαρτιαν και επορευετο ο λαος προ προσωπου της μιας εως Δαν
31 και εποιησεν οικους εφ υψηλων και εποιησεν ιερεις μερος τι εκ του λαου οι ουκ ησαν εκ των υιων Λευι
32 και εποιησεν Ιεροβοαμ εορτην εν τω μηνι τω ογδοω εν τη πεντεκαιδεκατη ημερα του μηνος κατα την εορτην την εν γη Ιουδα και ανεβη επι το θυσιαστηριον ο εποιησεν εν Βαιθηλ του θυειν ταις δαμαλεσιν αις εποιησεν και παρεστησεν εν Βαιθηλ τους ιερεις των υψηλων ων εποιησεν
33 και ανεβη επι το θυσιαστηριον ο εποιησεν τη πεντεκαιδεκατη ημερα εν τω μηνι τω ογδοω εν τη εορτη η επλασατο απο καρδιας αυτου και εποιησεν εορτην τοις υιοις Ισραηλ και ανεβη επι το θυσιαστηριον του επιθυσαι

Kapitel 13

1 και ιδου ανθρωπος του θεου εξ Ιουδα παρεγενετο εν λογω κυριου εις Βαιθηλ και Ιεροβοαμ ειστηκει επι το θυσιαστηριον του επιθυσαι
2 και επεκαλεσεν προς το θυσιαστηριον εν λογω κυριου και ειπεν θυσιαστηριον θυσιαστηριον ταδε λεγει κυριος ιδου υιος τικτεται τω οικω Δαυιδ Ιωσιας ονομα αυτω και θυσει επι σε τους ιερεις των υψηλων τους επιθυοντας επι σε και οστα ανθρωπων καυσει επι σε
3 και εδωκεν εν τη ημερα εκεινη τερας λεγων τουτο το ρημα ο ελαλησεν κυριος λεγων ιδου το θυσιαστηριον ρηγνυται και εκχυθησεται η πιοτης η επ αυτω
4 και εγενετο ως ηκουσεν ο βασιλευς Ιεροβοαμ των λογων του ανθρωπου του θεου του επικαλεσαμενου επι το θυσιαστηριον το εν Βαιθηλ και εξετεινεν ο βασιλευς την χειρα αυτου απο του θυσιαστηριου λεγων συλλαβετε αυτον και ιδου εξηρανθη η χειρ αυτου ην εξετεινεν επ αυτον και ουκ ηδυνηθη επιστρεψαι αυτην προς εαυτον
5 και το θυσιαστηριον ερραγη και εξεχυθη η πιοτης απο του θυσιαστηριου κατα το τερας ο εδωκεν ο ανθρωπος του θεου εν λογω κυριου
6 και ειπεν ο βασιλευς Ιεροβοαμ τω ανθρωπω του θεου δεηθητι του προσωπου κυριου του θεου σου και επιστρεψατω η χειρ μου προς με και εδεηθη ο ανθρωπος του θεου του προσωπου κυριου και επεστρεψεν την χειρα του βασιλεως προς αυτον και εγενετο καθως το προτερον
7 και ελαλησεν ο βασιλευς προς τον ανθρωπον του θεου εισελθε μετ εμου εις οικον και αριστησον και δωσω σοι δομα
8 και ειπεν ο ανθρωπος του θεου προς τον βασιλεα εαν μοι δως το ημισυ του οικου σου ουκ εισελευσομαι μετα σου ουδε μη φαγω αρτον ουδε μη πιω υδωρ εν τω τοπω τουτω
9 οτι ουτως ενετειλατο μοι εν λογω κυριος λεγων μη φαγης αρτον και μη πιης υδωρ και μη επιστρεψης εν τη οδω η επορευθης εν αυτη
10 και απηλθεν εν οδω αλλη και ουκ ανεστρεψεν εν τη οδω η ηλθεν εν αυτη εις Βαιθηλ
11 και προφητης εις πρεσβυτης κατωκει εν Βαιθηλ και ερχονται οι υιοι αυτου και διηγησαντο αυτω απαντα τα εργα α εποιησεν ο ανθρωπος του θεου εν τη ημερα εκεινη εν Βαιθηλ και τους λογους ους ελαλησεν τω βασιλει και επεστρεψαν το προσωπον του πατρος αυτων
12 και ελαλησεν προς αυτους ο πατηρ αυτων λεγων ποια οδω πεπορευται και δεικνυουσιν αυτω οι υιοι αυτου την οδον εν η ανηλθεν ο ανθρωπος του θεου ο ελθων εξ Ιουδα
13 και ειπεν τοις υιοις αυτου επισαξατε μοι τον ονον και επεσαξαν αυτω τον ονον και επεβη επ αυτον
14 και επορευθη κατοπισθεν του ανθρωπου του θεου και ευρεν αυτον καθημενον υπο δρυν και ειπεν αυτω ει συ ει ο ανθρωπος του θεου ο εληλυθως εξ Ιουδα και ειπεν αυτω εγω
15 και ειπεν αυτω δευρο μετ εμου και φαγε αρτον
16 και ειπεν ου μη δυνωμαι του επιστρεψαι μετα σου ουδε μη φαγομαι αρτον ουδε πιομαι υδωρ εν τω τοπω τουτω
17 οτι ουτως εντεταλται μοι εν λογω κυριος λεγων μη φαγης αρτον εκει και μη πιης υδωρ εκει και μη επιστρεψης εν τη οδω η επορευθης εν αυτη
18 και ειπεν προς αυτον καγω προφητης ειμι καθως συ και αγγελος λελαληκεν προς με εν ρηματι κυριου λεγων επιστρεψον αυτον προς σεαυτον εις τον οικον σου και φαγετω αρτον και πιετω υδωρ και εψευσατο αυτω
19 και επεστρεψεν αυτον και εφαγεν αρτον και επιεν υδωρ εν τω οικω αυτου
20 και εγενετο αυτων καθημενων επι της τραπεζης και εγενετο λογος κυριου προς τον προφητην τον επιστρεψαντα αυτον
21 και ειπεν προς τον ανθρωπον του θεου τον ηκοντα εξ Ιουδα λεγων ταδε λεγει κυριος ανθ ων παρεπικρανας το ρημα κυριου και ουκ εφυλαξας την εντολην ην ενετειλατο σοι κυριος ο θεος σου
22 και επεστρεψας και εφαγες αρτον και επιες υδωρ εν τω τοπω τουτω ω ελαλησεν προς σε λεγων μη φαγης αρτον και μη πιης υδωρ ου μη εισελθη το σωμα σου εις τον ταφον των πατερων σου
23 και εγενετο μετα το φαγειν αρτον και πιειν υδωρ και επεσαξεν αυτω τον ονον και επεστρεψεν
24 και απηλθεν και ευρεν αυτον λεων εν τη οδω και εθανατωσεν αυτον και ην το σωμα αυτου ερριμμενον εν τη οδω και ο ονος ειστηκει παρ αυτο και ο λεων ειστηκει παρα το σωμα
25 και ιδου ανδρες παραπορευομενοι και ειδον το θνησιμαιον ερριμμενον εν τη οδω και ο λεων ειστηκει εχομενα του θνησιμαιου και εισηλθον και ελαλησαν εν τη πολει ου ο προφητης ο πρεσβυτης κατωκει εν αυτη
26 και ηκουσεν ο επιστρεψας αυτον εκ της οδου και ειπεν ο ανθρωπος του θεου ουτος εστιν ος παρεπικρανε το ρημα κυριου
27
28 και επορευθη και ευρεν το σωμα αυτου ερριμμενον εν τη οδω και ο ονος και ο λεων ειστηκεισαν παρα το σωμα και ουκ εφαγεν ο λεων το σωμα του ανθρωπου του θεου και ου συνετριψεν τον ονον
29 και ηρεν ο προφητης το σωμα του ανθρωπου του θεου και επεθηκεν αυτο επι τον ονον και επεστρεψεν αυτον εις την πολιν ο προφητης του θαψαι αυτον
30 εν τω ταφω εαυτου και εκοψαντο αυτον ουαι αδελφε
31 και εγενετο μετα το κοψασθαι αυτον και ειπεν τοις υιοις αυτου λεγων εαν αποθανω θαψατε με εν τω ταφω τουτω ου ο ανθρωπος του θεου τεθαπται εν αυτω παρα τα οστα αυτου θετε με ινα σωθωσι τα οστα μου μετα των οστων αυτου
32 οτι γινομενον εσται το ρημα ο ελαλησεν εν λογω κυριου επι του θυσιαστηριου του εν Βαιθηλ και επι τους οικους τους υψηλους τους εν Σαμαρεια
33 και μετα το ρημα τουτο ουκ επεστρεψεν Ιεροβοαμ απο της κακιας αυτου και επεστρεψεν και εποιησεν εκ μερους του λαου ιερεις υψηλων ο βουλομενος επληρου την χειρα αυτου και εγινετο ιερευς εις τα υψηλα
34 και εγενετο το ρημα τουτο εις αμαρτιαν τω οικω Ιεροβοαμ και εις ολεθρον και εις αφανισμον απο προσωπου της γης

Kapitel 14

1 και Ροβοαμ υιος Σαλωμων εβασιλευσεν επι Ιουδα υιος τεσσαρακοντα και ενος ενιαυτων Ροβοαμ εν τω βασιλευειν αυτον και δεκα επτα ετη εβασιλευσεν εν Ιερουσαλημ τη πολει ην εξελεξατο κυριος θεσθαι το ονομα αυτου εκει εκ πασων φυλων του Ισραηλ και το ονομα της μητρος αυτου Νααμα η Αμμανιτις
2 και εποιησεν Ροβοαμ το πονηρον ενωπιον κυριου και παρεζηλωσεν αυτον εν πασιν οις εποιησαν οι πατερες αυτου και εν ταις αμαρτιαις αυτων αις ημαρτον
3 και ωκοδομησαν εαυτοις υψηλα και στηλας και αλση επι παντα βουνον υψηλον και υποκατω παντος ξυλου συσκιου
4 και συνδεσμος εγενηθη εν τη γη και εποιησαν απο παντων των βδελυγματων των εθνων ων εξηρεν κυριος απο προσωπου υιων Ισραηλ
5 και εγενετο εν τω ενιαυτω τω πεμπτω βασιλευοντος Ροβοαμ ανεβη Σουσακιμ βασιλευς Αιγυπτου επι Ιερουσαλημ
6 και ελαβεν παντας τους θησαυρους οικου κυριου και τους θησαυρους οικου του βασιλεως και τα δορατα τα χρυσα α ελαβεν Δαυιδ εκ χειρος των παιδων Αδρααζαρ βασιλεως Σουβα και εισηνεγκεν αυτα εις Ιερουσαλημ τα παντα ελαβεν οπλα τα χρυσα
7 και εποιησεν Ροβοαμ ο βασιλευς οπλα χαλκα αντ αυτων και επεθεντο επ αυτον οι ηγουμενοι των παρατρεχοντων οι φυλασσοντες τον πυλωνα οικου του βασιλεως
8 και εγενετο οτε εισεπορευετο ο βασιλευς εις οικον κυριου και ηρον αυτα οι παρατρεχοντες και απηρειδοντο αυτα εις το θεε των παρατρεχοντων
9 και τα λοιπα των λογων Ροβοαμ και παντα α εποιησεν ουκ ιδου ταυτα γεγραμμενα εν βιβλιω λογων των ημερων τοις βασιλευσιν Ιουδα
10 και πολεμος ην ανα μεσον Ροβοαμ και ανα μεσον Ιεροβοαμ πασας τας ημερας
11 και εκοιμηθη Ροβοαμ μετα των πατερων αυτου και θαπτεται μετα των πατερων αυτου εν πολει Δαυιδ και εβασιλευσεν Αβιου υιος αυτου αντ αυτου

Kapitel 15

1 και εν τω οκτωκαιδεκατω ετει βασιλευοντος Ιεροβοαμ υιου Ναβατ βασιλευει Αβιου υιος Ροβοαμ επι Ιουδα
2 και εξ ετη εβασιλευσεν και ονομα της μητρος αυτου Μααχα θυγατηρ Αβεσσαλωμ
3 και επορευθη εν ταις αμαρτιαις του πατρος αυτου αις εποιησεν ενωπιον αυτου και ουκ ην η καρδια αυτου τελεια μετα κυριου θεου αυτου ως η καρδια Δαυιδ του πατρος αυτου
4 οτι δια Δαυιδ εδωκεν αυτω κυριος καταλειμμα ινα στηση τεκνα αυτου μετ αυτον και στηση την Ιερουσαλημ
5 ως εποιησεν Δαυιδ το ευθες ενωπιον κυριου ουκ εξεκλινεν απο παντων ων ενετειλατο αυτω πασας τας ημερας της ζωης αυτου
6
7 και τα λοιπα των λογων Αβιου και παντα α εποιησεν ουκ ιδου ταυτα γεγραμμενα επι βιβλιω λογων των ημερων τοις βασιλευσιν Ιουδα και πολεμος ην ανα μεσον Αβιου και ανα μεσον Ιεροβοαμ
8 και εκοιμηθη Αβιου μετα των πατερων αυτου εν τω εικοστω και τεταρτω ετει του Ιεροβοαμ και θαπτεται μετα των πατερων αυτου εν πολει Δαυιδ και βασιλευει Ασα υιος αυτου αντ αυτου
9 εν τω ενιαυτω τω τεταρτω και εικοστω του Ιεροβοαμ βασιλεως Ισραηλ βασιλευει Ασα επι Ιουδαν
10 και τεσσαρακοντα και εν ετος εβασιλευσεν εν Ιερουσαλημ και ονομα της μητρος αυτου Ανα θυγατηρ Αβεσσαλωμ
11 και εποιησεν Ασα το ευθες ενωπιον κυριου ως Δαυιδ ο πατηρ αυτου
12 και αφειλεν τας τελετας απο της γης και εξαπεστειλεν παντα τα επιτηδευματα α εποιησαν οι πατερες αυτου
13 και την Ανα την μητερα αυτου μετεστησεν του μη ειναι ηγουμενην καθως εποιησεν συνοδον εν τω αλσει αυτης και εξεκοψεν Ασα τας καταδυσεις αυτης και ενεπρησεν πυρι εν τω χειμαρρω Κεδρων
14 τα δε υψηλα ουκ εξηρεν πλην η καρδια Ασα ην τελεια μετα κυριου πασας τας ημερας αυτου
15 και εισηνεγκεν τους κιονας του πατρος αυτου και τους κιονας αυτου εισηνεγκεν εις τον οικον κυριου αργυρους και χρυσους και σκευη
16 και πολεμος ην ανα μεσον Ασα και ανα μεσον Βαασα βασιλεως Ισραηλ πασας τας ημερας
17 και ανεβη Βαασα βασιλευς Ισραηλ επι Ιουδαν και ωκοδομησεν την Ραμα του μη ειναι εκπορευομενον και εισπορευομενον τω Ασα βασιλει Ιουδα
18 και ελαβεν Ασα το αργυριον και το χρυσιον το ευρεθεν εν τοις θησαυροις του οικου του βασιλεως και εδωκεν αυτα εις χειρας παιδων αυτου και εξαπεστειλεν αυτους ο βασιλευς Ασα προς υιον Αδερ υιον Ταβερεμμαν υιου Αζιν βασιλεως Συριας του κατοικουντος εν Δαμασκω λεγων
19 διαθου διαθηκην ανα μεσον εμου και ανα μεσον σου και ανα μεσον του πατρος μου και του πατρος σου ιδου εξαπεσταλκα σοι δωρα αργυριον και χρυσιον δευρο διασκεδασον την διαθηκην σου την προς Βαασα βασιλεα Ισραηλ και αναβησεται απ εμου
20 και ηκουσεν υιος Αδερ του βασιλεως Ασα και απεστειλεν τους αρχοντας των δυναμεων των αυτου ταις πολεσιν του Ισραηλ και επαταξεν την Αιν και την Δαν και την Αβελμαα και πασαν την Χεζραθ εως πασης της γης Νεφθαλι
21 και εγενετο ως ηκουσεν Βαασα και διελιπεν του οικοδομειν την Ραμα και ανεστρεψεν εις Θερσα
22 και ο βασιλευς Ασα παρηγγειλεν παντι Ιουδα εις Αινακιμ και αιρουσιν τους λιθους της Ραμα και τα ξυλα αυτης α ωκοδομησεν Βαασα και ωκοδομησεν εν αυτοις ο βασιλευς Ασα παν βουνον Βενιαμιν και την σκοπιαν
23 και τα λοιπα των λογων Ασα και πασα η δυναστεια αυτου ην εποιησεν ουκ ιδου ταυτα γεγραμμενα εστιν επι βιβλιω λογων των ημερων τοις βασιλευσιν Ιουδα πλην εν τω καιρω του γηρως αυτου επονεσεν τους ποδας αυτου
24 και εκοιμηθη Ασα και θαπτεται μετα των πατερων αυτου εν πολει Δαυιδ και βασιλευει Ιωσαφατ υιος αυτου αντ αυτου
25 και Ναδαβ υιος Ιεροβοαμ βασιλευει επι Ισραηλ εν ετει δευτερω του Ασα βασιλεως Ιουδα και εβασιλευσεν επι Ισραηλ ετη δυο
26 και εποιησεν το πονηρον ενωπιον κυριου και επορευθη εν οδω του πατρος αυτου και εν ταις αμαρτιαις αυτου αις εξημαρτεν τον Ισραηλ
27 και περιεκαθισεν αυτον Βαασα υιος Αχια επι τον οικον Βελααν και επαταξεν αυτον εν Γαβαθων τη των αλλοφυλων και Ναδαβ και πας Ισραηλ περιεκαθητο επι Γαβαθων
28 και εθανατωσεν αυτον Βαασα εν ετει τριτω του Ασα υιου Αβιου βασιλεως Ιουδα και εβασιλευσεν
29 και εγενετο ως εβασιλευσεν και επαταξεν τον οικον Ιεροβοαμ και ουχ υπελιπετο πασαν πνοην του Ιεροβοαμ εως του εξολεθρευσαι αυτον κατα το ρημα κυριου ο ελαλησεν εν χειρι δουλου αυτου Αχια του Σηλωνιτου
30 περι των αμαρτιων Ιεροβοαμ ως εξημαρτεν τον Ισραηλ και εν τω παροργισμω αυτου ω παρωργισεν τον κυριον θεον του Ισραηλ
31 και τα λοιπα των λογων Ναδαβ και παντα α εποιησεν ουκ ιδου ταυτα γεγραμμενα εστιν εν βιβλιω λογων των ημερων τοις βασιλευσιν Ισραηλ
32
33 και εν τω ετει τω τριτω του Ασα βασιλεως Ιουδα βασιλευει Βαασα υιος Αχια επι Ισραηλ εν Θερσα εικοσι και τεσσαρα ετη
34 και εποιησεν το πονηρον ενωπιον κυριου και επορευθη εν οδω Ιεροβοαμ υιου Ναβατ και εν ταις αμαρτιαις αυτου ως εξημαρτεν τον Ισραηλ

Kapitel 16

1 και εγενετο λογος κυριου εν χειρι Ιου υιου Ανανι προς Βαασα
2 ανθ ων υψωσα σε απο της γης και εδωκα σε ηγουμενον επι τον λαον μου Ισραηλ και επορευθης εν τη οδω Ιεροβοαμ και εξημαρτες τον λαον μου τον Ισραηλ του παροργισαι με εν τοις ματαιοις αυτων
3 ιδου εγω εξεγειρω οπισω Βαασα και οπισθεν του οικου αυτου και δωσω τον οικον σου ως τον οικον Ιεροβοαμ υιου Ναβατ
4 τον τεθνηκοτα του Βαασα εν τη πολει καταφαγονται αυτον οι κυνες και τον τεθνηκοτα αυτου εν τω πεδιω καταφαγονται αυτον τα πετεινα του ουρανου
5 και τα λοιπα των λογων Βαασα και παντα α εποιησεν και αι δυναστειαι αυτου ουκ ιδου ταυτα γεγραμμενα εν βιβλιω λογων των ημερων των βασιλεων Ισραηλ
6 και εκοιμηθη Βαασα μετα των πατερων αυτου και θαπτεται εν Θερσα και βασιλευει Ηλα υιος αυτου αντ αυτου εν τω εικοστω ετει βασιλεως Ασα
7 και εν χειρι Ιου υιου Ανανι ελαλησεν κυριος επι Βαασα και επι τον οικον αυτου πασαν την κακιαν ην εποιησεν ενωπιον κυριου του παροργισαι αυτον εν τοις εργοις των χειρων αυτου του ειναι κατα τον οικον Ιεροβοαμ και υπερ του παταξαι αυτον
8 και Ηλα υιος Βαασα εβασιλευσεν επι Ισραηλ δυο ετη εν Θερσα
9 και συνεστρεψεν επ αυτον Ζαμβρι ο αρχων της ημισους της ιππου και αυτος ην εν Θερσα πινων μεθυων εν τω οικω Ωσα του οικονομου εν Θερσα
10 και εισηλθεν Ζαμβρι και επαταξεν αυτον και εθανατωσεν αυτον και εβασιλευσεν αντ αυτου
11 και εγενηθη εν τω βασιλευσαι αυτον εν τω καθισαι αυτον επι του θρονου αυτου και επαταξεν ολον τον οικον Βαασα
12 κατα το ρημα ο ελαλησεν κυριος επι τον οικον Βαασα προς Ιου τον προφητην
13 περι πασων των αμαρτιων Βαασα και Ηλα του υιου αυτου ως εξημαρτεν τον Ισραηλ του παροργισαι κυριον τον θεον Ισραηλ εν τοις ματαιοις αυτων
14 και τα λοιπα των λογων Ηλα και παντα α εποιησεν ουκ ιδου ταυτα γεγραμμενα εν βιβλιω λογων των ημερων των βασιλεων Ισραηλ
15 και Ζαμβρι εβασιλευσεν επτα ημερας εν Θερσα και η παρεμβολη Ισραηλ επι Γαβαθων την των αλλοφυλων
16 και ηκουσεν ο λαος εν τη παρεμβολη λεγοντων συνεστραφη Ζαμβρι και επαισεν τον βασιλεα και εβασιλευσαν εν Ισραηλ τον Αμβρι τον ηγουμενον της στρατιας επι Ισραηλ εν τη ημερα εκεινη εν τη παρεμβολη
17 και ανεβη Αμβρι και πας Ισραηλ μετ αυτου εκ Γαβαθων και περιεκαθισαν επι Θερσα
18 και εγενηθη ως ειδεν Ζαμβρι οτι προκατειλημπται αυτου η πολις και εισπορευεται εις αντρον του οικου του βασιλεως και ενεπυρισεν επ αυτον τον οικον του βασιλεως εν πυρι και απεθανεν
19 υπερ των αμαρτιων αυτου ων εποιησεν του ποιησαι το πονηρον ενωπιον κυριου πορευθηναι εν οδω Ιεροβοαμ υιου Ναβατ και εν ταις αμαρτιαις αυτου ως εξημαρτεν τον Ισραηλ
20 και τα λοιπα των λογων Ζαμβρι και τας συναψεις αυτου ας συνηψεν ουκ ιδου ταυτα γεγραμμενα εν βιβλιω λογων των ημερων των βασιλεων Ισραηλ
21 τοτε μεριζεται ο λαος Ισραηλ ημισυ του λαου γινεται οπισω Θαμνι υιου Γωναθ του βασιλευσαι αυτον και το ημισυ του λαου γινεται οπισω Αμβρι
22 ο λαος ο ων οπισω Αμβρι υπερεκρατησεν τον λαον τον οπισω Θαμνι υιου Γωναθ και απεθανεν Θαμνι και Ιωραμ ο αδελφος αυτου εν τω καιρω εκεινω και εβασιλευσεν Αμβρι μετα Θαμνι
23 εν τω ετει τω τριακοστω και πρωτω του βασιλεως Ασα βασιλευει Αμβρι επι Ισραηλ δωδεκα ετη εν Θερσα βασιλευει εξ ετη
24 και εκτησατο Αμβρι το ορος το Σεμερων παρα Σεμηρ του κυριου του ορους δυο ταλαντων αργυριου και ωκοδομησεν το ορος και επεκαλεσεν το ονομα του ορους ου ωκοδομεσεν επι τω ονοματι Σεμηρ του κυριου του ορους Σαεμηρων
25 και εποιησεν Αμβρι το πονηρον ενωπιον κυριου και επονηρευσατο υπερ παντας τους γενομενους εμπροσθεν αυτου
26 και επορευθη εν παση οδω Ιεροβοαμ υιου Ναβατ και εν ταις αμαρτιαις αυτου αις εξημαρτεν τον Ισραηλ του παροργισαι τον κυριον θεον Ισραηλ εν τοις ματαιοις αυτων
27 και τα λοιπα των λογων Αμβρι και παντα α εποιησεν και η δυναστεια αυτου ουκ ιδου ταυτα γεγραμμενα εν βιβλιω λογων των ημερων των βασιλεων Ισραηλ
28 και εκοιμηθη Αμβρι μετα των πατερων αυτου και θαπτεται εν Σαμαρεια και βασιλευει Αχααβ υιος αυτου αντ αυτου
29 εν ετει δευτερω τω Ιωσαφατ βασιλευει Αχααβ υιος Αμβρι εβασιλευσεν επι Ισραηλ εν Σαμαρεια εικοσι και δυο ετη
30 και εποιησεν Αχααβ το πονηρον ενωπιον κυριου επονηρευσατο υπερ παντας τους εμπροσθεν αυτου
31 και ουκ ην αυτω ικανον του πορευεσθαι εν ταις αμαρτιαις Ιεροβοαμ υιου Ναβατ και ελαβεν γυναικα την Ιεζαβελ θυγατερα Ιεθεβααλ βασιλεως Σιδωνιων και επορευθη και εδουλευσεν τω Βααλ και προσεκυνησεν αυτω
32 και εστησεν θυσιαστηριον τω Βααλ εν οικω των προσοχθισματων αυτου ον ωκοδομησεν εν Σαμαρεια
33 και εποιησεν Αχααβ αλσος και προσεθηκεν Αχααβ του ποιησαι παροργισματα του παροργισαι την ψυχην αυτου του εξολεθρευθηναι εκακοποιησεν υπερ παντας τους βασιλεις Ισραηλ τους γενομενους εμπροσθεν αυτου
34 εν ταις ημεραις αυτου ωκοδομησεν Αχιηλ ο Βαιθηλιτης την Ιεριχω εν τω Αβιρων τω πρωτοτοκω αυτου εθεμελιωσεν αυτην και τω Σεγουβ τω νεωτερω αυτου επεστησεν θυρας αυτης κατα το ρημα κυριου ο ελαλησεν εν χειρι Ιησου υιου Ναυη

Kapitel 17

1 και ειπεν Ηλιου ο προφητης ο Θεσβιτης εκ Θεσβων της Γαλααδ προς Αχααβ ζη κυριος ο θεος των δυναμεων ο θεος Ισραηλ ω παρεστην ενωπιον αυτου ει εσται τα ετη ταυτα δροσος και υετος οτι ει μη δια στοματος λογου μου
2 και εγενετο ρημα κυριου προς Ηλιου
3 πορευου εντευθεν κατα ανατολας και κρυβηθι εν τω χειμαρρω Χορραθ του επι προσωπου του Ιορδανου
4 και εσται εκ του χειμαρρου πιεσαι υδωρ και τοις κοραξιν εντελουμαι διατρεφειν σε εκει
5 και εποιησεν Ηλιου κατα το ρημα κυριου και εκαθισεν εν τω χειμαρρω Χορραθ επι προσωπου του Ιορδανου
6 και οι κορακες εφερον αυτω αρτους το πρωι και κρεα το δειλης και εκ του χειμαρρου επινεν υδωρ
7 και εγενετο μετα ημερας και εξηρανθη ο χειμαρρους οτι ουκ εγενετο υετος επι της γης
8 και εγενετο ρημα κυριου προς Ηλιου
9 αναστηθι και πορευου εις Σαρεπτα της Σιδωνιας ιδου εντεταλμαι εκει γυναικι χηρα του διατρεφειν σε
10 και ανεστη και επορευθη εις Σαρεπτα εις τον πυλωνα της πολεως και ιδου εκει γυνη χηρα συνελεγεν ξυλα και εβοησεν οπισω αυτης Ηλιου και ειπεν αυτη λαβε δη μοι ολιγον υδωρ εις αγγος και πιομαι
11 και επορευθη λαβειν και εβοησεν οπισω αυτης Ηλιου και ειπεν λημψη δη μοι ψωμον αρτου εν τη χειρι σου
12 και ειπεν η γυνη ζη κυριος ο θεος σου ει εστιν μοι εγκρυφιας αλλ η οσον δραξ αλευρου εν τη υδρια και ολιγον ελαιον εν τω καψακη και ιδου εγω συλλεγω δυο ξυλαρια και εισελευσομαι και ποιησω αυτο εμαυτη και τοις τεκνοις μου και φαγομεθα και αποθανουμεθα13 και ειπεν προς αυτην Ηλιου θαρσει εισελθε και ποιησον κατα το ρημα σου αλλα ποιησον εμοι εκειθεν εγκρυφιαν μικρον εν πρωτοις και εξοισεις μοι σαυτη δε και τοις τεκνοις σου ποιησεις επ εσχατου
14 οτι ταδε λεγει κυριος η υδρια του αλευρου ουκ εκλειψει και ο καψακης του ελαιου ουκ ελαττονησει εως ημερας του δουναι κυριον τον υετον επι της γης
15 και επορευθη η γυνη και εποιησεν και ησθιεν αυτη και αυτος και τα τεκνα αυτης
16 και η υδρια του αλευρου ουκ εξελιπεν και ο καψακης του ελαιου ουκ ελαττονωθη κατα το ρημα κυριου ο ελαλησεν εν χειρι Ηλιου
17 και εγενετο μετα ταυτα και ηρρωστησεν ο υιος της γυναικος της κυριας του οικου και ην η αρρωστια αυτου κραταια σφοδρα εως ου ουχ υπελειφθη εν αυτω πνευμα
18 και ειπεν προς Ηλιου τι εμοι και σοι ανθρωπε του θεου εισηλθες προς με του αναμνησαι τας αδικιας μου και θανατωσαι τον υιον μου
19 και ειπεν Ηλιου προς την γυναικα δος μοι τον υιον σου και ελαβεν αυτον εκ του κολπου αυτης και ανηνεγκεν αυτον εις το υπερωον εν ω αυτος εκαθητο εκει και εκοιμισεν αυτον επι της κλινης αυτου
20 και ανεβοησεν Ηλιου και ειπεν οιμμοι κυριε ο μαρτυς της χηρας μεθ ης εγω κατοικω μετ αυτης συ κεκακωκας του θανατωσαι τον υιον αυτης
21 και ενεφυσησεν τω παιδαριω τρις και επεκαλεσατο τον κυριον και ειπεν κυριε ο θεος μου επιστραφητω δη η ψυχη του παιδαριου τουτου εις αυτον
22 και εγενετο ουτως και ανεβοησεν το παιδαριον
23 και κατηγαγεν αυτον απο του υπερωου εις τον οικον και εδωκεν αυτον τη μητρι αυτου και ειπεν Ηλιου βλεπε ζη ο υιος σου
24 και ειπεν η γυνη προς Ηλιου ιδου εγνωκα οτι ανθρωπος θεου ει συ και ρημα κυριου εν στοματι σου αληθινον

Kapitel 18

1 και εγενετο μεθ ημερας πολλας και ρημα κυριου εγενετο προς Ηλιου εν τω ενιαυτω τω τριτω λεγων πορευθητι και οφθητι τω Αχααβ και δωσω υετον επι προσωπον της γης
2 και επορευθη Ηλιου του οφθηναι τω Αχααβ και η λιμος κραταια εν Σαμαρεια
3 και εκαλεσεν Αχααβ τον Αβδιου τον οικονομον και Αβδιου ην φοβουμενος τον κυριον σφοδρα
4 και εγενετο εν τω τυπτειν την Ιεζαβελ τους προφητας κυριου και ελαβεν Αβδιου εκατον ανδρας προφητας και εκρυψεν αυτους κατα πεντηκοντα εν σπηλαιω και διετρεφεν αυτους εν αρτω και υδατι
5 και ειπεν Αχααβ προς Αβδιου δευρο και διελθωμεν επι την γην επι πηγας των υδατων και επι χειμαρρους εαν πως ευρωμεν βοτανην και περιποιησωμεθα ιππους και ημιονους και ουκ εξολοθρευθησονται απο των κτηνων
6 και εμερισαν εαυτοις την οδον του διελθειν αυτην Αχααβ επορευθη εν οδω μια μονος και Αβδιου επορευθη εν οδω αλλη μονος
7 και ην Αβδιου εν τη οδω μονος και ηλθεν Ηλιου εις συναντησιν αυτου μονος και Αβδιου εσπευσεν και επεσεν επι προσωπον αυτου και ειπεν ει συ ει αυτος κυριε μου Ηλιου
8 και ειπεν Ηλιου αυτω εγω πορευου λεγε τω κυριω σου ιδου Ηλιου
9 και ειπεν Αβδιου τι ημαρτηκα οτι διδως τον δουλον σου εις χειρα Αχααβ του θανατωσαι με
10 ζη κυριος ο θεος σου ει εστιν εθνος η βασιλεια ου ουκ απεσταλκεν ο κυριος μου ζητειν σε και ειπον ουκ εστιν και ενεπρησεν την βασιλειαν και τας χωρας αυτης οτι ουχ ευρηκεν σε
11 και νυν συ λεγεις πορευου αναγγελλε τω κυριω σου ιδου Ηλιου
12 και εσται εαν εγω απελθω απο σου και πνευμα κυριου αρει σε εις γην ην ουκ οιδα και εισελευσομαι απαγγειλαι τω Αχααβ και αποκτενει με και ο δουλος σου εστιν φοβουμενος τον κυριον εκ νεοτητος αυτου
13 η ουκ απηγγελη σοι τω κυριω μου οια πεποιηκα εν τω αποκτεινειν Ιεζαβελ τους προφητας κυριου και εκρυψα απο των προφητων κυριου εκατον ανδρας ανα πεντηκοντα εν σπηλαιω και εθρεψα εν αρτοις και υδατι
14 και νυν συ λεγεις μοι πορευου λεγε τω κυριω σου ιδου Ηλιου και αποκτενει με
15 και ειπεν Ηλιου ζη κυριος των δυναμεων ω παρεστην ενωπιον αυτου οτι σημερον οφθησομαι αυτω
16 και επορευθη Αβδιου εις συναντην τω Αχααβ και απηγγειλεν αυτω και εξεδραμεν Αχααβ και επορευθη εις συναντησιν Ηλιου
17 και εγενετο ως ειδεν Αχααβ τον Ηλιου και ειπεν Αχααβ προς Ηλιου ει συ ει αυτος ο διαστρεφων τον Ισραηλ
18 και ειπεν Ηλιου ου διαστρεφω τον Ισραηλ οτι αλλ η συ και ο οικος του πατρος σου εν τω καταλιμπανειν υμας τον κυριον θεον υμων και επορευθης οπισω των Βααλιμ
19 και νυν αποστειλον συναθροισον προς με παντα Ισραηλ εις ορος το Καρμηλιον και τους προφητας της αισχυνης τετρακοσιους και πεντηκοντα και τους προφητας των αλσων τετρακοσιους εσθιοντας τραπεζαν Ιεζαβελ
20 και απεστειλεν Αχααβ εις παντα Ισραηλ και επισυνηγαγεν παντας τους προφητας εις ορος το Καρμηλιον
21 και προσηγαγεν Ηλιου προς παντας και ειπεν αυτοις Ηλιου εως ποτε υμεις χωλανειτε επ αμφοτεραις ταις ιγνυαις ει εστιν κυριος ο θεος πορευεσθε οπισω αυτου ει δε ο Βααλ αυτος πορευεσθε οπισω αυτου και ουκ απεκριθη ο λαος λογον
22 και ειπεν Ηλιου προς τον λαον εγω υπολελειμμαι προφητης του κυριου μονωτατος και οι προφηται του Βααλ τετρακοσιοι και πεντηκοντα ανδρες και οι προφηται του αλσους τετρακοσιοι
23 δοτωσαν ημιν δυο βοας και εκλεξασθωσαν εαυτοις τον ενα και μελισατωσαν και επιθετωσαν επι των ξυλων και πυρ μη επιθετωσαν και εγω ποιησω τον βουν τον αλλον και πυρ ου μη επιθω
24 και βοατε εν ονοματι θεων υμων και εγω επικαλεσομαι εν ονοματι κυριου του θεου μου και εσται ο θεος ος εαν επακουση εν πυρι ουτος θεος και απεκριθησαν πας ο λαος και ειπον καλον το ρημα ο ελαλησας
25 και ειπεν Ηλιου τοις προφηταις της αισχυνης εκλεξασθε εαυτοις τον μοσχον τον ενα και ποιησατε πρωτοι οτι πολλοι υμεις και επικαλεσασθε εν ονοματι θεου υμων και πυρ μη επιθητε
26 και ελαβον τον μοσχον και εποιησαν και επεκαλουντο εν ονοματι του Βααλ εκ πρωιθεν εως μεσημβριας και ειπον επακουσον ημων ο Βααλ επακουσον ημων και ουκ ην φωνη και ουκ ην ακροασις και διετρεχον επι του θυσιαστηριου ου εποιησαν
27 και εγενετο μεσημβρια και εμυκτηρισεν αυτους Ηλιου ο Θεσβιτης και ειπεν επικαλεισθε εν φωνη μεγαλη οτι θεος εστιν οτι αδολεσχια αυτω εστιν και αμα μηποτε χρηματιζει αυτος η μηποτε καθευδει αυτος και εξαναστησεται
28 και επεκαλουντο εν φωνη μεγαλη και κατετεμνοντο κατα τον εθισμον αυτων εν μαχαιραις και σειρομασταις εως εκχυσεως αιματος επ αυτους
29 και επροφητευον εως ου παρηλθεν το δειλινον και εγενετο ως ο καιρος του αναβηναι την θυσιαν και ουκ ην φωνη και ελαλησεν Ηλιου ο Θεσβιτης προς τους προφητας των προσοχθισματων λεγων μεταστητε απο του νυν και εγω ποιησω το ολοκαυτωμα μου και μετεστησαν και απηλθον
30 και ειπεν Ηλιου προς τον λαον προσαγαγετε προς με και προσηγαγεν πας ο λαος προς αυτον
31 και ελαβεν Ηλιου δωδεκα λιθους κατ αριθμον φυλων του Ισραηλ ως ελαλησεν κυριος προς αυτον λεγων Ισραηλ εσται το ονομα σου
32 και ωκοδομησεν τους λιθους εν ονοματι κυριου και ιασατο το θυσιαστηριον το κατεσκαμμενον και εποιησεν θααλα χωρουσαν δυο μετρητας σπερματος κυκλοθεν του θυσιαστηριου
33 και εστοιβασεν τας σχιδακας επι το θυσιαστηριον ο εποιησεν και εμελισεν το ολοκαυτωμα και επεθηκεν επι τας σχιδακας και εστοιβασεν επι το θυσιαστηριον
34 και ειπεν λαβετε μοι τεσσαρας υδριας υδατος και επιχεετε επι το ολοκαυτωμα και επι τας σχιδακας και εποιησαν ουτως και ειπεν δευτερωσατε και εδευτερωσαν και ειπεν τρισσωσατε και ετρισσευσαν
35 και διεπορευετο το υδωρ κυκλω του θυσιαστηριου και την θααλα επλησαν υδατος
36 και ανεβοησεν Ηλιου εις τον ουρανον και ειπεν κυριε ο θεος Αβρααμ και Ισαακ και Ισραηλ επακουσον μου κυριε επακουσον μου σημερον εν πυρι και γνωτωσαν πας ο λαος ουτος οτι συ ει κυριος ο θεος Ισραηλ καγω δουλος σου και δια σε πεποιηκα τα εργα ταυτα
37 επακουσον μου κυριε επακουσον μου εν πυρι και γνωτω ο λαος ουτος οτι συ ει κυριος ο θεος και συ εστρεψας την καρδιαν του λαου τουτου οπισω
38 και επεσεν πυρ παρα κυριου εκ του ουρανου και κατεφαγεν το ολοκαυτωμα και τας σχιδακας και το υδωρ το εν τη θααλα και τους λιθους και τον χουν εξελιξεν το πυρ
39 και επεσεν πας ο λαος επι προσωπον αυτων και ειπον αληθως κυριος εστιν ο θεος αυτος ο θεος
40 και ειπεν Ηλιου προς τον λαον συλλαβετε τους προφητας του Βααλ μηθεις σωθητω εξ αυτων και συνελαβον αυτους και καταγει αυτους Ηλιου εις τον χειμαρρουν Κισων και εσφαξεν αυτους εκει
41 και ειπεν Ηλιου τω Αχααβ αναβηθι και φαγε και πιε οτι φωνη των ποδων του υετου
42 και ανεβη Αχααβ του φαγειν και πιειν και Ηλιου ανεβη επι τον Καρμηλον και εκυψεν επι την γην και εθηκεν το προσωπον εαυτου ανα μεσον των γονατων εαυτου
43 και ειπεν τω παιδαριω αυτου αναβηθι και επιβλεψον οδον της θαλασσης και επεβλεψεν το παιδαριον και ειπεν ουκ εστιν ουθεν και ειπεν Ηλιου και συ επιστρεψον επτακι και επεστρεψεν το παιδαριον επτακι
44 και εγενετο εν τω εβδομω και ιδου νεφελη μικρα ως ιχνος ανδρος αναγουσα υδωρ και ειπεν αναβηθι και ειπον τω Αχααβ ζευξον το αρμα σου και καταβηθι μη καταλαβη σε ο υετος
45 και εγενετο εως ωδε και ωδε και ο ουρανος συνεσκοτασεν νεφελαις και πνευματι και εγενετο υετος μεγας και εκλαιεν και επορευετο Αχααβ εις Ιεζραελ
46 και χειρ κυριου επι τον Ηλιου και συνεσφιγξεν την οσφυν αυτου και ετρεχεν εμπροσθεν Αχααβ εως Ιεζραελ

Kapitel 19

1 και ανηγγειλεν Αχααβ τη Ιεζαβελ γυναικι αυτου παντα α εποιησεν Ηλιου και ως απεκτεινεν τους προφητας εν ρομφαια
2 και απεστειλεν Ιεζαβελ προς Ηλιου και ειπεν ει συ ει Ηλιου και εγω Ιεζαβελ ταδε ποιησαι μοι ο θεος και ταδε προσθειη οτι ταυτην την ωραν αυριον θησομαι την ψυχην σου καθως ψυχην ενος εξ αυτων
3 και εφοβηθη Ηλιου και ανεστη και απηλθεν κατα την ψυχην εαυτου και ερχεται εις Βηρσαβεε την Ιουδα και αφηκεν το παιδαριον αυτου εκει
4 και αυτος επορευθη εν τη ερημω οδον ημερας και ηλθεν και εκαθισεν υπο ραθμ εν και ητησατο την ψυχην αυτου αποθανειν και ειπεν ικανουσθω νυν λαβε δη την ψυχην μου απ εμου κυριε οτι ου κρεισσων εγω ειμι υπερ τους πατερας μου
5 και εκοιμηθη και υπνωσεν εκει υπο φυτον και ιδου τις ηψατο αυτου και ειπεν αυτω αναστηθι και φαγε
6 και επεβλεψεν Ηλιου και ιδου προς κεφαλης αυτου εγκρυφιας ολυριτης και καψακης υδατος και ανεστη και εφαγεν και επιεν και επιστρεψας εκοιμηθη
7 και επεστρεψεν ο αγγελος κυριου εκ δευτερου και ηψατο αυτου και ειπεν αυτω αναστα φαγε οτι πολλη απο σου η οδος
8 και ανεστη και εφαγεν και επιεν και επορευθη εν τη ισχυι της βρωσεως εκεινης τεσσαρακοντα ημερας και τεσσαρακοντα νυκτας εως ορους Χωρηβ
9 και εισηλθεν εκει εις το σπηλαιον και κατελυσεν εκει και ιδου ρημα κυριου προς αυτον και ειπεν τι συ ενταυθα Ηλιου
10 και ειπεν Ηλιου ζηλων εζηλωκα τω κυριω παντοκρατορι οτι εγκατελιπον σε οι υιοι Ισραηλ τα θυσιαστηρια σου κατεσκαψαν και τους προφητας σου απεκτειναν εν ρομφαια και υπολελειμμαι εγω μονωτατος και ζητουσι την ψυχην μου λαβειν αυτην
11 και ειπεν εξελευση αυριον και στηση ενωπιον κυριου εν τω ορει ιδου παρελευσεται κυριος και πνευμα μεγα κραταιον διαλυον ορη και συντριβον πετρας ενωπιον κυριου ουκ εν τω πνευματι κυριος και μετα το πνευμα συσσεισμος ουκ εν τω συσσεισμω κυριος
12 και μετα τον συσσεισμον πυρ ουκ εν τω πυρι κυριος και μετα το πυρ φωνη αυρας λεπτης κακει κυριος
13 και εγενετο ως ηκουσεν Ηλιου και επεκαλυψεν το προσωπον αυτου εν τη μηλωτη εαυτου και εξηλθεν και εστη υπο το σπηλαιον και ιδου προς αυτον φωνη και ειπεν τι συ ενταυθα Ηλιου
14 και ειπεν Ηλιου ζηλων εζηλωκα τω κυριω παντοκρατορι οτι εγκατελιπον την διαθηκην σου οι υιοι Ισραηλ τα θυσιαστηρια σου καθειλαν και τους προφητας σου απεκτειναν εν ρομφαια και υπολελειμμαι εγω μονωτατος και ζητουσι την ψυχην μου λαβειν αυτην
15 και ειπεν κυριος προς αυτον πορευου αναστρεφε εις την οδον σου και ηξεις εις την οδον ερημου Δαμασκου και χρισεις τον Αζαηλ εις βασιλεα της Συριας
16 και τον Ιου υιον Ναμεσσι χρισεις εις βασιλεα επι Ισραηλ και τον Ελισαιε υιον Σαφατ απο Αβελμαουλα χρισεις εις προφητην αντι σου
17 και εσται τον σωζομενον εκ ρομφαιας Αζαηλ θανατωσει Ιου και τον σωζομενον εκ ρομφαιας Ιου θανατωσει Ελισαιε
18 και καταλειψεις εν Ισραηλ επτα χιλιαδας ανδρων παντα γονατα α ουκ ωκλασαν γονυ τω Βααλ και παν στομα ο ου προσεκυνησεν αυτω
19 και απηλθεν εκειθεν και ευρισκει τον Ελισαιε υιον Σαφατ και αυτος ηροτρια εν βουσιν δωδεκα ζευγη βοων ενωπιον αυτου και αυτος εν τοις δωδεκα και επηλθεν επ αυτον και επερριψε την μηλωτην αυτου επ αυτον
20 και κατελιπεν Ελισαιε τας βοας και κατεδραμεν οπισω Ηλιου και ειπεν καταφιλησω τον πατερα μου και ακολουθησω οπισω σου και ειπεν Ηλιου αναστρεφε οτι πεποιηκα σοι
21 και ανεστρεψεν εξοπισθεν αυτου και ελαβεν τα ζευγη των βοων και εθυσεν και ηψησεν αυτα εν τοις σκευεσι των βοων και εδωκεν τω λαω και εφαγον και ανεστη και επορευθη οπισω Ηλιου και ελειτουργει αυτω

Kapitel 20

1 και αμπελων εις ην τω Ναβουθαι τω Ιεζραηλιτη παρα τω αλω Αχααβ βασιλεως Σαμαρειας
2 και ελαλησεν Αχααβ προς Ναβουθαι λεγων δος μοι τον αμπελωνα σου και εσται μοι εις κηπον λαχανων οτι εγγιων ουτος τω οικω μου και δωσω σοι αμπελωνα αλλον αγαθον υπερ αυτον ει δε αρεσκει ενωπιον σου δωσω σοι αργυριον ανταλλαγμα του αμπελωνος σου τουτου και εσται μοι εις κηπον λαχανων
3 και ειπεν Ναβουθαι προς Αχααβ μη μοι γενοιτο παρα θεου μου δουναι κληρονομιαν πατερων μου σοι
4 και εγενετο το πνευμα Αχααβ τεταραγμενον και εκοιμηθη επι της κλινης αυτου και συνεκαλυψεν το πρωσωπον αυτου και ουκ εφαγεν αρτον
5 και εισηλθεν Ιεζαβελ η γυνη αυτου προς αυτον και ελαλησεν προς αυτον τι το πνευμα σου τεταραγμενον και ουκ ει συ εσθιων αρτον
6 και ειπεν προς αυτην οτι ελαλησα προς Ναβουθαι τον Ιεζραηλιτην λεγων δος μοι τον αμπελωνα σου αργυριου ει δε βουλει δωσω σοι αμπελωνα αλλον αντ αυτου και ειπεν ου δωσω σοι κληρονομιαν πατερων μου
7 και ειπεν προς αυτον Ιεζαβελ η γυνη αυτου συ νυν ουτως ποιεις βασιλεα επι Ισραηλ αναστηθι φαγε αρτον και σαυτου γενου εγω δωσω σοι τον αμπελωνα Ναβουθαι του Ιεζραηλιτου
8 και εγραψεν βιβλιον επι τω ονοματι Αχααβ και εσφραγισατο τη σφραγιδι αυτου και απεστειλεν το βιβλιον προς τους πρεσβυτερους και τους ελευθερους τους κατοικουντας μετα Ναβουθαι
9 και εγεγραπτο εν τοις βιβλιοις λεγων νηστευσατε νηστειαν και καθισατε τον Ναβουθαι εν αρχη του λαου
10 και εγκαθισατε δυο ανδρας υιους παρανομων εξ εναντιας αυτου και καταμαρτυρησατωσαν αυτου λεγοντες ηυλογησεν θεον και βασιλεα και εξαγαγετωσαν αυτον και λιθοβολησατωσαν αυτον και αποθανετω
11 και εποιησαν οι ανδρες της πολεως αυτου οι πρεσβυτεροι και οι ελευθεροι οι κατοικουντες εν τη πολει αυτου καθα απεστειλεν προς αυτους Ιεζαβελ καθα γεγραπται εν τοις βιβλιοις οις απεστειλεν προς αυτους
12 εκαλεσαν νηστειαν και εκαθισαν τον Ναβουθαι εν αρχη του λαου
13 και ηλθον δυο ανδρες υιοι παρανομων και εκαθισαν εξ εναντιας αυτου και κατεμαρτυρησαν αυτου λεγοντες ηυλογηκας θεον και βασιλεα και εξηγαγον αυτον εξω της πολεως και ελιθοβολησαν αυτον λιθοις και απεθανεν
14 και απεστειλαν προς Ιεζαβελ λεγοντες λελιθοβοληται Ναβουθαι και τεθνηκεν
15 και εγενετο ως ηκουσεν Ιεζαβελ και ειπεν προς Αχααβ αναστα κληρονομει τον αμπελωνα Ναβουθαι του Ιεζραηλιτου ος ουκ εδωκεν σοι αργυριου οτι ουκ εστιν Ναβουθαι ζων οτι τεθνηκεν
16 και εγενετο ως ηκουσεν Αχααβ οτι τεθνηκεν Ναβουθαι ο Ιεζραηλιτης και διερρηξεν τα ιματια εαυτου και περιεβαλετο σακκον και εγενετο μετα ταυτα και ανεστη και κατεβη Αχααβ εις τον αμπελωνα Ναβουθαι του Ιεζραηλιτου κληρονομησαι αυτον
17 και ειπεν κυριος προς Ηλιου τον Θεσβιτην λεγων
18 αναστηθι και καταβηθι εις απαντην Αχααβ βασιλεως Ισραηλ του εν Σαμαρεια ιδου ουτος εν αμπελωνι Ναβουθαι οτι καταβεβηκεν εκει κληρονομησαι αυτον
19 και λαλησεις προς αυτον λεγων ταδε λεγει κυριος ως συ εφονευσας και εκληρονομησας δια τουτο ταδε λεγει κυριος εν παντι τοπω ω ελειξαν αι υες και οι κυνες το αιμα Ναβουθαι εκει λειξουσιν οι κυνες το αιμα σου και αι πορναι λουσονται εν τω αιματι σου
20 και ειπεν Αχααβ προς Ηλιου ει ευρηκας με ο εχθρος μου και ειπεν ευρηκα διοτι ματην πεπρασαι ποιησαι το πονηρον ενωπιον κυριου παροργισαι αυτον
21 ταδε λεγει κυριος ιδου εγω επαγω επι σε κακα και εκκαυσω οπισω σου και εξολεθρευσω του Αχααβ ουρουντα προς τοιχον και συνεχομενον και εγκαταλελειμμενον εν Ισραηλ
22 και δωσω τον οικον σου ως τον οικον Ιεροβοαμ υιου Ναβατ και ως τον οικον Βαασα υιου Αχια περι των παροργισματων ων παρωργισας και εξημαρτες τον Ισραηλ
23 και τη Ιεζαβελ ελαλησεν κυριος λεγων οι κυνες καταφαγονται αυτην εν τω προτειχισματι Ιεζραελ
24 τον τεθνηκοτα του Αχααβ εν τη πολει φαγονται οι κυνες και τον τεθνηκοτα αυτου εν τω πεδιω φαγονται τα πετεινα του ουρανου
25 πλην ματαιως Αχααβ ως επραθη ποιησαι το πονηρον ενωπιον κυριου ως μετεθηκεν αυτον Ιεζαβελ η γυνη αυτου
26 και εβδελυχθη σφοδρα πορευεσθαι οπισω των βδελυγματων κατα παντα α εποιησεν ο Αμορραιος ον εξωλεθρευσεν κυριος απο προσωπου υιων Ισραηλ
27 και υπερ του λογου ως κατενυγη Αχααβ απο προσωπου του κυριου και επορευετο κλαιων και διερρηξεν τον χιτωνα αυτου και εζωσατο σακκον επι το σωμα αυτου και ενηστευσεν και περιεβαλετο σακκον εν τη ημερα η επαταξεν Ναβουθαι τον Ιεζραηλιτην
28 και εγενετο ρημα κυριου εν χειρι δουλου αυτου Ηλιου περι Αχααβ και ειπεν κυριος
29 εωρακας ως κατενυγη Αχααβ απο προσωπου μου ουκ επαξω την κακιαν εν ταις ημεραις αυτου αλλ εν ταις ημεραις του υιου αυτου επαξω την κακιαν

Kapitel 21

1 και συνηθροισεν υιος Αδερ πασαν την δυναμιν αυτου και ανεβη και περιεκαθισεν επι Σαμαρειαν και τριακοντα και δυο βασιλεις μετ αυτου και πας ιππος και αρμα και ανεβησαν και περιεκαθισαν επι Σαμαρειαν και επολεμησαν επ αυτην
2 και απεστειλεν προς Αχααβ βασιλεα Ισραηλ εις την πολιν
3 και ειπεν προς αυτον ταδε λεγει υιος Αδερ το αργυριον σου και το χρυσιον σου εμον εστιν και αι γυναικες σου και τα τεκνα σου εμα εστιν
4 και απεκριθη ο βασιλευς Ισραηλ και ειπεν καθως ελαλησας κυριε βασιλευ σος εγω ειμι και παντα τα εμα
5 και ανεστρεψαν οι αγγελοι και ειπον ταδε λεγει υιος Αδερ εγω απεσταλκα προς σε λεγων το αργυριον σου και το χρυσιον σου και τας γυναικας σου και τα τεκνα σου δωσεις εμοι
6 οτι ταυτην την ωραν αυριον αποστελω τους παιδας μου προς σε και ερευνησουσιν τον οικον σου και τους οικους των παιδων σου και εσται τα επιθυμηματα οφθαλμων αυτων εφ α αν επιβαλωσι τας χειρας αυτων και λημψονται
7 και εκαλεσεν ο βασιλευς Ισραηλ παντας τους πρεσβυτερους και ειπεν γνωτε δη και ιδετε οτι κακιαν ουτος ζητει οτι απεσταλκεν προς με περι των γυναικων μου και περι των υιων μου και περι των θυγατερων μου το αργυριον μου και το χρυσιον μου ουκ απεκωλυσα απ αυτου
8 και ειπαν αυτω οι πρεσβυτεροι και πας ο λαος μη ακουσης και μη θελησης
9 και ειπεν τοις αγγελοις υιου Αδερ λεγετε τω κυριω υμων παντα οσα απεσταλκας προς τον δουλον σου εν πρωτοις ποιησω το δε ρημα τουτο ου δυνησομαι ποιησαι και απηραν οι ανδρες και επεστρεψαν αυτω λογον
10 και ανταπεστειλεν προς αυτον υιος Αδερ λεγων ταδε ποιησαι μοι ο θεος και ταδε προσθειη ει εκποιησει ο χους Σαμαρειας ταις αλωπεξιν παντι τω λαω τοις πεζοις μου
11 και απεκριθη ο βασιλευς Ισραηλ και ειπεν ικανουσθω μη καυχασθω ο κυρτος ως ο ορθος
12 και εγενετο οτε απεκριθη αυτω τον λογον τουτον πινων ην αυτος και παντες οι βασιλεις μετ αυτου εν σκηναις και ειπεν τοις παισιν αυτου οικοδομησατε χαρακα και εθεντο χαρακα επι την πολιν
13 και ιδου προφητης εις προσηλθεν τω βασιλει Ισραηλ και ειπεν ταδε λεγει κυριος ει εορακας παντα τον οχλον τον μεγαν τουτον ιδου εγω διδωμι αυτον σημερον εις χειρας σας και γνωση οτι εγω κυριος
14 και ειπεν Αχααβ εν τινι και ειπεν ταδε λεγει κυριος εν τοις παιδαριοις των αρχοντων των χωρων και ειπεν Αχααβ τις συναψει τον πολεμον και ειπεν συ
15 και επεσκεψατο Αχααβ τα παιδαρια των αρχοντων των χωρων και εγενοντο διακοσιοι και τριακοντα και μετα ταυτα επεσκεψατο τον λαον παν υιον δυναμεως εξηκοντα χιλιαδας
16 και εξηλθεν μεσημβριας και υιος Αδερ πινων μεθυων εν Σοκχωθ αυτος και οι βασιλεις τριακοντα και δυο βασιλεις συμβοηθοι μετ αυτου
17 και εξηλθον παιδαρια αρχοντων των χωρων εν πρωτοις και αποστελλουσιν και απαγγελλουσιν τω βασιλει Συριας λεγοντες ανδρες εξεληλυθασιν εκ Σαμαρειας
18 και ειπεν αυτοις ει εις ειρηνην ουτοι εκπορευονται συλλαβετε αυτους ζωντας και ει εις πολεμον ζωντας συλλαβετε αυτους
19 και μη εξελθατωσαν εκ της πολεως τα παιδαρια αρχοντων των χωρων και η δυναμις οπισω αυτων
20 επαταξεν εκαστος τον παρ αυτου και εδευτερωσεν εκαστος τον παρ αυτου και εφυγεν Συρια και κατεδιωξεν αυτους Ισραηλ και σωζεται υιος Αδερ βασιλευς Συριας εφ ιππου ιππεως
21 και εξηλθεν βασιλευς Ισραηλ και ελαβεν παντας τους ιππους και τα αρματα και επαταξεν πληγην μεγαλην εν Συρια
22 και προσηλθεν ο προφητης προς βασιλεα Ισραηλ και ειπεν κραταιου και γνωθι και ιδε τι ποιησεις οτι επιστρεφοντος του ενιαυτου υιος Αδερ βασιλευς Συριας αναβαινει επι σε
23 και οι παιδες βασιλεως Συριας ειπον θεος ορεων θεος Ισραηλ και ου θεος κοιλαδων δια τουτο εκραταιωσεν υπερ ημας εαν δε πολεμησωμεν αυτους κατ ευθυ ει μη κραταιωσομεν υπερ αυτους
24 και το ρημα τουτο ποιησον αποστησον τους βασιλεις εκαστον εις τον τοπον αυτων και θου αντ αυτων σατραπας
25 και αλλαξομεν σοι δυναμιν κατα την δυναμιν την πεσουσαν απο σου και ιππον κατα την ιππον και αρματα κατα τα αρματα και πολεμησομεν προς αυτους κατ ευθυ και κραταιωσομεν υπερ αυτους και ηκουσεν της φωνης αυτων και εποιησεν ουτως
26 και εγενετο επιστρεψαντος του ενιαυτου και επεσκεψατο υιος Αδερ την Συριαν και ανεβη εις Αφεκα εις πολεμον επι Ισραηλ
27 και οι υιοι Ισραηλ επεσκεπησαν και παρεγενοντο εις απαντην αυτων και παρενεβαλεν Ισραηλ εξ εναντιας αυτων ωσει δυο ποιμνια αιγων και Συρια επλησεν την γην
28 και προσηλθεν ο ανθρωπος του θεου και ειπεν τω βασιλει Ισραηλ ταδε λεγει κυριος ανθ ων ειπεν Συρια θεος ορεων κυριος ο θεος Ισραηλ και ου θεος κοιλαδων αυτος και δωσω την δυναμιν την μεγαλην ταυτην εις χειρα σην και γνωση οτι εγω κυριος
29 και παρεμβαλλουσιν ουτοι απεναντι τουτων επτα ημερας και εγενετο εν τη ημερα τη εβδομη και προσηγαγεν ο πολεμος και επαταξεν Ισραηλ την Συριαν εκατον χιλιαδας πεζων μια ημερα
30 και εφυγον οι καταλοιποι εις Αφεκα εις την πολιν και επεσεν το τειχος επι εικοσι και επτα χιλιαδας ανδρων των καταλοιπων και υιος Αδερ εφυγεν και εισηλθεν εις τον οικον του κοιτωνος εις το ταμιειον
31 και ειπεν τοις παισιν αυτου οιδα οτι βασιλεις Ισραηλ βασιλεις ελεους εισιν επιθωμεθα δη σακκους επι τας οσφυας ημων και σχοινια επι τας κεφαλας ημων και εξελθωμεν προς βασιλεα Ισραηλ ει πως ζωογονησει τας ψυχας ημων
32 και περιεζωσαντο σακκους επι τας οσφυας αυτων και εθεσαν σχοινια επι τας κεφαλας αυτων και ειπον τω βασιλει Ισραηλ δουλος σου υιος Αδερ λεγει ζησατω δη η ψυχη μου και ειπεν ει ετι ζη αδελφος μου εστιν
33 και οι ανδρες οιωνισαντο και εσπευσαν και ανελεξαν τον λογον εκ του στοματος αυτου και ειπον αδελφος σου υιος Αδερ και ειπεν εισελθατε και λαβετε αυτον και εξηλθεν προς αυτον υιος Αδερ και αναβιβαζουσιν αυτον προς αυτον επι το αρμα
34 και ειπεν προς αυτον τας πολεις ας ελαβεν ο πατηρ μου παρα του πατρος σου αποδωσω σοι και εξοδους θησεις σαυτω εν Δαμασκω καθως εθετο ο πατηρ μου εν Σαμαρεια και εγω εν διαθηκη εξαποστελω σε και διεθετο αυτω διαθηκην και εξαπεστειλεν αυτον
35 και ανθρωπος εις εκ των υιων των προφητων ειπεν προς τον πλησιον αυτου εν λογω κυριου παταξον δη με και ουκ ηθελησεν ο ανθρωπος παταξαι αυτον
36 και ειπεν προς αυτον ανθ ων ουκ ηκουσας της φωνης κυριου ιδου συ αποτρεχεις απ εμου και παταξει σε λεων και απηλθεν απ αυτου και ευρισκει αυτον λεων και επαταξεν αυτον
37 και ευρισκει ανθρωπον αλλον και ειπεν παταξον με δη και επαταξεν αυτον ο ανθρωπος παταξας και συνετριψεν
38 και επορευθη ο προφητης και εστη τω βασιλει Ισραηλ επι της οδου και κατεδησατο τελαμωνι τους οφθαλμους αυτου
39 και εγενετο ως ο βασιλευς παρεπορευετο και ουτος εβοα προς τον βασιλεα και ειπεν ο δουλος σου εξηλθεν επι την στρατιαν του πολεμου και ιδου ανηρ εισηγαγεν προς με ανδρα και ειπεν προς με φυλαξον τουτον τον ανδρα εαν δε εκπηδων εκπηδηση και εσται η ψυχη σου αντι της ψυχης αυτου η ταλαντον αργυριου στησεις
40 και εγενηθη περιεβλεψατο ο δουλος σου ωδε και ωδε και ουτος ουκ ην και ειπεν προς αυτον ο βασιλευς Ισραηλ ιδου και τα ενεδρα παρ εμοι εφονευσας
41 και εσπευσεν και αφειλεν τον τελαμωνα απο των οφθαλμων αυτου και επεγνω αυτον ο βασιλευς Ισραηλ οτι εκ των προφητων ουτος
42 και ειπεν προς αυτον ταδε λεγει κυριος διοτι εξηνεγκας συ ανδρα ολεθριον εκ χειρος σου και εσται η ψυχη σου αντι της ψυχης αυτου και ο λαος σου αντι του λαου αυτου
43 και απηλθεν ο βασιλευς Ισραηλ συγκεχυμενος και εκλελυμενος και ερχεται εις Σαμαρειαν

Kapitel 22

1 και εκαθισεν τρια ετη και ουκ ην πολεμος ανα μεσον Συριας και ανα μεσον Ισραηλ
2 και εγενηθη εν τω ενιαυτω τω τριτω και κατεβη Ιωσαφατ βασιλευς Ιουδα προς βασιλεα Ισραηλ
3 και ειπεν βασιλευς Ισραηλ προς τους παιδας αυτου ει οιδατε οτι ημιν Ρεμμαθ Γαλααδ και ημεις σιωπωμεν λαβειν αυτην εκ χειρος βασιλεως Συριας
4 και ειπεν βασιλευς Ισραηλ προς Ιωσαφατ αναβηση μεθ ημων εις Ρεμμαθ Γαλααδ εις πολεμον και ειπεν Ιωσαφατ καθως εγω ουτως και συ καθως ο λαος μου ο λαος σου καθως οι ιπποι μου οι ιπποι σου
5 και ειπεν Ιωσαφατ βασιλευς Ιουδα προς βασιλεα Ισραηλ επερωτησατε δη σημερον τον κυριον
6 και συνηθροισεν ο βασιλευς Ισραηλ παντας τους προφητας ως τετρακοσιους ανδρας και ειπεν αυτοις ο βασιλευς ει πορευθω εις Ρεμμαθ Γαλααδ εις πολεμον η επισχω και ειπαν αναβαινε και διδους δωσει κυριος εις χειρας του βασιλεως
7 και ειπεν Ιωσαφατ προς βασιλεα Ισραηλ ουκ εστιν ωδε προφητης του κυριου και επερωτησομεν τον κυριον δι αυτου
8 και ειπεν ο βασιλευς Ισραηλ προς Ιωσαφατ ετι εστιν ανηρ εις του επερωτησαι τον κυριον δι αυτου και εγω μεμισηκα αυτον οτι ου λαλει περι εμου καλα αλλ η κακα Μιχαιας υιος Ιεμλα και ειπεν Ιωσαφατ βασιλευς Ιουδα μη λεγετω ο βασιλευς ουτως
9 και εκαλεσεν ο βασιλευς Ισραηλ ευνουχον ενα και ειπεν ταχος Μιχαιαν υιον Ιεμλα
10 και ο βασιλευς Ισραηλ και Ιωσαφατ βασιλευς Ιουδα εκαθηντο ανηρ επι του θρονου αυτου ενοπλοι εν ταις πυλαις Σαμαρειας και παντες οι προφηται επροφητευον ενωπιον αυτων
11 και εποιησεν εαυτω Σεδεκιας υιος Χανανα κερατα σιδηρα και ειπεν ταδε λεγει κυριος εν τουτοις κερατιεις την Συριαν εως συντελεσθη
12 και παντες οι προφηται επροφητευον ουτως λεγοντες αναβαινε εις Ρεμμαθ Γαλααδ και ευοδωσει και δωσει κυριος εις χειρας σου και τον βασιλεα Συριας
13 και ο αγγελος ο πορευθεις καλεσαι τον Μιχαιαν ελαλησεν αυτω λεγων ιδου δη λαλουσιν παντες οι προφηται εν στοματι ενι καλα περι του βασιλεως γινου δη και συ εις λογους σου κατα τους λογους ενος τουτων και λαλησον καλα
14 και ειπεν Μιχαιας ζη κυριος οτι α αν ειπη κυριος προς με ταυτα λαλησω
15 και ηλθεν προς τον βασιλεα και ειπεν αυτω ο βασιλευς Μιχαια ει αναβω εις Ρεμμαθ Γαλααδ εις πολεμον η επισχω και ειπεν αναβαινε και ευοδωσει και δωσει κυριος εις χειρα του βασιλεως
16 και ειπεν αυτω ο βασιλευς ποσακις εγω ορκιζω σε οπως λαλησης προς με αληθειαν εν ονοματι κυριου
17 και ειπεν Μιχαιας ουχ ουτως εωρακα παντα τον Ισραηλ διεσπαρμενον εν τοις ορεσιν ως ποιμνιον ω ουκ εστιν ποιμην και ειπεν κυριος ου κυριος τουτοις αναστρεφετω εκαστος εις τον οικον αυτου εν ειρηνη
18 και ειπεν βασιλευς Ισραηλ προς Ιωσαφατ βασιλεα Ιουδα ουκ ειπα προς σε ου προφητευει ουτος μοι καλα διοτι αλλ η κακα
19 και ειπεν Μιχαιας ουχ ουτως ουκ εγω ακουε ρημα κυριου ουχ ουτως ειδον τον κυριον θεον Ισραηλ καθημενον επι θρονου αυτου και πασα η στρατια του ουρανου ειστηκει περι αυτον εκ δεξιων αυτου και εξ ευωνυμων αυτου
20 και ειπεν κυριος τις απατησει τον Αχααβ βασιλεα Ισραηλ και αναβησεται και πεσειται εν Ρεμμαθ Γαλααδ και ειπεν ουτος ουτως και ουτος ουτως
21 και εξηλθεν πνευμα και εστη ενωπιον κυριου και ειπεν εγω απατησω αυτον και ειπεν προς αυτον κυριος εν τινι
22 και ειπεν εξελευσομαι και εσομαι πνευμα ψευδες εν στοματι παντων των προφητων αυτου και ειπεν απατησεις και γε δυνησει εξελθε και ποιησον ουτως
23 και νυν ιδου εδωκεν κυριος πνευμα ψευδες εν στοματι παντων των προφητων σου τουτων και κυριος ελαλησεν επι σε κακα
24 και προσηλθεν Σεδεκιου υιος Χανανα και επαταξεν τον Μιχαιαν επι την σιαγονα και ειπεν ποιον πνευμα κυριου το λαλησαν εν σοι
25 και ειπεν Μιχαιας ιδου συ οψη εν τη ημερα εκεινη οταν εισελθης ταμιειον του ταμιειου του κρυβηναι
26 και ειπεν ο βασιλευς Ισραηλ λαβετε τον Μιχαιαν και αποστρεψατε αυτον προς Εμηρ τον αρχοντα της πολεως και τω Ιωας υιω του βασιλεως
27 ειπον θεσθαι τουτον εν φυλακη και εσθιειν αυτον αρτον θλιψεως και υδωρ θλιψεως εως του επιστρεψαι με εν ειρηνη
28 και ειπεν Μιχαιας εαν επιστρεφων επιστρεψης εν ειρηνη ουκ ελαλησεν κυριος εν εμοι
29 και ανεβη βασιλευς Ισραηλ και Ιωσαφατ βασιλευς Ιουδα μετ αυτου εις Ρεμμαθ Γαλααδ
30 και ειπεν βασιλευς Ισραηλ προς Ιωσαφατ βασιλεα Ιουδα συγκαλυψομαι και εισελευσομαι εις τον πολεμον και συ ενδυσαι τον ιματισμον μου και συνεκαλυψατο ο βασιλευς Ισραηλ και εισηλθεν εις τον πολεμον
31 και βασιλευς Συριας ενετειλατο τοις αρχουσι των αρματων αυτου τριακοντα και δυσιν λεγων μη πολεμειτε μικρον και μεγαν αλλ η τον βασιλεα Ισραηλ μονωτατον
32 και εγενετο ως ειδον οι αρχοντες των αρματων τον Ιωσαφατ βασιλεα Ιουδα και αυτοι ειπον φαινεται βασιλευς Ισραηλ ουτος και εκυκλωσαν αυτον πολεμησαι και ανεκραξεν Ιωσαφατ
33 και εγενετο ως ειδον οι αρχοντες των αρματων οτι ουκ εστιν βασιλευς Ισραηλ ουτος και απεστρεψαν απ αυτου
34 και ενετεινεν εις το τοξον ευστοχως και επαταξεν τον βασιλεα Ισραηλ ανα μεσον του πνευμονος και ανα μεσον του θωρακος και ειπεν τω ηνιοχω αυτου επιστρεψον τας χειρας σου και εξαγαγε με εκ του πολεμου οτι τετρωμαι
35 και ετροπωθη ο πολεμος εν τη ημερα εκεινη και ο βασιλευς ην εστηκως επι του αρματος εξ εναντιας Συριας απο πρωι εως εσπερας και απεχυννε το αιμα εκ της πληγης εις τον κολπον του αρματος και απεθανεν εσπερας και εξεπορευετο το αιμα της τροπης εως του κολπου του αρματος
36 και εστη ο στρατοκηρυξ δυνοντος του ηλιου λεγων εκαστος εις την εαυτου πολιν και εις την εαυτου γην
37 οτι τεθνηκεν ο βασιλευς και ηλθον εις Σαμαρειαν και εθαψαν τον βασιλεα εν Σαμαρεια
38 και απενιψαν το αρμα επι την κρηνην Σαμαρειας και εξελειξαν αι υες και οι κυνες το αιμα και αι πορναι ελουσαντο εν τω αιματι κατα το ρημα κυριου ο ελαλησεν
39 και τα λοιπα των λογων Αχααβ και παντα α εποιησεν και οικον ελεφαντινον ον ωκοδομησεν και πασας τας πολεις ας εποιησεν ουκ ιδου ταυτα γεγραπται εν βιβλιω λογων των ημερων των βασιλεων Ισραηλ
40 και εκοιμηθη Αχααβ μετα των πατερων αυτου και εβασιλευσεν Οχοζιας υιος αυτου αντ αυτου
41 και Ιωσαφατ υιος Ασα εβασιλευσεν επι Ιουδα ετει τεταρτω τω Αχααβ βασιλεως Ισραηλ εβασιλευσεν
42 Ιωσαφατ υιος τριακοντα και πεντε ετων εν τω βασιλευειν αυτον και εικοσι και πεντε ετη εβασιλευσεν εν Ιερουσαλημ και ονομα τη μητρι αυτου Αζουβα θυγατηρ Σελει
43 και επορευθη εν παση οδω Ασα του πατρος αυτου ουκ εξεκλινεν απ αυτης του ποιησαι το ευθες εν οφθαλμοις κυριου
44 πλην των υψηλων ουκ εξηρεν ετι ο λαος εθυσιαζεν και εθυμιων εν τοις υψηλοις
45 και ειρηνευσεν Ιωσαφατ μετα βασιλεως Ισραηλ
46 και τα λοιπα των λογων Ιωσαφατ και αι δυναστειαι αυτου οσα εποιησεν ουκ ιδου ταυτα γεγραμμενα εν βιβλιω λογων των ημερων των βασιλεων Ιουδα
47
48
49
50
51 και εκοιμηθη Ιωσαφατ μετα των πατερων αυτου και εταφη παρα τοις πατρασιν αυτου εν πολει Δαυιδ του πατρος αυτου και εβασιλευσεν Ιωραμ υιος αυτου αντ αυτου
52 και Οχοζιας υιος Αχααβ εβασιλευσεν επι Ισραηλ εν Σαμαρεια εν ετει επτακαιδεκατω Ιωσαφατ βασιλει Ιουδα και εβασιλευσεν εν Ισραηλ ετη δυο
53 και εποιησεν το πονηρον εναντιον κυριου και επορευθη εν οδω Αχααβ του πατρος αυτου και εν οδω Ιεζαβελ της μητρος αυτου και εν ταις αμαρτιαις οικου Ιεροβοαμ υιου Ναβατ ος εξημαρτεν τον Ισραηλ
54 και εδουλευσεν τοις Βααλιμ και προσεκυνησεν αυτοις και παρωργισεν τον κυριον θεον Ισραηλ κατα παντα τα γενομενα εμπροσθεν αυτου

Andre bøger